Month: March 2023
-
Kerala
അരിക്കൊമ്പന് ദൗത്യം തടഞ്ഞതില് ജനം ‘കട്ടക്കലിപ്പില്’; ഉന്നതതല യോഗം ചേരും
ഇടുക്കി: അരികൊമ്പന് ദൗത്യത്തിന് രണ്ടു നാള് മാത്രം ബാക്കി നില്ക്കെ വിഷയത്തില് ഹൈക്കോടതി ഇടപെട്ട് നടപടികള് തടഞ്ഞതില് ജനരോഷം. ദൗര്ഭാഗ്യകരമായ നടപടിയാണെന്നും, ഏറെക്കാലത്തെ ആവശ്യമാണ് ഹൈക്കോടതി തടഞ്ഞതെന്നും ശാന്തന്പാറ, ചിന്നക്കനാല് പഞ്ചായത്ത് പ്രസിഡന്റുമാര് പ്രതികരിച്ചു. ആനയുടെ ആക്രമണത്തിന് ഇരകളായ പ്രദേശവാസികളും ശക്തമായ എതിര്പ്പ് അറിയിച്ചു. അതേസമയം, മൃഗസംരക്ഷണ സംഘടനയെന്നു പറഞ്ഞ് തിരുവനന്തപുരത്തുനിന്നുള്ളയാള് കോടതിയെ തെറ്റിദ്ധരിപ്പിച്ചതാണെന്നും ഉത്തരവ് പിന്വലിക്കണമെന്നും ഇടുക്കി എം.പി ഡീന് കുര്യാക്കോസ് ആവശ്യപ്പെട്ടു. ഹൈക്കോടതി ഉത്തരവിന്റെ പശ്ചാത്തലത്തില് വനംവകുപ്പ് ഉദ്യോഗസ്ഥരുടെ ഉന്നതതലയോഗം വെള്ളിയാഴ്ച കോട്ടയത്ത് ചേരും. നടപടികള് ഹൈക്കോടതി തടഞ്ഞ പശ്ചാത്തലത്തില് വയനാട്ടില്നിന്നു മറ്റു രണ്ടു കുങ്കിയാനകളെ കൊണ്ടുവരുന്നതും നീട്ടി. ഉന്നതതല യോഗത്തിനു ശേഷം ആനകളെ കൊണ്ടുവരുന്നതില് തീരുമാനമെടുക്കും. ഹൈക്കോടതി ഉത്തരവ് അടിസ്ഥാനത്തില് മാത്രമേ സര്ക്കാരിനു പ്രവര്ത്തിക്കാന് സാധിക്കൂയെന്ന് വനംമന്ത്രി എ.കെ. ശശീന്ദ്രന് പറഞ്ഞു. അവിടത്തെ ജനങ്ങളുടെ ആശങ്ക അകറ്റാന് കൂടുതല് വാര്ഡന്മാരെയും ഓഫീസര്മാരെയും നിയോഗിച്ച് സമഗ്രമായ പരിരക്ഷാ പരിപാടിയാണ് ഇപ്പോള് ആലോചിക്കുന്നതെന്നും മന്ത്രി പറഞ്ഞു. അതിനിടെ, അക്രമകാരിയായ ഒറ്റയാന്…
Read More » -
Crime
യുവാവിനൊപ്പം കൂരാച്ചുണ്ടിലെത്തിയ റഷ്യന് യുവതി പരുക്കേറ്റ് ആശുപത്രിയില്; മൊഴിയെടുക്കാന് ശ്രമം
