Month: September 2024
-
Kerala
പക്കാ ആര്‍എസ്എസ് ആണവന്‍; ഞാന്‍ അഞ്ച് നേരം നിസ്‌കരിക്കുന്നത് അയാള്‍ക്ക് സഹിക്കില്ല; മലപ്പുറം ജില്ലാ സെക്രട്ടറിക്കെതിരേ വര്‍ഗീയ പരാമര്‍ശവുമായി അന്‍വര്‍
മലപ്പുറം: സിപിഎം മലപ്പുറം ജില്ലാ സെക്രട്ടറി ഇഎന്‍ മോഹന്‍ദാസ് മുസ്ലീം വിരോധിയെന്ന് പിവി അന്‍വര്‍. രാപ്പകല്‍ ആര്‍എസ്എസിന് വേണ്ടി പണിയെടുക്കുന്നയാളാണ് ജില്ലാ സെക്രട്ടറി. ആര്‍എസ്എസ് ബന്ധം മൂലം ജില്ലാ സെക്രട്ടേറിയറ്റ് അംഗം മോഹന്‍ദാസിനെ മര്‍ദിക്കാന്‍ ശ്രമിച്ചിട്ടുണ്ടെന്നും കഴിഞ്ഞ നിയമസഭാതെരഞ്ഞെടുപ്പില്‍ തന്നെ തോല്‍പ്പിക്കാന്‍ ശ്രമിച്ചെന്നും പിവി അന്‍വര്‍ ആരോപിച്ചു. ”ഞാന്‍ ഒരു സിപിഎം നേതാവിനെതിരെയും ഇതുവരെ ആര്‍എസ്എസ് ബാന്ധവം പറഞ്ഞിട്ടില്ല. പക്ക ആര്‍എസ്എസ് ആണവന്‍. ഈ ജില്ലാ സെക്രട്ടറിക്ക് എന്നോടുള്ള വിരോധം എന്താണ്. ഞാന്‍ അഞ്ച് നേരം നിസ്‌കരിക്കും. അത് അയാള്‍ക്ക് സഹിക്കില്ല. ഇഎന്‍ മോഹന്‍ദാസിന് മുസ്ലീം വിരോധം മാത്രല്ല. അദ്ദേഹം മുസ്ലീം കമ്യൂണിറ്റിയെയും തകര്‍ക്കാന്‍ ആര്‍എസ്എസിന് വേണ്ടി രാപ്പകല്‍ അദ്ധ്വാനിക്കുകയാണ്.” – അന്‍വര്‍ പറഞ്ഞു. സ്വര്‍ണക്കടത്തുകേസുമായി ബന്ധപ്പെട്ട് പൊലീസിന്റെ ഗൂഢാലോചന, അത് തട്ടിയെടുത്ത രീതി. എടവണ്ണ റിദാന്‍ വധക്കേസ്, മാമി തിരോധാനം, തുടങ്ങി താന്‍ ഉന്നയിച്ച കേസുകളിലെല്ലാം അന്വേഷണം ആവശ്യപ്പെട്ട് കോടതിയെ സമീപിക്കുമെന്നും അന്‍വര്‍ പറഞ്ഞു. കോടതിയുടെ നിരീക്ഷണത്തില്‍ നല്ല റെക്കോര്‍ഡുള്ള…
Read More » -
NEWS
ഹിസ്ബുല്ല മേധാവി ഹസന്‍ നസ്‌റല്ലയെ വധിച്ചെന്ന് ഇസ്രയേല്‍; കൊല്ലപ്പെട്ടത് വ്യോമാക്രമണത്തില്‍
