Local
-
ആശുപത്രി അധികൃതരുടെ ശ്രദ്ധയ്ക്ക്; രോഗികള്ക്കുമുണ്ട് അവകാശങ്ങള്; പണമില്ലെന്നതോ രേഖകളില്ലെന്നതോ ചികിത്സ നിഷേധിക്കാന് കാരണമാകരുത്; ആശുപത്രികള്ക്ക് ഹൈക്കോടതിയുടെ മാര്ഗനിര്ദ്ദേശങ്ങള്
കൊച്ചി: സംസ്ഥാനത്തെ ആശുപത്രികള്ക്ക് രോഗീപരിചരണവുമായും രോഗികളുടെ അവകാശങ്ങള് സംബന്ധിച്ചും കര്ശന മാര്ഗനിര്ദ്ദേശങ്ങളുമായി ഹൈക്കോടതി. എല്ലാ ആശുപത്രികളും അത്യാഹിത വിഭാഗത്തില് എത്തുന്ന രോഗികളെ പരിശോധിക്കുകയും അവരുടെ നില ഭദ്രമാക്കുകയും ചെയ്യണമെന്ന പ്രധാനപ്പെട്ട നിര്ദ്ദേശമാണ് ഇതിലൊന്ന്. പണമില്ലെന്നതോ രേഖകളില്ലെന്നതോ ചികിത്സ നിഷേധിക്കാന് കാരണമാകരുതെന്ന് കോടതി കര്ശനമായി നിഷ്കര്ഷിച്ചു. മറ്റുമാര്ഗനിര്ദ്ദേശങ്ങള് ഇവയാണ് – തുടര്ചികിത്സ ആവശ്യമെങ്കില് സുരക്ഷിതമായി മറ്റൊരു ആശുപത്രിയിലേക്ക് മാറ്റേണ്ട ഉത്തരവാദിത്തം എടുക്കണം. ഡിസ്ചാര്ജ് ചെയ്യുമ്പോള് എല്ലാ പരിശോധനാ ഫലങ്ങളും, എക്സ് റേ, ഇസിജി, സ്കാന് റിപ്പോര്ട്ടുകള് എന്നിവ രോഗിക്ക് കൈമാറണം. ആശുപത്രി റിസപ്ഷനിലും വെബ്സൈറ്റിലും മലയാളത്തിലും ഇംഗ്ലീഷിലും ചികിത്സ നിരക്കുകള് വ്യക്തമായി പ്രദര്ശിപ്പിക്കണം. ലഭ്യമായ സേവനങ്ങള്, പാക്കേജ് നിരക്കുകള്, ഡോക്ടര്മാരുടെ വിവരങ്ങള് എന്നിവ ഇതില് ഉള്പ്പെടണം. രോഗികളുടെ അവകാശങ്ങള്, പരാതി നല്കാനുള്ള സംവിധാനങ്ങള് എന്നിവയും പ്രദര്ശിപ്പിക്കണം. എല്ലാ ആശുപത്രികളിലും ഒരു പരാതി പരിഹാര ഡെസ്ക് ഉണ്ടായിരിക്കണം. പരാതി സ്വീകരിച്ചാല് രസീതോ എസ് എം എസോ നല്കണം 7 പ്രവൃത്തി ദിവസങ്ങള്ക്കുള്ളില്…
Read More » -
വിധിയും റിലീസും അടുത്തടുത്ത്; നടി ആക്രമിക്കപ്പെട്ട കേസ് വിധി എട്ടിന്; ഭ ഭ ബ റിലീസ് 18ന്; റിലീസ് നീട്ടണോ എന്ന് ചര്ച്ച; വിധി കുഴപ്പമില്ലെങ്കില് റിലീസ് ആഘോഷമാക്കാന് ദിലീപ് ഫാന്സുകാര്
