![](https://newsthen.com/wp-content/uploads/2024/01/rahat-fath-ali-khan.jpg)
ഇസ്ലാമാബാദ്: പ്രശസ്ത പാകിസ്ഥാനി ഖവാലി ഗായകന് രഹത് ഫത്തേ അലി ഖാന് യുവാവിനെ ചെരുപ്പ് കൊണ്ട് മര്ദ്ദിക്കുന്ന ദൃശ്യങ്ങള് പുറത്ത്. കുപ്പിയുമായി ബന്ധപ്പെട്ട് ചോദ്യം ചെയ്യുന്നതിനിടെ, ശിഷ്യന് എന്ന് അവകാശപ്പെടുന്ന യുവാവിനെ ചെരുപ്പ് കൊണ്ട് തലങ്ങും വിലങ്ങും അടിച്ച ശേഷം പിടിച്ചുവലിച്ച് താഴെയിടുന്ന ദൃശ്യങ്ങള് പുറത്തുവന്നിട്ടുണ്ട്.
മര്ദ്ദനമേറ്റ യുവാവ് അലിഖാന്റെ ജോലിക്കാരനാണെന്ന് പാക് സമാ ടിവി റിപ്പോര്ട്ട് ചെയ്യുന്നു. ഒരു ബോട്ടിലുമായി ബന്ധപ്പെട്ടാണ് അലിഖാന് യുവാവിനെ ചോദ്യം ചെയ്യുന്നത്. എന്നാല് തനിക്ക് ഒന്നും അറിയില്ലെന്നും അടിക്കരുതെന്നും ഇയാള് പറയുന്നതും ദൃശ്യങ്ങളില് വ്യക്തമാണ്.
![Signature-ad](https://newsthen.com/wp-content/uploads/2024/06/signature.jpg)
വീഡിയോ വൈറലായതിന് പിന്നാലെ വിശദീകരണവുമായി രഹത്ത് രംഗത്തുവന്നു. ഒരു ഉസ്താദും വിദ്യാര്ത്ഥിയും തമ്മിലുള്ള വ്യക്തിപരമായ പ്രശ്നമാണെന്നും വിദ്യാര്ത്ഥികള് തെറ്റ് ചെയ്താല് അധ്യാപകര് ശിക്ഷിക്കുമെന്നും നല്ലത് ചെയ്താല് അവരെ സ്നേഹം കൊണ്ടും പ്രശംസ കൊണ്ടും വീര്പ്പുമുട്ടിക്കുമെന്നും രഹത്ത് വിശദീകരണത്തില് പറയുന്നു.
https://twitter.com/AskAnshul/status/1751282005277593777ss
മര്ദനത്തിനു ശേഷം തന്റെ വിദ്യാര്ത്ഥിയോട് മാപ്പ് ചോദിച്ചെന്നും അലിഖാന് വിഡിയോയില് പറയുന്നു. പുണ്യവെള്ളം സൂക്ഷിച്ച ബോട്ടില് വെച്ച സ്ഥലത്ത് കാണാതായതാണ് പ്രശ്നങ്ങള്ക്ക് തുടക്കമായതെന്നും അദ്ദേഹം തനിക്ക് അച്ഛനെ പോലെയാണെന്ന് മര്ദനമേറ്റ യുവാവ് പറഞ്ഞതായും റിപ്പോര്ട്ടുണ്ട്.