Month: February 2023
-
Crime
ലോറിയിൽ മൈദയ്ക്കൊപ്പം 800 ചാക്ക് ലഹരി ഉൽപ്പന്നങ്ങൾ; ചെർപ്പുളശ്ശേരിയിൽ രണ്ടര കോടി രൂപയുടെ നിരോധിത ലഹരി ഉൽപ്പന്നങ്ങളുമായി രണ്ടു പേർ അറസ്റ്റിൽ
പാലക്കാട്: ചെർപ്പുളശ്ശേരിയിൽ രണ്ടര കോടി രൂപയുടെ നിരോധിത ലഹരി ഉൽപ്പന്നങ്ങളുമായി രണ്ടു പേർ അറസ്റ്റിൽ. 800 ചാക്കുകളിലായി 5 ലക്ഷത്തിലധികം പാക്കറ്റ് പുകയില ഉൽപ്പന്നങ്ങളുമായാണ് ചരക്കു ലോറി ചെർപ്പുള്ളശ്ശേരിയിൽ നിന്നും പാലക്കാട് നർക്കോട്ടിക് സെൽ ഡിവൈഎസ്പി ആർ മനോജ് കുമാറിന്റെ നേതൃത്വത്തിൽ പിടികൂടിയത്. കരുവാരകുണ്ട് സ്വദേശി ഹാരിഫ്, മണ്ണാർക്കാട് കാരാകുർശ്ശി സ്വദേശി മുഹമ്മദ് ഹനീഫ് എന്നിവരെ ചെർപ്പുള്ളശ്ശേരി പൊലീസ് അറസ്റ്റ് ചെയ്തു. കര്ണ്ണാടക രജിസ്ട്രേഷന് നമ്പറിലുള്ള ലോറിയില് ഒളിപ്പിച്ചു കടത്തിയതായിരുന്നു നിരോധിത പുകയില ഉല്പ്പന്നങ്ങളുടെ വന് ശേഖരം. ഹാന്സ് ഉള്പ്പെടെയുള്ള പുകയില ഉല്പ്പന്നങ്ങളാണ് പിടിച്ചെടുത്തത്. 781 ചാക്കുകളിലായി 5,76,031 (5.7 ലക്ഷം) പാക്കറ്റ് പുകയില ഉല്പ്പന്നങ്ങളാണ് കണ്ടെടുത്തത്. ഡിവൈഎസ്പിയുടെ നേതൃത്വത്തിലുള്ള ആന്റി നെര്ക്കോടിക് സെല്ലും ചെര്പ്പുളശ്ശേരി പോലീസും സംയുക്തമായാണ് പരിശോധന നടത്തിയത്. വിപണയില് ഏകദേശം രണ്ടര കോടിയോളം വിലവരുമെന്ന് പോലീസ് പറഞ്ഞു. മൈദ ചാക്കുകള്ക്കൊപ്പമാണ് പുകയില ഉല്പ്പന്നങ്ങള് ചാക്കുകളിലായി കണ്ടെടുത്തത്. കരുവാരകുണ്ട് സ്വദേശി മുഹമ്മദ് ഹാരിസായിരുന്നു ലോറി ഡ്രൈവര്. കാരാകുര്ശ്ശി എളുമ്പുലാശ്ശേരി…
Read More » -
Kerala
അപേക്ഷ നൽകാത്ത ആൾക്കും മുഖ്യമന്ത്രിയുടെ ദുരിതാശ്വാസ നിധിയിൽ നിന്നും പണം കിട്ടിയെന്ന വിജിലൻസിന്റെ കണ്ടെത്തൽ തെറ്റെന്ന് ഗുണഭോക്താവ്; ‘ഈ വീട് കണ്ടിട്ട് എങ്ങനെ പറയാൻ തോന്നി?’