കോഴിക്കോട്: യുവാവിനൊപ്പം ഖത്തറില്നിന്നെത്തിയ റഷ്യന് യുവതിയെ പരുക്കേറ്റനിലയില് കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചു. കൂരാച്ചുണ്ടിന് സമീപത്തെ കാളങ്ങാലിയില് ബുധനാഴ്ച ഉച്ചയോടെയാണ് സംഭവം. വീട്ടില് ഇരുവരും തമ്മില് പ്രശ്നമുള്ളതായി നാട്ടുകാര് നല്കിയ വിവരമനുസരിച്ച് സ്ഥലത്തെത്തിയ പോലീസാണ് 27 വയസുള്ള വനിതയെ ആദ്യം കൂരാച്ചുണ്ട് ഗവ. ആശുപത്രിയിലും പിന്നീട് മെഡിക്കല് കോളജ് ആശുപത്രിയിലും പ്രവേശിപ്പിച്ചത്. യുവാവിനെ കാണാനില്ലെന്നാണ് വിവരം. യുവതി വീടിന്റെ ടെറസില്നിന്ന് ചാടിയതാണെന്നാണ് നാട്ടുകാരില്നിന്ന് പോലീസിന് ലഭിച്ച വിവരം. എന്നാല്, കൈയില് മുറിവുണ്ടാക്കിയിട്ടുള്ള പരുക്കാണുള്ളതെന്നാണ് ആശുപത്രി അധികൃതര് പറയുന്നത്. പരുക്ക് ഗുരുതരമല്ലെന്ന് പോലീസ് വ്യക്തമാക്കി. സംഭവത്തില് ഇതുവരെ കേസെടുത്തിട്ടില്ലെന്ന് കൂരാച്ചുണ്ട് പോലീസ് അറിയിച്ചു. റഷ്യന് മാത്രം സംസാരിക്കുന്ന യുവതിയുടെ മൊഴി രേഖപ്പെടുത്താന് ഇതുവരെ കഴിഞ്ഞിട്ടില്ല. തര്ജ്ജമയ്ക്കായി ആളെ ഏര്പ്പാടാക്കിയിട്ടുണ്ട്. കഴിഞ്ഞ മാസമാണ് കാളങ്ങാലി സ്വദേശിയായ യുവാവിനൊപ്പം യുവതി ഖത്തറില് നിന്നെത്തിയത്. തിങ്കളാഴ്ച രാത്രി കാര് യാത്രയ്ക്കിടെ കൈതക്കലില്വെച്ചും ഇരുവരും തമ്മില് പ്രശ്നങ്ങളുണ്ടായിരുന്നു. കാര് നിര്ത്തിയപ്പോള് യുവതി നിലവിളിയോടെ പുറത്തേക്ക് ചാടിയിറങ്ങുന്നതുകണ്ട നാട്ടുകാര്…
Read More » -
India
ശ്രീനാരായണ ഗുരുദേവന്റെ ദന്തങ്ങൾ മുംബൈയിലുണ്ട്, ശിവഗിരിയിലെത്തിക്കാൻ ശ്രമം
ശ്രീനാരായണഗുരുദേവന്റെ ദന്തങ്ങൾ മുംബൈ ഗുരുദേവഗിരി ക്ഷേത്രത്തിൽ നിന്നും കേരളത്തിൽ ശിവഗിരിയിലേക്ക് എത്തിക്കാൻ ശ്രമം. ഗുരുവിനെ ചികിത്സിച്ചിരുന്ന ദന്തഡോക്ടർ ഡോ. ജി.ഒ പാൽ നിധിപോലെ സൂക്ഷിച്ചിരുന്ന ദന്തങ്ങളാണ് നവി മുംബെയിലെ ശ്രീനാരായണ മന്ദിരസമിതിയുടെ കീഴിലുള്ള ക്ഷേത്രത്തിലുള്ളത്. ഗുരുവിന്റെ ഏക ഭൗതിക ശേഷിപ്പാണിത്. ഡോ.ജി.