കൊച്ചി : കേരളം ഉറ്റുനോക്കുന്ന പ്രമാദമായ കേസിന്റെ വിധിപ്രഖ്യാപനവും കേരളം ആകാംക്ഷയോടെ കാത്തിരിക്കുന്ന ഒരു സിനിമയുടെ റിലീസും തമ്മില് പത്തുദിവസത്തെ അകലം മാത്രമാകുമ്പോള് റിലീസ് നീട്ടിവെക്കണോ എന്ന ചര്ച്ച അണിയറയില് സജീവം. നടി ആക്രമിക്കപ്പെട്ട കേസില് ഹൈക്കോടതി വിധി പറയുമെന്ന് അറിയിച്ചിരിക്കുന്നത് ഡിസംബര് എട്ടിനാണ്. ഈ കേസില് പ്രതിപ്പട്ടികയില് എട്ടാം സ്ഥാനത്തുള്ള നടന് ദിലീപിന്റെ പുതിയ ചിത്രമായ ഭ ഭ ബ റിലീസ് ചെയ്യാന് നിശ്ചയിച്ചിട്ടുള്ളത് ഡിസംബര് 18നും. കേസിന്റെ വിധി എന്താകുമെന്ന് പറയാനാകാത്ത സാഹചര്യത്തില് ചിത്രത്തിന്റെ റീലീസ് നീട്ടണോ എന്ന ചര്ച്ച അണിയറയില് സജീവമായി നടക്കുന്നുണ്ട്. കേസില് ദിലീപിന് പ്രതികുലമായി എന്തെങ്കിലും വിധി വരികയാണെങ്കില് പത്താം നാള് ചിത്രം റിലീസ് ചെയ്യുന്നത് ബോക്്സോഫീസില് തിരിച്ചടിയുണ്ടാക്കുമെന്ന ആശങ്ക ഉയര്ന്നിട്ടുണ്ട്. അതേസമയം വിധിയില് ദിലീപിന് കുഴപ്പങ്ങളൊന്നുമില്ലെങ്കില് ഭ ഭ ബയുടെ റിലീസ് കേരളം ഇന്നേവരെ കണ്ടിട്ടില്ലാത്ത വിധം ആഘോഷമാക്കാനാണ് ദിലീപ് ഫാന്സുകാരുടെ തീരുമാനം. തുടര്ച്ചയായി ബോക്സോഫീസില് ദിലീപ് ചിത്രങ്ങള് പരാജയപ്പെട്ടിരുന്നു. അതുകൊണ്ടുതന്നെ ദിലീപും…
Read More » -
മാങ്കൂട്ടത്തിലിനെ മൂലയ്ക്കിരുത്താന് മുരളീധരന്; രാഹുലിനെതിരെ ആ പെണ്കുട്ടി മുന്നോട്ടുവരട്ടെയെന്ന് കെ.മുരളീധരന്; രാഹുലിന് കോണ്ഗ്രസിനകത്ത് പിന്തുണ കുറയുന്നു; കെ.സുധാകരന്റെ ക്ലീന്ചിറ്റില് വനിതാപ്രവര്ത്തകര്ക്ക് അമ്പരപ്പ്
തിരുവനന്തപുരം: മുന് കെ.പി.സി.സി പ്രസിഡന്റും മുതിര്ന്ന കോണ്ഗ്രസ് നേതാവുമായ കെ.സുധാകരന് എത്ര ക്ലീന്ചിറ്റ് കൊടുത്താലും രാഹുല് മാങ്കൂട്ടത്തിലിനെ ഒരു മൂലയ്ക്കിരുത്താതെ കെ.മുരളീധരന് അടങ്ങുമെന്ന് തോന്നുന്നില്ല. സുധാകരന് രാഹുലിനെ വിശുദ്ധനാക്കാന് പാടുപെടുമ്പോള് രാഹുലിനെ എങ്ങിനെ പൂട്ടാമെന്നതിനുള്ള വഴി രാഷ്ട്രീയഎതിരാളികള്ക്ക് പറയാതെ പറഞ്ഞുകൊടുക്കുകയാണ് രാഷ്ട്രീയചാണക്യനായിരുന്ന ലീഡറുടെ പ്രിയപുത്രന് കെ.