Pravasi
-
എയര് ഇന്ത്യ എക്സ്പ്രസ്സ് വൈകി; കൊച്ചി എയര്പോര്ട്ടില് യാത്രക്കാരുടെ ബഹളം
കൊച്ചിയില് നിന്നും ദോഹയിലേക്ക് പോകുന്ന എയർഇന്ത്യ എക്സ്പ്രസ്സ് വിമാനം വൈകിയതിനെ തുടർന്ന് വിമാനത്താവളത്തില് യാത്രക്കാരുടെ പ്രതിഷേധം. ഉദ്യോഗസ്ഥരുമായി വാക്കേറ്റം ഉണ്ടായതോടെ യാത്രക്കാർക്ക് ഭക്ഷണം നല്കി ആശ്വസിപ്പിച്ചുവെങ്കിലും യാത്രക്കാർ വഴങ്ങിയില്ല. തിങ്കളാഴ്ച കാലത്ത് ജോലിയില് പ്രവേശിക്കേണ്ടവരും നിരവധി സ്ത്രീകളും കുട്ടികളും ഉള്പ്പെടെ നിരവധി യാത്രക്കാരാണ് വ്യക്തമായ യാത്രാ സമയം അറിയാതെ പ്രയാസപ്പെടുന്നത്. ഞായറാഴ്ച വൈകീട്ട് ആറുമണിക്ക് പോകേണ്ട വിമാനമാണ് അനിശ്ചിതമായി നീളുന്നത്.
Read More » -
പ്രവാസികൾക്കും കുടുംബാംഗങ്ങൾക്കും ആരോഗ്യ ഇൻഷുറൻസുമായി കേരള സർക്കാർ
തിരുവനന്തപുരം:പ്രവാസികൾക്കും വിദേശത്ത് അവരോടൊപ്പം കഴിയുന്ന കുടുംബാംഗങ്ങൾക്കും വേണ്ടി നോർക്ക റൂട്ട്സ് ആരോഗ്യ ഇൻഷുറൻസ് ഏർപ്പെടുത്തി. പ്രവാസിരക്ഷ ഇൻഷുറൻസ് പദ്ധതി എന്ന പേരിലാണ് ഇതു നടപ്പാക്കുന്നത്. പതിനെട്ടിനും അറുപതിനും ഇടയിൽ പ്രായമുള്ള പ്രവാസികൾക്കും അവരോടൊപ്പം വിദേശത്ത് കഴിയുന്നവർക്കും പദ്ധതിയുടെ പരിരക്ഷ ലഭിക്കും. ഒരു വർഷത്തേക്ക് 550 രൂപയാണ് പ്രീമിയം അടയ്ക്കേണ്ടത്. രോഗങ്ങൾക്ക് ഒരു ലക്ഷം രൂപവരെ ഇൻഷുറൻസ് സംരക്ഷണം ലഭിക്കും. ന്യൂ ഇന്ത്യ അഷ്വറൻസ് കമ്പനിയുമായി ചേർന്നാണ് പദ്ധതി നടപ്പാക്കുന്നത്. നോർക്ക റൂട്ട്സിന്റെ www.norkaroots.org എന്ന വെബ്സൈറ്റിലെ സർവീസ് വിഭാഗത്തിൽ പ്രവാസി ഐഡി കാർഡ് സെക്ഷനിൽ നിന്നും ഈ പദ്ധതിയിൽ ഓൺലൈനായി ചേരാം. ഫീസും ഓൺലൈനായി അടയ്ക്കാം. വിശദ വിവരങ്ങൾ നോർക്ക റൂട്ട്സ് വെബ്സൈറ്റിലും [email protected] എന്ന ഇമെയിൽ വഴിയും ലഭിക്കും. 91- 417-2770543, 91-471-2770528 ه ഫോൺ നമ്പറുകളിലും 18004253939, 00918802012345 (വിദേശത്തു നിന്നും മിസ്ഡ് കാൾ സേവനം) എന്നീ ടോൾഫ്രീ നമ്പറുകളിലും വിവരങ്ങൾ ലഭിക്കും. പ്രവാസി സമൂഹം നേരിടുന്ന പ്രധാന…
