Kerala
-
സംഘപരിവാര് ഭരണകൂടത്തിന്റെ ഏകാധിപത്യ വാഴ്ച്ച അനുവദിക്കാനാകില്ല ; സെന്സര്ഷിപ്പിനും കത്രികവെക്കലുകള്ക്ക് പ്രബുദ്ധ കേരളം വഴങ്ങില്ല ; പ്രദര്ശനാനുമതി നിഷേധിച്ച എല്ലാ സിനിമകളും ഐഎഫ്എഫ്കെയില് പ്രദര്ശിപ്പിക്കും
തിരുവനന്തപുരം: കേന്ദ്രസര്ക്കാര് പ്രദര്ശനാനുമതി നിഷേധിച്ച എല്ലാ സിനിമകളും ഐഎഫ്എഫ്കെയില് പ്രദര്ശിപ്പിക്കുമെന്ന് മുഖ്യമന്ത്രി പിണറായി വിജയന്. സംഘപരിവാര് ഭരണകൂടത്തിന്റെ ഏകാധിപത്യ വാഴ്ച്ചയുടെ നേര്ക്കാഴ്ച്ചയാണ് ഈ സെന്സര്ഷിപ്പെന്നും ഇത്തരം കത്രികവെക്കലുകള്ക്ക് പ്രബുദ്ധ കേരളം വഴങ്ങില്ലെന്നും അദ്ദേഹം പറഞ്ഞു. ചലച്ചിത്ര മേളയില് പ്രദര്ശിപ്പിക്കേണ്ടിയിരുന്ന സിനിമകള്ക്ക് പ്രദര്ശനാനുമതി നിഷേധിച്ച കേന്ദ്രസര്ക്കാര് നടപടി അംഗീകരിക്കാന് കഴിയില്ലെന്നും രാജ്യത്ത് ഭിന്ന സ്വരങ്ങളെയും വൈവിധ്യമാര്ന്ന സര്ഗാവിഷ്കാരങ്ങളെയും അടിച്ചമര്ത്തുന്ന സംഘപരിവാര് ഭരണകൂടത്തിന്റെ ഏകാധിപത്യ വാഴ്ചയുടെ നേര്ക്കാഴ്ച്ചയാണ് ചലച്ചിത്ര മേളയിലുണ്ടായിരിക്കുന്ന സെന്സര്ഷിപ്പെന്നും അദ്ദേഹം പറഞ്ഞു. ഇത്തരത്തിലുളള കത്രികവെക്കലുകള്ക്ക് പ്രബുദ്ധ കേരളം വഴങ്ങില്ലെന്നും മുഖ്യമന്ത്രി വ്യക്തമാക്കി. തിരുവനന്തപുരം രാജ്യാന്തര ചലച്ചിത്രമേളയില് 19 സിനിമകളാണ് കേന്ദ്രസര്ക്കാര് പ്രദര്ശനാനുമതി നിഷേധിച്ചത്. പാലസ്തീന് പ്രമേയം ചര്ച്ചയാകുന്ന സിനിമകള്ക്കാണ് അനുമതി നിഷേധിച്ചത്. ഇതുമൂലം മേളയിലെ ആദ്യ ദിവസങ്ങളില് സിനിമ പ്രദര്ശനം നിര്ത്തി വെയ്ക്കേണ്ട സാഹചര്യം ഉണ്ടായിരിക്കുകയാണ്. അടുത്ത വര്ഷം മേള നടക്കുമോ എന്ന് തന്നെ സംശയമുണ്ടെന്നാണ് സാംസ്ക്കാരിക മന്ത്രി വ്യക്തമാക്കിയത്. കഴിഞ്ഞ 26 വര്ഷമായി വിജയകരമായി നടത്തിവരുന്ന മേള തകര്ക്കാനുള്ള ശ്രമമെന്നും…
Read More » -
മുഖ്യമന്ത്രിയുടെ ക്രിസ്മസ് വിരുന്നില് അതിഥിയായി പങ്കെടുക്കുന്നത് നടി ഭാവന ; വിരുന്ന് നടന്നത് തലസ്ഥാനത്ത് ; 26 ാമത് ചലച്ചിത്രോത്സവത്തില് എത്തിയതിനെ അനുസ്മരിപ്പിച്ച് നടി