മുരളീധരന്. കോണ്ഗ്രസ് രാഷ്ട്രീയം രാഹുല് മാങ്കൂട്ടത്തിലിന്റെ പേരില് രണ്ടു തട്ടിലായിക്കൊണ്ടിരിക്കുകയാണ്. ചെന്നിത്തലയും മുരളിയും യൂത്ത് കോണ്ഗ്രസ് നേതാവ് സജനയുമൊക്കെയടങ്ങുന്നവര് രാഹുലിനെതിരെ കടുത്ത വിമര്ശനമുയര്ത്തി വ്യക്തമായ നിലപാട് കൈക്കൊള്ളുമ്പോള് രാഹുലിനെ ചേര്ത്തുനിര്ത്തി സുധാകരനും ഷാഫി പറമ്പിലും ശ്രീകണ്ഠന് എംപിയുമടക്കമുള്ളവര് മറുപക്ഷത്തു നില്ക്കുന്ന കാഴ്ചയ്ക്കാണ് കേരളത്തിലെ കോണ്ഗ്രസ് സാക്ഷ്യം വഹിക്കുന്നത്. രാഹുലിനെതിരെ കേസെടുക്കുന്ന കാര്യം സര്ക്കാര് തീരുമാനിക്കട്ടെയെന്ന് പറഞ്ഞ് പന്ത് സംസ്ഥാന സര്ക്കാരിന്റെ കോര്ട്ടിലേക്ക് തട്ടിയിട്ട മുരളി ഇപ്പോള് രാഹുലിനെതിരെ വന്ന ശബ്ദരേഖയിലെ പെണ്കുട്ടിയോട് പരസ്യമായി രംഗത്ത് വരാനാണ് ആവശ്യപ്പെട്ടിരിക്കുന്നത്. പാര്ട്ടിക്ക് കൂടുതല് നടപടി ഇപ്പോള് സ്വീകരിക്കാന് കഴിയില്ല. പെണ്കുട്ടി ധൈര്യമായി മുന്നോട്ടുവരട്ടെ. നിലവില് ചാനലിലെ ശബ്ദം…
Read More » -
കെയര് എന്ന വാക്കിന് ഒരുപാട് അര്ത്ഥങ്ങളുണ്ട് രാഹുലേ; കെയര് ചെയ്യാതിരിക്കാന് മാത്രമുള്ളതല്ല കെയര് ചെയ്യാന് കൂടിയുള്ളതാണ്; മന്ത്രി വീണ ജോര്ജിന്റെ എഫ് ബി കുറിപ്പ് കെയര് ചെയ്യപ്പെടേണ്ടതാണ്
തിരുവനന്തപുരം : ആരും കെയര് ചെയ്യാത്ത ഒരു അവസ്ഥയിലേക്ക് രാഹുല് മാങ്കൂട്ടത്തില് പൊയ്ക്കൊണ്ടിരിക്കുമ്പോള് ഹു കെയേഴ്സ് എന്ന രാഹുലിന്റെ ആ പഴയസ്ഥിരം ചോദ്യം രാഹുലിനെ നോക്കി ചിരിക്കുകയാണിപ്പോള്. കെയര് എന്ന വാക്കിന് അര്ത്ഥങ്ങള് ഒരുപാടുണ്ടെന്ന് ഒരു പക്ഷെ ഇനിയെങ്കിലും മാങ്കൂട്ടത്തില് മനസിലാക്കിയിരുന്നെങ്കില്… എന്തായാലും ആരോഗ്യവകുപ്പു മന്ത്രി വീണ ജോര്ജ് തന്റെ എഫ് ബി കുറിപ്പില് കെയറിനെക്കുറിച്ചെഴുതിയത് വൈറലായിട്ടുണ്ട്. വീണ ജോര്ജിന്റെ വാക്കുകള് ശക്തമായ ഒളിയമ്പാണ്. അത് വായിക്കുമ്പോള് കൊള്ളേണ്ടിടത്ത് കൃത്യമായി കൊള്ളും, വേദനിക്കും. ഹൂ കെയേഴ്സ് അല്ല, വി കെയര് എന്ന കേരള സംസ്ഥാന വനിതാ വികസന കോര്പ്പറേഷന്റെ പോസ്റ്ററാണ് വീണാ ജോര്ജ് ഫേയ്സ്ബുക്കില് പങ്കുവെച്ചിരിക്കുന്നത്. സമ്മതിക്കണം ഇത്തരമൊരു