Read More » -
അബുദാബിയില് ഓണ്ലൈന് തട്ടിപ്പില് കുടുങ്ങി മലയാളി യുവദമ്ബതികള്; നഷ്ടമായത് മൂന്നേകാല് ലക്ഷത്തോളം രൂപ
അബുദാബി: ഓണ്ലൈന് തട്ടിപ്പില് വീണ് അബുദാബിയിലെ മലയാളി യുവ ദമ്ബതികള്ക്ക് നഷ്ടമായത് ലക്ഷങ്ങള്. കൊല്ലം സ്വദേശി പ്രമോദ് മോഹനന്, ഭാര്യ രേവതി പ്രമോദ് എന്നിവര്ക്കാണ് മൂന്നേകാല് ലക്ഷത്തോളം രൂപ നഷ്ടമായത്. പ്രമോദിന്റെ അക്കൗണ്ടില് നിന്ന് 1,75,000 രൂപയും (7,747 ദിര്ഹം) രേവതിയുടെ അക്കൗണ്ടില് നിന്ന് ഒന്നര ലക്ഷത്തോളം രൂപയും (6,500 ദിര്ഹം) ആണ് നഷ്ടമായത്. കഴിഞ്ഞ ഒമ്ബത് വര്ഷമായി അബുദാബി അഡ്നോകില് ജോലി ചെയ്യുകയാണ് പ്രമോദ്. അബുദാബി ആസ്റ്റര് ആശുപത്രിയില് നഴ്സാണ് രേവതി. ഷെയ്ഖ് സായിദ് റോഡരികിലെ മ്യൂസിയം ഓഫ് ദ് ഫ്യൂചര് കാണാന് വേണ്ടി ഓണ്ലൈനില് ടിക്കറ്റ് ബുക്ക് ചെയ്യാന് ശ്രമിച്ചപ്പോഴാണ് പ്രമോദ് തട്ടിപ്പിനിരയായത്. ഗൂഗിളില് മ്യൂസിയം ഓഫ് ദ് ഫ്യൂചര് വെബ്സൈറ്റില് ടിക്കറ്റ് നിരക്ക് പരിശോധിച്ചപ്പോള് ഒരാള്ക്ക് 150 ദിര്ഹമായിരുന്നു കാണിച്ചത്. അടുത്തതായി കണ്ട മ്യൂസിയം പ്രമോഷന് എന്ന പേരിലുള്ള വെബ്സൈറ്റില് മ്യൂസിയം ഓഫ് ദ് ഫ്യൂചര് അടക്കം ദുബായിലെ മിക്ക വിനോദവിജ്ഞാന കേന്ദ്രങ്ങളിലേക്കുമുള്ള പ്രവേശനത്തിന് 40-50 ശതമാനം…
Read More » -
കൊല്ലം ജില്ലാ പ്രവാസി സമാജം അബ്ബാസിയ യൂണിറ്റ് കുടുംബ സംഗമവും വാര്ഷിക പൊതുയോഗവും സംഘടിപ്പിച്ചു
അബ്ബാസിയ: കൊല്ലം ജില്ലാ പ്രവാസി സമാജം അബ്ബാസിയ യൂണിറ്റിന്റെ കുടുംബ സംഗമവും വാര്ഷിക പൊതുയോഗവും സംഘടിപ്പിച്ചു. 