Pravasi
-
ലുലു എക്സ്ചേഞ്ച് യുഎഇയില് മൂന്ന് ശാഖകള് കൂടി ആരംഭിച്ചു
ദുബൈ: പ്രമുഖ ധനവിനിമയ സ്ഥാപനമായ ലുലു എക്സ്ചേഞ്ച് യുഎഇയില് മൂന്ന് ബ്രാഞ്ചുകള് കൂടി ആരംഭിച്ചു. ഇതോടെ ലുലു ഫിനാന്ഷ്യല് ഗ്രൂപ്പിന് യുഎഇയില് 89 ശാഖകളും ലോകത്തെ വിവിധ രാജ്യങ്ങളിലായി 250 ശാഖകളുമായി. ദുബൈയിലെ സിലിക്കോണ് സെന്ട്രല് മാളിലും ഷാര്ജയിലെ മജാസ്, മാസാ പ്രദേശങ്ങളിലും ആണ് പുതിയ ശാഖകള് തുറന്നത്. ലുലു ഫിനാന്സ് ഗ്രൂപ്പിന്റെ എംഡി അദീബ് അഹമ്മദിന്റെയും മറ്റ് സീനിയര് ഉദ്യോഗസ്ഥന്മാരുടെയും സാന്നിധ്യത്തില് ദുബൈ കോണ്സെല് ജനറല് ഡോക്ടര് അമാന് പുരിയാണ് 250-ാമത്തെ ശാഖയുടെ ഉദ്ഘാടനം നിര്വ്വഹിച്ചത്. ഉദ്ഘാടന പ്രസംഗത്തില് ഡോക്ടര് അമാന് പുരി ലുലു എക്സ്ചേഞ്ചിന്റെ സേവനങ്ങളെ പ്രകീര്ത്തിച്ചു. ‘ലുലു ഫിനാന്ഷ്യല് ഹോള്ഡിങ്സിന്റെ വളര്ച്ചയിലെ ഈ സന്തോഷ നിമിഷങ്ങളില് നിങ്ങളോടൊപ്പം പങ്കുചേരാന് കഴിഞ്ഞതില് ഞാന് അത്യധികം ആഹ്ലാദിക്കുന്നു. ഡിജിറ്റല് സാങ്കേതിക സാധ്യതകള് ഉപയോഗപ്പെടുത്തി കറന്സി എക്സ്ചേഞ്ചിലും റിമിറ്റന്സിലും മറ്റ് വിനിമയ ഇടപാടുകളിലും ലുലു എക്സ്ചേഞ്ച് വലിയ മാറ്റങ്ങളാണ് സൃഷ്ടിക്കുന്നത്. ഇതിന് പിന്നില് പ്രവര്ത്തിക്കുന്ന ഈ ഗ്രൂപ്പിലെ എല്ലാവരെയും അഭിനന്ദിക്കുന്നു. അവരുടെ…
Read More » -
കുവൈത്തില് അപ്പാര്ട്ട്മെന്റ് മദ്യഫാക്ടറിയാക്കി; വിദേശമദ്യബ്രാന്ഡുകളുടെ കുപ്പികളില് ലോക്കല് മദ്യം നിറച്ച് വിറ്റ പ്രവാസി അറസ്റ്റില്
കുവൈത്ത് സിറ്റി: കുവൈറ്റില് നിയമവിരുദ്ധമായി മദ്യവില്പ്പന നടത്തിയിരുന്ന പ്രവാസി അറസ്റ്റില്. താമസിച്ചിരുന്ന അപ്പാര്ട്ട്മെന്റ് മദ്യഫാക്ടറിയാക്കിമാറ്റിയ യുവാവിനെ അഹ്മദി ഗവര്ണറേറ്റില് നിന്നാണ് ആഭ്യന്തര മന്ത്രാലയ അധികൃതര് പിടികൂടിയത്. അപ്പാര്ട്ട്മെന്റില് വച്ച് വിദേശ നിര്മ്മിത മദ്യക്കുപ്പികളില് പ്രാദേശികമായി നിര്മ്മിച്ച മദ്യം റീഫില് ചെയ്താണ് ഇയാള് വിറ്റിരുന്നത്. അറസ്റ്റിലായ യുവാവിനെ തുടര് നിയമനടപടികള്ക്കായി ബന്ധപ്പെട്ട വകുപ്പുകള്ക്ക് കൈമാറി. അതേസമയം സുരക്ഷാ ക്യാമ്പയിനിന്റെ ഭാഗമായി കുവൈത്തില് താമസ നിയമലംഘകരെ ലക്ഷ്യമിട്ടുള്ള പരിശോധനകള് തുടരുകയാണ്. കഴിഞ്ഞ ദിവസങ്ങളില് ഫര്വാനിയ, അല് അഹമ്മദി ഗവര്ണറേറ്റുകളില് നടത്തിയ മിന്നല് പരിശോധനയില് നിരവധി നിയമലംഘകര് പിടിയിലായിരുന്നു. ഇതില് അല് അഹമ്മദി ഗവര്ണറേറ്റ് പരിധിയില് നിന്ന് 87 പേരും ഫര്വാനിയ ഗവര്ണറേറ്റില് നിന്ന് 36 പേരും അറസ്റ്റിലായി. മതിയായ താമസരേഖകള് ഇല്ലാത്തവര്, സ്പോണ്സര്മാരില് നിന്ന് ഒളിച്ചോടിയ കേസുകളില്പ്പെട്ടവര്, ഇഖാമ കാലാവധി കഴിഞ്ഞവര് എന്നിവരെയാണ് പിടികൂടിയത്. മഹ്ബൂല, ഖൈത്താന്, ജലീബ് അല് ശുയൂഖ് എന്നിവിടങ്ങളിലും പരിശോധനകള് നടന്നു.നിയമ നടപടികള്ക്ക് ശേഷം ഇവരെ നാടുകടത്തും. പുറത്തിറങ്ങുമ്പള് തിരിച്ചറിയല്…
Read More » -
സൗദി അറേബ്യയില് വിദേശകുട്ടികളുടെ വിസിറ്റ് വിസ, റസിഡന്റ് വിസയാക്കാന് അനുമതി
റിയാദ്: സൗദി അറേബ്യയില് 18 വയസിന് താഴെയുള്ള വിദേശകുട്ടികളുടെ വിസിറ്റ് വിസ, റസിഡന്റ് വിസയാക്കിമാറ്റാമെന്ന് പാസ്പോര്ട്ട് ഡയറക്ടറേറ്റ് അറിയിച്ചു. ഇങ്ങനെ വിസ മാറ്റാന് കുട്ടികളുടെ രക്ഷിതാക്കള് സ്ഥിരമായി സൗദിയില് താമസിക്കുന്നവരാകണം. വിസിറ്റ് വിസ പുതുക്കുന്നതിന് അപേക്ഷകന്റെ താമസരേഖക്ക് കാലാവധി ഉണ്ടാവണമെന്ന് നിര്ബന്ധമില്ല. കുടുംബ വിസിറ്റ് വിസ പരമാവധി ആറുമാസം വരെ മാത്രമേ പുതുക്കിനല്കുകയുള്ളൂ. വിസിറ്റ് വിസ പുതുക്കുന്നത് വൈകിയാല് പിഴ ഈടാക്കുമെന്നും വിസ കാലാവധി കഴിഞ്ഞു മൂന്നുദിവസങ്ങള് കഴിഞ്ഞാല് മാത്രമേ പിഴ ഈടാക്കൂവെന്നും ഡയറക്ടറേറ്റ് അറിയിച്ചു.
