India
-
യുഎന് വിലക്ക് നീങ്ങി; വര്ഷങ്ങള്ക്കു ശേഷം താലിബാന് വിദേശകാര്യ മന്ത്രി ഇന്ത്യയിലേക്ക്; ഇത്രകാലം ഉടക്കുവച്ചത് പാകിസ്താന്; അഫ്ഗാന് പിടിച്ചശേഷം ആദ്യമെത്തുന്ന ഇസ്ലാമിക നേതാവ്; റഷ്യയില് നിന്ന് നേരേ ഇന്ത്യയിലേക്ക് എത്തുമെന്ന് സൂചന
ന്യൂഡല്ഹി: അഫ്ഗാനിസ്താനില് ഇന്റര്നെറ്റിനടക്കം വിലക്ക് ഏര്പ്പെടുത്തിയ താലിബാന് ഭരണകൂടത്തിലെ പ്രധാനി ഇന്ത്യ സന്ദര്ശിക്കാന് എത്തുന്നു. താലിബാന് വിദേശകാര്യ മന്ത്രി അമീര് ഖാന് മുത്താഖി ഒക്ടോബര് 10ന് ഇന്ത്യയിലെത്തുമെന്നാണു വിവരം. ഐക്യരാഷ്ട്ര സഭയുടെ സുരക്ഷാ കൗണ്സില് യാത്രാ വിലക്ക് നീക്കിയതിനു പിന്നാലെയാണ് താലിബാന് മന്ത്രിക്ക് ഇന്ത്യയിലെത്താന് വഴിയൊരുങ്ങുന്നത് നേതത്തേയും അമീര് ഇന്ത്യ സന്ദര്ശനത്തിനു പദ്ധതിയിട്ടിരുന്നെങ്കിലും യാത്രാ വിലക്കിനെ തുടര്ന്നു മാറ്റിവയ്ക്കേണ്ടിവന്നു. പാകിസ്താന് അടക്കമുള്ള രാജ്യങ്ങളുടെ എതിര്പ്പിനെത്തുടര്ന്നാണ് ഇത്രകാലവും യാത്രാവിലക്ക് നേരിടേണ്ടിവന്നത്. ഒമ്പതുമുതല് 16 വരെയാണ് ഇന്ത്യ സന്ദര്ശിക്കുന്നതിന് ഇളവു നല്കിയിരിക്കുന്നതെന്ന് യുഎന് സുരക്ഷാ കൗണ്സില് പ്രസ്താവനയില് വ്യക്തമാക്കി. 2021 ഓഗസ്റ്റില് അഷ്റഫ് ഗാനി സര്ക്കാര് വീണതിനുശേഷം ആദ്യമായി ഇന്ത്യ സന്ദര്ശിക്കുന്ന താലിബാന് നേതാവാണ് അമീര്. അഫ്ഗാനിലെ താലിബാന് ഭരണത്തെ ഇന്ത്യ ഔദ്യോഗികമായി അംഗീകരിച്ചിട്ടില്ലെങ്കിലും സാങ്കേതികമായി ബന്ധം പുനരാരംഭിച്ചിരുന്നു. കഴിഞ്ഞ വര്ഷവും താലിബാന് ഭരണകൂടവുമായി ചര്ച്ചകള് നടത്തിയിരുന്നു. ഇപ്പോഴും താലിബാന്റെ മുതിര്ന്ന നേതാക്കള്ക്ക് യുഎന് വിലക്ക് തുടരുകയാണ്. ഇവര് വിലക്കു നീക്കാനുള്ള പരിശ്രമത്തിലുമാണ്. 2015ല്…
Read More » -
കരാര് ഹമാസ് അംഗീകരിക്കുമെന്ന് പ്രതീക്ഷ; സമയം എത്ര നല്കാമെന്ന് ട്രംപ് തീരുമാനിക്കും: നിലപാട് വ്യക്തമാക്കി വൈറ്റ് ഹൗസ്; ഇസ്രയേല് അംഗീകരിച്ചിട്ടും നിലപാട് വ്യക്തമാക്കാതെ ഹമാസ്; അറബ് രാജ്യങ്ങളും അമേരിക്കയ്ക്ക് ഒപ്പം
