Month: May 2022
-
NEWS
വിദ്യാഭാസം, തൊഴിൽ മേഖലകളിൽ കേരളത്തിലെ സ്ത്രീ പങ്കാളിത്തം അഭിനന്ദനാര്‍ഹം: രാഷ്ട്രപതി രാം നാഥ് കോവിന്ദ്
തിരുവനന്തപുരം: കേരളത്തെ അഭിനന്ദിച്ച്‌ രാഷ്ട്രപതി രാം നാഥ് കോവിന്ദ്. സ്ത്രീ പുരോഗതിയുടെ പാതയിലെ തടസങ്ങള്‍ നീക്കുന്ന കേരളം പതിറ്റാണ്ടുകളായി ഉജ്ജ്വല മാതൃകയാണെന്നും, വിദ്യാഭാസം, തൊഴില്‍, മേഖലകളിൽ കേരളത്തിലെ സ്ത്രീ പങ്കാളിത്തം അഭിനന്ദനാര്‍ഹമാണെന്നും രാഷ്ട്രപതി പറഞ്ഞു. തിരുവനന്തപുരത്ത് വനിത പാര്‍ലമെന്റ് സമ്മേളനത്തിന്റെ ഉദ്ഘാടന പ്രസംഗത്തിലായിരുന്നു രാഷ്ട്രപതിയുടെ അഭിനന്ദനം.രണ്ടു ദിവസത്തെ സന്ദര്‍ശനത്തിനായാണ് രാഷ്ട്രപതി രാം നാഥ് കോവിന്ദ് കേരളത്തിലെത്തിയത്. ഇന്നലെ വ്യോമസേനയുടെ പ്രത്യേക വിമാനത്തില്‍ തിരുവനന്തപുരത്തെത്തിയ രാഷ്ട്രപതിയെ വിമാനത്താവളത്തിലെ എയര്‍ഫോഴ്സ് ടെക്നിക്കല്‍ ഏരിയയില്‍ ഗവര്‍ണര്‍ ആരിഫ് മുഹമ്മദ് ഖാന്‍, ഗവര്‍ണറുടെ ഭാര്യ രേഷ്മ ആരിഫ്, ഗതാഗത മന്ത്രി ആന്റണി രാജു, മേയര്‍ ആര്യാ രാജേന്ദ്രന്‍, ചീഫ് സെക്രട്ടറി വി പി ജോയി, സതേണ്‍ എയര്‍ കമാന്‍ഡ് എ ഒ കമാന്‍ഡിങ് ഇന്‍ ചീഫ് എയര്‍ മാര്‍ഷല്‍ ജെ ചലപതി, സംസ്ഥാന പൊലീസ് മേധാവി അനില്‍കാന്ത്, പൊതുഭരണ വകുപ്പ് പ്രിന്‍സിപ്പല്‍ സെക്രട്ടറി കെ ആര്‍ ജ്യോതിലാല്‍, സിറ്റി പൊലീസ് കമ്മീഷണര്‍ ജി സ്പര്‍ജന്‍ കുമാര്‍, ജില്ലാ…
Read More » -
NEWS
മീൻ വില കുതിച്ചു കയറുന്നു; പരിശോധനയ്ക്ക് പഴയ പവറില്ല
പത്തനംതിട്ട: കാലാവസ്ഥ തകിടം മറിഞ്ഞപ്പോള്‍ കടല്‍മീനുകള്‍ക്ക് ക്ഷാമം രൂക്ഷമാകുകയും കാലംതെറ്റി എത്തിയ മഴയും കാറ്റും കാരണം കടലില്‍ പോകുന്നതിന് വിലക്കുമുണ്ടായതോടെ കടൽ മീനുകൾക്ക് വില കുതിച്ചു കയറുന്നു.അതിന്റെ പുറകെയായിരുന്നു പഴകിയ മീൻ കണ്ടെത്താനുള്ള പരിശോധനകൾ.