Month: August 2020
-
NEWS
സ്വര്‍ണ്ണക്കടത്ത് കേസ്; പ്രതികളുടെ റിമാന്‍ഡ് കാലാവധി നീട്ടി
കൊച്ചി: തിരുവനന്തപുരം സ്വര്‍ണ്ണക്കടത്ത് കേസില്‍ പ്രതികളുടെ റിമാന്‍ഡ് കാലാവധി നീട്ടി. സ്വപ്ന സുരേഷ്,സരിത്,സന്ദീപ് നായര്‍ അടക്കം 15പ്രതികളുടെ റിമാന്‍ഡ് കാലാവധിയാണ് അടുത്തമാസം എട്ടാം തിയതി വരെ നീട്ടിയത്. കസ്റ്റംസ് രജിസ്റ്റര്‍ ചെയ്ത കേസില്‍ സാമ്പത്തിക കുറ്റകൃത്യങ്ങള്‍ക്കുള്ള കൊച്ചിയിലെ പ്രത്യേക കോടതിയാണ് റിമാന്‍ഡ് കാലാവധി നീട്ടിയത്. കാലാവധി അവസാനിച്ചതിനെ തുടര്‍ന്ന് പ്രതികളെ വീഡിയോ കോണ്‍ഫറന്‍സ് വഴി കോടതിയില്‍ ഹാജരാക്കി. കേസില്‍ കൂടുതല്‍ പ്രതികള്‍ പിടിയിലാകാനുണ്ടെന്നും പിടിയിലായ പ്രതികള്‍ക്ക് ജാമ്യം അനുവദിച്ചാല്‍ സാക്ഷികളെ സ്വാധീനിക്കാനും തെളിവ് നശിപ്പിക്കാനും സാധ്യതയുണ്ടെന്നും കസ്റ്റംസ് കോടതിയെ അറിയിച്ചു. നേരത്തെ സ്വര്‍ണ്ണക്കടത്തുമായി ബന്ധപ്പെട്ട് എന്‍ഫോഴ്‌സ്‌മെന്റ് ഡയറ്കടറേറ്റ് ചുമത്തിയ കേസില്‍ സ്വപ്ന സുരേഷിന് കോടതി ജാമ്യം നിഷേധിച്ചിരുന്നു. കേസ് ഡയറി പരിശോധിച്ചതില്‍ നിന്ന് കള്ളപ്പണം വെളുപ്പിക്കലിന് തെളിവുണ്ടെന്നും പ്രതി കുറ്റസമ്മത മൊഴി നല്‍കിയിട്ടുണ്ടെന്നുമായിരുന്നു കോടതിയുടെ നിരീക്ഷണം.
Read More » -
LIFE
സുരാജിന്റെ നായികയാവാന്‍ ഞങ്ങള്‍ക്ക്‌ പറ്റില്ല- നായകനായ ചിത്രത്തില്‍ നേരിട്ട ദുരനുഭവം തുറന്ന് പറഞ്ഞ് സുരാജ് വെഞ്ഞാറമൂട്
മലയാള സിനിമയിലേക്ക് ഒരു ഹാസ്യതാരമെന്ന നിലയില്‍ കടന്നു വന്ന് പിന്നീട് സംസ്ഥാന, ദേശീയ പുരസ്‌കാരങ്ങള്‍ സ്വന്തമാക്കി താരമാണ് സുരാജ് വെഞ്ഞാറമൂട്. ഒരു കാലത്ത് കോമഡി റോളുകള്‍ മാത്രം ചെയ്തിരുന്ന സുരാജിന്ന് നായകനായും മികച്ച കഥാപാത്രങ്ങളായും പ്രേക്ഷകര്‍ക്ക് മുന്‍പില്‍ പ്രത്യക്ഷപ്പെടുന്നു. താരത്തിന്റെ വളര്‍ച്ച