Local
-
സംസ്ഥാനതല പുരസ്കാരത്തിൽ അതിരമ്പുഴ സി.ഡി.എസിന് പ്രത്യേകപരാമർശം
കോട്ടയം: കുടുംബശ്രീ രജത ജൂബിലി വേളയിൽ മികച്ച കമ്മ്യൂണിറ്റി ഡെവലപ്മെന്റ് സൊസൈറ്റികളെ (സിഡിഎസ് ) തെരഞ്ഞെടുക്കുന്നതിനുള്ള സംസ്ഥാനതല മത്സരത്തിൽ കോട്ടയം ജില്ലയിലെ അതിരമ്പുഴ സി.ഡി.എസിന് പ്രത്യേക ജൂറി പരാമർശ പുരസ്കാരം. കുടുംബശ്രീ മിഷൻ നടത്തിയ മത്സരത്തിൽ 14 ജില്ലകളിൽനിന്ന് ഒന്നാം സ്ഥാനം നേടി സംസ്ഥാന തലത്തിലെ തെരെഞ്ഞെടുപ്പിൽ വിജയികളെ പ്രഖ്യാപിച്ചപ്പോഴാണ് അതിരമ്പുഴ സി.ഡി.എസ് ധനമേഖലയിൽ പ്രത്യേക ജൂറി പരാമർശത്തിന് അർഹരായത്. തിരുവന്തപുരത്തു നടന്ന കുടുംബശ്രീ രജത ജൂബിലി ചടങ്ങിൽ തദ്ദേശസ്വയംഭരണ വകുപ്പ് മന്ത്രി എം ബി രാജേഷ് പുരസ്കാരം കൈമാറി. കാസർകോട് ജില്ലയിലെ മുളിയാർ സി.ഡി.എസിനും പ്രത്യേക ജൂറി( കൃഷി മേഖല ) പരാമർശമുണ്ട്. ആലപ്പുഴ കഞ്ഞിക്കുഴി സി.ഡി.എസ്. ഒന്നാം സ്ഥാനവും തിരുവനന്തപുരം കോട്ടുകാൽ, വയനാട്വെള്ളമുണ്ട രണ്ടാം സ്ഥാനവും ശ്രീകൃഷ്ണപുരം (പാലക്കാട്) മറയൂർ(ഇടുക്കി )മൂന്നാം സ്ഥാനവും നേടി. അശരണർക്ക് കൈത്താങ്ങായി സ്നേഹ ബക്കറ്റ്, വേനൽ ചൂടിന് ആശ്വാസമേകാൻ ഒരുക്കിയ കുളിർമ- സംഭാര പദ്ധതി, അതിദരിദ്ര കുടുംബങ്ങളെ സി.ഡി.എസ് ഏറ്റെടുത്തത്, കുടുംബശ്രീ വനിതകൾക്ക്…
Read More » -
വെർച്ച്വൽ റിയാലിറ്റിയുടെ സാധ്യതകൾ പറഞ്ഞ് എന്റെ കേരളം പ്രദർശന വിപണന മേളയിൽ കെൽട്രോൺ സ്റ്റാൾ
കോട്ടയം: വളഞ്ഞുപുളഞ്ഞു പോകുന്ന റോളർ കോസ്റ്ററിൽ കയറണമെന്ന് ആഗ്രഹമുള്ളവർക്ക് നാഗമ്പടം എന്റെ കേരളം പ്രദർശന വിപണന മേളയിലേക്ക് വരാം. അത്യുഗ്രൻ റോളർ കോസ്റ്ററിൽ കയറിയ അനുഭവം തരുന്നത് കെൽട്രോൺ സ്റ്റാളിലെ വെർച്ച്വൽ റിയാലിറ്റിയാണ്. കളിട്രെയിനിൽ കയറ്റി തിരിച്ചും മറിച്ചും തലകുത്തിയും ഒരു റൗണ്ട് കറങ്ങി വരുമ്പോഴേക്കും വല്ലാത്തൊരു അനുഭവം ലഭിക്കും. കുട്ടികൾ മുതൽ പ്രായമായവർ വരെ വെർച്ച്വൽ റിയാലിറ്റിയുടെ ആസ്വാദനത്തിന് ക്യൂവാണ്. സ്പേസ്, ജംഗിൾ ബുക്ക്, ഐസ് ഓഫ് ലാൻഡ്, മനുഷ്യശരീരം എന്നിവയുടെ വെർച്ച്വൽ റിയാലിറ്റിയാണ് സ്റ്റാളിൽ പ്രദർശനത്തിനുള്ളത്. നാഗമ്പടത്തു പ്രവർത്തിക്കുന്ന കോട്ടയം കെൽട്രോൺ സെന്ററിൽ വെർച്ച്വൽ റിയാലിറ്റി ലാബ് ആരംഭിക്കുന്നതിന് മുന്നോടിയായാണ് എന്റെ കേരളം പ്രദർശന വിപണന മേളയിലെ കെൽട്രോൺ സ്റ്റാളിൽ വി.ആർ. അനുഭവവേദ്യമാക്കിയത്. വി.ആർ. ലാബ് സാധ്യമാക്കുന്നതോടെ വിദ്യാഭ്യാസ രംഗത്ത് ഏറെ മുന്നേറ്റം ഉണ്ടാകും. ജില്ലയിലെ വിവിധ സ്കൂളുകൾക്ക് പാഠ്യപാഠ്യേതര വിഷയങ്ങളുമായി ബന്ധപ്പെട്ട് വി.ആർ. പ്രോഗ്രാമിങ്ങുകൾ ചെയ്ത് ലാബിൽ ലഭ്യമാക്കും. വിദ്യാർത്ഥികൾക്ക് ഇവിടെ സന്ദർശിച്ച് എജ്യൂടെയ്ൻമെന്റ് രീതിയിൽ പഠനം…
Read More » -
മാറുന്ന കോട്ടയം, മാലിന്യമുക്ത കോട്ടയം; എന്റെ കേരളം പ്രദർശന വിപണന മേളയിൽ സെമിനാർ നടത്തി
കോട്ടയം: അഭിപ്രായങ്ങൾ കൊണ്ടും നിർദ്ദേശങ്ങൾ കൊണ്ടും സമ്പന്നമായി മാലിന്യമുക്ത കോട്ടയം ചർച്ചാ സംഗമം. സംസ്ഥാന സർക്കാരിന്റെ രണ്ടാം വാർഷികത്തോടനുബന്ധിച്ച് നടക്കുന്ന എന്റെ കേരളം പ്രദർശന വിപണന മേളയുടെ വേദിയിലാണ് മലിനീകരണ നിയന്ത്രണ ബോർഡിന്റെയും തദ്ദേശസ്വയം ഭരണ വകുപ്പിന്റെയും ഹരിത കേരളം മിഷൻ, ശുചിത്വ മിഷൻ എന്നിവയുടെയും സംയുക്ത സംഘാടനത്തിൽ മാറുന്ന കോട്ടയം; മാലിന്യമുക്ത കോട്ടയം എന്ന വിഷയത്തിൽ സെമിനാറും ചർച്ചയും നടന്നത്. മാലിന്യമുക്ത കോട്ടയം ലക്ഷ്യമായി നടത്തുന്ന പ്രവർത്തനങ്ങൾക്ക് എല്ലാവിധ നിയമ സഹായങ്ങളും വാഗ്ദാനം ചെയ്തു കൊണ്ട് ജില്ലാ പോലീസ് മേധാവി കെ കാർത്തിക് സെമിനാർ ഉദ്ഘാടനം ചെയ്തു. പൊതു ഇടങ്ങൾ മലിനമാക്കുന്നവർക്ക് എതിരെ നിയമ നടപടികൾ സ്വീകരിക്കുന്നതിനൊപ്പം തന്നെ കൃത്യമായ മാലിന്യ സംസ്കരണം ഒരു വ്യക്തിയുടെ സംസ്കാരമാക്കി വളർത്തിയെടുക്കണമെന്നും അദ്ദേഹം പറഞ്ഞു. അതിനായി കൃത്യമായ ബോധവത്കരണങ്ങളും ചർച്ചകളും ആവശ്യമാണ്. പൗര പ്രമുഖരും യുവജനങ്ങളും ഉദ്യോഗസ്ഥരും പങ്കെടുത്ത ചർച്ചാ സംഗമത്തിൽ ജില്ലയിലെ മാലിന്യ പ്രശ്നങ്ങളും പരിഹാര നടപടികളും ചർച്ചയായി. ജില്ലയെ മാലിന്യ…