ഒ പാലിന്റെ മകനും അമേരിക്കയിൽ അറിയപ്പെടുന്ന ദന്ത ഡോക്ടറുമായ ഡോ. ഗോപാൽ ശിവരാജ്പാലാണ് ഈ ശേഷിപ്പ് ശിവഗിരിക്ക് കൈമാറാനുള്ള ആഗ്രഹം അറിയിച്ചത്. ഡോ. പാലിന്റെ കുടുംബവുമായി അടുത്ത ബന്ധമുണ്ടായിരുന്ന ശ്രീനാരായണഗുരു 1925-ൽ ഒരുദിവസം ഡോക്ടറുടെ വീട്ടിലെത്തിയപ്പോൾ പല്ലുവേദനയുണ്ടെന്ന് അറിയിക്കുകയായിരുന്നു. രണ്ടുദിവസത്തിനകം ശിവഗിരിയിലെത്തിയ ഡോ. പാൽ മുൻപ് ഘടിപ്പിച്ചിരുന്ന രണ്ടു കൃതിമ പല്ലുകളും ഇളകിയിരുന്ന അണപ്പല്ലുമുൾപ്പെടെ മൂന്നു പല്ലുകൾ ഇളക്കിമാറ്റി. ആ പല്ലുകൾ ഡോ. പാൽ ഒരു നിധിപോലെയാണ് സൂക്ഷിച്ചിരുന്നത്. വർഷങ്ങൾക്കുശേഷം അദ്ദേഹം അമേരിക്കയിലുള്ള മകൻ ശിവരാജ് പാലിന്റെ അടുത്ത് പോയപ്പോഴും ഇത് ഒപ്പം കൊണ്ടുപോയി. അമേരിക്കയിലെ ‘സ്മിത്ത്സോണിയം ഇൻസ്റ്റിറ്റ്യൂഷൻസ്’ മ്യൂസിയം ഇവ വാങ്ങി സൂക്ഷിക്കാൻ സന്നദ്ധമായെത്തിയെങ്കിലും അദ്ദേഹം കൈമാറിയില്ല. 1996-ൽ…
Read More » -
India
മല്ലികാര്ജുന് ഖാര്ഗെയുടെ നാട്ടില് മേയര്, ഡെപ്യൂടി മേയര് തെരഞ്ഞെടുപ്പില് ബി.ജെ.പിക്ക് വൻവിജയം
മംഗ്ളുറു: കലബുറുഗി മേയര്, ഡെപ്യൂടി മേയര് തെരഞ്ഞെടുപ്പില് ബിജെപിക്ക് വിജയം. കോണ്ഗ്രസിലെ പ്രകാശ് കപനൂറിനെ പരാജയപ്പെടുത്തി വിശാല് ഡാര്ഗി 33 വോട്ട് നേടി മേയറായി. കോണ്ഗ്രസ് അംഗം വിജയലക്ഷ്മിയെ പരാജയപ്പെടുത്തിയാണ് ശിവാനന്ദ് പിസ്റ്റി ഡെപ്യൂടി മേയറായത്. കോണ്ഗ്രസ് അഖിലേന്ഡ്യ പ്രസിഡണ്ട് മല്ലികാര്ജുന് ഖാര്ഗെയുടെ ജില്ലയില് ഈ തോല്വി കര്ണാടകയില് നിയമസഭ തിരഞ്ഞെടുപ്പ് മുന്നില് നില്ക്കെ പാര്ട്ടിക്ക് വൻ ക്ഷീണമായി.
Read More » -
Movie
‘ജയിലർ’ ചിത്രീകരണത്തിനായി സ്റ്റൈല് മന്നന് രജനികാന്ത് കേരളത്തിലെത്തി, ആരാധകർ ആവേശത്തിൽ
കൊച്ചി: നെല്സന് ദിലീപ് കുമാര് സംവിധാനം ചെയ്യുന്ന ബിഗ് ബജറ്റ് ചിത്രം ‘ജയിലര്’ ചിത്രീകരണത്തിനായി സൂപ്പര് സ്റ്റാര് രജിനികാന്ത് കേരളത്തിലെത്തി. ‘ബീസ്റ്റ്’ എന്ന വിജയ് ചിത്രത്തിന് ശേഷം നെല്സന് സംവിധാനം ചെയ്യുന്ന ചിത്രം കൂടിയാണ് ജയിലര്. പേര് സൂചിപ്പിക്കുന്നത് പോലെ തന്നെ ജയിലറുടെ വേഷത്തിലാണ് രജനീകാന്ത് ചിത്രത്തില് എത്തുന്നത്. കൊച്ചി