Pravasi
-
ലണ്ടനിലെ മലയാളി നഴ്സിനും പ്രതിശ്രുത വധുവിനും വാഹനാപകടത്തില് ദാരുണാന്ത്യം; അപകടം വിവാഹ സ്വപ്നങ്ങളുമായി സൗദിയിലെത്തിയപ്പോള്
ലണ്ടന്/റിയാദ്: സൗദിയിലെ വിനോദ സഞ്ചാര കേന്ദ്രം സന്ദര്ശിച്ചു മടങ്ങിയ ലണ്ടനിലെ മലയാളി നഴ്സിനും പ്രതിശ്രുത വധുവിനും വാഹനാപകടത്തില് ദാരുണാന്ത്യം. വയനാട് സ്വദേശികളായ അഖില് അലക്സ്, ടീന എന്നിവരാണ് മരിച്ചത്. ഇവര്ക്കൊപ്പമുണ്ടായിരുന്ന മറ്റു മൂന്നു പേരും അപകടത്തില് മരണത്തിന് കീഴടങ്ങി. മരിച്ച മറ്റു മൂന്നു പേര് സൗദി സ്വദേശികളാണ്. മദീനയിലെ കാര്ഡിയാക് സെന്ററില് നഴ്സായി ജോലി ചെയ്യുകയായിരുന്നുടീന. വിവാഹത്തോടനുബന്ധിച്ച് അടുത്ത ദിവസം നാട്ടില് പോകാനിരിക്കുകയായിരുന്നു ടീന. നാട്ടിലേക്ക് പോകാനായാണ് ലണ്ടനില് നിന്നും അലക്സും സൗദിയിലേക്ക് എത്തിയത്. തുടര്ന്ന് അല് ഉല സന്ദര്ശിച്ചതിനു ശേഷം സൗദിയില് നിന്നും ഒരുമിച്ച് നാട്ടിലെത്തി വിവാഹിതരാകാനിരിക്കെയാണ് ദുരന്തത്തില് ഇരുവരുടേയും ജീവന് പൊലിഞ്ഞത്. സൗദിയിലെ വിനോദ സഞ്ചാര കേന്ദ്രമാണ് അല് ഉല. ഇതു സന്ദര്ശിച്ചു മടങ്ങവേയാണ് അപകടം സംഭവിച്ചത്. ഇവര് സഞ്ചരിച്ച വാഹനവും എതിര്വശത്ത് നിന്നും വന്ന സൗദി സ്വദേശികളുടെ ലാന്ഡ്ക്രൂയിസറും തമ്മില് കൂട്ടിയിച്ച് തീപിടിക്കുകയായിരുന്നു. മരിച്ച രണ്ടു മലയാളികളുടേയും മൃതദേഹം തിരിച്ചറിയാന് കഴിയാത്തവണ്ണം കത്തിയമര്ന്നു പോയെന്നാണ് സാമൂഹികപ്രവര്ത്തകര് നല്കുന്ന…
Read More » -
ഉംറ തീര്ഥാടനത്തിനെത്തിയ കണ്ണൂര് സ്വദേശിനിയെ മക്കയില് കാണാതായി
മക്ക: ഉംറ തീര്ഥാടനത്തിന് എത്തി മക്കയില് കാണാതായ മലയാളി തീര്ഥാടകയ്ക്കായുള്ള തിരച്ചില് തുടരുന്നു. കണ്ണൂര് കൂത്തുപറമ്പ് ഉള്ളിവീട്ടില്, റഹീമയെ(60)ആണ് കഴിഞ്ഞ വ്യാഴാഴ്ച മുതല് കാണാതായത്. ബഹ്റൈനില്നിന്ന് അഞ്ച് ദിവസം മുന്പാണ് മകനും മരുമകളുമൊത്ത് സ്വകാര്യ ഗ്രൂപ്പില് എത്തിയത്. വ്യാഴാഴ്ച രാത്രി ഹറമില് ത്വവാഫ് നടത്തിയതിനു ശേഷം