Kerala
-
ദളിത് ചിന്തകനും എഴുത്തുകാരനുമായ കെ.കെ. കൊച്ച് അന്തരിച്ചു
കോട്ടയം: ദളിത് ചിന്തകനും എഴുത്തുകാരനും സാമൂഹിക പ്രവര്ത്തകനുമായ കെ.കെ. കൊച്ച് (76) അന്തരിച്ചു. ചികിത്സയില് കഴിയവേ കോട്ടയം മെഡിക്കല് കോളേജ് ആശുപത്രിയിലായിരുന്നു അന്ത്യം. കേരളത്തിലെയും ഇന്ത്യയിലെയും ദളിത്-കീഴാള ജീവിതങ്ങളെ അടയാളപ്പെടുത്താനും അവകാശങ്ങള് നേടിയെടുക്കാനും നിരന്തരം പ്രവര്ത്തിക്കുകയും എഴുതുകയും ചെയ്ത മൗലിക ചിന്തകനായിരുന്നു കെ.കെ. കൊച്ച്. 1949 ഫെബ്രുവരി രണ്ടാം തീയതി കോട്ടയം ജില്ലയിലെ കല്ലറയിലാണ് ജനനം. അടിയന്തരാവസ്ഥക്കാലത്ത് ആറുമാസം ഒളിവില് കഴിഞ്ഞിരുന്നു. കമ്മ്യൂണിസ്റ്റ് യുവജനവേദി, ജനകീയ തൊഴിലാളിയൂണിയന്, മനുഷ്യാവകാശ സമിതി എന്നീ സംഘടനകള് രൂപവത്കരിക്കാന് നേതൃത്വം നല്കി. സീഡിയന് എന്ന സംഘടനയുടെ കേന്ദ്രകമ്മിറ്റിയംഗവും സീഡിയന് വാരികയുടെ പത്രാധിപരുമായിരുന്നു. 1971-ല് മാതൃഭൂമി ആഴ്ചപ്പതിപ്പ് കോളേജ് വിദ്യാര്ഥികള്ക്കു വേണ്ടി നടത്തിയ സാഹിത്യമത്സരത്തില് നാടകരചനയ്ക്ക് രണ്ടാം സമ്മാനം നേടിയിരുന്നു. 1977-ല് കെഎസ്ആര്ടിസിയില് ക്ലാര്ക്കായി ജോലിയില് പ്രവേശിച്ച് 2001-ല് സീനിയര് അസിസ്റ്റന്റായാണ് വിരമിച്ചത്. കേരളചരിത്രവും സമൂഹ രൂപീകരണവും, ദളിത് പാഠം, കലാപവും സംസ്കാരവും, ദേശീയതക്കൊരു ചരിത്രപാഠം മുതലായ കൃതികള്ക്ക് പുറമെ ആത്മകഥയായ ‘ദളിതന്’ ഏറെ ശ്രദ്ധ നേടിയിരുന്നു.
