Pravasi
-
സന്ദര്‍ശനത്തിനെത്തിയ യുവാവിനെ കാണാതായി; 38 മണിക്കൂര്‍ നീണ്ട തെരച്ചിലിനൊടുവില്‍ ഷാര്‍ജ പോലീസ് ആളെ കണ്ടെത്തി
ഷാര്‍ജ: കാണാതായ യുവാവിനെ 38 മണിക്കൂര്‍ നീണ്ട തെരച്ചിലിനൊടുവില്‍ കണ്ടെത്തി ഷാര്‍ജ പോലീസ്. നോര്‍വീജിയന്‍ പൗരത്വമുള്ള പാക്കിസ്ഥാനി യുവാവ് സഖ് ലൈന്‍ മുനിറിനെ ആണ് പോലീസ് കണ്ടെത്തിയത്. 22 വയസായിരുന്നു. കഴിഞ്ഞ ദിവസം ഉച്ചയോടെയാണ് പോലീസ് മകനെ കണ്ടെത്തിയതെന്ന് സഖ് ലൈന്റെ പിതാവ് അസ്ഹര്‍ മുനിര്‍ പറഞ്ഞു. ഷാര്‍ജയിലെ ആശുപത്രിയില്‍ വെച്ചാണ് ഇദ്ദേഹത്തെ കണ്ടെത്തിയത്. വ്യാഴാഴ്ച രാത്രി 10 മണിയോടെയാണ് സഖ് ലൈന്‍ മുനിറിനെ കാണാതെയാകുന്നത്. പ്രത്യേക പരിഗണന ആവശ്യമുള്ള വ്യക്തിയായതിനാല്‍ ആളെ കിട്ടുന്നത് വരെ വളരെ വിഷമത്തിലായിരുന്നു. അതികം ആരോടും സംസാരിക്കാത്ത വ്യക്തിയാണ് സഖ് ലൈന്‍ മുനീര്‍. ഫോണിലേക്ക് തുടര്‍ച്ചയായി വിളിച്ചെങ്കിലും സ്വിച്ച്ഡ് ഓഫ് ആക്കിയിരുന്നു. പാക്കിസ്ഥാനില്‍ ചികിത്സയ്ക്ക് കൊണ്ടുപോകുന്നതിന് മുമ്പ് മകന് സന്തോഷം കിട്ടാന്‍ വേണ്ടിയാണ് കുടുംബം ദുബായില്‍ എത്തിയത്. നോര്‍വേയില്‍ നിന്ന് ആണ് കുടംബം ദുബായില്‍ എത്തിയത്. നവംബര്‍ 30 ന് രാജ്യത്ത് എത്തി. ഡിസംബര്‍ 9 ന് തിരിച്ച് പാകിസ്ഥാനിലേക്ക് പോകാന്‍ നില്‍ക്കുമ്പോള്‍ ആണ് സഖ്…
Read More » -
തൃശൂര്‍ സ്വദേശിയായ മൂന്നുവയസ്സുകാരൻ ഖത്തറില്‍ അപകടത്തില്‍ മരിച്ചു
ദോഹ: സ്കൂളിലേക്ക് പുറപ്പെട്ട സഹോദരിയെ യാത്രയാക്കാനെത്തിയ മൂന്നു വയസ്സുകാരൻ അപകടത്തില്‍ മരിച്ചു. തൃശൂര്‍ മതിലകം പഴുന്തറ ഉളക്കല്‍ വീട്ടില്‍ റിയാദ് മുഹമ്മദ് അലിയുടെയും സുഹൈറയുടെയും മകൻ റൈഷ് ആണ് ഖത്തറില്‍ അപകടത്തില്‍ മരിച്ചത്. വെള്ളിയാഴ്ച ഉച്ചകഴിഞ്ഞ് തുമാമയിലെ വീട്ടിന് മുന്നിലായിരുന്നു അപകടം.സ്കൂള്‍ ബസ് തട്ടി പരിക്കേറ്റ കുട്ടിയെ ഉടൻ ആശുപത്രിയിലെത്തിച്ചെങ്കിലും മരണം സംഭവിച്ചു. ഒലിവ് ഇന്റര്‍നാഷണല്‍ സ്കൂള്‍ കെ.ജി വിദ്യാര്‍ഥിനി സയയാണ് സഹോദരി.ഖത്തറില്‍ കോണ്‍ട്രാക്ടിങ് കമ്ബനി ജീവനക്കാരാനാണ് പിതാവ് റിയാദ്.
