Social Media
-
സ്വാമി ചിദ്ഭാവനാനന്ദ സ്കൂളില് ആര്ത്തവമുണ്ടായ ദലിത് പെണ്കുട്ടിയെ ക്ലാസ് മുറിക്ക് പുറത്തിരുത്തി പരീക്ഷ എഴുതിച്ചെന്ന് പരാതി; ആദ്യ സംഭവമല്ലെന്ന് വിദ്യാര്ഥിനി; കടുത്ത നടപടിയുമായി തമിഴ്നാട് സര്ക്കാര്
കോയമ്പത്തൂര്: ആര്ത്തവക്കാരിയായ ദലിത് വിദ്യാര്ഥിനിയെ ക്ലാസ് മുറിക്ക് പുറത്തിരുത്തി പരീക്ഷ എഴുതിച്ചതായി പരാതി. കോയമ്പത്തൂരിലെ സ്വകാര്യ സ്കൂളിലാണ് എട്ടാംക്ലാസ് വിദ്യാര്ഥിനിയെ പുറത്തിരുത്തി പരീക്ഷ എഴുതിച്ചത്. ക്ലാസ് മുറിയുടെ സ്റ്റെപ്പിലിരുന്ന് പരീക്ഷ എഴുതുന്ന കുട്ടിയുടെ വീഡിയോ സോഷ്യല് മീഡിയയില് വ്യാപകമായി പ്രചരിച്ചിരുന്നു. സംഭവത്തില് അന്വേഷണത്തിന് ഉത്തരവിട്ട വിദ്യാഭ്യാസ വകുപ്പ് പ്രധാനാധ്യാപികയെ സസ്പെന്ഡ് ചെയ്തു. 1.22 മിനിറ്റ് ദൈര്ഘ്യമുള്ള വീഡിയോ ആണ് സോഷ്യല് മീഡിയയില് പ്രചരിക്കുന്നത്. ക്ലാസ് മുറിയുടെ സ്റ്റെപ്പിലിരുന്ന് പരീക്ഷയെഴുതുന്ന കുട്ടിയുടെ കയ്യിലുള്ള ഉത്തരക്കടലാസില് ‘സ്വാമി ചിദ്ഭാവനന്ദ മെട്രിക് ഹയര് സെക്കന്ഡറി സ്കൂള്, സെങ്കുട്ടൈപാളയം’ എന്നാണ് സ്കൂളിന്റെ പേര് പ്രിന്റ് ചെയ്തിരിക്കുന്നത്. ഇവിടെയിരുന്ന പരീക്ഷയെഴുതാനാണ് പ്രിന്സിപ്പല് ആവശ്യപ്പെട്ടതെന്ന് കുട്ടി ഒരു സ്ത്രീയോട് പറയുന്നത് വീഡിയോയില് കേള്ക്കാം.. ഇത് കുട്ടിയുടെ അമ്മയാണെന്നാണ് വിവരം. ഇത് ആദ്യമല്ലെന്നും നേരത്തെയും ഇത്തരത്തില് ഒറ്റക്കിരുത്തി പരീക്ഷ എഴുതിച്ചിട്ടുണ്ടെന്നും കുട്ടി പറയുന്നുണ്ട്. കുട്ടിയുടെ അമ്മ ആവശ്യപ്പെട്ടത് പ്രകാരമാണ് പുറത്തിരുത്തി പരീക്ഷ എഴുതിച്ചത് എന്നാണ് സ്കൂള് അധികൃതരുടെ വിശദീകരണം. കുട്ടികള്ക്കെതിരായ…
Read More » -
അങ്ങനൊരു ഡേവിഡ് കോള്മാന് ഹെഡ്ലി ഇപ്പോഴില്ല! മുംബൈ ആക്രമണ സൂത്രധാരന് അമേരിക്ക പുതിയ ഐഡന്റിറ്റി നല്കി? പേരുമാറ്റി, സ്വകാര്യ വിവരങ്ങളും നശിപ്പിച്ചു; റാണ ചെറുമീനെന്നും ഹെഡ്ലിയുമായി 231 തവണ സംസാരിച്ചെന്ന് മുന് ഉദ്യോഗസ്ഥന്; അമേരിക്കയുടെയും ഐഎസ്എയുടെയും ഡബിള് ഏജന്റ്; ഇന്ത്യക്കു മുന്നില് ഇനി വഴികളില്ല