Read More » -
ലൗ ജിഹാദില് കൃത്യമായ അന്വേഷണം വേണം; കേരളത്തില് വന്തോതില് സ്ഫോടക വസ്തുക്കള് കണ്ടെത്തുന്നു; സ്ഥിതി ആശങ്കാജനകം; പിസി ജോര്ജിന് പൂര്ണ പിന്തുണയുമായി സീറോ മലബാര് സഭ
ലൗ ജിഹാദ് പരാമര്ശത്തില് ബിജെപി നേതാവും മുന് എംഎല്എയുമായ പിസി ജോര്ജിനെ പിന്തുണച്ചത് സീറോമലബാര് സഭ. മതരാഷ്ട്രവാദികളെ ഒറ്റപ്പെടുത്താനും ജനാധിപത്യത്തിന്റെ അന്തസത്ത സംരക്ഷിക്കാനും ജാതിമത ഭേദമന്യേ എല്ലാ പൗരന്മാര്ക്കും കടമയുണ്ട്. അതിനാല് തീവ്രവാദ പ്രവര്ത്തനങ്ങളെ മതത്തിന്റെയോ രാഷ്ട്രീയത്തിന്റെയോ പേരില് ന്യായീകരിക്കാതെ രാഷ്ട്രത്തിന്റെ ആഭ്യന്തര സുരക്ഷയെയും പൗരന്മാരുടെ സമാധാനജീവിത്തെയും സംരക്ഷിക്കാനുതകുന്ന നിലപാടുകളാണ് എല്ലാവരും സ്വീകരിക്കേണ്ടതെന്ന് സീറോമലബാര് പബ്ലിക് അഫയേഴ്സ് കമ്മീഷന് വ്യക്തമാക്കി. മാരക ലഹരി വിപത്തിനെതിരെ കെസിബിസി മദ്യവിരുദ്ധ സമിതിയുടെ ആഭിമുഖ്യത്തില് പാലായില് സംഘടിപ്പിച്ച സമ്മേളനത്തില് പി.സി. ജോര്ജ് ലഹരി വ്യാപനത്തെക്കുറിച്ചും പ്രണയക്കെണികളെക്കുറിച്ചും ഭീകരപ്രവര്ത്തനങ്ങളെക്കുറിച്ചും പറഞ്ഞ കാര്യങ്ങള്ക്ക് അടിസ്ഥാനമുണ്ടെന്നും സഭ വ്യക്തമാക്കി. അതിന്മേല് വിവാദങ്ങള് സൃഷ്ടിക്കുന്നതും മതപരമായി വ്യാഖ്യാനിക്കാന് ശ്രമിക്കുന്നതും അപലപനീയമാണ്. പി.സി. ജോര്ജ് ഉന്നയിച്ച വിഷയങ്ങളില് ഇരകളായവരുടെയും കുടുംബങ്ങളുടെയും സ്വകാര്യതയും സുരക്ഷയും ഉറപ്പാക്കിയുള്ള ഉന്നതതല അന്വേഷണം നടത്തണമെന്ന് സീറോമലബാര് പബ്ലിക് അഫയേഴ്സ് കമ്മീഷന് കേന്ദ്ര, സംസ്ഥാന സര്ക്കാരുകളോട് ആവശ്യപ്പെടുന്നു. ലഹരിയെക്കുറിച്ചും പ്രണയക്കെണികളെക്കുറിച്ചും അവമൂലമുണ്ടാകുന്ന ദുരന്തങ്ങളെക്കുറിച്ചും നിരന്തരം വാര്ത്തകള് വന്നുകൊണ്ടിരിക്കുന്നു. പ്രണയക്കെണികള് ഉണ്ടെന്ന്…
Read More » -
കോതമംഗലം, കുട്ടനാട് സീറ്റുകളില് കണ്ണുനട്ട് അനൂപ് ജേക്കബ്