അന്താരാഷ്ട്ര വിമാനത്താവളത്തില് എത്തിയ താരത്തിന്റെ ദൃശ്യങ്ങള് സമൂഹമാധ്യമങ്ങളില് വൈറലാണ്. വിമാനത്താവളത്തിലൂടെയുള്ള സ്റ്റൈല് മന്നന്റെ മാസ് നടത്തവും ആരാധകരെ കൈവിശി അഭിവാദ്യം ചെയ്യുന്നതും വീഡിയോയില് കാണാം. താമസസ്ഥലത്തെ ജീവനക്കാര് താരത്തെ ആരതി ഉഴിഞ്ഞ് സ്വീകരിക്കുന്ന വീഡിയോയും പുറത്തുവന്നിട്ടുണ്ട്. ‘മുത്തുവേല് പാണ്ഡ്യന്’ എന്ന കഥാപാത്രത്തെയാണ് ജയിലറില് രജനികാന്ത് അവതരിപ്പിക്കുന്നത്. സിനിമയുടെ ക്ലൈമാക്സ് രംഗങ്ങള് ചാലക്കുടിയിലാകും ചിത്രീകരിക്കുക എന്നാണ് റിപോര്ട്. രമ്യാ കൃഷ്ണനും ചിത്രത്തില് കരുത്തുറ്റ കഥാപാത്രമായി എത്തുമെന്നാണ് അറിയുന്നത്. ‘പടയപ്പ’ എന്ന വന് ഹിറ്റിന് ശേഷം 23 വര്ഷങ്ങള് കഴിഞ്ഞാണ് രജനികാന്തും രമ്യാ കൃഷ്ണനും ഒന്നിക്കുന്നത്. മലയാളി താരം മോഹന്ലാല് വിനായകന്,…
Read More » -
Local
ഇശല് തേൻ കണം പെയ്തിറങ്ങിയ കല്യാണരാവ്, ഓർമകളിലെ മൊഞ്ചേറി മണവാട്ടിമാർ
പ്രായത്തിന്റെ അവശതകള് മറന്ന് 63 കാരിയായ പത്മിനിയമ്മ മണവാട്ടിയായി വേദിയിലെത്തി. ഒപ്പം ഒമ്പത് തോഴിമാരായ അമ്മൂമ്മമാരും. കവിളിലെ നുണക്കുഴികൾക്കും മുഖത്ത് വിരിഞ്ഞ നാണച്ചിരികൾക്കും പോയകാലത്തെ മധുര സ്മരണകൾ ഓളം വെട്ടുന്നുണ്ടായിരുന്നു. മാപ്പിള ഇശല് പെയ്തിറങ്ങിയ കല്യാണരാവിന്റെ നിറവിലായിരുന്നു കഴിഞ്ഞ ദിവസത്തെ വയോജന കലോത്സവ സദസ്സ്. ചെറുകുന്ന് പള്ളിക്കരയിലെ മൂന്ന് അയൽക്കൂട്ടങ്ങളാണ് ഒപ്പനയുമായി വേദിയിലെത്തിയത്. കിളിവീട്, സ്നേഹവീട്, കളിവീട് എന്നിങ്ങനെ മൂന്ന് അയൽക്കൂട്ടങ്ങളിൽ പത്മിനിയമ്മക്ക് പുറമേ ശാരദ, ഓമന, വിജയലക്ഷ്മി, നിർമല, രോഹിണി, അഖിനസ്, എറോണി, ഇഖ്നേഷ്യ എന്നിവരാണ് തോഴിമാരായി എത്തിയവർ. എല്ലാവരും അറുപതിനും എഴുപതിനും മധ്യേ പ്രായമുള്ളവർ. പകൽ സമയങ്ങളിൽ തൊഴിലുറപ്പ് ജോലിക്ക് പോകുന്ന സംഘം രാത്രി സമയങ്ങളിലാണ് ഒപ്പനക്കായുള്ള പരിശീലനം