ജെറുസലേം: ലബനനിലെ സായുധ സംഘമായ ഹിസ്ബുല്ലയുടെ മേധാവി ഹസന്‍ നസ്‌റല്ലയെ വധിച്ചതായി ഇസ്രയേല്‍ സൈന്യം. കഴിഞ്ഞ ദിവസം ഹിസ്ബുല്ല ആസ്ഥാനത്ത് നടത്തിയ വ്യോമാക്രമണത്തിലാണ് ഹസന്‍ നസ്‌റല്ല കൊല്ലപ്പെട്ടതെന്ന് സൈന്യം അവകാശപ്പെട്ടതായി അമേരിക്കന്‍ മാധ്യമങ്ങള്‍ റിപ്പോര്‍ട്ട് ചെയ്തു. ഹിസ്ബുല്ല ഇക്കാര്യം സ്ഥിരീകരിച്ചിട്ടില്ല. ഹസന്‍ നസ്‌റല്ലയെ ലക്ഷ്യമിട്ടു തെക്കന്‍ ബെയ്‌റൂട്ടിലെ ദഹിയയില്‍ ഇന്നലെ ഇസ്രയേല്‍ കനത്ത മിസൈല്‍ ആക്രമണം നടത്തിയിരുന്നു. വന്‍സ്‌ഫോടനങ്ങളോടെ 4 കെട്ടിടസമുച്ചയങ്ങള്‍ തകര്‍ന്നടിഞ്ഞു. ഹിസ്ബുല്ലയുടെ സെന്‍ട്രല്‍ കമാന്‍ഡ് ആസ്ഥാനം ലക്ഷ്യമിട്ടായിരുന്നു ആക്രമണമെന്ന് ഇസ്രയേല്‍ സൈന്യം വ്യക്തമാക്കി. ഒരു മരണം അധികൃതര്‍ സ്ഥിരീകരിച്ചു. 50 പേര്‍ക്കു പരുക്കേറ്റു. സ്‌ഫോടനത്തിന്റെ ആഘാതത്തില്‍ 24 കിലോമീറ്റര്‍ അകലെയുള്ള കെട്ടിടങ്ങളും കുലുങ്ങി. കഴിഞ്ഞ വെള്ളിയാഴ്ച, ഹിസ്ബുല്ലയുടെ മുതിര്‍ന്ന നേതാവ് ഇബ്രാഹിം ആക്വില്‍ കൊല്ലപ്പെട്ടത് ദഹിയയില്‍ ഇസ്രയേല്‍ നടത്തിയ സമാനമായ ആക്രമണത്തിലാണ്.
Read More » -
Kerala
കൂത്തുപറമ്പിലെ ജീവിക്കുന്ന രക്ഷസാക്ഷി പുഷ്പന് വിടവാങ്ങി
കോഴിക്കോട്: കൂത്തുപറമ്പ് വെടിവെപ്പില്‍ പരിക്കേറ്റ് കിടപ്പിലായിരുന്ന പുഷ്പന് (54) അന്തരിച്ചു. സി.പി.എം. അണികള്‍ക്കിടയില്‍ ജീവിക്കുന്ന രക്തസാക്ഷിയെന്ന് അറിയപ്പെട്ടിരുന്ന പുഷ്പന് കൂത്തുപറമ്പ് വെടിവെപ്പില്‍ പരിക്കേറ്റ് കഴിഞ്ഞ 30 വര്‍ഷമായി കിടപ്പിലായിരുന്നു. കഴിഞ്ഞ കുറച്ചു ദിവസങ്ങളായി കോഴിക്കോട്ടെ സ്വകാര്യ ആശുപത്രിയില്‍ ചികിത്സയിലായിരുന്നു. ശനിയാഴ്ച ഉച്ചയോടെയായിരുന്നു അന്ത്യം. 1994 -ല്‍ സ്വാശ്രയ കോളേജിനെതിരായ സമരത്തിനിടെയാണ് പുഷ്പന് വെടിയേല്‍ക്കുന്നത്. 1994 നവംബര്‍ 25-ന് തലശ്ശേരിക്കടുത്ത് കൂത്തുപറമ്പില്‍ മന്ത്രി എംവി രാഘവനെ തടയാനെത്തിയ ഡിവൈഎഫ്ഐ പ്രവര്‍ത്തകര്‍ക്ക് നേരെ പോലീസ് വെടിവെപ്പ് നടത്തുകയായിരുന്നു. കൂത്തുപറമ്പിലെ അര്‍ബന്‍ സഹകരണബാങ്കിന്റെ സായാഹ്നശാഖയുടെ ഉദ്ഘാടനത്തിനെത്തിയതായിരുന്നു മന്ത്രി. വെടിവെപ്പില്‍ ഡിവൈഎഫ്ഐ പ്രവര്‍ത്തകരായ കെകെ രാജീവന്‍, മധു, ഷിബുലാല്‍, ബാബു, റോഷന്‍ എന്നിവര്‍ കൊല്ലപ്പെട്ടു. പുഷ്പന് അടക്കം ആറോളം പ്രവര്‍ത്തകര്‍ക്ക് ഗുരുതരമായി പരിക്കേറ്റു. കൂത്തുപറമ്പില്‍ വെടിയേറ്റു വീണ പുഷ്പന് പിന്നീടൊരിക്കലും എഴുന്നേറ്റില്ല. പ്രവര്‍ത്തകരുടെ ആവേശവും വികാരവുമായിരുന്ന പുഷ്പന് അപൂര്‍വ്വം അവസരങ്ങളില്‍ തിരഞ്ഞെടുപ്പ് പരിപാടികളിലും പാര്‍ട്ടിവേദികളിലും പ്രത്യക്ഷപ്പെട്ടിരുന്നു.
Read More » -
India
ഓസ്‌കര്‍ അവാര്‍ഡിനായി ‘സ്വതന്ത്ര്യ വീര്‍ സവര്‍ക്കർ’ തിരഞ്ഞെടുക്കപ്പെട്ടു, ഗാന്ധിവധക്കേസിൽ പ്രതിചേര്‍ക്കപ്പെട്ട വിഡി സവര്‍ക്കറുടെ ജീവിതത്തെ ആസ്പദമാക്കി നിർമ്മിച്ച ചിത്രം
ഗാന്ധിവധക്കേസിൽ പ്രതിചേര്‍ക്കപ്പെട്ട് കോടതിവിചാരണ നേരിട്ട വിനായക് ദാമോദര്‍ സവര്‍ക്കർ എന്ന വി.ഡി സവര്‍ക്കറുടെ ജീവിതത്തെ ആസ്പദമാക്കി പുറത്തിറങ്ങിയ ‘സ്വതന്ത്ര്യ വീര്‍ സവര്‍ക്കർ’ എന്ന സിനിമയും 96-ാം ഓസ്‌കര്‍ അവാര്‍ഡിനായി സമര്‍പ്പിക്കപ്പെട്ടു. ഔദ്യോഗിക എന്‍ട്രിയായാണ് ചിത്രം ഓസ്‌കാറിലേക്ക് എത്തുന്നതെന്നും ഇത് അഭിമാനമുള്ള നിമിഷമാണെന്നും അണിയറ പ്രവര്‍ത്തകര്‍ അറിയിച്ചു. “ഞങ്ങളുടെ ടീമിന് മാത്രമല്ല, അറിയപ്പെടാത്ത നായകരുടെ കഥകള്‍ പറയണമെന്ന് ആഗ്രഹിക്കുന്നവര്‍ക്കും ഇത് അഭിമാന നിമിഷമാണ്. ഓസ്‌കാറിലേക്ക് തിരഞ്ഞെടുക്കപ്പെട്ടതോടെ ഞങ്ങളുടെ പ്രവര്‍ത്തനം അംഗീകരിക്കപ്പെട്ടു…” സിനിമയുടെ നിര്‍മാതാവായ ആനന്ദ് പണ്ഡിറ്റ് പ്രതികരിച്ചു. ഓസ്‌കാര്‍ വേദിയിലേക്ക് ചിത്രം എത്തുന്നത് അഭിമാനാര്‍ഹമായ കാര്യമാണെന്ന് പറഞ്ഞ അദ്ദേഹം ഇന്ത്യന്‍ ചരിത്രവുമായി ഇഴചേര്‍ന്ന് കിടക്കുന്ന സിനിമയാണ് സ്വതന്ത്ര്യ വീര്‍സവര്‍ക്കര്‍ എന്നും വ്യക്തമാക്കി. മറന്നുപോയ കഥകളെ വെളിച്ചത്ത് എത്തിക്കുകയാണ് സിനിമ ചെയ്യുന്നതെന്ന് സംവിധായകൻ രണ്‍ദീപ് ഹൂഡ പറഞ്ഞു. രണ്‍ദീപ് ഹൂദ ആദ്യമായി സംവിധാനം ചെയ്ത ഈ ചിത്രം സവര്‍ക്കര്‍ക്ക് എതിരെ നിലനില്‍ക്കുന്ന പല പ്രചാരണങ്ങളെയും തകര്‍ക്കുന്നതാകും എന്ന് അവകാശപ്പെട്ടു.