Read More » -
എന്റെ കേരളം പ്രദർശന വിപണന മേള: വരുമാന വർധനയ്ക്ക് മൂല്യ വർദ്ധിത ഉപായങ്ങൾ പങ്കു വച്ച് സെമിനാർ
കോട്ടയം: ചക്കയിൽ നിന്നും മൂല്യവർദ്ധിത ഉൽപന്നങ്ങൾ ഉണ്ടാക്കിയത് പോലെ മറ്റു ഉൽപന്നങ്ങളിൽ നിന്നും മൂല്യ വർധിത ഉൽപ്പന്നങ്ങളുടെ സാധ്യതകൾ കണ്ടെത്തണമെന്നു കുമരകം കൃഷി വിജ്ഞാന കേന്ദ്രം അസിസ്റ്റൻറ് പ്രൊഫസർ ഡോ. ജിഷ എ പ്രഭ. നാഗമ്പടത്തെ എന്റെ കേരളം പ്രദർശന വിപണന മേളയുടെ ഭാഗമായി സംഘടിപ്പിച്ച അധിക വരുമാനം മൂല്യ വർദ്ധിത ഉൽപ്പന്നങ്ങളിലൂടെ എന്ന സെമിനാറിൽ വിഷയാവതരണം നടത്തുകയായിരുന്നു ഡോ. ജിഷ. വരുമാനമുണ്ടാക്കാൻ രണ്ടു മാർഗമാണുള്ളത്. ഒന്ന് ഉല്പാദന ചെലവ് കുറയ്ക്കുക. രണ്ട് ഉല്പന്നത്തിൽ നിന്നുള്ള മൂല്യം വർദ്ധിപ്പിക്കുക. പാക്കേജിങ്ങിലോ കണ്ടെന്റിലോ പോഷക ഗുണം കൂട്ടിയോ മൂല്യം വർധിപ്പിക്കാം. ഏത് രീതിയിൽ മൂല്യം വർധിപ്പിച്ചാലും അത് മൂല്യ വർദ്ധിത ഉത്പന്നം തന്നെയാണ്. ഓരോ ഉല്പന്നങ്ങളുടെയും സാധ്യത കണ്ടെത്തി അത് എങ്ങനെ സംസ്കരിക്കണമെന്നും സംഭരിക്കണമെന്നും മനസിലാക്കണം. വിപണിയും കണ്ടെത്തണം. സീസണൽ ഉല്പന്നങ്ങൾ ലഭ്യത അനുസരിച്ച് സംസ്കരിച്ച് സൂക്ഷിക്കണം. പഴമ കൈവിടാതെ പുതിയ സാധനങ്ങൾ വിപണിയിൽ പുതുമയോടെ ഇറക്കണം. ചക്ക, കിഴങ്ങ് വർഗങ്ങൾ, ചെറുധാന്യങ്ങൾ,…
Read More » -
ബസ്സിൽ കളഞ്ഞു കിട്ടിയ സ്വർണ്ണം തിരഞ്ഞുപിടിച്ച് വീട്ടിലെത്തിച്ചു നൽകി കണ്ടക്ടർ
കോട്ടയം:ബസ്സിൽ കളഞ്ഞു കിട്ടിയ സ്വർണ്ണം തിരികെ ഏൽപ്പിച്ച് മരിയ ബസ് ഉടമ പുതുപ്പള്ളി കോയിക്കൽ ജോർജുകുട്ടി. ഇന്നലെ ആയിരുന്നു സംഭവം.ബസിൽ നിന്നും കിട്ടിയ സ്വർണ്ണം അന്വേഷണത്തിനൊടുവിൽ നഷ്ടപ്പെട്ട ആളുടെ വീട്ടിലെത്തിച്ചു നൽകിയ ശേഷമാണ് ജോർജ്ജുകുട്ടി സ്വന്തം വീട്ടിലേക്ക് പോയത്. കോട്ടയം – പയ്യപ്പാടി റൂട്ടിൽ സർവീസ് നടത്തുന്ന മരിയ ബസിന്റെ ഓണറും കണ്ടക്ടറും ആണ് ജോർജ് കുട്ടി.
