Month: January 2025
-
Crime
കാഞ്ഞിരമറ്റത്ത് ന്യൂ ഇയര്‍ തലേന്ന് വാഹനങ്ങള്‍ കൂട്ടിയിടിച്ച് അപകടം; തര്‍ക്കത്തിനിടെ അടിയേറ്റ് യുവാവ് ചികിത്സയിലിരിക്കെ മരിച്ചു
കൊച്ചി: വാഹനങ്ങള്‍ തമ്മില്‍ കൂട്ടി ഇടിച്ചതുമായി ബന്ധപ്പെട്ടുണ്ടായ തര്‍ക്കത്തിനിടെ അടിയേറ്റ് ചികിത്സയിലായിരുന്ന യുവാവ് മരിച്ചു. കാഞ്ഞിരമറ്റം സ്വദേശി ഹനീഫയാണ് ഗുരുതര പരിക്കേറ്റ് ചികിത്സയിലിരിക്കെ ഇന്ന് വെളുപ്പിന് മരണപ്പെട്ടത്. ന്യൂ ഇയര്‍ തലേന്ന് എറണാകുളം കാഞ്ഞിരമറ്റത്ത് വെച്ചാണ് അപകടം സംഭവിച്ചത്. 31 ന് വൈകിട്ട് കാഞ്ഞിരമറ്റത്ത് വെച്ച് ഹനീഫയുടെ വാഹനം ഷിബു എന്നയാളുടെ വാഹനത്തില്‍ ഇടിച്ചതോടെയാണ് സംഭവങ്ങളുടെ തുടക്കം. തുടര്‍ന്നുണ്ടായ തര്‍ക്കത്തിനിടെയാണ് ഹനീഫക്ക് മര്‍ദ്ദനമേറ്റത്. ഷിബുവിന്റെ അടിയേറ്റ് ആരോഗ്യ നില മോശമായിഹനീഫ കുഴഞ്ഞ് വീണു. ഷിബു തന്നെയാണ് ഒടുവില്‍ ഹനീഫയെ ആശുപത്രിയില്‍ ആക്കിയത്. കൊച്ചിയിലെ ആശുപത്രിയില്‍ ചികിത്സയിലിരിക്കെയാണ് ഹനീഫ ഇന്ന് വെളുപ്പിന് മരിക്കുന്നത്. നിലവില്‍ ദേഹോപദ്രവം ചെയ്തതിനു മുളന്തുരുത്തി പൊലീസ് ഷിബുവിനെതിരെ കേസെടുത്തിട്ടുണ്ട്. കൊലപാതകം എന്നു ഉറപ്പിക്കാന്‍ പോസ്റ്റ് മോര്‍ട്ടം റിപ്പോര്‍ട്ട് വരണമെന്നും, റിപ്പോര്‍ട്ട് ലഭിച്ചതിന് ശേഷം തുടര്‍ നടപടികള്‍ സ്വീകരിക്കുമെന്നും പൊലീസ് പറഞ്ഞു.
