Kerala
-
രാജ്യത്ത് വന് മാവോയിസ്റ്റ് വേട്ട ; ആന്ധ്രയില് 31 മാവോയിസ്റ്റുകള് പിടിയില് ; ഏറ്റുമുട്ടലില് കൊല്ലപ്പെട്ടത് ആറു പേര് ;പിടിയിലായവരില് മാവോയിസ്റ്റ് നേതാവ് ദേവ്ജിയും ; ഓപ്പറേഷന് ടീമിനെ അഭിനന്ദിച്ച് അമിത് ഷാ
ഹൈദരാബാദ് : രാജ്യത്ത് വന് മാവോയിസ്റ്റ് വേട്ട. ആന്ധ്രയില് 31 മാവോയിസ്റ്റുകള് പിടിയില്. പിടിയിലായവരില് മാവോയിസ്റ്റ്് നേതാവ് ദേവ്ജിയും. സിപിഐ മാവോയിസ്റ്റിന്റെ പിബി അംഗമാണ് ദേവ്ജി. വിജയവാഡ, കൃഷ്ണ, ഏലൂരു, എന്ടിആര് ജില്ലകളില് നിന്നാണ് 31 മാവോയിസ്റ്റുകളെയും പിടികൂടിയിരിക്കുന്നത്. തിപ്പിരി തിരുപ്പതി എന്നാണ് ദേവ്ജി അറിയപ്പെടുന്നത്. നിലവില് ജനറല് സെക്രട്ടറിയുടെ ചുമതല വഹിക്കുന്ന ദേവ്ജി സിപിഐ മാവോയിസ്റ്റിന്റെ അവശേഷിക്കുന്ന രണ്ട് പിബി അംഗങ്ങളില് ഒരാളാണ്. ആന്ധ്രയില് സുരക്ഷ സേനയുമായുണ്ടായ ഏറ്റുമുട്ടലില് മാവോയിസ്റ്റ് കമാന്ഡര് ഉള്പ്പടെ ആറു പേര് കൊല്ലപ്പെട്ടിരുന്നു.കൊല്ലപ്പെട്ടവരില് കേന്ദ്ര കമ്മിറ്റി അംഗവും 26ഓളം സായുധ ആക്രമണങ്ങളുടെ സൂത്രധാരനുമായ മാദ്വി ഹിഡ്മയും ഉള്പ്പെട്ടിരുന്നു. മാവോയിസ്റ്റ് വിരുദ്ധ ഓപറേഷന് നേതൃത്വം നല്കിയ ഉദ്യോഗസ്ഥരെ കേന്ദ്ര ആഭ്യന്തര മന്ത്രി അമിത് ഷാ ഫോണില് വിളിച്ച് അഭിനന്ദിച്ചു. ഛത്തീസ്ഗഢ്-ആന്ധ്ര അതിര്ത്തിയില് നടന്ന ഏറ്റുമുട്ടലിലാണ് മാവോയിസ്റ്റ് കമാന്ഡറായ മാദ്വി ഹിഡ്മ ഉള്പ്പെടെ കൊല്ലപ്പെട്ടത്. സിപിഐ മാവോയിസ്റ്റ് കേന്ദ്ര കമ്മിറ്റി അംഗവും ദണ്ഡകാരണ്യ സ്പെഷ്യല് സോണല് കമ്മിറ്റിയിലെ പ്രധാനിയുമാണ്…
Read More » -
ഗാസ പദ്ധതിക്ക് യുഎന് സുരക്ഷാ സമിതിയുടെ അംഗീകാരം ; ഗാസയിലെ അരക്ഷിതാവസ്ഥയ്ക്ക് പരിഹാരമാകും ; പദ്ധതി ആവിഷ്കരിച്ചത് അമേരിക്കന് പ്രസിഡന്റ് ഡൊണാള്ഡ് ട്രംപ്
വാഷിംഗ്ടണ്: ഗാസയിലെ അരക്ഷിതാവസ്ഥയ്ക്ക് പരിഹാരമെന്ന നിലയില് ആവിഷ്കരിച്ചിരിക്കുന്ന അമേരിക്കന് പ്രസിഡന്റ് ഡൊണാള്ഡ് ട്രംപിന്റെ ഗാസ പദ്ധതിക്ക് യുഎന് സുരക്ഷാ സമിതി അംഗീകാരം നല്കി . എപ്പോള് വേണമെങ്കിലും വെടിനിര്ത്തല് കരാര് ലംഘിക്കപ്പെട്ടേക്കാവുന്ന ഗാസയിലെ അരക്ഷിതാവസ്ഥ മറികടന്ന് സുസ്ഥിരമായ സമാധാനത്തിലേക്കും തകര്ന്നടിഞ്ഞ പ്രദേശത്തിന്റെ പുനര്നിര്മ്മാണത്തിലേക്കും നീങ്ങാന് ലക്ഷ്യമിട്ട് യുഎസ് തയ്യാറാക്കിയ പ്രമേയമാണ് യുഎന് സുരക്ഷാ സമിതി പാസാക്കിയത്. 15 അംഗ സമിതി, 13-0 എന്ന അടിസ്ഥാനത്തിലാണ് പ്രമേയം പാസാക്കിയത്. റഷ്യയും ചൈനയും വോട്ടെടുപ്പില്നിന്ന് വിട്ടുനിന്നു. പക്ഷേ, വീറ്റോ അധികാരം ഉപയോഗിക്കാന് അവര് തയ്യാറായില്ല.