ഇതോടെ ഇറച്ചിക്കോഴിക്കാരും വില ഉയർത്തി.ഒരുകിലോ കോഴിയിറച്ചിക്ക് 170 രൂപയാണ് ഇന്നത്തെ വില.പോത്തിറച്ചിക്ക് 390 രൂപയുമായി.പരിശോധനകളും നടപടികളും കടുത്തിട്ടും വിഷാംശമുള്ള കടല്‍മീനുകള്‍ വ്യാപകമാണുതാനും. ഐസില്‍ ഫോര്‍മാലിന്‍ ചേര്‍ത്താണ് ഭൂരിഭാഗം മീനുകളുമെത്തുന്നത്. ഉദ്യോഗസ്ഥരുടെ കണ്ണുവെട്ടിച്ച്‌ വിഷമീനുകളുടെ വില്‌പന പൊടിപൊടിക്കുകയാണ്.ഇടുക്കി നെടുങ്കണ്ടം തൂക്കുപാലത്ത് മീന്‍കറി കഴിച്ചവര്‍ക്ക് ഭക്ഷ്യവിഷബാധയേറ്റതും പച്ചമീന്‍ കഴിച്ച്‌ പൂച്ചകള്‍ ചത്തതും വലിയ കോളിളക്കങ്ങള്‍ക്ക് വഴിവെച്ചിരുന്നു.ഇതിനെ തുടർന്നായിരുന്നു പരിശോധന.ആഴ്ചകൾ കഴിഞ്ഞതോടെ അതിന്റെ ചൂടും പോയി. കടലില്‍ നിന്ന് പിടിച്ചുകൊണ്ടുവരുന്നതാണെന്ന വ്യാജേന കടപ്പുറത്തും മറ്റ് ലോക്കല്‍ മാര്‍ക്കറ്റുകളിലും പഴകിയ മറുനാടന്‍ മീനെത്തിക്കുന്നുണ്ട്. വാങ്ങുന്നവരെ കബളിപ്പിക്കാനായി മീനില്‍ കടല്‍മണ്ണ് വിതറും. ഈ മീന്‍ കഴിക്കുന്നവര്‍ക്ക് തൊണ്ട ചൊറിച്ചില്‍ പോലുള്ള അസ്വസ്ഥത ഉണ്ടാകുന്നതായി റിപ്പോര്‍ട്ടുകളുണ്ടായിരുന്നു. അറവുശാലകളില്‍ നിന്നുള്ള രക്തം മീനിന്റെ ചെകിളയില്‍ തേച്ചു പിടിപ്പിച്ച്‌ നിറം…
Read More » -
India
രാഷ്ട്രീയം മനസ്സിലാകുന്നില്ലെങ്കില്‍ വീട്ടില്‍ പോയി പാചകം ചെയ്യൂ എന്ന് മഹാരാഷ്ട്ര ബിജെപി അധ്യക്ഷന്‍
എന്‍സിപി നേതാവ് സുപ്രിയ സുലേയ്‌ക്കെതിരെ ലിംഗവിവേചനപരമായ പ്രസ്താവനയുമായി മഹാരാഷ്ട്ര ബിജെപി അധ്യക്ഷന്‍ ചന്ദ്രകാന്ത് പാട്ടീല്‍. രാഷ്ട്രീയം മനസ്സിലാകുന്നില്ലെങ്കില്‍ വീട്ടില്‍ പോയി പാചകം ചെയ്യാനായിരുന്നു, ബിജെപി സംസ്ഥാന അധ്യക്ഷന്‍റെ പ്രസ്താവന. മഹാരാഷ്ട്രയിലെ വിദ്യാഭ്യാസ, തൊഴില്‍ മേഖലയില്‍ ഒബിസി വിഭാഗത്തിന് സംവരണം നല്‍കുന്നതിനെ ചൊല്ലി ഇരുപാര്‍ട്ടികളും തമ്മിലുണ്ടായ തര്‍ക്കത്തിനിടയിലാണ് വിവാദ പരാമര്‍ശം നടത്തിയത്. ഒബിസി ക്വാട്ടയ്ക്കായുള്ള മഹാരാഷ്ട്രയുടെ പോരാട്ടത്തെ മധ്യപ്രദേശുമായി താരതമ്യപ്പെടുത്തിയ സുപ്രിയ സുലേയോട് പ്രതികരിക്കുകയായിരുന്നു ചന്ദ്രകാന്ത് പാട്ടീല്‍. മധ്യപ്രദേശ് മുഖ്യമന്ത്രി ഡല്‍ഹിയില്‍ വന്ന് ഒരാളെ കണ്ടു. അടുത്ത രണ്ട് ദിവസത്തിനുള്ളിൽ അവര്‍ക്ക് ഒബിസി സംവരണത്തിന് അനുമതി ലഭിച്ചെന്നു സുപ്രിയ പാര്‍ട്ടി യോഗത്തില്‍ പറഞ്ഞു. ഇതിനു മറുപടിയായാണ് ബിജെപിയുടെ ഒരു പ്രതിഷേധയോഗത്തില്‍ സുപ്രിയ്‌ക്കെതിരെ പാട്ടീല്‍ പ്രസ്താവന നടത്തിയത്. നിങ്ങള്‍ എന്തിനാണ് രാഷ്ട്രീയത്തിലെന്നും വീട്ടില്‍ പോയി പാചകം ചെയ്യാനും പാട്ടീല്‍ പറഞ്ഞു. ഒരു മുഖ്യമന്ത്രിയെ കാണുന്നതെങ്ങനെയാണെന്നുപോലും നിങ്ങള്‍ക്ക് മനസ്സിലാകുന്നില്ല. നിങ്ങളും ഡല്‍ഹിയിലേക്കോ, നരകത്തിലേക്കോ മറ്റെവിടെയെങ്കിലുമോ പോയി സംവരണം നല്‍കൂ എന്നും പാട്ടീല്‍…
Read More » -
Kerala
ക്രൂരമായ സൈബർ ആക്രമണം നടക്കുന്നുവെന്ന് ഡോ. ദയ പാസ്കൽ
ക്രൂരമായ സൈബർ ആക്രമണം നടക്കുന്നുവെന്ന് തൃക്കാക്കര മണ്ഡലത്തിലെ ഇടതുപക്ഷ സ്ഥാനാർഥി ഡോ. ജോ ജോസഫിന്റെ ഭാര്യ ഡോ. ദയ പാസ്കൽ. എല്ലാ പരിധികളും വിടുകയാണ്. വ്യാജ വീഡിയോയാണ് പ്രചരിപ്പിക്കുന്നത്. ഞങ്ങളുടെ കുട്ടികൾക്ക് ഇനിയും പഠിക്കേണ്ടേ. എതിർ പാർട്ടിയിലെ നേതാക്കൾ ഇതൊക്കെ ശ്രദ്ധിക്കേണ്ടതല്ലേ. തെരഞ്ഞെടുപ്പിനു ശേഷവും ഞങ്ങൾക്ക് ജീവിക്കേണ്ടെയെന്നും ഡോ. ദയ പാസ്കൽ ചോദിച്ചു. ജോ ജോസഫിന്‍റേതെന്ന പേരിൽ അശ്ലീല വീഡിയോ പ്രചരിക്കുന്ന സംഭവത്തിൽ എൽഡിഎഫ് പോലീസിനും തെരഞ്ഞെടുപ്പ് കമ്മീഷനും പരാതി നൽകിയിരുന്നു. കോൺഗ്രസിന്‍റെ സൈബർ ടീമാണ് പ്രചരണത്തിന് പിന്നിലെന്നാണ് സിപിഎം ആരോപണം.