തിരുവനന്തപുരം: വിവിധമേഖലകളിലെ നേതാക്കന്മാര് അടക്കം പങ്കെടുക്കുന്ന പരിപാടിയില് സര്ക്കാരിന്റെ അതിഥിയായി എത്തിയത് നടി ഭാവന. സര്ക്കാരിന്റെ ക്രിസ്മസ് വിരുന്നില് മുഖ്യാതിഥിയായി നടി ഭാവനയെത്തി. മുഖ്യമന്ത്രി പിണറായി വിജയന് ഇന്ന് ഉച്ചയ്ക്ക് തിരുവനന്തപുരത്ത് ഒരുക്കിയ ക്രിസ്മസ് വിരുന്നിലാണ് ഭാവന പങ്കെടുത്തത്. മതനേതാക്കള്, സാമൂഹ്യ-സാംസ്കാരിക പ്രവര്ത്തകര്, രാഷ്ട്രീയ നേതാക്കള് തുടങ്ങിയവരും വിരുന്നിനെത്തുന്നത് നേരത്തെ 26-ാമത് അന്താരാഷ്ട്ര ചലച്ചിത്ര മേള ഉദ്ഘാടനം ചെയ്തതും ഭാവനയായിരുന്നു. ചലച്ചിത്ര അക്കാദമി ചെയര്മാനായിരുന്ന രഞ്ജിത്താണ് ഭാവനയെ അപ്രതീക്ഷിതമായി വേദിയിലേക്ക് ക്ഷണിച്ചത്. വലിയ കയ്യടിയോടെയായിരുന്നു ഭാവനയെ സദസ് സ്വീകരിച്ചത്. ദീര്ഘനാളായി മലയാള സിനിമയില് നിന്നും വിട്ടു നില്ക്കുന്ന നടി ഏറെക്കാലത്തിന് ശേഷമാണ് ഒരു പരിപാടിയില് പങ്കെടുക്കുന്നത്. അതേസമയം പരിപാടിയില് പങ്കെടുക്കേണ്ട ഗവര്ണര് രാജേന്ദ്ര ആര്ലേക്കര് ഗോവയിലായതിനാല് വിരുന്നില് പങ്കെടുത്തില്ല. പകരം ലോക്ഭവനില് നടക്കുന്ന വിരുന്നില് മുഖ്യമന്ത്രി പങ്കെടുത്തേക്കും.
Read More » -
കളങ്കാവല് റീലുമായി തൃശൂര് സിറ്റി പോലീസ്; സൈബര് തട്ടിപ്പുകളെ കരുതിയിരിക്കുകയെന്ന മുന്നറിയിപ്പ്
തൃശൂര്: മമ്മൂട്ടി വില്ലന് വേഷത്തില് നിറഞ്ഞാടുന്ന കളങ്കാവല് എന്ന പുതിയ ചിത്രത്തിലെ ഒരു രംഗം ഉപയോഗിച്ച് തൃശൂര് സിറ്റി പോലീസിന്റെ സൈബര് തട്ടിപ്പ് മുന്നറിയിപ്പ് റീല്സ് കയ്യടി നേടുന്നു. കളങ്കാവല് സിനിമയിലെ തമിഴ് പാട്ടും മമ്മൂട്ടി അഭിനയിച്ചിരിക്കുന്ന ഒരു രംഗവും ചേര്ത്താണ് റീല്സ് ഒരുക്കിയിരിക്കുന്നത്. മമ്മൂട്ടിയുടെ മുഖം മാസ്ക് വെച്ച് മറച്ച നിലയിലാണ് റീല്സില്. റീല്സ് അവസാനിക്കുമ്പോള് മുന്നറിയിപ്പ് മെസേജുകള് സ്ക്രീനില് തെളിയും. അവര് അപരിചിതരാകാം, വ്യാജ ലിങ്കുകളാകാം, അന്വേഷണ ഉദ്യോഗസ്ഥരെന്ന് അവകാശപ്പെടുന്നവരാകാം, ഒടിപിയോ മറ്റു സാമ്പത്തിക വിവരങ്ങളോ ചോദിക്കുന്നവരാകാം, നിങ്ങളെ മോഹിപ്പിച്ചേക്കാം, മികച്ച വാഗ്ദാനങ്ങളിലൂടെ ആകര്ഷിച്ചേക്കാം, സൈബര് തട്ടിപ്പുകളെ കരുതിയിരിക്കുക, സൈബര് ഹെല്പ് ലൈന് 1930 എന്ന അറിയിപ്പിനു ശേഷം കേരള പോലീസിന്റെ എംബ്ലം തെളിയുന്നതോടെയാണ് റീല്സ് അവസാനിക്കുക. കളങ്കാവല് എന്ന സിനിമയുടെ തീമുമായി ഏറെ സാമ്യം പുലര്ത്തിക്കൊണ്ട് തൃശൂര് സിറ്റി പോലീസ് ഒരുക്കിയ ഈ റീല്സ് ഇതിനകം തന്നെ പ്രശംസ പിടിച്ചുപറ്റിക്കഴിഞ്ഞു.