Read More » -
പ്രവാസികള്ക്ക് ഇരുട്ടടി വരുന്നു; ഒക്ടോബറോടെ വിമാന ടിക്കറ്റ് നിരക്ക് ഇരട്ടിയാവുമെന്ന് റിപ്പോര്ട്ടുകള്
ദുബൈ: ദസറ, ദീപാവലി ആഘോഷങ്ങള് വരാനിരിക്കവെ ഒക്ടോബറില് വിമാന ടിക്കറ്റ് നിരക്കുകള് വീണ്ടും ഇരട്ടിയാവുമെന്ന് റിപ്പോര്ട്ടുകള്. ഈ സീസണിന് മുന്നോടിയായി ദുബൈ ഉള്പ്പെടെയുള്ള പ്രധാന ഡെസ്റ്റിനേഷനുകളിലേക്കുള്ള ബുക്കിങ് അന്വേഷണങ്ങള് ലഭിച്ചു തുടങ്ങിയതായി ട്രാവല് ഏജന്റുമാര് പറയുന്നു. ഒക്ടോബര് 24ന് ദീപാവലി ആഘോഷങ്ങള്ക്ക് തുടക്കമാവുമ്പോള് ഒക്ടോബര് 24നാണ് ഉത്തരേന്ത്യയിലെ ദസറ. ഉത്സവ സീസണുകളില് ടിക്കറ്റ് നിരക്ക് പതിന്മടങ്ങ് വര്ദ്ധിപ്പിക്കുകയെന്ന ശീലം വിമാനക്കമ്പനികള് ഈ സീസണിലും ആവര്ത്തിക്കും. വിമാന ടിക്കറ്റ് നിരക്ക് ഇരട്ടിയായെങ്കിലും വര്ദ്ധിക്കുമെന്നാണ് യുഎഇയിലെ ട്രാവല് ഏജന്സികള് അഭിപ്രായപ്പെടുന്നത്. പൊതുവെ ഉത്തരേന്ത്യയില് നിന്ന് യുഎഇയിലേക്ക് വരുന്ന വിനോദ സഞ്ചാരികളുടെ എണ്ണം വര്ദ്ധിക്കുന്ന സമയാണിത്. ഇന്ത്യയ്ക്കും യുഎഇക്കും ഇടയില് ഈ കാലയളവിനിടയില് വിമാന സര്വീസുകളുടെ എണ്ണം കൂടാന് സാധ്യതയില്ലാത്തിതിനാല് യാത്രക്കാരുടെ എണ്ണം വര്ദ്ധിക്കുന്നതിനനുസരിച്ച് വിമാന ടിക്കറ്റ് നിരക്ക് മുകളിലേക്ക് നീങ്ങിത്തുടങ്ങും. ഉത്തരേന്ത്യയിലെ വിവിധ നഗരങ്ങളില് നിന്നായിരിക്കും വിമാന യാത്രക്കാരുടെ തിരക്കേറുകയെന്നാണ് റിപ്പോര്ട്ടുകള്. എന്നാല് ഒക്ടോബറിലേക്ക് നാട്ടിലേക്കും തിരിച്ചുമുള്ള യാത്രകള് ആലോചിക്കുന്നവര് പരമാവധി നേരത്തെ തന്നെ…
Read More » -
ദുബൈയില് സ്കൂള് ബസ് തട്ടി മരിച്ചയാളുടെ കുടുംബത്തിന് നാല് കോടിയിലധികം രൂപ നഷ്ടപരിഹാരം നല്കാന് വിധി