Read More » -
NEWS
പ്രവാസികള്‍ ജാഗ്രതൈ! സൂക്ഷിച്ചില്ലെങ്കില്‍ ബാങ്ക് അക്കൗണ്ട് കാലിയാകും; മുന്നറിയിപ്പുമായി ഇന്ത്യന്‍ കോണ്‍സുലേറ്റ്
ദുബായ്: യുഎഇയിലെ ഇന്ത്യന്‍ പ്രവാസികള്‍ക്ക് പ്രത്യേക മുന്നറിയിപ്പുമായി ദുബായിലെ ഇന്ത്യന്‍ കോണ്‍സുലേറ്റ്. ഇമിഗ്രേഷന്‍ കാര്യങ്ങളുമായി ബന്ധപ്പെട്ട് പ്രവാസി ഭാരതീയ സഹായതാ കേന്ദ്രത്തില്‍ നിന്നെന്ന പേരില്‍ ഫോണ്‍ കോളുകള്‍ വരുമ്പോള്‍ പ്രത്യേക ജാഗ്രത പുലര്‍ത്തണമെന്നാണ് മുന്നറിയിപ്പ്. ഇത്തരം ഫോണ്‍ കോളുകള്‍ വ്യാജമാണെന്നും യാതൊരുവിധ വിവരങ്ങളും പങ്കുവയ്ക്കരുതെന്നും ഇന്ത്യന്‍ കോണ്‍സുലേറ്റ് അറിയിച്ചു. സോഷ്യല്‍ മീഡിയ പ്ലാറ്റ്ഫോമായ എക്‌സില്‍ പങ്കുവച്ച പോസ്റ്റില്‍, പ്രവാസി ഭാരതീയ സഹായതാ കേന്ദ്ര ടെലിഫോണ്‍ നമ്പര്‍: 80046342 പ്രതിഫലിപ്പിക്കുന്ന വ്യാജ കോളുകള്‍ സംബന്ധിച്ച് ദുബായിലെയും വടക്കന്‍ എമിറേറ്റുകളിലെയും പ്രവാസികള്‍ ജാഗ്രത പാലിക്കണമെന്ന് ആവശ്യപ്പെട്ടു. ഒന്നിലധികം ഇന്ത്യന്‍ ഭാഷകളിലാണ് മുന്നറിയിപ്പ് സന്ദേശം പങ്കുവച്ചത്. നിലവിലില്ലാത്ത ചില ഇമിഗ്രേഷന്‍ പ്രശ്‌നങ്ങള്‍ പരിഹരിക്കാനെന്ന വ്യാജേന വിളിക്കുന്നയാള്‍ പണം തട്ടാന്‍ ശ്രമിക്കുമെന്ന് കോണ്‍സുലേറ്റ് അറിയിച്ചു. ‘ഇമിഗ്രേഷനുമായി ബന്ധപ്പെട്ട വിഷയങ്ങളില്‍ കോണ്‍സുലേറ്റ് ഇന്ത്യന്‍ പൗരന്മാരെ വിളിക്കില്ല. ദയവായി അത്തരം വിളിക്കുന്നവരുമായി ഇടപഴകരുത്, പണം കൈമാറരുത്. കോണ്‍സുലേറ്റ് സ്വകാര്യ വിവരങ്ങളോ ഒടിപിയോ പിന്‍ നമ്പറുകളോ ബാങ്ക് വിവരങ്ങളോ നിങ്ങളില്‍ നിന്ന്…
Read More » -
Crime
ഗൃഹനാഥനും നാല് പെണ്‍മക്കളും വീടിനുളളില്‍ മരിച്ചനിലയില്‍; മൃതദേഹങ്ങള്‍ക്ക് ദിവസങ്ങളുടെ പഴക്കം