ഏവരേയും അത്ഭുതപ്പെടുത്തുന്നതുമാണ്. എബ്രിഡ് ഷൈന്‍ സംവിധാനം ചെയ്ത ആക്ഷന്‍ ഹീറോ ബിജു എന്ന ചിത്രത്തിലാണ് ആദ്യമായി സുരാജിന്റെ മറ്റൊരു കഥാപാത്രം പ്രേക്ഷകര്‍ കണ്ടത്. മകള്‍ നഷ്ടപ്പെട്ട വിവരം പോലീസ് സ്‌റ്റേഷനില്‍ അറിയിക്കാനെത്തുന്ന അച്ഛന്റെ ഭാവപ്രകടനങ്ങളിലൂടെയും നിസഹായവസ്ഥയിലൂടെയും കടന്നു പോവുന്ന കഥാപാത്രമായെത്തിയ സുരാജ് ഞെട്ടിക്കുന്ന പ്രകടനമാണ് കാഴ്ചവെച്ചത്. ഈ കഥാപാത്രത്തിന്റെ പ്രകടനത്തിന് സുരാജിന് മികച്ച അഭിപ്രായമാണ് ലഭിച്ചത്. പിന്നീട് ഹാസ്യനടന്‍ എന്ന ലേബലില്‍ നിന്ന് അയാള്‍ നടന്‍ എന്ന നിലയിലേക്ക് വളരുകയായിരുന്നു. സുരാജ് തരംഗമായി മാറിയ കാലത്ത് അദ്ദേഹത്തെ നായകനാക്കി പുറത്തിറങ്ങിയ ചിത്രത്തിന് നേരിട്ട ഒരു ദുരനുഭവമാണ് സുരാജ് ഇപ്പോള്‍ പ്രേക്ഷകരോട് പങ്ക് വെച്ചിരിക്കുന്നത്. സുരാജ് വെഞ്ഞാറമൂടിന്റെ നായികയായി പലരേയും…
Read More » -
LIFE
മാരുതി കാറിനെ കേന്ദ്രകഥാപാത്രമായി പുതുമ നിറഞ്ഞ പ്രണയ ചിത്രവുമായ് സേതു; യുവത്വത്തിന്റെ ആഘോഷങ്ങളുമായി മഹേഷും മാരുതിയും ….
സച്ചി സേതു കൂടുകെട്ടിലെ സേതു സംവിധാനം ചെയ്യുന്ന പുതിയ സിനിമയാണ് മഹേഷും മാരുതിയും. ഹാസ്യത്തിനും സൗഹൃദത്തിനും പ്രാധാന്യം നൽകി ഒരുക്കുന്ന ഈ ചിത്രത്തിൻ്റെ ഫസ്റ്റ് ലുക്ക് പോസ്റ്റർ പൃഥ്വിരാജിൻ്റെ ഫേസ്ബുക്ക് പേജിലൂടെ പുറത്തിറങ്ങി. ആസിഫ് അലി പ്രധാന കഥാപാത്രത്തെ അവതരിപ്പിക്കുന്ന ചിത്രത്തിൽ വൻ താരനിര തന്നെ അണിനിരക്കുന്നു. സേതു തന്നെയാണ് ചിത്രത്തിന്റെ തിരക്കഥയും ഒരുക്കിയിരിക്കുന്നത്. ആസിഫ് അലിയുടെ മറ്റൊരു ഫീൽ ഗുഡ് മൂവി ആയിരിക്കും മഹേഷും മാരുതിയും. മണിയൻപിള്ള രാജു പ്രൊഡക്ഷൻ and VSL ഫിലിം house ചേർന്നാണ് ചിത്രം നിർമ്മിക്കുന്നത്. മനോഹരമായ ഗാനങ്ങൾ കൊണ്ടും സമ്പന്നമാണ് ഈ ചിത്രം.