ദുബൈ: സ്കൂള് ബസ് തട്ടി മരിച്ചയാളുടെ കുടുംബത്തിന് 20 ലക്ഷം ദിര്ഹം (നാല് കോടിയിലധികം രൂപ) നഷ്ടപരിഹാരം നല്കണമെന്ന് ദുബൈ കോടതി വിധി. മരണപ്പെട്ടത് തങ്ങളുടെ കുടുംബത്തില് വരുമാനമുള്ള ഒരേയൊരാളായിരുന്നുവെന്നും 20 ലക്ഷത്തിലേറെ ദിര്ഹം നഷ്ടപരിഹാരം വേണമെന്നും കാണിച്ച് മരണപ്പെട്ടയാളുടെ അമ്മയും ഭാര്യയും മകനുമാണ് കോടതിയെ സമീപിച്ചത്. തുടര്ന്നാണ് പണം നല്കാന് ഇന്ഷുറന്സ് കമ്പനിയോട് കോടതി നിര്ദേശിച്ചിരിക്കുന്നത്. കേസ് ആദ്യം പരിഗണിച്ച ഇന്ഷുറന്സ് അതോറിറ്റി, കുടുംബത്തിന് നഷ്ടപരിഹാരം നല്കാന് ഇന്ഷുറന്സ് കമ്പനിയോട് നിര്ദേശിച്ചിരുന്നു. ഇതേ വിധി തന്നെ ദുബൈ പ്രാഥമിക കോടതി പിന്നീട് ശരിവെച്ചു. എന്നാല് ഈ വിധിക്കെതിരെ ഇന്ഷുറന്സ് കമ്പനി ദുബൈ സിവില് അപ്പീല് കോടതിയെ സമീപിക്കുകയായിരുന്നു. നഷ്ടപരിഹാരം തേടിയുള്ള കുടുംബത്തിന്റെ അപേക്ഷ പരിഗണിക്കരുതെന്ന് കാണിച്ച് കമ്പനി, ഇന്ഷുറന്സ് പരാതി പരിഹാര കമ്മിറ്റിയെ സമീപിച്ചെങ്കിലും കമ്മിറ്റി ഈ ആവശ്യം പരിഗണിച്ചില്ല. തുടര്ന്ന് അപ്പീലുമായി കമ്പനി ദുബൈ സിവില് അപ്പീല് കോടതിയിലെത്തിയെങ്കിലും മുഴുവന് നഷ്ടപരിഹാരത്തുകയും മരണപ്പെട്ടയാളുടെ കുടുംബത്തിന് നല്കാന് കോടതി ഉത്തരവിടുകയായിരുന്നു.
Read More » -
യുഎഇയില് 180 ദിവസം വരെ താമസിക്കാന് ഓണ് അറൈവല് വിസ; യോഗ്യതയുള്ളത് ഈ രാജ്യങ്ങളിലെ പൗരന്മാര്ക്ക്
ദുബൈ: യുഎഇ സന്ദര്ശിക്കാന് 73 രാജ്യങ്ങളിലെ പൗരന്മാര്ക്കാണ് ഇപ്പോള് വിസ ഓണ് അറൈവല് സൗകര്യം ലഭ്യമാവുന്നത്. ദുബൈയിലെ താമസകാര്യ വകുപ്പും (General Directorate of Residency and Foreigners Affairs – GDRFA) യുഎഇ ആസ്ഥാനമായി പ്രവര്ത്തിക്കുന്ന വിവിധ വിമാനക്കനികളും നല്കുന്ന വിവരങ്ങള് പ്രകാരം വിവിധ രാജ്യങ്ങളിലെ പൗരന്മാര്ക്ക് 14 ദിവസം മുതല് 180 ദിവസം വരെ കാലാവധിയുള്ള ഓണ് അറൈവല് വിസ ലഭിക്കും. 