കൊല്ലം: അപേക്ഷ നൽകാത്ത ആൾക്കും മുഖ്യമന്ത്രിയുടെ ദുരിതാശ്വാസ നിധിയിൽ നിന്നും പണം കിട്ടിയെന്ന വിജിലൻസിന്റെ കണ്ടെത്തൽ തെറ്റെന്ന് ഗുണഭോക്താവ്. കൊല്ലം പടിഞ്ഞാറേ കല്ലട സ്വദേശി രാമചന്ദ്രനാണ് വിജിലൻസിനെതിരെ രംഗത്ത് എത്തിയത്. പ്രളയത്തിൽ തകർന്ന വീടിന്റെ അറ്റകുറ്റപ്പണി നടത്താൻ താൻ അപേക്ഷ നൽകിയത് പ്രകാരമാണ് പണം കിട്ടിയതെന്നാണ് രാമചന്ദ്രന്റെ വിശദീകരണം. പ്രകൃതി ക്ഷോഭത്തിൽ വീടിന് കേടുപാടുണ്ടായെന്ന് കാണിച്ചു പടിഞ്ഞാറെ കല്ലട സ്വദേശി രാമചന്ദ്രന് നാല് ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിൽ നിന്നും അനധികൃതമായി കൊടുത്തു എന്നായിരുന്നു വിജിലൻസിന്റെ കണ്ടെത്തൽ. രാമചന്ദ്രൻ അപേക്ഷ പോലും നൽകാതെ പണം നൽകിയെന്നാണ് വിജിലൻസിന്റെ വാദം. ഈ കണ്ടെത്തലുകൾ തെറ്റാണെന്നാണ് രാമചന്ദ്രൻ പറയുന്നത്. 2021 ഓക്ടോബറിൽ വീടിന്റെ അറ്റകുറ്റപണിക്കായി അപേക്ഷ നൽകിയിരുന്നു. ഇതു പ്രകാരമാണ് രണ്ടു ഗഡുക്കളായി നാല് ലക്ഷം രൂപ അക്കൗണ്ടിലെത്തിയതെന്ന് രാമചന്ദ്രൻ പറഞ്ഞു. പൊട്ടിപ്പൊളിഞ്ഞ നിലയിലാണ് രാമചന്ദ്രന്റെ വീട്. ഈ വീട് കണ്ടിട്ടും കേടുപാടില്ലെന്ന് വിജിലൻസ് പറയുന്നത് എങ്ങനെയെന്നും രാമചന്ദ്രൻ ചോദിക്കുന്നു. രണ്ട് മക്കളുണ്ടെങ്കിലും…
Read More » -
LIFE
ഒരു കോടി രൂപ കൊടുത്താല് പടത്തിനെ ഉപദ്രവിക്കാതിരിക്കും, മലയാള സിനിമയെ തകര്ക്കാന് ഗൂഢ സംഘം; നെഗറ്റീവ് റിവ്യൂസ്, ഓണ്ലൈന് ടിക്കറ്റിംഗ് മേഖലയിലെ കമ്പനികളുടെ റേറ്റിംങ്… ഇക്കാര്യങ്ങളെല്ലാം അടുത്ത നിയമസഭാ സമ്മേളനത്തില് അവതരിപ്പിക്കുമെന്നു ഗണേഷ് കുമാര്
മലയാള സിനിമയെ തകര്ക്കാന് ഒരു ഗൂഢ സംഘം പ്രവര്ത്തിക്കുന്നതായി കെ.