ന്യൂഡല്‍ഹി: പിതാവിനെയും നാല് പെണ്‍മക്കളെയും വാടകവീട്ടില്‍ മരിച്ചനിലയില്‍ കണ്ടെത്തി. ഡല്‍ഹിയിലെ റംഗ്പുരിയില്‍ കഴിഞ്ഞ ദിവസം പുലര്‍ച്ചെയാണ് അഞ്ച് മൃതദേഹങ്ങള്‍ കണ്ടത്. ആത്മഹത്യയെന്നാണ് പൊലീസിന്റെ പ്രാഥമിക നിഗമനം. 50കാരനായ ഹിരലാലും അംഗവൈകല്യ ബാധിതരായ മക്കള്‍ നീതു (18), നിഷി (15), നീരു (പത്ത്), നിധി (എട്ട്) എന്നിവരുമാണ് മരിച്ചത്. ഒരു വര്‍ഷം മുന്‍പ് ഹിര ലാലിന്റെ ഭാര്യ മരണപ്പെട്ടിരുന്നു. അതിനുശേഷം മരപ്പണിക്കാരനായ ഹിരലാലും മക്കളുമായിരുന്നു വീട്ടില്‍ താമസം. നാല് പെണ്‍മക്കള്‍ക്കും ജന്മനാവൈകല്യങ്ങള്‍ ഉണ്ടായിരുന്നു. മൂത്ത മകളായ നീതുവിന് കാഴ്ച ശക്തിയില്ലായിരുന്നു. നിഷിക്ക് നടക്കാന്‍ ബുദ്ധിമുട്ടും ഉണ്ടായിരുന്നു. ബാക്കി രണ്ട് പെണ്‍കുട്ടികളുടെ അവസ്ഥയെക്കുറിച്ച് അന്വേഷിക്കുകയാണെന്നാണ് പൊലീസ് നല്‍കുന്ന വിവരം. ഈ മാസം 24ന് ഹിര ലാല്‍ വീട്ടിലേക്ക് പോകുന്നതിന്റെ സിസിടിവി ദൃശ്യങ്ങള്‍ പൊലീസ് കണ്ടെടുത്തിട്ടുണ്ട്. അതിനുശേഷം ഇയാളുടെ വീട്ടില്‍ നിന്നും ആരും പുറത്തേക്ക് പോകുന്നതോ വരുന്നതോ ആയ തെളിവുകള്‍ ലഭിച്ചിട്ടില്ല. വിവരമറിഞ്ഞ് പൊലീസ് എത്തിയപ്പോള്‍ വീടിന്റെ പ്രധാന വാതില്‍ അകത്ത് നിന്ന് പൂട്ടിയ നിലയിലായിരുന്നു.…
Read More » -
Kerala
എംഎല്‍എയോട് അപമര്യാദയായി പെരുമാറി; വൈക്കം എസ്എച്ച്ഒയെ സ്ഥലം മാറ്റി
കോട്ടയം: അപമര്യാദയായി പെരുമാറിയെന്ന എംഎല്‍എ സി.കെ ആശയുടെ പരാതിയില്‍ വൈക്കം എസ്എച്ച്ഒയെ സ്ഥലം മാറ്റി. വൈക്കം എസ്എച്ച്ഒ എ.ജെ തോമസിനെയാണ് സ്ഥലം മാറ്റിയത്. അന്വേഷണത്തിന്റെ അടിസ്ഥാനത്തില്‍ ഡിജിപിയാണ് സ്ഥലംമാറ്റ ഉത്തരവിട്ടത്. സി.കെ എംഎല്‍എയെ വൈക്കം പൊലീസ് സ്റ്റേഷന്റെ ചുമതലയുള്ള എസ്എച്ച്ഒ കെ.ജെ ?