Read More » -
വിമര്ശിക്കാന് മാത്രം ഒരു സംഘടനയോ? ഭരണപരാജയം മറയ്ക്കാന് എല്ലാം സിപിഎമ്മിന്റെ തലയില് ചാരി സിപിഐ; കിട്ടിയ വകുപ്പുകളില് കെ. രാജന് ഒഴിച്ചുള്ളവര് എല്ലാം പരാജയം; കാര്ഷിക രംഗവും നെല്ല് ഏറ്റെടുപ്പും കുളമാക്കി; പിഎം ശ്രീ വിവാദത്തിനു പിന്നിലും കടുത്ത വിഭാഗീയത; നേതാക്കള് ‘ഇമേജ്’ തടവറയില്
തിരുവനന്തപുരം: തദ്ദേശ തെരഞ്ഞെടുപ്പിലെ പരാജയത്തിനു പിന്നാലെ സിപിഎമ്മിന്റെ തലയില് കെട്ടിവച്ചു തടിയൂരാന് സിപിഐയില് കൊണ്ടുപിടിച്ച ശ്രമം. സിപിഐയിലെ നേതാക്കള്ക്കിടയിലുള്ള കടുത്ത വിഭാഗീയത മറച്ചു വയ്ക്കാനാണ് എല്ലാ കുറ്റവും മുഖ്യമന്ത്രിയുടെയും സിപിഎമ്മിന്റെയും ഉത്തരവാദിത്വമായി ചിത്രീകരിക്കാനുള്ള നീക്കം നടക്കുന്നത്. ഇതിന്റെ ഭാഗമായിട്ടാണ് കഴിഞ്ഞ ദിവസം ജനയുഗത്തില് വന്ന മുഖപ്രസംഗത്തെയും പ്രമുഖ നേതാക്കള് വിലയിരുത്തുന്നത്. സംഘടനാതലത്തില് അടുത്തിടെ സിപിഐയില് കടുത്ത പ്രതിന്ധിയാണ് ഉണ്ടായത്. നിരവധി നേതാക്കള് പാര്ട്ടിവിട്ടു സിപിഎമ്മില് ചേര്ന്നു. ബിനോയ് വിശ്വത്തിനെതിരേ കടുത്ത വിമര്ശനങ്ങള് ഉയര്ന്നു. മാധ്യമ വിലയിരുത്തലുകള്ക്കനുസരിച്ച് പ്രതികരിക്കുകയും ആഴത്തിലുള്ള നിരീക്ഷണം ഉണ്ടാകുന്നില്ലെന്നും ജില്ലാ നേതാക്കള്ക്കിടയിലും വിമര്ശനമുണ്ട്. സ്വന്തം ഇമേജിന്റെ തടവറയിലാണെന്നും ആരോപിക്കുന്നു. മുന്ഗണനാ ക്രമങ്ങള് പാളുന്നെന്നും മുഖ്യമന്ത്രി ഒറ്റയാള് പട്ടാളമായി കാര്യങ്ങള് തീരുമാനിക്കുന്നു എന്നുമാണ് ഇപ്പോള് ഉയരുന്ന വിമര്ശനം. മുന്നണിയെ വിശ്വാസത്തില് എടുക്കുന്നില്ലെന്നും സിപിഐ ആരോപിക്കുന്നു. പ്രശ്നങ്ങള് സിപിഎമ്മുമായി നേരിട്ട് ചര്ച്ച ചെയ്യാനും പരസ്യ വിവാദങ്ങളില്നിന്നു വിട്ടു നില്ക്കാനുമാണ് സിപിഐ സെക്രട്ടേറിയറ്റ്, നിര്വാഹകസമിതി യോഗങ്ങളില് ഉണ്ടായ ധാരണ. എതിര്പ്രചാരണങ്ങളെ മറികടക്കാന് പോന്ന…
Read More » -
സര്ക്കാര് ജീവനക്കാര്ക്ക് കോളുകാലം! ശമ്പള വര്ധന വരുന്നു; ശമ്പള കമ്മീഷനു പകരം കമ്മിറ്റിയെ ചുമതലപ്പെടുത്തും; കുടിശികയും നികത്തും; അലവന്സുകളിലും വര്ധന