ബി. ഗണേഷ് കുമാര് എംഎല്എ. യുട്യൂബിലെ നെഗറ്റീവ് റിവ്യൂസിനെക്കുറിച്ചും ഓണ്ലൈന് ടിക്കറ്റിംഗ് മേഖലയിലെ സ്വകാര്യ കമ്പനികളുടെ റേറ്റിംഗിനെക്കുറിച്ചുമൊക്കെ പറഞ്ഞ ഗണേഷ് കുമാര് അടുത്ത നിയമസഭാ സമ്മേളനത്തില് താന് ഇക്കാര്യം അവതരിപ്പിക്കുമെന്നും അറിയിച്ചു. ഗോള്ഡന് വിസ സ്വീകരിക്കാനായി ദുബൈയില് എത്തിയ ഗണേഷ് കുമാര് മാധ്യമങ്ങളോട് സംസാരിക്കുകയായിരുന്നു. “മലയാള സിനിമയെ നെഗറ്റീവ് റിവ്യൂസ് നല്കി തകര്ക്കാന് യുട്യൂബേഴ്സിന് പിന്നില് ഒരു ഗൂഢസംഘം പ്രവര്ത്തിക്കുന്നുണ്ട്. ഒരു സിനിമ കണ്ടാല് അത് കൊള്ളാമോ കൊള്ളില്ലയോ എന്ന് എനിക്കെന്റെ കൂട്ടുകാരോട് പറയാം. എന്നാല് അത് നാട്ടുകാരോട് പറയാന് നില്ക്കുന്നത് ശരിയല്ല. ഇത്തരം ഗൂഢസംഘം ഉണ്ടെന്ന് സര്ക്കാരിനും നിര്മ്മാതാക്കള്ക്കും അഭിനേതാക്കള്ക്കുമെല്ലാം അറിയാം. ആ യാഥാര്ഥ്യത്തില് നിന്ന് ഒളിച്ചോടേണ്ടതില്ല. ഓണ്ലൈന് ടിക്കറ്റിംഗ് സംവിധാനങ്ങള് മുഴുവന് കൈകാര്യം ചെയ്യുന്നത് ഗവണ്മെന്റ് ആകണം, എത്രയും പെട്ടെന്ന്. അല്ലെങ്കില് ഈ ടിക്കറ്റ് വില്ക്കുന്ന കമ്പനിയാണ് നമ്മുടെ പടത്തിന്റെ നിലവാരം തീരുമാനിക്കുന്നത്”, ഗണേഷ് കുമാര് പറഞ്ഞു. “എന്റെ…
Read More » -
LIFE
കുഞ്ചാക്കോ ബോബൻ നായകനായെത്തുന്ന നിഗൂഢത നിറഞ്ഞ ചിത്രം ‘പകലും പാതിരാവും’, ട്രെയിലര് പുറത്തു
കുഞ്ചാക്കോ ബോബൻ നായകനാകുന്ന പുതിയ ചിത്രമാണ് ‘പകലും പാതിരാവും’. അജയ് വാസുദേവ് സംവിധാനം ചെയ്യുന്ന ചിത്രം പ്രേക്ഷകര് ഏറെ പ്രതീക്ഷയോടെ കാത്തിരിക്കുന്ന ഒന്നാണ്. ടീസര് പുറത്തുവിട്ടപ്പോള് തന്നെ ചിത്രത്തിന്റെ സ്വഭാവം നിഗൂഢത നിറഞ്ഞതാകും എന്ന സൂചനകളുണ്ടായിരുന്നു. ഇപ്പോഴിതാ ‘പകലും പാതിരാവി’ന്റെ ട്രെയിലറും പുറത്തുവിട്ടു എന്നതാണ് പുതിയ വാര്ത്ത. ഉദ്വേഗജനകമായ ഒട്ടേറെ രംഗങ്ങള് ചിത്രത്തില് ഉണ്ടാകുമെന്ന് വ്യക്തമാക്കുന്നതാണ് ‘പകലും പാതിരാവിന്റെ’യും ട്രെയിലര്. രജിഷ് വിജയൻ ആണ് നായിക. ഫായിസ് സിദ്ദിഖ് ആണ് ഛായാഗ്രാഹണം. നിഷാദ് കോയ രചന നിര്വഹിച്ചിരിക്കുന്നു. ശ്രീ ഗോകുലം മൂവീസിന്റെ ബാനറില് ഗോകുലം ഗോപാലന് ആണ് നിര്മ്മിക്കുന്നത്. ഗോകുലം ഗോപാലൻ പ്രധാനപ്പെട്ട ഒരു കഥാപാത്രത്തെ ചിത്രത്തില് അവതരിപ്പിക്കുകയും