ന്യൂഡല്ഹി: മുംബൈ ഭീകരാക്രമണ കേസിലെ പ്രതി തഹാവൂര് റാണയെ വ്യാഴാഴ്ച ഇന്ത്യയിലെത്തിക്കുമെങ്കില് ആക്രമണത്തിന്റെ ‘തല’യായ ഡേവിഡ് കോള്മാന് ഹെഡ്ലിയെ വിട്ടു നല്കാതെ അമേരിക്ക. ഇന്ത്യയുടെ നിരന്തരമായ ആവശ്യങ്ങള് അവഗണിച്ചാണ് ഹെഡ്ലിയെ സംരക്ഷിക്കുന്ന നിലപാട് എടുക്കുന്നത്. അമേരിക്കന് സര്ക്കാരിന്റെയും പാക് ചാര സംഘടനയായ ഐഎസ്ഐയുടെയും ഡബിള് ഏജന്റായാണു ഇയാള് പ്രവര്ത്തിച്ചതെന്നു കേന്ദ്രസര്ക്കാരിലെ മുന് ഹോം സെക്രട്ടറി ജി.കെ. പിള്ള പറഞ്ഞു. 2009ല് എഫ്ബിഐ ഹെഡ്ലിയെ പിടികൂടിയെങ്കിലും ഒരു കേസിന്റെ പ്രോസിക്യൂഷന് സാക്ഷിയാക്കുകയാണുണ്ടായത്. ഇയാള്ക്ക് അമേരിക്കന് ഉദ്യോഗസ്ഥര് പുതിയ ഐഡന്റിറ്റി നല്കിയെന്നും ഔദ്യോഗിക റെക്കോഡുകളെല്ലാം തേച്ചുമാച്ചെന്നും പറയുന്നു. ഇയാള് ഇപ്പോള് എവിടെയുണ്ട് എന്നതിനും വ്യക്തതയില്ല. അക്രമം നടക്കുന്ന സമയത്ത് റാണ ഹെഡ്ലിലെ 231 തവണ വിളിച്ചതിന്റെ വിവരങ്ങള് പുറത്തുവന്നിരുന്നു. ഇതുമായി ബന്ധപ്പെട്ട കേസുകള് കൈകാര്യം ചെയ്യുന്ന വ്യക്തിയാണ് ഇക്കാര്യം ചൂണ്ടിക്കാട്ടിയത്. ഇതനുസരിച്ച് റാണയും ഹെഡ്ലിയും മറ്റു സംഘാംഗങ്ങളും ചേര്ന്ന് ഇന്ത്യയിലെ ലക്ഷ്യ സ്ഥാനങ്ങള് നിര്ണയിച്ചു. നാഷണല് ഡിഫന്സ് കോളജ്, ഇന്ത്യ ഗേറ്റ്, ജൂത സെന്ററുകള്…
Read More » -
പാമ്പന് തുറക്കുന്ന സ്വപ്നം! വരുമോ ഇന്ത്യയില്നിന്ന് ലങ്കയിലേക്ക് നേരിട്ടൊരു ട്രെയിന്? ധനുഷ്കോടി- തലൈമന്നാര് 25 കിലോമീറ്റര് റെയില്വേ പാലത്തിനു പദ്ധതി അണിയറയില്; കടലിനു മുകളിലെ ‘രാമസേതു’ തമിഴ്നാട് പിടിക്കാനുള്ള ബിജെപിയുടെ ടിക്കറ്റ്! വ്യാപാരവും ടൂറിസവും ഉഷാറാകും; ചര്ച്ചകള് ഇങ്ങനെ
