ന്യൂഡൽഹി: കനത്തമഴയെ തുടർന്ന് റയിൽവെ 17 ട്രെയിന്‍ സര്‍വീസുകള്‍ റദ്ദാക്കി.12 ട്രെയിനുകള്‍ വഴിതിരിച്ചുവിടുകയും ചെയ്തു.
ഹരിയാന-പഞ്ചാബ് സെക്ടറിൽ അംബാല-ന്യൂ മൊറിന്‍ഡ, നംഗല്‍ ഡാം- ആനന്ദ്പൂര്‍ സാഹിബ്, കിരാത്പൂര്‍ സാഹിബ്- ഭരത്ഗഡിനും ഇടയിലുള്ള സര്‍വീസുകളാണ് നിര്‍ത്തിവച്ചത്.
രാജ്യത്തിന്റെ വടക്കുപടിഞ്ഞാറന്‍ ഭാഗങ്ങളില്‍ ശനിയാഴ്ചയും ഞായറാഴ്ചയും കനത്ത മഴയാണ് ലഭിച്ചത്. ഡല്‍ഹിയില്‍ കഴിഞ്ഞ 40 വര്‍ഷത്തിനിടെയിലെ റിക്കാര്‍ഡ് മഴയാണ് പെയ്തത്.
ഉത്തരാഖണ്ഡ്, ഹിമാചല്‍ പ്രദേശ്, ഹരിയാന, ഉത്തര്‍പ്രദേശ്, രാജസ്ഥാന്‍, പഞ്ചാബ് എന്നിവിടങ്ങളിലെ പല പ്രദേശങ്ങളിലും അതിശക്തമായ മഴയാണ് അനുഭവപ്പെടുന്നത്.
