Tech
-
യുദ്ധകാലത്തെ ചൈനീസ് വിസ്മയം; ഡീപ്പ് സീക്ക് അടക്കമുള്ള എഐ കമ്പനികള് ചൈനീസ് സൈന്യവുമായി കരാറില് ഏര്പ്പെട്ടതിന്റെ വിവരങ്ങള് പുറത്ത്; ആക്രമണം ഏകോപിപ്പിക്കാന് വേണ്ടത് വെറും 48 സെക്കന്ഡ്; എഐ ഡോഗ് മുതല് ഡ്രോണ്വരെ; അമേരിക്ക കയറ്റുമതി നിരോധിച്ച എന്വിഡിയ ചിപ്പുകളും വ്യാപകമായി ഉപയോഗിക്കുന്നെന്ന് റിപ്പോര്ട്ട്
ബീജിംഗ്: ലോകമെമ്പാടും വീണ്ടും യുദ്ധത്തിന്റെയും സംഘര്ഷത്തിന്റെയും കാലത്തിലൂടെ കടന്നുപോകുമ്പോള് ആര്ട്ടിഫിഷ്യല് ഇന്റലിജന്സിന്റെ സഹായത്താല് ചൈനയുടെ മുന്നേറ്റം വ്യക്തമാക്കുന്ന റിപ്പോര്ട്ട് പുറത്ത്. ചൈനയുടെ സ്വന്തം ഡീപ് സീക്ക് പോലുള്ള എഐ സാങ്കേതികവിദ്യയുടെ ബലത്തിലാണ് സ്വയം പ്രവര്ത്തിക്കുന്ന ആധുധിക വാഹനങ്ങളടക്കം ചൈന നിര്മിര്ക്കുന്നതെന്നാണു റിപ്പോര്ട്ട്. ചൈനീസ് സര്ക്കാരിന്റെ ഉടമസ്ഥതയിലുള്ള നോരിന്കോ കഴിഞ്ഞ ഫെബ്രുവരിയില് ഡീപ് സീക്കിന്റെ സഹായത്താല് പ്രവര്ത്തിക്കുന്ന സൈനിക വാഹനത്തിന്റെ വിവരങ്ങള് പുറത്തുവിട്ടിരുന്നു. മണിക്കൂറില് 50 കിലോമീറ്റര് വേഗത്തില് നീങ്ങാന് കഴിവുള്ള വാഹനം ചൈനയുടെ ഡിഫെന്സ് രംഗത്തെ മികവു വിളിച്ചോതുന്നതായിരുന്നു. ചൈന ഏറ്റവും കൂടുതല് പ്രതിരോധ രംഗത്തു മത്സരിക്കുന്നത് അമേരിക്കയുമായിട്ടാണ്. ഇതിന്റെ ഭാഗമായാണ് നോരിന്കോ പി60 എന്ന കമ്പനി ആധുനിക സംവിധാനങ്ങളെക്കുറിച്ചുള്ള വിവരങ്ങള് നല്കുന്നത്. ഇതടക്കം ചൈന ഈ രംഗത്തു നടത്തുന്ന മുന്നേറ്റത്തെക്കുറിച്ചുള്ള റിസര്ച്ച് പേപ്പറുകളും പേറ്റന്റ് വിവരങ്ങളും പരിശോധിച്ച് രാജ്യാന്തര വാര്ത്താ ഏജന്സിയായ റോയിട്ടേഴ്സ് ആണ് ടെക് രംഗത്തെക്കുറിച്ചുള്ള വെളിച്ചം വീശിയത്. ഏറ്റവും സാങ്കേതികത്തികവുള്ള കണ്ടുപിടിത്തങ്ങളെക്കുറിച്ചു രഹസ്യാത്മകമായിട്ടാണു പ്രവര്ത്തനമെങ്കിലും സര്ക്കാരിനു കഴീലെ…
Read More » -