തോമസ് പരസ്യമായി അധിക്ഷേപിച്ചെന്നും രണ്ടരമണിക്കൂര്‍ സ്റ്റേഷനില്‍ കാത്തുനിര്‍ത്തിച്ചെന്നുമാണ് പരാതി. സ്റ്റേഷന്‍ ഹൗസ് ഓഫിസര്‍ക്കെതിരെ അവകാശ ലംഘനത്തിനു എംഎല്‍എ നിയമസഭാ സ്പീക്കര്‍ക്കും ജില്ലാ പൊലീസ് മേധാവിക്കും പരാതി നല്‍കിയിരുന്നു. വഴിയോരക്കച്ചവടക്കാരെ ഒഴിപ്പിക്കുന്നതിനെതിരെ സിപിഐ സമരം നടത്തിയതിനെ ചൊല്ലിയാണ് പ്രശ്‌നങ്ങള്‍ ആരംഭിക്കുന്നത്. സിപിഐ നേതാക്കളെ പൊലീസ് മര്‍ദ്ദിച്ചതായും ബലംപ്രയോഗിച്ച് വാഹനത്തില്‍ കയറ്റി ?സ്റ്റേഷനിലെത്തിച്ചെന്നും അറിഞ്ഞ എംഎല്‍എ സ്റ്റേഷനിലെത്തിയിരുന്നു. തുടര്‍ന്ന് എസ്എച്ച്ഒയെ ഫോണില്‍ വിളിച്ച് സ്റ്റേഷനിലെത്താന്‍ ആവശ്യപ്പെട്ടു. എസ്എച്ച്ഒ എത്തിയില്ലെന്നും ‘അവള്‍ അവിടെ ഇരിക്കട്ടെ, എനിക്കിപ്പോള്‍ സൗകര്യമില്ലെന്ന് സംഘര്‍ഷസ്ഥലത്തുനിന്ന് ഉറക്കെ വിളിച്ചു പറഞ്ഞത് താന്‍ അറിഞ്ഞെന്നും എംഎല്‍എ പരാതിയില്‍ പറഞ്ഞു. സംഭവത്തില്‍ സിപിഐ സംസ്ഥാന നേതൃത്വം മുഖ്യമന്ത്രി പിണറായി വിജയന് പരാതി നല്‍കിയിരുന്നു.…
Read More » -
Crime
പഴയ എടിഎം വാങ്ങി മോഷണ പരിശീലനം; വൈദഗ്ധ്യം നേടിയ ഇരുന്നൂറോളം പേര്‍, തൃശൂരിലെത്തിയത് ‘പക്കാ പ്രഫഷണല്‍’ കൊള്ളസംഘം
തൃശൂര്‍: മാപ്രാണം, നായ്ക്കനാല്‍, കോലഴി എന്നിവിടങ്ങളിലെ എസ്ബിടി എടിഎം കൗണ്ടറുകളില്‍ കവര്‍ച്ചയ്ക്കെത്തിയ ‘സംഘം’ പ്രായോഗിക പരിശീലനം നേടിയവരെന്ന് പൊലീസ്. ഉപയോഗശൂന്യമായ എടിഎം ബാങ്കുകളില്‍നിന്ന് ലേലംവിളിച്ചെടുത്ത് ഹരിയാനയിലെ മേവാത്തില്‍ എത്തിച്ച് ഗ്യാസ് കട്ടര്‍ ഉപയോഗിച്ച് തകര്‍ത്ത് കൊള്ളസംഘം പരിശീലനം നേടിയിരുന്നെന്നും പൊലീസ് കണ്ടെത്തി. എല്ലാത്തരം ഗ്യാസ് കട്ടറും ഉപയോഗിച്ച് എടിഎം തകര്‍ക്കാനാവില്ല. ഏറ്റവും പ്രഹരശേഷിയുള്ളതും എളുപ്പം ഉപയോഗിക്കാവുന്നതുമായ ഗ്യാസ് കട്ടര്‍ ഉപയോഗിച്ചാവും പരിശീലനം നേടതിയതെന്ന് സംശയിക്കുന്നു. പത്തുമിനിറ്റില്‍ ക്യാഷ് ട്രേ പുറത്തെടുക്കാവുന്ന നിലയില്‍ മികവുറ്റ പരിശീലനമാണ് നടത്തിയത്. 