NEWS
-
സുബീന് ഗാര്ഗിന്റേതു അപകട മരണമല്ല, കൊലപാതകം; സ്ഥിരീകരിച്ച് മുഖ്യമന്ത്രി; പിന്നില് ഞെട്ടിക്കുന്ന കാരണങ്ങള്; ‘ഒരാള് കൊലപ്പെടുത്തി, മറ്റുള്ളവര് സഹായിച്ചു’
കൊല്ക്കത്ത: യുവജനങ്ങളുടെ ആരാധനാപാത്രമായ അസമീസ് ഗായകന് സുബീന് ഗാര്ഗിന്റെ (52) മരണം കൊലപാതകമെന്ന് അസം സര്ക്കാര്. മുഖ്യമന്ത്രി ഹിമന്ദ ബിശ്വ ശര്മ ഇക്കാര്യം നിയമസഭയെ അറിയിച്ചു. സ്കൂബ ഡൈവിങ്ങിനിടെയാണ് സുബീന് ഗാര്ഗ് മരിച്ചത്. സിംഗപ്പൂരിലെ നോര്ത്ത് ഈസ്റ്റ് ഇന്ത്യ ഫെസ്റ്റിവലില് പാടാനെത്തിയ സുബീന്, സ്കൂബ ഡൈവിങ്ങിനിടെയാണ് പരുക്കേറ്റത്. ആശുപത്രിയില് എത്തിച്ചെങ്കിലും മരണം സംഭവിച്ചു. ”സുബീന് ഗാര്ഗിന്റേത് അപകടമരണം അല്ലെന്നും കൊലപാതകമാണെന്നും അസം പൊലീസിന്റെ അന്വേഷണത്തില് കണ്ടെത്തി. ഒരാള് ഗാര്ഗിനെ കൊലപ്പെടുത്തി. മറ്റുള്ളവര് സഹായിച്ചു. അഞ്ചോളംപേരെ അറസ്റ്റു ചെയ്തു.”പ്രതിപക്ഷത്തിന്റെ അടിയന്തര പ്രമേയത്തിനു മറുപടിയായി മുഖ്യമന്ത്രി പറഞ്ഞു. കൊലപാതകത്തിലേക്കു നയിച്ച കാരണങ്ങള് ജനത്തെ ഞെട്ടിക്കുമെന്നും അദ്ദേഹം കൂട്ടിച്ചേര്ത്തു. മരണത്തെക്കുറിച്ച് അന്വേഷിക്കാന് പ്രത്യേക പൊലീസ് സംഘത്തെ നിയോഗിച്ചതിനു പുറമേ ഹൈക്കോടതി സിറ്റിങ് ജഡ്ജിയുടെ മേല്നോട്ടത്തിലുള്ള അന്വേഷണവും സര്ക്കാര് പ്രഖ്യാപിച്ചിരുന്നു. ഗായകന്റെ മാനേജരും സംഘത്തിലുള്ളവരുമാണ് അറസ്റ്റിലായത്. ഗായകന്റെ സുരക്ഷാ ഉദ്യോഗസ്ഥരും അറസ്റ്റിലായി. ഇമ്രാന് ഹഷ്മിയും കങ്കണ റനൗട്ടും അഭിനയിച്ച ഗാങ്സ്റ്റര് സിനിമയിലെ ‘യാ അലി’ എന്ന ഹിറ്റ്…
Read More » -