Read More » -
Kerala
ഡോ. ജോ ജോസഫിന്റെ പേരിൽ അശ്ലീല വീഡിയോ: ഇടതു നേതാക്കൾ പരാതി നൽകി
തൃക്കാക്കരയിലെ എൽഡിഎഫ് സ്ഥാനാർഥി ഡോ. ജോ ജോസഫിന്‍റേതെന്ന പേരിൽ അശ്ലീല വീഡിയോ പ്രചരിക്കുന്നതിനെതിരേ ഇടതു നേതാക്കൾ പോലീസിൽ പരാതി നൽകി. സംഭവത്തെക്കുറിച്ച് അന്വേഷിക്കണമെന്നാവശ്യപ്പെട്ട് ഡിജിപിക്കും തെരഞ്ഞെടുപ്പ് കമ്മീഷനുമാണ് പരാതി നൽകിയത്. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. നിലവാരമില്ലാത്ത പ്രവൃത്തിയാണ് നേതൃത്വത്തിന്‍റെ അറിവോടെ കോണ്ഗ്രസ് സൈബർ ഗ്രൂപ്പുകൾ നടത്തുന്നതെന്ന് മന്ത്രി പി. രാജീവ് പറഞ്ഞു. ഇതിനെ നിയമപരമായും രാഷ്ട്രീയമായും നേരിടും. എൽഡിഎഫ് സ്ഥാനാർഥിക്ക് ജനങ്ങൾക്കിടയിൽ സ്വീകാര്യത ലഭിച്ചതോടെയാണ് കോണ്ഗ്രസ് ഈ ഹീനപ്രവൃത്തി തുടങ്ങിയതെന്ന് അദ്ദേഹം പറഞ്ഞു. യുഡിഎഫിന്‍റെ രാഷ്ട്രീയ അന്തസില്ലായ്മയാണ് വീഡിയോ പ്രചാരണത്തിലൂടെ വെളിവാകുന്നതെന്ന് എൽഡിഎഫ് തെരഞ്ഞെടുപ്പ് കമ്മിറ്റി സെക്രട്ടറി എം. സ്വരാജ് പറഞ്ഞു. ഇത് ആരാണെന്നറിയാമോ എന്ന ചോദ്യത്തോടെയാണ് വീഡിയോ പ്രചരിക്കുന്നത്.
Read More » -
Kerala
സര്‍ക്കാര്‍ ആശുപത്രികളില്‍ മെഡിക്കല്‍ ബിരുദധാരികളില്‍ നിന്നും ഇന്‍റണ്‍ഷിപ്പ് ഫീസ് ഈടാക്കുന്നതായി പരാതി.
ഫീസ് വാങ്ങരുതെന്ന് ഉത്തരവുണ്ടായിട്ടും കേരളത്തിലെ സര്‍ക്കാര്‍ ആശുപത്രികളില്‍ മെഡിക്കല്‍ ബിരുദധാരികളില്‍ നിന്നും ഇന്‍റണ്‍ഷിപ്പ് ഫീസ് ഈടാക്കുന്നതായി പരാതി. ഫീസ് ഈടാക്കരുതെന്ന് മാത്രമല്ല സ്‌റ്റൈപ്പന്‍റ് നല്‍കണമെന്ന് ദേശീയ മെഡിക്കല്‍ കമ്മീഷന്‍റെ ഉത്തരവുള്ളപ്പോഴാണ് കേരളത്തിലെ മെഡിക്കല്‍ ബിരുദധാരികള്‍ക്ക് ഈ ദുരവസ്ഥ. ഈ കാര്യം