23.4 കിലോമീറ്റര്‍ ദൂരപരിധിക്കുള്ളിലെ 3 എടിഎം കൗണ്ടറുകള്‍ ഗ്യാസ് കട്ടര്‍ ഉപയോഗിച്ച് തകര്‍ത്ത് 69 ലക്ഷം രൂപ കവരാന്‍ വേണ്ടി വന്നത് ഒരു മണിക്കൂറും 48 മിനിറ്റും മാത്രമാണ്. മാപ്രാണത്തുനിന്നും നായ്ക്കനാലിലും അവിടെനിന്ന് കോലാഴിയിലുമെത്തി കവര്‍ച്ച നടത്തിയ ശേഷം ഊടുവഴികളിലൂടെ ദേശീയപാതയോരത്ത് എത്താനും അവിടെ നിര്‍ത്തിയിട്ട കണ്ടെയ്നര്‍ ലോറിയില്‍ കാര്‍ കയറ്റി കടന്നുകളയാനുമുള്ള പദ്ധതിക്ക് പിന്നില്‍ ദിവസങ്ങള്‍ നീണ്ട ആസൂത്രണമുണ്ടെന്നാണ് സൂചന. യാത്രയുടെ റിഹേഴ്സല്‍…
Read More » -
Crime
ബിയര്‍ കുപ്പികൊണ്ട് ഭാര്യയുടെ തലയ്ക്കടിച്ചു; കാപ്പാ കേസ് പ്രതി അറസ്റ്റില്‍
തിരുവനന്തപുരം: ബിയര്‍കുപ്പി ഉപയോഗിച്ച് ഭാര്യയുടെ തലയ്ക്കടിച്ച് പരിക്കേല്‍പ്പിച്ച കാപ്പാ കേസ് പ്രതിയെ അറസ്റ്റ് ചെയ്തു. കരിമഠം സ്വദേശിയായ ഹാജ എന്ന അജി (35) ആണ് ഫോര്‍ട്ട് പോലീസിന്റെ പിടിയിലായത്. കാപ്പാ കേസില്‍ ജയില്‍ ശിക്ഷ കഴിഞ്ഞിറങ്ങിയതായിരുന്നു. 24- ന് അജിയുടെ ഭാര്യ താമസിക്കുന്ന യമുനാ നഗറില്‍ വച്ച് ബിയര്‍ കുപ്പിയുപയോഗിച്ച് തലയ്ക്കടിച്ച് പരിക്കേല്‍പ്പിക്കുകയായിരുന്നു എന്ന് ഫോര്‍ട്ട് എസ്.എച്ച്.ഒ. ശിവകുമാര്‍ പറഞ്ഞു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. അതേസമയം, ഡിവൈഎഫ്ഐ പ്രവര്‍ത്തകന്റെ തലയ്ക്ക് ബിയര്‍ കുപ്പികൊണ്ടടിച്ച സംഭവത്തില്‍ നേരത്തേ കാപ്പാ പ്രതിക്കെതിരേ കേസെടുത്തിരുന്നു. പത്തനംതിട്ട മലയാലപ്പുഴ സ്വദേശി ശരണ്‍ ചന്ദ്രനെ(ഇഡലി)തിരേയാണ് കേസ്. ബിജെപിയില്‍നിന്ന് മന്ത്രി വീണാ ജോര്‍ജിന്റെയും സിപിഎം ജില്ലാ സെക്രട്ടറിയുടെയും സാന്നിധ്യത്തില്‍ മാലയിട്ടു സിപിഎമ്മിലേക്കു