World
-
ഗാസയിലെ സൈനിക നടപടി മൂന്ന് മാസംവരെ തുടര്ന്നേക്കും; ഹമാസ് ബാക്കിയുണ്ടാകില്ല
ടെല് അവീവ്: ഗാസയ്ക്കെതിരെ ഇസ്രയേല് സൈനിക നടപടികള് ഒന്ന് മുതല് മൂന്ന് മാസത്തോളം തുടര്ന്നേക്കുമെന്ന് പ്രതിരോധ മന്ത്രി യോവ് ഗാലന്റ്. എന്നാല്, അവസാനം ഹമാസ് ഉണ്ടായിരിക്കില്ലെന്നും ഇസ്രയേല് പ്രതിരോധ മന്ത്രി പറഞ്ഞു. ഇസ്രയേല് വ്യോമസേനയുടെ നടപടികള് സംബന്ധിച്ച് വിലയിരുത്തിയ ശേഷമായിരുന്നു യോവ് ഗാലന്റിന്റെ പ്രതികരണം. ”പ്രതിരോധസേനയ്ക്ക് യുദ്ധ തന്ത്രങ്ങളില് ഒരു നിയന്ത്രണവും ഉണ്ടായിരിക്കില്ല. ഗാസയില് നമ്മുടെ അവസാനത്തെ തന്ത്രപരമായ പ്രവര്ത്തനം ആയിരിക്കണം ഇത്. ലളിതമായി പറഞ്ഞാല് ഹമാസ് ഇനി ഉണ്ടായിരിക്കരുത്”, ഇസ്രയേല് പ്രതിരോധ മന്ത്രി പറഞ്ഞു. വ്യോമസേനയെ അഭിനന്ദിച്ച അദ്ദേഹം, അടുത്തഘട്ടമായ കരയാക്രമണം ഉടന് ഉണ്ടാകുമെന്നും പറഞ്ഞു. ഹമാസുമായി ഒരു തരത്തിലുള്ള വെടിനിര്ത്തല് കരാറിനും ഇല്ലെന്ന് ഇസ്രേയല് സൈന്യം വ്യക്തമാക്കുകയും ചെയ്തു. അതേസമയം, കരയാക്രമണം വൈകിപ്പിക്കണമെന്ന് യുഎസ് ഇസ്രയേലിനോട് ആവശ്യപ്പെട്ടിട്ടുണ്ടെന്ന് അമേരിക്കന് മാധ്യമങ്ങള് റിപ്പോര്ട്ട് ചെയ്തു. ഖത്തറിന്റെ മധ്യസ്ഥതയില് ബന്ദികളെ മോചിപ്പിക്കുന്നതിനുള്ള ശ്രമങ്ങള് തുടരുന്ന സാഹചര്യത്തിലാണിത്. ചര്ച്ചകളുടെ ഭാഗമായി വെള്ളിയാഴ്ച രണ്ട് അമേരിക്കന് ബന്ദികളെ ഹമാസ് മോചിപ്പിച്ചിരുന്നു. അതിനിടെ, ഇസ്രയേല് ഹമാസ്…
Read More » -
ഹിജാബ് ധരിക്കാത്തതിന് പോലീസ് തെമ്മാടിത്തം വീണ്ടും; ഇറാനില് കൗമാരക്കാരിക്ക് മസ്തിഷ്ക മരണം
ടെഹ്റാന്: ഇറാനില് ഹിജാബ് ധരിക്കാത്തതിന്റെ പേരില് പൊലീസ് പീഡിപ്പിച്ചതിനെ തുടര്ന്നു മെട്രോ ട്രെയിനില് കുഴഞ്ഞുവീണ അര്മിത ഗൊരാവന്ദ് (16) എന്ന പെണ്കുട്ടിക്ക് മസ്തിഷ്കമരണം സംഭവിച്ചു. പൊലീസ് പീഡനം നിഷേധിച്ചെങ്കിലും ഇറാന് മസ്തിഷ്കമരണം സ്ഥിരീകരിച്ചു. ജീവന്രക്ഷാ ഉപകരണങ്ങളുടെ സഹായത്തോടെയാണ് അര്മിത ആശുപത്രിയില് തുടരുന്നതെന്ന് ഇറാന് ഔദ്യോഗിക വാര്ത്താ ഏജന്സി വ്യക്തമാക്കി. അതേസമയം, പൊലീസ് അര്മിതയെ മര്ദിച്ചതായാണ് ദൃക്സാക്ഷികള്പറയുന്നത്. ഈ മാസം ഒന്നിനാണ് അര്മിത ഗൊരാവന്ദ് മെട്രോയില് കൂട്ടുകാരികള്ക്കൊപ്പം സഞ്ചരിക്കുന്നതിനിടയില് ബോധരഹിതയായി വീണത്. പൗരാവകാശ സംഘടനയായ ഹെന്ഗാവ് ആണ് സദാചാര പൊലീസ് പെണ്കുട്ടിയെ പീഡിപ്പിച്ചതായി ആരോപിച്ചത്. 2022 സെപ്റ്റംബറില് കുര്ദ് യുവതി മഹ്സ അമിനി (22) കസ്റ്റഡിയില് മരിച്ചതിനെ തുടര്ന്നു വനിതകളുടെ നേതൃത്വത്തില് മാസങ്ങളോളം കനത്ത പ്രക്ഷോഭമാണു രാജ്യത്തുടനീളം നടന്നത്. അമിനിയും മസ്തിഷ്ക മരണത്തെ തുടര്ന്ന് 3 ദിവസം ആശുപത്രിയിലായിരുന്നു. അതിനിടെ കഴിഞ്ഞവര്ഷം മഹ്സ അമിനിയുടെ മരണം റിപ്പോര്ട്ട് ചെയ്ത 2 വനിതാ മാധ്യമപ്രവര്ത്തകരെ ഇറാന് ജയിലിലടച്ചു. നിലോഫര് ഹമദി, ഇലാഹി മുഹമ്മദി എന്നിവര്ക്കാണു…
Read More » -
ഇസ്രയേലിനും യുഎസിനും എതിരേ ആക്രമണത്തിന് ആഹ്വാനം ചെയ്ത് അല്ഖ്വയ്ദയും ഐഎസും
ന്യൂയോര്ക്ക്: ഇസ്രയേലിനും യുഎസിനും യഹൂദര്ക്കും എതിരേ ആക്രമണം നടത്താൻ ആഹ്വാനം ചെയ്ത് അല്ഖ്വയ്ദയും ഇസ്ലാമിക് സ്റ്റേറ്റും. അല്ക്വയ്ദ ബന്ധമുള്ള സംഘടനകള് രണ്ടാഴ്ചയ്ക്കിടെ പുറത്തുവിട്ട പ്രസ്താവനകള് പാശ്ചാത്യരാജ്യങ്ങളിലും പശ്ചിമേഷ്യയിലും പുതിയ ഭീകരാക്രമണങ്ങള്ക്കു കാരണമാകുമെന്ന ആശങ്ക ശക്തമാണ്. സൊമാലിയയിലെ അല്ക്വയ്ദ അനുകൂലികളായ അല് ഷബാബ് ഭീകരര്, ഇസ്രയേലില് ആക്രമണം നടത്തിയ ഹമാസിനെ അഭിനന്ദിക്കുകയുണ്ടായി. യഹൂദര്ക്കും അവരെ പിന്തുണയ്ക്കുന്നവര്ക്കും എതിരേ ഒത്തുചേരണമെന്നും അല് ഷബാബ് ആവശ്യപ്പെട്ടു. യമൻ, സിറിയ, ഇന്ത്യൻ ഉപദ്വീപ് എന്നിവടങ്ങളിലെ അല്ക്വയ്ദ അനുകൂല സംഘടനകളും ഇത്തരം പ്രസ്താവനകള് നടത്തിയിട്ടുണ്ട്.യഹൂദരെ ആക്രമിക്കുന്നതിനുള്ള പ്രായോഗിക വഴികള് ഉപദേശിക്കാമെന്നാണ് ഇസ്്ലാമിക് സ്റ്റേറ്റ് പറഞ്ഞിരിക്കുന്നത്. അതേസമയം, ഇറാനുമായുള്ള ബന്ധത്തിന്റെ പേരില് ഹമാസിനെ ഐഎസ് വിമര്ശിക്കുന്നുണ്ട്