വാഷിംഗ്ടണ്: യുഎസ് പ്രസിഡന്റ് ഡോണള്ഡ് ട്രംപിന്റെ നേതൃത്വത്തില് രൂപീകരിച്ച ഗാസ വെടിനിര്ത്തലിനുള്ള 20 ഇന കരാര് അംഗീകരിക്കാന് ഹമാസിനു ട്രംപ് സമയം തീരുമാനിക്കുമെന്നു വൈറ്റ് ഹൗസ്. കരാറിന് ഇസ്രയേല് പിന്തുണ നല്കിയതിനു പിന്നാലെയാണ് ഹമാസിന്റെ തീരുമാനത്തിനായി കാത്തിരിക്കുന്നത്. എന്നാല്, എന്നുമുതല് കരാര് അംഗീകരിക്കാനുള്ള സമയം ആരംഭിക്കുമെന്നു വ്യക്തമല്ല. ഹമാസിനു പരമാവധി നാലു ദിവസം അനുവദിക്കുമെന്നാണു ട്രംപ് ചൊവ്വാഴ്ച പറഞ്ഞത്. ഇതിലൊന്നു ഹമാസ് തീവ്രവാദികള് ആയുധമൊഴിയണമെന്നാണ്. ഇക്കാര്യം നേരത്തേ ഹമാസ് തള്ളിയതാണ്. എന്നാല്, പുതിയ സാഹചര്യത്തില് ഹമാസ് കാര്യങ്ങള് പരിശോധിക്കുകയാണെന്നു റോയിട്ടേഴ്സ് റിപ്പോര്ട്ട് ചെയ്തു. ഹമാസ് കരാറില്നിന്നു പിന്വാങ്ങുകയാണെങ്കില് എന്തു ചെയ്യുമെന്ന ചോദ്യത്തോടു പ്രതികരിക്കുന്നതിനിടെയാണു െൈവറ്റ് ഹൗസ് വക്താവ് കരോളിന് ലെവിറ്റ് ട്രംപിന്റെ നിലപാടു വ്യക്തമാക്കിയത്. ‘ഹമാസിനുമുന്നില് വരയ്ക്കേണ്ട ചുവന്ന വരയെക്കുറിച്ച് ട്രംപും വൈറ്റ് ഹൗസും തീരുമാനിക്കും. അദ്ദേഹത്തിന് അതിനു കഴിയുമെന്നതില് തര്ക്കമില്ല. 20 പോയിന്റ് കരാറിനുവേണ്ടി പ്രസിഡന്റും അദ്ദേഹത്തിന്റെ ടീമും കഠിനാധ്വാനം ചെയ്തു. ഇത് ലോകമെമ്പാടും അംഗീകരിച്ചിട്ടുണ്ട്. എല്ലാവര്ക്കും അംഗീകരിക്കാവുന്ന പദ്ധതിയാണിത്.…
Read More » -
വനിതാ ലോകകപ്പില് തവിടുപൊടി; ബംഗ്ലാദേശിനു മുന്നില് നാണംകെട്ട് പാകിസ്താന് വനിതാ ക്രിക്കറ്റ് ടീം; 38 ഓവറില് 129 റണ്സിന് ഓള് ഔട്ട്; ടോസ് കിട്ടിയിട്ടും മുതലാക്കാന് കഴിഞ്ഞില്ല
കൊളംബോ: വനിത ക്രിക്കറ്റ് ലോകകപ്പിൽ ബംഗ്ലാദേശിന് മുന്നിൽ നാണംകെട്ട് തോറ്റ് പാകിസ്ഥാൻ. കൊളംബോയിൽ നടന്ന മത്സരത്തില് പാകിസ്ഥാൻ ഉയര്ത്തിയ 130 റണ്സ് വിജയലക്ഷ്യം മൂന്ന് വിക്കറ്റ് മാത്രം നഷ്ടപ്പെടുത്തി ബംഗ്ലാദേശ് മറികടന്നു. പുറത്താകാതെ 54 റണ്സെടുത്ത റുബ്യാ ഹൈദറാണ് ബംഗ്ലാദേശിനായി വിജയം പേരിലാക്കിയത്. ക്യാപ്റ്റൻ നിഗാർ സുൽത്താന, ശോഭന മൊസ്താരി എന്നിവരും മികച്ച പിന്തുണ നൽകി. ചെറിയ വിജയലക്ഷ്യത്തിലേക്ക് ബാറ്റ് വീശിയ ബംഗ്ലാദേശ് 31.1 ഓവറിലാണ് വിജയ റണ്സിലേക്ക് എത്തിയത്. കൊളംബോ, പ്രേമദാസ സ്റ്റേഡിയത്തില് നടന്ന മത്സരത്തില് ആദ്യം ബാറ്റ് ചെയ്ത കേവലം 38.3 ഓവറില് 129 റണ്സിന് പാകിസ്ഥാന് പുറത്താവുകയായിരുന്നു. മൂന്ന് വിക്കറ്റ് നേടിയ ഷൊര്ണ അക്തര്, രണ്ട് പേരെ വീതം പുറത്താക്കിയ മറൂഫ അക്തര്, നഹിദ അക്തര് എന്നിവരാണ് പാകിസ്ഥാനെ തകര്ത്തത്. നേരത്തെ, ടോസ് നേടിയ പാകിസ്ഥാന് ക്യാപ്റ്റന് ഫാത്തിമ സന ബാറ്റിംഗ് തെരഞ്ഞെടുക്കുകയായിരുന്നു. ക്യാപ്റ്റന്റെ തീരുമാനം തെറ്റെന്ന് തെളിയിക്കുന്നതായിരുന്നു പാകിസ്ഥാന്റെ തുടക്കം. രണ്ട് റണ്സിനിടെ അവര്ക്ക് രണ്ട്…
Read More » -
ലോകം ഉറ്റുനോക്കുന്ന തീരുമാനം; അഞ്ചു വര്ഷത്തിനുശേഷം യാഥാര്ഥ്യത്തിലേക്ക്; നേരിട്ടുള്ള വിമാന സര്വീസിന് ഇന്ത്യയും ചൈനയും; ട്രംപിന്റെ തീരുമാനങ്ങള് കൂട്ടുകെട്ടുകള് പുനര് നിര്വചിക്കുന്നു
ന്യൂഡല്ഹി: ഇന്ത്യയും ചൈനയും തമ്മിലുള്ള ബന്ധം വഷളായിട്ട് ഏറെക്കുറെ അഞ്ച് വര്ഷത്തോളമായി. അതിര്ത്തി പ്രശ്നങ്ങളില് തുടങ്ങിയ ഉരസല് പിന്നെ നയതന്ത്ര മേഖലയിലേക്ക് ശക്തമായ പടര്ന്നതോടെ ഇരു രാജ്യങ്ങളും തമ്മിലുള്ള ബന്ധം ഏറ്റവും മോശമായിരുന്നു. എന്നാല് അമേരിക്കന് പ്രസിഡന്റായുള്ള രണ്ടാം വരവിലെ ഡോണള്ഡ് ട്രംപിന്റെ തീരുമാനങ്ങളും ഭീഷണികളും ലോക രാജ്യങ്ങള് തമ്മിലുള്ള സമവാക്യങ്ങള് മാറ്റിമറിക്കുകയാണ്. ഇക്കൂട്ടത്തില് ഏറ്റവും പുതിയതാണ് ഇന്ത്യയും ചൈനയും തമ്മിലുള്ള ബന്ധം വീണ്ടും ‘ഭായി ഭായി’ ആകുന്നത്. അഞ്ച് വര്ഷത്തിനിപ്പുറം ലോകം ഉറ്റുനോക്കുന്ന തീരുമാനമാണ് ഇന്നുണ്ടായിരിക്കുന്നത്. ഇരു രാജ്യങ്ങളും തമ്മില് നേരിട്ടുള്ള വിമാന സര്വീസുകള് പുനഃസ്ഥാപിക്കാന് തീരുമാനമായി എന്നത് ആഗോള സാഹചര്യത്തില് അതീവ പ്രാധാന്യം അര്ഹിക്കുന്നതാണ്. ഇരുരാജ്യങ്ങളുടെയും ബന്ധം സാധാരണനിലയിലേക്ക് നീങ്ങുന്നതിന്റെ സൂചനകളാണ് ഇതിലൂടെ പുറത്തുവരുന്നത്. 2020 ലെ നിര്ത്തലാക്കപ്പെട്ട വിമാന സര്വീസുകളാണ് ഇപ്പോള് പുനഃസ്ഥാപിക്കാന് തീരുമാനമായിരിക്കുന്നത്. ഗല്വാന് താഴ്വരയിലെ സംഘര്ഷത്തെത്തുടര്ന്ന് വഷളായ ബന്ധം ഇതോടെ ശരിയാകുമെന്നാണ് പ്രതീക്ഷ. ഒക്ടോബര് അവസാനത്തോടെ നേരിട്ടുള്ള വിമാന സര്വീസുകള് പുനഃസ്ഥാപിക്കാനാണ് ഇപ്പോള് തീരുമാനമായിരിക്കുന്നത്.…
Read More » -
ബ്രിട്ടനില് ജൂത സിനഗോഗിനു നേരേ ആക്രമണം: രണ്ടു മരണം; അക്രമിയെ വെടിവച്ചു കൊന്നു; ശരീരത്തില് സ്ഫോടക വസ്തു കെട്ടിവച്ച് ആള്ക്കൂട്ടത്തിലേക്ക് കാര് ഓടിച്ചു കയറ്റി; സുരക്ഷാ ജീവനക്കാരനെ കുത്തിവീഴ്ത്തി
ജൂതരുടെ വിശുദ്ധദിവസമായ യോം കിപ്പൂര് ദിനത്തില് മാഞ്ചസ്റ്ററില് സിനഗോഗിനുനേരെ ആക്രമണം. ശരീരത്തില് സ്ഫോടകവസ്തുക്കള് കെട്ടിവച്ചെത്തിയ അക്രമി ആദ്യം സിനഗോഗിനുമുന്നിലെ റോഡിലൂടെ നടന്നുപോയവര്ക്കിടയിലേക്ക് കാറിടിച്ചുകയറ്റി. അതിനുശേഷം സിനഗോഗിലെ സുരക്ഷാജീവനക്കാരനെ കുത്തിവീഴ്ത്തി. സിനഗോഗിനുള്ളില് കടക്കാന് ശ്രമിക്കുന്നതിനിടെ പൊലീസ് സ്ഥലത്തെത്തി അക്രമിക്കുനേരെ വെടിയുതിര്ത്തു. ശരീരത്തില് കെട്ടിവച്ച സ്ഫോടകവസ്തു കാണിച്ച് ആളുകളെ ഇയാള് ഭീഷണിപ്പെടുത്താന് ശ്രമിച്ചിരുന്നു. വെടിയേറ്റുവീണ അക്രമി തല്ക്ഷണം മരിച്ചു. ഭീകരാക്രമണമെന്നാണ് പ്രാഥമിക വിലയിരുത്തല്. ബോംബ് സ്ക്വാഡ് സ്ഥലത്തെത്തി സ്ഫോടകവസ്തുക്കള് നീക്കം ചെയ്തശേഷമാണ് അക്രമി മരിച്ചെന്നുറപ്പിച്ചത്. സ്ഫോടകവസ്തുക്കള് നിയന്ത്രിത സ്ഫോടനം വഴി നശിപ്പിച്ചു. മാഞ്ചസ്റ്ററിലെ ഹീറ്റണ് പാര്ക്ക് ഹീബ്രു കോണ്ഗ്രിഗേഷന് സിനഗോഗിലാണ് ആക്രമണം ഉണ്ടായത്. ഒരാള് കാറിടിച്ചും മറ്റൊരാള് കുത്തേറ്റുമാണ് മരിച്ചതെന്നാണ് വിവരം. ഫുട്പാത്തിലേക്ക് കാറിടിച്ച് കയറ്റിയ ഉടന് പരിസരത്തുണ്ടായിരുന്നവര് പൊലീസിനെ അറിയിച്ചതിനാലാണ് കൂടുതല് ആക്രമണം തടയാന് കഴിഞ്ഞത്. കാറിടിച്ചും കുത്തേറ്റും പരുക്കേറ്റ മൂന്നുപേരുടെ നില ഗുരുതരമാണെന്ന് ഗ്രേറ്റര് മാഞ്ചസ്റ്റര് പൊലീസ് അറിയിച്ചു. ആക്രമണം നടക്കുമ്പോള് സിനഗോഗിനുള്ളില് പ്രായമായവരടക്കം ഒട്ടേറെപ്പേര് ഉണ്ടായിരുന്നു. വിശുദ്ധദിനത്തിലെ ആക്രമണത്തിന്റെ നടുക്കത്തില്…