Read More » -
LIFE
ചേട്ടനോടുള്ള വാശിക്കാണ് ഞാന്‍ നടനായത്- ഡെയിന്‍ ഡേവിസ്
ജീവിതത്തില്‍ നിങ്ങള്‍ക്ക് എത്തിച്ചേരാന്‍ ഒരു ലക്ഷ്യസ്ഥാനം ഉണ്ടെങ്കില്‍, അതിനായി നിങ്ങള്‍ ആത്മാര്‍ത്ഥമായി പരിശ്രമിക്കുന്നുണ്ടെങ്കില്‍ എന്തൊക്കെ പ്രതികൂല സാഹചര്യമുണ്ടായാലും നിങ്ങളാ ലക്ഷ്യത്തിലെത്തിച്ചേരും എന്നതിന്റെ ഏറ്റവും മികച്ച ഉദാഹരണമാണ് ഡെയിന്‍ ഡേവിസ്. ചെറുപ്പത്തില്‍ സംസാരശേഷിയുടെ പേരില്‍ മാറ്റി നിര്‍ത്തപ്പെട്ട ഒരു കുട്ടി ഇന്ന് കോമഡി പ്രോഗ്രാമുകളിലെ നിറ സാന്നിധ്യമാകുന്നു, നടനാകുന്നു, വലിയ ഷോകളുടെ അവതാരകനായി ആളുകള്‍ പൊട്ടിച്ചിരിപ്പിക്കുന്നു. ഡെയിന്‍ ഡേവിസിന്റെ കഥ ഇങ്ങനെയാണ്. സ്വപ്‌നം കണ്ട ജീവിതം എത്തിപ്പിടിക്കാന്‍ അയാള്‍ നന്നായി കഷ്ടപ്പെട്ടിരുന്നു. മിമിക്രിക്കാരനായ അച്ഛന്റെ സ്വാധീനമാണ്‌ ഡെയിനെ ഒരു കലാകാരനാക്കി മാറ്റിയത്. ചെറുപ്പത്തില്‍ ചേട്ടന്‍ തനിയെ സ്‌കിറ്റുകളുണ്ടാക്കി ചെയ്യുമ്പോഴും, മോണോ ആക്ടില്‍ തുടരെ സമ്മാനങ്ങള്‍ വാങ്ങുമ്പോഴും തനിക്ക് നല്ല അസൂയ ഉണ്ടായിരുന്നുവെന്നും, എന്നെങ്കിലും ഇതേ പോലെ തനിക്കും നേടണമെന്നും തീരുമാനിച്ചതില്‍ നിന്നാണ് താന്‍ ഇന്ന് കാണുന്ന നിലയിലെത്തിയതെന്ന് ഡെയിന്‍ പറയുന്നു. സ്‌കൂള്‍ കാലഘട്ടത്തില്‍ ഡെയിന്‍ ഡേവിസ് നേരിട്ട പ്രശ്‌നങ്ങളും പ്രതിസന്ധികളുമാണ് അയാളിലെ നടനെ വളര്‍ത്തിയത്. ആദ്യമായി മോണോആക്ട് അവതരിപ്പിക്കാന്‍ കയറിയ സ്‌റ്റേജില്‍ നിന്നും…
Read More » -
NEWS
സര്‍ക്കാരിന്റെ ഓരോ അഴിമതിയും അന്വേഷണം നേരിടേണ്ടിവരും, പെരിയ കേസ് തുടക്കം മാത്രം: രമേശ് ചെന്നിത്തല
പെരിയ കേസ് കോടതി സിബിഐ അന്വേഷണത്തിന് വിട്ടതുപോലെ ഇടതു സർക്കാരിന്റെ അഴിമതി കേസുകൾ ഓരോന്നും അന്വേഷണം നേരിടേണ്ടിവരും എന്ന് പ്രതിപക്ഷ നേതാവ് രമേശ് ചെന്നിത്തല. മുഖ്യമന്ത്രി പിണറായി വിജയൻ രാജിവയ്ക്കണം എന്ന് ആവശ്യപ്പെട്ട് കെ.പി.സി സി ആസ്ഥാനത്ത് കെ.പി.സി.സി പ്രസിഡന്റ് മുലപ്പള്ളി രാമചന്ദ്രൻ നടത്തുന്ന ഉപവാസ സമരം ഉദ്ഘാടനം ചെയ്തു സംസാരിക്കുകയായിരുന്നു രമേശ് ചെന്നിത്തല. ഇന്നലെ നിയമസഭാ സമ്മേളനത്തിൽ നിന്നും വിട്ടു നിന്ന എം.എൽ.എ മർക്കുക്കുള്ള നടപടി അടുത്ത യുഡിഎഫ് യോഗം തീരുമാനിക്കും. യുഡിഎഫിനെ ആരും ഉമ്മാക്കി കാണിച്ച് പേടി പ്പിക്കാൻ നോക്കേണ്ട. എൽ.ഡി.എഫ് ഗവണ്മെന്റിന്റെ അഴിമതിക്കെതിരെ ശക്തമായ സമര പരിപാടിയും ആയി മുന്നോട്ട് പോകും എന്നും പ്രതിപക്ഷ നേതാവ് പറഞ്ഞു. തുടർന്ന് ഉമ്മൻചാണ്ടി നിയമസഭയിലെ അര നൂറ്റാണ്ട് ബ്രോഷർ പ്രകാശനവും പ്രതിപക്ഷ നേതാവ് നിർവഹിച്ചു. ഇന്ദിരാ ഭവനില്‍ ചൊവ്വാഴ്ച രാവിലെ ഒന്‍പത് മുതല്‍ വൈകുന്നേരം അഞ്ച് വരെയാണ് ഉപവാസ സമരം.
