ബിജു രമേശിനെതിരെ രമേശ് ചെന്നിത്തല

ബാര്‍ കോഴ കേസിലെ വിവാദ താരം ബിജു രമേശിനെതിരെ തുറന്നടിച്ച് പ്രതിപക്ഷ നേതാവ് രമേശ് ചെന്നിത്തല. വിജിലന്‍സ് മുന്‍പ് 2 തവണ പ്രാഥ്മിക അന്വേഷണം നടത്തി തനിക്ക ്പങ്കില്ലെന്ന് തെളിഞ്ഞ കേസുമായി ബന്ധപ്പെടുത്തി വീണ്ടു ഇത്തരത്തിലുള്ള വിവാദങ്ങള്‍ സൃഷ്ടിക്കാന്‍ ശ്രമിക്കരുതെന്നും ചെന്നിത്തല പറഞ്ഞു. ലോകായുക്തയും തള്ളിക്കളഞ്ഞ കേസില്‍ പിടിച്ച് വീണ്ടും കടിച്ചു തൂങ്ങുന്നത് സ്വാര്‍ത്ഥ ലാഭത്തിന് വേണ്ടി മാത്രമാണ്. താനോ തന്റെ ഭാര്യയോ ബിജു രമേശിനെ വിളിക്കുകയോ ആരോപണങ്ങളിലേക്ക് പേര് വലിച്ചിഴയ്ക്കുകയോ ചെയ്യരുതെന്ന് ഒരിക്കലും പറഞ്ഞിട്ടില്ലെന്നും ചെന്നിത്തല പറഞ്ഞു. തനിക്കും കുടുംബത്തിനും എതിരെ വാസ്തവ വിരുദ്ധവും അപകീര്‍ത്തികരവുമായ പ്രസ്താവന നടത്തിയ ബിജു രമേശിനെതിരെ മാനനഷ്ടത്തിന് കോടതിയില്‍ കേസ് കൊടുക്കുമെന്നും പ്രതിപക്ഷ നേതാവ് പറഞ്ഞു.

Leave a Reply

Your email address will not be published. Required fields are marked *