Read More » -
കരൂർ ദുരന്തം;മരണത്തിന് ഉത്തരവാദി ടിവികെ; വിജയിക്കെതിരെ കേസെടുക്കണം, മദ്രാസ് ഹൈക്കോടതിയിൽ ഹർജി
കരൂരിൽ ടിവികെ പരിപാടിയ്ക്കിടെ തിക്കിലും തിരക്കിലും 41 പേർ മരിച്ച സംഭവത്തിൽ പാർട്ടി അധ്യക്ഷനും നടനുമായ വിജയ്ക്കെതിരെ കേസെടുക്കണമെന്നാവശ്യപ്പെട്ട് മദ്രാസ് ഹൈക്കോടതിയിൽ ഹർജി. രാഷ്ട്രീയ കാരണങ്ങളാലാണ് വിജയ്യുടെ പേര് എഫ്ഐആറിൽ ഉൾപ്പെടുത്താതിരുന്നതെന്ന് ഹർജിയിൽ ആരോപിക്കുന്നു. ഹർജി വെള്ളിയാഴ്ച പരിഗണിക്കും. പി.എച്ച്.ദിനേശ് എന്നയാളാണ് ഹർജി നൽകിയത്. മരണത്തിന്റെ പൂർണ ഉത്തരവാദിത്തം ടിവികെയ്ക്ക് ആണെന്ന് ഹർജിയിൽ പറയുന്നു. ഉച്ചയ്ക്ക് 12 മണിക്ക് കരൂരിൽ എത്തുമെന്ന് അറിയിച്ച വിജയ് രാത്രി ഏഴുമണിയോടെയാണ് എത്തിയത്. ഏഴു മണിക്കൂറോളം ജനങ്ങൾക്ക് കാത്തിരിക്കേണ്ടിവന്നു. ഏറെ നേരത്തെ കാത്തിരിപ്പും കുടിവെള്ള സൗകര്യം ഒരുക്കാത്തതും ബാരിക്കേഡുകൾ സ്ഥാപിക്കാത്തതുമാണ് ദുരന്തത്തിലേക്കു നയിച്ചത്. വിജയ് കാരവനിൽ നിന്ന് എറിഞ്ഞുകൊടുത്ത വെള്ളക്കുപ്പികൾക്കായി ജനങ്ങൾ തിരക്കുകൂട്ടിയതും അപകടകാരണമായെന്ന് ഹർജിയിൽ പറയുന്നു. കരൂർ ദുരന്തത്തിൽ ടിവികെ ജനറൽ സെക്രട്ടറി എൻ.ആനന്ദിനും കരൂർ ജില്ലാ ഭാരവാഹികൾക്കുമെതിരെ മനഃപൂർവമായ നരഹത്യാശ്രമം ഉൾപ്പെടെയുള്ള വകുപ്പുകൾ ചുമത്തി പൊലീസ് കേസെടുത്തിരുന്നു. എന്നാൽ, ദുരന്തം ആസൂത്രിത അട്ടിമറിയെന്നാണ് ടിവികെ ആരോപിക്കുന്നത്. സംഭവത്തിൽ സംസ്ഥാന സർക്കാർ പ്രഖ്യാപിച്ച ജുഡീഷ്യൽ അന്വേഷണത്തെ തള്ളി…
Read More » -
ഖത്തറിനെ തൊട്ടാല് പകരം വീട്ടുമെന്ന് യുഎസ്; പ്രഖ്യാപനം നെതന്യാഹുവിന്റെ സന്ദര്ശനത്തിന് പിന്നാലെ; ഖത്തറിന്റെ സുരക്ഷ ഉറപ്പാക്കുക അമേരിക്കയുടെ നയമെന്നും എക്സിക്യുട്ടീവ് ഉത്തരവ്