ചെയ്തിരിക്കുന്നു. ‘മിന്നല് മുരളി’ എന്ന സൂപ്പര്ഹീറോ ചിത്രത്തിലൂടെ മലയാളികളുടെ പ്രിയം സ്വന്തമാക്കിയ ഗുരുസോമസുന്ദരം ‘പകലും പാതിരാവി’ലും പൊലീസ് ഓഫീസറായിട്ട് അഭിനയിക്കുന്നു. മാര്ച്ച് മൂന്നിന് റിലീസ് പ്രഖ്യാപിച്ചിരിക്കുന്ന ചിത്രത്തിന്റെ പ്രൊഡക്ഷന് കണ്ട്രോളര് സുരേഷ് മിത്രകരി. എഡിറ്റിംഗ് റിയാസ് കെ ബദര്. പകലും പാതിരാവും…
Read More » -
Kerala
ക്ഷേത്രങ്ങളുടെ ഭരണം നടത്തേണ്ടത് വിശ്വാസികൾ, പാർട്ടി നേതൃത്വം അല്ല, ഇത് പ്രധാനമന്ത്രിക്കും ബാധകമാണെന്നും എം.വി. ഗോവിന്ദൻ
കോഴിക്കോട്: ക്ഷേത്രങ്ങളുടെ ഭരണം നടത്തേണ്ടത് വിശ്വാസികൾ തന്നെയെന്ന് സിപിഎം സംസ്ഥാന സെക്രട്ടറി എംവി ഗോവിന്ദൻ. കോഴിക്കോട് വാർത്താ സമ്മേളനത്തിൽ സംസാരിക്കുകയായിരുന്നു അദ്ദേഹം. പാർട്ടി നേതൃത്വം അല്ല ക്ഷേത്ര ഭരണം കൈകാര്യം ചെയ്യേണ്ടതെന്ന് പറഞ്ഞ സിപിഎം പിബി അംഗം, ഇത് പ്രധാനമന്ത്രി നരേന്ദ്ര മോദിക്കും ബാധകമാണെന്നും പറഞ്ഞു. കേന്ദ്ര സർക്കാർ വാർത്താ ഏജൻസികളെ കാവിവൽക്കരിക്കാൻ നീക്കം നടത്തുന്നുവെന്ന് അദ്ദേഹം കുറ്റപ്പെടുത്തി. പേരാമ്പ്രയിൽ സ്കൂൾ ബസ് സിപിഎം ജാഥയ്ക്ക് ഉപയോഗിച്ച് സംഭവം പരിശോധിക്കുമെന്ന് അദ്ദേഹം പറഞ്ഞു. ഇടതുമുന്നണി കൺവീനർ കൂടിയായ ഇ പി ജയരാജന് ഏത് സമയത്ത് വേണമെങ്കിലും താൻ നയിക്കുന്ന പാർട്ടി ജാഥയിൽ പങ്കെടുക്കാമെന്നും അദ്ദേഹം വ്യക്തമാക്കി. അതേസമയം പാലക്കാട്ടെ നേതാവ് പികെ ശശിയുടെ അനധികൃത സ്വത്ത് സമ്പാദനമടക്കമുള്ള വിഷയങ്ങളിലെ പാർട്ടി അന്വേഷണവുമായി ബന്ധപ്പെട്ട് പേരെടുത്ത് പറയാതെ എംവി ഗോവിന്ദൻ നിലപാട് അറിയിച്ചു. തെറ്റ് ചെയ്ത ആരെയും സംരക്ഷിക്കില്ലെന്ന് അദ്ദേഹം പറഞ്ഞു. പാർട്ടിക്കകത്ത് കളകൾ ഉണ്ടെങ്കിൽ പറിച്ച് കളയും. എന്നാൽ ഇത് ശശിയെക്കുറിച്ചാണോ…
Read More » -
Social Media
“സിപിഎം ആപ്പീസിലെ ചീട്ടും കൊണ്ട് പോലീസിൽ ഉദ്യോഗം കിട്ടിയ തെമ്മാടികളാണ് മുഖ്യമന്ത്രിക്കെതിരെ പ്രതിഷേധിക്കുന്ന യുവമോർച്ച പ്രവർത്തകരെ ഇങ്ങനെ കൊല്ലാക്കൊല ചെയ്യുന്നത് ” പ്രവര്ത്തകരെ പോലീസ് തല്ലിച്ചതക്കുന്നതിനെതിരെ സന്ദീപ് വാര്യര്