Read More » -
കേരളത്തിനും ഗള്‍ഫ് രാജ്യങ്ങള്‍ക്കും ഇടയില്‍ യാത്രാ കപ്പല്‍ സര്‍വീസ് നടത്തുന്നതിന് ടെൻഡര്‍ വിളിച്ച് കേന്ദ്രസർക്കാർ
ന്യൂഡൽഹി: കേരളത്തിനും ഗള്‍ഫ് രാജ്യങ്ങള്‍ക്കും ഇടയില്‍ യാത്രാ കപ്പല്‍ സര്‍വീസ് നടത്തുന്നതിന് ടെൻഡര്‍ വിളിക്കാൻ തീരുമാനിച്ചതായി കേന്ദ്ര ഷിപ്പിങ് മന്ത്രി സര്‍ബാനന്ദ സോനോവാള്‍. ലോക്സഭയിലാണ് അദ്ദേഹം ഇക്കാര്യം അറിയിച്ചത്.ടെൻഡര്‍ പ്രസിദ്ധീകരിക്കാൻ കേരള മാരിടൈം ബോര്‍ഡിനെയും നോര്‍ക്കയെയും ചുമതലപ്പെടുത്തിയിട്ടുണ്ട്. സര്‍വീസ് നടത്താൻ അനുയോജ്യമായ കപ്പലുകള്‍ കൈവശം ഉള്ളവര്‍ക്കും, ഉടനടി കപ്പല്‍ നല്‍കാൻ കഴിയുന്നവര്‍ക്കും, സര്‍വീസ് നടത്താൻ താല്‍പ്പര്യം പ്രകടിപ്പിക്കുന്നവര്‍ക്കും ടെൻഡറില്‍ പങ്കെടുക്കാം. ടെൻഡര്‍ വൈകാതെ പ്രസിദ്ധീകരിക്കുമെന്നാണ് സൂചന. ദുബൈയില്‍ നിന്ന് കൊച്ചിയിലേക്കും ബേപ്പൂരിലേക്കും കപ്പല്‍ സര്‍വീസ് നടത്താൻ ഷാര്‍ജ ഇന്ത്യൻ അസോസിയേഷൻ നേരത്തെ ശ്രമം നടത്തിയിരുന്നു. ഇതിന് പച്ചക്കൊടി വീശുന്നതാണ് കേന്ദ്ര മന്ത്രിയുടെ പ്രസ്താവന. കുത്തനെ കൂടുന്ന വിമാന ടിക്കറ്റിന് ബദലായി കുറഞ്ഞ നിരക്കില്‍ ഗള്‍ഫിലേക്ക് കപ്പലില്‍ പോകാൻ സാധിച്ചാല്‍ അത് പ്രവാസികള്‍ക്ക് വലിയ നേട്ടമാകും.
Read More » -
കാഴ്ചയുടെ വിസ്മയം തീർക്കുന്ന അബുദാബിയിലെ ഷെയ്ഖ് സായിദ് മസ്ജിദ്
യു.എ.ഇയിലെ ഏറ്റവും വലിയ എമിറേറ്റാണ് അബുദാബി.1971-ലാണ് യു.എ.ഇയുടെ പിറവി. അന്നുമുതൽ അബുദാബിയാണ് തലസ്ഥാനപട്ടം അലങ്കരിക്കുന്നത്. 1958-ൽ എണ്ണ നിക്ഷേപം കണ്ടെത്തുന്നതോടെയാണ് അബുദാബിയുടെ മുന്നേറ്റം തുടങ്ങുന്നത്.ലോകരാജ്യങ്ങളുടെ ഉന്നതശ്രേണിയിലേക്ക് അബുദാബിയെ ഉയർത്തിയെടുക്കുന്നതിൽ നിർണായക പങ്കുവഹിച്ച ആളാണ് ഷെയ്ഖ് സായിദ് ബിൻ സുൽത്താൻ അൽ നഹ്യാൻ. യു.എ.ഇയുടെ സ്ഥാപകനായ അദ്ദേഹമാണ് രാജ്യത്തിന്റെ ആദ്യ പ്രസിഡന്റും. അബുദാബിയിലെ തന്നെ ഏറ്റവും വലിയ ആകർഷണമാണ് ഷെയ്ഖ് സായിദ് ഗ്രാൻഡ് മസ്ജിദ് .ഷെയ്ഖ് സായിദ് ബിൻ സുൽത്താൻ അൽ നഹ്യാന്റെ ആശയമായിരുന്നു ഇത്.