‘ബംഗാളില് എന്നെ ലക്ഷ്യം വെച്ചാല്, ഞാന് രാജ്യത്തെ പിടിച്ചു കുലുക്കും’: വോട്ടര് പട്ടികാ പുതുക്കലിന് മുന്നോടിയായി ബിജെപിക്ക് മമതയുടെ മുന്നറിയിപ്പ് ; കേന്ദ്ര തിരഞ്ഞെടുപ്പ് കമ്മീഷന് ബിജെപി കമമീഷനായി മാറിയെന്നും ആരോപിച്ചു
ന്യൂഡല്ഹി: ബംഗാളില് തന്നെ ബിജെപി ലക്ഷ്യം വെയ്ക്കുകയാണെങ്കില് താന് രാജ്യത്തെ മുഴുവന് പിടിച്ചുകുലുക്കുമെന്ന് ബംഗാള് മുഖ്യമന്ത്രി മമതാബാനര്ജി. തെരഞ്ഞെടുപ്പിന് ശേഷം താന് രാജ്യം മുഴുവന് സഞ്ചരിക്കുമെന്നും പറഞ്ഞു. തന്റെ ആളുകള്ക്ക് എതിരേയുള്ള ഏതാക്രമണത്തെയും തനിക്ക് നേരെയുള്ള എതിര്പ്പായി കണക്കാക്കുമെന്നും മമതാ ബാനര്ജി പറഞ്ഞു. ബോംഗാവോണില് നടന്ന എസ്ഐആര് വിരുദ്ധ റാലിയില് സംസാരിച്ച തൃണമൂല് കോണ്ഗ്രസ് നേതാവ്, ഒരൊറ്റ പേര് പോലും വോട്ടര് പട്ടികയില് നിന്ന് നീക്കം ചെയ്യാന് തിരഞ്ഞെടുപ്പ് കമ്മീഷന് അധികാരമില്ലെന്ന് ജനങ്ങള്ക്ക് ഉറപ്പ് നല്കുമെന്നും ഭയപ്പെടരുതെ ന്ന് അഭ്യര്ത്ഥിക്കുകയും ചെയ്തു. തെരഞ്ഞെടുപ്പ് കമ്മീഷന് ബിജെപിയുടെ നിര്ദേശപ്രകാരം പ്രവര്ത്തിക്കുകയാണെന്നും ബിജെപി അവരുടെ പാര്ട്ടി ഓഫീസില് നിന്ന് ലിസ്റ്റ് തയ്യാറാക്കുകയും അതിനനുസരിച്ച് തിരഞ്ഞെടുപ്പ് കമ്മീഷന് തീരുമാനമെടുക്കുകയും ചെയ്യുകയാണ്. തിരഞ്ഞെടുപ്പ് കമ്മീഷന്റെ ജോലി നിഷ്പക്ഷമായിരിക്കുക എന്നതാണ്. എന്നാല് അത് ‘ബിജെപി കമ്മീഷന്’ ആകരുത് എന്നും മമത മാതുവ സമുദായത്തെ അഭിസംബോധന ചെയ്തുകൊണ്ട് പറഞ്ഞു. തന്റെ ഹെലികോപ്റ്റര് യാത്ര റദ്ദാക്കിയത് റാലിയില് എത്തുന്നത് തടയാനുള്ള ബിജെപി…
Read More » -
മരിച്ചുപോയെന്ന് വിശ്വസിക്കപ്പെട്ട് 65 കാരിയുടെ മൃതദേഹം സംസ്കരിക്കാന് ഒരുങ്ങി ; ബന്ധുക്കള് ചിതയില് വെയ്ക്കാന് ഒരുങ്ങുമ്പോള് ശവപ്പെട്ടിക്കുള്ളില് മുട്ടി വിളി…തായ് യുവതി ഉണര്ന്നു…!
മരിച്ചെന്ന് കരുതി പെട്ടിയിലാക്കി ബന്ധുക്കള് ചിതയില് വെയ്ക്കാനൊരുങ്ങുമ്പോള് ശവപ്പെട്ടിയില് മുട്ടിവിളിച്ച് തായ് സ്ത്രീ ജീവിതത്തിലേക്ക് തിരിച്ചെത്തി. തായ്ലന്ഡിലെ നോണ്തബുരിയിലുള്ള വാട്ട് റാറ്റ് പ്രാകോങ് താം എന്ന ബുദ്ധ ക്ഷേത്രത്തിലെ ജീവനക്കാരാണ് ഞെട്ടിപ്പോയ സംഭവത്തിന്റെ സാക്ഷികള്. പേര് വെളിപ്പെടുത്താത്ത 65 വയസ്സുള്ള സ്ത്രീയുടെ മൃതദേഹം ദഹിപ്പിക്കാന് ജീവനക്കാര് തയ്യാറെടുക്കുമ്പോഴാണ് ഈ സംഭവം. തങ്ങള് മരിച്ചെന്ന് കരുതിയ ഒരു സ്ത്രീ ശവപ്പെട്ടിക്കുള്ളില് ചലിക്കാന് തുടങ്ങിയപ്പോള് ഭയന്നുപോയതായി ഇവര് പറഞ്ഞു. ക്ഷേത്രത്തിലെ ജീവനക്കാര് പതിവ് ദഹനത്തിനുള്ള ഒരുക്കങ്ങള് നടത്തുകയായിരുന്നു. ക്ഷേത്രത്തിന്റെ ഫേസ്ബുക്ക് പേജിലെ വീഡിയോയില് സംഭവത്തിന്റെ വീഡിയോ പോസ്റ്റ് ചെയ്തിട്ടുണ്ട്. ശവപ്പെട്ടിക്കുള്ളില് നിന്ന് ഒരു നേര്ത്ത മുട്ടല് ശബ്ദം കേട്ടതാണ് ആദ്യത്തെ സൂചനയെന്ന് ദൃക്സാക്ഷികള് പറഞ്ഞു. ആദ്യം താന് അത് വെറുതെ തോന്നിയതാണെന്ന് അദ്ദേഹം കരുതി. പക്ഷേ, വീണ്ടും ആ ശബ്ദം കേട്ടു. ഉറപ്പുവരു ത്താനായി ശവപ്പെട്ടി തുറക്കാന് അദ്ദേഹം കുടുംബാംഗങ്ങളോട് ആവശ്യപ്പെട്ടു. എല്ലാവരും പരിഭ്രമിച്ചു. ശവപ്പെട്ടി തുറന്നപ്പോള് കണ്ണ് ചെറുതായി തുറക്കുന്നതും ശവപ്പെട്ടിയുടെ വശങ്ങളില്…
Read More » -
നടിയെ ആക്രമിച്ച കേസില് ഡിസംബര് എട്ടിന് വിധി ; ദിലീപ് ഉള്പ്പെടെയുള്ളവര് ഹാജരാകണം ; 27 തവണയാണ് വാദത്തില് വ്യക്തത വരുത്തുന്നതിനായി കേസ് വിചാരണക്കോടതി മാറ്റിവെച്ച കേസ്്
കൊച്ചി: കേരളത്തില് വന് വിവാദമായി മാറിയ നടിയെ ആക്രമിച്ച കേസില് ഡിസംബര് എട്ടിന് എറണാകുളം പ്രിന്സിപ്പല് സെഷന്സ് കോടതി വിധി പറയും. ദിലീപും പള്സര്സുനിയും അടക്കം ഒമ്പത് പേര് പ്രതിയായ കേസിലെ വാദം ഉള്പ്പടെയുള്ള വിചാരണ നടപടികള് കഴിഞ്ഞ ഏപ്രില് 11 ന് പൂര്ത്തിയായിരുന്നു. വ്യക്തത വരുത്തുന്നതിനായി 27 തവണയാണ് കേസ് കോടതി മാറ്റി വെച്ചത്. പള്സര് സുനി ഒന്നാംപ്രതിയും നടന് ദിലീപ് എട്ടാംപ്രതിയുമാണ്. നെടുമ്പാശേരി പൊലീസ് രജിസ്റ്റര് ചെയ്ത കേസ് ക്രൈംബ്രാഞ്ച് ആയിരുന്നു അന്വേഷണം പൂര്ത്തിയാക്കിയത്. കേസില് ആകെ 9 പ്രതികളുണ്ട്. ബലാത്സംഗ ഗൂഡാലോചന കേസിലാണ് ദിലീപിനെ പ്രതിചേര്ത്തത്. വിചാരണ നടപടികള് പൂര്ത്തിയായി എങ്കിലും അന്തിമ നടപടിക്രമങ്ങള് ഒരുവര്ഷത്തിലധികം നീണ്ടു. 2017 ഫെബ്രുവരി മാസം 17നാണ് കൊച്ചി നഗരത്തില് ഓടുന്ന വാഹനത്തില് വെച്ച് നടിയെ ആക്രമിച്ചത്. 2018 മാര്ച്ചിലാണ് കേസിലെ വിചാരണ നടപടികള് ആരംഭിച്ചത്.