23 ന് വൈകിട്ട് 7:00മണിക്ക് അബ്ബാസിയ പോപ്പിന്സ് ആസിറ്റോറിയത്തില് വച്ച് നടന്ന യോഗത്തിന് യൂണിറ്റ് കണ്വീനര് ഷാജി ശാമുവല് അധ്യക്ഷത വഹിച്ചു. യൂണിറ്റ് ജോയിന് കണ്വീനര് സജിമോന് തോമസ് സ്വാഗതം ആശംസിച്ചു. കൊല്ലം ജില്ലാ പ്രവാസി സമാജം പ്രസിഡന്റ് അലക്സ് മാത്യു ഉദ്ഘാടനം നിര്വഹിച്ചു. സമാജം ജനറല് സെക്രട്ടറി ടി.ഡി ബിനില് സംഘടനയുടെ പ്രവര്ത്തനത്തെ കുറിച്ച് വിശകലനം ചെയ്ത് സംസാരിച്ചു. എക്സിക്യൂട്ടീവ് കമ്മിറ്റിയുടെ ഒഴിവിലേക്ക് അല്അമീന്, ഷമ്നാ അല് അമീന്, ജിതേഷ് രാജന്, സ്റ്റാന്ലി, അനിബാബു, ജയകുമാര് എന്നിവരെ തെരഞ്ഞെടുത്തു. തുടര്ന്ന് സംഘടനയുടെ ട്രഷറര് തമ്പി ലൂക്കോസ് സംസാരിച്ചു ആശംസകള് അര്പ്പിച്ചു. ചടങ്ങില് പിന്നീട് വനിതാ വേദി ചെയര്പേഴ്സണ് രഞ്ജന ബിനില് സംഘടനയെക്കുറിച്ചും വനിതാവേദിയുടെ പ്രസക്തിയെക്കുറിച്ചും സംസാരിച്ചു. കൊല്ലം ജില്ലാ പ്രവാസമാജം വൈസ് പ്രസിഡണ്ട് അനില്കുമാര്, സംഘടനാ സെക്രട്ടറി ലിവിന് വര്ഗീസ്, സ്പോട്സ് സെക്രട്ടറി…
Read More » -
ദുബായിൽ വാഹനത്തിന്റെ ടയര് പൊട്ടിത്തെറിച്ച് മലയാളി ബാലികയ്ക്കു ദാരുണാന്ത്യം
അടൂർ : ദുബായിൽ വാഹനത്തിന്റെ ടയര് പൊട്ടിത്തെറിച്ചുണ്ടായ അപകടത്തിൽ അടൂർ സ്വദേശിയായ അഞ്ചു വയസുകാരിക്ക് ദാരുണാന്ത്യം. ദുബായ് എമിറേറ്റ്സ് എയര്ലൈന്സ് ജീവനക്കാരനായ പത്തനംതിട്ട അടൂര് മണക്കാല സ്വദേശി ജോബിന് ബാബു വര്ഗീസിന്റെയും സോബിന് ജോബിന്റെയും മകള് നയോമി ജോബിന് (5) ആണ് മരിച്ചത്. ഷാര്ജ ഇന്ത്യന് സ്കൂള് കെ.ജി. വണ് വിദ്യാര്ഥിനിയാണ്. കേരളത്തിൽ നിന്നും രക്ഷിതാക്കള്ക്കൊപ്പം അവധി കഴിഞ്ഞ് തിരിച്ചുവരുമ്പോഴായിരുന്നു അപകടം.ദുബായ് വിമാനത്താവളത്തില്നിന്ന് താമസസ്ഥലത്തേക്ക് വരുന്നവഴി റാഷിദിയയില് വച്ച് വാഹനത്തിന്റെ ടയര് പൊട്ടിത്തെറിച്ചതാണ് അപകടമുണ്ടായത്. വാഹനത്തിലുണ്ടായിരുന്ന മറ്റുള്ളവര് അപകടത്തില്നിന്ന് രക്ഷപ്പെട്ടു.മാതാപിതാക്കളും നയോമിയുടെ ഇരട്ടസഹോദരന് നീതിന് ജോബിൻ, മറ്റൊരു സഹോദരി നോവ ജോയ് എന്നിവരാണ് അത്ഭുതകരമായി രക്ഷപ്പെട്ടത്.