ഖത്തറിന് ട്രംപിന്റെ സുരക്ഷാഉറപ്പ്. ഖത്തറിനതിരായ ആക്രമണം യു.എസിനെതിരായ ആക്രമണമായി കരുതുമെന്നും സുരക്ഷ ഒരുക്കുമെന്നും വൈറ്റ്ഹൗസ് വ്യക്തമാക്കി. ഇസ്രയേല് പ്രധാനമന്ത്രി ബെന്യമിന് നെതന്യാഹുവിന്റെ യു.എസ് സന്ദര്ശനത്തിന് പിന്നാലെയാണ് വൈറ്റ്ഹൗസിന്റെ മുന്നറിയിപ്പ്. വിദേശ ആക്രമണങ്ങൾ കാരണം ഖത്തറിന് എതിരെ തുടർച്ചയായ ഭീഷണികൾ നിലനിൽക്കുന്ന സാഹചര്യത്തിൽ ഖത്തറിന്റെ സുരക്ഷ ഉറപ്പ് വരുത്തുക എന്നത് അമേരിക്കയുടെ നയമെന്ന് യുഎസ് പ്രസിഡന്റ് ഡൊണാൾഡ് ട്രംപ് ഒപ്പുവച്ച എക്സിക്യൂട്ടീവ് ഉത്തരവിൽ പറയുന്നു. ഹമാസ് ഉന്നത നേതാക്കളെ ലക്ഷ്യമിട്ട് സെപ്റ്റംബര് 9തിനായിരുന്നു ഇസ്രയേല് ദോഹയില് വ്യോമാക്രമണം നടത്തിയത്. ഹമാസിന്റെ രാഷ്ട്രീയ നേതൃത്വത്തെ ലക്ഷ്യമിട്ടുള്ള ആക്രമണത്തില് ഉന്നത നേതാക്കളെ വധിക്കാനായില്ലെങ്കിലും ആറുപേര് കൊല്ലപ്പെട്ടിരിന്നു. യു.എസിന്റെ വെടിനിര്ത്തല് കരാര് ചര്ച്ച ചെയ്യാനെത്തിയ സംഘത്തെ ലക്ഷ്യമിട്ടായിരുന്നു ആക്രമണം. ഈ ആക്രമണത്തില് കഴിഞ്ഞ ദിവസം നെതന്യാഹു ഖത്തറിനോട് മാപ്പു പറഞ്ഞിരുന്നു. ഖത്തര് പ്രധാനമന്ത്രി മുഹമ്മദ് ബിൻ അബ്ദുൽറഹ്മാൻ ബിൻ ജാസിം അൽതാനിയെ നെതന്യാഹു ഫോണില് വിളിച്ചാണ് മാപ്പ് പറഞ്ഞത്. വൈറ്റ്ഹൗസില് നിന്നാണ് നെതന്യാഹു ഫോണ് ചെയ്തത്. അതേസമയം,…
Read More » -
ഭീഷണി, അധിക്ഷേപം; നിയമ പോരാട്ടം: വീട്ടു ജോലിയില് നിന്ന് ഡെപ്യൂട്ടി സൂപ്രണ്ടിലേക്ക്; പോലീസ് യൂണിഫോമില് യുവതിയുടെ കുറിപ്പ് വൈറല്; ‘ദരിദ്ര സ്ത്രീകള്ക്ക് പല ഗ്രാമങ്ങളിലും സ്വപ്നം പോലും കാണാന് അവകാശമില്ല’
ന്യൂഡല്ഹി: വീടിന്റെ നാല് ചുമരുകള്ക്കുള്ളില് ജീവിച്ച താനെങ്ങനെയാണു പോലീസ് യൂണിഫോമെന്ന സ്വപ്നം സാക്ഷാത്കരിച്ചത് എന്ന ഒരു യുവതിയുടെ പോസ്റ്റ് ഇന്സ്റ്റഗ്രാമില് വൈറല്. പരമ്പരാഗതമായ വസ്ത്രം ധരിച്ചുകൊണ്ടുള്ളതും പൊലീസ് യൂണിഫോം ധരിച്ചുകൊണ്ടുള്ളതുമായ തന്റെ രണ്ട് ചിത്രങ്ങളുടെ കൊളാഷ് പങ്കുവെച്ചുകൊണ്ടാണ് വനിതാ ഡെപ്യൂട്ടി സൂപ്രണ്ട് ഓഫ് പോലീസ് (ഡി.