Read More » -
യുഎസില് ജൂതപള്ളിയിലെ പ്രസിഡന്റിനെ കുത്തേറ്റു മരിച്ച നിലയില് കണ്ടെത്തി; അന്വേഷണം ആരംഭിച്ച് പോലീസ്
മിഷിഗണ്: അമേരിക്കയിൽ ജൂതപള്ളിയിലെ പ്രസിഡന്റിനെ വീടിന് പുറത്ത് കുത്തേറ്റു മരിച്ച നിലയില് കണ്ടെത്തി. ഡെട്രോയിറ്റ് സിനഗോഗ് ബോര്ഡ് പ്രസിഡന്റ് സാമന്ത വോള് (40) ആണ് കൊല്ലപ്പെട്ടത്. ശരീരത്തില് ഒന്നിലധികം മുറിവുകളുമായി കൊല്ലപ്പെട്ട നിലയിലായിരുന്നു പ്രസിഡന്റിനെ കണ്ടെത്തിയതെന്നാണ് റിപ്പോര്ട്ടുകള്. കൊലപാതകത്തിന്റെ കാരണം ഇതുവരെ അറിവായിട്ടില്ലെന്ന് പോലീസ് പറഞ്ഞു. സംഭവത്തില് അന്വേഷണം ആരംഭിച്ചിട്ടുണ്ടെന്നും പോലീസ് അറിയിച്ചു.
Read More » -
ഫലസ്തീന് സഹായവുമായി ഇന്ത്യ; അവശ്യവസ്തുക്കളുമായി എയര്ഫോഴ്സ് വിമാനം പുറപ്പെട്ടു
ന്യൂഡല്ഹി: ഇസ്രായേല് ആക്രമണത്തില് വലയുന്ന ഫലസ്തീന് സഹായവുമായി ഇന്ത്യ. ഗസ്സയിലേക്കുള്ള മെഡിക്കല് ഉപകരണങ്ങളും മറ്റ് അവശ്യവസ്തുക്കളുമായി ഇന്ത്യൻ ഏയർഫോർസിന്റെ വിമാനം യാത്ര തിരിച്ചു. എയര്ഫോഴ്സിന്റെ c-17 വിമാനമാണ് അവശ്യവസ്തുക്കളുമായി പറന്നുയര്ന്നത്.ഈജിപ്തിലേക്കായിരിക്കും ഇന്ത്യൻ വിമാനം പോവുക. അവിടെ നിന്നും റഫ അതിര്ത്തി വഴി സാധനങ്ങള് ഗസ്സയിലെത്തിക്കും. 32 ടണ് സാധനങ്ങളാണ് ഇന്ത്യ ഫലസ്തീന് നല്കുന്നത്. ഇതില് 6.5 ടണ്ണും മെഡിക്കല് സഹായമാണ്. ഇതിന് പുറമേ ടെന്റുകള്, സ്ലീപ്പിങ് ബാഗുകള്, ജലശുദ്ധീകരണത്തിനുള്ള ടാബ്ലെറ്റുകള് തുടങ്ങിയ അവശ്യവസ്തുക്കളും സഹായത്തില് ഉള്പ്പെടുന്നു. വിദേശകാര്യമന്ത്രാലയം വക്താവ് അരിന്ദം ബാച്ചിയാണ് ഫലസ്തീന് സഹായം നല്കിയ കാര്യം അറിയിച്ചത്. നേരത്തെ ഫലസ്തീന് നല്കി വരുന്ന സഹായം തുടരുമെന്നും ആവശ്യമെങ്കില് അധിക സഹായം നല്കുമെന്നും ഇന്ത്യ വ്യക്തമാക്കിയിരുന്നു.
Read More » -
നേപ്പാളില് ഭൂചലനം, 6.1 തീവ്രത രേഖപ്പെടുത്തി
കാഠ്മണ്ഡു:നേപ്പാള് തലസ്ഥാനമായ കാഠ്മണ്ഡുവില് റിക്ടര് സ്കെയിലില് 6.1 തീവ്രത രേഖപ്പെടുത്തിയ ഭൂചലനമുണ്ടായി.ഇന്ന് രാവിലെ 7:39 നാണ് സംഭവം. ഭൂചലനത്തില് അത്യാഹിതങ്ങളൊന്നും തന്നെ റിപ്പോര്ട്ട് ചെയ്തിട്ടില്ല. ബാഗ്മതി, ഗണ്ഡകി പ്രവിശ്യകളിലെ മറ്റ് ജില്ലകളിലും ഭൂചലനം അനുഭവപ്പെട്ടതായാണ് വിവരം. ലോകത്തിലെ ഏറ്റവും കൂടുതല് ഭൂകമ്ബ സാധ്യതയുള്ള രാജ്യങ്ങളില് നേപ്പാള് പതിനൊന്നാം സ്ഥാനത്താണ്.
Read More » -
അഭയാര്ഥി ക്യാമ്പില് ഇസ്രയേല് വ്യോമാക്രമണം; വെസ്റ്റ്ബാങ്കില് 13 മരണം
ജറുസലേം: ഗാസയ്ക്ക് പുറമെ വെസ്റ്റ്ബാങ്കിലും കനത്ത ആക്രമണം അഴിച്ചുവിട്ട് ഇസ്രയേല്. വെസ്റ്റ്ബാങ്കിലെ അഭയാര്ഥി ക്യാമ്പില് ഇസ്രയേല് നടത്തിയ വ്യോമാക്രമണത്തില് അഞ്ച് കുഞ്ഞുങ്ങളടക്കം 13 പേര് കൊല്ലപ്പെട്ടു. ഐക്യരാഷ്ട്രസഭ ദുരിതാശ്വാസ ഏജന്സിയാണ് ഇക്കാര്യം അറിയിച്ചത്. ആക്രമണത്തിനിടെ ഒരു ഇസ്രയേല് സൈനികന് കൊല്ലപ്പെട്ടതായും നിരവധിപേര്ക്ക് പരിക്കേറ്റതായും യുഎന് ഏജന്സി പ്രസ്താവനയില് പറഞ്ഞു. ഇസ്രയേല് അധിനിവേശത്തിലുള്ള വെസ്റ്റ്ബാങ്കില് 30 ലക്ഷത്തോളം പലസ്തീനികള് താമസിക്കുന്നുണ്ട്. വെസ്റ്റ്ബാങ്കിലെ ജെനിന് അഭയാര്ഥി ക്യാമ്പിന് നേരെയാണ് വ്യോമാക്രമണമുണ്ടായത്. തീവ്രവാദ പ്രവര്ത്തനങ്ങളുടെ കേന്ദ്രം എന്നാരോപിച്ച് ഒരു പള്ളിക്ക് നേരെയും ആക്രമുണ്ടായി. ഇതില് ഒരാള് കൊല്ലപ്പെട്ടു. അവശിഷ്ടങ്ങള്ക്കിടയില് നിരവധിപേര് കുടുങ്ങി കിടക്കുന്നതായും ആശങ്കയുണ്ട്. വെസ്റ്റ്ബാങ്കിലെ പ്രസിദ്ധമായ പള്ളിയായിരുന്നു ഇത്. ഇതിനിടെ ഗാസയില് ആക്രമണം ശക്തമാക്കുമെന്ന് ഇസ്രയേല് മുന്നറിയിപ്പ് നല്കിയിട്ടുണ്ട്. ഗാസ മുനമ്പിലേക്ക് ഉടന് കയറുമെന്നും ഇസ്രയേല് സൈന്യം അറിയിച്ചിട്ടുണ്ട്. കരയാക്രമണത്തിലേക്ക് പ്രവേശിക്കുന്ന സൈനികര്ക്ക് സഹായമൊരുക്കാന് ഇന്ന് മുതല് വ്യോമാക്രമണം വര്ധിപ്പിക്കാനാണ് ഇസ്രയേല് തീരുമാനം. ”ഞങ്ങള് ആക്രമണങ്ങള് വര്ദ്ധിപ്പിക്കും, യുദ്ധത്തിന്റെ അടുത്ത ഘട്ടങ്ങളില് ഞങ്ങളുടെ സൈനികരുടെ…