Read More » -
വ്യാജൻമാർ കുടുങ്ങും; കുവൈറ്റിൽ ജീവനക്കാരുടെ സർട്ടിഫിക്കറ്റ് പരിശോധന ആരംഭിച്ചു
കുവൈറ്റ് സിറ്റി:കുവൈറ്റിൽ ജീവനക്കാരുടെ സർട്ടിഫിക്കറ്റ് പരിശോധന തുടങ്ങി. കുവൈത്തിൽ വിവിധ സ്ഥാപനങ്ങളിൽ ജോലി ചെയ്യുന്ന സ്വദേശികളും വിദേശികളുമുൾപ്പെടെ മുഴുവൻ ജീവനക്കാരുടെയും സർട്ടിഫിക്കറ്റുകളാണ് പരിശോധനയ്ക്ക് വിധേയമാക്കുന്നത്. ജീവനക്കാരുടെ ഹയർ സെക്കണ്ടറിക്ക് മുകളിലുള്ള സർടിഫിക്കറ്റുകളാണ് പരിശോധനക്ക് വിധേയമാക്കുക.യോഗ്യത സർട്ടിഫിക്കറ്റുകൾ ,തുല്ല്യത സർട്ടിഫിക്കറ്റുകൾ, എക്സ്പീരിയൻസ് സർട്ടിഫിക്കറ്റുകൾ തുടങ്ങിയ രേഖകളുടെ സൂക്ഷ്മ പരിശോധനയാണ് നടക്കുന്നത്. ജീവനക്കാരുടെ പേര്, സിവിൽ നമ്പർ, തൊഴിൽ ദാതാവ്, സ്പെഷ്യാലിറ്റി, യൂണിവേഴ്സിറ്റി ബിരുദം,അനുവദിച്ച രാജ്യം, ഇൻ്റഗ്രേറ്റഡ് സിസ്റ്റങ്ങളിൽ ലഭ്യമായ വിവരങ്ങൾ , കൂടാതെ ഉന്നത വിദ്യാഭ്യാസത്തിന് ആവശ്യമായ യോഗ്യതയുടെ പകർപ്പുകൾ എന്നിവയാണ് സൂക്ഷമ പരിശോധനക്ക് വിധേയമാക്കുക. സർട്ടിഫിക്കറ്റുകളിൽ റീ ക്ലിയറൻസ് നടത്തണമെന്ന മന്ത്രിസഭ തീരുമാനതിൻ്റെഭാഗമായി സിവിൽ സർവീസ് കമ്മീഷൻ പുറപ്പെടുവിച്ച ഉത്തരവിന്റെ അടിസ്ഥാനത്തിലാണ് യോഗ്യത സർട്ടിഫിക്കറ്റുകളിൽ ക്ലിയറൻസ് ആരംഭിച്ചത്.
Read More » -
വേദനസംഹാരി കൈവശംവെച്ചതിന് പിടിയിലായ മലയാളി സൗദിയിൽ ജയിൽ മോചിതനായി
റിയാദ്: സൗദിയില് വിതരണം നിയന്ത്രിക്കപ്പെട്ട മരുന്ന് കൈവശം വെച്ചതിന് പിടിയിലായി ജയിലില് കഴിഞ്ഞിരുന്ന മലയാളി 60 ദിവസത്തിന് ശേഷം മോചിതനായി. കൈവശമുണ്ടായിരുന്നത് നാട്ടിലെ ഡോക്ടറുടെ നിർദേശപ്രകാരം കഴിച്ചിരുന്ന മരുന്നാണെന്ന് ലാബ് പരിശോധനയില് തെളിയുകയും അത് പബ്ലിക് പ്രോസിക്യൂട്ടർക്ക് ബോധ്യപ്പെടുകയും ചെയ്തതോടെയാണ് പാലക്കാട് സ്വദേശി പ്രഭാകരൻ ജയിൽ മോചിതനായത്. തബൂക്കില് വലിയ വാഹനങ്ങളുടെ മെക്കാനിക്കായി ജോലി ചെയ്യുന്ന ഇദ്ദേഹം അവധി കഴിഞ്ഞ് ജോലിസ്ഥലത്തേക്ക് പോകുംവഴിയാണ് ലഗേജ് പരിശോധനയില് മരുന്നുകള് കണ്ടെത്തിയത്. നാർകോട്ടിക് വിഭാഗത്തിെന്റെ സ്പെഷല് സ്ക്വാഡ് ഇദ്ദേഹം സഞ്ചരിച്ചിരുന്ന ബസില് നടത്തിയ പരിശോധനയില് കൈവശം നാട്ടില്നിന്ന് കൊണ്ടുവന്ന മരുന്ന് കണ്ടെത്തുകയായിരുന്നു. വേദന സംഹാരിയായി ഉപയോഗിക്കുന്ന മരുന്നാണിതെന്ന് അന്വേഷണസംഘം മുമ്ബാകെ പറെഞ്ഞങ്കിലും അത് തെളിയിക്കുന്നതിനാവശ്യമായ മതിയായ രേഖകള് കൈവശമില്ലാതിരുന്നതിനാല് അറസ്റ്റ് ചെയ്യപ്പെടുകയായിരുന്നു.