ഭൂമിയുടെ ചൂടില്നിന്ന് വൈദ്യുതി; ഊര്ജാവശ്യങ്ങള്ക്കു പരിഹാരമാകുമോ പുതിയ സാങ്കേതിക വിദ്യ? ജിയോതെര്മല് വൈദ്യുതി പ്ലാന്റ് യാഥാര്ഥ്യത്തിലേക്ക്; ഭാവിയില് പ്രകൃതി വാതകം ഉപയോഗിച്ചുള്ള ഉത്പാദനത്തേക്കാള് ലാഭകരമാകും; പ്രതീക്ഷകളും ആശങ്കയും ഇങ്ങനെ
ന്യൂയോര്ക്ക്: അനുദിനം ശുഷ്കമായിക്കൊണ്ടിരിക്കുന്ന ഊര്ജ പ്രതിസന്ധിക്കു പരിഹാരവുമായി അമേരിക്കന് സ്റ്റാര്ട്ടപ്പ് കമ്പനി. ഭൂമിയുടെ ഉള്ക്കാമ്പിലെ പാറകളുടെ ചൂടില്നിന്ന് വൈദ്യുതി ഉത്പാദിപ്പിക്കാനുള്ള പദ്ധതിയാണ് ഏറെക്കുറെ പൂര്ത്തികരണത്തിലേക്ക് എത്തുന്നത്. ഇതിനുമുമ്പു നടപ്പാക്കിയ പദ്ധതികള് പരാജയപ്പെട്ടിരുന്നെങ്കില് നിലവില് ഫെര്വോ എനര്ജി എന്ന കമ്പനിയാണു പദ്ധതി വിജയത്തിലേക്ക് എത്തിക്കുന്നത്. ജിയോ തെര്മല് എനര്ജി കാര്ബണ് ബഹിഷ്കരണം ഏറ്റവും കുറഞ്ഞ മാഗര്ങ്ങളിലൊന്നാണ്. അമേരിക്കന് മുന് പ്രസിഡന്റ് ജോ ബൈഡനും നിലവില് ട്രംപും ഇത്തരം കണ്ടുപിടിത്തങ്ങള്ക്കായി നല്കിയ നികുതി ഇളവും മൈക്രോ സോഫ്റ്റ് പോലുള്ള കമ്പനികളില്നിന്നുള്ള നിക്ഷേപങ്ങളുമാണ് ഫെര്വോയ്ക്കു സഹായകരമായത്. ഈ രംഗത്തു ദശാബ്ദങ്ങളായി തുടരുന്ന ഗവേഷണങ്ങള്ക്കു പരിഹാരമെന്നോണമാണ് പുതിയ സാങ്കേതികവിദ്യ സഹായിക്കുന്നത്. ഭൂമിക്കടിയിലെ ജലത്തിന്റെ ഉപയോഗമില്ലാതെ ഉള്ക്കാമ്പിനു മുകളിലുള്ള പാറകളുടെ താപം ഉപയോഗിച്ചു പ്രവര്ത്തിക്കുന്ന രീതിയാണിത്. ഭൂമിക്കടിയിലേക്കു പൈപ്പുകളിലൂടെ വെള്ളമെത്തിക്കുകയും ഇതു നീരാവിയാക്കി മാറ്റി പുറത്തെത്തിച്ചു ടര്ബൈനുകള് കറക്കുകയുമാണ് ഒറ്റ വാക്കില് പറഞ്ഞാല് ഈ പദ്ധതി. പദ്ധതിക്കായി ബില്ഗേറ്റ്സ് നല്കിയത് 100 ദശലക്ഷം ഡോളറാണ്. ഇതടക്കം 700 ദശലക്ഷം…
Read More » -
എഐ മോഡലുകളെ പരിശീലിപ്പിക്കാന് ബോളിവുഡ്, ഹോളിവുഡ് വീഡിയോകളുടെ അധനികൃത ഉപയോഗം; നിയമ നിര്മാണത്തിനുള്ള പാനലിനു മുന്നില് പരാതി പ്രളയം; പകര്പ്പവകാശ നിയമം കര്ശനമാക്കണമെന്ന് ആവശ്യം; പരാതിക്കാരില് ഐശ്വര്യ റായിയും; വരുന്നത് വന് നിയമ പോരാട്ടം