നടത്തുക. ദിവസവും രാത്രി ഏഴുമുതൽ ഒമ്പതു വരെ പരിശീലനം നേടും. രണ്ടരമാസം കൊണ്ടാണ് ഒപ്പനയുടെ സ്റ്റെപ്പുകൾ പൂർണമായും പഠിച്ചെടുത്തത്. കെ. പ്രിൻസിയുടെ ശിക്ഷണത്തിലാണ് പരിശീലനം. ഇതിനോടകം നിരവധി വേദികളിൽ ഈ അമ്മൂമ്മക്കൂട്ടം ഒപ്പന അവതരിപ്പിച്ചു. ഇതുകൂടാതെ…
Read More » -
India
അംബേദ്കറും ഗാന്ധിജിയും നെഹ്റുവും ചെഗുവേരയും സ്റ്റാലിനും മദർ തെരേസയും സെല്ഫിയില്, സമൂഹ മാധ്യമങ്ങളിൽ വൈറലായി ‘എ.ഐ’ ചിത്രങ്ങള്
ഭരണഘടനാ ശില്പി ബി.ആര് അംബേദ്കറും രാഷ്ട്രപിതാവ് മഹാത്മാഗാന്ധിയും മദര്തെരേസയുമൊക്കെ സെല്ഫിയിലെത്തിയാല് എങ്ങനെയുണ്ടാകും…? ഒരിക്കലും നടക്കാത്ത സ്വപ്നം എന്നല്ലേ നാം കരുതുക. പക്ഷേ നമ്മുടെ ആ ആഗ്രഹം നേരിട്ട് മുന്നില് കണ്ടാലോ. അത്തരമൊരു കൗതുകകരമായ കാഴ്ചയാണ് സമൂഹമാധ്യമങ്ങളില് ഇപ്പോള് നിറയുന്നത്. ആര്ട്ടിസ്റ്റായ ജ്യോ ജോണ് മുള്ളൂറാണ് ഈ സെല്ഫിക്ക് പിന്നില്. ആര്ട്ടിഫിഷ്യല് ഇന്ലിന്ജന്സ് (എ.ഐ) സാങ്കേതിക വിദ്യ ഉപയോഗിച്ചാണ് പ്രമുഖരായ വ്യക്തികളുടെ ‘സെല്ഫി’കള് ജ്യോ ജോണ് തയ്യാറാക്കിയിരിക്കുന്നത്. ’എന്റെ പഴയ ഹാര്ഡ് ഡ്രൈവ് വീണ്ടെടുത്തപ്പോള്, പഴയകാല സുഹൃത്തുക്കള് എനിക്ക് അയച്ചുതന്ന സെല്ഫികളുടെ ഒരു നിധിശേഖരം തന്നെ എനിക്ക് ലഭിച്ചു’ എന്ന അടിക്കുറിപ്പോടെയാണ് ചിത്രങ്ങള് പങ്കുവെച്ചിരിക്കുന്നത്. സ്വന്തം ഇന്സ്റ്റഗ്രാമിലൂടെയാണ് പ്രശസ്ത വ്യക്തികള് സെല്ഫി എടുക്കുന്ന ചിത്രങ്ങളുടെ ഒരു പരമ്പര പോസ്റ്റ് ചെയ്തിരിക്കുന്നത്. ആയിരക്കണക്കിന് പേരാണ് ചിത്രങ്ങള് ഷെയര്ചെയ്തിരിക്കുന്നത്. ‘അതി ഗംഭീരം’ എന്ന് പലരും കമന്റ് ചെയ്തു. മഹാത്മാഗാന്ധി, ബി ആര് അംബേദ്കര്, മദര് തെരേസ, എല്വിസ് പ്രെസ്ലി, ജോസഫ് സ്റ്റാലിന്, മുന് യു.എസ് പ്രസിഡന്റ് എബ്രഹാം…
Read More » -
Movie
ടി.എസ്.സുരേഷ് ബാബു- ഏ.കെ. സന്തോഷ് ടീമിന്റെ ‘ഡി.എൻ.എ’ ചിത്രീകരണം ആരംഭിച്ചു