ഹോട്ടലിലേക്ക് വിശ്രമിക്കുന്നതിന് പോകുമ്പോള് ആള്ത്തിരക്കില് മാതാവിനെ കാണാതാവുകയായിരുന്നുവെന്ന് സൗദിയിലുള്ള മകന് ഫനില് ആസാദ് പറഞ്ഞു. റഹീമയെ കാണാതായതിനെ തുടര്ന്ന് പൊലീസും പ്രധാന മലയാളി സാമൂഹിക സംഘടനകളുടേയും സന്നദ്ധപ്രവര്ത്തകരുടേയും നേതൃത്വത്തില് മക്കയില് സാധ്യമായ ഇടങ്ങളില് നേരിട്ടുള്ള തിരച്ചിലും വ്യാപക അന്വേഷണവും നടത്തുകയാണ്. ഒപ്പം ഹറമില് വഴിതെറ്റിപ്പോകുന്നവരെ കണ്ടെത്താന് സഹായിക്കുന്ന ഗ്രാന്ഡ് മസ്ജിദിലെ സേവനവിഭാഗത്തിന്റെ സഹായവും തേടിയിട്ടുണ്ട്. മക്കയിലും പരിസരങ്ങളിലും അന്വേഷിച്ചുവെങ്കിലും ഇതുവരെ വിവരമൊന്നും ലഭിച്ചിട്ടില്ല. ആശുപത്രികളില് അന്വേഷണം നടത്തിയെങ്കിലും കണ്ടെത്താനായിട്ടില്ല. റമദാന് അവസാന പത്തിലെത്തിയതോടെ വലിയ തിരക്കാണ് മക്കയിലെങ്ങും അനുഭവപ്പെടുന്നതെങ്കിലും വാര്ത്താ ഏജന്സികളിലൂടെയും, സാമൂഹികമാധ്യമങ്ങളിലൂടെയും സാമൂഹിക സംഘടനകളുടെ വാട്സാപ്പ്ഗ്രൂപ്പുകളിലുടേയും വിവരം കൈമാറിയുള്ള അന്വേഷണവും പുരോഗമിക്കുകയാണ്. മാതാവിനെ…
Read More » -
കൊല്ലം ജില്ലാ പ്രവാസി സമാജം അബ്ബാസിയ യൂണിറ്റ് ഭാരവാഹികള്
കുവൈറ്റ് സിറ്റി: അബ്ബാസിയ യൂണിറ്റിന്റെ 2024-25 വര്ഷ യൂണിറ്റ് കണ്വീനര് ഷാജി സാമുവേലിന്റെ അധ്യക്ഷതയില് കൂടിയ യോഗത്തില് റെജി മത്തായി സ്വാഗതം അര്പ്പിച്ചു. മാത്യു യോഹന്നാന് അനുശോചന പ്രമേയം അവതരിപ്പിച്ചു. യൂണിറ്റ് ജോയിന്റ് കണ്വീനര് സജിമോന് തോമസ് വാര്ഷിക റിപ്പോര്ട്ട് അവതരിപ്പിച്ചു.സമാജം ട്രഷറര് തമ്പി ലൂക്കോസ് സമാജത്തിന്റെ സാമ്പത്തിക സ്ഥിതി വിവര കണക്കുകള് അവതരിപ്പിച്ചു. തുടര്ന്ന് സമാജം പ്രസിഡന്റ് അലക്സ് മാത്യു വരണാധികാരിയായി ഭരണ സമിതി തിരഞ്ഞെടുപ്പുകള്ക്കു നേതൃത്വം നല്കി. ജസ്റ്റിന് സ്റ്റീഫന് യൂണിറ്റ് കണ്വീനറായും, ജോയിക്കുട്ടി തോമസ്, അനി ബാബു, ഷംന അല്അമീന്, ജിതേഷ് രാജന് എന്നിവര് ഏരിയ കണ്വീനര്മാരായും, തോമസ് പണിക്കര്, ലിവിന് വര്ഗീസ്, റിനില് രാജു, ഷാജി സാമുവേല്, സജിമോന് ഒ. അഞ്ജന അനില്, മാത്യു യോഹന്നാന്, സജിമോന് തോമസ്, സ്റ്റാന്ലി യോഹന്നാന്, ജയകുമാര് ആര്. എന്നിവരെ എക്സിക്യൂട്ടീവ് കമ്മിറ്റി അംഗങ്ങളായും 15 അംഗ കമ്മിറ്റിയെ തിരഞ്ഞെടുത്തു. യോഗത്തില് സമാജം ജനറല് സെക്രട്ടറി, ബിനില് ദേവരാജന്, വനിതാവേദി…