ന്യൂഡല്ഹി: ആര്ട്ടിഫിഷ്യന് ഇന്റലിജന്സ് (നിര്മിത ബുദ്ധി- എഐ) കമ്പനികള് എഐ മോഡലുകളെ പരിശീലിപ്പിക്കാന് തങ്ങളുടെ വീഡിയോകള് ഉപയോഗിക്കുന്നതിനിനെതിരേ കര്ശന നിബന്ധനകള് ആവശ്യപ്പെട്ടു ഹോളിവുഡിലെയും ബോളിവുഡിലെയും ഗ്രൂപ്പുകള്. പകര്പ്പവകാശ നിയമങ്ങള് കര്ക്കശമാക്കണമെന്ന് ആവശ്യപ്പെട്ടാണ് ഇക്കാര്യങ്ങള് പരിശോധിക്കാന് ആവശ്യപ്പെട്ടു കേന്ദ്രസര്ക്കാര് രൂപീകരിച്ച പ്രത്യേക പാനലിനെ സമീപിച്ചത്. ലോകമെമ്പാടുമുള്ള കണ്ടെന്റ് നിര്മാതാക്കളുമായി എഐ കമ്പനികള് പ്രത്യക്ഷത്തില് ഉരസലില് തന്നെയാണു നിലവില് നീങ്ങുന്നത്. എല്ലാ രാജ്യങ്ങളിലെയും സര്ക്കാരുകള് പകര്പ്പവകാശവും സ്വകാര്യതയും സംരഷിക്കാന് കര്ശന നിയമങ്ങള് നിര്മിക്കുന്ന തിരക്കിലുമാണ്. ഓരോ ദിവസവും മാറിക്കൊണ്ടിരിക്കുന്ന സാങ്കേതികതയ്ക്ക് അനുസരിച്ചു നിയമം നിര്മിക്കുകയെന്നത് ഏറെ വെല്ലുവിളിയാണ്. പകര്പ്പവകാശമുള്ള കണ്ടെന്റുകള് എടുക്കുന്നതില്നിന്ന് എഐ കമ്പനികള്ക്കു ജപ്പാന് വ്യാപകമായ ഇളവു നല്കിയിട്ടുണ്ട്. അതേസമയം, യൂറോപ്യന് യൂണിയന് കര്ശനമായ നിയന്ത്രണങ്ങളാണ് ഏര്പ്പെടുത്തിയിട്ടുള്ളത്. വീഡിയോകളും ചിത്രങ്ങളും ഓണ്ലൈനിലുള്ള ക്ലിപ്പുകളും എഐ കമ്പനികള് ചുരണ്ടിയെടുക്കുന്നെന്നാണ് സിനിമാ മേഖലകളിലുള്ളവരുടെ പ്രധാന പരാതി. ട്രെയിലറുകള്, പ്രൊമോഷനുകള് എന്നിവയാണ് ഏറ്റവും കൂടുതല് അടിച്ചുമാറ്റുന്നത്. ഇന്ത്യയിലെ നിലവിലുള്ള പകര്പ്പവകാശ നിയമത്തില് എഐ ഉള്പ്പെടുന്നില്ല. ഈ സാഹചര്യത്തിലാണ്…
Read More » -
വൈകിയത് 13 വര്ഷം; ബിഎസ്എന്എല് ഒടുവില് സ്വദേശി 4ജിയിലേക്ക്; പഴയ സിമ്മുള്ളവര് മാറ്റിയിടേണ്ടി വരും; മാറ്റം ഇങ്ങനെ; ഇന്ത്യയില് എല്ലായിടത്തും ഉയര്ന്ന സ്പീഡില് ഇന്റര്നെറ്റും വരുന്നു
കൊച്ചി: ബി.എസ്.എന്.