ശ്രദ്ധയില്‍പ്പെട്ട ദേശീയ മെഡിക്കല്‍ കമ്മീഷന്‍ സംസ്ഥാന മെഡിക്കല്‍ കൗണ്‍സിലുകള്‍ക്കും മെഡിക്കല്‍ വിദ്യാഭ്യാസ ഡയറക്ടറേറ്റുകള്‍ക്കും ഉത്തരവ് കര്‍ശനമായി പാലിക്കാന്‍ നിര്‍ദ്ദേശം നല്‍കി. എന്നാല്‍ ഇത് കേരളത്തില്‍ നടപ്പിലായില്ല. വിദേശ മെഡിക്കല്‍ ബിരുദധാരികളില്‍ നിന്ന് 1,20,000 രൂപയും സ്വാശ്രയകോളജിലെ മെഡിക്കല്‍ ബിരുദധാരികളില്‍ നിന്ന് 60,000 രൂപയുമാണ് ഒരുവര്‍ഷം ഇന്‍റണ്‍ഷിപ്പ് ഫീസായി സംസ്ഥാന സര്‍ക്കാര്‍ ഈടാക്കുന്നത്. സര്‍ക്കാര്‍ മെഡിക്കല്‍ കോളജില്‍ നിന്ന് പഠിച്ചിറങ്ങിയ മെഡിക്കല്‍ ബിരുദധാരികള്‍ക്ക് സ്‌റ്റൈപ്പന്‍റ് നല്‍കുമ്പോഴാണ് മറ്റുള്ളവരോട് ഈ വിവേചനം. ദേശീയ മെഡിക്കല്‍ കമ്മീഷന്‍റെ ഉത്തരവ് പ്രകാരം സ്‌റ്റൈപ്പന്‍റ് എല്ലാവര്‍ക്കും നല്‍കണമെന്നാണ്. എന്നാല്‍ സംസ്ഥാന സര്‍ക്കാര്‍ ഈ ഉത്തരവ് കേട്ടഭാവം പോലും നടിക്കുന്നില്ല. ഫീസ് വാങ്ങാന്‍ ഉത്തരവിട്ട…
Read More » -
Kerala
പി.സി. ജോർജിന്‍റെ ജാമ്യാപേക്ഷ പരിഗണിക്കുന്നത് ഹൈക്കോടതി വെള്ളിയാഴ്ചത്തേക്ക് മാറ്റി
മതവിദ്വേഷ പ്രസംഗത്തിന്‍റെ പേരിൽ അറസ്റ്റിലായ പി.സി. ജോർജിന്‍റെ ജാമ്യാപേക്ഷ പരിഗണിക്കുന്നത് ഹൈക്കോടതി വെള്ളിയാഴ്ചത്തേക്ക് മാറ്റി. വെള്ളിയാഴ്ച ഉച്ചയ്ക്ക് 1.45ന് കോടതി കേസ് പരിഗണിക്കും. പി.സി. ജോർജിനെ 14 ദിവസത്തേക്കാണ് കോടതി റിമാൻഡ് ചെയ്തത്. ഇന്ന് രാവിലെയാണ് അദ്ദേഹത്തെ മജിസ്ട്രേറ്റിന് മുൻപിലെത്തിച്ചത്. അദ്ദേഹത്തെ പൂജപ്പുര ജയിലിലാണ് പ്രവേശിപ്പിച്ചത്. ജയിലിൽ കൊണ്ടുപോകുന്നതിന് മുന്നോടിയായി പി.സി. ജോർജിനെ വൈദ്യപരിശോധനയ്ക്കായി തിരുവനന്തപുരം ജനറൽ ആശുപത്രിയിൽ എത്തിച്ചിരുന്നു.