Read More » -
പിഎം ശ്രീ സ്കൂളല്ല സര്ക്കാര്ശ്രീ സ്കൂളുകള് വരട്ടെ; സര്ക്കാര് സ്കൂളുകള് ഇല്ലാത്ത സ്ഥലങ്ങളില് സ്കൂളുകള് സ്ഥാപിക്കാന് കേരളത്തോട് സുപ്രീംകോടതി; നൂറുശതമാനം സാക്ഷരതയുള്ള സംസ്ഥാനം സര്ക്കാര് സ്കൂളിനെ എന്തിന് എതിര്ക്കണമെന്നും സാക്ഷരകേരളത്തോട് സുപ്രീം കോടതിയുടെ ചോദ്യം; മഞ്ചേരിയിലെ എളാമ്പ്രയില് അടിയന്തരമായി എല്പി സ്കൂള് സ്ഥാപിക്കാന് സംസ്ഥാന സര്ക്കാരിന് സുപ്രീം കോടതിയുടെ നിര്ദേശം
ന്യൂഡല്ഹി: സാക്ഷരകേരളമെന്ന് അഹങ്കരിക്കുന്ന കേരളത്തില് സര്ക്കാര് സ്കൂള് ആവശ്യമില്ലെന്ന് വാദിച്ച സംസ്ഥാന സര്ക്കാരിനെതിരെ ആഞ്ഞടിച്ച് സുപ്രീം കോടതി. മഞ്ചേരി എളാമ്പ്രയില് സര്ക്കാര് എല്പി സ്കൂള് ആരംഭിക്കാന് മഞ്ചേരി മുന്സിപ്പാലിറ്റി സംസ്ഥാന വിദ്യാഭ്യാസ വകുപ്പിനെ സമീപിച്ചിരുന്നു. എന്നാല് മുനിസിപ്പാലിറ്റിയുടെ ആവശ്യം വിദ്യാഭ്യാസ വകുപ്പ് നിരാകരിച്ചു. ഇതിനെതിരെ പ്രദേശവാസികള് ഹൈക്കോടതിയെ സമീപിക്കുകയും ഹൈക്കോടതി സ്കൂള് സ്ഥാപിക്കാന് ഉത്തരവിറക്കുകയും ചെയ്തു. ഇതിനെതിരെ സംസ്ഥാന സര്ക്കാരാണ് സുപ്രീം കോടതിയെ സമീപിച്ചത്. എളാമ്പ്ര മേഖലയില് നടത്തിയ ശാസ്ത്രീയ പരിശോധനയില് വിദ്യാര്ഥികള്ക്ക് വിദ്യാഭ്യാസത്തിന് ആവശ്യമായ സൗകര്യങ്ങള് ഉണ്ടെന്നും അതിനാല് പുതിയ സ്കൂള് ആവശ്യമില്ലെന്നും സംസ്ഥാന സര്ക്കാര് സുപ്രീം കോടതിയെ അറിയിച്ചു. വിദ്യാര്ഥികള്ക്ക് മറ്റ് സ്ഥലങ്ങളില് പോയി പഠിക്കണമെങ്കില് അതിനുള്ള സൗകര്യം ഒരുക്കാമെന്ന് സംസ്ഥാന സര്ക്കാര് കോടതിയെ അറിയിച്ചു. എന്നാല്, സര്ക്കാരിന്റെ ഈ നിലപാടിനെ ചീഫ് ജസ്റ്റിസ് സൂര്യകാന്ത്, ജസ്റ്റിസ് ജോയ് മാല ബാഗ്ചി എന്നിവര് അടങ്ങിയ ബെഞ്ച് വിമര്ശിച്ചു. പുലര്ച്ചെ അഞ്ചുമണിക്ക് ബസ് കയറിപ്പോകുന്ന വിദ്യാര്ഥികള് മടങ്ങിവരിക രാത്രി വൈകി…
Read More » -