തലക്കെട്ടോടെ ഈ പോസ്റ്റര് തയ്യാറാക്കിയവരെ. സമകാലിന സംഭവങ്ങളിലേക്ക് ഈ പോസ്റ്റര് കൂട്ടിക്കൊണ്ടുപോകുന്നുണ്ട്. ഒരൊറ്റ സംഭവത്തില് നിന്ന് സമൂഹത്തിനാകെ ഉത്തരം നല്കുന്ന ബ്രില്യന്സ്, ഒരുപക്ഷെ പൊളിറ്റിക്കല് ബ്രില്യന്സ് ഈ പോസ്റ്ററിലുണ്ട്. ഒരാളുടേയും പേരെടുത്തു പറയാതെയുള്ള ഈ പോസ്റ്റര് കണ്ടാല് തലയില് ആള്താമസമുള്ള…
Read More » -
കണ്ണൂരില് സിപിഎമ്മിന് ഡബ്ബിള് ഷോക്ക്; സിപിഎം സ്ഥാനാര്ത്ഥിക്ക് 20 വര്ഷം തടവ് ശിക്ഷ; ശിക്ഷ ലഭിച്ചത് പോലീസിനെ ബോംബെറിഞ്ഞ് കൊല്ലാന് ശ്രമിച്ച കേസില്; ജയിലില് പോവുക പയ്യന്നൂര് നഗരസഭ 46-ാം വാര്ഡിലെ എല്ഡിഎഫ് സ്ഥാനാര്ത്ഥി വി.കെ.നിഷാദ്
കണ്ണൂര്: സിപിഎമ്മിന്റെ വിളനിലമായ കണ്ണൂരില് പാര്ട്ടിക്ക് ഡബ്ബിള് ഷോക്ക്!! സിപിഎം സ്ഥാനാര്ത്ഥിക്ക് 20 വര്ഷം തടവ് ശിക്ഷ വിധിച്ച് കോടതി. പോലീസിനെ ബോംബെറിഞ്ഞ് കൊല്ലാന് ശ്രമിച്ച കേസിലാണ് സിപിഎം സ്ഥാനാര്ത്ഥിയായി മത്സരിക്കുന്ന പ്രതിക്ക് തടവുശിക്ഷ വിധിച്ചത്. സിപിഎം പ്രവര്ത്തകരായ ടി.സി.വി നന്ദകുമാര്, വി.കെ.നിഷാദ് എന്നിവരെയാണ് 20 വര്ഷം തടവും രണ്ടര ലക്ഷം രൂപ വീതം പിഴയും ശിക്ഷ വിധിച്ചത്. പ്രതികള് 10 വര്ഷം തടവ് അനുഭവിച്ചാല് മതിയാവും. കണ്ണൂര് പയ്യന്നൂരില് പോലീസിന് നേരെ ബോംബറിഞ്ഞ കേസിലാാണ് ശിക്ഷ. തളിപ്പറമ്പ് അഡീഷണല് ജില്ലാ സെഷന്സ് കോടതിയുടേതാണ് ശിക്ഷ വിധി. ശിക്ഷിക്കപ്പെട്ട വി.കെ.നിഷാദ് പയ്യന്നൂര് നഗരസഭയില് 46-ാം വാര്ഡില് എല്ഡിഎഫ് സ്ഥാനാര്ത്ഥിയും ഡിവൈഎഫ്ഐ ബ്ലോക്ക് പ്രസിഡന്റുമാണ്. തെരഞ്ഞെടുപ്പില് നിഷാദ് ജയിച്ചാലും ജനപ്രതിനിധിയായി തുടരാന് ശിക്ഷാവിധി തടസമാകും. പ്രതികള്ക്കെതിരെ വധശ്രമക്കുറ്റവും സ്ഫോടക വസ്തു നിരോധന നിയമവും തെളിഞ്ഞിരുന്നു. 2012 ഓഗസ്റ്റ് ഒന്നിനാണ് കേസിന് ആസ്പദമായ സംഭവം നടന്നത്. ഷുക്കൂര് വധക്കേസില് പി.ജയരാജന് അറസ്റ്റിലായതിനെ തുടര്ന്ന് പയ്യന്നൂര്…
Read More » -
എസ്ഐആര് സാറേ മുണ്ടുപൊക്കിക്കാണിക്കല്ലേ; ഗതികെട്ടാല് ബിഎല്ഒ മുണ്ടുപൊക്കി കാണിക്കുമോ; മലപ്പുറത്ത് പ്രകോപിതനായ ബിഎല്ഒ ജനങ്ങള്ക്കു നേരെ മുണ്ടുപൊക്കി കാണിച്ചു; ഉടുമുണ്ടുയര്ത്തക്കാണിച്ചത് എസ്ഐആര് ഫോം വിതരണ ക്യാമ്പില്; നടപടിയെടുത്ത് ജില്ല ഭരണകൂടം
മലപ്പുറം: ഗതികെട്ടാല് ബിഎല്ഒമാര് ഉടുമുണ്ടു പൊക്കിക്കാണിച്ച് ജനങ്ങളോട് കൊമ്പുകോര്ക്കുമെന്ന് മലപ്പുറത്തെ വോട്ടര്മാര് മനസിലാക്കി. എസ്ഐആര് ഫോമും കൊണ്ട് നടക്കാന് തുടങ്ങി വയ്യാതായ ബിഎല്ഒമാര് ആത്മഹത്യ ചെയ്തതിനും ആത്മഹത്യ ഭീഷണി മുഴക്കിയതിനും ആരെയെങ്കിലും കൊല്ലുമെന്ന് മുന്നറിയിപ്പ് തന്നതിനുമൊക്കെ പിന്നാലെ ഇപ്പോഴിതാ കഴിഞ്ഞ ദിവസം ഒരു ബിഎല്ഒ വോട്ടര്മാരായ ജനങ്ങള്ക്കു നേരെ തന്റെ മുണ്ടുപൊക്കി കാണിച്ചിരിക്കുന്നു. മലപ്പുറം തിരൂരില് തൃപ്രങ്ങോടായിരുന്നു സംഭവം. തൃപ്രങ്ങോട് പഞ്ചായത്തിലെ 38-ാം നമ്പര് ബൂത്തിലെ ബിഎല്ഒയാണ് നാട്ടുകാര്ക്ക് നേരെ പ്രകോപിതനായി അശ്ലീല പ്രദര്ശനം നടത്തിയത്. തിരൂരില് എസ്ഐആര് എന്യൂമേറഷന് ഫോം വിതരണ ക്യാമ്പിനിടെ ബിഎല്ഒയുടെ അശ്ലീല പ്രദര്ശനം. എന്യൂമറേഷന് ഫോം വിതരണ ക്യാമ്പിനിടെ കഴിഞ്ഞ വ്യാഴാഴ്ചയായിരുന്നു സംഭവം. ബിഎല്ഒ വാസുദേവനാണ് അശ്ലീല പ്രദര്ശനം നടത്തിയത്. സ്തീകള് അടക്കമുള്ളവര് നോക്കിനില്ക്കെയായിരുന്നു ബിഎല്ഒ വാസുദേവന്റെ അശ്ലീല പ്രദര്ശനം. സംഭവത്തില് വാസുദേവനെ ചുമതലയില് നിന്ന് മാറ്റി. ജില്ലാ കളക്ടറുടേതാണ് നടപടി. സംഭവത്തില് വാസുദേവനോട് വിശദീകരണം തേടുമെന്ന് ജില്ലാ ഭരണകൂടം അറിയിച്ചു. പ്രായമുള്ളവരെയടക്കം വെയിലത്ത് വരിയില്…
Read More » -
എം.കെ.വര്ഗീസിന്റെ കളികള് തൃശൂര്ക്കാര് കാണാനിരിക്കുന്നതേയുള്ളു; ഇനിയും ഒരുപാട് അങ്കം വെട്ടലുകള്ക്ക് ബാല്യമുണ്ടെന്ന് സൂചന നല്കി തൃശൂര് മേയര് എം.കെ വര്ഗീസ്; ഇനി കൗണ്സിലര് ആയിട്ടല്ലഎം.കെ.വര്ഗീസ് എംഎല്എ ആയിട്ടാകും വരവ്; ആര്ക്കൊപ്പം നില്ക്കും എന്നതിലേ ഉള്ളൂ കണ്ഫ്യൂഷന്