തിരുവനന്തപുരം: അടുത്ത നിയമസഭ തെരഞ്ഞെടുപ്പില് രണ്ടു സീറ്റുകള് കൂടി അധികമായി വേണമെന്ന് കേരള കോണ്ഗ്രസ് (ജേക്കബ്) ഗ്രൂപ്പ്. കേരളത്തിന്റെ ചുമതലയുള്ള എഐസിസി ജനറല് സെക്രട്ടറി ദീപ ദാസ് മുന്ഷിയുമായി നടത്തിയ കൂടിക്കാഴ്ചയിലാണ് പാര്ട്ടി നേതാവ് അനൂപ് ജേക്കബ് ഈ ആവശ്യം ഉന്നയിച്ചത്. നിലവിലുള്ള പിറവം സീറ്റിന് പുറമെ, കോതമംഗലം, കുട്ടനാട്, പത്തനാപുരം എന്നീ സീറ്റുകളില് രണ്ടെണ്ണം അനുവദിക്കണമെന്നാണ് ആവശ്യം. സീറ്റു വിഭജനവുമായി ബന്ധപ്പെട്ട അന്തിമ തീരുമാനം തെരഞ്ഞെടുപ്പിന് ഒരു മാസം മുമ്പ് മാത്രമാണ് യുഡിഎഫ് എടുക്കുക. നിലവിലെ രാഷ്ട്രീയ സാഹചര്യത്തില് യുഡിഎഫിന് വിജയിക്കാവുന്ന സ്ഥിതിയുണ്ട്. കോണ്ഗ്രസ് നേതൃത്വവുമായി നടത്തിയ പ്രാഥമിക ചര്ച്ചയില് പാര്ട്ടിയുടെ ആവശ്യം അറിയിക്കുകയായിരുന്നു. കുട്ടനാട്, കോതമംഗലം, പത്തനാപുരം മണ്ഡലങ്ങളില് പാര്ട്ടിക്ക് ശക്തമായ സ്വാധീനമുണ്ട്. ഇതിന്റെ അടിസ്ഥാനത്തിലാണ് ഈ സീറ്റുകളില് രണ്ടെണ്ണം അനുവദിക്കണമെന്ന് ആവശ്യം ഉന്നയിച്ചതെന്ന് അനൂപ് ജേക്കബ് ദി ന്യൂ ഇന്ത്യന് എക്സ്പ്രസിനോട് പറഞ്ഞു. കുട്ടനാട്ടിലെ പുളിങ്കുന്ന് പഞ്ചായത്ത് കേരള കോണ്ഗ്രസിന്റെ പിന്തുണയോടെ, യുഡിഎഫ് ഭരണത്തിലാണ്. പരമ്പരാഗത ശക്തികേന്ദ്രങ്ങളില്…
Read More » -
ആറ്റുകാൽ പൊങ്കാല ഇന്ന്: രാവിലെ 10.15ന് അടുപ്പുവെട്ട്, ഭക്തിസാന്ദ്രമായി തലസ്ഥാന നഗരി
തിരുവനന്തപുരം: ചരിത്ര പ്രസിദ്ധമായ ആറ്റുകാൽ പൊങ്കാല ഇന്ന്. അടുപ്പുകൾ കൂട്ടി, ഒരുക്കങ്ങൾ പൂർത്തിയാക്കി ആറ്റുകാൽ ദേവിക്ക് പൊങ്കാല അർപ്പിക്കാൻ പ്രാർത്ഥനയോടെ കാത്തിരിക്കുകയാണ് ഭക്തർ. തലസ്ഥാന നഗരിയിലെങ്ങും ഭക്തരുടെ വലിയ തിരക്കാണ് അനുഭവപ്പെടുന്നത്. രാവിലെ 10.15 നാണ് അടുപ്പുവെട്ട്. ഇത്തവണ തലസ്ഥാന നഗരിയിൽ പൊങ്കാല സമർപ്പണത്തിന് മുൻവർഷങ്ങളിലേക്കാൾ തിരക്ക്. ഇന്നലെ വൈകീട്ട് ദേവീദർശനത്തിനായി നീണ്ട ക്യൂ ഉണ്ടായിരുന്നു. രാവിലെ 9.45 ന് ശുദ്ധ പുണ്യാഹത്തോടെ പൊങ്കാല ചടങ്ങുകൾ തുടങ്ങും. 10.15 നാണ് അടുപ്പുവെട്ട്. 1.15 നാണ് നിവേദ്യം. പൊലീസ് പഴുതടച്ച സുരക്ഷാ ക്രമീകരണങ്ങൾ ഒരുക്കിയിട്ടുണ്ട്. ക്ലബുകളും റസിഡന്റ്സ് അസോസിയേഷനുകളും പൊങ്കലയർപ്പണത്തിന് നഗരത്തിലെ വിവിധ സ്ഥലങ്ങളിൽവിപുലമായ ക്രമീകരണങ്ങൾ ചെയ്തിട്ടുണ്ട്. അതേ സമയം, സ്മാർട്ട് സിറ്റിയുടെ ഭാഗമായി വിലയേറിയ ടൈലുകൾ പാകിയ ഭാഗത്ത് അടുപ്പുകൾ കൂട്ടരുതെന്ന് നഗരസഭ അഭ്യർത്ഥിച്ചു. കൊടുംവേനൽ കണക്കിലെടുത്ത് അകലം പാലിച്ച് അടുപ്പ് കൂട്ടണമെന്നും നിർദ്ദേശമുണ്ട്. ഹരിതചട്ടങ്ങൾ പൂർണമായും പാലിക്കണം. ഇന്നലെ ഉച്ച മുതൽ നഗരത്തിൽ ഗതാഗത നിയന്ത്രണം…