മള്ട്ടിനാഷണല് കമ്പനിയിലെ ജോലിയില് നിന്നും തദ്ദേശ തെരഞ്ഞെടുപ്പില് മത്സരത്തിന് ; കോഴിക്കോട്ടെ എരിഞ്ഞിപ്പാലത്ത് എല്ഡിഎഫ് സീറ്റ് പിടിക്കാന് ബിജെപി ഇറക്കിയിരിക്കുന്നത് ഐടി ജീവനക്കാരിയെ ; കെമിസ്ട്രിയില് ഡോക്ട്രേറ്റ്
കോഴിക്കോട് : ഇത്തവണ നടക്കുന്ന തദ്ദേശ തെരഞ്ഞെടുപ്പില് മത്സരിക്കാന് വമ്പന് ശമ്പളമുള്ള മള്ട്ടിനാഷണല് കമ്പനിയിലെ ജോലി ഉപേക്ഷിച്ച് ഐടി ജീവനക്കാരി. കെമിസ്ട്രിയില് ഡോക്ട്രേറ്റ് ബിരുദമുള്ള ഐടി പ്രൊഫഷണല് കളത്തിലിറങ്ങി യിരിക്കുന്നത് ബിജെപിയ്ക്ക് വേണ്ടിയാണ്. കോഴിക്കോട് ഏഴാം വാര്ഡായ എരഞ്ഞിപ്പാലത്ത് മത്സരിക്കാന് ബിജെപി ഇറക്കിയിരിക്കുന്ന ആനി സ്റ്റെഫിയുടെ ചുമതല എല്ഡിഎഫിന്റെ സിറ്റിംഗ് സീറ്റും കോട്ടയുമായ സീറ്റ് ബിജെപിയ്ക്ക് പിടിച്ചുകൊടുക്കാനാണ്. കെമിസ്ട്രയിയില് ഡോക്ട്രേറ്റ് ബിരുദധാരിയായ ഇവര് ജോലിയില് നിന്നും ഇടവേളയെടു ത്താണ് മത്സരിക്കുന്നത്. വാര്ഡിലെ വികസനമാണ് പ്രധാന അജണ്ഡയെന്നും കേന്ദ്രത്തില് നിന്നും വരുന്ന വികസനങ്ങള് ഇവിടെ മറ്റു പേരിലാണ് വരുന്നതെന്നും ആനി സ്റ്റെഫി പറയുന്നു. മോദിജിയുടെ പ്രഭാവത്തിലും പിന്നെ പാര്ട്ടി യുവതയ്ക്ക് കൊടുക്കുന്ന പ്രാധാന്യ വും മനസ്സിലാക്കിയാണ് ആനി സ്റ്റെഫി ബിജെപിയില് ആകൃഷ്ടയായിരിക്കുന്നത്. തല്ക്കാ ലം അവധിയെടുത്താണ് കോഴിക്കോട് കോര്പ്പറേഷനില് മത്സരിക്കാന് വന്നിരിക്കുന്നത്. നിലവില് എല്ഡിഎഫിന്റെ സിറ്റിംഗ് വാര്ഡ് പിടിച്ചെടുക്കാനുള്ള കനപ്പെട്ട ചുമതലയാണ് പാര്ട്ടി ആനി സ്റ്റെഫിയെ ഏല്പ്പിച്ചിരിക്കുന്നത്. പ്രധാനമന്ത്രി നരേന്ദ്രമോഡിയുടെ ഭരണവും പരിവര്ത്തന…
Read More » -
അന്നദാനപ്രഭുവിനെ ദര്ശിക്കാനെത്തുമ്പോള് ഇനി വിഭവസമൃദ്ധസദ്യയുണ്ണാം; ശബരിമല അന്നദാനത്തിന് ഇനി കേരള സദ്യ; പപ്പടവും പായസവുമടക്കമുള്ള സദ്യനല്കുമെന്ന് ദേവസ്വം ബോര്ഡ് പ്രസിഡന്റ്
