Religion
-
ശബരിമലയില് ഭക്തരുടെ വിശ്വാസം വ്രണപ്പെട്ടുവെന്ന കാര്യം വാസ്തവം ; ഭക്തര് സമര്പ്പിക്കുന്ന സ്വത്തും പൊന്നുമൊക്കെ ഭദ്രമാണെന്ന ഉറപ്പ് കൊടുക്കാന് ബോര്ഡ് ബാധ്യസ്ഥരാണെന്ന് കെ ജയകുമാര്
തിരുവനന്തപുരം: ശബരിമലയില് ഭക്തരുടെ വിശ്വാസം വ്രണപ്പെട്ടുവെന്ന കാര്യം വാസ്തവമാണെന്നും ദു:ഖകരമായ കാര്യങ്ങളാണ് പുറത്തുവന്നുകൊണ്ടിരിക്കുന്നതെന്നും തിരുവിതാംകൂര് ദേവസ്വം ബോര്ഡ് പ്രസിഡന്റ് കെ ജയകുമാര്. ബോര്ഡിന്റെ നടപടികളിലെയും സമീപനങ്ങളിലെയും വൈകല്യങ്ങള് പരിശോധിച്ച് അത് ആവര്ത്തിക്കാന് സാധ്യതയില്ലെന്ന് ഉറപ്പുവരുത്തുകയാണ് ലക്ഷ്യം. ഭക്തര് സമര്പ്പിക്കുന്ന സ്വത്തും പൊന്നുമൊക്കെ ഭദ്രമാണെന്ന ഉറപ്പ് കൊടുക്കാന് ബോര്ഡ് ബാധ്യസ്ഥരാണ്. ബോര്ഡിന്റെ പ്രവര്ത്തനത്തില് പ്രൗഢമായ സുതാര്യത ഉണ്ടാകുമെന്നുളള അഭിമാന മുഹൂര്ത്തം താന് സ്വപ്നം കാണുകയാണെന്നും അദ്ദേഹം കൂട്ടിച്ചേര്ത്തു. ബോര്ഡിന്റെ പ്രവര്ത്തനത്തില് സുതാര്യത കൊണ്ടുവരാമെന്ന പ്രതീക്ഷയുണ്ടെന്നും ദേവസ്വം ബോര്ഡില് നടക്കുന്ന കുഴപ്പങ്ങളെക്കുറിച്ച് കുറേയൊക്കെ അറിയാമെന്നും അതാണ് തനിക്ക് പ്രവര്ത്തിക്കാനുളള ഇന്ധനമെന്നും പറഞ്ഞു. ”ഭക്തരുടെ വിശ്വാസം വ്രണപ്പെട്ടിട്ടുണ്ടെന്ന കാര്യം വാസ്തവമാണ്. വളരെ സങ്കടകരമായ വാര്ത്തകളാണ് വന്നുകൊണ്ടിരിക്കുന്നത്. അതിനെപ്പറ്റി ഇപ്പോള് പ്രതികരിക്കാനില്ല. കോടതി നിയന്ത്രിക്കുന്ന അന്വേഷണ സംഘത്തിന്റെ മുന്നിലുളള കാര്യമാണ്. അതിനെപ്പറ്റി എന്തെങ്കിലും പറയുന്നത് അവിവേകമായിരിക്കും. വാര്ത്തകള് വിശ്വാസികളുടെയും കേരളത്തിന്റെയും മനസില് സങ്കടമുണ്ടാക്കി എന്ന കാര്യത്തില് സംശയമില്ല’. ദേവസ്വം ബോര്ഡ് പ്രസിഡന്റായി സ്ഥാനമേറ്റെടുത്ത ശേഷമായിരുന്നു പ്രതികരണം.
Read More » -
മദര് ഏലീശ്വ വാഴ്ത്തപ്പെട്ട പദവിയിലേക്ക്; പ്രഖ്യാപന ചടങ്ങുകള് വല്ലാര്പാടം ബസിലിക്കയില്; ലിയോ പതിനാലാം മാര്പാപ്പയുടെ പ്രതിനിധി മലേഷ്യയിലെ പെനാങ്ങ് രൂപതയുടെ മെത്രാന് കര്ദിനാള് സെബാസ്റ്റ്യന് ഫ്രാന്സിസ് മുഖ്യ കാര്മികത്വം; മദര് ഏലീശ്വയെ വാഴ്ത്തപ്പെട്ടവളായി പ്രഖ്യാപിക്കുന്നത് മരിച്ച് 112 വര്ഷങ്ങള്ക്ക് ശേഷം ;
കേരളത്തിലെ ആദ്യ സന്ന്യാസിനിയും റ്റി ഒ സി ഡി സന്ന്യാസിനീ സഭാ സ്ഥാപികയുമായ ധന്യ മദര് ഏലീശ്വ വാഴ്ത്തപ്പെട്ട പദവിയിലേക്ക്. ഇന്ന് വൈകുന്നേരം നാലരയ്ക്ക് എറണാകുളം വല്ലാര്പാടം ബസിലിക്കയില് പ്രഖ്യാപന ചടങ്ങുകള് നടക്കും. മലേഷ്യയിലെ പെനാങ്ങ് രൂപതയുടെ മെത്രാനായ കര്ദിനാള് സെബാസ്റ്റ്യന് ഫ്രാന്സിസ് മുഖ്യ കാര്മികത്വം വഹിക്കും. മരിച്ച് 112 വര്ഷങ്ങള്ക്ക് ശേഷമാണ് മദര് ഏലീശ്വയെ വാഴ്ത്തപ്പെട്ടവളായി പ്രഖ്യാപിക്കുന്നത്. മദര് ഏലീശ്വയുടെ മധ്യസ്ഥതയില് സംഭവിച്ച അത്ഭുതം മാര്പാപ്പ അംഗീകരിച്ചതിനു ശേഷമാണ് വിശുദ്ധരുടെ നാമകരണത്തിനായുള്ള നടപടികള് തിരുസംഘം പൂര്ത്തിയാക്കിയത്. പ്രഖ്യാപനത്തില് മാര്പാപ്പ ഒപ്പുവച്ചതോടെയാണ് മദര് ഏലീശ്വയെ വാഴ്ത്തപ്പെട്ട പദവിയിലേയ്ക്ക് ഉയര്ത്തുന്നത്. ദിവ്യബലിക്കിടെ ലിയോ പതിനാലാം മാര്പാപ്പയുടെ പ്രതിനിധി മലേഷ്യയിലെ പെനാങ് രൂപത മെത്രാന് കര്ദിനാള് സെബാസ്റ്റ്യന് ഫ്രാന്സിസ് മുഖ്യ കാര്മീകത്വം വഹിക്കും. വരാപ്പുഴ അതിരൂപത മെത്രാപ്പോലീത്ത ഡോ. ജോസഫ് കളത്തിപ്പറമ്പില്, ധന്യ മദര് ഏലീശ്വയെ വാഴ്ത്തപ്പെട്ടവളായി പ്രഖ്യാപിക്കുന്നതിനുള്ള അഭ്യര്ഥന നടത്തും. വത്തിക്കാന്റെ ഇന്ത്യയിലെ അപ്പസ്തോലിക പ്രതിനിധി ആര്ച്ച്ബിഷപ് ഡോ. ലെയോപോള്ദോ…
Read More » -
‘മുസ്ലിം പുരുഷന്റെ രണ്ടാം വിവാഹത്തിനു മുമ്പ് ആദ്യഭാര്യയുടെ ഭാഗം കേള്ക്കണം’; നിര്ണായക വിധിയുമായി കേരള ഹൈക്കോടതി; ‘ആദ്യ വിവാഹം രജിസ്റ്റര് ചെയ്തെങ്കില് മുന്ഗണന ഇന്ത്യയിലെ നിയമങ്ങള്ക്ക്, ആദ്യ ഭാര്യക്ക് നിശബ്ദ കാഴ്ചക്കാരിയാകാന് കഴിയില്ല’
കൊച്ചി: മുസ്ലിം പുരുഷന്റെ രണ്ടാം വിവാഹത്തിന് മുന്പ്് ആദ്യഭാര്യയുടെ ഭാഗം കേള്ക്കണമെന്ന് ഹൈക്കോടതി വിധി. ആദ്യഭാര്യയെ കേട്ട ശേഷമേ രണ്ടാം വിവാഹം റജിസ്റ്റര് ചെയ്യാവൂ. ആദ്യഭാര്യ എതിര്ത്താല് വിഷയം കോടതിക്ക് പരിഗണിക്കാം. ഇസ്ലാംമത വിശ്വാസിയുടെ ഹര്ജിയിലാണ് ഹൈക്കോടതി വിധി. ചില സാഹചര്യങ്ങളില് മുസ്ലിം പുരുഷനു രണ്ടാം വിവാഹം കഴിക്കാമെന്നു മുസ്ലിം വ്യക്തി നിയമം അനുവദിക്കുന്നുണ്ടെങ്കിലും ആദ്യ വിവാഹം രജിസ്റ്റര് ചെയ്തിട്ടുണ്ടെങ്കില് ഇന്ത്യയിലെ നിയമങ്ങള്ക്കാകും മുന്ഗണനയെന്നു ജസ്റ്റിസ് പി.വി. കുഞ്ഞിക്കൃഷ്ണന് നിരീക്ഷിച്ചു. ഒരു മുസ്ലീം പുരുഷനും രണ്ടാം ഭാര്യയും തങ്ങളുടെ വിവാഹം ചട്ടങ്ങള് പ്രകാരം രജിസ്റ്റര് ചെയ്യാന് കഴിയാത്തതില് പരാതിപ്പെട്ടു സമര്പ്പിച്ച റിട്ട് ഹര്ജിയിലായിരുന്നു നിരീക്ഷണങ്ങള്. ‘ഈ കേസില്, ആദ്യ ഭാര്യ ഈ റിട്ട് ഹര്ജിയില് ഒരു കക്ഷി പോലുമല്ല. അതിനാല്, ഈ റിട്ട് ഹര്ജി പരിഗണിക്കേണ്ടതില്ല. എന്നിരുന്നാലും, പ്രതികള്ക്ക് മുമ്പാകെ ഉചിതമായ അപേക്ഷ സമര്പ്പിക്കാന് ഹര്ജിക്കാര്ക്ക് സ്വാതന്ത്ര്യമുണ്ട്. അത്തരമൊരു അപേക്ഷ ലഭിച്ചാല് വിവാഹ രജിസ്ട്രാര് ആദ്യ ഹര്ജിക്കാരന്റെ ആദ്യ ഭാര്യക്ക് നോട്ടീസ്…
Read More » -
ഇനി രക്ഷകന് ക്രിസ്തു മാത്രം; കന്യാമറിയത്തെ ‘സഹരക്ഷക’യെന്നു വിശേഷിപ്പിക്കരുതെന്നു വത്തിക്കാന് നിര്ദേശം; ഉത്തരവ് അംഗീകരിച്ച് ലിയോ മാര്പാപ്പ; ‘ക്രൂശിക്കപ്പെട്ടതിലൂടെ ലോകരക്ഷകനായത് യേശുക്രിസ്തു, ദൈവപുത്രനു ജന്മം നല്കിയതിലൂടെ മറിയം മോചനത്തിന്റെ വാതായനം തുറന്നു’
വത്തിക്കാന്: ക്രിസ്തു അമ്മയായ മറിയത്തില്നിന്ന് ജ്ഞാനത്തിലേക്കുള്ള വാക്കുകള് കേട്ടെങ്കിലും ലോകത്തെ അന്ത്യവിധിയില്നിന്നു രക്ഷിക്കാന് സഹായിച്ചില്ലെന്നു വത്തിക്കാന്. ലോകത്തിന്റെ ‘സഹ-വീണ്ടെടുപ്പുകാരി’യെന്നു വിശേഷിപ്പിക്കരുതെന്നും പോപ്പ് ലിയോ അംഗീകരിച്ച വത്തിക്കാന്റെ ഉന്നത സൈദ്ധാന്തിക ഓഫീസിന്റെ ഉത്തരവില് പറയുന്നു. ലോകത്തെ 1.4 ബില്യണ് കത്തോലിക്കരെ അഭിസംബോധന ചെയ്യുന്നതാണ് ഉത്തരവെന്നും റോയിട്ടേഴ്സ് റിപ്പോര്ട്ട് ചെയ്തു. ക്രിസ്തു മാത്രമാണ് ലോകത്തെ രക്ഷിച്ചതെന്ന പുതിയ നിര്ദേശം വലിയ ചര്ച്ചകള്ക്കും വഴിവച്ചിട്ടുണ്ട്. പതിറ്റാണ്ടുകളായി മുതിര്ന്ന സഭാ നേതാക്കളെ ആശയക്കുഴപ്പത്തിലാക്കിയ ആന്തരിക ചര്ച്ചയ്ക്കും പുതിയ നിര്ദേശം അവസാനം കുറിക്കും. അടുത്തിടെ നിയമിതരായ പോപ്പുമാര്ക്കിടയില്പോലും ഇക്കാര്യത്തില് അഭിപ്രായ വ്യത്യാസമുണ്ടായിരുന്നു. ‘സഹരക്ഷകയെന്ന പ്രയോഗം യോജിക്കുന്നതല്ലെന്നും കടുത്ത ആശയക്കുഴപ്പത്തിനും ക്രിസ്ത്യന് വിശ്വാസത്തില് അസന്തുലിതാവസ്ഥയുണ്ടാക്കാനും ഇതിടയാക്കുന്നെ’ന്നും നിര്ദേശത്തില് പറയുന്നു. ക്രൂശിക്കപ്പെട്ടതിലൂടെ ക്രിസ്തുവാണ് ലോകത്തെ രക്ഷിച്ചത് എന്നതാണു ക്രൈസ്തവ വിശ്വാസം. ദൈവത്തിന്റെ അമ്മയായ മേരിയും ലോകത്തെ രക്ഷിക്കാന് ക്രിസ്തുവിനെ സഹായിച്ചിട്ടുണ്ടെന്ന വാദം നൂറ്റാണ്ടുകളായി ഉയര്ന്നിരുന്നു. ഏറ്റവുമൊടുവില് അന്തരിച്ച ഫ്രാന്സിസ് മാര്പാപ്പയും ‘സഹരക്ഷകയെന്ന’ പദത്തെ എതിര്ത്തിരുന്നു. അത് വിഡ്ഢിത്തം നിറഞ്ഞ ആശയമെന്നായിരുന്നു അദ്ദേഹം…
Read More » -
ഇനിമുതല് ബാങ്ക് നിക്ഷേപങ്ങളില് നാലു നോമിനികള്; മുഴുവന് തുകയുടെയും പിന്തുടര്ച്ചാവകാശം വിഭജിക്കാം; ഓരോരുത്തര്ക്കും വിഭജിക്കേണ്ട ശതമാനവും നിശ്ചയിക്കാം; വില്പത്രവും നിര്ണായകമാകും
ന്യൂഡല്ഹി: നവംബര് ഒന്നുമുതല് ബാങ്ക് നിക്ഷേപത്തില് ഒരാള്ക്ക് നാലു വരെ അവകാശികളെ നോമിനേറ്റ് ചെയ്യാം. ഇതുവരെ നാമനിര്ദേശം ചെയ്യാവുന്നത് ഒരാളെ മാത്രം. ഇനിയങ്ങോട്ട് നാലു പേരെ വയ്ക്കണമെന്നു നിര്ബന്ധമൊന്നുമില്ല. ഒരാളെ നോമിനിയായി വെച്ച് അയാളെ മുഴുവന് തുകയുടെയും പിന്തുടര്ച്ചാവകാശിയാക്കാന് ഇപ്പോഴും കഴിയും. നോമിനിയായി നാലു പേരെ നിര്ദേശിക്കുകയാണെങ്കില് ആകെ തുകയുടെ കൃത്യം നാലിലൊന്നു വീതം ഓരോരുത്തര്ക്കും ലഭിക്കും. ഓരോരുത്തര്ക്കും ഇത്ര ശതമാനം വീതം നല്കണമെന്ന തരത്തില് നിര്ദേശിച്ചുകൊണ്ട് നോമിനിമാരുടെ പേര് ചേര്ക്കുകയുമാകാം. ആദ്യത്തെ പേരുകാരന് 20 ശതമാനം തുക നല്കണമെന്ന വ്യവസ്ഥ വെച്ചാല് അത്രയും തുകക്കാണ് അയാള്ക്ക് അര്ഹത. ഡിപ്പോസിറ്റില് അര്ഹതപ്പെട്ട വിഹിതം കൈപ്പറ്റുന്നതിനു മുമ്പ് നോമിനിമാരില് ഒരാള് മരിച്ചു എന്നു കരുതുക. ആ നോമിനേഷന് അസാധുവായി മാറും. അതായത്, മരിച്ചയാളുടെ ആശ്രിതര്ക്ക് തുക കിട്ടില്ല. അങ്ങനെയൊരാളെ നോമിനിയായി വെച്ചില്ല എന്ന വിധത്തിലാണ് അവകാശത്തെ പരിഗണിക്കുക. ഫലത്തില് ബാക്കിയുള്ള നോമിനിമാര്ക്ക് ഈ തുക കൂടി കിട്ടും. ഒരാള് കഴിഞ്ഞ് മറ്റൊരാള്, അതുകഴിഞ്ഞ്…
Read More » -
ശബരിമല മണ്ഡലകാലം: വെര്ച്വല് ക്യൂ ബുക്കിംഗ് നാളെ വൈകിട്ട് അഞ്ചുമുതല്; വണ്ടിപ്പെരിയാര്,എരുമേലി,നിലയ്ക്കല്,പമ്പ എന്നിവിടങ്ങളില് സ്പോട്ട് ബുക്കിങ് കേന്ദ്രങ്ങള്; അപകടത്തില് പെട്ടു മരിച്ചാല് 5 ലക്ഷം ഇന്ഷുറന്സ്
ശബരിമല മണ്ഡലകാല മകരവിളക്ക് തീര്ഥാടനത്തിന്റെ വിര്ച്വല് ക്യൂ ബുക്കിങ് നാളെ വൈകിട്ട് അഞ്ച് മുതല്. ദിവസം70,000തീര്ഥാടകര്ക്ക് ബുക്കിങ് നല്കും. sabarimalaonline.org എന്ന വെബ്സൈറ്റ് വഴിയാണ് ബുക്കിങ്.വണ്ടിപ്പെരിയാര്,എരുമേലി,നിലയ്ക്കല്,പമ്പ എന്നിവിടങ്ങളില് സ്പോട്ട് ബുക്കിങ് കേന്ദ്രങ്ങള് ഉണ്ടാവും . 20,000 തീര്ഥാടകര്ക്ക് വരെ സ്പോട് ബുക്കിങ് നല്കും. കേരളത്തില് അപകടത്തില്പ്പെട്ടു തീര്ഥാടകന് മരിച്ചാല് 5ലക്ഷം ഇന്ഷുറന്സ് പദ്ധതിയും ഈ വര്ഷം തുടങ്ങും. മൃതദേഹം വീട്ടിലെത്തിക്കാന് കേരളത്തില്30,000രൂപയും കേരളത്തിന് പുറത്ത് ഒരു ലക്ഷം രൂപയും അനുവദിക്കും. മലകയറ്റത്തിനിടെ ഹൃദയാഘാതം അടക്കം അസുഖം മൂലം മരിച്ചാല് മൂന്ന് ലക്ഷം ധനസഹായം നല്കുന്ന പില്ഗ്രിം തീര്ഥാടന നിധിയും ആരംഭിക്കും.അടിസ്ഥാന രേഖയായി പരിഗണിക്കുന്നത് ബുക്കിങ് ഐ.ഡി.ആയിരിക്കും.