എസ്.പി) ആയ അഞ്ജു യാദവ് പോസ്റ്റ് ഷെയര് ചെയ്തത്. എല്ലാ തടസങ്ങളെയും തരണം ചെയ്തുകൊണ്ട് എങ്ങനെ താന് ഈ സ്വപ്നം നേടിയെടുത്തു എന്ന് അഞ്ജു പോസ്റ്റില് വിവരിക്കുന്നു. ‘ആദ്യത്തെ ചിത്രം എടുത്തപ്പോള്, ഞാന് എന്തെങ്കിലുമായിത്തീരും എന്ന പ്രതീക്ഷയൊന്നും ഉണ്ടായിരുന്നില്ല, ഡിഎസ്പി എന്ന വാക്ക് ഞാനന്ന് കേട്ടിട്ടുപോലുമില്ല. രാവിലെ മുതല് രാത്രി വരെ വീട്ടുജോലികള് ചെയ്ത്, അടുത്ത ദിവസം വരുന്നതുവരെ കാത്തിരുന്ന ഒരു സ്ത്രീ മാത്രമായിരുന്നു ഞാന്’ എന്ന് അഞ്ജു കുറിക്കുന്നു. ‘പല ഗ്രാമങ്ങളിലെയും ദരിദ്ര കുടുംബങ്ങളിലെ സ്ത്രീകള്ക്ക് സ്വപ്നം കാണാന് പോലും അര്ഹതയുണ്ടാവാറില്ല. അവര്ക്ക് അതിനുള്ള ധൈര്യമുണ്ടായാല്, പരിഹാസം, അധിക്ഷേപം, ദുരുപയോഗം, അക്രമം അല്ലെങ്കില് സ്വന്തം…
Read More » -
‘പ്രണയത്തില് ഞാന് ചതിക്കപ്പെട്ടു’; യുവ എന്ജിനീയര് ട്രെയിനിന് മുന്നില് ചാടി ജീവനൊടുക്കി; അന്വേഷിക്കാന് പോലീസ്
ചത്തീസ്ഗഢിലെ ബിലാസ്പൂരില് ട്രെയിനിന് മുന്നില് ചാടി യുവ എന്ജിനീയര് ആത്മഹത്യ ചെയ്തു. കാമുകി നല്കിയ പീഡന പരാതിയില് മനോവിഷമത്തിലായിരുന്നു. 29 കാരനായ ഗൗരവ് സവന്നിയാണ് മരിച്ചത്. പ്രണയത്തില് ഞാന് ചതിക്കപ്പെട്ടു എന്നെഴുതിയ കുറിപ്പ് പൊലീസ് കണ്ടെത്തി. ഉസല്പൂര് റെയില്വേ ട്രാക്കില് സെപ്റ്റംബര് 27 നാണ് മൃതദേഹം കണ്ടെത്തിയത്. മാട്രിമോണിയല് വെബ്സൈറ്റ് വഴിയാണ് ഗൗരവും യുവതിയും പരിചയപ്പെടുന്നത്. ഇരുവരും തമ്മില് ബന്ധം വളര്ന്നെങ്കിലും ഈയിടെ യുവതി ഗൗരവിനെതിരെ പരാതി നല്കുകയായിരുന്നു. കേസില് അറസ്റ്റിലായ ഇയാള് ജീവനൊടുക്കുന്നതിന് 15 ദിവസം മുന്പാണ് ജാമ്യത്തിലിറങ്ങിയത്. ഈയിടെയുണ്ടായ പീഡനകേസ് ഗൗരവിനെ തകര്ത്തിരുന്നതായി സുഹൃത്തായ സന്ദീപ് ഗുപ്ത പറഞ്ഞു. ഈയിടെയുള്ള ദിവസങ്ങളിൽ മാനസികമായി വളരെ അസ്വസ്ഥനായ അവസ്ഥയിലായിരുന്നുവെന്നും സുഹൃത്തുക്കള് പറഞ്ഞു. ആത്മഹത്യയുടെ കാരണങ്ങളെക്കുറിച്ച് വിശദമായ അന്വേഷണം നടക്കുകയാണെന്ന് സീനിയർ സൂപ്രണ്ട് ഓഫ് പൊലീസ് രജനീഷ് സിംഗ് പറഞ്ഞു. (ശ്രദ്ധിക്കുക: ആത്മഹത്യ ഒന്നിനും പരിഹാരമല്ല. ഏതെങ്കിലും തരത്തിലുള്ള മാനസിക ബുദ്ധിമുട്ടുകള് അനുഭവപ്പെടുന്നുണ്ടെങ്കില് സൗജന്യ ഹെല്പ് ലൈന് നമ്പറായ 1056 ലോ…