എല് തദ്ദേശീയമായി വികസിപ്പിച്ച സ്വദേശി 4ജി നെറ്റ്വര്ക്കിന്റെ ഉദ്ഘാടനം പ്രധാനമന്ത്രി നരേന്ദ്ര മോദി നിര്വഹിക്കും. ഇതോടെ വാണിജ്യ നെറ്റ്വര്ക്കില് സ്വന്തമായി ടെലികോം സാങ്കേതിക വിദ്യയും ഉപകരണങ്ങളും വികസിപ്പിച്ച അഞ്ചാമത്തെ രാജ്യമായി ഇന്ത്യ മാറും. നിലവില് ഫിന്ലാന്ഡ്, സ്വീഡന്, ദക്ഷിണ കൊറിയ, ചൈന എന്നീ രാജ്യങ്ങളാണ് ഈ നേട്ടം സ്വന്തമാക്കിയിട്ടുള്ളത്. രാജ്യമാകെ തയ്യാറായ 97,500 4ജി ടവറുകളുടെ ഉദ്ഘാടനവും സെപ്റ്റംബര് 27ന് ഒഡിഷയിലെ ജാര്സുഗുഡയില് നടക്കുന്ന ചടങ്ങില് മോദി നിര്വഹിക്കും. 5ജി സാങ്കേതിക വിദ്യയിലേക്ക് അപ്ഗ്രേഡ് ചെയ്യാന് കഴിയുന്ന 92,600 4ജി ടവറുകളാണ് രാജ്യമാകെ ബി.എസ്.എന്.എല് സ്ഥാപിച്ചിരിക്കുന്നതെന്ന് കേന്ദ്രമന്ത്രി ജ്യോതിരാദിത്യ സിന്ധ്യ പറഞ്ഞു. ഇതോടെ ഇന്ത്യയിലെ എല്ലായിടത്തും 4ജി നെറ്റ്വര്ക്ക് സേവനം ലഭ്യമാകും. നിലവില് 2.2 കോടി ജനങ്ങളാണ് ബി.എസ്.എന്.എല് 4ജി സേവനങ്ങള് ഉപയോഗിക്കുന്നത്. സോഫ്റ്റ്വെയര്, ക്ലൗഡ് അധിഷ്ഠിതമായാണ് ഇവ പ്രവര്ത്തിക്കുന്നത്. ഇതിനോടകം രാജ്യത്തെ പല നെറ്റ്വര്ക്ക് സേവനദാതാക്കളും 4ജി വാഗ്ദാനം ചെയ്യുന്നുണ്ട്. എന്നാല് പരാതികള്ക്കിടയില്ലാത്ത വിധമാണ് ബി.എസ്.എന്.എല് 4ജി തയ്യാറാക്കിയിരിക്കുന്നതെന്നും…
Read More » -
ട്രംപിന്റെ ഏറ്റവും പുതിയ കുടിയേറ്റ നിയന്ത്രണം ഇന്ത്യയൂടെ ഐടി മേഖലയ്ക്ക് തിരിച്ചടിയാകുമോ? ; എച്ച് 1ബി വിസയ്ക്ക് നിരക്ക് 100,000 ഡോളറാക്കി കൂട്ടി ; 10 ലക്ഷം ഡോളറിന് ‘ഗോള്ഡ് കാര്ഡ്’ വിസയും
വാഷിംഗ്ടണ്: ഇന്ത്യയ്ക്ക് തീരുവ 50 ശതമാനം ഉയര്ത്തിയതിന് പിന്നാലെ ഇന്ത്യാക്കാര് അടക്കം അനേകം വിദേശികളെ ബാധിക്കുന്ന അടുത്ത തീരുമാനത്തിലും അമേരിക്കന് പ്രസിഡന്റ് ഡൊണാള്ഡ് ട്രംപ് വെള്ളിയാഴ്ച ഒപ്പുവെച്ചു.വൈദഗ്ധ്യമുള്ള വിദേശ തൊഴിലാളികള്ക്ക് ഏര്പ്പെടുത്തുന്ന എച്ച് -1ബി വിസയ്ക്കുള്ള ഫീസ് ഒരുലക്ഷം ഡോളര് ആക്കിയാണ് ഉയര്ത്തിയത്. കുറഞ്ഞത് ഒരു ബാച്ചിലേഴ്സ് ബിരുദം ആവശ്യമുള്ള എച്ച്1ബി വിസകള്, ടെക് കമ്പനികള്ക്ക് നികത്താന് ബുദ്ധിമുട്ടുള്ള ഉയര്ന്ന വൈദഗ്ധ്യമുള്ള ജോലികള്ക്കുള്ളതാണ്. എച്ച1 ബി വിസ പലപ്പോഴും പ്രതിവര്ഷം 60,000 ഡോളര് വരെ കുറഞ്ഞ വിലയ്ക്ക് ജോലി ചെയ്യാന് തയ്യാറുള്ള വിദേശ തൊഴിലാളികള്ക്കുള്ള ഒരു പൈപ്പ്ലൈന് ആണെന്ന് വിമര്ശകര് പറയുന്നു. ഇത് സാധാരണയായി യുഎസ് ടെക്നോളജി തൊഴിലാളികള്ക്ക് നല്കുന്ന 100,000 ഡോളറിലധികം ശമ്പളത്തേക്കാള് വളരെ കുറവാണ്. എച്ച്-1ബി സ്പോട്ടുകള് പലപ്പോഴും എന്ട്രി ലെവല് ജോലികളിലേക്കാണ് പോകുന്നത്. പല യുഎസ് കമ്പനികളും ഇന്ത്യയിലെ വിപ്രോ, ഇന്ഫോസിസ്, എച്ച്സിഎല് ടെക്നോളജീസ്, ടാറ്റ തുടങ്ങിയ കണ്സള്ട്ടിംഗ് കമ്പനികള്ക്കും യുഎസിലെ ഐബിഎം, കോഗ്നിസന്റ് തുടങ്ങിയ കണ്സള്ട്ടിംഗ്…
Read More » -
ത്രിമാന രൂപങ്ങള് അതി യഥാര്ത്ഥമായി നിര്മ്മിക്കാം ; ഗൂഗിളിന്റെ ജെമിനി എഐയുടെ ‘നാനോ ബനാന’ സോഷ്യല് മീഡിയയില് വൈറലായിക്കൊണ്ടിരിക്കുന്നു
ഗൂഗിളിന്റെ ജെമിനി എഐയുടെ സഹായത്തോടെ, സോഷ്യല് മീഡിയയില് വൈറലായിക്കൊണ്ടിരിക്കുന്ന ഒരു പുതിയ ട്രെന്ഡാണ് ‘നാനോ ബനാന’. ആളുകളുടെ ഫോട്ടോയും ഒരു ചെറിയ ടെക്സ്റ്റ് പ്രോംപ്റ്റും ഉപയോഗിച്ച് അവരുടെയോ, സെലിബ്രിറ്റികളുടെയോ, വളര്ത്തുമൃഗങ്ങളുടെയോ ത്രിമാന രൂപങ്ങള് അതിയഥാര്ത്ഥമായി നിര്മ്മിക്കാന് ഈ ട്രെന്ഡ് സഹായിക്കുന്നു. സങ്കീര്ണ്ണമായ സാങ്കേതികവിദ്യയോ പണമോ ആവശ്യമില്ലാത്തതിനാല് ഇത് വളരെ വേഗത്തില് പ്രചാരം നേടി. ഉപയോക്താക്കള്ക്ക് മിനിയേച്ചര്, ജീവന് തുടിക്കുന്ന രൂപങ്ങള്, അവയുടെ അടിയില് സുതാര്യമായ അക്രിലിക് ബേസും, വില്പനയ്ക്ക് വെച്ചതു പോലെയുള്ള പാക്കേജിംഗ് മോക്കപ്പുകളും ഒക്കെ നിര്മ്മിക്കാന് സാധിക്കും. ‘ജെമിനി ആപ്പില് ചിത്രം നിര്മ്മിക്കാനും എഡിറ്റ് ചെയ്യാനും എല്ലാവര്ക്കും സൗജന്യമാണ്,’ എന്നാണ് ഈ ട്രെന്ഡിനെക്കുറിച്ച് അവര് കുറിച്ചത്. ഗൂഗിള് ജെമിനി അല്ലെങ്കില് ഗൂഗിള് എഐ സ്റ്റുഡിയോ തുറക്കുക. ത്രിമാന രൂപത്തിലാക്കാന് ആഗ്രഹിക്കുന്ന ഏതെങ്കിലും ഫോട്ടോ അപ്ലോഡ് ചെയ്യുക. ഇത്രയും ചെയ്ത ശേഷം അതിന്റെ വെബ്സൈറ്റില് നല്കിയിരിക്കുന്ന പ്രത്യേക കോഡും നല്കിയ ശേഷം ‘ജനറേറ്റ്’ എന്ന ബട്ടണില് ക്ലിക്ക് ചെയ്യുക ഇത്രയുമാണ് നടപടിക്രമങ്ങള്.
