Business
-
ടാറ്റ കമ്യൂണിക്കേഷന്സിന്റെ നാലാംപാദ ലാഭം 22 % ഉയര്ന്ന് 365 കോടി രൂപയായി
ന്യൂഡല്ഹി: ഡിജിറ്റല് കണക്ടിവിറ്റി കമ്പനിയായ ടാറ്റ കമ്യൂണിക്കേഷന്സിന്റെ നാലാം പാദത്തിലെ കണ്സോളിഡേറ്റഡ് ലാഭം 22 ശതമാനം ഉയര്ന്ന് 365 കോടി രൂപയായി. കഴിഞ്ഞ വര്ഷം ഇതേ കാലയളവില് 299.92 കോടി രൂപയായിരുന്നു കമ്പനിയുടെ ലാഭം. ഈ വര്ഷം തുടര്ച്ചയായ മൂന്ന് പാദങ്ങളിലെ വളര്ച്ചയിലും സ്ഥിരതയുള്ള പ്രകടനമാണ് കമ്പനി കാഴ്ച്ചവെച്ചത്. കമ്പനിയുടെ തന്ത്രങ്ങള് നടപ്പാക്കുന്നതിലും അവസരങ്ങള് നേടിയെടുക്കുന്നതിലുമാണ് കമ്പനിയുടെ ശ്രദ്ധ. ടീമിനെക്കുറിച്ചും ടീമിന്റെ വളര്ച്ചയെക്കുറിച്ചും അഭിമാനമുണ്ടെന്നും ടാറ്റ കമ്യൂണിക്കേഷന്സ് എംഡിയും സിഇഒയുമായ എ എസ് ലക്ഷമിനാരായണന് പറഞ്ഞു. കമ്പനിയുടെ പ്രവര്ത്തനങ്ങളില് നിന്നുള്ള കണ്സോളിഡേറ്റഡ് വരുമാനം 4.65 ശതമാനം ഉയര്ന്ന് 4,263 കോടി രൂപയായി. കഴിഞ്ഞ വര്ഷം ഇതേ കാലയളവില് 4,073.25 കോടി രൂപയായിരുന്നു വരുമാനം. ലാഭത്തിലും വരുമാനത്തിലും ക്രമാനുഗതമായ ഉയര്ച്ചയോടെ, 2022 സാമ്പത്തിക വര്ഷം ആരോഗ്യകരമായ വര്ഷമാണ്. ശക്തമായ പണമൊഴുക്ക് ആഗോള വിപണികളില് മത്സരിക്കാനും ശക്തമായ നിലപാടെടുക്കാനും ഞങ്ങള്ക്ക് ആത്മവിശ്വാസം നല്കുന്നു. നൂതനവും വ്യത്യസ്തവുമായ ഓഫറുകള് ഞങ്ങളുടെ പോര്ട്ട്ഫോളിയോയെ കൂടുതല് ശക്തിപ്പെടുത്തുമെന്നും ചീഫ്…
Read More » -
സോഷ്യല് കൊമേഴ്സ് സ്റ്റാര്ട്ടപ്പായ ഗ്ലോറോഡിനെ ഏറ്റെടുത്ത് ആമസോണ്
ബെംഗളൂരു: വനിതാ കേന്ദ്രീകൃത സോഷ്യല് കൊമേഴ്സ് സ്റ്റാര്ട്ടപ്പായ ഗ്ലോറോഡിനെ ഏറ്റെടുത്ത് ആമസോണ് ഇന്ത്യ. വെഞ്ച്വര് ക്യാപിറ്റല് ഫണ്ടായ ആക്സല്, വെര്ടെക്സ് വെന്ചേഴ്സ് തുടങ്ങിയവയുടെ പിന്തുണയുള്ള ഗ്ലോറോഡിന്റെ മൂല്യം ഏകദേശം 75 മില്യണ് ഡോളറാണ്. സോഷ്യല് കൊമേഴ്സ് എന്ന് വിളിക്കപ്പെടുന്ന ഒരു സംരംഭം ആമസോണ് ഏറ്റെടുക്കുന്നത് ആദ്യമായിയാണ്. ഇവിടെ വില്പ്പനക്കാര് അവരുടെ സാധനങ്ങള് വില്ക്കാന് വാട്സാപ്പ്, ഫേസ്ബുക്ക് പോലുള്ള പ്ലാറ്റ്ഫോമുകളാണ് ഉപയോഗിക്കുന്നത്. ആമസോണും ഗ്ലോറോഡും ഈ ഇടപാട് സ്ഥിരീകരിച്ചു. ഇന്ത്യയെ ഡിജിറ്റൈസ് ചെയ്യുന്നതിനും ഉപഭോക്താക്കളെയും സൂക്ഷ്മസംരംഭകരെയും വില്പ്പനക്കാരെയും സന്തോഷിപ്പിക്കുന്നതിനുള്ള പുതിയ വഴികള് ആമസോണ് പര്യവേക്ഷണം ചെയ്യുന്നത് തുടരുകയാണെന്നും ഗ്ലോറോഡിനൊപ്പം, രാജ്യത്തുടനീളമുള്ള ദശലക്ഷക്കണക്കിന് ഉല്പ്പാദകര്, ഗൃഹനിര്മ്മാതാക്കള്, വിദ്യാര്ത്ഥികള്, ചെറുകിട വില്പ്പനക്കാര് എന്നിവര്ക്കിടയില് സംരംഭകത്വം ത്വരിതപ്പെടുത്തുന്നതിന് ആമസോണ് സഹായിക്കുമെന്നും കമ്പനി വ്യക്തമാക്കി. ഇടപാടിന് ശേഷം, ഗ്ലോറോഡിന്റെ 170 ഓളം ജീവനക്കാരുടെ ടീം ആമസോണില് ചേരും. കൂടാതെ സ്ഥാപനം ഇപ്പോള് ഒരു സ്വതന്ത്ര യൂണിറ്റായി പ്രവര്ത്തിക്കുന്നത് തുടരും. ഞങ്ങള് പ്രാരംഭ ഘട്ടത്തിലായതിനാല്, പുതിയ ഇ-കൊമേഴ്സ് ഉപഭോക്താക്കള്ക്ക് ഓണ്ലൈന്…
Read More » -
ഇന്ത്യയില് നിന്നുള്ള ബസുമതി ഇതര അരി കയറ്റുമതിയില് വന് വളര്ച്ച
ന്യൂഡല്ഹി: ഇന്ത്യയില് നിന്നുള്ള ബസുമതി ഇതര അരി കയറ്റുമതിയില് വന് വളര്ച്ചയെന്ന് കേന്ദ്ര സര്ക്കാര്. ഇന്ത്യയുടെ ബസുമതി ഇതര അരി കയറ്റുമതി 2013-14ലെ 2.92 ബില്യണ് ഡോളറില് നിന്ന് 2021-22ല് 6.11 ബില്യണ് ഡോളറായി ഉയര്ന്നതായി വാണിജ്യ മന്ത്രാലയം ബുധനാഴ്ച അറിയിച്ചു. 109 ശതമാനം വളര്ച്ചയാണ് ഇന്ത്യ കൈവരിച്ചിരിക്കുന്നത്. 2021-22ല് 150 രാജ്യങ്ങളിലേക്ക് ഇന്ത്യ അരി കയറ്റുമതി ചെയ്തതായും ഡിജിസിഐഎസ് കണക്ക് വ്യക്തമാക്കുന്നു. ഇന്ത്യയില് നിന്നുള്ള ബസ്മതി ഇതര അരി കയറ്റുമതി 2019-20 ല് 2015 ദശലക്ഷം ഡോളറായിരുന്നുവെന്നാണ് ഡിജിസിഐഎസ് കണക്ക്. ഇത് 2020-21ല് 4799 ദശലക്ഷം ഡോളറായി ഉയര്ന്നു. 