Read More » -
Kerala
പൈലറ്റിന്റെ ഡ്യൂട്ടി സമയം കഴിഞ്ഞു; യാത്രക്കാര്‍ നെടുമ്പാശ്ശേരിയില്‍ കുടുങ്ങി
കൊച്ചി: പൈലറ്റിന്റെ ഡ്യൂട്ടി സമയം കഴിഞ്ഞതുമൂലം മലേഷ്യയിലേക്കുള്ള യാത്രക്കാര്‍ നെടുമ്പാശ്ശേരി വിമാനത്താവളത്തില്‍ കുടുങ്ങി. ശനിയാഴ്ച രാത്രി 11 ന് മലേഷ്യയിലേക്ക് മലിന്‍ഡോ വിമാനത്തില്‍ പോകേണ്ടിയിരുന്ന 140 യാത്രക്കാരാണ് കുടുങ്ങിയത്. തുടര്‍ന്ന് യാത്രക്കാരെ ഹോട്ടലുകളിലേക്ക് മാറ്റി. മറ്റൊരു പൈലറ്റ് എത്തി ഇന്ന് വൈകിട്ട് 5 ന് മാത്രമേ യാത്രക്കാരെ മലേഷ്യയിലേക്ക് കൊണ്ടുപോകുകയുള്ളൂ. ഒരു പൈലറ്റിന് നിശ്ചിത സമയം മാത്രമാണ് വിമാനം പറത്താന്‍ അനുമതിയുള്ളത്. കാലാവസ്ഥ പ്രതികൂലമാലതിനാല്‍ പല വിമാനങ്ങളും സമയം തെറ്റിയാണ് സര്‍വീസ് നടത്തുന്നത്. മലിന്‍ഡോ എയര്‍ലൈന്‍സ് പോലുള്ള കമ്പനികള്‍ക്ക് പ്രധാന സ്ഥലങ്ങളില്‍ അല്ലാതെ രണ്ടില്‍ കൂടുതല്‍ പൈലറ്റുമാര്‍ ക്യാംപ് ചെയ്യാറില്ല. ഇതാണ് പ്രതിസന്ധിയുണ്ടാക്കിയത്. കനത്ത മഞ്ഞിനെ തുടര്‍ന്ന് ഡല്‍ഹിയില്‍ നിന്നുള്ള വിമാനങ്ങളെല്ലാം നെടുമ്പാശേരിയില്‍ വൈകിയാണെത്തുന്നത്.
Read More » -
Kerala
ചെന്നിത്തലയ്ക്കെതിരെ ഒളിയമ്പുമായി മുരളീധരന്‍; ‘ആരെങ്കിലും പുകഴ്ത്തിയാല്‍ മുഖ്യമന്ത്രിയാകില്ല’
കോഴിക്കോട്: രമേശ് ചെന്നിത്തലയ്ക്കെതിരെ ഒളിയമ്പുമായി കെ. മുരളീധരന്‍. ആരെങ്കിലും പുകഴ്ത്തിയെന്നു പറഞ്ഞ് മുഖ്യമന്ത്രിയാകില്ലെന്ന് അദ്ദേഹം പറഞ്ഞു. മുസ്ലിം ലീഗ് സംസ്ഥാന പ്രസിഡന്റ് സാദിഖലി ശിഹാബ് തങ്ങളും എന്‍.എസ്.എസ് ജനറല്‍ സെക്രട്ടറി സുകുമാരന്‍ നായരും അടക്കമുള്ളവര്‍ ചെന്നിത്തലയെ പുകഴ്ത്തി സംസാരിച്ചതിന് പിന്നാലെയാണ് മുരളീധരന്റെ ഒളിയമ്പ്. കോണ്‍ഗ്രസിന് ചില ചിട്ടവട്ടങ്ങളുണ്ടെന്നും നിയമസഭാകക്ഷിയുടെ ഭൂരിപക്ഷം നോക്കേണ്ടതുണ്ടെന്നും അദ്ദേഹം ചൂണ്ടിക്കാട്ടി. ഡല്‍ഹിയുടെ അഭിപ്രായം അറിയണം. കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെയും രാഹുല്‍ ഗാന്ധിയും ഉള്ളപ്പോള്‍ ഈ വിഷയം ഇവിടെ ചര്‍ച്ചചെയ്യേണ്ട ഒരാവശ്യവുമില്ലെന്നും കെ മുരളീധരന്‍ പറഞ്ഞു.. എല്ലാവരും എല്ലാവരെയും പുകഴ്ത്താറുണ്ട്. ആരും ഇകഴ്ത്താറില്ല. ഇത് ഇവിടെ വെറുതെ ചര്‍ച്ചചെയ്യേണ്ട ഒരാവശ്യവുമില്ല. എല്ലാ സമുദായങ്ങളും കോണ്‍ഗ്രസുകാരെ സ്വീകരിക്കുന്നത് നല്ലകാര്യമല്ലേ. ഗ്രൂപ്പിന്റെയൊക്കെ കാലഘട്ടം അസ്തമിച്ചു. അതിനൊന്നും ഇനി പ്രസക്തിയില്ല. അതിനൊന്നും പ്രവര്‍ത്തകരെയും കിട്ടില്ല. ഇതൊക്കെ നേതാക്കന്മാര്‍ക്ക് ഓരോ സ്ഥാനം കിട്ടാനുള്ള സംവിധാനമാണ് ഗ്രൂപ്പിസമെന്ന് എല്ലാവര്‍ക്കും മനസിലായി – കെ. മുരളീധരന്‍ പറഞ്ഞു. ചെന്നിത്തലയെ പ്രശംസിച്ചുകൊണ്ട് പാണക്കാട് സാദിഖലി ശിഹാബ് തങ്ങള്‍…
Read More » -
Kerala
ബിജെപിയില്‍ കരുനീക്കം അതിവേഗം; ശോഭയും കൃഷ്ണദാസും ഡല്‍ഹിയില്‍; രമേശിന് അവസരമുണ്ടാകുമോ?