Read More » -
വിവിധ ഡിപ്പോകളിൽ നിന്ന് പുനലൂർ വഴി പുതുതായി ആരംഭിച്ച ദീർഘദൂര കെഎസ്ആർടിസി സർവീസുകൾ
1) നെടുമങ്ങാട് -പുനലൂർ -മൂന്നാർ സൂപ്പർ ഫാസ്റ്റ് വഴി (വിതുര -പാലോട് -കുളത്തുപ്പുഴ -അഞ്ചൽ -പുനലൂർ -പത്തനംതിട്ട -എരുമേലി -ഈരാറ്റുപേട്ട -തൊടുപുഴ -അടിമാലി ) നെടുമങ്ങാട് :5.00 am,പുനലൂർ :7.35 am ,മൂന്നാർ :2.50 pm മൂന്നാർ -പുനലൂർ -നെടുമങ്ങാട് സൂപ്പർ ഫാസ്റ്റ് വഴി (അടിമാലി -തൊടുപുഴ -ഈരാറ്റുപേട്ട -എരുമേലി -പത്തനംതിട്ട -പുനലൂർ -കിളിമാനൂർ -തിരുവനന്തപുരം -പേരൂർക്കട ) മൂന്നാർ :6.50 pm ,പുനലൂർ :1.20 am തിരുവനന്തപുരം :3.10am നെടുമങ്ങാട് :3.40 am 2) തിരുവനന്തപുരം -പുനലൂർ -കുമളി സൂപ്പർ ഫാസ്റ്റ് വഴി (നെടുമങ്ങാട് -പാലോട് -കുളത്തുപ്പുഴ -അഞ്ചൽ – പുനലൂർ -പത്തനംതിട്ട -എരുമേലി -ഈരാറ്റുപേട്ട -വാഗമൺ ) തിരുവനന്തപുരം:6.30 am, പുനലൂർ :9.05 am ,കുമളി:3.25 pm കുമളി -പുനലൂർ -തിരുവനന്തപുരം സൂപ്പർ ഫാസ്റ്റ് വഴി (വാഗമൺ -ഈരാറ്റുപേട്ട -എരുമേലി -പത്തനംതിട്ട -പുനലൂർ -കിളിമാനൂർ ) കുമളി:8.00 pm ,പുനലൂർ :1.45 am , തിരുവനന്തപുരം :3.30 am…
Read More » -
ഭാര്യയുമായി അവിഹിത ബന്ധം;ഓട്ടോ ഡ്രൈവറെ ആക്രമിച്ച യുവാവ് അറസ്റ്റിൽ
കൂത്തുപറമ്പ്: ഭാര്യയുമായി അവിഹിത ബന്ധം പുലർത്തിയ ഓട്ടോഡ്രൈവറെ ഓട്ടോസ്റ്റാൻ്റിലെത്തിയ യുവാവ് ഓട്ടോയുടെ ഗ്ലാസ് അടിച്ചു തകർത്ത ശേഷം മൺവെട്ടി കൊണ്ട് ആക്രമിച്ച് ഗുരുതര പരിക്കേൽപ്പിച്ചു. അഞ്ചരക്കണ്ടിയിലെ ഓട്ടോ ഡ്രൈവർ മാവിലായി മുണ്ടയോട് സൗപർണികയിലെ സുജിത്തിനെ (49)യാണ് ആക്രമിച്ചത്.ഇയാളുടെ കെ. എൽ.13.ഡബ്ല്യു.8827 നമ്പർ ഓട്ടോയും യുവാവ് അടിച്ചു തകർത്തു. സംഭവത്തിൽ രാജേഷ് എന്ന ലാലുവിനെ പോലീസ് അറസ്റ്റ് ചെയ്തു. ലാലുവിന്റെ ഭാര്യയുമായി ഓട്ടോഡ്രൈവർക്ക് അവിഹിത ബന്ധം ഉണ്ടായിരുന്നു.ഇതായിരുന്നു ലാലുവിനെ പ്രകോപിപ്പിച്ചത്.വധശ്രമം ഉൾപ്പടെയുള്ള കേസുകളാണ് ഇയാൾക്കെതിരെ ചുമത്തിയിരിക്കുന്നത്.