Read More » -
ട്രംപും സെനറ്റര്മാരുമായി പോര് രൂക്ഷം; ധനബില് പാസായില്ല; അമേരിക്ക ഭരണ സ്തംഭനത്തിലേക്ക്; സര്ക്കാര് ജീവനക്കാരെ പിരിച്ചു വിടുമെന്ന് ഭീഷണിപ്പെടുത്തി ട്രംപ്; അത്യപൂര്വ സാഹചര്യം
ന്യൂയോര്ക്ക്: സര്ക്കാര് ചെലവിനുള്ള ധനബില് യുഎസ് സെനറ്റില് പരാജയപ്പെട്ടതോടെ രാജ്യം ഭരണസ്തംഭനത്തിലേക്ക്. നാല്പത്തിയഞ്ചിനെതിരെ അന്പത്തിയഞ്ച് വോട്ടുകള്ക്ക് ബില് പരാജയപ്പെട്ടതോടെ ബുധനാഴ്ച മുതല് അടിയന്തര സേവനങ്ങള് ഒഴികെ എല്ലാ സര്ക്കാര് സംവിധാനങ്ങളും നിശ്ചലമാകും. അത് ഒഴിവാകണമെങ്കില് ചൊവ്വാഴ്ച രാത്രിക്കകം ബില് പാസാകണം. റിപ്പബ്ലിക്കൻ, ഡെമോക്രാറ്റിക് പാർട്ടികൾക്കിടയിലെ ഭിന്നത രൂക്ഷമായതിനാൽ അതിനുള്ള സാധ്യത വിരളമാണ്. ഭരണസ്തംഭനം ഉണ്ടായാല് ഡെമോക്രാറ്റുകള്ക്ക് പ്രിയപ്പെട്ട പദ്ധതികള് റദ്ദാക്കുമെന്ന് ട്രംപ് ഭീഷണിമുഴക്കി. കൂടുതല് സര്ക്കാര് ജീവനക്കാരെ പിരിച്ചുവിടുമെന്നും ട്രംപ് കൂട്ടിച്ചേര്ത്തു. നവംബര് അവസാനം വരെയുള്ള ഫണ്ട് അനുവദിക്കുന്നതിനായുള്ള അടിയന്തര പരിഹാരം റിപ്പബ്ലിക്കന്സ് കൊണ്ടുവന്നു. എന്നാല് ഇത്തരം തട്ടിക്കൂട്ട് പരിപാടികളല്ല വേണ്ടതെന്നും കുറഞ്ഞ വരുമാനമുള്ളവര്ക്ക് ലഭിക്കേണ്ട കോടിക്കണക്കിന് ഡോളറിന്റെ ഹെല്ത്ത്കെയര് ഫണ്ടുകള് പുനസ്ഥാപിക്കുകയാണ് വേണ്ടതെന്നാണ് ഡമോക്രാറ്റുകളുടെ വാദം. ഇതോടെയാണ് ബില് പാസാവാതെയായത്. യുഎസ് സര്ക്കാരില് അത്യപൂര്വമായാണ് ഭരണസ്തംഭനം റിപ്പോര്ട്ട് ചെയ്തിട്ടുള്ളത്. എന്തൊക്കെ അഭിപ്രായവ്യത്യാസങ്ങളുണ്ടെങ്കിലും അത്തരമൊരു അവസ്ഥയിലേക്ക് പോകാതെ റിപ്പബ്ലിക്കന്മാരും ഡമോക്രാറ്റുകളും ശ്രദ്ധിക്കാറുണ്ട്. ട്രംപ് ആദ്യമായി പ്രസിഡന്റായതിന് പിന്നാലെ 2018 ഡിസംബറില് ഭരണ…
Read More »