തിരുവനന്തപുരം: പുതിയ സംസ്ഥാന അധ്യക്ഷനെ കണ്ടെത്താന്‍ ബിജെപി നടപടികള്‍ ആരംഭിക്കാനിരിക്കെ നിലവിലെ അധ്യക്ഷന്‍ കെ.സുരേന്ദ്രന് തുടരുമോ ഒഴിയുമോ എന്നതില്‍ ചര്‍ച്ചകള്‍ സജീവം. അഞ്ചു വര്‍ഷമായി പ്രസിഡന്റ് സ്ഥാനത്ത് തുടരുകയാണ് കെ.സുരേന്ദ്രന്. 3 വര്‍ഷമാണ് ഒരു ടേം. കേന്ദ്ര നേതൃത്വം സുരേന്ദ്രന് കാലാവധി നീട്ടി നല്‍കുകയായിരുന്നു. പ്രസിഡന്റായ സുരേന്ദ്രന് മത്സരിക്കാന്‍ തടസ്സമില്ല. മത്സരമില്ലാതെ, കേന്ദ്രം നിര്‍ദേശിക്കുന്ന പേര് അംഗീകരിക്കപ്പെടാനാണ് സാധ്യത. പി.കെ.കൃഷ്ണദാസാണ് മത്സരത്തിലൂടെ അവസാനം സംസ്ഥാന അധ്യക്ഷനായത്. ലോക്‌സഭാ തിരഞ്ഞെടുപ്പിലെ പ്രകടനത്തിന്റെ പേരില്‍ സുരേന്ദ്രന് തുടരുമെന്നാണ് അദ്ദേഹത്തെ അനുകൂലിക്കുന്നവര്‍ പറയുന്നത്. തദ്ദേശ തിരഞ്ഞെടുപ്പ് കഴിയുന്നതുവരെ സ്ഥാനം നീട്ടി നല്‍കാന്‍ സാധ്യതയുണ്ട്. ശോഭാ സുരേന്ദ്രന്, പി.കെ.കൃഷ്ണദാസ്, എം.ടി.രമേശ് എന്നിവരുടെ പേരുകളും ചര്‍ച്ചകളിലുണ്ട്. ബിജെപിയുടെ സംസ്ഥാന അധ്യക്ഷ സ്ഥാനത്തേക്ക് വനിത എത്തിയിട്ടില്ല. ലോക്‌സഭാ തിരഞ്ഞെടുപ്പില്‍ ശോഭ മത്സരിച്ച മണ്ഡലങ്ങളില്‍ വോട്ട് വിഹിതം വലിയ രീതിയില്‍ ഉയര്‍ന്നിരുന്നു. എന്നാല്‍, ശോഭയുടെ പ്രവര്‍ത്തന രീതിയോട് വിയോജിപ്പുള്ളവര്‍ പാര്‍ട്ടിയിലുണ്ട്. ശോഭ സുരേന്ദ്രന് ഡല്‍ഹിയിലെത്തി കേന്ദ്ര നേതാക്കളുമായി ചര്‍ച്ച നടത്തിക്കഴിഞ്ഞു. പി.കെ.കൃഷ്ണദാസും…
Read More » -
Crime
ഇന്‍സ്റ്റഗ്രാമിലൂടെ പരിചയം പ്രണയമായി; അഞ്ചാം ക്ലാസ് വിദ്യാര്‍ത്ഥിനി 16കാരന്റെ കൂടെ ഒളിച്ചോടി; മൂന്ന് സുഹൃത്തുക്കളുടെ സഹായം
അഹമ്മദാബാദ്: പത്ത് വയസ്സുള്ള പെണ്‍കുട്ടി ഇന്‍സ്റ്റഗ്രാമില്‍ പരിചയപ്പെട്ട 16 വയസ്സുള്ള ആണ്‍കുട്ടിയുമായി ഒളിച്ചോടി. പെണ്‍കുട്ടിയുടെ വീട്ടുകാര്‍ പരാതി നല്‍കിയതോടെ പൊലീസ് നടത്തിയ അന്വേഷണത്തില്‍ മണിക്കൂറുകള്‍ക്കകം സമീപ ഗ്രാമത്തില്‍ നിന്ന് പെണ്‍കുട്ടിയെ കണ്ടെത്തി. ഗുജറാത്തിലാണ് സംഭവം. ഡിസംബര്‍ 31നാണ് അഞ്ചാം ക്ലാസ് വിദ്യാര്‍ത്ഥിനിയായ പെണ്‍കുട്ടിയെ ധന്സുര ഗ്രാമത്തിലെ വീട്ടില്‍ നിന്ന് കാണാതായത്. മണിക്കൂറുകള്‍ നീണ്ട തിരച്ചിലിനൊടുവില്‍ പെണ്‍കുട്ടിയെ തട്ടിക്കൊണ്ടുപോയെന്ന് ചൂണ്ടിക്കാട്ടി വീട്ടുകാര്‍ പൊലീസില്‍ പരാതി നല്‍കി. തുടര്‍ന്ന് പൊലീസ് നടത്തിയ അന്വേഷണത്തില്‍ പ്രായപൂര്‍ത്തിയാകാത്ത പെണ്‍കുട്ടിയും ആണ്‍കുട്ടിയും ഇന്‍സ്റ്റാഗ്രാമിലൂടെ പരിചയപ്പെടുകയും പ്രണയത്തിലാകുകയും ചെയ്തതായി കണ്ടെത്തുകയായിരുന്നു. ഇവര്‍ മൂന്ന് സുഹൃത്തുക്കളുടെ സഹായത്തോടെയാണ് ഒളിച്ചോടാനുള്ള പദ്ധതി തയ്യാറാക്കിയതെന്നും വ്യക്തമായി. പെണ്‍കുട്ടിയുടെ അച്ഛന് സോഷ്യല്‍ മീഡിയയെക്കുറിച്ച് കാര്യമായി ഒന്നും അറിയില്ല. അതിനാല്‍, പെണ്‍കുട്ടി അമ്മയുടെ ഫോണില്‍ നിന്നാണ് ഇന്‍സ്റ്റാഗ്രാം ഉപയോഗിച്ചത്. മറ്റൊരു ഗ്രാമത്തില്‍ താമസിക്കുന്ന ആണ്‍കുട്ടിയുമായി പരിചയപ്പെട്ട പെണ്‍കുട്ടി നിരന്തരമായി ഫോണില്‍ സംസാരിക്കാറുണ്ടായിരുന്നുവെന്നും പൊലീസ് മനസിലാക്കി. തുടര്‍ന്ന് പൊലീസ് പെണ്‍കുട്ടിയെ കണ്ടെത്തി വീട്ടുകാര്‍ക്ക് കൈമാറി. പെണ്‍കുട്ടിയുടെ വീട്ടുകാര്‍ നല്‍കിയ…
Read More » -
Crime
എറണാകുളത്ത് മെഡിക്കല്‍ വിദ്യാര്‍ഥിനി ഹോസ്റ്റലിന്റെ ഏഴാംനിലയില്‍നിന്ന് വീണ് മരിച്ചനിലയില്‍
എറണാകുളം: ചാലാക്ക ശ്രീ നാരായണ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സിന്റെ ഹോസ്റ്റല്‍ കെട്ടിടത്തിന്റെ മുകളില്‍ നിന്ന് വീണ് മെഡിക്കല്‍ വിദ്യാര്‍ത്ഥിനി മരിച്ച നിലയില്‍. മെഡിക്കല്‍ കോളജിലെ രണ്ടാം വര്‍ഷ മെഡിക്കല്‍ വിദ്യാര്‍ഥിനിയായ കണ്ണൂര്‍ സ്വദേശിനി