30 ദിവസം കാലാവധിയുള്ള വിസ 20 രാജ്യങ്ങളിലെ പൗരന്മാര്ക്കാണ് നിലവില് യുഎഇ 30 ദിവസം കാലാവധിയുള്ള വിസകള് അനുവദിക്കുന്നത്. ഇവര്ക്ക് യുഎഇയില് ഇറങ്ങിയ ശേഷം വിമാനത്താവളത്തിലെ എമിഗ്രേഷന് ഡിപ്പാര്ട്ട്മെന്റിനെ സമീപിച്ച് പാസ്പോര്ട്ടില് വിസ സ്റ്റാമ്പ് ചെയ്ത് വാങ്ങാം. ഇതിന് പണം നല്കേണ്ടതില്ല. 30 ദിവസം കാലാവധിയുള്ള വിസ ലഭിക്കുന്ന രാജ്യങ്ങള് ഇവയാണ്. അൻഡോറ, ഓസ്ട്രേലിയ, ബ്രൂണെ, കാനഡ, ചൈന, ഹോങ്കോങ്ങ്, ജപ്പാന്, കസാഖിസ്ഥാന്, മകൗ, മലേഷ്യ, മൗറീഷ്യസ്, മൊണാകോ, ന്യൂസീലന്ഡ്, അയര്ലന്ഡ്, സാന്മറീനോ, സിംഗപ്പൂര്, യുക്രൈന്,…
Read More » -
യുഎഇയില് സ്കൂള് വിദ്യാര്ത്ഥികള്ക്ക് സൗജന്യ കൊവിഡ് പരിശോധന
ദുബൈ: വേനലവധി കഴിഞ്ഞ് ഓഗസ്റ്റ് അവസാനത്തോടെ യുഎഇയിലെ സ്കൂളുകള് തുറക്കാനിരിക്കെ വിദ്യാര്ത്ഥികള്ക്ക് സൗജന്യ കൊവിഡ് പിസിആര് പരിശോധന സൗകര്യം. 25 മുതല് 18 വരെ രാജ്യത്തെ 226 പബ്ലിക് സ്കൂള് വിദ്യാര്ത്ഥികള്ക്കും സ്കൂള് ജീവനക്കാര്ക്കും സൗജന്യ കൊവിഡ് പിസിആര് പരിശോധനകള് നടത്തുമെന്ന് എമിറേറ്റ്സ് സ്കൂള് എസ്റ്റീബ്ലിഷ്മെന്റ് (ഇഎസ്ഇ) ട്വിറ്ററില് അറിയിച്ചു. കൊവിഡ് 19 സ്ക്രീനിങ് പോയിന്റുകളില് ദുബൈയിലെയും വടക്കന് എമിറേറ്റുകളിലെയും സ്കൂളുകളിലെ 189 കേന്ദ്രങ്ങളും വിദ്യാര്ത്ഥികള്ക്കും വിദ്യാഭ്യാസ ജീവനക്കാര്ക്കും പരിശോധനാ സൗകര്യമൊരുക്കും. അബുദാബി സ്കൂളുകളിലെ 37 സെന്ററുകളും ഇതില്പ്പെടും. 2022-23 അധ്യയന വര്ഷം യുഎഇയിലെ പബ്ലിക് സ്കൂള് വിദ്യാര്ത്ഥികള്ക്ക് ഈ മാസം 29ന് തുടങ്ങും. സ്കൂളില് റിപ്പോര്ട്ട് ചെയ്യേണ്ട ആദ്യ ദിവസം തന്നെ 96 മണിക്കൂറിനുള്ളിലെടുത്ത നെഗറ്റീവ് പിസിആര് പരിശോധനാ ഫലം ഹാജരാക്കേണ്ടതുണ്ട്. അതുകൊണ്ട് സ്കൂള് വിദ്യാര്ത്ഥികളോടും ജീവനക്കാരോടും കൊവിഡ് പരിശോധനയ്ക്ക് വിധേയരാകാന് ഇഎസ്ഇ അറിയിച്ചു.