എന്നാൽ അദ്ദേഹത്തിന്റെ മരണശേഷം 2004-ൽ മാത്രമാണ് ഇത് പൂർത്തിയായത്. ലോകത്തിലെ ഇസ്ലാമിക വാസ്തുവിദ്യയുടെ ഏറ്റവും മികച്ച പ്രദർശനമായി പരക്കെ കണക്കാക്കപ്പെടുന്ന ഷെയ്ഖ് സായിദ് ഗ്രാൻഡ് മസ്ജിദ് അബുദാബിയിലെ എല്ലാ സന്ദർശകരും തീർച്ചയായും കണ്ടിരിക്കേണ്ട ഒന്നാണ്. ലോകത്തിലെ ഏറ്റവും വലിയ പരവതാനി ഉൾപ്പെടെ നിരവധി കാഴ്ചകൾ ഈ പള്ളിയിലുണ്ട്. അറബികൾ ഏറെ ഇഷ്ടപ്പെടുന്ന പരുന്തുകളെ ചികിത്സിക്കുകയും പരിശീലിപ്പിക്കുകയും ചെയ്യുന്ന ഫാൽക്കൺ ആശുപത്രിയാണ് മറ്റൊരു ആകർഷണം. ലോകത്തിലെ ഏറ്റവും വലിയ പള്ളികളിൽ ഒന്നാണ്…
Read More » -
കുവൈത്തില്‍ ക്രിസ്തുമസ് ആഘോഷം തടഞ്ഞ് മുൻസിപ്പാലിറ്റി
കുവൈത്ത് സിറ്റി: ക്രിസ്തുമസുമായി ബന്ധപ്പെട്ട എല്ലാ അലങ്കാരങ്ങളും നീക്കം ചെയ്യണെന്ന് കടകള്‍ക്ക് നിര്‍ദേശം നല്‍കി കുവൈത്ത് മുനിസിപ്പാലിറ്റി. മാളുകളും മറ്റ് വ്യാപാര സ്ഥാപനങ്ങളും ക്രിസ്തുമസ് വിളക്കുകള്‍, ട്രീകള്‍ എന്നിവയാല്‍ അലങ്കരിച്ച്‌ കൊണ്ട് ആഘോഷത്തെ വരവേല്‍ക്കാനുള്ള ഒരുക്കം നടത്തുന്നതിനിടയിലാണ് മുൻസിപ്പാലിറ്റിയുടെ ഈ നീക്കം. ക്രിസ്തുമസ് ആഘോഷിത്തിനായി കാത്തിരിക്കുന്ന പ്രവാസികള്‍ക്കിടയിലും മുനിസിപ്പാലിറ്റിയുടെ ഈ തീരുമാനം ആശങ്കയ്ക്ക് ഇടയാക്കിയിട്ടുണ്ട്. ക്രിസ്മസ് വ്യാപാരം മുൻകൂട്ടി കണ്ട് വലിയ രീതിയില്‍ തന്നെ ഒരുങ്ങിയ കടയുടമകകള്‍ക്കും ഈ തീരുമാനം തിരിച്ചടിയായി. രാജ്യത്തിന്റെ മതം, ആചാരങ്ങള്‍, പാരമ്ബര്യങ്ങള്‍ എന്നിവയുമായി പൊരുത്തപ്പെടുന്നില്ലെന്നുള്ള ചില പൗരന്മാരുടെ എതിര്‍പ്പിനെത്തുടര്‍ന്ന് കടകളില്‍ ക്രിസ്മസ് അലങ്കാരങ്ങള്‍ വില്‍ക്കുന്നതിന് കുവൈത്തില്‍ മുൻപും നിരോധനം വന്നിരുന്നു. കഴിഞ്ഞ വര്‍ഷം കുവൈത്ത് മുനിസിപ്പാലിറ്റിയില്‍ പൗരന്മാര്‍ പരാതിപ്പെട്ടതിനെ തുടര്‍ന്ന് രാജ്യത്തെ ഏറ്റവും വലിയ ഷോപ്പിംഗ് സെന്ററുകളിലൊന്നായ അവന്യൂസ് മാളിന്റെ മാനേജ്‌മെന്റ് കമ്മിറ്റി മാളിനുള്ളില്‍ സ്ഥാപിച്ചിരുന്ന കൂറ്റൻ ക്രിസ്മസ് ട്രീ നീക്കം ചെയ്തിരുന്നു.