Read More » -
‘സേവനം കുവൈത്ത്’ മാനവ സൗഹൃദ -ഇഫ്താര് സംഗമം സംഘടിപ്പിച്ചു
കുവൈത്ത് സിറ്റി: കുവൈത്തിലെ സാംസ്കാരിക ജീവകാരുണ്യ സംഘടനയായ സേവനം കുവൈത്ത് മാനവ സൗഹൃദ -ഇഫ്താര് സംഗമം സംഘടിപ്പിച്ചു. മംഗഫ്, ഡിലൈറ്റ്സ് ഹാളില് നടന്ന യോഗത്തില് സേവനം കുവൈത്ത് പ്രസിഡന്റ് ബൈജു കിളിമാനൂര് അധ്യക്ഷത യും, ജനറല് സെക്രട്ടറി സിബി കടമ്മനിട്ട സ്വാഗതവും ആശംസിച്ചു. റവ.ഫാദര്. ബിനോയ് പി.ജോസഫ് ഇഫ്താര് സംഗമം 2025 ഉത്ഘാടനം ചെയ്തു. സാമൂഹ്യ പ്രവര്ത്തകനും കുവൈറ്റ് ഇസ്ലാമിക്ക് കമ്മറ്റി പ്രതിനിധിയും, അദ്ധ്യാപകനുമായ അജ്മല് മാസ്റ്റര് റമദാന് സന്ദേശം നല്കി. സാഹിത്യകാരനും, സാമൂഹ്യ പ്രവര്ത്തകനും, വാഗ്മിയുമായ വിഭീഷ് തിക്കോടി മതസൗഹാര്ദ്ദ പ്രഭാഷണം നടത്തി. പ്രശസ്ത മെഡിക്കല് ഓങ്കോളജിസ്റ്റും, സാമൂഹ്യ പ്രവര്ത്തകയുമായ ഡോ. സുസോവന സുജിത് നായര്, കെ.കെ. പി. എ പ്രസിഡന്റ് സക്കീര് പുത്തന് പാലം, സേവനം കുവൈത്ത് ഉപദേശക സമിതി അംഗം രാജന് തോട്ടത്തില്, സേവനം കള്ച്ചറല് കമ്മിറ്റി കോര്ഡിനേറ്റര് ജയകുമാര്, വൈസ് പ്രസിഡന്റ് ജിനു കെ. വി, ട്രഷറര് ഉണ്ണിക്കൃഷ്ണന്, സെന്ട്രല് കമ്മിറ്റി അംഗം സുനില് കൃഷ്ണ,…
Read More » -
കൊല്ലം ജില്ലാ പ്രവാസി സമാജം കുവൈറ്റ് ഇഫ്താര് സംഗമം സംഘടിപ്പിച്ചു
കുവൈറ്റ് സിറ്റി: കൊല്ലം ജില്ലാ പ്രവാസി സമാജത്തിന്റെ ഇഫ്താര് സംഗമം മാര്ച്ച് 13 വ്യാഴാഴ്ച്ച വൈകിട്ട് 05.00 മണിക്ക് മങ്കഫ് മെമ്മറീസ് ഹാളില് വച്ച് നടന്നു. സമാജം പ്രസിഡന്റ് അലക്സ് പുത്തൂര് അദ്ധ്യക്ഷത വഹിച്ച യോഗത്തില് ഇഫ്താര് പ്രോഗ്രാം കണ്വീനര് ശശി കര്ത്ത സ്വാഗതം ആശംസിച്ചു. കേരള ഇസ്ലാമിക് ഗ്രൂപ്പിന്റെ ഹജ്ജ്/ഉംറ സെല് കണ്വീനര് നിയാസ് ഇസ്ലാഹി മുഖ്യ പ്രഭാഷണം നടത്തി. കൊല്ലം ജില്ലാ പ്രവാസി സമാജത്തിന്റെ രക്ഷാധികാരി ജോയ് ജോണ് തുരുത്തിക്കര, അഡൈ്വസറി ബോര്ഡ് മെമ്പര് ജെയിംസ് പൂയപ്പള്ളി, ജനറല് സെക്രട്ടറി ബിനില് ദേവരാജന്, വനിതാ ചെയര് പേഴ്സണ് രഞ്ജന ബിനില്, ‘കുട’ ജന. കണ്വീനര് മാര്ട്ടിന് മാത്യു, കുവൈത്തിലെ സാമൂഹിക സാംസ്കാരിക മേഖലകളിലെ നിരവധി പേര് ആശംസകള് അറിയിച്ച് സംസാരിച്ചു. ചടങ്ങില് ട്രഷര് തമ്പി ലൂക്കോസ് നന്ദി രേഖപ്പെടുത്തി. സമാജം ജോയിന്റ് ട്രെഷറര് സലില് വര്മ, ആക്ടിങ് ഓര്ഗനൈസേഷന് സെക്രട്ടറി രാജൂ വര്ഗ്ഗീസ്, ആര്ട്സ് സെക്രട്ടറി ബൈജു മിഥുനം,…
Read More » -
ജോലിക്ക് ഹാജരാകാതെ ശമ്പളം വാങ്ങിയത് 15 വര്ഷം! കുവൈത്തില് ഡോക്ടര്ക്ക് അഞ്ച് വര്ഷം തടവ്
കുവൈത്ത് സിറ്റി: 15 വര്ഷമായി കുവൈത്തിന് പുറത്ത് മറ്റൊരു രാജ്യത്ത് താമസം. എന്നാല്, സര്ക്കാര് സര്വീസില് നിന്ന് മാസംതോറും കൃത്യമായി ശമ്പളം ബാങ്ക് അക്കൗണ്ട് മുഖേന ലഭിച്ചിരുന്ന കേസില് കുവൈത്ത് സ്വദേശിയായ ഡോക്ടര്ക്ക് തടവ് ശിക്ഷ. ആരോഗ്യ മന്ത്രാലയത്തിന്റെ കീഴിലുള്ള മാനസികാരോഗ്യ കേന്ദ്രത്തിലെ ഡോക്ടറെയാണ് അഞ്ചുവര്ഷത്തേക്ക് ശിക്ഷിച്ച് ക്രിമിനല് കോടതി വിധി പുറപ്പെടുവിച്ചത്. ആരോഗ്യമന്ത്രാലയത്തിന്റെ ലീഗല് വിഭാഗമാണ് സംഭവം കണ്ടെത്തിയത്. മന്ത്രാലയത്തിലെ തന്നെ മറ്റൊരു ജീവനക്കാരനുമായി ഒത്തുചേര്ന്നാണ് മാസംതോറും മുഴുവന് ശമ്പളം ഡോക്ടര് കരസ്ഥമാക്കിയത്. ലീഗല് വിഭാഗം ഉടന്തന്നെ സംഭവം പബ്ലിക് പ്രോസിക്യൂഷന് കൈമാറി. ആഭ്യന്തരമന്ത്രാലയ ക്രിമിനല് ഇന്വെസ്റ്റിഗേഷന് വകുപ്പ് വിശദമായ അന്വേഷണം നടത്തി. മുഴുവന് ശമ്പളം കരസ്ഥമാക്കിയ കാലത്തെ ഡോക്ടര് മറ്റൊരു രാജ്യത്ത് താമസിച്ചിരുന്നുവെന്ന് വിമാനത്താവളത്തിലെ രേഖകളില് നിന്നും മനസ്സിലാക്കി. തുടര്ന്ന്, കേസ് കോടതിയിലേക്ക് വിടുകയായിരുന്നു. പ്രതി ഇപ്പോഴും കുവൈത്തിന് പുറത്താണ് ഉള്ളത്. തിരികെ മടക്കിക്കൊണ്ടുവരാനുള്ള നിയമനടപടികള് അധികൃതര് സ്വീകരിച്ച് വരികയാണ്.