Read More » -
ഇരിങ്ങോള്കാവ് ക്ഷേത്രത്തിലെ 200 കിലോ സ്വര്ണവും അപൂര്വ രത്നങ്ങളും അപ്രത്യക്ഷം; കണക്കുകള് ലഭ്യമല്ലെന്ന് ബോര്ഡ്; സിബിഐ അന്വേഷണം വേണമെന്ന് ആവശ്യം
പെരുമ്പാവൂര്: ശബരിമലയില് സ്വര്ണക്കൊള്ള വ്യക്തമായതോടെ തിരുവിതാംകൂര് ദേവസ്വം ബോര്ഡിന്റെ കീഴിലുള്ള മറ്റ് ക്ഷേത്രങ്ങളിലെ സ്വത്ത് സംബന്ധിച്ചും ആശങ്ക. പെരുമ്പാവൂര് ഇരിങ്ങോള്കാവ് ഭഗവതി ക്ഷേത്രത്തിലെ ഇരുനൂറ് കിലോയിലേറെ സ്വര്ണം കാണാനില്ലെന്നാണ് ആരോപണം ഉയരുന്നത്. ക്ഷേത്രത്തിലെ സ്വര്ണം സംബന്ധിച്ച കണക്കുകള് ലഭ്യമല്ലെന്ന് ദേവസ്വം ബോര്ഡ് മറുപടി നല്കിയതോടെ കോടതിയുടെ മേല്നോട്ടത്തില് സിബിഐ അന്വേഷണം വേണമെന്ന ആവശ്യം ശക്തമായിട്ടുണ്ട്. തിരുവിതാംകൂര് ദേവസ്വം ബോര്ഡ് തൃക്കാരിയൂര് ഗ്രൂപ്പിന്റെ കീഴിലാണ് നിലവില് പെരുമ്പാവൂരിലെ ഇരിങ്ങോള്കാവ്. നാഗഞ്ചേരി മനയുടെ കാവ് 1944ലാണ് നീലകണ്ഠന് നമ്പൂതിരി ദേവസ്വം ബോര്ഡിന് കൈമാറുന്നത്. ക്ഷേത്രം ഉള്പ്പെട്ട അറുപതേക്കര് വനഭൂമി, 400 ഏക്കര് നെല്പ്പാടം, സ്വര്ണം എന്നിവയാണ് ഉടമ്പടി പ്രകാരം കൈമാറിയത്. ക്ഷേത്രവും സമ്പത്തും സംരക്ഷിക്കണപ്പെടുമെന്ന വിശ്വാസത്തിലായിരുന്നു കൈമാറ്റം. അന്ന് കൈമാറിയ സ്വത്തും സ്വര്ണവുമെല്ലാം ബോര്ഡ് നഷ്ടപ്പെടുത്തിയെന്നാണ് ആരോപണം. കോടികള് വിലയുള്ള അപൂര്വയിനം രത്നങ്ങളും അടങ്ങിയ സ്വര്ണമടക്കം അപ്രത്യക്ഷമായി. ഇവ എവിടെയെന്ന ചോദ്യത്തിന് ദേവസ്വം ബോര്ഡിന് ഉത്തരവുമില്ല. ഇരുപത് വര്ഷം മുന്പുള്ള വിവരങ്ങള് വിവരാവകാശ നിയമപ്രകാരം…
Read More » -
ധീരതയുടെയും പാരമ്പര്യത്തിന്റെയും ആഘോഷം അരാജകത്വത്തിലേക്കും തീക്കളിയിലേക്കും മാറി ; ദീപാവലിയുടെ ഭാഗമായുളള ഇന്ഡോറിലെ ഹിംഗോട്ട് യുദ്ധത്തില് 35 പേര്ക്ക് പൊള്ളല്