Read More » -
NEWS
പെരിയ ഇരട്ടക്കൊലക്കേസില്‍ സര്‍ക്കാരിന് തിരിച്ചടി; അന്വേഷണം സിബിഐക്ക്‌
കൊച്ചി: പെരിയ ഇരട്ടക്കൊല കേസില്‍ സര്‍ക്കാരിന് തിരിച്ചടി. അന്വേഷണം സിബിഐയ്ക്ക് കൈമാറിയതിന് എതിരെ സര്‍ക്കാര്‍ അപ്പീല്‍ നല്‍കിയിരുന്നു അതാണ് ഇപ്പോള്‍ ഹൈക്കോടതി തളളിയിരിക്കുന്നത്. സിംഗിള്‍ ബെഞ്ച് ഉത്തരവ് ഡിവിഷന്‍ ബെഞ്ച് ശരിവെച്ചു. എന്നാല്‍ പോലീസിന്റെ കുറ്റപത്രം റദ്ദാക്കിയ സിംഗിള്‍ ബെഞ്ച് വിധി ഇതുവരെ അംഗീകരിച്ചിട്ടില്ല. അതേസമയം, വാദം പൂര്‍ത്തിയായി 9 മാസത്തിന് ശേഷമാണ് കേസില്‍ ഹൈക്കോടതി വിധി പറയുന്നത്. ഒമ്പത് മാസം പിന്നിട്ടിട്ടും വിധി പറയാത്ത ഹൈക്കോടതി നടപടി സുപ്രീം കോടതി മാര്‍ഗനിര്‍ദേശങ്ങളുടെ ലംഘനമാണെന്ന് കാണിച്ചു കൊല്ലപ്പെട്ടവരുടെ ബന്ധുക്കള്‍ കേസ് മറ്റൊരു ബെഞ്ചിന് വിടണം എന്നാവശ്യപ്പെട്ട് ഹൈക്കോടതിയില്‍ തിങ്കളാഴ്ച പുതിയ ഹര്‍ജി നല്‍കിയിരുന്നു. ഇതിന് തൊട്ടു പിന്നാലെയാണ് കേസില്‍ ഇന്ന് വിധി പറയുമെന്ന് ഹൈക്കോടതി അറിയിച്ചത്. കഴിഞ്ഞ വര്‍ഷം നവംബര്‍ പതിനാറിനാണ് പെരിയ ഇരട്ടക്കൊലക്കേസ് സിബിഐയ്ക്ക് വിട്ടതിന് എതിരായ സര്‍ക്കാര്‍ അപ്പീലില്‍ വാദം പൂര്‍ത്തിയായത്. പക്ഷേ വാദം പൂര്‍ത്തിയായി ഒമ്പത് മാസം കഴിഞ്ഞെങ്കിലും ചീഫ് ജസ്റ്റിസ് എസ്. മണികുമാറും ജസ്റ്റിസ് സി.ടി.രവികുമാറും…
Read More » -
LIFE
സഞ്ചാരത്തില്‍ നിങ്ങള്‍ കേള്‍ക്കുന്ന ശബ്ദം എന്റേതല്ല- സന്തോഷ് ജോര്‍ജ് കുളങ്ങര
ടെലിവിഷന്‍ ചാനലില്‍ പ്രോഗ്രാമുകളില്‍ കണ്ണീര്‍ സീരിയലുകളും ഹാസ്യപരിപാടികളും കളം നിറഞ്ഞു നിന്ന കാലത്ത് മലയാളികള്‍ക്കിടയിലേക്ക് പു്ത്തന്‍ ആശയവുമായി കടന്നു വന്ന പരിപാടിയാണ് സഞ്ചാരം. സഞ്ചാരം പോലെ മലയാളി പ്രേക്ഷകരെ അത്രയധികം സ്വാധീനിച്ച