വാഴൂർ ജോസ്. ‘കോട്ടയം കുഞ്ഞച്ചൻ’ ഉൾപ്പടെ നിരവധി മലയാള സിനിമകൾ പ്രേക്ഷകർക്ക് സമ്മാനിച്ച ടി.എസ് സുരേഷ് ബാബു സംവിധാനം ചെയ്യുന്ന പുതിയ ചിത്രം ഡി.എൻ.എ കൊച്ചിയിൽ ചിത്രീകരണം ആരംഭിച്ചു. ബെൻസി പ്രൊഡക്ഷൻസിന്റെ ബാനറിൽ കെ.വി.അബ്ദുൾ നാസ്സറാണ് ഈ ചിത്രം നിർമിക്കുന്നത്. വല്ലാർപാടം ആൽഫ ഹൊറൈസൺ ബിൽഡിംഗിലായിരുന്നു ചിത്രീകരണം ആരംഭിച്ചത്. കെ.പി.സി.സി എക്സിക്കുട്ടീവ് മെംബർ അഡ്വ.കെ.പി ഹരിദാസ് ആദ്യ ഭദ്രദീപം തെളിയിച്ചു കൊണ്ടായിരുന്നു തുടക്കം. തുടർന്ന് അഷ്ക്കർ സൗദാൻ, പന്മരാജ് രതീഷ് ,സുധീർ, കോട്ടയം നസീർ എന്നിവർ ഈ ചടങ്ങ് പൂർത്തീകരിച്ചു. സ്വാസ്വികയാണ് ആദ്യ ഷോട്ടിൽ അഭിനയിച്ചത്. പൂർണ്ണമായും ക്രൈം ഇൻവെസ്റ്റിഗേഷനിൽ അവതരിപ്പിക്കുന്ന ഈ ചിത്രത്തിൽ നല്ലൊരു ഇടവേളയ്ക്കു ശേഷം ലഷ്മി റായ് സുപ്രധാനമായ വേഷത്തിൽ എത്തുന്നു. കമ്മീഷണർ റേച്ചൽ പുന്നൂസ് എന്ന കഥാപാത്രത്തെയാണ് ലഷ്മി റായ് അവതരിപ്പിക്കുന്നത്. അപ് കമിംഗ് ആർട്ടിസ്റ്റ് എന്നു വിശേഷിപ്പിക്കാവുന്ന അഷ്ക്കർ സൗദാനാണ് ഈ ചിത്രത്തിലെ നായകൻ ബാബു ആന്റണി, അജു വർഗ്ഗീസ്, സൈജുക്കുറുപ്പ്, ഇർഷാദ്,…
Read More » -
NEWS
വാഴക്കുലയിലെ കായ്കൾ മുകളിലേക്ക് വളഞ്ഞ് വളരുന്നത് എന്ത് കൊണ്ട്…?
ഡോ.വേണു തോന്നയ്ക്കൽ കേരളീയരുടെ തൊടിയിലും പുരയിടത്തിലുമൊക്കെ വാഴ കുലച്ചു നിൽക്കുന്നത് പതിവ് കാഴ്ചയാണ്. വാഴക്കുലയിൽ കായ്കൾ മുകളിലേക്ക് വളഞ്ഞാണ് വളരുന്നത്. എന്താന്ന് ഇതിന് കാരണം..? ഉത്തരം ഗ്രാവിറ്റി (Gravity). ഭൂമി ഒരു വസ്തുവിൽ പ്രയോഗിക്കുന്ന ബലമാണ് ഗ്രാവിറ്റി. വാഴക്കുലയിലെ കായ്കൾ ഗ്രാവിറ്റി അതിജീവിച്ച് മുകളിലേക്ക് വളരുമ്പോൾ അതിൻ്റെ ഉടലിൽ ഉണ്ടാവുന്നതാണ് ഈ വ്യതിയാനം. ഗ്രാവിറ്റിയും ഉടലുമാത്മാവും തമ്മിലൊരു യുദ്ധം. തന്റെ ചുറ്റുപാടിൽ ഓരോ ജീവിയും യുദ്ധങ്ങളിലൂടെയാണ് അതിജീവിക്കുന്നത്. അതിജീവനവും ജീവിത വിജയവും സാരവത്തായ യുദ്ധങ്ങളുടെ ആകെത്തുക യാണ്. ഇവിടെ വാഴക്കുല ഒരു സിംബൽ ആണ്. ഒരു അടയാളവും ബോധവുമാണ്. നാം ഒരു കല്ല് ആകാശത്തേക്ക് എറിഞ്ഞാൽ അത് ഭൂമി വിട്ട് സ്വർഗ്ഗരാജ്യം തേടി പോവുകയൊന്നുമില്ല. മടങ്ങി വരും. കാരണമെന്താ…? ഗ്രാവിറ്റി. അപ്പോൾ ആകാശഗോളങ്ങളിലേക്ക് പേടകങ്ങൾ കുതിക്കുന്നതോ ? അവ ഭൂമിയുടെ ഗ്രാവിറ്റേഷൻ ഫോഴ്സിനെ അതിജീവിക്കുന്നു. വാഴക്കുല മാത്രമല്ല എല്ലാത്തരം ചെടികളും ആകാശം നോക്കിയാണ് വളരുന്നത് ? സസ്യജാലങ്ങൾ സൂര്യനെ…
Read More » -
NEWS
ബൈക്കില് ലോക സഞ്ചാരം 21 ദിവസം കൊണ്ട് 6000 ലധികം കിലോമീറ്ററും 6 ഗള്ഫ് രാഷ്ട്രങ്ങളും ചുറ്റിക്കറങ്ങി മലയാളികളായ ഹാറൂണും ഭാര്യ ഡോ. ഫര്സാനയും
നീണ്ട യാത്രയ്ക്കുശേഷം സൗദിഅറബ്യ ജിദ്ദയിലെ താമസ സ്ഥലത്ത് തിരിച്ചെത്തുമ്പോള് സന്തോഷത്തേക്കാൾ ഏറെ അഭിമാനമാണ് കോഴിക്കോട് സ്വദേശി ഹാറൂണ് റഫീഖിനും ഭാര്യ കാസര്കോടുകാരി ഡോ. ഫര്സാനയ്ക്കും. പുതിയ അനുഭവങ്ങള് തേടിയായിരുന്നു ദമ്പതികളുടെ ബൈക്ക് യാത്ര. ഇക്കഴിഞ്ഞ ഫെബ്രുവരി 17ന് ജിദ്ദയില് നിന്ന് യമഹ സൂപ്പര് ടെനേരെ ബൈകില് യാത്ര തിരിച്ച ദമ്പതികള് 21 ദിവസത്തിനിടയിൽ ആറ് രാജ്യങ്ങളിലൂടെ 6000 ലധികം കിലോമീറ്ററിലധികം പിന്നിട്ടാണ് തിരിച്ചെത്തിയത്. 10 ബോര്ഡര് ക്രോസിംഗുകളും 20 സ്റ്റാപിങുമുണ്ടായിരുന്ന യാത്ര വേറിട്ട അനുഭവമായിരുന്നുവെന്ന് ഹാറൂണും ഫര്സാനയും പറഞ്ഞു. സൗദി അറേബ്യ, ജോര്ദാന്, ബഹ്റൈന്, ഖത്വര്, യുഎഇ, ഒമാന് എന്നീ രാജ്യങ്ങളാണ് സന്ദര്ശിച്ചത്. ഇത്തരമൊരു യാത്രയ്ക്ക് ഇവര് ഇറങ്ങിയത് ഇതാദ്യമല്ല, വിവിധയിടങ്ങളിലൂടെ ബൈക്കില് 12 ലോക സഞ്ചാരങ്ങള് നേരത്തെ പൂര്ത്തിയാക്കിയിട്ടുണ്ട്. ലിംക ബുക് ഓഫ് റെകോര്ഡിസലടക്കം ഇടം നേടിയിട്ടുണ്ട് ഈ അപൂർവ്വ ദമ്പതികൾ. അങ്ങനെയുള്ള ഒട്ടേറെ അനുഭവങ്ങളുടെ കരുത്തുമായായിട്ടായിരുന്നു 13-ാം യാത്ര. ഇത്തവണത്തെ യാത്രയിൽ ആദ്യ ദിനം 700 ലധികം…
Read More »