ചെന്നൈ: ഇന്ത്യയില്നിന്ന് ശ്രീലങ്കയിലെ കൊളംബോയിലേക്ക് നേരിട്ടു ട്രെയ്നിലോ കാറിലോ പോകണമെങ്കില് കേവലം 25 കിലോമീറ്റര് ദൂരമുള്ള പാലം മതി. പ്രധാനമന്ത്രി നരേന്ദ്ര മോദി അടുത്തിടെ ഉദ്ഘാടനം ചെയ്ത പാമ്പന് പാലത്തിലൂടെ ഇന്ത്യയില്നിന്നു കൊളംബോയിലേക്കുള്ള യാത്രയുടെ നിര്ണായകമായ ഭാഗമായാണു വിലയിരുത്തുന്നത്. ബ്രിട്ടീഷുകാരുടെ കാലം മുതലുള്ള പദ്ധതി ഓരോ തവണയും കടലില് ‘മുങ്ങു’കയായിരുന്നു. പദ്ധതി നടപ്പായാല് ഇന്ത്യയും കൊളംബോയും തമ്മിലുള്ള നേരിട്ടുള്ള വ്യാപാരത്തിനും ആക്കം കൂട്ടും. ഒപ്പം വിനോദ സഞ്ചാരത്തിന്റെ വലിയൊരു സാധ്യതയുമാണു തുറക്കുക. ഇപ്പോള് ചെന്നൈ എന്നറിയപ്പെടുന്ന മദ്രാസിലെ എഗ്മോറില്നിന്ന് ഇന്തോ-സിലോണ് ട്രെയിനില് കയറി കിഴക്കന് തീരത്തുകൂടി സഞ്ചരിച്ച് പാമ്പന് പാലം കടന്നു രാമേശ്വരത്തിലൂടെ ഇന്ത്യയിലെ ഏറ്റവും അവസാന തുരുത്തായ ധനുഷ്കോടിയിലെത്തി, പാക് കടലിടുക്കിലൂടെ ബോട്ടില് സഞ്ചരിച്ച് തലൈമന്നാറിലെത്തി അവിടെനിന്ന് അടുത്ത ട്രെയിന് പിടിച്ചു കൊളംബോയില് എത്തുക! 1964നു മുമ്പ് ഇന്ത്യയില്നിന്നും കൊളംബോയിലേക്കു പോയിരുന്നവര് ഏറ്റവും കൂടുതല് സഞ്ചരിച്ച വഴിയാണിത്. തമിഴ്നാടിന്റെ തീരങ്ങളെ ചുഴലിക്കാറ്റ് തകര്ത്തെറിയുന്നതിനു മുമ്പായിരുന്നു ഇതെല്ലാം. ചുഴലിക്കാറ്റില് 110…
Read More » -
ചങ്കല്ല ചൈന! മറ്റു രാജ്യങ്ങളുടെ ചുങ്കം 90 ദിവസത്തേക്ക് മരവിപ്പിച്ചപ്പോള് ചൈനയ്ക്കു 125 ശതമാനമാക്കി ഉയര്ത്തി; ചൊടിപ്പിച്ചത് തിരിച്ചടി നയം; ഇന്ത്യക്ക് താത്കാലിക ആശ്വാസം; ഇരുണ്ടുവെളുത്തപ്പോള് ആകെ പൊടിപൂരം
വാഷിങ്ടണ്: വ്യാപാര യുദ്ധത്തില് ചൈനയോട് വിട്ടുവീഴ്ചയില്ലാതെ യുഎസ് പ്രസിഡന്റ് ഡൊണാള്ഡ് ട്രംപ്. ചൈന ഒഴികെയുള്ള രാജ്യങ്ങള്ക്കുമേല് ചുമത്തിയിരുന്ന പകരച്ചുങ്കം 90 ദിവസത്തേക്ക് ട്രംപ് ഭരണകൂടം മരവിപ്പിച്ചു. എന്നാല് ചൈനയ്ക്കുള്ള ഇറക്കുമതിത്തീരുവ 125 ശതമാനമായി ഉയര്ത്തുകയും ചെയ്തു. ചൈന ഒഴികെയുള്ള മറ്റു രാജ്യങ്ങള്ക്ക് അടിസ്ഥാന തീരുവ 10 ശതമാനമായിരിക്കും. അധികമായി ചുമത്തിയ തീരുവയാണ് 90 ദിവസത്തേക്ക് മരവിപ്പിച്ചിരിക്കുന്നത്. വൈറ്റ് ഹൗസ് പ്രസ് സെക്രട്ടറി കരോലിന് ലീവിറ്റാണ് ഇക്കാര്യം അറിയിച്ചത്. വ്യാപാര യുദ്ധം കനക്കുന്നതിനിടെ ചൈനയ്ക്ക് ബുധനാഴ്ച 104 ശതമാനം തീരുവ ഏര്പ്പെടുത്തിയിരുന്നു. ഇതിന് പിന്നാലെ അതേനാണയത്തില് ചൈന തിരിച്ചടിച്ചു. യുഎസില്നിന്ന് ഇറക്കുമതിചെയ്യുന്ന ചരക്കിന് ചൈന 84 ശതമാനം തീരുവ പ്രഖ്യാപിച്ചു. ഇത് വ്യാഴാഴ്ച ഉച്ചയ്ക്ക് 12.01-ന് നിലവില്വരുമെന്നും അറിയിച്ചു. ഈ പ്രഖ്യാപനം നടത്തി 24 മണിക്കൂര് പിന്നിടുംമുമ്പാണ് യുഎസ് ചൈനീസ് ഉത്പന്നങ്ങള്ക്കുള്ള തീരുവ വീണ്ടും ഉയര്ത്തി 125 ശതമാനത്തിലെത്തിച്ചിരിക്കുന്നത്. വ്യാപാര പങ്കാളികളുള്പ്പെടെ അറുപതോളം രാജ്യങ്ങള്ക്ക് ട്രംപ് പകരച്ചുങ്കം ഏര്പ്പെടുത്തിയിരുന്നു. ഇത് ബുധനാഴ്ച നിലവില്വരികയും…
Read More » -
വിവാഹത്തിന് സമ്മതം വാങ്ങാന് വന്ന യുവതി ഞെട്ടി; വരന്റെ പിതാവ് തന്റെ മുന് കാമുകന്!
എല്ലാവരുടെയും ജീവിതത്തിലെ പ്രധാനപ്പെട്ട ഒരു സംഭവമാണ് വിവാഹം. രണ്ടുപേരുടെ മാത്രമല്ല രണ്ട് കുടുംബങ്ങള് ഒന്നുചേരുന്ന ഒന്നാണ് വിവാഹമെന്ന് നമുക്ക് അറിയാം. എന്നാല് വിവാഹത്തിന് മുന്പ് തന്നെ വരന്റെ അച്ഛനെ കണ്ട് വധു ഞെട്ടിയാലോ? അങ്ങനെ ഒരു അനുഭവമാണ് ഇപ്പോള് സോഷ്യല് മീഡിയയില് വൈറലാകുന്നത്. സ്കോട്ട്ലന്ഡിലെ യുവതിക്കാണ് ഇത്തരമൊരു അപ്രതീക്ഷിത അനുഭവം ഉണ്ടായത്. യുവതി ഡേറ്റിംഗ് ആപ്പ് വഴി ഒരു യുവാവിനെ പരിചയപ്പെടുകയും പിന്നീട് അത് പ്രണയത്തില് എത്തുകയും ചെയ്യുന്നു. ശേഷം ഈ ബന്ധം വളരെ ശക്തമാകുകയും ഇരുവരും വിവാഹത്തെക്കുറിച്ച് ആലോചിക്കുകയും ചെയ്യുന്നു. വിവാഹത്തിന് സമ്മതം വാങ്ങാന് വരന്റെ മാതാപിതാക്കളെ കാണനെത്തിയപ്പോഴാണ് പറ്റിയ അബദ്ധം യുവതി തിരിച്ചറിഞ്ഞത്. അടുത്തുള്ള ഒരു ബാറില് വച്ചാണ് യുവതി വരന്റെ പിതാവിനെ കണ്ടത്. ഈ പിതാവ് തന്റെ മുന് കാമുകനായിരുന്നുവെന്ന് അപ്പോഴാണ് യുവതി മനസിലാക്കിയത്. കഴിഞ്ഞ ക്രിസ്മസ് സീസണിലാണ് യുവതി ഈ വരന്റെ പിതാവിനെ ഡേറ്റ് ചെയ്തിരുന്നത്. യുവതിക്ക് ഇയാളുടെ യഥാര്ത്ഥ ജീവിതത്തെക്കുറിച്ച് അറിയില്ലായിരുന്നുവെന്നാണ് വിവരം. കൂടാതെ…