Read More » -
കൊലക്കുറ്റങ്ങള്ക്ക് ജയിലിൽ കഴിഞ്ഞ 2 മലയാളികളുടെ വധശിക്ഷ യു.എ.ഇയില് നടപ്പാക്കി
ദുബൈ: യു.എ.ഇയിൽ കൊലക്കുറ്റങ്ങൾക്ക് ജയിലിൽ കഴിയുകയായിരുന്ന 2 മലയാളികളുടെ വധശിക്ഷ നടപ്പിലാക്കി. മുഹമ്മദ് റിനാഷ് അരങ്ങിലോട്ട്, പെരുംതട്ട വളപ്പിൽ മുരളീധരൻ എന്നിവരുടെ വധശിക്ഷയാണ് നടപ്പിലാക്കിയതെന്ന് ഇന്ത്യൻ വിദേശകാര്യ മന്ത്രാലയം അറിയിച്ചു. ഇവരുടെ ദയാഹർജികൾ യു.എ.ഇയിലെ പരമോന്നത കോടതി തള്ളിയിരുന്നു. എമിറാത്തി പൗരനെ കൊലപ്പെടുത്തിയ കേസിലാണ് മുഹമ്മദ് റിനാഷിന്റെ വധശിക്ഷ നടപ്പാക്കിയത്. ഇന്ത്യക്കാരനെ കൊലപ്പെടുത്തിയതിനാണ് മുരളീധരന് വധശിക്ഷ ലഭിച്ചത്. ഇരുവരുടെയും വധശിക്ഷ നടപ്പാക്കിയ വിവരം ഫെബ്രുവരി 28 നാണ് യു.എ.ഇ അധികൃതർ ഇന്ത്യൻ എംബസിയെ അറിയിച്ചത്.
Read More » -
യുകെയില് മലയാളി കുടുംബത്തിന് നേരേ വംശീയാക്രമണം; ദുരനുഭവം നേരിട്ടത് മലപ്പുറം സ്വദേശിനിക്കും ഭര്ത്താവിനും
ലണ്ടന്: യുകെയില് മലയാളി നഴ്സും കുടുംബവും വംശീയാക്രമണത്തിന് ഇരയായി. ഗ്രാന്തം ഹോസ്പിറ്റലില് ജോലി ചെയ്യുന്ന മലപ്പുറം നിലമ്പൂര് സ്വദേശിനിയായ നഴ്സ് ട്വിങ്കിള് സാമും കുടുംബവും മാര്ച്ച് 1ന് വൈകിട്ട് 7.30 ന് ഷോപ്പിങ് കഴിഞ്ഞ് മടങ്ങവെയാണ് വംശീയ അധിക്ഷേപത്തിന് ഇരയായത്. ദമ്പതികളെ ബ്രിട്ടിഷ് യുവതി വംശീയമായി അധിക്ഷേപിക്കുകയും ആക്രമിക്കുകയും ചെയ്തതായി ട്വിങ്കിള് അറിയിച്ചു. ആദ്യം ഭര്ത്താവ് സാമിനെ ശാരീരികമായി ആക്രമിക്കുകയും പിന്നീട് ട്വിങ്കിളിനെ ബലമായി റോഡിലേക്ക് തള്ളിയിടുകയും ചെയ്തതായിട്ടാണ് റിപ്പോര്ട്ട്. സാരമായ പരുക്കുകള്ക്ക് പുറമെ ട്വിങ്കിളിന് പോസ്റ്റ് ട്രോമാറ്റിക് സ്ട്രെസ് ഡിസോര്ഡര് (പിടിഎസ്ഡി) അനുഭവപ്പെട്ടു. പൊലീസ് പ്രാഥമിക