തൃശൂർ : എൽഡിഎഫ് കാൽക്കൽ വച്ചുകൊടുത്ത തൃശൂർ കോർപ്പറേഷൻ മേയർ പദവി പറഞ്ഞതിലും രണ്ടര കൊല്ലം കൂടി കൂടുതൽ ഭരിച്ച ശേഷമാണ് മേയർ എം കെ വർഗീസ് മേയർ കസേരയിൽ നിന്നും മാറുന്നത്. ഒരാൾ ഒപ്പം ഉണ്ടെങ്കിൽ മാത്രം കോർപ്പറേഷൻ ഭരിക്കാമെന്ന അവസ്ഥയിൽ എൽഡിഎഫും യുഡിഎഫും മുഖാമുഖം വന്നപ്പോൾ സ്വതന്ത്രനായി നിന്ന് മത്സരിച്ച, അല്ലെങ്കിൽ കോൺഗ്രസ് വിമതനായി നിന്നും മത്സരിച്ച എം കെ വർഗീസിനെ എൽഡിഎഫ് കൂടെ നിർത്തുകയായിരുന്നു. പിന്നീട് കണ്ടത് എം കെ വർഗീസ് എൽഡിഎഫിനെ കൂടെ നിർത്തുന്നതാണ്. ഒരിക്കലും വിട്ടു പോകാനോ എതിർക്കാനോ കഴിയാത്ത വിധം എൽഡിഎഫിന് പ്രത്യേകിച്ച് സിപിഎമ്മിന് എംകെ വർഗീസിനോട് ബാധ്യതപ്പെട്ടു പോകേണ്ടി വന്നു. അങ്ങനെ എന്തായാലും എം കെ വർഗീസ് അഞ്ചുകൊല്ലം തികച്ച ഭരിച്ചു മേയർ പദവിയിൽ. ഈ കോർപ്പറേഷൻ കൗൺസിലിന്റെ കാലാവധി കഴിയുമ്പോൾ തികഞ്ഞ സന്തോഷത്തോടെയാണ് പടിയിറങ്ങുന്നതെന്ന് എം കെ വർഗീസ് പറയുന്നു. ഇനി വീണ്ടും ഒരു അങ്കത്തിന് ഇറങ്ങും എന്ന സൂചനയും…
Read More » -
അവന്റെ കറക്കം നിര്ത്തിച്ച് പോലീസ്; ഇനിയവന് അഴിക്കുള്ളില്; സ്കൂട്ടറിലെത്തി സ്ത്രീകളെ പീഡിപ്പിച്ച കേസുകളിലെ അക്രമി പിടിയില്; പരാതിയുമായെത്തിയത് നിരവധി സ്ത്രീകള്
തൃശൂര്: കഴിഞ്ഞ കുറച്ചു ദിവസങ്ങളായി ഗുരുവായൂര് പോലീസിന് ഒരുപാട് പരാതികള് ഒരു അജ്ഞാതനെക്കുറിച്ച് കിട്ടിക്കൊണ്ടിരുന്നു. ഹെല്മറ്റ് ധരിച്ച് സ്കൂട്ടറിലെത്തി സ്ത്രീകള്ക്കു നേരെ ലൈംഗീകാതിക്രമം നടത്തുന്ന ഒരു നികൃഷ്ടനെക്കുറിച്ച്. പരാതികളിന്മേല് പോലീസ് നടത്തിയ കൃത്യമായ അന്വേഷണം ഒടുവില് അവനെ കുടുക്കി. സ്കൂട്ടറില് കറങ്ങി സ്ത്രീകള്ക്ക് നേരെ ലൈംഗികാതിക്രമം നടത്തിയ തൃശൂര് ചൊവല്ലൂര് കിഴക്കേകുളം സ്വദേശി അബ്ദുല് വഹാബിനെ പോലീസ് അറസ്റ്റു ചെയ്യുമ്പോള് ഗുരുവായൂരിലും പരിസരത്തുമുള്ള സ്ത്രീകള്ക്ക് ആശ്വാസമാവുകയായിരുന്നു. സന്ധ്യയായാല് ഹെല്മറ്റ് ധരിച്ച് സ്കൂട്ടറില് കറങ്ങി സ്ത്രീകള്ക്ക് നേരെ ലൈംഗികാതിക്രമം നടത്തുകയായിരുന്നു ഇയാള്. വിദ്യാര്ത്ഥിനികളേയും