Read More » -
ആറ്റിങ്ങലിൽ ആരോഗ്യ വിഭാഗത്തിന്റെ മിന്നൽ പരിശോധന;12 ഹോട്ടലുകളിൽ നിന്നും പഴകിയ ഭക്ഷണങ്ങൾ പിടിച്ചെടുത്തു
ആറ്റിങ്ങൽ: മുനിസിപ്പാലിറ്റി ആരോഗ്യ വിഭാഗം നടത്തിയ പരിശോധനയിൽ വിവിധ ഭക്ഷണശാലകളിൽ നിന്നും പഴകിയ ഭക്ഷണങ്ങൾ പിടിച്ചെടുത്തു. ആലംകോട് കിസ്സ ദാവത് ആലംകോട്, ആലംകോട് സെന്റർ ഹോട്ടൽ, അൽഹാജ വഴിയോരക്കട പൂവൻപാറ, ബ്രയിറ്റ് ഹോട്ടൽ പൂവൻപാറ, അൽഹാജ ഹോട്ടൽ ആറ്റിങ്ങൽ, ആറ്റിങ്ങൽ ഇമ്രാൻസ് ഹോട്ടൽ, സാവിത്രി ഹോട്ടൽ, ഹോട്ടൽ ചില്ലീസ്, സൂര്യ ബാർ, തുളസി ഹോട്ടൽ, സെനം ഹോട്ടൽ, ഹൈവേ ഫ്രഷ് തുടങ്ങിയ ഹോട്ടലുകളിൽ നിന്നാണ് പഴകിയ ഭക്ഷണസാധനങ്ങൾ പിടികൂടിയത്. 21 ഹോട്ടലുകളിൽ നടത്തിയ പരിശോധനയിൽ 12 ഹോട്ടലുകളിൽ നിന്ന് പഴകിയ ഭക്ഷണ വിഭവങ്ങൾ ഉദ്യോഗസ്ഥർ പിടിച്ചെടുത്തു.ഇവർക്ക് നോട്ടീസ് നൽകിയിട്ടുണ്ടെന്ന് മുൻസിപ്പാലിറ്റി ആരോഗ്യ വിഭാഗം ഉദ്യോഗസ്ഥർ അറിയിച്ചു.
Read More » -
കാട്ടുകൊമ്പൻ പടയപ്പ മൂന്നാർ കല്ലാറിലെ മാലിന്യ പ്ലാൻ്റിലെത്തി പ്ലാസ്റ്റിക് മാലിന്യം ഭക്ഷിക്കുന്നത് തടയണമെന്ന് ആനപ്രേമികൾ
മൂന്നാർ: കാട്ടുകൊമ്പൻ പടയപ്പ മൂന്നാർ കല്ലാറിലെ മാലിന്യ പ്ലാൻ്റിലെത്തി പ്ലാസ്റ്റിക് മാലിന്യം ഭക്ഷിക്കുന്നത് തടയണമെന്ന് ആനപ്രേമികളുടെ ആവശ്യം. കഴിഞ്ഞ കുറച്ച് നാളുകളായി പടയപ്പ ഈ മേഖലയിൽ തമ്പടിച്ച് ഭക്ഷണസാധനങ്ങൾ അകത്താക്കുന്ന പ്രവണതയുണ്ട്.ഇതിനൊപ്പം പടയപ്പ പ്ലാസ്റ്റിക് മാലിന്യങ്ങൾ കൂടി ഭക്ഷിക്കുന്നത് ആനയുടെ അനാരോഗ്യത്തിന് ഇടയാക്കുമെന്നാണ് വാദം. കഴിഞ്ഞ കുറച്ച് ദിവസങ്ങളായി മൂന്നാർ കല്ലാറിലെ പഞ്ചായത്തിൻ്റെ മാലിന്യ സംസ്ക്കരണ പ്ലാൻ്റിലാണ് കാട്ടുകൊമ്പൻ പടയപ്പ നിലയുറപ്പിച്ചിട്ടുള്ളത്. ഇവിടെയെത്തിക്കുന്ന ഭക്ഷണാവശിഷ്ടങ്ങളിൽ നിന്നുമാണ് ആന തീറ്റ കണ്ടെത്തുന്നത്. തീറ്റ സുലഭമായി ലഭിക്കാൻ തുടങ്ങിയതോടെ ആന മറ്റെവിടേക്കും പോകാൻ തയ്യാറാകാത്ത സ്ഥിതിയുണ്ട്.