ഫാത്തിമത് ഷഹാന കെ ആണ് മരിച്ചത്. കാല്‍ തെന്നി താഴേക്ക് വീണതാകാം അല്ലെങ്കില്‍ പിറകിലേക്ക് മറിഞ്ഞുവീണതാകാം എന്നതാണ് പൊലീസിന്റെ പ്രാഥമിക നിഗമനം. ഇന്നലെ രാത്രിയാണ് സംഭവം. ഏഴാംനിലയുടെ കോറിഡോറിന്റെ ഭാഗത്ത് നിന്നാണ് താഴേക്ക് വീണത്. സംഭവത്തില്‍ ദുരൂഹതയില്ലെന്നും അന്വേഷിച്ചുവരികയാണെന്നും പൊലീസ് പറഞ്ഞു. സംഭവത്തെ തുടര്‍ന്ന് പൊലീസ് സ്ഥലത്തെത്തി പരിശോധന നടത്തുകയാണ്. സുഹൃത്തിനൊപ്പം നടക്കുമ്പോഴാണ് സംഭവം. ഒച്ചകേട്ട് സൃഹുത്ത് തിരിഞ്ഞുനോക്കുമ്പോഴാണ് ഫാത്തിമത് ഷഹാന അപകടത്തില്‍പ്പെട്ടത് അറിയുന്നത്.
Read More » -
Crime
നാട്ടുകാര്‍ നോക്കിനില്‍ക്കെ യുവാവിനെ കുത്തി; ബന്ധു പോലീസ് സ്റ്റേഷനില്‍ കീഴടങ്ങി
തൃശ്ശൂര്‍: എടമുട്ടത്ത് യുവാവിന് കത്തിക്കുത്തേറ്റ് ഗുരുതര പരിക്ക്. തവളക്കുളം സ്വദേശി അഖിലിനാണ് പരിക്കേറ്റത്. നാട്ടുകാര്‍ നോക്കിനില്‍ക്കേ ബന്ധുവായ ആശാ നിധി എന്നയാളാണ് കുത്തിയത്. ശനിയാഴ്ച രാവിലെയാണ് സംഭവം. സംഭവശേഷം പ്രതി പോലീസ് സ്റ്റേഷനില്‍ കീഴടങ്ങി. കുടുംബവഴക്കിനെതുടര്‍ന്നാണ് ബന്ധുവായ യുവാവ് കത്തി ഉപയോഗിച്ച് കുത്തിയത്. നാട്ടുകാര്‍ നോക്കിനില്‍ക്കേയാണ് സംഭവം. എന്നാല്‍ ആയുധമായി നില്‍ക്കുന്ന പ്രതിക്കരികിലേക്ക് പോകാന്‍ ആര്‍ക്കും ധൈര്യമുണ്ടായില്ല. പ്രതി സ്ഥലത്തുനിന്ന് കുറച്ചുമാറിയ സമയത്താണ് പരിക്കേറ്റ യുവാവിനെ ആശുപത്രിയിലെത്തിച്ചത്. നിലവില്‍ തൃശ്ശൂരിലെ സ്വകാര്യ ആശുപത്രിയില്‍ ചികിത്സയിലാണ്. ആശാനിധി നേരത്തേയും കത്തിക്കുത്ത് കേസുകളില്‍ പ്രതിയാണ്. കാസര്‍കോട് ജോലി ചെയ്തുവരുന്ന ഇയാള്‍ കഴിഞ്ഞ ദിവസമാണ് തൃശ്ശൂര്‍ എടമുട്ടത്തേക്ക് എത്തിയത്. സംഭവശേഷം പോലീസ് സ്റ്റേഷനില്‍ കീഴടങ്ങിയതിന് പിന്നാലെ പ്രതിയുടെ അറസ്റ്റ് വലപ്പാട് പോലീസ് രേഖപ്പെടുത്തി.