Read More » -
ആദ്യമായെടുത്ത ബിഗ് ടിക്കറ്റില്‍ മലയാളിക്ക് റേഞ്ച് റോവര്‍ വെലാര്‍ കാര്‍
അബുദാബി: ഡിസംബര്‍ മൂന്നിന് നടന്ന ബിഗ് ടിക്കറ്റ് ലൈവ് ഡ്രോയില്‍ പുത്തൻ റേഞ്ച് റോവര്‍ വെലാര്‍ സ്വന്തമാക്കി മലയാളിയായ മിലു കുര്യൻ. “വെലാര്‍ എന്റെ സ്വപ്നമാണ്. അതുകൊണ്ടാണ് ഞാൻ ഡ്രീം കാര്‍ ടിക്കറ്റ് വാങ്ങിയത്. ഭര്‍ത്താവാണ് സമ്മാനമായി ടിക്കറ്റെടുത്ത് തന്നത്. അദ്ദേഹം വളരെക്കാലമായി ബിഗ് ടിക്കറ്റ് കളിക്കുന്നുണ്ട്. ആദ്യമായാണ് ഞാൻ ടിക്കറ്റ് എടുത്തത്. അതില്‍ തന്നെ സമ്മാനം കിട്ടി.” മലയാളിയായ മിലു അഞ്ച് വര്‍ഷമായി യു.എ.ഇയില്‍ കുടുബത്തോടൊപ്പം താമസിക്കുകയാണ്. റേഞ്ച് റോവര്‍ വെലാര്‍ സ്വന്തമാക്കാനാണ് മിലു, ഡ്രീംകാര്‍ ടിക്കറ്റെടുത്തത്. അതേസമയം ഡിസംബറില്‍ ഡ്രീം കാര്‍ ടിക്കറ്റെടുക്കുന്നവരെ കാത്തിരിക്കുന്നത് ബി.എം.ഡബ്ല്യു 430ഐ കാറാണ്. 150 ദിര്‍ഹമാണ് ടിക്കറ്റിന്റെ വില. ക്യാഷ്പ്രൈസിനെന്നപോലെ രണ്ട് ടിക്കറ്റ് എടുക്കുന്നവര്‍ക്ക് ഒന്ന് സൗജന്യമായി ലഭിക്കും. ഓണ്‍ലൈനായി ബിഗ് ടിക്കറ്റ് വെബ്സൈറ്റിലൂടെ ഡ്രീം കാര്‍ ടിക്കറ്റെടുക്കാം. അല്ലെങ്കില്‍ അബുദാബി, അല്‍ എയ്ൻ വിമാനത്താവളങ്ങളിലെ ഇൻസ്റ്റോര്‍ കൗണ്ടറുകളില്‍ നിന്ന് ടിക്കറ്റെടുക്കാം.
Read More » -
ഇസ്രാ മീറാജ്; കുവൈത്തിൽ ഫെബ്രുവരി മാസം ഏഴ് ദിവസത്തെ അവധി
കുവൈത്തിൽ ഇസ്രാ മീറാജ് അവധി പ്രഖ്യാപിച്ചു. ഫെബ്രുവരി 8 വ്യാഴാഴ്ചയാണ് ഇസ്രാ മിറാജ് അവധി .അതിനാല്‍ വ്യാഴം, വെള്ളി, ശനി (ഫെബ്രുവരി 8, 9, 10 )എന്നിങ്ങിനെ മൂന്നു ദിവസം ആയിരിക്കും. ഫെബ്രുവരി 25, 26 ഞായര്‍, തിങ്കള്‍, തീയതികളില്‍ ദേശീയ അവധി ദിനവും വിമോചന ദിനവും ഒത്തുചേരുന്നതിനാല്‍, ഫെബ്രുവരി 23, 24 തീയതികളില്‍ വെള്ളിയും ശനിയും ചേര്‍ത്ത് അവധി 4 ദിവസമായിരിക്കും. ഇതോടെ 29 ദിവസമുള്ള ഫെബ്രുവരി മാസത്തില്‍ സര്‍ക്കാര്‍ അര്‍ദ്ധ സര്‍ക്കാര്‍ സ്ഥാപനങ്ങള്‍ക്ക് 7ദിവസം കുവൈത്തിൽ അവധിയായിരിക്കും.