മൊഴി രേഖപ്പെടുത്തിയിട്ടുണ്ട്. കുടുംബം തങ്ങളുടെ പ്രാദേശിക പാര്ലമെന്റ് അംഗത്തിന്റെയും കൗണ്സിലറുടെയും സഹായം തേടിയിട്ടുണ്ട്. ഈ ആക്രമണം യുകെയിലെ ഇന്ത്യന് സമൂഹത്തില് വലിയ ആശങ്കകള് ഉയര്ത്തിയിട്ടുണ്ട്. ഇത്തരം സംഭവങ്ങള് ഭയം ജനിപ്പിക്കാനും സുരക്ഷിതത്വബോധം ഇല്ലാതാക്കാനും സാധ്യതയുണ്ടെന്ന് ഒട്ടനവധി പ്രദേശവാസികള് അഭിപ്രായപ്പെട്ടിരുന്നു. സമൂഹ മാധ്യമത്തിലൂടെ തങ്ങളുടെ അനുഭവം പങ്കുവെച്ച കുടുംബത്തിന് നിരവധി പേര് പിന്തുണ അറിയിച്ചു.…
Read More » -
പ്രവാസികൾ അറിയാൻ: ഇന്ന് മുതൽ യുഎഇ നിയമങ്ങളിൽ വൻമാറ്റങ്ങൾ! പുതിയ ഗതാഗത ചട്ടങ്ങൾ മുതൽ വെള്ളത്തിന്റെ ബില്ലിൽ വരെ
യു.എ.ഇയിലെ താമസക്കാരെയും ബിസിനസ്സുകാരെയും എന്തിന് യാത്രക്കാരെ പോലും ഒരുപോലെ ബാധിക്കുന്ന സുപ്രധാന നിയമങ്ങളും ചട്ടങ്ങളും 2025 മാർച്ച് മുതൽ പ്രാബല്യത്തിൽ വരുന്നു. റമദാൻ മാസത്തിന് പുറമെ, ദൈനംദിന ജീവിതത്തെ സ്വാധീനിക്കുന്ന നിരവധി സുപ്രധാന മാറ്റങ്ങളാണ് വരാനിരിക്കുന്നത്. ദുബൈയിലെ പൊതുപാർക്കിംഗ് ഫീസിൽ മാറ്റങ്ങൾ, ഫ്രീലാൻസർമാർ, സോഷ്യൽ മീഡിയ ഇൻഫ്ലുവൻസർമാർ എന്നിവർക്കുള്ള പുതിയ കോർപ്പറേറ്റ് ടാക്സ് ആവശ്യകതകൾ, വൈദ്യുതി-ജല ബില്ലിംഗിൽ മാറ്റങ്ങൾ, ഉയർന്ന കൃത്യതയുള്ള കാലാവസ്ഥാ നിരീക്ഷണം മെച്ചപ്പെടുത്തുന്ന യു.എ.ഇ ഉപഗ്രഹം എന്നിവ ഇതിൽ ഉൾപ്പെടുന്നു. പുതിയ ഗതാഗത നിയമം ആഗോള ഗതാഗതത്തിലെ മാറ്റങ്ങൾക്കനുസരിച്ച് യു.എ.ഇ. അവരുടെ നിയമങ്ങളിൽ മാറ്റം വരുത്തുകയാണ്. പുതിയ നിയമങ്ങൾ അനുസരിച്ച്, 17 വയസ്സുള്ളവർക്ക് ഡ്രൈവിംഗ് ലൈസൻസ് ലഭിക്കും. കൂടാതെ, ഇ-ബൈക്ക്, ഇ-സ്കൂട്ടർ തുടങ്ങിയ പുതിയ വാഹനങ്ങളെയും ഗതാഗത നിയമത്തിന്റെ പരിധിയിൽ ഉൾപ്പെടുത്തിയിട്ടുണ്ട്. വാഹനമോടിക്കുന്നവർക്കും