2021-22ല് 27 ശതമാനം വളര്ച്ച രേഖപ്പെടുത്തി. ബസുമതി ഇതര അരിയുടെ കയറ്റുമതി എല്ലാ കാര്ഷികോല്പ്പന്നങ്ങളിലും ഏറ്റവും കൂടുതല് വിദേശ നാണ്യ വരുമാനം നേടി (6115 ദശലക്ഷം ഡോളര്). കഴിഞ്ഞ രണ്ട് വര്ഷങ്ങളില് തുറമുഖങ്ങളിലെ അടിസ്ഥാന സൗകര്യങ്ങള് വികസിപ്പിക്കുന്നതിലും മൂല്യ ശൃംഖലയുടെ വികസനത്തിനും അരി കയറ്റുമതിക്കായി പുതിയ രാജ്യങ്ങളില് അവസരങ്ങള് കണ്ടെത്താനുള്ള…
Read More » -
ബാങ്കിംഗ് ഇതര ധനകാര്യ സ്ഥാപനങ്ങള്ക്ക് കൂടുതല് നിയന്ത്രണങ്ങള് ഏര്പ്പെടുത്തി ആര്ബിഐ
രാജ്യത്തെ ബാങ്കിംഗ് ഇതര ധനകാര്യ സ്ഥാപനങ്ങള്ക്ക് (എന്ബിഎഫ്സി) കൂടുതല് നിയന്ത്രണങ്ങള് ഏര്പ്പെടുത്തി ആര്ബിഐ. രാജ്യത്തെ ബാങ്കുകളും ബാങ്കിംഗ് ഇതര ധനകാര്യ സ്ഥാപനങ്ങളും ഒരേ പോലെ നിയന്ത്രിക്കാനുള്ള ആര്ബിഐയുടെ ശ്രമങ്ങളുടെ ഭാഗമാണ് പുതിയ നടപടി. പുതിയ നിയന്ത്രണങ്ങള് ഒക്ടോബര് ഒന്നുമുതല് പ്രാബല്യത്തില് വരും. അപ്പര് ലെയര് എന്ബിഎഫ്സികള്ക്ക് വായ്പകള് നല്കുന്നതിന് ആര്ബിഐ പരിധി നിശ്ചയിച്ചുണ്ട്. ഒരു പ്രത്യേക സ്ഥാപനത്തിന് എന്ബിഎഫ്സിയുടെ ക്യാപിറ്റല് ബേസിന്റെ 20 ശതമാനം മാത്രമേ വായ്പ നല്കാന് സാധിക്കു. അതില് കൂടുതല് ( 5 ശതമാനം വരെ) വായ്പ അനുവദിക്കുന്നതിന് ബോര്ഡിന്റെ അനുമതി ആവശ്യമാണ്. ഒരു ഗ്രൂപ്പിനാണെങ്കില് 25 ശതമാനം വരെയും ബോര്ഡിന്റെ അനുമതിയോടെ 35 ശതമാനം വരെയും വായ്പ അനുവദിക്കാം. അതേ സമയം അടിസ്ഥാന സൗകര്യ വികസനത്തിനായി 25 ശതമാനം വരെയും, ടയര്-1 ക്യാപിറ്റലില് നിന്ന് 5 ശതമാനം അധികവും വായ്പ അനുവദിക്കാം. പരിധി ലംഘിക്കുന്ന എന്ബിഎഫ്സികള്ക്കുമേല് ആര്ബിഐ നടപടിയെടുക്കും. മിഡ്-ലെയര്, ബേസ്-ലെയര് എന്ബിഎഫ്സികളുടെ പ്രവര്ത്തനങ്ങളിലും ആര്ബിഐ നിയന്ത്രണങ്ങള്…
Read More » -
10 വര്ഷത്തിനിടയിലെ വമ്പന് തിരിച്ചടി നേരിട്ട് നെറ്റ്ഫ്ലിക്സ്; 100 ദിവസത്തിനുള്ളില് 2,00,000 വരിക്കാരെ നഷ്ടമായി