Read More » -
ഒമാനില്‍ നിന്നെത്തിയ ന്യൂ മാഹി സ്വദേശിയെ റിയാദില്‍ കാണാതായി; പരാതിയുമായി കുടുംബം
റിയാദ്: ഒമാനില്‍നിന്ന് സൗദി അറേബ്യയിലേക്ക് സന്ദര്‍ശകവിസയിലെത്തിയ പ്രവാസിയെ റിയാദില്‍ കാണാതായി. കണ്ണൂര്‍ ന്യൂ മാഹി സ്വദേശി അബൂട്ടി വള്ളിലിനെയെയാണ് കാണാതായത്. അബൂട്ടിയുടെ കുടുംബവും സുഹൃത്തുക്കളും ചേര്‍ന്ന് റയാദിലെ ഇന്ത്യന്‍ എംബസിക്ക് പരാതി അന്വേഷണം വ്യാപിപ്പിച്ചിട്ടുണ്ട്. നാട്ടിലേക്ക് പോകുന്നതിനായി റിയാദ് കിങ് ഖാലിദ് വിമാനത്താവളത്തിലെത്തിയ ശേഷം കാണാതായെന്നാണ് പരാതി. കഴിഞ്ഞ ഞായറാഴ്ച എയര്‍ ഇന്ത്യ എക്‌സ്പ്രസില്‍ കോഴിക്കോട്ടേക്ക് ടിക്കറ്റെടുത്താണ് വിമാനത്താവളത്തിലെത്തിയത്. ബോര്‍ഡിങ് പാസ് ലഭിച്ച ശേഷമാണ് കാണാതാവുന്നത്. എമിഗ്രേഷന്‍ കഴിഞ്ഞതായി രേഖകളില്ല. ജവാസാത്ത് രേഖകള്‍ പരിശോധിച്ചതില്‍ നിന്ന് നാട്ടിലേക്ക് വിമാനം കയറിയിട്ടില്ലന്ന് വ്യക്തമാവുകയും ചെയ്തു. ഒമാനില്‍ നിന്ന് റോഡ് വഴിയാണ് സൗദിയിലെത്തിയത്. ഒമാനിലെ തൊഴില്‍ വിസ പുതുക്കേണ്ടതിനാല്‍ രാജ്യത്തിന് പുറത്തുപോയി തിരികെ പ്രവേശിക്കാനായിരുന്നു ശ്രമമെന്ന് ബന്ധുക്കള്‍ പറയുന്നു. തൊഴിലുടമയോടൊപ്പമാണ് കാറില്‍ സൗദിയിലെത്തിയത്. എന്നാല്‍ വിസ പുതുക്കി ലഭിക്കാത്തതിനാല്‍ ഒമാനിലേക്ക് മടങ്ങാന്‍ കഴിഞ്ഞില്ല. തുടര്‍ന്നാണ് നാട്ടിലേക്ക് ടിക്കറ്റെടുത്തതെന്നാണ് വിവരം. റിയാദിലെ സാമൂഹിക പ്രവര്‍ത്തകര്‍ അബൂട്ടിയെ കണ്ടെത്താനുള്ള ശ്രമങ്ങള്‍ നടത്തിവരികയാണ്. ഇ-മെയില്‍ വഴി ലഭിച്ച പരാതിയുടെ…
Read More » -
യുഎഇ വാസത്തിന് അരനൂറ്റാണ്ട്; കപ്പലിറങ്ങിയ ഓര്‍മകള്‍ പങ്കുവച്ച് യൂസഫലി
ദുബായ്: ഗള്‍ഫ് മലയാളികളുടെ അംബാസഡര്‍ എന്ന വിശേഷണത്തിന് അര്‍ഹനായ മലയാളി വ്യവസായ പ്രമുഖന്‍ എംഎ യൂസഫലി യുഎഇയിലെത്തി അഞ്ച് പതിറ്റാണ്ട് തികയുകയാണ്. ആധുനിക യുഎഇ രാഷ്ട്രരൂപീകരണത്തോളം പഴക്കമുണ്ട് യൂസഫലിയുടെ പ്രവാസ ജീവിതത്തിനും. മരുഭൂവില്‍ മഹാവിസ്മയങ്ങള്‍ തീര്‍ത്ത് രാജ്യം വാനിലേക്ക് ചിറകുകള്‍ വിരിച്ചപ്പോള്‍ അതിന്റെ സ്പന്ദനങ്ങള്‍ അടുത്തറിഞ്ഞ യൂസഫലിയും തന്റെ വിപുലമായ ബിസിനസ് സാമ്രാജ്യം കെട്ടിപ്പടുക്കുകയായിരുന്നു. പഴയകാല പ്രവാസികളെ പോലെ യൂസഫലിയും കപ്പലിലാണ് ആദ്യമായി ദുബായ് തീരമണയുന്നത്. 1973 ഡിസംബര്‍ 31 നാണ് യുഎഇയില്‍ എത്തിയത്. ദുബായില്‍ കപ്പലിറങ്ങിയ ശേഷം അബുദാബിയിലേക്ക് പോയി. അന്നുമുതല്‍ സ്ഥിരതാമസം അബുദാബിയിലാണ്. ലുലു ഗ്രൂപ്പിന്റെ ആസ്ഥാന നഗരമായി പിന്നെ അബുദാബി മാറുകയായിരുന്നു. ഡിസംബര്‍ രണ്ടിനാണ് യുഎഇ ദേശീയ ദിനം. 52 ാം ദേശീയ ദിനാഘോഷത്തിന്റെ ഭാഗമായുള്ള ചടങ്ങുകള്‍ക്കിടെ മാധ്യമപ്രവര്‍ത്തകരോട് സംസാരിക്കവേയാണ് ലുലു ഗ്രൂപ്പ് ചെയര്‍മാന്‍ ആദ്യമായി രാജ്യത്ത് എത്തിയ അനുഭവങ്ങള്‍ ഓര്‍ത്തെടുത്തത്. യുഎഇയില്‍ എത്തിയിട്ട് ഈ മാസം 31ന് 50 വര്‍ഷം തികയുകയാണെന്ന് അദ്ദേഹം പറഞ്ഞു. ഇതുവരെയുള്ള…
Read More » -
സലാലയില്‍ വാഹനാപകടത്തില്‍ മലപ്പുറം സ്വദേശി മരിച്ചു
സലാല: വാഹനാപകടത്തില്‍ പരുക്കേറ്റ് ആശുപത്രിയില്‍ ചികിത്സയില്‍ കഴിഞ്ഞിരുന്ന മലപ്പുറം സ്വദേശി മരിച്ചു. മലപ്പുറം മൂന്നിയൂര്‍ ആലിന്‍ചുവടിലെ തട്ടാഞ്ചേരി യൂനുസ് (40) ആണ് മരിച്ചത്. നവംബര്‍ 26ന് ആണ് അപകടം സംഭവിച്ചത്. സലാല ടൗണില്‍ അല്‍ മശൂറിന് സമീപം യൂനുസ് സഞ്ചരിച്ചിരുന്ന വാഹനം മറ്റൊരു വാഹനത്തില്‍ തട്ടിയാണ് അപകടം സംഭവിച്ചത്. അപകടത്തിന് ശേഷം പക്ഷാഘാതം ബാധിച്ച യൂനുസ് ഒരാഴ്ചയായി സുല്‍ത്വാന്‍ ഖബൂസ് ആശുപത്രിയിലെ വെന്റിലേറ്ററില്‍ കഴിയുകയായിരുന്നു. ഇന്ന് (ഞായർ) രാവിലെയാണ് മരണം സംഭവിച്ചത്. 2007 മുതല്‍ സലാലയില്‍ മാര്‍ക്കറ്റിങ് മേഖലയില്‍ ജോലി ചെയ്തുവരികയായിരുന്ന യൂനുസിന് ഭാര്യയും മൂന്ന് മക്കളുമുണ്ട്. സുല്‍ത്വാന്‍ ഖബൂസ് ആശുപത്രിയില്‍ സൂക്ഷിച്ച മൃതദേഹം നിയമനടപടികള്‍ക്ക് ശേഷം നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവര്‍ അറിയിച്ചു.
Read More »