തിരുവനന്തപുരം: തെരഞ്ഞെടുപ്പിനു പിന്നാലെ സര്ക്കാര് ജീവനക്കാരുടെ ശമ്പള വര്ധനയില് ഉടന് തീരുമാനമായേക്കും. കുടിശികയും വേഗത്തില് നികത്തുമെന്നു വിവരം. ശമ്പള കമ്മീഷന് നിയമനവും ശിപാര്ശയും നടപ്പാക്കലും അനന്തമായി നീളുന്ന സാഹചര്യത്തില് കമ്മീഷനു പകരം ശമ്പള കമ്മിറ്റിയെ ആകും ചുമതലപ്പെടുത്തുക. ധന അഡിഷനല് ചീഫ് സെക്രട്ടറിയുടെ നേതൃത്വത്തില് ഉദ്യോഗസ്ഥ സമിതിയാകും തീരുമാനമെടുക്കുക. കമ്മിറ്റിയെ നിയോഗിക്കുന്ന കാര്യം ധനവകുപ്പ് നേരത്തേ തന്നെ തീരുമാനിച്ചിരുന്നെങ്കിലും തദ്ദേശ തിരഞ്ഞെടുപ്പിലെ ഫലത്തിന്റെ സാഹചര്യത്തില് പ്രഖ്യാപനം വൈകില്ല. 2019 ഒക്ടോബറിലാണ് 11-ാം ശമ്പളക്കമ്മിഷനെ ഒന്നാം പിണറായി സര്ക്കാര് നിയമിച്ചത്. 2019 ജൂലൈ മുതല് മുന്കാല പ്രാബല്യത്തോടെ പുതുക്കിയ ശമ്പളം കഴിഞ്ഞ നിയമസഭാ തിരഞ്ഞെടുപ്പിനു തൊട്ടുമുന്പ് 2021 മാര്ച്ച് മുതല് വിതരണം ചെയ്തു. 2024 ജൂലൈ മുതല് 12-ാം ശമ്പള പരിഷ്കരണം പ്രാബല്യത്തില് ആകേണ്ടതാണെങ്കിലും സാമ്പത്തിക പ്രതിസന്ധി കാരണം തീരുമാനം സര്ക്കാര് നീട്ടിക്കൊണ്ടു പോകുകയായിരുന്നു. കഴിഞ്ഞ പരിഷ്കരണത്തിന്റെ കുടിശിക നാലു ഗഡുക്കളായി വിതരണം ചെയ്യുമെന്നു സര്ക്കാര് പ്രഖ്യാപിച്ചെങ്കിലും ഇനിയും രണ്ടു ഗഡുക്കള് നല്കാന്…
Read More » -
അടിതെറ്റിയ ഇടതുപാളയത്തില് അടി തുടങ്ങി; വല്യേട്ടനെ വിമര്ശിച്ച് സിപിഐ; സിപിഎമ്മിന്റെ നയങ്ങളെ തിരുത്താന് നിശ്ചയിച്ചുറപ്പിച്ച് സിപിഐ; മുഖ്യമന്ത്രി പല തീരുമാനങ്ങളും ഒറ്റക്കെടുക്കുന്നതായി രൂക്ഷ വിമര്ശനം
തിരുവനന്തപുരം: തദ്ദേശതെരഞ്ഞെടുപ്പില് അടിത്തറപാളിയ ഇടതുമുന്നണിക്കുള്ളില് സിപിഎമ്മിനെതിരെ രൂക്ഷ വിമര്ശനവുമായി സിപിഐ. ജനയുഗത്തിലെ വിമര്ശനാത്മക എഡിറ്റോറിയലിന് പിന്നാലെയാണ് ഇടിത്തീ പോലെ വിമര്ശനവുമായി സിപിഐ നേരിട്ട് രംഗത്തെത്തിയത്. സിപിഐ യോഗത്തിലാണ് സിപിഎമ്മിനും മുഖ്യമന്ത്രിക്കുമെതിരെ വിമര്ശനമുയര്ന്നത്. തദ്ദേശ തെരഞ്ഞെടുപ്പ് പരാജയത്തിന്റെ പശ്ചാത്തലത്തില് ചേര്ന്ന സിപിഐ നേതൃയോഗത്തിലാണ് മുഖ്യമന്ത്രി പിണറായി വിജയനെതിരെ വിമര്ശനമുണ്ടായത്. മുന്നണിയെ മുഖ്യമന്ത്രി വിശ്വാസത്തിലെടുക്കുന്നില്ലെന്ന പരസ്യവിമര്ശനംം യോഗത്തിലുണ്ടായി. മുഖ്യമന്ത്രി പല തീരുമാനങ്ങളും ഒറ്റയ്ക്ക് എടുക്കുകയാണ്. പി എം ശ്രീ അതിന് ഉദാഹരണമാണ്. പി എം ശ്രീയും വെള്ളാപ്പള്ളി നടേശന്റെ സമുദായ വിരുദ്ധ നിലപാടും മുസ്ലിം ന്യൂനപക്ഷത്തെ എല്ഡിഎഫില് നിന്നകറ്റിയെന്നും ,സിപിഐ വിലയിരുത്തി. ശബരിമല സ്വര്ണ്ണക്കൊള്ള തോല്വിക്ക് പ്രധാന കാരണമായെന്ന അഭിപ്രായവും ഇടതുമുന്നണിക്കുള്ളിലെ പ്രധാന ഘടകകക്ഷിയില് നിന്നുണ്ടായി. ഭരണവിരുദ്ധ വികാരം അടിത്തട്ടില് ഉണ്ടായെന്നും യോഗം അഭിപ്രായപ്പെട്ടു. തദ്ദേശ തെരഞ്ഞെടുപ്പിലെ തിരിച്ചടിക്ക് പിന്നാലെ എല്ഡിഎഫ് സര്ക്കാരിനെ സിപിഐ മുഖപത്രമായ ജനയുഗം വിമര്ശിച്ചിരുന്നു. ആത്മപരിശോധനയും ഗതിമാറ്റവും അനിവാര്യമാക്കുന്ന തെരഞ്ഞെടുപ്പുഫലം എന്ന തലക്കെട്ടിലുള്ള എഡിറ്റോറിയലിലാണ് ജനയുഗം കടുത്ത…
Read More » -
മെസിയും മോദിയും രാഹുലും പിന്നെ നമ്മുടെ സന്ദീപ് വാര്യരും; മെസി-മോദി കൂടിക്കാഴ്ച മുടങ്ങിയതിന്റെ കാരണം കണ്ടുപിടിച്ച് വാര്യര്; മെസി ആദ്യം രാഹുലിനെ കണ്ടതുകൊണ്ടത്രെ മോദി പിണങ്ങി രാജ്യം വിട്ടത്
പാലക്കാട്; ചില നേരത്ത് സന്ദീപ് വാര്യര്ക്ക് നല്ല കോമഡി മൂഡാണ്. എന്താണ് എങ്ങിനെയാണ് പറയുന്നത് എന്നൊന്നും നോക്കില്ല. വെച്ചങ്കട് കാച്ചും. മെസിയും മോദിയും തമ്മിലുള്ള കൂടിക്കാഴ്ച മുടങ്ങിയതിന്റെ കാര്യകാരണങ്ങളും നൂറു തിരക്കിനിടയില് സന്ദീപ് വാര്യര് കണ്ടെത്തിയിരിക്കുന്നു. മുന്കൂര് ജാമ്യത്തിന്റെ തീരുമാനമൊക്കെ ഇന്ന് വരാനിരിക്കെയാണ് അന്താരാഷ്ട്ര വിഷയങ്ങളില് വാര്യര് ഇത്രമാത്രം ശ്രദ്ധ കേന്ദ്രീകരിച്ചിരിക്കുന്നത്. മെസി ആദ്യം രാഹുല്ഗാന്ധിയെ കണ്ടതു കൊണ്ടാണത്രെ മെസിയെ കാണാന് പ്രധാനമന്ത്രി നരേന്ദ്രമോദി കൂട്ടാക്കാതെ നാടുവിട്ടതെന്നാണ് സന്ദീപ് വാര്യര് കണ്ടുപിടിച്ചിരിക്കുന്നത്. മെസിയെ സ്നേഹിക്കുന്നവര് മോദിയോട് പൊറുക്കില്ലെന്നും സന്ദീപ് വാര്യര് ഓര്മിപ്പിക്കുന്നുണ്ട്. ഈ നാട്ടിലെ ഫുട്ബോളിനെ സ്നേഹിക്കുന്ന, മെസിയെ സ്നേഹിക്കുന്നവര് മോദിയോട് പൊറുക്കില്ലെന്ന് ബിജെപി വിട്ട് കോണ്ഗ്രസിലെത്തിയ സന്ദീപ് വാര്യര് പറഞ്ഞു. തന്നെ കാണുന്നതിനു മുന്നേ രാഹുല് ഗാന്ധിയെ കണ്ടതിന് മെസിയോട് പിണങ്ങി നിശ്ചയിച്ച കൂടിക്കാഴ്ച നടത്താതെ നരേന്ദ്ര മോദി നാടുവിട്ടു. ഈ നാടിന്റെ പ്രധാനമന്ത്രിയാണ് മെസിയെ പോലെ ലോക ജനത ആരാധിക്കുന്ന ഒരു ഫുട്ബോളറെ അവഹേളിച്ചിരിക്കുന്നതെന്നും സന്ദീപ് പറഞ്ഞു.…
Read More » -
മേയര് സ്ഥാനം; ആര്എസ്എസിന്റെ പച്ചക്കൊടി വി.വി. രാജേഷിന്; രാഷ്ട്രീയ പ്രവര്ത്തന പരിചയമുള്ളവര് നയിക്കണമെന്ന് നിര്ദേശം; 20നു ചേരുന്ന യോഗത്തില് തീരുമാനം; ശ്രീലേഖ ഡെപ്യൂട്ടി മേയറാകും
തിരുവനന്തപുരം: തിരുവനന്തപുരം കോര്പറേഷനില് മേയര് ആരാകണമെന്നതില് തീരുമാനം രണ്ടുദിവസത്തിനകം. വി.വി. രാജേഷിന് അനുകൂലമാണ് സംസ്ഥാന നേതൃത്വവും ആര്എസ്എസും. 20 ചേരുന്ന നിയുക്ത കൗണ്സിലര്മാരുടെ യോഗത്തില് പ്രഖ്യാപനമുണ്ടാകും. അത്ഭുതങ്ങളോ അട്ടിമറികളോ സംഭവിച്ചില്ലെങ്കില് ബിജെപി സംസ്ഥാന സെക്രട്ടറി വി.വി. രാജേഷ് തിരുവനന്തപുരം കോര്പറേഷന്റെ ആദ്യമേയറാകും. ആര്എസ്എസും രാജേഷിന് അനുകൂല നിലപാടാണ് സ്വീകരിച്ചതെന്ന് അറിയുന്നു. രാഷ്ട്രീയ പ്രവര്ത്തനാനുഭവമുള്ളയാള് തന്നെ മേയര് സ്ഥാനത്തെത്തണമെന്നാണ് ആര്എസ്എസിന്റെ അഭിപ്രായവും. ഇപ്പോള് ബംഗളൂരുവിലുള്ള ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര് ഇന്നോ നാളെയോ ഡല്ഹിയിലെത്തി കേന്ദ്ര നേതൃത്വമായി കൂടിക്കാഴ്ച നടത്തുന്നതോടെ മേയര് ആരാകണമെന്നതില് ധാരണയാകും. മുന്ഡിജിപി ആര്. ശ്രീലേഖ ഡപ്യൂട്ടിമേയറാകാനാണ് സാധ്യത. ഏതുസ്ഥാനവും ഏറ്റെടുക്കാന് സന്നദ്ധയാണെന്ന് അവര് സംസ്ഥാന നേതൃത്വത്തെ അറിയിച്ചിട്ടുണ്ട്. ഈമാസം 20 ന് വിജയിച്ച കൗണ്സിലര്മാരുടെ യോഗം ചേരും. അന്നുതന്നെ നേതാവിനെ പ്രഖ്യാപിക്കും.