Read More » -
സ്ഥിരമായി പ്രോട്ടീന് പൗഡര് കഴിക്കുന്നവരാണോ നിങ്ങള് ? ഞെട്ടിപ്പിക്കുന്ന വിവരങ്ങള് അറിയൂ ; ഇന്ത്യയില് വില്ക്കുന്ന പ്രോട്ടീന് പൗഡറുകളില് മിക്കതും ഗുണനിലവാരം കുറഞ്ഞത് ; കാന്സറിന് കാരണമായേക്കാവുന്ന മെറ്റലുകള് അടങ്ങിയത് ; മിക്കതിലും നിലവാരം കുറഞ്ഞ പ്രോട്ടീനും ഉയര്ന്ന അളവില് പഞ്ചസാരയും
ന്യൂഡല്ഹി: സ്ഥിരമായി പ്രോട്ടീന് പൗഡര് കഴിക്കുന്നവരാണോ നിങ്ങള്? എങ്കില് ഇതൊന്നു വായിക്കൂ. ഇന്ത്യയില് വില്ക്കുന്ന മിക്ക ഫാര്മ-ഗ്രേഡ് പ്രോട്ടീന് പൗഡറുകളും ഗുണനിലവാരം കുറഞ്ഞവയാണെന്ന ഞെട്ടിപ്പിക്കുന്ന ഗവേഷണവിവരം പുറത്ത്. കേരളത്തിലെ രാജഗിരി ഹോസ്പിറ്റല്, അമേരിക്കയിലെ സിന്സിനാറ്റി സര്വകലാശാലസ സൗദിയിലെ അബീര് മെഡിക്കല് ഗ്രൂപ്പ് എന്നിവിടങ്ങളിലെ ഗവേഷകര് പ്രതിനിധീകരിക്കുന്ന മിഷന് ഫോര് എത്തിക്സ് ആന്ഡ് സയന്സ് ഇന് ഹെല്ത്ത്കെയര് നടത്തിയ പഠനത്തിലാണ് ഇത് പറയുന്നത്. 18 മെഡിക്കല് വേ പ്രോട്ടീന് പൗഡറുകളും 16 ന്യൂട്രാസ്യൂട്ടിക്കല് വേ പ്രോട്ടീന് പൗഡറുകളും താരതമ്യം ചെയ്തു നടത്തിയ പഠനത്തിലാണ് ഇക്കാര്യങ്ങള് വ്യക്തമാക്കുന്നത്. മിക്കതിലും നിലവാരം കുറഞ്ഞ പ്രോട്ടീനും ഉയര്ന്ന അളവില് പഞ്ചസാരയും അടങ്ങിയിട്ടുണ്ടെന്നും കൂടാതെ പല പ്രോട്ടീന് പൗഡറുകളിലും തെറ്റിദ്ധരിപ്പിക്കുന്ന ലേബലുകള് ഉണ്ടെന്നും ഗവേഷണത്തില് പറയുന്നു. 100 ഗ്രാം പ്രോട്ടീന് പൗഡറുകളുടെ പാക്കറ്റില് വെറും 29 ഗ്രാം മാത്രമാണ് പ്രോട്ടീന് അടങ്ങിയിട്ടുള്ളതെന്നും കണ്ടെത്തലുണ്ട്. ബാക്കി 83 ശതമാനം ഘടകങ്ങള് സംബന്ധിച്ചും ലേബലില് നല്കിയിരുന്നത് തെറ്റായ കാര്യങ്ങളായിരുന്നു. പേശികളുടെ ആരോഗ്യത്തിന്…
Read More » -
പ്രതിപക്ഷ നേതാവാകാന് സമ്മതം മൂളി തേജസ്വി ; സമ്മതിപ്പിച്ചത് ലാലു പ്രസാദ് യാദവ് ; തോല്വിയുടെ ഉത്തരവാദിത്വമെല്ലാം ഏറ്റെടുക്കുന്നുവെന്നും തേജസ്വി