Read More » -
പ്രതിയുമായി പോയ പോലീസ് ജീപ്പ് നിയന്ത്രണം തെറ്റി മറിഞ്ഞ് അപകടം; വഴിയോര കച്ചവടക്കാരന് ദാരുണാന്ത്യം, സംഭവം മാനന്തവാടിയില്
മാനന്തവാടി: പോലീസ് ജീപ്പ് നിയന്ത്രണം വിട്ട് മറിഞ്ഞുണ്ടായ അപകടത്തില് ഒരാള്ക്ക് ദാരുണാന്ത്യം. 4 പേര്ക്ക് പരിക്കേറ്റു. മാനന്തവാടിയിലാണ് അപകടം നടന്നത്. വഴിയോര കച്ചവടക്കാരന് വള്ളിയൂര്ക്കാവ് തോട്ടുങ്കല് ശ്രീധരന് (65) ആണ് മരിച്ചത്. ഇയാള് ഉന്തുവണ്ടി കച്ചവടക്കാരനാണ്. സിപിഒമാരായ കെ.ബി പ്രശാന്ത്, ജോളി സാമുവല്, വി. കൃഷ്ണന് എന്നിവര്ക്കും ജീപ്പിലുണ്ടായിരുന്ന പ്രതി തലശ്ശേരി മാഹി സ്വദേശി പ്രബീഷ് എന്നിവര്ക്കുമാണ് പരിക്കേറ്റത്. ഇന്ന് 3 മണിയോടെ വള്ളിയൂര്ക്കാവ് ഓട്ടോസ്റ്റാന്ഡിന് സമീപത്ത് വെച്ചാണ് അപകടം ഉണ്ടായത്. സ്ഥലത്ത് പോലീസെത്തി മേല്നടപടികള് സ്വീകരിച്ചു.
Read More » -
വളര്ന്നിട്ടും വളരാതെ മത്തി, മാസങ്ങളായി ഒരേ വലുപ്പം; വിലയില്ലായ്മയില് വലഞ്ഞ് മത്സ്യത്തൊഴിലാളികള്, കാരണം തേടി സിഎംആര്എഫ്ഐ
തൃശ്ശൂര്: കേരളതീരത്തെ കടലില്നിന്ന് കിട്ടുന്ന മത്തിക്ക് മാസങ്ങളായി ഒരേ വലുപ്പം. മാസങ്ങള്ക്ക് മുമ്പ് മത്തി കൂട്ടമായി കരയിലേക്ക് വന്നുകയറിയിരുന്നു. അന്നത്തെ വലുപ്പത്തില്നിന്ന് ആറുമാസമായിട്ടും വലിയ വ്യത്യാസമുണ്ടായിട്ടില്ല. സാധാരണ രണ്ടോ മൂന്നോ ആഴ്ച കഴിയുമ്പോള് വലുപ്പം കൂടിവരാറുണ്ടെന്ന് മത്സ്യത്തൊഴിലാളികള് പറയുന്നു. ഇത്തരത്തില് ഒരേ വലുപ്പത്തില് മത്തി തുടരുന്നത് മുമ്പ് കണ്ടിട്ടില്ലെന്ന് ചേറ്റുവ ഹാര്ബറിലെ തരകന് അസോസിയേഷന് സെക്രട്ടറി പവിത്രന് കല്ലുമഠത്തില് പറഞ്ഞു. നേരത്തേ പരമ്പരാഗത മത്സ്യത്തൊഴിലാളികള്ക്കും സുലഭമായി കിട്ടിക്കൊണ്ടിരുന്ന മത്തിലഭ്യത കുറഞ്ഞതോടെ നിലവില് ട്രോളിങ് ബോട്ടുകാരാണ് മുഖ്യമായും