Read More » -
ദിലീപിനെതിരേ കെട്ടിച്ചമച്ച സാക്ഷി? ബാലചന്ദ്ര കുമാറിന്റെ തെളിവുകളിലും വൈരുധ്യമെന്ന് കോടതി വിധിയില്; ‘അന്വേഷണ ഉദ്യോഗസ്ഥന്റെ ഭാഗത്തുനിന്ന് വന് വീഴ്ചകള്; മൊഴികളില് പലതും ഒഴിവാക്കി; വിചാരണയിലും മറുപടിയില്ല; വോയ്സ് ക്ലിപ്പുകള് റെക്കോഡ് ചെയ്ത ഉപകരണങ്ങളും അപ്രത്യക്ഷമായി’
കൊച്ചി: ദിലീപിനെതിരായ ബാലചന്ദ്രകുമാറിന്റെ വെളിപ്പെടുത്തലുകള് തെളിയിക്കാന് അന്വേഷണ സംഘം സാക്ഷികളെ കെട്ടിച്ചമച്ചുവെന്നും ഗൂഢമായ ഇടപെടല് നടത്തിയെന്നും വിചാരണ കോടതി. ജയിലിലെ ദിലീപ്- ബാലചന്ദ്രകുമാര് കൂടിക്കാഴ്ചയിലെ നിര്ണായക സാക്ഷിയാക്കി ഉള്പ്പെടുത്തിയ ആള് ബധിരനും മൂകനുമാണെന്ന് കണ്ടെത്തിയതോടെ അന്വേഷണസംഘം തന്ത്രപരമായി ഒഴിവാക്കിയെന്നും കോടതി വിധിയില്. ദിലീപിനെതിരായ നിര്ണായക തെളിവുകളെന്ന് പ്രോസിക്യൂഷന് അവതരിപ്പിച്ച ശബ്ദസാംപിളുകള്ക്കു വിശ്വാസ്യതയില്ലെന്ന് കാര്യകാരണങ്ങള് സഹിതം വിധിയില് വ്യക്തമാക്കുന്നു. കേസില് അന്വേഷണ ഉദ്യോഗസ്ഥന്റെ ഭാഗത്തുനിന്നുണ്ടായ സമാനതകളില്ലാത്ത കൃത്യവിലോപവും വീഴ്ചകളുമാണ് വിധിയില് അക്കമിട്ട് നിരത്തുന്നത്. ഇതില് ഏറ്റവും പ്രധാനമാണ് ബാലചന്ദ്രകുമാര് എപ്പിസോഡിലെ സാക്ഷി ഫ്രാന്സിസ് സേവ്യര്. ബാലചന്ദ്രകുമാര് ദിലീപിനെ ജയിലില് പോയി കണ്ടതിന് സാക്ഷിയായിരുന്നു റിമാന്ഡ് തടവുകാരനായ ഫ്രാന്സിസ് സേവ്യര്. ദിലീപിനെ കാണാന് ചെന്നപ്പോള് ഫ്രാന്സിസ് സേവ്യറുമായി താന് സംസാരിച്ചുവെന്ന് മുഖ്യമന്ത്രിക്ക് ബാലചന്ദ്രകുമാര് അയച്ച പരാതിയില് വ്യക്തമാക്കിയിരുന്നു. തന്റെ സിനിമയെ കുറിച്ചടക്കം ദിലീപ് സംസാരിച്ചിരുന്നതായി ഇയാള് പറഞ്ഞതായും ബാലചന്ദ്രകുമാറിന്റെ മൊഴിയിലുണ്ട്. കുറ്റപത്രത്തില് ഈ ഭാഗം പൂര്ണമായും ഒഴിവാക്കി. ഇതിന്റെ കാരണം തേടിയപ്പോള് അന്വേഷണ ഉദ്യോഗസ്ഥന്…