പാറ്റ്ന: ബീഹാര് നിയമസഭയില് പ്രതിപക്ഷ നേതാവാകാന് സമ്മതം മൂളി തേജസ്വി യാദവ്. കനത്ത തോല്വി ഏറ്റുവാങ്ങേണ്ടി വന്ന ബീഹാര് നിയമസഭ തെരഞ്ഞെടുപ്പില് ഉത്തരവാദിത്വങ്ങള് ഏറ്റെടുത്ത് തേജസ്വി യാദവ് പ്രതിപക്ഷ നേതാവാകാന് തയ്യാറാകുന്നില്ലെന്നായിരുന്നു ആദ്യം പറഞ്ഞിരുന്നത്. എന്നാല് പിതാവും ആര്ജെഡി സ്ഥാപകനുമായ ലാലു പ്രസാദ് യാദവിന്റെ നിര്ബന്ധത്തെത്തുടര്ന്ന് പ്രതിപക്ഷ നേതാവിന്റെ സ്ഥാനം ഏറ്റെടുക്കാന് തേജസ്വി ഒടുവില് സമ്മതിക്കുകയായിരുന്നുവത്രെ. തെരഞ്ഞെടുപ്പില് ആര്ജെഡിയുടെ തോല്വിയുടെ ഉത്തരവാദിത്തം ഏറ്റെടുക്കുന്നതായി തേജസ്വി പറഞ്ഞു. ഈ തിരഞ്ഞെടുപ്പില് ഞാന് വളരെയധികം ശ്രമിച്ചെങ്കിലും വിജയിച്ചില്ലെന്നും പാര്ട്ടി യോഗത്തില് അദ്ദേഹം പറഞ്ഞു. യോഗത്തില് പാര്ട്ടിയിലെ മുതിര്ന്ന നേതാക്കള് യുവ നേതാവിനെ പിന്തുണയ്ക്കുകയും അദ്ദേഹത്തോടൊപ്പം നില്ക്കുമെന്നും വ്യക്തമാക്കി. ആര്ജെഡിയുടെ മോശം പ്രകടനത്തിന് സഞ്ജയ് യാദവിനെ ലക്ഷ്യം വയ്ക്കുന്നത് തെറ്റാണെന്നും അതിന് അദ്ദേഹം ഉത്തരവാദിയല്ലെന്നും യോഗത്തില് തേജസ്വി പറഞ്ഞു.
Read More » -
ഗര്ഭിണിയായ ഇന്ത്യന് വംശജ സിഡ്നിയില് കാറിടിച്ച് മരിച്ചു ; എട്ടുമാസം പ്രായമായ ഗര്ഭസ്ഥ ശിശുവും മരിച്ചു ; കാറോടിച്ച 19കാരന് അറസ്റ്റില്
സിഡ്നി: എട്ടുമാസം ഗര്ഭിണിയായ ഇന്ത്യന് വംശജ നടന്നുപോകുമ്പോള് കാറിടിച്ച് മരിച്ചു. ഗര്ഭസ്ഥ ശിശുവിനേയും രക്ഷിക്കാനായില്ല. ഇന്ത്യന് വംശജയായ സാമന്വിത ധരേശ്വറും അവരുടെ ഗര്ഭസ്ഥ ശിശുവുമാണ് അപകടത്തില് കൊല്ലപ്പെട്ടത്. സാമന്വിത ഭര്ത്താവിനും മൂന്ന് വയസ്സുള്ള മകനുമൊപ്പം ഹോണ്സ്ബിയിലൂടെ നടന്നുപോകുമ്പോഴാണ് അപകടമുണ്ടായത്. ഇവര്ക്ക് റോഡ് മുറിച്ചു കടക്കുന്നതിനായി ഒരു കാര് ഡ്രൈവര് വാഹനം നിര്ത്തിക്കൊടുത്തു. എന്നാല് ഇത് ശ്രദ്ധിക്കാതെ പാഞ്ഞെത്തിയ ആഡംബരക്കാര് സാമന്വിതയെ പിന്നില് നിന്നും ഇടിച്ചു തെറിപ്പിക്കുകയായിരുന്നു. സംഭവത്തില് കാറോടിച്ചിരുന്ന 19കാരനെ അറസ്റ്റു ചെയ്തു.