പിടിക്കുന്നത്. ലഭ്യത കുറഞ്ഞെങ്കിലും വലുപ്പമില്ലാത്തതിനാല് വില കൂടുന്നില്ലെന്നാണ് തൊഴിലാളികളുടെ പരാതി. ചെറുകിട കച്ചവടക്കാര്പോലും കിലോഗ്രാമിന് നൂറുരൂപ നിരക്കിലാണ് വില്പ്പന. വലുതിന് കിലോഗ്രാമിന് 200 രൂപയ്ക്കു മുകളില് വില ലഭിക്കാറുണ്ട്. തമിഴ്നാട്, ആന്ധ്ര എന്നിവിടങ്ങളില്നിന്ന് കേരളത്തിലേക്ക് ചെറിയ തോതില് വലിയ മത്തി എത്തുന്നുണ്ടെങ്കിലും നാടന് മത്തിയുടെ രുചി ഇതിനില്ലെന്നു പറയുന്നു. അതേസമയം, മത്തി വളരാത്തതിന് കാരണം തേടിയുള്ള പഠനം നടത്തുന്നുണ്ടെന്നും വൈകാതെ റിപ്പോര്ട്ട് പുറത്തുവിടുമെന്നും കൊച്ചി…
Read More » -
ഇന്ന് മഴയ്ക്ക് സാദ്ധ്യത; രണ്ട് ജില്ലകളില് മഞ്ഞ അലര്ട്ട്, ജാഗ്രത നിര്ദ്ദേശം
തിരുവനന്തപുരം: കേരളത്തില് ഇന്ന് മഴയ്ക്ക് സാദ്ധ്യതയുണ്ടെന്ന് കേന്ദ്രകാലാവസ്ഥാ വകുപ്പ്. രണ്ട് ജില്ലകളില് മഞ്ഞ അലര്ട്ട് പ്രഖ്യാപിച്ചിട്ടുണ്ട്. മലപ്പുറം, വയനാട് എന്നീ ജില്ലകളിലാണ് മഞ്ഞ അലര്ട്ട് പ്രഖ്യാപിച്ചിട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാദ്ധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്. കൂടാതെ അടുത്ത മൂന്ന് മണിക്കൂറില് കേരളത്തിലെ തിരുവനന്തപുരം ജില്ലയില് ഒറ്റപ്പെട്ടയിടങ്ങളില് നേരിയ മഴയ്ക്ക് സാദ്ധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. മത്സ്യത്തൊഴിലാളി ജാഗ്രത നിര്ദ്ദേശം കേരള – ലക്ഷദ്വീപ് തീരങ്ങളില് ഇന്ന് മത്സ്യബന്ധനത്തിന് പോകാന് പാടില്ലെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ഇന്ന് തെക്കന് കേരളതീരത്തും ലക്ഷദ്വീപ് പ്രദേശത്തും മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് മണിക്കൂറില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാദ്ധ്യതയുണ്ട്.
Read More » -
“പ്രൊഫൈല് ചിത്രത്തെ തെറ്റായി വ്യാഖ്യാനിച്ചു, സെക്രട്ടേറിയറ്റില് എടുക്കാത്തതില് ഇച്ഛാഭംഗമോ പ്രയാസമോ ഇല്ല”
