Month: July 2023

പകരം വെക്കാനില്ലാത്ത വരകളുടെ തമ്പുരാൻ, മലയാളത്തിലെ ക്ലാസിക്ക് രചനകളിലെ കഥാപാത്രങ്ങൾ പലരും പുനർജനിച്ചത്  ആർട്ടിസ്റ്റ് നമ്പൂതിരിയുടെ  വിരൽത്തുമ്പിലൂടെ

     മലയാള സാഹിത്യത്തിലെ ക്ലാസിക്ക് രചനകളിലെ കഥാപാത്രങ്ങളിൽ പലരെയും അപൂർവ്വ സുന്ദരമായ ചാരുതയോടെ  വായനക്കാരുടെ മുന്നിലെത്തിച്ച അതുല്യ പ്രതിഭയാണ്  ആർട്ടിസ്റ്റ് നമ്പൂതിരി എന്ന കരുവാട്ടുമനയ്ക്കൽ വാസുദേവൻ നമ്പൂതിരി. ജീവിതത്തിലെ ലാളിത്യവും നിർമലതയും കലയിലും പ്രതിഫലിപ്പിച്ച അദ്ദേഹം 98-ാം  വയസിൽ ഇന്ന് രാത്രി 12.21ന് വിട പറഞ്ഞപ്പോൾ മലയാളത്തിലെ ഒരു സുവർണാധ്യായമാണ് അസ്തമിച്ചത്. കോഴിക്കോട് മിംസ് ആശുപത്രിയിൽ ചികിത്സയിലിരിക്കെയാണ്  മരണം. സ്വന്തം കഥകൾക്കും നോവലുകൾക്കും നമ്പൂതിരി തന്നെ വരയ്ക്കണമെന്ന് എം.ടി വാസുദേവൻ നായർ ഉൾപ്പടെ പല എഴുത്തുകാരും  ആഗ്രഹിച്ചിരുന്നു. വരയുടെ പരമശിവൻ എന്നാണ് വികെഎൻ അദ്ദേഹത്തെ വിശേഷിപ്പിച്ചത്. കേരളത്തിന്റെ ചിത്ര, ശിൽപ കലാ ചരിത്രങ്ങളുടെ ഒരു സുവർണാധ്യായമാണ് നമ്പൂതിരി. ആ വിരൽത്തുമ്പിൽ ചായക്കൂട്ടുകൾ മാത്രമല്ല, തടിയും ലോഹവും കല്ലും സിമന്റും മണ്ണും മരവുമെല്ലാം സുന്ദരമായി വഴങ്ങി. കളിമണ്ണിലും ലോഹത്തിലും സിമന്റിലും ധാരാളം ശിൽപങ്ങളും ചെയ്തിട്ടുണ്ട് നമ്പൂതിരി. 1925 ൽ പൊന്നാനി കരുവാട്ടില്ലത്താണ് ജനനം. അച്ഛൻ പരമേശ്വരൻ നമ്പൂതിരി, അമ്മ ശ്രീദേവി അന്തർജ്ജനം.…