പത്തനംതിട്ട: അന്നദാനപ്രഭൂവായ ശബരിമല ശ്രീ അയ്യപ്പനെ ദര്ശിക്കാനെത്തുന്ന ലക്ഷോപലക്ഷം ഭക്തര്ക്ക് ഇനി ശബരിമലയില് അന്നദാനത്തിന് വിഭവസമൃദ്ധമായ സദ്യയുണ്ണാം. ശബരിമല അന്നദാനത്തിന് ഇനി മുതല് കേരള സദ്യ നല്കുമെന്ന് ദേവസ്വം ബോര്ഡ് പ്രസിഡന്റ് കെ.ജയകുമാര് അറിയിച്ചു. ഇതോടെ കേരളത്തിന്റെ പേരുകേട്ട സദ്യയും ലോകമെമ്പാടും പ്രശസ്തമാകും. നേരത്തെ ഉണ്ടായിരുന്ന മെനുവില് ഉച്ചയ്ക്ക് പുലാവും സാമ്പാറുമായിരുന്നു. ഇത് മാറ്റി കേരളീയമായ സദ്യ കൊടുക്കുമെന്നും അദ്ദേഹം പറഞ്ഞു. പപ്പടവും പായസവും സദ്യയില് ഉണ്ടാവും. അയ്യപ്പന്മാര്ക്ക് നല്ല ഭക്ഷണം നല്കാന് ഭക്തജനങ്ങള് നല്കുന്ന പണമാണ് ഉപയോഗിക്കുന്നത്. ആ പണം ഉപയോഗിച്ച് ഏറ്റവും നല്ല സദ്യ അയ്യപ്പന്മാര്ക്ക് നല്കും. പന്തളത്തെ അന്നദാനവും മെച്ചപ്പെടുത്തും. ശബരിമല തീര്ഥാടനം മെച്ചപ്പെടുത്താന് മാസ്റ്റര് പ്ലാന് തയാറാക്കുകയാണ്. ഡിസംബര് 18ന് അവലോകന യോഗം ചേരും. ആദ്യ ദിവസങ്ങളില് ചില പ്രശ്നങ്ങള് ഉണ്ടായിരുന്നു. ഇപ്പോള് തീര്ഥാടകരുടെ വരവ് നിയന്ത്രണവിധേയമാണ്. പോലീസും ദേവസ്വവും തമ്മിലുള്ള ഏകീകരണം മെച്ചപ്പെട്ടുവെന്നും കെ. ജയകുമാര് പറഞ്ഞു.
Read More » -
കെയര് എന്ന വാക്കിന് ഒരുപാട് അര്ത്ഥങ്ങളുണ്ട് രാഹുലേ; കെയര് ചെയ്യാതിരിക്കാന് മാത്രമുള്ളതല്ല കെയര് ചെയ്യാന് കൂടിയുള്ളതാണ്; മന്ത്രി വീണ ജോര്ജിന്റെ എഫ് ബി കുറിപ്പ് കെയര് ചെയ്യപ്പെടേണ്ടതാണ്
തിരുവനന്തപുരം : ആരും കെയര് ചെയ്യാത്ത ഒരു അവസ്ഥയിലേക്ക് രാഹുല് മാങ്കൂട്ടത്തില് പൊയ്ക്കൊണ്ടിരിക്കുമ്പോള് ഹു കെയേഴ്സ് എന്ന രാഹുലിന്റെ ആ പഴയസ്ഥിരം ചോദ്യം രാഹുലിനെ നോക്കി ചിരിക്കുകയാണിപ്പോള്. കെയര് എന്ന വാക്കിന് അര്ത്ഥങ്ങള് ഒരുപാടുണ്ടെന്ന് ഒരു പക്ഷെ ഇനിയെങ്കിലും മാങ്കൂട്ടത്തില് മനസിലാക്കിയിരുന്നെങ്കില്… എന്തായാലും ആരോഗ്യവകുപ്പു മന്ത്രി വീണ ജോര്ജ് തന്റെ എഫ് ബി കുറിപ്പില് കെയറിനെക്കുറിച്ചെഴുതിയത് വൈറലായിട്ടുണ്ട്. വീണ ജോര്ജിന്റെ വാക്കുകള് ശക്തമായ ഒളിയമ്പാണ്. അത് വായിക്കുമ്പോള് കൊള്ളേണ്ടിടത്ത് കൃത്യമായി കൊള്ളും, വേദനിക്കും. ഹൂ കെയേഴ്സ് അല്ല, വി കെയര് എന്ന കേരള സംസ്ഥാന വനിതാ വികസന കോര്പ്പറേഷന്റെ പോസ്റ്ററാണ് വീണാ ജോര്ജ് ഫേയ്സ്ബുക്കില് പങ്കുവെച്ചിരിക്കുന്നത്. സമ്മതിക്കണം ഇത്തരമൊരു തലക്കെട്ടോടെ ഈ പോസ്റ്റര് തയ്യാറാക്കിയവരെ. സമകാലിന സംഭവങ്ങളിലേക്ക് ഈ പോസ്റ്റര് കൂട്ടിക്കൊണ്ടുപോകുന്നുണ്ട്. ഒരൊറ്റ സംഭവത്തില് നിന്ന് സമൂഹത്തിനാകെ ഉത്തരം നല്കുന്ന ബ്രില്യന്സ്, ഒരുപക്ഷെ പൊളിറ്റിക്കല് ബ്രില്യന്സ് ഈ പോസ്റ്ററിലുണ്ട്. ഒരാളുടേയും പേരെടുത്തു പറയാതെയുള്ള ഈ പോസ്റ്റര് കണ്ടാല് തലയില് ആള്താമസമുള്ള…
Read More » -
കാന്താ…ഇത് സിനിമാക്കഥയല്ല ഒറിജിനല് കാന്ത കഥയാണ്; സൗദിയില് മൂന്നുവയസുകാരന്റെ വയറ്റില് നിന്നെടുത്തത് 49 കാന്തങ്ങള്
ദമാം: ദുല്ഖര് സല്മാന്റെ കാന്താ എന്ന സിനിമയെക്കുറിച്ചല്ല പറയാന് പോകുന്നത്. സാക്ഷാല് കാന്തത്തിന്റെ കഥയാണ്. എങ്ങിനെയോ കാന്തങ്ങള് വിഴുങ്ങിയ ഒരു മുന്നുവയസുകാരന്റെ കാന്തക്കഥ. സൗദി അറേബ്യയിലെ ദമാമില് മൂന്നു വയസുകാരന്റെ വയറ്റില്നിന്ന് നീക്കം ചെയ്തത് ഒന്നും രണ്ടും കാന്തങ്ങളല്ല, 49 കാന്തങ്ങളാണ്. ഇതെങ്ങിനെ ഈ കുഞ്ഞിന്റെ വയറ്റില് വന്നുപെട്ടു എന്നതിനെക്കുറിച്ച് ആര്ക്കും വ്യക്തമായ ഉത്തരം പറയാനായിട്ടില്ല. ഈ കുഞ്ഞിനെ വിട്ടുമാറാത്ത വയറുവേദനയുമായാണ് ഈസ്റ്റേണ് ഹെല്ത്ത് ക്ലസ്റ്ററിന്റെ ഭാഗമായ ദമാം മെറ്റേണിറ്റി ആന്റ് ചില്ഡ്രന്സ് ആശുപത്രിയിലെത്തിക്കുന്നത്. അവിടത്തെ ഡോക്ടര്മാരാണ് എക്സ് റേ എടുത്ത് വിശദമായി പരിശോധിച്ചത്. അപ്പോഴാണ് കുഞ്ഞിന്റെ ആമാശയത്തിലും ചെറുകുടലിലുമൊക്കെ അസാധാരണമായ ചില വസ്തുക്കള് കണ്ടത്. തുടര്ന്ന് നടത്തിയ വിശദമായ പരിശോധനയിലാണ് ആ അസാധാരണ വസ്തുക്കള് ലോഹഭാഗങ്ങളും കാന്തങ്ങളുമാണെന്നും മനസിലായത്. ശസ്ത്രക്രിയ നടത്താതെ ഈ കാന്തങ്ങളും മറ്റും നീക്കം ചെയ്യാന് പറ്റുമോ എന്നായി ഡോക്ടര്മാരുടെ അടുത്ത ചിന്ത. വയര് തുറന്നുള്ള ശസ്ത്രക്രിയയുടെ ആവശ്യമില്ലാതെ, മുകളിലൂടെയുള്ള ഗ്യാസ്ട്രോഇന്റസ്റ്റൈനല് എന്ഡോസ്കോപ്പ് ഉപയോഗിച്ച് ഒരു മണിക്കൂര്…