മറ്റൊരു യാത്രാവിവരണ പരിപാടിയുണ്ടോ എന്നു തന്നെ സംശയമാണ്. സഞ്ചാരം പ്രോഗ്രാമിലൂടെ ഏവര്‍ക്കും സുപരിചിതനായ വ്യക്തിയാണ് സന്തോഷ് ജോര്‍ജ് കുളങ്ങര. സഞ്ചാരമെന്ന് പുതിയ ആശയത്തെ അത്രയും തീവ്രമായി പ്രേക്ഷകരിലേക്കെത്തിക്കാന്‍ സന്തോഷ് ജോര്‍ജിന് കഴിഞ്ഞതുകൊണ്ട് മാത്രമാണ് ഇപ്പോഴും സഞ്ചാരം മലയാളി ഇരു കൈയ്യും നീട്ടി സ്വീകരിക്കുന്നത്. സഞ്ചാരത്തിന്റെ ജീവാത്മാവും പരമാത്മാവുമായ സന്തോഷ് ജോര്‍ജ് കുളങ്ങരയാണ് ഇപ്പോള്‍ സഞ്ചാരത്തിന് പി്ന്നിലെ രസകരമായ ഒരു കാര്യം പ്രേക്ഷകരോട് പങ്ക് വെച്ചത്. വര്‍ഷങ്ങളായി ടെലിവിഷനില്‍ സംപ്രേക്ഷണം ചെയ്യുന്ന സഞ്ചാരത്തിന് പിന്നില്‍ എന്നോടൊപ്പം പ്രവര്‍ത്തിക്കുന്ന ചിലര്‍ കൂടിയുണ്ട്. സഞ്ചാരത്തന് ശബ്ദം നല്‍കുന്നത് എന്റെ സഹപ്രവര്‍ത്തകനായ അനീഷ് പുന്നനാണ്. വര്‍ഷങ്ങളായി നിങ്ങള്‍ കേള്‍ക്കുന്ന ശബ്ദത്തിന്റെയുടമ ഞാനല്ല. സഞ്ചാരത്തിന്റെ സാങ്കേതിക വശങ്ങളില്‍ ഒരുപാട് പരിശ്രമം ആവശ്യമുണ്ട്. ഒരു എപ്പിസോഡ് പൂര്‍ത്തിയാക്കാന്‍…
Read More » -
TRENDING
വ്യാജ പാസ്‌പോര്‍ട്ട് കേസ്; റൊണാള്‍ഡീഞ്ഞോയ്ക്ക് ജയില്‍ മോചനം
അങ്ങനെ നീണ്ട കാത്തിരിപ്പിനൊടുവില്‍ ബ്രസീല്‍ ഫുട്‌ബോള്‍ താരം റൊണാള്‍ഡീഞ്ഞോയ്ക്ക് ജയില്‍ മോചനം. വ്യാജ പാസ്‌പോര്‍ട്ട് കേസില്‍ പാരഗ്വായില്‍ അറസ്റ്റിലായ താരം അഞ്ച് മാസത്തോളം നീണ്ട ജയില്‍ വാസത്തിനൊടുവിലാണ് ഇപ്പോള്‍ മോചിതനായിരിക്കുന്നത്. മാര്‍ച്ച് മാസം ആദ്യമാണ് റൊണാള്‍ഡിഞ്ഞിയോയും സഹോദരന്‍ റോബര്‍ട്ടോയും അയല്‍രാജ്യമായ പാരഗ്വായില്‍ പോലീസിന്റെ പിടിയിലാകുന്നത്. അന്ന് മുതല്‍ ഇരുവരും ജയില്‍ വാസത്തിലായിരുന്നു. ഇതിനിടെ കോവിഡ് വ്യാപിച്ചതോടെ ഏപ്രിലില്‍ വിചാരണ പൂര്‍ത്തിയാകും വരെ ഇരുവരുടെയും ജയില്‍വാസം വീട്ടുതടങ്കലാക്കി കോടതി ഇളവു ചെയ്തു. ഹോട്ടലിലേക്കു മാറ്റുകയും ചെയ്തു. 12 കോടിയോളം രൂപയാണ് ഇതിനായി ജാമ്യത്തുക നല്‍കിയത്. വീട്ടുതടങ്ങലില്‍ നിന്ന് ഇരുവരേയും മോചിപ്പിക്കാന്‍ കോടതി ഉത്തരവിട്ടതോടെ താരത്തിന് ബ്രസീലിലേക്ക് മടങ്ങാന്‍ വഴിയൊരുങ്ങുകയായിരുന്നു. കുറ്റവിമുക്തനാക്കിയപ്പോള്‍ ചെലവിനത്തില്‍ 90,000 ഡോളര്‍ കെട്ടിവെയ്ക്കാന്‍ കോടതി നിര്‍ദേശിച്ചു. ഈ പണം കാരുണ്യപ്രവര്‍ത്തനങ്ങള്‍ക്ക് വേണ്ടി വിനിയോഗിക്കും. റൊണാള്‍ഡീഞ്ഞോ ഇന്ന് തന്നെ പ്രസീലിലേക്ക് മടങ്ങുമെന്നാണ് വിവരം. ഈ വര്‍ഷം മാര്‍ച്ചില്‍ പാരഗ്വായ് തലസ്ഥാനമായ അസുന്‍സ്യോനിലെ ഒരു കസിനോ ഉടമസ്ഥന്റെ ക്ഷണപ്രകാരം ഇവിടെയെത്തിയ റൊണാള്‍ഡിഞ്ഞോയെ താമസിക്കുന്ന…
Read More » -
TRENDING
ഉസൈന്‍ ബോള്‍ട്ടിനെ ഓടി പിടിച്ച് കോവിഡ്
കിങ്സറ്റണ്‍: എട്ടു തവണ ഒളിംപിക് ചാംപ്യനും, ലോകത്തിലെ വേഗമേറിയ ഓട്ടക്കാരനുമായ ജമൈക്കന്‍ ഇതിഹാസം ഉസൈന്‍ ബോള്‍ട്ടിന് കോവിഡ് സ്ഥിരീകരിച്ചു. ട്വിറ്ററിലൂടയാണ് താരം തനിക്ക് രോഗബാധയുണ്ടെന്ന വിവരം ലോകത്തെ അറിയിച്ചത്. താന്‍ സെല്‍ഫ് ഐസൊലേഷനില്‍ പോവുകയാണെന്നും താരം ട്വീറ്റ് ചെയ്തു. ജമൈക്കയില്‍ സുഹൃത്തുക്കളോടൊപ്പം അദ്ദേഹം 34ാം പിറന്നാള്‍ ആഘോഷിച്ചിരുന്നു. ഇതിനു പിന്നാലെയാണ് ബോള്‍ട്ടിനു കോവിഡ് രോഗം പിടിപെട്ടത്. എല്ലാവര്‍ക്കും ഗുഡ് മോര്‍ണിങ്. എനിക്ക് കോവിഡ്-19 സ്ഥിരീകരിച്ചിരിക്കുകയാണ്. ശനിയാഴ്ചയായിരുന്നു ഞാന്‍ ടെസ്റ്റ് നടത്തിയത്. ഞാന്‍ ഇതിന്റെ ഉത്തരവാദിത്വം ഏറ്റെടുക്കാന്‍ ശ്രമിക്കുന്നു. അതിനാല്‍ ഐസൊലേഷനില്‍ പോവുകയും സുഹൃത്തുക്കളില്‍ നിന്നു വിട്ടു നില്‍ക്കുകയും ചെയ്യുന്നു. എനിക്കു രോഗലക്ഷണങ്ങളൊന്നുമില്ലായിരുന്നു. അതിനാല്‍ സ്വയം