ഇന്ഡോര്: ദീപാവലിയുടെ ഭാഗമായുളള ഇന്ഡോറിലെ ഹിംഗോട്ട് യുദ്ധത്തില് 35 പേര്ക്ക് പൊള്ളല്. മധ്യപ്രദേശിലെ ഇന്ഡോറില് ധീരതയുടെയും പാരമ്പര്യത്തിന്റെയും ആഘോഷം അരാജകത്വത്തിലേക്കും തീക്കളിയിലേക്കും മാറിയത്. പരിക്കേറ്റവരെ സ്ഥലത്തുതന്നെ പ്രഥമശുശ്രൂഷ നല്കിയ ശേഷം ആശുപത്രിയില് പ്രവേശിപ്പിച്ചു. നൂറ്റാണ്ടുകള് പഴക്കമുള്ളതായി പറയപ്പെടുന്ന തുറ, കലാംഗി ടീമുകള് തമ്മിലുള്ള കടുത്ത മത്സരം കാണാന് ആയിരക്കണക്കിന് ആളുകള് ഒത്തുകൂടി, ഈ ആചാരം നൂറ്റാണ്ടുകള് പഴക്കമുള്ളതാണെന്ന് പറയപ്പെടുന്നു. കാതടപ്പിക്കുന്ന ഡ്രമ്മുകളുടെയും ചുഴലിക്കാറ്റിന്റെയും ശബ്ദങ്ങള്ക്കിടയില്, യോദ്ധാക്കള് വെടിമരുന്ന് നിറച്ച ഉണങ്ങിയതും പൊള്ളയായതുമായ പഴങ്ങള് – കത്തുന്ന ഹിംഗോട്ടുകള് – വയലിലുടനീളം എറിഞ്ഞു, ഉത്സവ അന്തരീക്ഷത്തെ ഒരു ഉജ്ജ്വലമായ പോരാട്ടത്തിന്റെ വേദിയാക്കി മാറ്റി. ഗൗതംപുരയിലെ തുറ ടീമും റൂഞ്ചിയിലെ കലാംഗി ടീമും തമ്മില് നടന്ന ഹിംഗോട്ടുകളുടെ പോരാട്ടം, ദേവനാരായണ ക്ഷേത്രത്തിന് സമീപം ഇരുപക്ഷവും ഏകദേശം 200 അടി അകലത്തില് സ്ഥാനങ്ങള് ഏറ്റെടുത്തുകൊണ്ടാണ് ആരംഭിച്ചത്. പരമ്പരാഗത വസ്ത്രം ധരിച്ച്, കൈകളില് പരിചകളും തോളില് ഹിംഗോട്ടുകള് തൂക്കിയിട്ടും, യോദ്ധാക്കള് മുളങ്കമ്പുകള് കത്തിച്ച് എതിരാളികള്ക്ക് നേരെ ജ്വലിക്കുന്ന…
Read More » -
ദീപാവലിയില് ലക്ഷത്തിലധികം ദീപങ്ങള് പ്രകാശിച്ചു അയോദ്ധ്യ ; ക്ഷേത്ര പരിസരത്തും നഗരത്തിലുമായി 2,128 പുരോഹിതന്മാര് 26,17,215 വിളക്കുകള് തെളിച്ചു ഗിന്നസ് റെക്കോഡിലേക്ക്
ദീപാവലിയില് തെളിഞ്ഞ ചിരാതുകളുടെ കണക്കുകളുമായി ഗിന്നസ് വേള്ഡ് റെക്കോഡിലേക്ക് അയോദ്ധ്യ. ഞായറാഴ്ച വൈകുന്നേരം ‘ദീപോത്സവം 2025’ നഗരത്തെ 26,17,215 വിളക്കുകള് കൊണ്ട് പ്രകാശിപ്പിച്ചതോടെ അയോധ്യ ഒരു മിന്നുന്ന കാഴ്ചയായി മാറി. ജയ് ശ്രീ റാം എന്ന് വിളിച്ചുകൊണ്ട് ഭക്തര് തെരുവുകളില് തിങ്ങിനിറഞ്ഞപ്പോള് സരയു നദിക്കരയില് ക്ഷേത്രങ്ങളും ഇടവഴികളും വീടുകളും മിന്നിത്തിളങ്ങി. റെക്കോര്ഡ് എണ്ണം വിളക്കുകളും ഒരേസമയം 2,128 പുരോഹിതന്മാരും ഭക്തരും മാ സരയു ആരതി നടത്തിയതും ഡ്രോണ് എണ്ണത്തിലൂടെയും ഔദ്യോഗിക സര്ട്ടിഫിക്കേഷനിലൂടെയും സ്ഥിരീകരിച്ചു. അയോധ്യയിലെ സരയു നദീതീരത്ത് ഉത്തര്പ്രദേശ് സര്ക്കാരിന്റെ ടൂറിസം വകുപ്പും ജില്ലാ ഭരണകൂടവും ചേര്ന്നാണ് ദീപോത്സവ് സംഘടിപ്പിച്ചത്. 26,17,215 ദീപങ്ങള് വിതറിയതും ഏറ്റവും കൂടുതല് ആളുകള് ഒരേസമയം ദീപം ഭ്രമണം (ആരതി) ചെയ്തതുമായ ഏറ്റവും വലിയ ദീപോത്സവമായിരുന്നു. ചരിത്രപരമായ തോതില് നഗരത്തിന്റെ ആത്മീയവും സാംസ്കാരികവുമായ വൈഭവം ഈ മഹത്തായ ആഘോഷം പ്രദര്ശിപ്പിച്ചു. നാഴികക്കല്ലായ ഈ പരിപാടിക്കായി, അയോധ്യയിലെ സരയു നദിയുടെ തീരത്തുള്ള രാം കി പൈഡിയില് ധാരാളം ആളുകള്…
Read More » -
തലൈവന് രജനികാന്ത് ഹിമാലയന് തീര്ത്ഥാടനത്തില് ; ഉത്തരാഖണ്ഡിലെ മഹാഅവതാര് ബാബാജി ഗുഹയില് ധ്യാനത്തില് തമിഴ് സൂപ്പര്താരം ; ആരാധകര്ക്കൊപ്പം സെല്ഫിക്കായി സമയം കണ്ടെത്തുന്നു
ഇന്ത്യയിലെ ഏറ്റവും പ്രശസ്തനായ ചലച്ചിത്ര താരങ്ങളില് ഒരാളായ സൂപ്പര്സ്റ്റാര് രജനികാന്ത് വീണ്ടും വാര്ത്തകളില് നിറയുകയാണ്. ഇത്തവണ സിനിമ റിലീസിന്റെയോ പ്രഖ്യാപന ത്തിന്റെയോ പേരിലല്ല, മറിച്ച് അദ്ദേഹത്തിന്റെ അഗാധമായ ആത്മീയ യാത്രയുടെ പേരി ലാണ്. സൂപ്പര്സ്റ്റാര്ഡവും ലാളിത്യവും വിശ്വാസവും സമന്വയിപ്പിക്കുന്നതില് ശ്രദ്ധേയനായ രജനികാന്ത് നിലവില് ഹിമാലയന് തീര്ത്ഥാടനത്തിലാണ്. കുറച്ച് നാള് മുമ്പ് ഋഷികേശിലും ബദരീനാഥ് ധാമിലും അദ്ദേഹത്തെ കണ്ടിരുന്നു. ഇത്തവണ, അദ്ദേഹം ലോകമെമ്പാടുമുള്ള ആത്മീയ അന്വേഷകര്ക്ക് പുണ്യസ്ഥലമായ ഉത്തരാഖണ്ഡിലെ മഹാഅവതാര് ബാബാജി ഗുഹകള് സന്ദര്ശിച്ചു. രജനികാന്ത് ഗുഹ സന്ദര്ശിക്കുന്നതിന്റെ ചിത്രങ്ങളും വീഡിയോകളും സാമൂഹിക മാധ്യമങ്ങ ളില് നിറഞ്ഞു, നിശബ്ദമായ ആത്മപരിശോധനയുടെയും പ്രാര്ത്ഥനയുടെയും നിമിഷങ്ങളാ ണ് ഇവ പകര്ത്തിയത്. കറുത്ത ജമ്പറും വെള്ള പാന്റ്സും നൈക്കി തൊപ്പിയും ധരിച്ച്, ഒരു ഊന്നുവടിയുമായി, ഉത്തരാഖണ്ഡിലെ ദ്രോണഗിരി മലനിരകളിലെ കുക്കുഛിന യ്ക്ക് സമീപ മുള്ള മഹാഅവതാര് ബാബാജി ഗുഹയ്ക്ക് പുറത്ത് രജനികാന്ത് ധ്യാനത്തിലിരി ക്കുന്നതിന്റേ താണ് ദൃശ്യങ്ങള്. ഈ സ്ഥലത്ത്, രജനികാന്ത് ശാന്തമായ അന്തരീക്ഷത്തില് പ്രാര്ത്ഥനകളും ധ്യാനവുമായി…
Read More »