Read More » -
ഈ നിമിഷങ്ങള് പ്രിയങ്കരം, ഞാന് വീട്ടില് വെറും അച്ഛന് മാത്രം; യാത്രകള്ക്കൊടുവില് ഒരിടം കണ്ടെത്തുന്നത് സന്തോഷകരം; പ്രിയങ്ക ചോപ്രയ്ക്ക് ഒപ്പമുള്ള ന്യൂയോര്ക്ക് ജീവിതത്തെ കുറിച്ച് നിക്ക് ജോനാസ്
ഭാര്യ പ്രിയങ്ക ചോപ്രയ്ക്കും മകള് മാള്ട്ടി മേരിക്കുമൊപ്പം ഗുണനിലവാരമുള്ള സമയം ചെലവഴിക്കാന് അവസരം ലഭിച്ചതോടെ, ന്യൂയോര്ക്ക് നഗരത്തിലെ ആനന്ദം നുകരുകയാണ് നിക്ക് ജോനാസ്. തന്റെ ബ്രോഡ്വേ മ്യൂസിക്കല് ആയ ദി ലാസ്റ്റ് ഫൈവ് ഇയേഴ്സിന്റെ ഉദ്ഘാടന രാത്രിയില് പങ്കെടുക്കുന്നതിനിടെ, യാത്രകളുടെ ചുഴലിക്കാറ്റിനുശേഷം ഒരിടത്ത് താമസിക്കുന്നത് ഒരു നവോന്മേഷകരമായ മാറ്റമാണെന്ന് 32 കാരനായ ഗായകന് പങ്കുവെച്ചു. പ്രിയങ്കയ്ക്കും മാള്ട്ടി മേരിക്കുമൊപ്പമുള്ള ന്യൂയോര്ക്ക് ജീവിതം ആസ്വദിക്കുകയാണെന്നു നിക്ക് പറഞ്ഞു. ’10 വ്യത്യസ്ത ദിവസങ്ങളിലായി 10 വ്യത്യസ്ത നഗരങ്ങളില് ആയിരിക്കുന്നത് ഞങ്ങള്ക്ക് വളരെ പരിചിതമാണ്. അതിനാല് ഒരു സ്ഥലത്തായിരിക്കുന്നതും ഈ സമയം ഒരുമിച്ച് ചെലവഴിക്കുന്നതും വളരെ സന്തോഷകരമാണ്- നിക്ക് പറഞ്ഞു. രണ്ടര വയസ്സുള്ള മാള്ട്ടി, ജോനാസ് റിഹേഴ്സല് ചെയ്യുന്ന തിയേറ്ററിലെ ഒരു പതിവ് സന്ദര്ശക കൂടിയാണ്. അവള് ഒരു പൂര്ണ്ണ പ്രകടനം പോലും കണ്ടിട്ടില്ലെങ്കിലും, അവന്റെ പരിശീലന സെഷനുകളില് അവള് പലപ്പോഴും അവിടെ എത്താറുണ്ട്, ക്രമേണ അവളുടെ ചുറ്റുപാടുകളുമായി പൊരുത്തപ്പെടുന്നു. പ്രിയങ്കയും നിക്കും തിരക്കേറിയ സമയക്രമങ്ങള്…
Read More » -
ഭര്ത്താവുമായി പിരിഞ്ഞു, ഒരു സഹായം വേണം; ഒന്പത് വര്ഷം മുമ്പ് തേച്ചിട്ടുപോയ കാമുകി അയച്ച മെസേജിനെക്കുറിച്ച് വെളിപ്പെടുത്തി യുവാവ്