Read More » -
കൊല്ലത്ത് സിപിഎമ്മില് നിന്ന് കൂട്ട കൊഴിഞ്ഞുപോക്ക് ; അമ്പതിലേറെ പേര് പാര്ട്ടി വിട്ടു ; ഇറങ്ങിപ്പോന്നത് ബ്രാഞ്ച് സെക്രട്ടറിയും പഞ്ചായത്ത് പ്രസിഡന്റുമടക്കമുള്ളവര്
കൊല്ലം: കൊല്ലത്ത് സിപിഎമ്മില് നിന്ന് കൂട്ടക്കൊഴിഞ്ഞുപോക്ക്. അമ്പതിലധികം പേര് സിപിഎം വിട്ടു. കൊല്ലം കുന്നത്തൂരിലാണ് സിപിഎമ്മിനെ ഞെട്ടിച്ചുകൊണ്ട് ഇത്രയധികം പേര് ഒറ്റയടിക്ക് പാര്ട്ടി വിട്ടിരിക്കുന്നത്. ബ്രാഞ്ച് കമ്മിറ്റി സെക്രട്ടറിയും പഞ്ചായത്ത് പ്രസിഡന്റ് കെ.വത്സലകുമാരിയും അടക്കമുള്ളവരാണ് പാര്ട്ടി വിട്ടത്. കുന്നത്തൂര് പഞ്ചായത്തിലെ പുത്തനമ്പലം വാര്ഡിലെ സ്ഥാനാര്ത്ഥിത്വത്തെ ചൊല്ലിയുളള തര്ക്കമാണ് ഇത്രയധികം പേരുടെ ഇറങ്ങിപ്പോക്കിന് വഴിവെച്ചത്. സാമ്പത്തിക തിരിമറിയില് വിജിലന്സ് കേസുളളയാളെ സ്ഥാനാര്ത്ഥിയാക്കിയെന്ന് ആരോപിച്ചാണ് പാര്ട്ടിയിലെ പൊട്ടിത്തെറി.
Read More » -
അവള്ക്കായ് ഒരു സഹായം ; വാഹനാപകടത്തില് അബോധാവസ്ഥയില് കഴിയുന്ന ഒമ്പതു വയസുകാരിക്ക് 1.15 കോടി രൂപ നഷ്ടപരിഹാരം ; വിധി വടകര എംഎസിടി കോടതിയുടേത്
കോഴിക്കോട്: വടകരയില് വാഹനാപകടത്തില് ഗുരുതര പരിക്കേറ്റ് അബോധാവസ്ഥയില് കഴിയുന്ന ഒമ്പത് വയസുകാരി ദൃഷാനയ്ക്കു 1.15 കോടി രൂപ നഷ്ടപരിഹാരം നല്കണമെന്ന് കോടതി. വടകര എംഎസിടി കോടതിയുടെ വിധി. ഇന്ഷ്വറന്സ് കമ്പനിയാണ് തുക നല്കേണ്ടത്. ഹൈക്കോടതിയുടെയും ലീഗല് സര്വീസ് അഥോറിറ്റിയുടെയും ഇടപെടലാണ് കേസില് നിര്ണായകമായത്. കോട്ടയത്തെ സ്വകാര്യ ആശുപത്രിയില് ദൃഷാനയുടെ തുടര്ചികിത്സയ്ക്ക് മാതാപിതാക്കള് സാമ്പത്തിക പ്രതിസന്ധി നേരിടുന്ന സമയത്താണ് കോടതിവിധി.