ജോലി കഴിഞ്ഞു പോകുന്ന സ്ത്രീകളെയുമാണ് ഇയാള് ലൈംഗിക അതിക്രമത്തിന് ഇരയാക്കിയിരുന്നത്. റോഡിലൂടെ നടന്നുപോവുന്ന സ്ത്രീകളെയാണ് ഇയാള് ഉപദ്രവിച്ചത്. ഇതുമായി ബന്ധപ്പെട്ട് നിരവധി സ്ത്രീകള് പരാതി നല്കിയിരുന്നു. ഇയാള് സ്ഥിരമായി ഇത്തരത്തില് സ്ത്രീകള്ക്കുനേരെ ലൈംഗികാതിക്രമം നടത്തിവന്നിരുന്നതായി പൊലീസ് പറഞ്ഞു. തുടര്ന്ന് പോലീസ് ലഭിച്ച പരാതികളില് പറഞ്ഞ വിവരങ്ങളെ കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെ പിടികൂടിയത്. പ്രദേശത്തെ അന്പതോളം സി.സി.ടി.വി ദൃശ്യങ്ങള്…
Read More » -
നടന് ജയറാം, കടകംപള്ളി….ശബരിമല സ്വര്ണക്കൊള്ളക്കേസില് എസ്ഐടിയുടെ ലിസ്റ്റില് പ്രമുഖരേറെ; പോറ്റിയുമായി അടുപ്പമുള്ള സകലരുടേയും മൊഴിയെടുക്കും ; അന്വേഷണം ഉന്നതരിലേക്ക് ; സിപിഎമ്മിന് ആശങ്ക ; ഈ മണ്ഡലകാലത്തു തന്നെ ഒരു തീരുമാനമാകും
തിരുവനന്തപുരം : ശബരിമല സ്വര്ണക്കൊള്ള കേസില് പ്രത്യേക അന്വേഷണസംഘം (എസ് ഐ ടി ) മൊഴിയെടുക്കാനും ചോദ്യം ചെയ്യാനും വേണ്ടി തയ്യാറാക്കിയവരുടെ പട്ടികയില് പ്രമുഖരേറെ. മുന് മന്ത്രി കടകംപള്ളി സുരേന്ദ്രന് എംഎല്എ, നടന് ജയറാം തുടങ്ങിയവരുടെ മൊഴിയെടുക്കുമെന്നാണ് സൂചന. പോറ്റിയുമായി അടുപ്പമുള്ള സകലരുടേയും മൊഴിയെടുക്കാനാണ് നീക്കം. ദേവസ്വം ബോര്ഡിലെ താഴേത്തട്ടുവരെ അന്വേഷണം വ്യാപിപ്പിക്കാനും പദ്ധതിയുണ്ട്. ഏതറ്റം വരെ സ്വര്ണക്കൊള്ളയുടെ വേരുകള് എത്തിയെന്ന കാര്യം കണ്ടെത്താനാണിത്. പത്മകുമാറിന്റെ അറസ്റ്റോടെ ശബരിമല സ്വര്ണക്കൊള്ളക്കേസില് ഈ മണ്ഡലകാലത്തു തന്നെ സുപ്രധാന നടപടികളുണ്ടാകുമെന്ന് ഉറപ്പായിട്ടുണ്ട്. സ്വര്ണക്കൊള്ളക്കേസില് അന്വേഷണം ഉന്നതരിലേക്ക് നീങ്ങാന് തുടങ്ങിയതോടെയും പത്മകുമാറിനെ കൂടുതല് ചോദ്യം ചെയ്യാനൊരുങ്ങുന്നതോടെയും സിപിഎം ആശങ്കയിലായിട്ടുണ്ട്. തദ്ദേശഭരണ തെരഞ്ഞെടുപ്പില് ശബരിമല സ്വര്ണ്ണക്കൊള്ളക്കേസ് തിരിച്ചടിക്കുമോ എന്ന ഭീതി സിപിഎം സ്ഥാനാര്ത്ഥികള്ക്കും