Read More » -
ഗംഭീറിനു പകരം ആളെത്തപ്പുന്നു; മുന്നിര താരങ്ങളും ഗംഭീറിനെതിരെ; ഗംഭീര് രാജിക്കൊരുങ്ങുന്നതായും സൂചന
ഗുവാഹത്തി: ദക്ഷിണാഫ്രിക്കക്കെതിരായ ടെസ്റ്റ് പരമ്പരയില് ഇന്ത്യന് ടീമിന്റെ ദയനീയ പ്രകടനത്തിന്റെ ഉത്തരവാദിത്വമേറ്റെടുത്ത് ഇന്ത്യന്ടീം പരിശീലകന് ഗൗതം ഗംഭീര് സ്ഥാനമൊഴിയാന് തയ്യാറാകുന്നതായി സൂചന. ഇന്ത്യന് ടീമിന്റെ മോശം പ്രകടനത്തിനു പുറമെ തനിക്ക് നേരിടേണ്ടി വന്ന കടുത്ത വിമര്ശനത്തിന്റെ പശ്ചാത്തലത്തിലാണ് പരിശീലകസ്ഥാനം രാജിവെച്ചൊഴിയാന് ഗംഭീര് ആലോചിക്കുന്നത്. ദക്ഷിണാഫ്രിക്കക്കെതിരെ ആദ്യ ടെസ്റ്റിലുണ്ടായ നാണക്കേട് രണ്ടാം ടെസ്റ്റില് ഇല്ലാതാക്കാം എന്ന പ്രതീക്ഷ തകര്ന്നതോടെയാണ് ഗംഭീര് രാജിയെന്ന തീരുമാനത്തിലേക്ക് ഉറ്റുനോക്കുന്നത്. പല മുതിര്ന്ന കളിക്കാരും ഗംഭീറിനെതിരെ വിമര്ശനമുന്നയിച്ചിരുന്നു. ഇതും ഗംഭീറിന് തിരിച്ചടിയായി. ഈ സാഹചര്യത്തില് ഇന്ത്യന് ടീമിനെ പെട്ടന്ന് മത്സരത്തിലേക്കും വിജയപഥത്തിലേക്കും തിരിച്ചുകൊണ്ടുവരികയെന്ന വലിയ ദൗത്യം എളുപ്പമല്ലെന്ന തിരിച്ചറിവും ഗംഭീറിനെ രാജിക്ക് നിര്ബന്ധിതനാക്കുന്നുണ്ട്. അതേസമയം ഗംഭീറിന് ഇനിയും അവസരം കൊടുക്കണമെന്നും രണ്ടു ടെസ്റ്റു മത്സരങ്ങളുടെ അടിസ്ഥാനത്തില് ഒരു അന്തിമ വിലയിരുത്തല് വേണ്ടെന്നും ബിസിസിഐക്കുള്ളില് അഭിപ്രായമുണ്ട്. ഒന്നാം ടെസ്റ്റിന്റെ മാനസികസമ്മര്ദ്ദം ഗംഭീറിനെ രണ്ടാം ടെസ്റ്റിലും ബാധിച്ചുവെന്ന് പൊതുവെ വിലയിരുത്തുന്നുണ്ട്. ഗംഭീറിന്റെ ബോഡി ലാംഗ്വേജിലും കളിക്കാരോടുള്ള പെരുമാറ്റത്തിലും വരെ അത് പ്രകടമാണെന്ന്…
Read More »