Read More » -
പലസ്തീൻ ജനത എവിടേക്കും ഓടിപ്പോകാൻ ഉദ്ദേശിക്കുന്നില്ല എന്നും മാതൃരാജ്യത്ത് തുടരുമെന്നും പലസ്തീൻ പ്രസിഡന്റ് മഹമൂദ് അബ്ബാസ്; സമാധാന ശ്രമവുമായി അറബ് ഉച്ചകോടി
കെയ്റോ: പലസ്തീൻ ജനത എവിടേക്കും ഓടിപ്പോകാൻ ഉദ്ദേശിക്കുന്നില്ല എന്നും മാതൃരാജ്യത്ത് തുടരുമെന്നും പലസ്തീൻ പ്രസിഡന്റ് മഹമൂദ് അബ്ബാസ്. ഈജിപ്തിലെ കെയ്റോവിലം അറബ് ഉച്ചകോടിയുടെ ആമുഖ പ്രസംഗത്തിലാണ് പലസ്തീൻ പ്രസിഡൻ്റ് നിലപാട് വ്യക്തമാക്കിയത്. ഇസ്രയേൽ – ഹമാസ് യുദ്ധത്തിനിടെ സമാധാന ശ്രമവുമായാണ് ഈജിപ്തിലെ കെയ്റോവിൽ അറബ് ഉച്ചകോടി നടന്നത്. ഖത്തർ , യു എ ഇ , സൗദി അറേബ്യ , ബഹ്റൈൻ , കുവൈത്ത് , ജോർദാൻ , ഇറാഖ് , സൈപ്രസ് രാജ്യങ്ങളാണ് ഈജിപ്തിൽ ഒത്തു ചേർന്നത്. ഇവർക്കൊപ്പം ഐക്യ രാഷ്ട്ര സഭ ജനറൽ സെക്രട്ടറിയും ജപ്പാൻ , ജർമനി , തുർക്കി , ഗ്രീസ് എന്നീ രാജ്യങ്ങളിലെയും പലസ്തീൻ്റെയും പ്രതിനിധികൾ ഉച്ചക്കോടിയിൽ പങ്കെടുത്തു. അറബ് ലീഗ് സെക്രട്ടറി ജനറൽ അടക്കമുള്ളവരും കെയ്റോയിൽ ചേരുന്ന ഉച്ചകോടിയിൽ പങ്കെടുത്തു. അതിനിടെ ഗാസയിലേക്കുള്ള റഫ അതിർത്തി ഈജിപ്ത് തുറന്നിട്ടുണ്ട്. ഇതോടെ യുദ്ധം തുടങ്ങി 14 ദിവസങ്ങൾക്ക് ശേഷം ഗാസയിലേക്ക് മരുന്നും ഭക്ഷണവും എത്തിത്തുടങ്ങി.…
Read More » -
ഫിറ്റ്നസ് ഇന്ഫ്ളുവന്സര് റെയ്ചല് ചെയ്സ് അന്തരിച്ചു; ഫെയ്സ്ബുക്കില് 14 ലക്ഷം ഫോളോവേഴ്സ്
വെല്ലിങ്ടണ്: ന്യൂസീലന്ഡ് ബോഡി ബില്ഡറും ഫിറ്റ്നസ് ഇന്ഫ്ളുവന്സറുമായ റെയ്ചല് ചെയ്സ് അന്തരിച്ചു. അഞ്ചു മക്കളുടെ അമ്മയായ റെയ്ചലിന് ഫെയ്സ്ബുക്കില് 14 ലക്ഷം ഫോളോവേഴ്സുണ്ട്. നിരവധി ഫിറ്റ്നസ് വീഡിയോകളും പ്രചോദനം നല്കുന്ന പോസ്റ്റുകളുമാണ് 41-കാരി സോഷ്യല് മീഡിയയില് പങ്കുവെയ്ക്കാറുള്ളത്. മൂത്ത മകളായ അന്ന ചെയ്സാണ് റെയ്ചലിന്റെ മരണവാര്ത്ത സ്ഥിരീകരിച്ചത്. എന്നാല് കാരണം വ്യക്തമല്ല. സംഭവത്തില് ന്യൂസീലന്ഡ് പോലീസ് അന്വേഷണം നടത്തിവരികയാണ്. ‘അമ്മ എല്ലാവിധ പിന്തുണയും ഞങ്ങള്ക്ക് നല്കിയിരുന്നു. അവര് അനുകമ്പയുള്ള ഹൃദയത്തിന് ഉടമയായിരുന്നു. ജീവിതത്തില് പ്രചോദനം നല്കുന്ന ഉപദേശങ്ങളാണ് ഞങ്ങള്ക്ക് നല്കിയിരുന്നത്. ലോകത്തുള്ള ലക്ഷക്കണക്കിന് ആളുകള്ക്ക് പ്രചോദനമാവുകയും ചെയ്തു. അമ്മയുടെ സ്നേഹം ഒരിക്കലും ഇല്ലാതാകില്ല. അവരെ ഒരുപാട് മിസ് ചെയ്യും.’