Read More » -
സൗദിയില് വീടിന് തീപിടിച്ച് സഹോദരങ്ങളായ നാല് കുട്ടികള് മരിച്ചു
റിയാദ്: സൗദിയില് വീടിന് തീപിടിച്ച് സഹോദരങ്ങളായ നാല് കുട്ടികള് മരിച്ചു.തെക്കൻ സൗദിയിലെ സുറാത്ത ഉബൈദ ഗവർണറേറ്റില് ഇന്നലെ രാത്രി രണ്ടര മണിയോടെയായിരുന്നു അത്യാഹിതം. അലി ബിൻ മാനിഅ അല്ഹസ്സനി അല്ഖഹ്താനി എന്ന സൗദി പൗരന്റെ വീട്ടിലുണ്ടായ ദുരന്തത്തില് അദ്ദേഹത്തിന്റെ നാല് ആണ്മക്കളാണ് അഗ്നിയ്ക്ക് ഇരകളായത്. പതിനൊന്ന്, ഏഴ്, അഞ്ച്, രണ്ട് വയസ്സ് പ്രായമുള്ളവരാണ് മരണപ്പെട്ട കുട്ടികള്.അഞ്ചു പെണ്കുട്ടികള് ഉള്പ്പെടെ ഒമ്ബത് മക്കളുടെ പിതാവാണ് അലി ബിൻ മാനിഅ അല്ഹസ്സനി അല്ഖഹ്താനി. പ്രദേശത്തെ ഒരു സ്കൂളില് വാച്ച്മാൻ ആയി ജോലി ചെയ്യുകയാണ് ഇദ്ദേഹം.മൂന്ന് കുട്ടികള് സംഭവസ്ഥലത്തു വെച്ചും നാലാമത്തെ കുട്ടി അടുത്തുള്ള ആശുപത്രിയിലെ ഐ സി യുവില് കിഴിഞ്ഞ ശേഷവുമാണ് മരണപ്പെട്ടത്. സുറാത്ത് ഉബൈദ ഗവർണറേറ്റിലെ വിദ്യാഭ്യാസ ഡയറക്ടർ ഡോ. ഹസ്സൻ ബിൻ മുഹമ്മദ് അല്അല്കാമി ഇരകളുടെ പിതാവും മന്ത്രാലയത്തിലെ ജീവനക്കാരനുമായ അലി മാനിഅയുടെ വീട്ടിലെത്തി അനുശോചനവും പ്രാർത്ഥനകളും അറിയിച്ചു.
Read More » -
എയര് ഇന്ത്യാ വിമാനത്തില്നിന്നു മലയാളി യുവതി ഇറങ്ങി ഓടി; ദുബായില് നാടകീയ രംഗങ്ങള്
ദുബായ്: ചെക്കിംഗ് നടപടികള് കഴിഞ്ഞ് വിമാനത്തിനുള്ളിലെത്തിയ മലയാളി യുവതി വിമാനത്തിനുള്ളില്നിന്നു പുറത്തേക്ക് ഇറങ്ങി ഓടി. ചൊവ്വാഴ്ച വൈകുന്നേരം 6.30ന് ദുബായി വിമാനത്താവളത്തിലെ ടെർമിനല് രണ്ടിലാണ് നാടകീയവും അപകടകരവുമായ സംഭവങ്ങള് അരങ്ങേറിയത്. ദുബായിയില്നിന്നു കണ്ണൂരിലേക്ക് വരികയായിരുന്ന ഐഎക്സ് 748-ാം നമ്ബർ എയർ ഇന്ത്യാ എക്സ്പ്രസ് വിമാനത്തില്നിന്നാണ് 30 വയസുള്ള യുവതി ഗ്രൗണ്ടിലേക്ക് ഇറങ്ങി ഓടിയത്. ഒറ്റയ്ക്കായിരുന്നു ഇവരുടെ യാത്ര. വിമാനത്തില് കയറിയ യുവതി സീറ്റില് ഇരിക്കാതെ പൈലറ്റ് ഇരിക്കുന്ന ഭാഗത്തുള്ള വാതിലിനടുത്ത് പോയി നില്ക്കുകയായിരുന്നു. യുവതിയുടെ പെരുമാറ്റത്തില് സംശയം തോന്നിയ മലയാളികള് ഉള്പ്പെടെയുള്ള മൂന്ന് എയർ ഹോസ്റ്റസുമാർ യുവതിക്ക് സമീപം നിലയുറപ്പിച്ചു. പേടിയാണെന്നും തനിക്ക് യാത്ര ചെയ്യേണ്ടെന്നും അച്ഛനെ കാണണമെന്നും പറഞ്ഞു വാതിലിനു പുറത്തേക്ക് പോകാൻ ശ്രമിച്ച യുവതിയെ വിമാന ജീവനക്കാർ പിന്തിരിപ്പിക്കാൻ ശ്രമിച്ചു. എന്നാല്, ജീവനക്കാരെ വെട്ടിച്ച് യുവതി പുറത്തേക്ക് ഓടുകയായിരുന്നു. യുവതിയുടെ അപ്രതീക്ഷിത നീക്കത്തില് ജീവനക്കാരും അമ്ബരന്നു. വിമാനത്തിന് പുറത്തേക്ക് ഓടി ഇറങ്ങിയ യുവതിയെ ഗ്രൗണ്ട് സ്റ്റാഫ് വളഞ്ഞെങ്കിലും അവർ…
Read More » -
വിമാനക്കമ്ബനികളുടെ കുത്തക അവസാനിക്കും; ഗള്ഫ് രാജ്യങ്ങളിലേക്ക് കപ്പല് സര്വീസിനു ടെന്ഡര്
തിരുവനന്തപുരം:കേരളത്തില്നിന്നു ഗള്ഫ് രാജ്യങ്ങളിലേക്കു കപ്പല് സര്വീസിനു ടെന്ഡര് ക്ഷണിക്കാന് സംസ്ഥാനസര്ക്കാര് തീരുമാനം. സെക്രട്ടറിയുടെ അധ്യക്ഷതയില് ചേര്ന്ന ഉന്നതതലയോഗത്തിലാണു തീരുമാനം.കേരള മാരിടൈം ബോര്ഡാണു താത്പര്യപത്രം ക്ഷണിക്കുന്നത്. രാജ്യത്തും പുറത്തുമുള്ള കപ്പല് കമ്ബനികള്ക്കു ടെന്ഡറില് പങ്കെടുക്കാം. യാത്രാ, വിനോദസഞ്ചാര കപ്പലുകള്ക്ക് ഏത് ഗള്ഫ് രാജ്യത്തുനിന്നും സര്വീസിന് അനുമതി നല്കും. ബേപ്പൂര്, കൊല്ലം, അഴീക്കല് തുറമുഖങ്ങളില് കപ്പല് അടുപ്പിക്കാം. നേരത്തെ തന്നെ ബേപ്പൂര്-കൊച്ചി-ദുബായ് ക്രൂയിസ് സര്വീസിനു കേന്ദ്ര ഷിപ്പിങ് മന്ത്രാലയത്തിന്റെ അനുമതി ലഭിച്ചിരുന്നു.വിമാനക്കമ്ബനികളുടെ കുത്തക അവസാനിപ്പിച്ച് സാധാരണ യാത്രക്കാര്ക്ക് ആശ്വാസമേകുകയാണു ലക്ഷ്യം. കപ്പല് സര്വീസ് വരുന്നതോടെ നിരക്ക് കുറയ്ക്കാന് വിമാനക്കമ്ബനികളും നിര്ബന്ധിതരാകും. വിമാനനിരക്കിന്റെ മൂന്നിലൊന്നു മതി കപ്പലിന്. മൂന്നുദിവസം കൊണ്ട് എത്താം. വിമാനത്തേക്കാള് മൂന്നിരട്ടി ലഗേജ് കപ്പലില് കൊണ്ടുവരാം. ഗള്ഫ് യാത്രക്കാരുടെ എണ്ണവും ഉയരും. കപ്പല് സര്വീസ് യാഥാര്ഥ്യമായാല് 10,000 രൂപ ചെലവില് നാട്ടിലേക്കും തിരിച്ചും പോയിവരാന് സാധിക്കുമെന്നാണു വിലയിരുത്തല്. 200 കിലോഗ്രാം ലഗേജ് കൊണ്ടുപോകാം.
Read More »