നേതൃത്വത്തിനുമുണ്ട്. തെരഞ്ഞെടുപ്പ് പ്രചരണവും ഒരുക്കങ്ങളും കേസന്വേഷണവും ഒരുമിച്ച് പോകുമ്പോള് അന്വേഷണത്തില് ഓരോ ദിവസവും പുറത്തുവരുന്ന പുതിയ വെളിപ്പെടുത്തലുകള് സിപിഎമ്മിനെ വെട്ടിലാക്കിക്കൊണ്ടിരിക്കുകയാണ്. കൂടുതല് ചോദ്യം ചെയ്യുന്നതിനായി തിങ്കളാഴ്ച പത്മകുമാറിനെ കസ്റ്റഡിയില് വാങ്ങും. ദേവസ്വം…
Read More » -
വീണ്ടും ഇന്ത്യയ്ക്ക് ആഘാതമായി ആകാശദുരന്തം ; തേജസ് വിമാനം തകര്ന്നതില് ഞെട്ടി ഇന്ത്യക്കാര് ; അട്ടിമറിയുണ്ടോ എന്ന ഭീതിയില് രാജ്യം ; അപകടം അട്ടിമറിയാണോ എന്ന് വ്യോമസേന അന്വേഷിക്കും
ദുബായ്: ദുബായിലെ എയര് ഷോയ്ക്കിടെ ഇന്ത്യന് വിമാനം തേജസ് തകര്ന്നുവീണതില് ഞെട്ടി ഇന്ത്യ. അഹമ്മദാബാദ് ആകാശദുരന്തത്തിന്റെ ആഘാതം വിട്ടൊഴിയും മുന്പുണ്ടായ തേജസ് വിമാനദുരന്തം ഇന്ത്യയ്ക്ക് താങ്ങാനാവാത്തതാണ്. എന്തെങ്കിലും അട്ടിമറി അപകടത്തിന് പിന്നിലുണ്ടോയെന്ന ഭീതിയിലാണ് ഇന്ത്യ. അഭ്യൂഹങ്ങളൊന്നും സ്ഥിരീകരിച്ചിട്ടില്ലെങ്കിലും അപകടം അട്ടിമറിയാണോ എന്ന് വ്യോമസേന അന്വേഷിക്കുമെന്ന് ഉന്നത വൃത്തങ്ങള് അറിയിച്ചിട്ടുണ്ട്. ഇന്നലെ ദുബായിയില് എയര്ഷോയ്ക്കിടെയാണ് ഇന്ത്യയെ ആകെ കണ്ണീരിലാഴ്ത്തിയ ആകാശദുരന്തമുണ്ടായത്. തേജസ് വിമാനം തകര്ന്നുവീണതില് അന്വേഷണം തുടങ്ങിക്കഴിഞ്ഞു ഇന്ത്യന് വ്യോമസേന. വിമാനദുരന്തത്തില് വീരമൃത്യു വരിച്ച ഹിമാചല് പ്രദേശ് കംഗ്ര സ്വദേശിയായ വ്യോമസേന വിംഗ് കമാന്ഡര് നമന്ഷ് സ്യാലിന്റെ ഭൗതികശരീരം ഇന്ന് ഡല്ഹിയിലെത്തിക്കും. ദുരന്തത്തിന്റെ കാരണത്തെ സംബന്ധിച്ച് വിശദാന്വേഷണം നടത്തുമെന്ന് വ്യോമസേന വ്യക്തമാക്കി. അപകടം സംബന്ധിച്ച് ചില വിവരങ്ങള് പുറത്തുവരുന്നുണ്ടെങ്കിലും അതൊന്നും തന്നെ വ്യോമസേന ഔദ്യോഗികമായി സ്ഥിരീകരിച്ചിട്ടില്ല. അപകടത്തിന് പിന്നില് അട്ടിമറി ഉണ്ടോ എന്നതില് പരിശോധന തുടരുന്നതായി പ്രതിരോധ മന്ത്രാലയ വൃത്തങ്ങള് വ്യക്തമാക്കി. സംഭവത്തില് കേന്ദ്ര പ്രതിരോധമന്ത്രി രാജ്നാഥ് സിങ്ങും സംയുക്ത സൈനിക…
Read More »