Read More » -
മടങ്ങിയെത്തുന്നോ ടിക് ടോക്ക്; ഒഴിവുകളിലേക്ക് ജീവനക്കാരെ ക്ഷണിച്ച് കമ്പനി; മോദി ചൈനയില് എത്തിയതിനു പിന്നാലെ നീക്കങ്ങള്; അലി എക്സ്പ്രസ് ഉള്പ്പെടെ 59 ആപ്ലിക്കേഷനുകളുടെ കാര്യത്തിലും പ്രതീക്ഷ
ബീജിംഗ്: ടിക് ടോക്ക് ഇന്ത്യയില് പ്രവര്ത്തനം പുനരാരംഭിക്കുന്നെന്ന റിപ്പോര്ട്ടുകള്ക്കു പിന്നാലെ നിയമനങ്ങള് തുടങ്ങിവച്ച് കമ്പനി. ടിക് ടോക്കിന്റെ ഗുഡ്ഗാവ് ഓഫീസിലേക്ക് ലിങ്ക്ഡ്ഇനില് രണ്ട് പുതിയ തൊഴിലവസരങ്ങള് പ്രത്യക്ഷപ്പെട്ടു. റിക്രൂട്ട്മെന്റ് പ്രവര്ത്തനങ്ങള് സൂചിപ്പിക്കുന്നത് കമ്പനി ഇന്ത്യയില് സാന്നിധ്യം നിലനിര്ത്തി ഭാവിയിലേക്ക് തയ്യാറെടുക്കുന്നു എന്നാണ്. അതേസമയം, ടിക് ടോകിന്റെ കേന്ദ്ര സര്ക്കാര് നിരോധനം ഇതുവരെ നീക്കിയിട്ടില്ല. ആപ്പ് ഇപ്പോഴും ഇന്ത്യയില് ഡൗണ്ലോഡ് ചെയ്യാന് ലഭ്യമല്ല. ചൈനീസ് ടെക് ഭീമനായ ബൈറ്റ് ഡാന്സിന്റെ ഉടമസ്ഥതയിലുള്ള ടിക് ടോക്ക് 2020 ജൂണിലാണ് ഇന്ത്യയില് നിരോധിക്കുന്നത്. ഗാല്വാന് താഴ്വരയില് ചൈനയുമായുള്ള അതിര്ത്തി സംഘര്ഷത്തെത്തുടര്ന്നാണ് കേന്ദ്ര സര്ക്കാര് ആപ്പ് നിരോധിക്കുന്നത്. 59 ചൈനീസ് ആപ്പുകളാണ് അന്ന് ദേശീയ സുരക്ഷയും ഡാറ്റ സ്വകാര്യതാ ആശങ്കകളും ചൂണ്ടിക്കാട്ടി നിരോധിച്ചത്. നിരോധനത്തിന് മുമ്പ് ടിക് ടോക്കിന് ഇന്ത്യയില് ഏകദേശം 20 കോടി ഉപയോക്താക്കളാണ് ഉണ്ടായിരുന്നത്. കമ്പനിയുടെ ഏറ്റവും വലിയ വിപണികളില് ഒന്നാണ് ഇന്ത്യ. അടുത്തിടെ, ടിക് ടോക്കിന്റെ വെബ്സൈറ്റ് ഭാഗികമായി ആക്സസ് ചെയ്യാന് കഴിയുന്നതായി…
Read More » -
ഐടി തൊഴില് മേഖലയ്ക്ക് ഭീഷണിയായി നിര്മ്മിത ബുദ്ധിയുടെ കടന്നു കയറ്റം: അഞ്ച് ലക്ഷം തൊഴില് അവസരങ്ങള് ഇല്ലാതാകുമെന്ന് പഠനം
ന്യൂഡല്ഹി: ടാറ്റ കണ്സള്ട്ടന്സി സര്വീസസ് 12000 ത്തില് അധികം ജോലികള് വെട്ടിക്കുറയ്ക്കാനുള്ള തീരുമാനം ഐടി തൊഴില് മേഖലയില് പുതിയ ചര്ച്ചകള്ക്ക് തുടക്കമിട്ടിരിക്കുകയാണ്. തങ്ങളുടെ തൊഴിലാളികളുടെ എണ്ണം രണ്ട് ശതമാനം കുറയ്ക്കാനുള്ള നീക്കത്തിലാണ് കമ്പനി. ഏകദേശം 12,200 