-അന്ന പറഞ്ഞു. വളരെ ചെറുപ്പത്തില്തന്നെ ബോഡി ബില്ഡിങ് രംഗത്ത് സജീവമായിരുന്നു റെയ്ചല്. 2011-ല് ലാസ് വെഗാസില് നടന്ന ഒളിംപ്യ ബോഡി ബില്ഡിങ് മത്സരത്തില് പങ്കെടുത്ത ആദ്യ വനിതയായിരുന്നു. 2015 ഫെബ്രുവരിയിലാണ് ക്രിസ് ചെയ്സുമായുള്ള 14 വര്ഷത്തെ വിവാഹജീവിതം റെയ്ചല് അവസാനിപ്പിച്ചത്. ക്രിസ് പിന്നീട്…
Read More » -
ഒടുവില് ഗാസയിലേക്ക് സഹായം; ട്രക്കുകള് കടന്നുതുടങ്ങി
റഫാ (ഈജിപ്ത്): യുദ്ധം കൊടുംദുരിതം വിതച്ച ഗാസയിലേക്ക് ആശ്വാസത്തിന്റെ കിരണങ്ങളുമായി ജീവകാരുണ്യ സഹായമെത്തി തുടങ്ങിയതായി റിപ്പോര്ട്ട്. സഹായവുമായി എത്തിയ ട്രക്കുകള് ഈജിപ്തില്നിന്നു റഫാ അതിര്ത്തി വഴി ഗാസയിലേക്കു കടന്നു തുടങ്ങി. സുരക്ഷാ ഉദ്യോഗസ്ഥരും ഈജ്പിത് റെഡ് ക്രെസന്റ് അധികൃതരുമാണ് ഇക്കാര്യം അറിയിച്ചത്. മരുന്നുകളും അവശ്യവസ്തുക്കളുമായി നൂറുകണക്കിന് ട്രക്കുകളാണ് ഗാസയിലേക്കു പോകാന് അതിര്ത്തിയില് കാത്തുകിടക്കുന്നത്. ദിവസം 20 ട്രക്കുകള് മാത്രമാവും ആദ്യം കടത്തിവിടുക. 48 മണിക്കൂറിനുള്ളില് ട്രക്കുകള് ഗാസയിലേക്കു പോകുമെന്ന് യുഎസ് പ്രസിഡന്റ് ജോ ബൈഡന് കഴിഞ്ഞ ദിവസം പറഞ്ഞിരുന്നു. ഇസ്രയേലും ഈജിപ്ത് പ്രസിഡന്റും ഇക്കാര്യത്തില് സന്നദ്ധത അറിയിച്ചുവെന്നും ബൈഡന് വ്യക്തമാക്കിയിരുന്നു. ഇസ്രയേലും ഹമാസും തമ്മില് യുദ്ധം തുടങ്ങി പതിനഞ്ചാം ദിവസമായ ഇന്ന് നിരവധി ട്രക്കുകള് ഗാസയിലേക്കു പോകുന്നതിന്റെ ദൃശ്യങ്ങള് ഈജിപ്ഷ്യന് ടെലിവിഷന് പുറത്തുവിട്ടു. ട്രക്കുകള് കടത്തിവിടാന് അനുവദിക്കണമെന്ന് ആവശ്യപ്പെട്ട് യുഎന് സെക്രട്ടറി ജനറല് അന്റോണിയോ ഗുട്ടെറസ് റഫാ അതിര്ത്തിയില് കഴിഞ്ഞ ദിവസം വാര്ത്താ സമ്മേളനം നടത്തിയിരുന്നു. ”ഈ ട്രക്കുകള് വെറും ട്രക്കുകളല്ല,…
Read More »