തിരുവനന്തപുരം: നികുതി ഭീകരതക്കെതിരെ മുഖ്യമന്ത്രിയെ കരിങ്കൊടി കാട്ടി പ്രതിഷേധിക്കുന്ന പ്രവര്ത്തകരെ പോലീസ് തല്ലിച്ചതക്കുന്നതിനെതിരെ കടുത്ത പ്രതികരണവുമായി ബിജെപി മുന് സംസ്ഥാന വക്താവ് സന്ദീപ് വാര്യര് രംഗത്ത്. സിപിഎം ആപ്പീസിലെ ചീട്ടും കൊണ്ട് പോലീസിൽ ഉദ്യോഗം കിട്ടിയ തെമ്മാടികളാണ് മുഖ്യമന്ത്രിക്കെതിരെ പ്രതിഷേധിക്കുന്ന യുവമോർച്ച പ്രവർത്തകരെ ഇങ്ങനെ കൊല്ലാക്കൊല ചെയ്യുന്നത് . ഇതിനിയും ഇങ്ങനെ കണ്ട് കൊണ്ട് നിൽക്കാൻ കഴിയില്ല . എവിടെയാണ് മനുഷ്യാവകാശ കമ്മീഷൻ ? എവിടെ നീതി പീഠങ്ങൾ ? ഏതെങ്കിലും ചെറുപ്പക്കാരൻ പോലീസിന്റെ കയ്യാൽ കൊല്ലപ്പെടും വരെ നിങ്ങളൊക്കെ മൗനത്തിന്റെ വാല്മീകത്തിൽ ഒളിച്ചിരിക്കുമോയെന്നും അദ്ദേഹം പേസ് ബുക്ക് കുറിപ്പില് ചോദിച്ചു. കൊല്ലത്ത് പ്രതിഷേധിച്ച യുവമോര്ച്ച പ്രവര്ത്തകനെ പോലീസ് മര്ദ്ദിക്കുന്ന ഫോട്ടോ പങ്ക് വച്ചാണ് അദ്ദേഹത്തിന്റെ കുറിപ്പ്. പൊലീസിനെതിരെ കൊലവിളി പ്രസംഗവുമായി കോഴിക്കോട്ട ബിജെപി നേതാക്കൾ രംഗത്ത് വന്നിരുന്നു.യുവമോർച്ച പ്രവർത്തകനെ മർദ്ദിച്ച കോഴിക്കോട് നടക്കാവ് സി ഐ ജിജീഷിനെതിരെയാണ് ബിജെപി ജില്ലാ നേതാക്കള് കൊലവിളി നടത്തിയത്. മുഖ്യമന്ത്രിക്കെതിരായ കരിങ്കൊടി വീശാൻ ശ്രമിച്ചവരെ…
Read More » -
Kerala
വയനാട്ടിൽനിന്ന് വ്യാജ ആയുര്വേദ മരുന്നുകള് പിടിച്ചെടുത്തു; പ്രമേഹം, ആര്ത്രൈറ്റിസ് രോഗങ്ങള്ക്ക് ഫലപ്രദമെന്ന് പരസ്യപ്പെടുത്തി നിര്മിച്ച മരുന്നുകളാണ് പിടികൂടിയത്
കല്പ്പറ്റ: വ്യാജ ആയുര്വേദ മരുന്നുകള് വില്പ്പന നടത്തുന്നതായുള്ള പരാതിയെ തുടര്ന്ന് വയനാട് ഗാന്ധിഗ്രാമം ഔട്ട്ലെറ്റുകളില് നടത്തിയ പരിശോധനയില് തളിപ്പുഴയിലെ ഔട്ട്ലെറ്റില് നിന്ന് കൃത്യമായ ബില്ലോ മറ്റുവിവരങ്ങളോ ഇല്ലാത്ത ആയൂര്വേദ മരുന്നുകള് പിടിച്ചെടുത്തു. ആയുര്വേദ ഡ്രഗ്സ് ഡെപ്യൂട്ടി കണ്ട്രോളര്ക്ക് ലഭിച്ച പരാതിയെ തുടര്ന്ന് സംസ്ഥാന ഡ്രഗ്സ് കണ്ട്രോളറുടെ നിര്ദേശപ്രകാരം ലക്കിടി മുതല് വൈത്തിരിവരെയുള്ള വയനാട് ഗാന്ധിഗ്രാമം ഔട്ട്ലെറ്റുകളിലായിരുന്നു പരിശോധന. പതിനായിരം രൂപയുടെ വ്യാജമരുന്നുകളാണ് റെയ്ഡില് തളിപ്പുഴയില്നിന്ന് പിടികൂടിയത്. പ്രമേഹം, ആര്ത്രൈറ്റിസ് രോഗങ്ങള്ക്ക് ഫലപ്രദമെന്ന് പരസ്യപ്പെടുത്തി നിര്മിച്ച മരുന്നുകളാണ് പിടികൂടിയിട്ടുള്ളത്. ‘സിദ്ധ്കൃഷ് ഹെര്ബോ ടെക് ജയ്പുര്’ എന്നപേരില് ഉദ്പാദിപ്പിച്ച മരുന്നുകള്ക്ക് ലൈസന്സ് ഇല്ലെന്ന് പ്രാഥമിക പരിശോഷധനയില് ഉദ്യോഗസ്ഥര്ക്ക് വ്യക്തമായിട്ടുണ്ട്. മരുന്നുകളുടെ ബില്ലുകളൊന്നും പരിശോധനയില് കണ്ടെത്താന് സാധിച്ചിട്ടുമില്ല. ഈ മരുന്നുകള് എവിടെ ഉത്പാദിപ്പിച്ചുവെന്നത് വ്യക്തമായിട്ടില്ലെന്നും ബില്ലുകള് ഹാജരാക്കാന് വായനാട് ഗാന്ധിഗ്രാമം അധികൃതരോട് ആവശ്യപ്പെട്ടിട്ടുണ്ടെന്നും ഉദ്യോഗസ്ഥര് അറിയിച്ചു. മരുന്നുകളുടെ ലേബലില് നിയമപ്രകാരം രേഖപ്പെടുത്തേണ്ട വിവരങ്ങളില്ലെന്നും പരിശോധനാസംഘം പറഞ്ഞു. കേരളത്തില് ലൈസന്സോടെ പ്രവര്ത്തിക്കുന്ന സ്ഥാപനം നിര്മിച്ച മരുന്നിന്റെ പേരില്…
Read More » -
Crime
ഹവാല ഇടപാടിൽ തുടർ വിശദീകരണം തേടി ജോയ് ആലുക്കാസിന് ഇഡി നോടീസ് നൽകും; 305 കോടി വിദേശത്തേക്ക് കടത്തിയതിൽ വിശദീകരണം തേടും
തൃശ്ശൂർ: ഹവാല ഇടപാടിൽ തുടർ വിശദീകരണം തേടി ജോയ് ആലുക്കാസിന് ചെന്നൈയിലെ ഇഡി അഡ്ജുഡിക്കേറ്റ് കമ്മിറ്റി ഉടൻ നോടീസ് നൽകും. 305 കോടി രൂപ വിദേശ നാണ്യ വിനിമയം ചട്ടം ലംഘിച്ച് രാജ്യത്തിന് പുറത്തേക്ക് കടത്തിയതിൽ വിശദീകരണം തേടും. ഇതിലെ മറുപടിയുടെ അടിസ്ഥാനത്തിലായിരിക്കും ജോയ് ആലുക്കാസിനെതിരായ തുടരന്വേഷണം. ജോയ് ആലുക്കാസ് വർഗീസ് ദുബായിലേക്ക് 305 കോടി ഹവാല ചാനൽ വഴി കടത്തിക്കൊണ്ടുപോയെന്നാണ് ഇഡിയുടെ കണ്ടെത്തൽ. പണം ജോയ് ആലുക്കാസ് വർഗീസിന്റെ പൂർണ്ണ ഉടമസ്ഥതയിലുള്ള ജോയ് ആലുക്കാസ് ജ്വല്ലറി എൽഎൽസിയിൽ നിക്ഷേപിച്ചിരുന്നുവെന്ന് ഇഡി പറയുന്നു. ജോയ് ആലുക്കാസിന്റെ തൃശ്ശൂരിലെ വീട്ടിലും സ്ഥാപനത്തിലുമടക്കം ഇഡി ഒരു ദിവസം മുഴുവൻ നീളുന്ന പരിശോധന നടത്തിയിരുന്നു. ഫെമ നിയമത്തിലെ സെക്ഷൻ 4 ന്റെ അടക്കം ലംഘനമുണ്ടായെന്നാണ് കണ്ടെത്തൽ. തൃശ്ശൂർ ശോഭ സിറ്റിയിലെ ജോയ് ആലുക്കാസ് വർഗീസിന്റെ വീടും ഭൂമി അടക്കമുള്ള 81.54 കോടിരൂപ മൂല്യം വരുന്ന സ്വത്തുക്കൾ കണ്ടുകെട്ടി. മൂന്ന് ബാങ്ക് അക്കൗണ്ടുകളിലുള്ള 91.22 ലക്ഷം രൂപ,…
Read More » -
India
ജീവൻ പണയംവച്ച് അവർ മടങ്ങുന്നു… പഠനം പൂർത്തിയാക്കാൻ… ഇന്ത്യയിൽ തുടർപഠനത്തിന് സാധ്യതയില്ല; എംബിബിഎസ് പഠനം പൂർത്തിയാക്കാൻ അപകട സാധ്യത അവഗണിച്ച് വിദ്യാർഥികൾ തിരികെ യുക്രെയ്നിലേക്ക്
കൊച്ചി: റഷ്യ യുക്രൈൻ യുദ്ധം ഒരു വർഷം പിന്നിടുമ്പോൾ മടങ്ങിയെത്തിയ വിദ്യാർഥികളിൽ നല്ലൊരു ശതമാനം യുക്രൈനിലേക്ക് തിരിച്ച് പോവുകയാണ്. എംബിബിഎസ് തുടർ പഠനത്തിന് നാട്ടിൽ സാധ്യതകളില്ലാത്താണ് അപകട സാധ്യത അവഗണിച്ച് തിരിച്ച് പോകാൻ വിദ്യാർഥികളെ പ്രേരിപ്പിക്കുന്നത്. ഒരു വർഷം മുമ്പ് ജീവനും കയ്യിൽപ്പിടിച്ച് യുക്രൈനിൽ നിന്ന് നാട്ടിലെത്തിയതാണ് വിദ്യാർഥികളിൽ ഏറെപ്പേരും. ആദ്യം ആശ്വസമായിരുന്നെങ്കിലും തുടർപഠനം വഴിമുട്ടിയതോടെ ആശങ്കയായി. പ്രായോഗിക പഠനം നിർണായകമാണെന്നതിനാൽ ഓൺലൈൻ ക്ലാസുകൾ മതിയാകില്ല. പക്ഷേ നടക്കുന്നത് ഓൺലൈൻ ക്ലാസുകൾ മാത്രം. തുടർപഠനം മറ്റ് വിദേശ രാജ്യങ്ങളിലേക്ക് മാറ്റുക എന്നതാണ് ഇനിയുള്ള പോംവഴി. പക്ഷേ അതിന് ഇനിയും ഫീസടയ്ക്കണം. ഇതിന് നിവൃത്തിയില്ലാത്തവരാണ് യുക്രൈനിലേക്ക് സാഹസപ്പെട്ട് മടങ്ങുന്നത്. യുക്രൈനിൽ നിന്ന് മടങ്ങിയെത്തിയ വിദ്യാർഥികൾക്ക് നാട്ടിൽ പഠനം തുടരുന്നതിന് ദേശീയ മെഡിക്കൽ കമ്മീഷന്റെ അനുമതിയില്ല. ഇത് ചോദ്യം ചെയ്തുള്ള ഹർജി ഒരു വർഷത്തിനിപ്പുറവും തീരുമാനമായിട്ടില്ല. ഈ സാഹചര്യത്തിലാണ് വിദ്യാർഥികളുടെ നിവൃത്തിയില്ലാത്ത മടക്കം.