Read More » -
പണം വാങ്ങി സീറ്റുകൊടുക്കുന്നെ ആരോപണം നിലനില്ക്കേ കുടുംബവാഴ്ചയെ ഡിസിസി സപ്പോര്ട്ട ചെയ്യുന്നെന്ന് ആക്ഷേപം ; കുന്നത്തുര്മേട് നോര്ത്ത വാര്ഡില് കൂട്ടരാജിക്കത്ത് നല്കി കോണ്ഗ്രസ്പ്രവര്ത്തകര്, 50 പേര് രാജി വെച്ചു
പാലക്കാട്: പണംവാങ്ങി സീറ്റുകച്ചവടം നടത്തുന്നെന്ന് ഡിസിസിയ്ക്കെതിരേയുള്ള ശക്തമായ ആരോപണം നിലനില്ക്കുമ്പോള് തദ്ദേശ തെരഞ്ഞെടുപ്പില് നഗരസഭയിലെ സ്ഥാനാര്ത്ഥി പ്രഖ്യാപനത്തില് പ്രതിഷേധിച്ച് പാലക്കാട് കോണ്ഗ്രസില് കൂട്ടരാജി. കുന്നത്തൂര്മേട് നോര്ത്ത് വാര്ഡുമായി ബന്ധപ്പെട്ട തര്ക്കമാണ് പ്രവര്ത്തകരുടെ കൊഴിഞ്ഞുപോക്കിന് കാരണമായത്. കുടുംബവാഴ്ചയ്ക്ക് ഡിസിസി നേതൃത്വം ഒത്താശ ചെയ്യുന്നെന്നാണ് ആക്ഷേപം. ഏകദേശം അമ്പതിലധികം പ്രവര്ത്തകര് രാജിവെച്ച് കത്ത് ഡിസിസി അദ്ധ്യക്ഷന് കൈമാറി. കോണ്ഗ്രസ് ഡിസിസി മെമ്പര് കിദര് മുഹമ്മദ്, ബ്ലോക്ക്-മണ്ഡലം ഭാരവാഹികള്, യൂത്ത് കോണ്ഗ്രസ് നേതാക്കള് ഉള്പ്പെടെ 50 പ്രവര്ത്തകരാണ് രാജിവെച്ചത്. പാലക്കാട് പല വാര്ഡുകളിലും പണം വാങ്ങി ഡിസിസി നേതൃത്വം സീറ്റ് കച്ചവടം നടത്തുന്നതായുള്ള ആരോപണത്തിനിടയിലാണ് കുന്നത്തുര്മേട് നോര്ത്ത് സീറ്റുമായി ബന്ധപ്പെട്ടുള്ള തര്ക്കങ്ങളും രാജിവെയ്ക്കലുകളും ഉണ്ടായിരിക്കുന്നത്. പിരായിരി പഞ്ചായത്തിലെ കൊടുന്തിരപ്പുള്ളി വാര്ഡില് സീറ്റ് നല്കാമെന്ന് ഉറപ്പ് നല്കി പണം വാങ്ങി ഡിസിസി നേതൃത്വം മറ്റൊരാള്ക്ക് സീറ്റ് നല്കിയെന്ന് പിരായിരിയിലെ മുന് കൗണ്സിലറും മഹിളാ കോണ്ഗ്രസ് ജില്ലാ ജനറല് സെക്രട്ടറിയുമായ ശ്രീജാ സുരേഷ് ആരോപണം ഉന്നയിച്ചിരുന്നു. പാലക്കാട് പല…
Read More » -
തിരുവനന്തപുരം കോര്പറേഷനിങ്ങു തരണേയെന്ന് മുഖ്യമന്ത്രി ; കേരളത്തില് വികസനമുണ്ടായത് ഇടത് ഭരണകാലത്തെന്ന് മുഖ്യമന്ത്രി ; തദ്ദേശത്തില് വിജയം നേടിയാല് എല്ഡിഎഫ് സര്ക്കാരിന്റെ മൂന്നാം ഭരണം ഉറപ്പായെന്ന് എം.വി. ഗോവിന്ദന്
തിരുവനന്തപുരം: തിരുവനന്തപുരം കോര്പറേഷന്റെ ഭരണമിങ്ങ് തരണേയെന്ന് വോട്ടര്മാരോട് മുഖ്യമന്ത്രി പിണറായി വിജയന്.തിരുവനന്തപുരം കോര്പ്പറേഷന് എല്ഡിഎഫ് തെരഞ്ഞെടുപ്പ് കണ്വന്ഷന് ഉദ്ഘാടനം ചെയ്യുകയായിരുന്നു അദ്ദേഹം. 2021ല് തുടര്ഭരണം ഏല്പ്പിച്ചത് പോലെ തിരുവനന്തപുരം കോര്പ്പറേഷന് ഭരണവും ഏല്പ്പിക്കണമെന്നും മുഖ്യമന്ത്രി പറഞ്ഞു. കേരളത്തില് വികസനമുണ്ടായത് എല്ഡിഎഫ് ഭരണകാലത്താണെന്ന് മുഖ്യമന്ത്രി പിണറായി വിജയന്. 2021ല് തുടര്ഭരണം ഉണ്ടായതോടെ പിന്നോട്ട് പോയിട്ടില്ലെന്നും മുഖ്യമന്ത്രി പറഞ്ഞു. ഭരണത്തുടര്ച്ച കാരണം എല്ലാ മേഖലയിലും മുന്നേറ്റം ഉണ്ടായെന്നും ആരോഗ്യമേഖല ലോകോത്തര നിലവാരത്തിലെത്തിയെന്നും മുഖ്യമന്ത്രി പറഞ്ഞു. തദ്ദേശ തെരഞ്ഞെടുപ്പില് വിജയം നേടിയാല് എല്ഡിഎഫ് സര്ക്കാരിന്റെ മൂന്നാം ഭരണം ഉറപ്പായെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദന് പറഞ്ഞു. തദ്ദേശ തെരഞ്ഞെടുപ്പ് വിജയം മൂന്നാം ഭരണത്തിന്റെ കേളികൊട്ടാവുമെന്നും അദ്ദേഹം പറഞ്ഞു.