ഇതിനിടയിലാണ് ആന ഇവിടെ നിന്നും പ്ലാസ്റ്റിക് മാലിന്യം ഭക്ഷിക്കുന്നത് ശ്രദ്ധയിൽപ്പെട്ടിട്ടുള്ളത്.ഇതോടെ പടയപ്പ മാലിന്യ പ്ലാൻ്റിലെത്തി പ്ലാസ്റ്റിക് മാലിന്യം ഭക്ഷിക്കുന്നത് തടയണമെന്ന ആവശ്യം ശക്തമായി. പടയപ്പ പ്ലാസ്റ്റിക് മാലിന്യങ്ങൾ കൂടി ഭക്ഷിക്കുന്നത് ആനയുടെ അനാരോഗ്യത്തിന് ഇടയാക്കുമെന്നാണ് വാദം.ആനയെ ഇവിടെ നിന്നും വനമേഖലയിലേക്ക് തുരത്തണമെന്നാണാവശ്യം.
Read More » -
യുവാവിന്റെ ദുരൂഹ മരണം ; സഹോദരനായ സൈനികൻ അറസ്റ്റിൽ
കരുനാഗപ്പള്ളി: യുവാവിനെ മർദ്ദിച്ചു കൊലപ്പെടുത്തിയ സഹോദരൻ അറസ്റ്റിൽ. പാവുമ്പ വടക്ക് , വാലേത്ത് വീട്ടിൽ റോയി ആണ് മരണപ്പെട്ടത് ഇന്നലെ രാവിലെ 8 മണിയോടെയാണ് സംഭവം. അമിത മദ്യപാനത്തെത്തുടർന്ന് മരണപ്പെട്ടു എന്നായിരുന്നു പോലീസിന് ലഭിച്ച വിവരം .ഇതിനെത്തുടർന്ന് പോലീസ് എത്തി മൃതദേഹം പരിശോധിക്കുകയും അസാധാരണ മരണത്തിനു കേസ് രജിസ്റ്റർ ചെയ്യുകയും മൃതശരീരം പോസ്റ്റ്മാർട്ടത്തിനു അയക്കുകയും ചെയ്തിരുന്നു. പോസ്റ്റുമാർട്ടം റിപ്പോർട്ടിൽ മരണപ്പെട്ട റോയിയുടെ ആന്തരികാവയവങ്ങൾക്ക് മര്ദനമേറ്റിട്ടുണ്ട് എന്ന് തെളിഞ്ഞതിനെ തുടർന്ന് നടത്തിയ അന്വേഷണത്തിലാണ് ബി എസ് എഫ് ഉദ്യോഗസ്ഥനായ സഹോദരൻ റെജി പിടിയിലായത്. മരണമടഞ്ഞ റോയി സ്ഥിരമായി മദ്യപിച്ച് വീട്ടിൽ വഴക്കുണ്ടാക്കാറുണ്ടായിരുന്നു . കഴിഞ്ഞ ദിവസവും മദ്യലഹരിയിൽ റോയി അച്ഛനുമായി വഴക്കിട്ടിരുന്നു . വഴക്കിടുന്നത്കണ്ട റോയിയുടെ സഹോദരൻ റോയിയുടെ വാക്കുതർക്കത്തിലാകുകയും ഒടുവിൽ ഇത് കയ്യാങ്കളിയിലേക്ക് എത്തിച്ചേരുകയുമായിരുന്നു. ബി എസ് എഫ് സൈനികൻ ആയ റെജി അവധിക്ക് നാട്ടിൽ എത്തിയതായിരുന്നു. ഇതിനിടയിലാണ് ദാരുണമായ സംഭവം നടന്നത്.റെജിയെ പോലീസ് സംഘം കസ്റ്റഡിയിൽ എടുത്തു.
Read More »