അടൂർ: പത്തനംതിട്ട- കോയമ്ബത്തൂര്‍ റൂട്ടില്‍ സർവീസ് ആരംഭിച്ച റോബിൻ ബസ് അടൂരിലേക്ക് നീട്ടുന്നു. സമയമാറ്റത്തോടെയാണ് സർവീസ് ദീർഘിപ്പിച്ചിരിക്കുന്നത്.
നിലവില്‍ പത്തനംതിട്ടയില്‍ നിന്ന് രാവിലെ അഞ്ചിന് പുറപ്പെട്ട് 12ന് കോയമ്ബത്തൂര്‍ എത്തുകയും വൈകീട്ട് അഞ്ചിന് കോയമ്ബത്തൂരില്‍ നിന്ന് പുറപ്പെട്ട് രാത്രി പന്ത്രണ്ടിന് പത്തനംതിട്ടയിലെത്തുന്ന തരത്തിലാണ് ഷെഡ്യൂള്‍.
പുതിയ ഷെഡ്യൂള്‍ പ്രകാരം ഇനി പുലര്‍ച്ചെ മൂന്നരയ്ക്ക് അടൂരില്‍ നിന്നു തുടങ്ങും. നാലിന് പത്തനംതിട്ടയെത്തും. കോയമ്ബത്തൂരില്‍ നിന്ന് തിരികെയുള്ള യാത്ര വൈകിട്ട് ആറിനാക്കും, ഫെബ്രുവരി ഒന്നു മുതലാണ് മാറ്റം.
അതേസമയം രാവിലെ 4.30ന് ആണ് കെ.എസ്.ആര്‍.ടിസിയുടെ കോയമ്ബത്തൂര്‍ സര്‍വീസ് പത്തനംതിട്ടയിൽ നിന്നും തുടങ്ങുന്നത്.പുതിയ സമയപ്രകാരം ഈ വണ്ടിയുടെ തൊട്ടുമുൻപിലാകും റോബിന്റെ സർവീസ്.