Read More » -
LIFE
നടന്‍ വിനീത് കുമാര്‍ സംവിധാനം ചെയ്യുന്ന ‘ഡിയര്‍ ഫ്രണ്ടി’ന്റെ ട്രെയിലര്‍ പുറത്തിറങ്ങി
നടന്‍ വിനീത് കുമാര്‍ സംവിധാനം ചെയ്യുന്ന ‘ഡിയര്‍ ഫ്രണ്ടി’ന്റെ ട്രെയിലര്‍ പുറത്തിറങ്ങി. രസകരമായ രീതിയിലാണ് ചിത്രത്തിന്റെ ട്രെയിലര്‍ തയ്യാറാക്കിയിരിക്കുന്നത്. ടൊവിനോ നായകനാകുന്ന ചിത്രം ജൂണ്‍ 10നാണ് പ്രേക്ഷകര്‍ക്ക് മുന്നിലെത്തുക. അഞ്ച് സുഹൃത്തുക്കളുടെ കഥയാണ് ചിത്രം പറയുന്നത്. പല കാലഘട്ടില്‍ അവര്‍ക്കിടയില്‍ ഉണ്ടാകുന്ന സൗഹൃദവും പ്രശ്നങ്ങളുമാണ് ചിത്രത്തിന്റെ ഇതിവൃത്തം. ബേസില്‍ ജോസഫും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നു. ജസ്റ്റിന്‍ വര്‍ഗീസാണ് സംഗീത സംവിധാനം നിര്‍വഹിക്കുന്നത്. ഷൈജു ഖാലിദാണ് ചിത്രത്തിന്റെ ഛായാഗ്രാഹണം നിര്‍വഹിക്കുന്നത്.ഷൈജു ഖാലിദ്, സമീര്‍ താഹിര്‍, ആഷിഖ് ഉസ്മാന്‍ എന്നിവര്‍ ചേര്‍ന്നാണ് നിര്‍മാണം. ഹാപ്പി അവേഴ്‌സ് എന്റര്‍ടെയ്ന്‍മെന്റ്‌സിന്റെയും ആഷിഖ് ഉസ്മാന്‍ പ്രൊഡക്ഷന്‍സിന്റെയും ബാനറിലാണ് നിര്‍മാണം. ഷറഫു, സുഹാസ്, അര്‍ജുന്‍ലാല്‍ എന്നിവര്‍ ചേര്‍ന്നാണ് തിരക്കഥ. ദീപു ജോസഫാണ് ചിത്രത്തിന്റെ ചിത്ര സംയോജനം നിര്‍വഹിക്കുന്നത്.
Read More » -
Kerala
അതിജീവിതയ്ക്ക് നീതി ഉറപ്പാക്കാനാവശ്യമായ എല്ലാ നടപടികളും സര്‍ക്കാര്‍ കൈക്കൊള്ളും : മുഖ്യമന്ത്രി
അതിജീവിതയ്ക്ക് നീതി ഉറപ്പാക്കാനാവശ്യമായ എല്ലാ നടപടികളും സര്‍ക്കാര്‍ കൈക്കൊള്ളുമെന്ന് മുഖ്യമന്ത്രി പിണറായി വിജയന്‍ പറഞ്ഞു. സെക്രട്ടേറിയറ്റിലെ ചേംബറില്‍ രാവിലെ 10 മണിക്ക് അതിജീവിതയുമായി നടന്ന കൂടിക്കാഴ്ചയിലാണ് മുഖ്യമന്ത്രി ഇക്കാര്യം പറഞ്ഞത്. കൂടിക്കാഴ്ച പതിനഞ്ച് മിനിറ്റോളം നീണ്ടു. കേസിനെ സംബന്ധിക്കുന്ന ചില ആശങ്കകള്‍ അതിജീവിത മുഖ്യമന്ത്രിയെ അറിയിച്ചു. കേസില്‍ തുടക്കം മുതല്‍ സര്‍ക്കാര്‍ ചെയ്ത കാര്യങ്ങള്‍ മുഖ്യമന്ത്രി വിശദീകരിച്ചു. എന്നും അതിജീവിതയ്‌ക്കൊപ്പമാണ് സര്‍ക്കാര്‍ നിലകൊണ്ടത്. ആ നില തന്നെ തുടര്‍ന്നും ഉണ്ടാകും. ഇത്തരം കേസുകളില്‍ എതിര്‍പക്ഷത്ത് എത്ര ഉന്നതനായാലും നടപടി ഉണ്ടാകും. കോടതിയെ സമീപിക്കാന്‍ ഇടയായത് സര്‍ക്കാര്‍ നടപടിയില്‍ ഏതെങ്കിലും തരത്തിലുള്ള വീഴ്ചകളുടെ പേരിലല്ലെന്ന് അതിജീവിത പറഞ്ഞു. കേസില്‍ നടന്നിട്ടുള്ള ചില കാര്യങ്ങളില്‍ കോടതിയുടെ അനുകൂല ഉത്തരവ് പ്രതീക്ഷിച്ചും അന്വേഷണത്തിന് കൂടുതല്‍ സമയം ലഭിക്കാനും വേണ്ടിയാണ് ഇത് ചെയ്തത്. കൂടെനിൽക്കുന്ന സര്‍ക്കാരിനും മുഖ്യമന്ത്രിക്കും അവര്‍ നന്ദി പറഞ്ഞു. അതിജീവതയുമായുള്ള കൂടിക്കാഴ്ചയ്ക്കു ശേഷം മുഖ്യമന്ത്രി അടിയന്തിരമായി സംസ്ഥാന പോലീസ് മേധാവിയെയും ക്രൈംബ്രാഞ്ച് എ.ഡി.ജി.പിയെയും…
Read More » -
Kerala
‘കറ്റയേന്തിയ കർഷക സ്ത്രീ’, അനുമതിയില്ലാതെ മോഡലിന്‍റെ ചിത്രം ഫ്ലക്സിൽ; വെട്ടിലായി സിപിഐ
കോഴിക്കോട്: സമ്മേളന ഫ്ലക്സ് ബോർഡിൽ അനുമതിയില്ലാതെ മോഡലിന്‍റെ ചിത്രം ഉപയോഗിച്ച് പുലിവാല് പിടിച്ച് സിപിഐ കുന്നംങ്കുളം മണ്ഡലം കമ്മിറ്റി. മോഡലും മേക്കപ് ആർട്ടിസ്റ്റുമായ അശ്വതി വിപുൽ സിപിഐ നടപടിക്കെതിരെ പൊലീസിൽ പരാതി നൽകി. കറ്റയേന്തിയ കർഷക സ്ത്രീയെ തേടിയിറങ്ങിയ സിപിഐ നേതാക്കളാണ് ഒടുവിൽ കോഴിക്കോട് സ്വദേശി മോഡലിനെ മോഡലാക്കിയത്. ചിത്രം അശ്വതിയുടെ പക്കലെത്തിയതോടെ നേതാക്കള്‍ വെട്ടിലുമായി. മണ്‍മറഞ്ഞ നേതാക്കളെയും വിപ്ലവകാരികളെയും പ്രചാരണ മുഖമാക്കുന്ന കമ്യൂണിസ്റ്റ് പാർട്ടികൾ ഇപ്പോള്‍ ജീവിച്ചിരിക്കുന്നവരുടെ ചിത്രങ്ങൾ ഉപയോഗിക്കുന്നത് പതിവാണ്. എന്നാൽ പ്രചാരണത്തിന്‍റെ തീം കൃഷിയാക്കിയതാണ് കുന്നങ്കുളത്തെ സിപിഐക്കാരെ വെട്ടിലാക്കിയത്. നെൽകർഷകരെ തേടി ഇറങ്ങിയ സംഘാടകര്‍ക്ക് കിട്ടിയത് അശ്വതി മോഡലായ ചിത്രമാണ്. ഒന്നും നോക്കിയില്ല, കറ്റ കയ്യിലെടുത്ത ഈ യുവതി സിപിഐയുടെ മോഡലായി. കോഴിക്കോട് സ്വദേശിയായ അശ്വതിയെ വേലൂർ വഴി പോയ സുഹൃത്താണ് കാര്യം അറിയിച്ചത്. ഇതോടെ കേസായി പുകിലായി. തൃശൂർ ജില്ലയിലെ കർഷക പാർട്ടിയായ സിപിഐക്ക് ഒരു കർഷകയെ കണ്ടെത്താൻ ഇത്ര ബുദ്ധിമുട്ടോ എന്നാണ് വിവരമറിഞ്ഞവരൊക്കെ ചോദിക്കുന്നത്.…
Read More »