കാൽനടക്കാർക്കും വേണ്ടിയുള്ള നിയമങ്ങളിലും മാറ്റങ്ങൾ വരുന്നു. മദ്യപിച്ച് വാഹനമോടിച്ചാൽ 100,000 ദിർഹം വരെ പിഴയും തടവും ലഭിക്കും. കാൽനടക്കാർ റോഡ് മുറിച്ചുകടക്കുമ്പോൾ ശ്രദ്ധിക്കണം. നിയമം…
Read More » -
യുഎഇയില് ഇന്ന് പുറത്തിറങ്ങുന്ന പ്രവാസികള് അടക്കം ജാഗ്രത പാലിക്കുക, മുന്നറിയിപ്പ്
അബുദാബി: പ്രവാസികള് ഉള്പ്പെടെയുള്ള യുഎഇ നിവാസികള്ക്കായി മുന്നറിയിപ്പ് പുറപ്പെടുവിച്ച് യുഎഇ നാഷണല് സെന്റര് ഒഫ് മെറ്റീരോളജി (എന്സിഎം). ഇന്ന് രാജ്യത്ത് താപനിലയില് കുറവുണ്ടാകുമെന്നും മഴ ലഭിക്കാന് ഇടയുണ്ടാകുമെന്നുമാണ് കാലാവസ്ഥാ വകുപ്പ് അറിയിക്കുന്നത്. വടക്കന്, കിഴക്കന് പ്രദേശങ്ങളിലും തീരപ്രദേശങ്ങളിലും കാര്മേഘം മൂടിയ അന്തരീക്ഷമായിരിക്കും. രാത്രിയോടെ ഈര്പ്പമുള്ള കാലാവസ്ഥയിലെത്തും. നാളെ ചിലയിടങ്ങളില് മൂടല്മഞ്ഞ് രൂപപ്പെടാന് സാദ്ധ്യതയുണ്ടെന്നും അറിയിപ്പുണ്ട്. അറേബ്യന് ഗള്ഫില് ഇന്ന് കടല് രൂക്ഷമാകാന് സാദ്ധ്യതയുള്ളതിനാല് യെല്ലോ അലര്ട്ട് പുറപ്പെടുവിച്ചിരിക്കുകയാണ്. ഏഴ് അടി ഉയരത്തില് തിരമാലകള് വീശാനും മണിക്കൂറില് 40 കിലോമീറ്റര് വരെ വേഗതയില് കാറ്റ് വീശാനുമുള്ള സാദ്ധ്യത കണക്കിലെടുത്താണ് അലര്ട്ട് പുറപ്പെടുവിച്ചത്. ഇന്ന് രാവിലെ ആറ് മണി മുതല് നാളെ രാവിലെ ആറുമണിവരെയാണ് ജാഗ്രതാ നിര്ദേശമുള്ളത്. പുറത്തിറങ്ങുമ്പോള് ജാഗ്രത പാലിക്കണമെന്നാണ് യെല്ലോ അലര്ട്ടുകൊണ്ട് ഉദ്ദേശിക്കുന്നത്. തെക്കുകിഴക്കന് ദിശയില് നിന്ന് നേരിയതോ മിതമായതോ ആയ കാറ്റ് പ്രതീക്ഷിക്കാമെന്ന് നേരത്തെ അറിയിച്ചിരുന്നു. ഇത് വടക്ക് പടിഞ്ഞാറന് ദിശയിലേക്ക് മാറി കടലിന് മുകളിലൂടെ കാറ്റിന്റെ വേഗത മണിക്കൂറില്…
Read More »