Read More » -
India
2024ൽ ബിജെപി മുക്ത ഭാരതത്തിനായി പ്രവർത്തിക്കണമെന്ന് നിതീഷ് കുമാറും ലാലുപ്രസാദ് യാദവും
പാറ്റ്ന: 2024ൽ ബിജെപിമുക്ത ഭാരതത്തിനായി പ്രവർത്തിക്കണമെന്ന് ബീഹാർ മുഖ്യമന്ത്രി നിതീഷ് കുമാറും ആർജെഡി അധ്യക്ഷൻ ലാലുപ്രസാദ് യാദവും. ഏഴ് പ്രതിപക്ഷ പാർട്ടികളുടെ സഖ്യമായ മഹാഘദ്ബന്ധൻ റാലിക്കിടെയായിരുന്നു നിതീഷ് കുമാറിന്റെ ആഹ്വാനം. ബീഹാറിലെ 40 ലോക്സഭാ സീറ്റുകളിൽ ഒന്നുപോലും ബിജെപിക്ക് ലഭിക്കില്ലെന്ന് നിതീഷ് കുമാർ പറഞ്ഞു. രാജ്യത്തെ ന്യൂനപക്ഷങ്ങളെ ഇല്ലാതാക്കാൻ ശ്രമിക്കുന്ന ബിജെപിയെ 2024ൽ അധികാരത്തിൽ നിന്ന് തുടച്ചുനീക്കാൻ ശ്രമിക്കണമെന്ന് ആർജെഡി നേതാവ് ലാലുപ്രസാദ് യാദവ് പൂർണിയയിൽ നടക്കുന്ന റാലിയെ അഭിസംബോധന ചെയ്തു കൊണ്ട് ഓൺലൈനിലൂടെ പറഞ്ഞു. ബിജെപിയെ താഴെയിറക്കാൻ നിങ്ങൾ ആഗ്രഹിക്കുന്നുവെങ്കിൽ രാജ്യത്തുടനീളം പ്രതിപക്ഷ പാർട്ടികളുമായി സഖ്യമുണ്ടാക്കാൻ കോൺഗ്രസിനോട് നിതീഷ് കുമാർ ആവശ്യപ്പെട്ടു. 2024 ലെ തെരഞ്ഞെടുപ്പിൽ ബിജെപി നൂറ് സീറ്റ് തികക്കില്ലെന്നും കോൺഗ്രസ് നേതാവ് അഖിലേഷ് സിംഗ് പ്രസാദ് റാലിയിൽ പറഞ്ഞു. ബീഹാറിലെ സീമാഞ്ചലും നോർത്ത് ബംഗാളിലെ ചില പ്രദേശങ്ങളും ഉൾപ്പെടുത്തി പുതിയ കേന്ദ്രഭരണ പ്രദേശമുണ്ടാക്കുമെന്ന അമിത്ഷായുടെ പമാർശത്തോടും നിതീഷ് കുമാർ പ്രതികരിച്ചു. ബിജെപിക്ക് സംസ്ഥാനത്തെ വിഭജിക്കണമെന്നാണ് ആഗ്രഹമെന്നും എന്നാൽ…
Read More »