Read More » -
പ്രവാസികള്ക്ക് പൂട്ടിപ്പോയ കമ്പനികളില് നിന്നും വ്യാജ കമ്പനികളില് നിന്നും ഇഖാമ മാറ്റാന് അവസരം
കുവൈത്ത് സിറ്റി: കുവൈത്തിലെ പ്രവാസികള്ക്ക് പൂട്ടിപ്പോയ കമ്പനികളില് നിന്നും വ്യാജ കമ്പനികളില് നിന്നും തങ്ങളുടെ ഇഖാമ മാറ്റാന് അവസരമൊരുങ്ങുന്നു. രാജ്യത്തെ മാന്പവര് പബ്ലിക് അതോറിറ്റിയാണ് ഇതിനുള്ള അവസരം നല്കുമെന്ന് പ്രഖ്യാപിച്ചിരിക്കുന്നത്. വ്യാജ കമ്പനികള്ക്കെതിരെ പരാതികള് സമര്പ്പിക്കപ്പെടുകയും കമ്പനികളുടെ പേരില് നടപടികള് സ്വീകരിക്കുകയും ചെയ്ത ശേഷമായിരിക്കും ഇഖാമ മാറ്റത്തിന് അനുമതി നല്കുകയെന്നാണ് റിപ്പോര്ട്ടുകള്. തൊഴില് തട്ടിപ്പിനിരയായി കുവൈത്തില് എത്തിയ നൂറുകണക്കിന് പ്രവാസികള്ക്ക് ആശ്വാസമായിരിക്കും കുവൈത്ത് മാന്പവര് പബ്ലിക് അതോറിറ്റിയുടെ പുതിയ തീരുമാനം. ജോലി വാഗ്ദാനം ചെയ്ത് പ്രവാസികളെ സ്വന്തം നാടുകളില് നിന്ന് കുവൈത്തില് എത്തിക്കുകയും, ഇവര് രാജ്യത്ത് പ്രവേശിക്കുന്നതിന് തൊട്ടുപിന്നാലെ സര്ക്കാര് വകുപ്പുകളിലെ ഫയലുകള് കമ്പനി ഉടമകള് ക്ലോസ് ചെയ്യുകയും ചെയ്ത് കബളിപ്പിക്കപ്പെട്ടവര് നിരവധിപ്പേരുണ്ട്. സ്വന്തം കുറ്റം കൊണ്ടല്ലാതെ രാജ്യത്ത് കുടുങ്ങിപ്പോയ ഇത്തരം പ്രവാസികള്ക്ക് ആശ്വാസമായിരിക്കും പുതിയ തീരുമാനമെന്നാണ് വിലയിരുത്തല്. കുവൈത്തില് നിയമലംഘകരായ പ്രവാസികളെ ലക്ഷ്യമിട്ട് നടത്തുന്ന പരിശോധനകള് തുടരുകയാണ്. ദിവസങ്ങള്ക്ക് മുമ്പ് അഹ്മദി ഗവര്ണറേറ്റ് കേന്ദ്രീകരിച്ച് നടത്തിയ റെയ്ഡുകളില് 48 പ്രവാസികള്…
Read More » -
സൗദി അറേബ്യയിലെ അനധികൃത താമസക്കാരായ പ്രവാസികളുടെ മക്കള്ക്കും സ്കൂളുകളില് പോകാം
റിയാദ്: സൗദി അറേബ്യയില് അനധികൃതമായി താമസിക്കുന്ന വിദേശികളുടെ മക്കള്ക്കും പുതിയ അധ്യയന വര്ഷത്തില് സ്കൂളുകളില് ചേരാന് അനുമതി. സൗദി വിദ്യാഭ്യാസ മന്ത്രാലയമാണ് ചൊവ്വാഴ്ച ഇതുസംബന്ധിച്ച അറിയിപ്പ് പുറപ്പെടുവിച്ചത്. ഈ വിഭാഗത്തിലുള്ള വിദ്യാര്ത്ഥികള്ക്ക് അഡ്മിഷന് നേടുന്നതിനുള്ള നടപടിക്രമങ്ങളും പ്രഖ്യാപിച്ചിട്ടുണ്ട്. നിയമവിരുദ്ധമായും രേഖകളുടെ കാലാവധി കഴിഞ്ഞും സൗദി അറേബ്യയില് താമസിക്കുന്ന പ്രവാസികളുടെ മക്കള് അഡ്മിഷനായി സ്കൂളുകളെ സമീപിക്കുമ്പോള് അവര്ക്ക് അഡ്മിഷന് ഫോം നല്കണം. ശേഷം അതാത് മേഖലയിലെ ബന്ധപ്പെട്ട ഓഫീസുകളിലെത്തി ആവശ്യമായ നടപടികള് പൂര്ത്തീകരിക്കാന് ഇവരോട് സ്കൂള് അധികൃതര് നിര്ദേശിക്കണമെന്നാണ് അറിയിച്ചിരിക്കുന്നത്. നടപടിക്രമങ്ങള് പൂര്ത്തിയാക്കിയ ശേഷം പൂര്ണമായും പൂരിപ്പിച്ച അപേക്ഷാ ഫോമുകള് സ്കൂളുകളില് തിരികെ സമര്പ്പിക്കാം. ഇത്തരത്തിലുള്ള വിദ്യാര്ത്ഥികളുടെ അഡ്മിഷന് അപേക്ഷകള് സ്വീകരിച്ച ശേഷം സ്കൂള് അധികൃതര് അഡ്മിഷനുള്ള നടപടികള് സ്വീകരിക്കണം. ഓരോ മാസവും ഓരോ വിദ്യാഭ്യാസ ജില്ലയിലും സ്കൂളുകളില് പ്രവേശനം നേടുന്ന വിദ്യാര്ത്ഥികളുടെ എണ്ണം അറിയിക്കണമെന്ന് രാജ്യത്തെ എല്ലാ വിദ്യാഭ്യാസ വകുപ്പുകളോടും മന്ത്രാലയം നിര്ദേശിച്ചിട്ടുണ്ട്. രേഖകളില്ലാത്ത വിദേശികളുടെയോ അനധികൃത താമസക്കാരായ പ്രവാസികളുടെയോ മക്കള്…
Read More » -
ഇനി ഖത്തറിലും ഗൂഗിള് പേ സേവനം; ഔദ്യോഗികമായി തയാറെടുത്തെന്ന് സെന്ട്രല് ബാങ്ക്
ദോഹ: ലോകകപ്പ് ഫുട്ബോള് മത്സരങ്ങള്ക്ക് വേദിയാവാന് ഒരുങ്ങുന്ന ഖത്തര് ഗൂഗിള് പേ ഇടപാടുകള്ക്കായി വഴിതുറക്കുന്നു. മൊബൈല് പേയ്മെന്റ് സംവിധാനമായ ഗൂഗിള് പേ സേവനം ഔദ്യോഗികമായി ആരംഭിക്കാന് ഖത്തറിലെ ബാങ്കുകള് തയ്യാറാണെന്ന് ഖത്തര് സെന്ട്രല് ബാങ്ക് അറിയിച്ചു. ആവശ്യമായ പരിശോധനകള് പൂര്ത്തിയാക്കിയ ശേഷമാണ് ഗൂഗ്ള് പേ സേവനത്തിന് രാജ്യത്ത് തുടക്കമാവുന്നത്. മറ്റ് അന്താരാഷ്ട്ര പേയ്മെന്റ് സംവിധാനങ്ങളായ ആപ്പിള് പേയും സാംസ്ങ് പേയും പോലുള്ളവ നിലവില് ഖത്തറില് സ്വീകരിക്കുന്നുണ്ട്. ഇക്കൂട്ടത്തിലേക്കാണ് ഗൂഗിള് പേ കൂടി എത്തുന്നത്. ആന്ഡ്രോയിഡ് ഫോണുകളില് ഗൂഗിള് വാലറ്റ് ആപ്ലിക്കേഷന് തുറന്നോ അല്ലെങ്കില് ഗൂഗിള് പ്ലേ സ്റ്റോറില്നിന്ന് ഡൗണ്ലോഡ് ചെയ്തോ ഗൂഗിള് പേ സേവനം ഉപയോഗിക്കാം. ആദ്യ ഉപയോഗത്തിന് മുമ്പ് ബാങ്ക് കാര്ഡുകള് ആപ്ലിക്കേഷനില് രജിസ്റ്റര് ചെയ്യണം. ശേഷം ഗൂഗിള് പേ സ്വീകരിക്കുന്ന എല്ലായിടങ്ങളിലും സുരക്ഷിതമായി പണം കൈമാറാന് ഗൂഗിള് പേ ഉപയോഗിക്കാം. ഉപഭോക്താക്കള്ക്കായി ഗൂഗിള് പേ സേവനം ആരംഭിക്കാന് കഴിയുന്നതില് അഭിമാനമുണ്ടെന്ന് ക്യു.എന്.ബി ഗ്രൂപ്പ് റീട്ടെയില് ബാങ്കിങ് ജനറല് മാനേജര്…
Read More »