ക്വാറന്റീനില്‍ പോവുകയാണെന്നും ട്വിറ്റര്‍ വീഡിയോയിലൂടെ ബോള്‍ട്ട് വ്യക്തമാക്കി. ആരോഗ്യ മന്ത്രാലയത്തില്‍ നിന്നുള്ള പ്രോട്ടോക്കോളുകള്‍ എന്തൊക്കെയാണെന്ന് അറിയാനും എനിക്കു എങ്ങനെ സ്വയം ക്വാറന്റീനില്‍ പോവാന്‍ കഴിയുമെന്നറിയാനും കാത്തിരിക്കുകയാണ്. സുരക്ഷിതനാവുന്നതിനും ഇതിനെ എളുപ്പം മറികടക്കുന്നതിനും വേണ്ടിയാണ് ഞാന്‍ സ്വയം ക്വാറന്റീനില്‍ പോവുന്നത്. നിങ്ങളും അവിടെ സുരക്ഷിതരായിരിക്കൂവെന്നും ബോള്‍ട്ട് കൂട്ടിച്ചേര്‍ത്തു.…
Read More » -
NEWS
നെഹ്‌റു കുടുംബത്തിന്റെ വിശ്വസ്തന്റെ പതനം – ഗുലാം നബി ആസാദ് വളർച്ചയും തളർച്ചയും
കോൺഗ്രസിൽ നേതൃമാറ്റം വേണമെന്ന് കത്തെഴുതിയവരിൽ പ്രമുഖൻ രാജ്യസഭാ പ്രതിപക്ഷ നേതാവ് ഗുലാം നബി ആസാദാണ് .നെഹ്‌റു -ഗാന്ധി കുടുംബത്തോട് ഏറ്റവും വിശ്വസ്തൻ എന്നറിയപ്പെടുന്ന നേതാവാണ് ഗുലാം നബി ആസാദ്.സഞ്ജയ് ഗാന്ധി കാലഘട്ടത്തിലാണ് ഗുലാം നബി ആസാദിന്റെ രാഷ്ട്രീയ പ്രവേശം .പിന്നീടങ്ങോട്ട് രാഷ്ട്രീയത്തിൽ തിരിഞ്ഞു നോക്കേണ്ടി വന്നിട്ടില്ല .കേന്ദ്രമന്ത്രിയായി ,മുഖ്യമന്ത്രിയായി ,കോൺഗ്രസ്സ് മുതിർന്ന നേതാവായി . 2002 മാർച്ച് 27 നു സോണിയ ഗാന്ധി ആസാദിനോട് ജമ്മു കാശ്മീർ പാർട്ടി അധ്യക്ഷൻ ആകാൻ പറഞ്ഞു .ആ സമയത്ത് എ ഐ സി സി ജനറൽ സെക്രട്ടറി ആയിരുന്നു ആസാദ് .അത്ഭുതങ്ങൾ എന്നും കാണിച്ചിട്ടുള്ള ആസാദ് കാശ്മീരിലും അത്ഭുതം കാണിക്കുമെന്ന് സോണിയ കരുതിയിട്ടുണ്ടാകും .എന്തായാലും അഞ്ച് കൊല്ലം കഴിഞ്ഞപ്പോൾ ആസാദ് ജമ്മു കാശ്മീർ മുഖ്യമന്ത്രിയായി . രാജീവ് ഗാന്ധിക്കും ആസാദിനെ വിശ്വാസം ഉണ്ടായിരുന്നു . അർജുൻ സിങ്ങിൽ നിന്ന് പി വി നരസിംഹ റാവു ഒരു നേതൃ ഭീഷണി നേരിട്ടപ്പോൾ കൂട്ടിനു ആസാദുണ്ടായിരുന്നു .1998…
Read More »