പ്രണയവും ബ്രേക്കപ്പുമൊക്കെ സാധാരണമാണ്. എന്നാല് ബ്രേക്കപ്പ് ആയി വര്ഷങ്ങള്ക്ക് ശേഷം മുന് കാമുകന് സന്ദേശമയക്കുന്നത് അപൂര്വമാണ്. ഒട്ടുംപ്രതീക്ഷിക്കാത്തയാളില് നിന്ന് അങ്ങനെയൊരു സന്ദേശം വരുമ്പോള് തീര്ച്ചയായും സര്പ്രൈസാകും. അത്തരത്തില് ഡല്ഹിയില് നിന്നുള്ളയൊരു യുവാവിന് വര്ഷങ്ങള്ക്ക് മുമ്പ് തന്നെ വഞ്ചിച്ച മുന് കാമുകിയില് നിന്ന് ഒരു മെസേജ് കിട്ടിയിരിക്കുകയാണ്. മുന് കാമുകിയുടെ മെസേജിനെപ്പറ്റി യുവാവ് തന്നെയാണ് സോഷ്യല് മീഡിയയിലൂടെ പങ്കുവച്ചിരിക്കുന്നത്. ഇത് വളരെപ്പെട്ടെന്ന് തന്നെ സമൂഹഹമാദ്ധ്യമങ്ങളില് വൈറലാകുകയും ചെയ്തു. 2016 ല് താന് ഡേറ്റ് ചെയ്തിരുന്ന സ്ത്രീ ഭര്ത്താവുമായി വേര്പിരിഞ്ഞതിന് ശേഷം, സഹായം തേടിയാണ് തനിക്ക് മെസേജ് അയച്ചതെന്നാണ് മധൂര് എന്ന യുവാവിന്റെ പോസ്റ്റില് പറയുന്നത്. ‘2016 ല് ഞാന് ഡേറ്റ് ചെയ്തിരുന്ന ആ പെണ്കുട്ടി, എന്നെ ചതിച്ചിട്ട് പോയി. അത് എന്നെ കടുത്ത വിഷാദത്തിലേക്ക് നയിച്ചു. ഇന്ന് അവള് എവിടെ നിന്നോ എനിക്ക് മെസേജ് അയച്ചു. ഞാന് ഡല്ഹിയിലാണെന്നും ഭര്ത്താവുമായി വേര്പിരിഞ്ഞതിനാല് വാടകയ്ക്ക് ഒരു ഫ്ളാറ്റ് കണ്ടെത്താന് സഹായിക്കാമോ എന്നും ചോദിച്ചു. ഞാന്…
Read More » -
സുരേഷ് ഗോപിയുടെ കമ്മീഷണര് തൊപ്പി എവിടെ? ഗണേഷ് കുമാറിന്റെ പരിഹാസത്തിന് മറ്റൊരു ട്വിസ്റ്റ്; ഇടുക്കിയില് അച്ഛന്റെയും രണ്ടാനമ്മയുടെയും ക്രൂര മര്ദനത്തിന് ഇരയായ ഷെഫീഖിന്റെ പക്കല്; മന്ത്രി നല്കിയത് അപ്രതീക്ഷിത പിറന്നാള് സമ്മാനം
ഇടുക്കി: കമ്മീഷണര് സിനിമ റിലീസ് ചെയ്തതിനു പിന്നാലെ ഐപിഎസ് ഉദ്യോഗസ്ഥര് ചെയ്യുന്നതുപോലെ കാറിന്റെ പിന്നില് തൊപ്പിയൂരി വച്ചയാളാണു സുരേഷ് ഗോപിയെന്ന മന്ത്രി ഗണേഷ് കുമാറിന്റെ പരിഹാസം സോഷ്യല് മീഡിയയില് വലിയ ചര്ച്ചയായി. മാധ്യമങ്ങളും ഏറ്റുപിടിച്ചതോടെ സുരേഷ് ഗോപിക്ക് അല്പം ക്ഷീണമായി. എന്നാല്, തൊപ്പിയുടെ അവസ്ഥയെന്തെന്നു ചികഞ്ഞുനോക്കിയവര്ക്കു ലഭിച്ചത് മറ്റൊരു കഥ. അതും സുരേഷ് ഗോപി പറഞ്ഞതുതന്നെ. ‘കമ്മിഷണര് തൊപ്പി’ സുരേഷ് ഗോപി നല്കിയത് ഇടുക്കിയില് അച്ഛന്റെയും രണ്ടാനമ്മയുടെയും ക്രൂരമര്ദനത്തിന് ഇരയായ ഷെഫീഖ് എന്ന കുട്ടിക്ക്. 2014 സെപ്റ്റംബറിലാണ് ഷെഫീഖിന്റെ പിറന്നാളിന് സുരേഷ് ഗോപി കാണാനെത്തിയതും തൊപ്പി നല്കിയതും. പിറന്നാളിനു സുരേഷ് ഗോപി വരണം എന്നായിരുന്നു ഷെഫീഖിന്റെ ആഗ്രഹം. ഇതറിഞ്ഞതോടെയാണ് തിരക്കുകള് മാറ്റിവച്ച് സുരേഷ് ഗോപി തൊടുപുഴയില് എത്തിയത്. ഗണേഷ് കുമാറിന്റെ തൊപ്പി പരാമര്ശത്തിനു പിന്നാലെ സൈബറിടത്ത് സുരേഷ് ഗോപി ഷെഫീഖിന് തൊപ്പി കൊടുത്ത കാര്യം പറയുന്ന വിഡിയോ പ്രചരിക്കുന്നുണ്ട്. ”എന്റെ കയ്യില് ഇപ്പോള് ആ തൊപ്പിയില്ല. തൊടുപുഴയില് രണ്ടാനമ്മയും അച്ഛനും ക്രൂരമര്ദനത്തിന്…
Read More » -
സീരിയസ് പ്രശ്നങ്ങളില്ല; ചെറിയ പ്രശ്നങ്ങളൊക്കെയുണ്ട്; ചികിത്സ ഏകദേശം കഴിഞ്ഞു; അടുത്തമാസം അഭിനയിക്കാന് തുടങ്ങും; മമ്മൂട്ടിയുടെ ആരോഗ്യത്തെപ്പറ്റി ബാദുഷ; അടുത്ത ചിത്രത്തില് മോഹന്ലാലും ഫഹദും കുഞ്ചാക്കോയും അടക്കം വമ്പന് താരനിര
ചെന്നൈ: മമ്മൂട്ടിയുടെ ആരോഗ്യം സംബന്ധിച്ച വാര്ത്തകള് അടുത്തിടെ മലയാള സിനിമ ലോകത്ത് വലിയ ചര്ച്ചയായിരുന്നു. എമ്പുരാന് പ്രമോഷന് പരിപാടിക്കിടെ മമ്മൂട്ടി സുഖമായിരിക്കുന്നുവെന്നും ഭയപ്പെടേണ്ട ആവശ്യമില്ല എന്നും മോഹന്ലാല് പറഞ്ഞതും ശ്രദ്ധ നേടിയിരുന്നു. പറയുന്ന പോലെ വലിയ ആരോഗ്യപ്രശ്നങ്ങള് മമ്മൂട്ടിക്ക് ഇല്ലെന്നും സാധാരണ ആളുകള്ക്ക് വരുന്നതുപോലെയുള്ള പ്രശ്നങ്ങളെ ഉള്ളുവെന്നും പറയുകയാണ് നിര്മാതാവ് എം.എന്.