Read More » -
ശബരിമല തീര്ഥാടകര് സഞ്ചരിച്ച ബസ് മറിഞ്ഞ് നാലുപേര്ക്കു പരിക്ക്; ഒരാളുടെ കാല് അറ്റുപോയി; ഇന്നലെ രണ്ടുപേര് അപകടത്തില് മരിച്ചതിനു പിന്നാലെ വീണ്ടും ദാരുണ സംഭവം
പത്തനംതിട്ട: വടശ്ശേരിക്കരയില് ശബരിമല തീര്ഥാടകര് സഞ്ചരിച്ച ബസ് മറിഞ്ഞു. ആന്ധ്രയില് നിന്നുള്ള നാല് തീര്ഥാടകര്ക്ക് പരുക്ക്. ഇവരെ റാന്നി താലൂക്ക് ആശുപത്രിയില് പ്രവേശിപ്പിച്ചു. ഇന്നലെ കൊല്ലം നിലമേലില് ശബരിമല തീര്ഥാടകര് സഞ്ചരിച്ച വാഹനം അപകടത്തില്പ്പെട്ട് രണ്ടുപേർക്ക് ദാരുണാന്ത്യം സംഭവിച്ചായിരുന്നു. തീര്ഥാടകര് സഞ്ചരിച്ച കാറും കെഎസ്ആര്ടിസി ബസും കൂട്ടിയിടിച്ചാണ് അപകടം ഉണ്ടായത്. കാറിലുണ്ടായിരുന്ന തിരുവനന്തപുരം പൂജപ്പുര പുന്നമുകള് സ്വദേശികളായ ബിച്ചു ചന്ദ്രന്, സതീഷ് എന്നിവരാണ് മരിച്ചത്. ശബരിമല ദര്ശനം കഴിഞ്ഞ് മടങ്ങുകയായിരുന്നവരാണ് അപകടത്തില്പെട്ടത്. കൊട്ടാരക്കര ഭാഗത്തേക്ക് പോകുകയായിരുന്ന കെഎസ്ആര്ടിസി ബസുമായാണ് കാര് കൂട്ടിയിടിച്ചത്. അപകടത്തില് കാറിന്റെ മുന്ഭാഗം പൂര്ണമായും തകര്ന്നു. അഗ്നിരക്ഷാസേന ഉദ്യോഗസ്ഥരെത്തി കാര് വെട്ടിപ്പൊളിച്ചാണ് ഒരാളെ പുറത്തെടുത്തത്. കാറിലുണ്ടായരുന്ന മൂന്നുപേരെയും വെഞ്ഞാറമൂട്ടിലെ സ്വകാര്യ ആശുപത്രിയില് എത്തിച്ചെങ്കിലും രണ്ടുപേരുടെ ജീവന് രക്ഷിക്കാനായില്ല. കുട്ടിയെ വിദഗ്ധ ചികിത്സയ്ക്കായി തിരുവനന്തപുരത്തെ മറ്റൊരു സ്വകാര്യ ആശുപത്രിയിലേക്ക് മാറ്റി.അപകടത്തെ തുടര്ന്ന് എംസി റോഡില് ഗതാഗതം ചെറിയ തോതില് തടസപ്പെട്ടിരുന്നു. ചടയമംഗലം പോലീസും അഗ്നിരക്ഷാസേനയും നാട്ടുകാരും ചേര്ന്നാണ്…
Read More »