സ്വീകരിച്ച കാപ്പ കേസ് പ്രതിയാണ് ശരണ്‍ ചന്ദ്രന്‍. ഇയാള്‍ ഓഗസ്റ്റ് 29ന് രാത്രി ഒരു വീട്ടിലെ സല്‍ക്കാര ചടങ്ങിനു ശേഷം തന്നെ ബിയര്‍ കുപ്പി വച്ച് തലയ്ക്ക് അടിച്ചു പരുക്കേല്‍പിച്ചതായി മുണ്ടുകോട്ടക്കല്‍ സ്വദേശിയായ ഡിവൈഎഫ്ഐ…
Read More » -
Crime
സിദ്ദിഖിന് ഒളിസ്ഥലം ഒരുക്കുന്നത് പ്രമുഖ അഭിഭാഷകന്റെ അസ്മാദികള്‍; കൊച്ചിയിലെ ആറിടങ്ങളില്‍ മാറി മാറിയെത്തി
തിരുവനന്തപുരം: സുപ്രീംകോടതിയില്‍ നടന്‍ സിദ്ദിഖിനെതിരെ കേസ് നടത്തുന്നതിന് അന്വേഷണസംഘത്തിലെ രണ്ട് എസ്പിമാരെ ഡല്‍ഹിക്ക് അയയ്ക്കും. മുന്‍കൂര്‍ ജാമ്യാപേക്ഷ പരിഗണിക്കുന്നതിന് മുന്നോടിയായി നിയമ സംഘത്തിന് കാര്യങ്ങള്‍ വിശദീകരിക്കുന്നതിനാണ് എസ്പിമാര്‍ പോകുന്നത്. സര്‍ക്കാരിന് വേണ്ടി നിഷെ രാജന്‍ ശങ്കര്‍ ആണ് സുപ്രീംകോടതിയില്‍ ഹാജരാകുന്നത്. മുന്‍ സോളിസിറ്റര്‍ ജനറല്‍ രഞ്ജിത് കുമാറിന്റെ നിയമോപദേശവും സര്‍ക്കാര്‍ തേടിയിട്ടുണ്ട്. തിങ്കളാഴ്ചയോ ചൊവ്വാഴ്ചയോ കോടതി ജാമ്യാപേക്ഷ പരിഗണിച്ചേക്കും. വിധി പ്രതികൂലമായാല്‍ ഉടന്‍ തന്നെ കീഴടങ്ങുമെന്നാണ് അഭിഭാഷകര്‍ മുഖേന നടന്‍ പൊലീസിനെ അറിയിച്ചിട്ടുള്ളതെന്നാണു വിവരം. സിദ്ദിഖിന്റെ ഫോണ്‍ നമ്പര്‍ നിലവില്‍ സ്വിച്ച്ഡ് ഓഫ് ആണ്. കൊച്ചിയില്‍ പ്രമുഖ അഭിഭാഷകനുമായി ബന്ധപ്പെട്ട ചിലരാണ് സിദ്ദിഖിന് ഒളിസ്ഥലം ഒരുക്കുന്നതെന്നാണ് പൊലീസ് കണ്ടെത്തല്‍. നഗരത്തില്‍ തന്നെ ആറിടങ്ങളില്‍ സിദ്ദിഖ് രണ്ടു ദിവസമായി മാറി മാറിയെത്തി എന്ന വിവരവും പൊലീസിനുണ്ട്. സുപ്രീംകോടതി കേസ് പരിഗണിക്കുന്നതുവരെ സിദ്ദിഖിനെ അറസ്റ്റ് ചെയ്യേണ്ട എന്ന ഉന്നതല നിര്‍ദേശത്തെ തുടര്‍ന്ന് പൊലീസ് കണ്ണടയ്ക്കുകയാണ് എന്ന വിമര്‍ശനവും ഉയരുന്നുണ്ട്. സിദ്ദിഖിനെ തിരഞ്ഞുള്ള ലുക് ഔട്ട്…
Read More »