ബാദുഷ. നോമ്പ് കഴിഞ്ഞാല് അദ്ദേഹം ഷൂട്ടിലേക്ക് മടങ്ങുമെന്നും യൂട്യൂബ് ചാനലിന് നല്കിയ അഭിമുഖത്തില് ബാദുഷ പറഞ്ഞു. ‘ഈ പറയുന്നത്ര സീരിയസ് പ്രശ്നങ്ങളൊന്നുമില്ല. സാധാരണ ആള്ക്കാര്ക്ക് വരുന്നത് പോലെ ചെറിയ പ്രശ്നങ്ങളൊക്കെ ഉണ്ട്. അതിന്റെ ചികില്സയിലാണ്. ഇപ്പോള് എല്ലാം ഏകദേശം കഴിഞ്ഞിരിക്കുകയാണ്. അടുത്ത മാസം തന്നെ മമ്മൂക്ക അഭിനയിക്കാനായി തുടങ്ങും. നോമ്പ് കാരണമാണ് പ്രധാനമായും ഇപ്പോള് അഭിനയിക്കാതിരിക്കുന്നത്. നോമ്പ് കഴിഞ്ഞാല് അടുത്ത മാസം മഹേഷ് നാരായണന്റെ പടത്തില് ജോയിന് ചെയ്യും,’ ബാദുഷ പറഞ്ഞു. മമ്മൂട്ടിയ്ക്കും മോഹന്ലാലിനുമൊപ്പമുള്ള മഹേഷ് നാരായണന് ചിത്രത്തില് കുഞ്ചാക്കോ ബോബന്, ഫഹദ് ഫാസില്, നയന്താര, ഗ്രേസ് ആന്റണി തുടങ്ങി…
Read More » -
‘എല്ലാം ഓക്കെ അല്ലേ അണ്ണാ ?, സ്നേഹപൂര്വ്വം മുരളി ഗോപിക്കൊപ്പം’; പുതിയ പോസ്റ്റുമായി ആന്റണി പെരുമ്പാവൂര്
മലയാള സിനിമയുടെ റെക്കാഡുകള് മറികടന്ന് കുതിക്കുകയാണ് എമ്പുരാന്. ഇടയ്ക്ക് രാഷ്ട്രീയ വിവാദങ്ങള് ഉണ്ടായി ചില രംഗങ്ങളും പേരും മാറ്റിയെങ്കിലും അതൊന്നും സിനിമയെ ബാധിച്ചിട്ടില്ല. മുരളി ഗോപിയുടെ തിരക്കഥയില് മോഹന്ലാലിനെ നായകനാക്കി പൃഥ്വിരാജാണ് എമ്പുരാന് സംവിധാനം ചെയ്തത്. ചിത്രം റിലീസ് ചെയ്ത് 11 ദിവസങ്ങള്ക്കകം 250 കോടി ആഗോളകളക്ഷനിലൂടെ മലയാളത്തിലെ പുതിയ ഇന്ഡസ്ട്രി ഹിറ്റ് ആയി മാറുകയും ചെയ്തു. ഇപ്പോഴിതാ കഴിഞ്ഞ ദിവസം ചിത്രത്തിന്റെ നിര്മാതാവ് കൂടിയായ ആന്റണി പെരുമ്പാവൂര് പങ്കുവച്ച ചിത്രങ്ങളാണ് സോഷ്യല് മീഡിയയില് ചര്ച്ചയാകുന്നത്. 250 കോടി നേട്ടതിന് പിന്നാലെ പൃഥ്വിരാജിനും മോഹന്ലാലിനും മുരളിഗോപിയ്ക്കും ഒപ്പമുള്ള ചിത്രങ്ങളാണ് ആന്റണി പെരുമ്പാവൂര് ഫേസ്ബുക്കില് പങ്കുവച്ചത്. ‘എല്ലാം ഓക്കെ അല്ലേ അണ്ണാ?’, ‘എന്നും എപ്പോഴും’, ‘സ്നേഹപൂര്വ്വം’ എന്ന ക്യാപ്ഷനോടെയായിരുന്നു ചിത്രങ്ങള് പങ്കുവച്ചത്. ആദ്യം പൃഥ്വിരാജിനൊപ്പമുള്ള ചിത്രം പങ്കുവച്ച ആന്റണി പെരുമ്പാവൂര് മുന്പ് ഒരു സന്ദര്ഭത്തില് പൃഥ്വിരാജ് പറഞ്ഞ വരികളാണ് ക്യാപ്ഷനായി കുറിച്ചത്. ‘എല്ലാം ഓക്കെ അല്ലേ അണ്ണാ…?’ എന്ന്. ഇരുപതിനായിരത്തോളം ലൈക്കാണ് ഇതിന്…
Read More »