മിഡില്, സീനിയര് മാനേജ്മെന്റ് ജോലികള് ഇല്ലാതാക്കപ്പെടുമെന്നാണ് നിഗമനം. ടിസിഎസിന് പിന്നാലെ മറ്റ് കമ്പനികളും അണിചേര്ന്ന് 283 ബില്യണ് ഡോളര് മൂല്യമുള്ള മേഖലയില് അടുത്ത രണ്ടോ മൂന്നോ വര്ഷത്തിനുള്ളില് ഘട്ടംഘട്ടമായി അഞ്ച് ലക്ഷം അവസരങ്ങള് ഇല്ലാതാക്കുമെന്നാണ് റിപ്പോര്ട്ട്. നിര്മ്മിത ബുദ്ധി സാധ്യതകള് പ്രയോജനപ്പെടുത്തി മനുഷ്യശേഷി വിഭവ ബാധ്യത ചുരുക്കുകയാണ് ഈ തീരുമാനത്തിന് പിന്നില്. ഇങ്ങനെ മത്സരക്ഷമത വര്ധിപ്പിക്കയാണ് കമ്പനികള് ലക്ഷ്യമിടുന്നത്. അടിസ്ഥാന കോഡിങ് മുതല് മാനുവല് ടെസ്റ്റിങ്, ഉപഭോക്തൃ പിന്തുണ എന്നിങ്ങനെയുള്ള മേഖലകളില് മനുഷ്യ തൊഴിലാളികള്ക്ക് പകരമായി എഐ വരും. 2025 മാര്ച്ച് വരെ ഐടിയും അനുബന്ധവുമായ ഈ മേഖല 5.67 ദശലക്ഷം ആളുകളെ ജോലിക്കെടുത്തിരുന്നു. ഇന്ത്യയുടെ ജിഡിപിയുടെ ഏഴ് ശതമാനത്തിലധികം വരും ഇത്. ഈ…
Read More » -
പരിചയമില്ലാത്ത ഗ്രൂപ്പിലേക്ക് ചേര്ക്കുമ്പോള് മുന്നറിയിപ്പ്; ചാറ്റ് നോക്കാതെ പുറത്തു കടക്കാം; തട്ടിപ്പുകള് കുറയ്ക്കാന് ജനപ്രിയ മാറ്റങ്ങളുമായി വാട്സ്ആപ്പ്; അപരിചിതര് സന്ദേശം അയയ്ക്കുന്നതും നിയന്ത്രിക്കാം
ന്യൂയോര്ക്ക്: ഉപയോക്താക്കള്ക്ക് കൂടുതല് സുരക്ഷിതത്വം വാഗ്ദാനം ചെയ്യുന്ന ഫീച്ചര് അവതരിപ്പിച്ച് ജനപ്രിയ മെസേജിംഗ് ആപ്ലിക്കേഷനായ വാട്സാപ്പ്. പരിചയമില്ലാത്തൊരാള് വാട്സാപ്പ് ഗ്രൂപ്പിലേക്ക് നിങ്ങളുടെ നമ്പര് ചേര്ക്കുമ്പോള് ഈ ഗ്രൂപ്പുമായി ബന്ധപ്പെട്ട മുന്നറിയിപ്പുകള് നല്കുന്നൊരു ഫീച്ചറാണിത്. ഈ ഗ്രൂപ്പിനെ കുറിച്ചുള്ള പ്രധാന വിവരങ്ങളും സുരക്ഷിതരായി ഇരിക്കാനുള്ള ഉപദേശങ്ങളും അടങ്ങുന്നതാണ് വിവരങ്ങള്. ചാറ്റ് നോക്കാതെ തന്നെ ഈ ഗ്രൂപ്പില് നിന്ന് പുറത്തുകടക്കാന് സാധിക്കും വിധമാണ് വാട്സാപ്പ് ഇതൊരുക്കിയിരിക്കുന്നത്. വാട്സാപ്പ് വഴിയുള്ള തട്ടിപ്പുകള് വര്ധിച്ചതോടെയാണ് ഇത്തരത്തിലൊരു ഫീച്ചര് അവതരിപ്പിക്കാന് മെറ്റ നിര്ബന്ധിതരായത്. ഉപയോക്താവ് ഗ്രൂപ്പില് തുടരാന് തീരുമാനിക്കുന്നതു വരെ നോട്ടിഫിക്കേഷനുകള് ലഭിക്കില്ലെന്നും മെറ്റ വ്യക്തമാക്കിയിട്ടുണ്ട്. ഈ വര്ഷം ജൂണ് വരെ തട്ടിപ്പുമായി ബന്ധമുള്ള 68 ലക്ഷം വാട്സാപ്പ് അക്കൗണ്ടുകള് കണ്ടെത്തി അവയെ നിരോധിച്ചതായി മെറ്റ വ്യക്തമാക്കിയിട്ടുണ്ട്. തെക്കുകിഴക്കന് ഏഷ്യയില് വാട്സാപ്പ് വഴിയുള്ള കുറ്റകൃത്യങ്ങള് ഇല്ലാതാക്കാന് തങ്ങള് പ്രതിജ്ഞാബദ്ധമാണെന്ന് കമ്പനി വ്യക്തമാക്കി. സോഷ്യല്മീഡിയ വഴി തട്ടിപ്പിന് ശ്രമിക്കുന്ന കംബോഡിയയിലെ ഒരു സംഘത്തിന്റെ പ്രവര്ത്തനം ഓപ്പണ്എഐയുമായി ചേര്ന്ന് തകര്ത്തതായും മെറ്റ…
Read More » -
ഇന്ത്യന് ഐടി ഭീമന് ടിസിഎസ് 2% ജീവനക്കാരെ കുറയ്ക്കുന്നു: 12,000 പേരെ ബാധിക്കും; പുറത്താക്കപ്പെടുന്നവരില് അധികവും മിഡില്, സീനിയര് തലങ്ങളിലുള്ളവര്
ഒരു വര്ഷത്തിനുള്ളില് രണ്ട് ശതമാനം ജീവനക്കാരെ കുറയ്ക്കാനൊരുങ്ങി ഇന്ത്യന് ഐടി ഭീമനായ ടാറ്റാ കണ്സള്ട്ടന്സി സര്വീസസ് (ടിസിഎസ്). സിഇഒ കെ കൃതിവാസന് മണികണ്ട്രോളിന് നല്കിയ അഭിമുഖത്തിലാണ് ഇക്കാര്യം വ്യക്തമാക്കിയത്. മിഡില്, സീനിയര് തലങ്ങളിലുള്ള ഏകദേശം 12,000 ത്തിലധികം ജീവനക്കാരെ നീക്കം ബാധിക്കും. സാങ്കേതിക വിദ്യയിലെ ദ്രുതഗതിയിലുള്ള വളര്ച്ചയില് ഐടി കമ്പനിയെ കൂടുതല് ചടുലമാക്കുന്നതിനും ഭാവിക്കുവേണ്ടി സജ്ജമാക്കാനുമാണ് നീക്കം. 2026 സാമ്പത്തിക വര്ഷത്തില് (2025 ഏപ്രില് മുതല് 2026 മാര്ച്ച് വരെ) ലോകമെമ്പാടുമുള്ള ജീവനക്കാരെ പിരിച്ചുവിടല് ബാധിക്കും. പ്രവര്ത്തന രീതികള് മാറിക്കൊണ്ടിരിക്കുകയാണെന്നും ഭാവിക്കായി സജ്ജമാക്കേണ്ടതിന്റെ ആവശ്യകതയുണ്ടെന്നും ടിസിഎസ് സിഇഒ കെ. കൃതിവാസന് മണികണ്ട്രോളിനോട് പറഞ്ഞു. നിര്മിതബുദ്ധി (എഐ) പോലുള്ള പുതിയ സാങ്കേതിക വിദ്യകളെക്കുറിച്ചും പ്രവര്ത്തന രീതികളിലെ മാറ്റങ്ങളെക്കുറിച്ചും തങ്ങള് ചര്ച്ച ചെയ്യുകയാണെന്നും അദ്ദേഹം കൂട്ടിച്ചേര്ത്തു. വന്തോതില് എഐ വിന്യസിക്കുകയാണെന്നും ഭാവിയെക്കുറിച്ച് വിലയിരുത്തുകയാണെന്നും അദ്ദേഹം പറഞ്ഞു. പുനര്നിയമനം ഫലപ്രദമല്ലാത്ത ചില തസ്തികകള് കണ്ടെത്തിയിട്ടുണ്ട്. നീക്കം ആഗോള തലത്തിലുള്ള ജീവനക്കാരില് ഏകദേശം 2 ശതമാനം പേരെ…
Read More »