Read More » -
Kerala
ആര്‍ജെഡിയെയും മാണി ഗ്രൂപ്പിനെയും നോട്ടമിട്ട് യുഡിഎഫ്; തിരുവമ്പാടി സീറ്റ് ജോസിന് നല്‍കാനും മടിയില്ല
തിരുവനന്തപുരം: മുന്നണി വിപുലീകരണത്തിന്റെ ഭാഗമായി ആര്‍ജെഡിയെ തിരിച്ചെത്തിക്കാന്‍ യുഡിഎഫില്‍ നീക്കം. ആര്‍ജെഡി മടങ്ങിയെത്തിയാല്‍ അതു കേരള കോണ്‍ഗ്രസിനും (എം) പ്രേരണയാകുമെന്നു കോണ്‍ഗ്രസ് കണക്കുകൂട്ടുന്നു. തദ്ദേശതിരഞ്ഞെടുപ്പിനു മുന്‍പ് യുഡിഎഫ് വിപുലീകരണത്തിന്റെ ആദ്യഘട്ടം നടപ്പിലാക്കാനാണു ശ്രമം. എല്‍ഡിഎഫിലെ അവഗണനയില്‍ ആര്‍ജെഡിക്കു കടുത്ത അമര്‍ഷമുണ്ട്. യുഡിഎഫിലായിരിക്കെ മത്സരിക്കാന്‍ 7 നിയമസഭാ സീറ്റ് ലഭിച്ചിരുന്നു. ഒപ്പം ഒരു ലോക്‌സഭാ സീറ്റും രാജ്യസഭാ സീറ്റും കിട്ടി. കൂടുതല്‍ പ്രതീക്ഷകളോടെ എല്‍ഡിഎഫിലെത്തിയ പാര്‍ട്ടിയെ തീര്‍ത്തും അവഗണിക്കുന്ന സമീപനമാണു സിപിഎമ്മില്‍നിന്നുണ്ടായത്. കഴിഞ്ഞ നിയമസഭാ തിരഞ്ഞെടുപ്പില്‍ 3 സീറ്റാണു മത്സരിക്കാന്‍ ലഭിച്ചത്. എം.പി.വീരേന്ദ്രകുമാറിനു യുഡിഎഫ് അനുവദിച്ച രാജ്യസഭാ സീറ്റ് തുടര്‍ന്ന് എം.വി.ശ്രേയാംസ്‌കുമാറിന് എല്‍ഡിഎഫില്‍ കിട്ടിയെങ്കിലും ആ കാലാവധി പൂര്‍ത്തിയാക്കിയശേഷം ലഭിച്ചില്ല. ലോക്‌സഭാ സീറ്റ് അനുവദിക്കാത്തതിനെക്കാളും പാര്‍ട്ടിയെ ചൊടിപ്പിച്ചത് മന്ത്രിസഭയില്‍നിന്നുള്ള മാറ്റിനിര്‍ത്തലാണ്. 4 ഏകാംഗ കക്ഷികള്‍ക്കു രണ്ടരവര്‍ഷം വീതം മന്ത്രിസ്ഥാനം പകുത്തുനല്‍കിയിട്ടും ആര്‍ജെഡിയെ പരിഗണിച്ചില്ല. ലോക്‌സഭാ തിരഞ്ഞെടുപ്പില്‍ ബിഹാറില്‍ 2 സീറ്റ് വീതം സിപിഎമ്മിനും സിപിഐക്കും നല്‍കിയ ആര്‍ജെഡിയോട് കേരളത്തില്‍ അതേ നീതി തിരിച്ചുകാട്ടിയില്ലെന്ന…
Read More » -
Kerala
മാനസിക വിഭ്രാന്തിയുള്ള മകന്‍ വീടിന് തീയിട്ടു; രാത്രി ആരോരുമില്ലാതെ പെരുവഴിയില്‍ തനിച്ചായി അമ്മ
തിരുവനന്തപുരം: ചെമ്പഴന്തിയില്‍ മാനസിക വിഭ്രാന്തിയുള്ള മകന്‍ രാത്രി വീടിന് തീകൊളുത്തി. വീട് പൂര്‍ണമായും കത്തി നശിച്ചു. ശനിയാഴ്ച രാത്രി എട്ടരയോട് കൂടിയാണ് സംഭവമുണ്ടായത്. അമ്മയും മകനും മാത്രമാണ് വീട്ടിലുണ്ടായിരുന്നത്. മകന്‍ വീടിന് തീകൊളുത്തുമ്പോള്‍ ഇരുവരും വീടിനകത്തായിരുന്നു. തീ ആളിപ്പടര്‍ന്നതോടെ അമ്മ മകനെയും കൂട്ടി വീടിന് പുറത്തേക്ക് ഇറങ്ങുകയായിരുന്നു. കഴക്കൂട്ടത്ത് നിന്നുള്ള ഫയര്‍ഫോഴ്‌സ് സംഘമെത്തിയാണ് തീയണച്ചത്. വീട് കത്തി നശിച്ചതോടെ പോകാന്‍ സ്ഥലമില്ലാതെ അമ്മ പെരുവഴിയിലായിരിക്കുകയാണ്. തീ പൂര്‍ണമായി അണച്ചുവെങ്കിലും വീട് ഉപയോഗിക്കാന്‍ കഴിയാത്ത നിലയില്‍ കത്തിയമര്‍ന്നതോടെ എങ്ങോട്ട് പോകുമെന്നറിയാതെ അമ്മ പെരുവഴിയിലായിരിക്കുകയാണ്.