തിരുവനന്തപുരം: സിപിഎം സംസ്ഥാന സെക്രട്ടറിയേറ്റിലെടുക്കാത്തതില് അതൃപ്തനാണെന്ന വാര്ത്തകള് തളളി സംസ്ഥാനസമിതി അംഗം കടകംപള്ളി സുരേന്ദ്രന്. ഫെയ്സ്ബുക്കില് പങ്കുവെച്ച ചിത്രവുമായി ബന്ധപ്പെട്ട അഭ്യൂഹങ്ങള് തള്ളിയ അദ്ദേഹം മാധ്യമങ്ങളെ കുറ്റപ്പെടുത്തി. ഫെയ്സ്ബുക്കിലെ കവര് ചിത്രം മാറ്റിയതില് ദുരുപദിഷ്ടമായ ഒന്നുമില്ലെന്നും അദ്ദേഹം മാധ്യമപ്രവര്ത്തകരോട് പറഞ്ഞു. പാര്ട്ടി കാലാകാലങ്ങളില് ഏല്പ്പിച്ച ഉത്തരവാദിത്വം ഏറെ സത്യസന്ധതയോടെയും ത്യാഗമനോഭാവത്തോടെയും ഏറ്റെടുത്ത ആളാണ് താന്. നാളിതുവരെയുള്ള സമ്മേളനങ്ങളില് നിന്നും വ്യത്യസ്തമായി വിഭാഗീയ പൂര്ണമായും ഇല്ലാതായ സമ്മേളനമായിരുന്നു കൊല്ലം സമ്മേളനമെന്നും അദ്ദേഹം പറഞ്ഞു. ‘എല്ലാവരും ഒറ്റക്കെട്ടായി പാര്ട്ടിക്കൊപ്പം നിന്ന സമ്മേളനം. ഒരു കുറ്റവും മാധ്യമങ്ങള്ക്ക് കാണാന് കഴിഞ്ഞില്ല. എന്നെ ഉപയോഗിച്ച് പാര്ട്ടിയെ ആക്രമിക്കാന് അനുവദിക്കില്ല. എനിക്ക് അര്ഹിക്കുന്നതിലേറെ പാര്ട്ടി തന്നുവെന്ന് വിശ്വസിക്കുന്നതായാളാണെന്നും’ കടകംപള്ളി പറഞ്ഞു. ‘സിപിഎം സംസ്ഥാന സെക്രട്ടറിയേറ്റിലെടുത്തില്ല എന്നതില് ഒരു ശതമാനം പ്രയാസമില്ല, ഫെയ്സ്ബുക്കില് പ്രൊഫൈല് ചിത്രം മാറ്റിയതില് യാതൊരു ദുരുദ്ദേശ്യവുമില്ല. ഫെയ്സ്ബുക്ക് കൈകാര്യം ചെയ്യുന്നത് ഞാന് നേരിട്ടല്ല. അഭിമാനപൂര്വ്വം എനിക്ക് ഉയര്ത്തിപ്പിടിക്കാന് സാധിക്കുന്ന ചിത്രമാണ് ഫെയ്സുബുക്കില് പങ്കുവെച്ചത്. അന്നത്തെ നവകേരള…
Read More » -
ജോര്ദാനില് വെടിയേറ്റ് മരിച്ച തുമ്പ സ്വദേശിയുടെ മൃതദേഹം വീട്ടിലെത്തിച്ചു
തിരുവനന്തപുരം: ജോര്ദാന് അതിര്ത്തിയില് വെടിയേറ്റു മരിച്ച തുമ്പ സ്വദേശി തോമസ് ഗബ്രിയേലിന്റെ മൃതദേഹം വീട്ടിലെത്തിച്ചു. പുലര്ച്ചെ 3.30ന് തിരുവനന്തപുരം വിമാനത്താവളത്തില് വച്ച് തോമസ് ഗബ്രിയേലിന്റെ മൃതദേഹം ബന്ധുക്കള് ഏറ്റുവാങ്ങി. അന്തിമോപചാരം അര്പ്പിക്കാന് മന്ത്രി ജി.ആര്.അനില് അടക്കം നിരവധി പേര് വീട്ടിലെത്തിയിരുന്നു. മൃതദേഹം തുമ്പ സെന്റ്.