ബാര്‍ കോഴ കേസില്‍ എല്‍.ഡി.എഫിനും മുഖ്യമന്ത്രിക്കും എന്ത് ബന്ധമാണെന്നും ഈ കച്ചവടത്തില്‍ പാര്‍ട്ടിക്ക് എന്ത് ലാഭമാണ് ലഭിച്ചതെന്നും തുറന്നടിച്ച് കെ.സുരേന്ദ്രന്‍. ചിറക്കടവ് തിരഞ്ഞെടുപ്പ് കമ്മിറ്റി ഓഫീസ് ഉദ്ഘാടനത്തിനെത്തിയതായിരുന്നു കെ.സുരേന്ദ്രന്‍. ബാര്‍ കോഴ കേസിലെ വിജിലന്‍സ് അന്വേഷണം ഗതി മാറ്റി വിട്ടതിന്റെ പ്രത്യുപകാരമാണോ ജോസ് കെ മാണിയുടെ എല്‍.ഡി.എഫ് പ്രവേശനമെന്ന് കെ.സുരേന്ദ്രന്‍ ചോദിച്ചു. ബാര്‍ കോഴ കേസില്‍ കെ.എം.മാണി, രമേശ് ചെന്നിത്തല, കെ ബാബു എന്നിവര്‍ക്കെതിരെയുള്ള അന്വേഷണം പെട്ടൊന്നൊരു സുപ്രഭാതത്തില്‍ എങ്ങനെയാണ് നിന്നു പോയതെന്ന് അദ്ദേഹം ആരോപിച്ചു. സംസ്ഥാനത്ത് നിലിനില്‍ക്കുന്ന പുതിയ പോലീസ് നിയമത്തിനെതിരെ പോരാടുമെന്നും ഇതിനെ ബി.ജെ.പി രാഷ്ട്രീയമായും നിയമപരമായും നേരിടുമെന്നും അദ്ദേഹം പറഞ്ഞു.