Read More » -
India
ഇന്ത്യയുടെ ടെസ്റ്റ് ലോകകപ്പ് സ്വപ്നം തകര്‍ന്നു; ബോര്‍ഡര്‍- ഗവാസ്‌കര്‍ ട്രോഫി 10 വര്‍ഷത്തിന് ശേഷം ഓസീസിന്
സിഡ്നി: ബോര്‍ഡര്‍- ഗവാസ്‌കര്‍ ട്രോഫി പരമ്പരയില്‍ തോറ്റ് ഇന്ത്യ. ആറ് വിക്കറ്റിന് ഇന്ത്യയെ തകര്‍ത്ത് ഓസീസ് ടെസ്റ്റ് പരമ്പര ജയിച്ച് കിരീടം തിരിച്ചുപിടിച്ചു. 10 വര്‍ഷത്തിന് ശേഷമാണ് ഓസ്‌ട്രേലിയ ബോര്‍ഡര്‍- ഗവാസ്‌കര്‍ ട്രോഫി വീണ്ടും സ്വന്തമാക്കുന്നത്. സിഡ്നി ടെസ്റ്റിലെ തോല്‍വിയോടെ ഇന്ത്യയുടെ ലോക ടെസ്റ്റ് ചാമ്പ്യന്‍ഷിപ്പിന്റെ ഫൈനല്‍ മോഹവും അസ്തമിച്ചു. 3-1നാണ് ഓസീസ് പരമ്പര നേടിയത്. 162 റണ്‍സ് വിജയ ലക്ഷ്യമാണ് ഇന്ത്യ ഉയര്‍ത്തിയത്. മൂന്നാം ദിനം പൂര്‍ത്തിയാവും മുന്‍പ് ഓസീസ് അത് മറികടന്നു. ആദ്യ ടെസ്റ്റില്‍ വിജയവുമായി തുടങ്ങിയ ഇന്ത്യയെ രണ്ടാം ടെസ്റ്റില്‍ തോല്‍പിച്ച് ഓസീസ് ഒപ്പമെത്തി. മൂന്നാം ടെസ്റ്റില്‍ മഴ ഇന്ത്യയുടെ രക്ഷക്കെത്തിയപ്പോള്‍ നാലും അഞ്ചും ടെസ്റ്റ് ഓസീസ് വിജയിച്ചു. 2017-19 സീസണിന് ശേഷം ഇതാദ്യമായാണ് ഓസ്‌ട്രേലിയ ബോര്‍ഡര്‍- ഗവാസ്‌കര്‍ ട്രോഫി നേടുന്നത്. 162 റണ്‍സ് വിജയലക്ഷ്യം പിന്തുടര്‍ന്ന ഓസ്‌ട്രേലിയ 58-3 എന്ന സ്‌കോറില്‍ പതറിയെങ്കിലും ഉസ്മാന്‍ ഖവാജയുടെയും ട്രാവിസ് ഹെഡിന്റെയും ബ്യൂ വെബ്സ്റ്ററുടെയും ബാറ്റിംഗ് മികവില്‍ നാല്…
Read More »