ജോണ്സ് പള്ളിയില് സംസ്കരിക്കും. ഫെബ്രുവരി 10 നാണ് ജോര്ദാന്ഇസ്രയേല് അതിര്ത്തിയില് ജോര്ദാന് സൈന്യത്തിന്റെ വെടിയേറ്റ് തോമസ് ഗബ്രിയേല് കൊല്ലപ്പെട്ടത്. ജോര്ദാനില്നിന്നു ഇസ്രയേലിലേക്കു കടക്കാനുള്ള ശ്രമത്തിനിടെയായിരുന്നു ദുരന്തം. ഒപ്പമുണ്ടായിരുന്ന ബന്ധു എഡിസണ് പരുക്കേറ്റ നിലയില് നാട്ടിലെത്തിയപ്പോഴാണു വിവരം പുറത്തറിയുന്നത്. തുമ്പ മേനംകുളം സ്വദേശിയായ തോമസ് ഗബ്രിയേല് ഓട്ടോ ഡ്രൈവറായിരുന്നു. മൂന്നുമാസത്തെ സന്ദര്ശക വിസയിലാണു തോമസും ബന്ധു എഡിസണും ജോര്ദാനില് എത്തിയത്. ഫെബ്രുവരി 10ന് കാരക് മേഖലയില്വച്ച് 4 പേരെ ജോര്ദാന് സേന തടഞ്ഞുവെന്നും വെടിവച്ചുവെന്നുമാണ് ഇന്ത്യന് എംബസിയില്നിന്നു കിട്ടിയ വിവരം. തോമസിന്റെ തലയിലും എഡിസന്റെ കാലിലും വെടിയേറ്റു. തോമസ് തല്ക്ഷണം മരിച്ചു. ജയിലിലായ എഡിസണെ ചികിത്സയ്ക്കു ശേഷം നാട്ടിലേക്കു…
Read More » -
കുവൈത്ത് എയര്വേസിലെ ദുരിത യാത്ര; ഡോക്ടര് ദമ്പതികള്ക്ക് വിമാനക്കമ്പനി പത്ത് ലക്ഷം രൂപ നഷ്ടപരിഹാരം നല്കാന് ഉത്തരവ്
മലപ്പുറം: കുവൈത്ത് എയര്വേസില് ഡോക്ടര് ദമ്പതിമാര്ക്കു നേരിട്ട ദുരിതയാത്രയ്ക്ക് വിമാനക്കമ്പനി 10 ലക്ഷം രൂപ നഷ്ടപരിഹാരം നല്കാന് വിധിച്ച് ജില്ലാ ഉപഭോക്തൃ കമ്മിഷന്. വളാഞ്ചേരി സ്വദേശികളായ ഡോ. എന്.എം. മുജീബ്റഹ്മാന്, ഡോ. സി.എം. ഷക്കീല എന്നിവര് കുവൈത്ത് എയര്വേസിനെതിരേ നല്കിയ പരാതിയിലാണ് നഷ്ട പരിഹാരം നല്കാന് ഉത്തരവിട്ടത്. 2023 നവംബര് 30-നും ഡിസംബര് 10-നുമാണ് പരാതിക്കാധാരമായ സംഭവം. നവംബര് 30-ന് കൊച്ചിയില്നിന്ന് കുവൈത്ത് വഴി ബാഴ്സലോണയിലേക്കും ഡിസംബര് 10-ന് മഡ്രിഡില്നിന്ന് തിരിച്ചും യാത്രചെയ്യാന് കുവൈത്ത് എയര്വേസില് ബിസിനസ് ക്ലാസില് ഇവര് ടിക്കറ്റ് ബുക്ക്ചെയ്തു. മഡ്രിഡില്നിന്ന് കയറിയശേഷമാണ് വിമാനം ദോഹ വഴിയാണ് പോകുന്നതെന്ന് അറിയിച്ചത്. ദോഹയില് ഇവര്ക്ക് ബിസിനസ് ക്ലാസ് ടിക്കറ്റില് നല്കുന്ന വിശ്രമസൗകര്യമോ ഭക്ഷണമോ നല്കിയില്ല. സ്വന്തം ചെലവിലാണ് ഭക്ഷണം വാങ്ങിയത്. തുടര് യാത്രയ്ക്ക് ബോര്ഡിങ് പാസ് ലഭിച്ചതിനാല് വിമാനത്തില് കയറിയെങ്കിലും ഇറക്കിവിട്ടു. നേരത്തേ ബുക്ക്ചെയ്തതില്നിന്ന് വ്യത്യസ്തമായി 24 മണിക്കൂര് വൈകിയാണ് നാട്ടിലെത്താനായത്. തുടര്ന്ന് വിമാനക്കമ്പനിയുടെ സേവനവീഴ്ചയ്ക്കെതിരേ ഉപഭോക്തൃ കമ്മിഷനില് പരാതി…
Read More »