Read More » -
പതിനാറുകാരനെ തീവ്രവാദ ഗ്രൂപ്പില് ചേരാന് പ്രേരിപ്പിച്ച മാതാവും രണ്ടാനച്ഛനും ; രണ്ടുപേര്ക്കുമെതിരേ യുഎപിഎ ചുമത്തി പോലീസ് കേസെടുത്തു ; യുകെയില് എ്ത്തിച്ച് വീഡിയോയും മറ്റും കാട്ടി മനസ്സുമാറ്റാന് ശ്രമിച്ചു
തിരുവനന്തപുരം: പതിനാറുകാരനെ തീവ്രവാദ ഗ്രൂപ്പില് ചേരാന് പ്രേരിപ്പിച്ച മാതാവിനും രണ്ടാനച്ഛനും എതിരേ യുഎപിഎ ചുമത്തി. ഐഎസ്ഐഎസില് ചേരാനായിരുന്നു നിര്ബ്ബന്ധിച്ചത്. തിരുവനന്തപുരം വെഞ്ഞാറമ്മൂട് പൊലീസ് സ്റ്റേഷന് പരിധിയില് നടന്നസംഭവത്തില് വെമ്പായം സ്വദേശിയായ യുവാവിനെയും പത്തനംതിട്ട സ്വദേശിനിയ്ക്കുമെതിരേയാണ് ആരോപണം. പത്തനംതിട്ട സ്വദേശിയായ യുവതിയെ മതപരിവര്ത്തനം നടത്തിയാണ് വെമ്പായം സ്വദേശി വിവാഹം കഴിച്ചത്. പിന്നാലെ യുവതിയുടെ ആദ്യ വിവാഹത്തിലെ മകനെ തീവ്രവാദ സംഘടനയായ ഐഎസ്ഐസില് ചേരാന് പ്രേരിപ്പിയ്ക്കുകയായിരുന്നു. കുട്ടിയുടെ അമ്മയും രണ്ടാനച്ഛനും യു.കെയില് താമസിച്ചു വരികയായിരുന്നു. കുട്ടി യു.കെയിലെത്തിയപ്പോള് വീഡിയോ ദൃശ്യങ്ങള് ഉള്പ്പടെ കാട്ടി സ്വാധീനിക്കാന് ശ്രമിച്ചു. തിരികെ ദമ്പതികള് നാട്ടിലെത്തി കുട്ടിയെ ആറ്റിങ്ങല് പരിധിയിലുള്ള മതപഠന ശാലയിലാക്കി. കുട്ടിയുടെ സ്വഭാവത്തിലെ മാറ്റം കണ്ടു മതപഠന ശാല അധികൃതര് അമ്മയുടെ വീട്ടില് വിവരമറിയിച്ചു. ഇതോടെ കുട്ടിയുടെ അമ്മയുടെ ബന്ധുക്കള് പൊലീസിനെ സമീപിക്കുകയായിരുന്നു. ആറ്റിങ്ങല് ഡവൈഎസ്പി യുടെ നേതൃത്തില് യുഎപിഎ ചുമത്തി കേസ് അന്വേഷിച്ചുവരികയാണ്. സംഭവത്തില് ദേശീയ അന്വേഷണ ഏജന്സിയും വിവരശേഖരണം ആരംഭിച്ചിരിക്കുകയാണ്.
Read More »