പത്ത് വര്ഷത്തിനിടയിലെ വമ്പന് തിരിച്ചടി നേരിട്ട് ഒടിടി സ്ട്രീമിങ്ങ് പ്ലാറ്റ്ഫോമായ നെറ്റ്ഫ്ലിക്സ്. ഈ വര്ഷം ആദ്യ പാദത്തിലെ കണക്കുകളാണ് പുറത്തു വന്നിരിക്കുന്നത്. ഇതുപ്രകാരം ജനുവരി മുതല് മാര്ച്ച് വരെയുള്ള ഏതാണ്ട് 100 ദിവസത്തിനുള്ളില് നെറ്റ്ഫ്ളിക്സിന് 2,00,000 വരിക്കാരുടെ നഷ്ടമാണ് ഉണ്ടായത്. കഴിഞ്ഞ ഒരു ദശാബ്ദത്തിനിടെ പ്രമുഖ സ്ട്രീമിംഗ് പ്ലാറ്റ്ഫോം നേരിടുന്ന ഏറ്റവും വലിയ തകര്ച്ചയാണ് ഇത്. വരിക്കാരുടെ എണ്ണം കുറഞ്ഞതായി കമ്പനി വെളിപ്പെടുത്തിയതിനെ തുടര്ന്ന് ഓഹരി വിപണിയിലും വലിയ തിരിച്ചടിയാണുണ്ടായത്. നെറ്റ്ഫ്ലിക്സിന് ഓഹരി മൂല്യത്തിന്റെ നാലിലൊന്ന് നഷ്ടമായി. റഷ്യ-ഉക്രൈന് സംഘര്ഷത്തെ തുടര്ന്ന് റഷ്യയിലെ തങ്ങളുടെ സേവനം താല്ക്കാലികമായി നിര്ത്തിവച്ചതാണ് തകര്ച്ചയുടെ ഒരു കാരണം എന്ന് നെറ്ഫ്ലിക്സ് വ്യക്തമാക്കുന്നു. റഷ്യയില് നിന്ന് പിന്മാറാനുള്ള നെറ്റ്ഫ്ളിക്സിന്റെ പ്രഖ്യാപനത്തിനു തൊട്ടുപിന്നാലെ 7,00,000 വരിക്കാരുടെ കുറവാണ് നെറ്റ്ഫ്ളിക്സിന് ഉണ്ടായത്. ചൈനയില് തുടങ്ങി ആറ് വര്ഷം മുന്പ് ലോകത്തിന്റെ മറ്റു ഭാഗങ്ങളിലേക്ക് വളര്ന്ന നെറ്റ്ഫ്ലിക്സിന് ആദ്യമായാണ് ഇങ്ങനെയൊരു തിരിച്ചടി നേരിടേണ്ടി വരുന്നത്. ആദ്യപാദത്തില് 1.6 ബില്യണ് ഡോളറിന്റെ അറ്റാദായം…
Read More » -
നിര്ണ്ണായക പ്രഖ്യാപനവുമായി ടാറ്റ സ്റ്റീല്; റഷ്യയുമായുള്ള വ്യാപാരം അവസാനിപ്പിക്കുന്നു
റഷ്യ-യുക്രൈന് യുദ്ധത്തിനിടെ ഞെട്ടിക്കുന്ന പ്രഖ്യാപനവുമായി ഇന്ത്യന് കമ്പനിയായ ടാറ്റ സ്റ്റീല്. റഷ്യയുമായുള്ള വ്യാപാരം അവസാനിപ്പിക്കുമെന്ന് ഇന്ത്യയിലെ മുന്നിര സ്റ്റീല് കമ്പനിയായ ടാറ്റ സ്റ്റീല് പറഞ്ഞു. നിലവില് ഇന്ത്യയും റഷ്യയും സൗഹൃദത്തോടെയാണ് മുന്നോട്ടുപോകുന്നത്. യുദ്ധത്തിന്റെ പശ്ചാത്തലത്തില് യുഎസ് അടക്കമുള്ള രാജ്യങ്ങള് റഷ്യക്കെതിരേ വിലക്കുകള് ഏര്പ്പെടുത്തിയപ്പോള്, ഇന്ത്യ റഷ്യയില് നിന്നുള്ള പെട്രോളിയം ഇറക്കുമതി കൂട്ടുകയാണ് ചെയ്തത്. വിലക്കുകള്ക്കിടെ ഇന്ത്യയും റഷ്യയും അടുക്കുന്നതിനെതിരേ യുഎസും രംഗത്തെത്തിയിരുന്നു. ‘ടാറ്റാ സ്റ്റീലിന് റഷ്യയില് പ്രവര്ത്തനങ്ങളോ ജീവനക്കാരോ ഇല്ല. റഷ്യയുമായുള്ള വ്യാപാരം നിര്ത്താന് ഞങ്ങള് തീരുമാനമെടുത്തിട്ടുണ്ട്,’ ടാറ്റ സ്റ്റീല് പ്രസ്താവനയില് പറഞ്ഞു. കമ്പനിയുടെ ഇന്ത്യ, യുകെ, നെതര്ലാന്ഡ്സ് എന്നിവിടങ്ങളിലെ എല്ലാ സ്റ്റീല് നിര്മാണ സൈറ്റുകളും റഷ്യയെ ആശ്രയിക്കുന്നത് അവസാനിപ്പിക്കുന്നതിന് അസംസ്കൃത വസ്തുക്കളുടെ ബദല് വിതരണക്കാരെ സജ്ജമാക്കിയിട്ടുണ്ടെന്ന് ടാറ്റ സ്റ്റീല് പറഞ്ഞു. നിലവില് നിരവധി ആഗോള കമ്പനികള് റഷ്യക്കെതിരേ നിലപാടെടുക്കുകയും വ്യാപാരം നിര്ത്തലാക്കുകയും ചെയ്തിട്ടുണ്ട്. ഏപ്രില് 13ന് ഇന്ത്യയിലെ ടെക് ഭീമനായ ഇന്ഫോസിസ് റഷ്യയിലെ പ്രവര്ത്തനങ്ങള് നിര്ത്തലാക്കിയിരുന്നു. നിരവധി ആഗോള ഐടി,…
Read More » -
വൈദ്യുത വാഹനങ്ങളില് തീപിടുത്തം; കൂടുതല് സുരക്ഷയ്ക്കായി ബാറ്ററി മാദണ്ഡങ്ങള് കേന്ദ്രം പരിഷ്കരിക്കുന്നു
വൈദ്യുത വാഹനങ്ങളില് തീപ്പിടുത്തങ്ങളുണ്ടാകുന്ന വാര്ത്തകള് പതിവാകുന്നതോടെ ഇതിന് പരിഹാരം കാണാനൊരുങ്ങുകയാണ് കേന്ദ്രം. ഇവി വാഹനങ്ങളുടെ ബാറ്ററി പ്രശ്നങ്ങളാണ് അപകടകാരണമെന്നാണ് കമ്പനികള് നല്കുന്ന വിശദീകരണം. അതിനാല് ഇവി ബാറ്ററികള്ക്കുള്ള മാദണ്ഡങ്ങളില് സര്ക്കാര് ഉടന് തീരുമാനമെടുക്കും. ബാറ്ററിയുടെ ഗുണനിലവാരമടക്കം സര്ക്കാര് പരിഗണനയിലാണ്. ചൂടിനെ പ്രതിരോധിക്കുന്നതിനുള്ള സംവിധാനങ്ങളടക്കം ഉള്പ്പെടുത്തി ജനങ്ങളുടെ സുരക്ഷ ഉറപ്പാക്കുകയാണ് സര്ക്കാര് ലക്ഷ്യം. ഇന്ധനവില കുതിച്ചുയരുന്നതിനാല് ആളുകള് കൂടുല് ഇലക്ട്രിക് വാഹനങ്ങളോട് അടുക്കുകയാണ്. എന്നിരുന്നാലും ഇവി വാഹനങ്ങളുടെ അപകടങ്ങള് ആളുകളെ ഇവ വാങ്ങുന്നതില് നിന്നും പിന്തിരിപ്പിക്കുകയാണ്. വിപണിയിലെ ആദ്യത്തെ ഇവി സ്ക്കൂട്ടര് നിര്മാതാക്കളായ ഒക്നോവ ഇതിനോടകം 3215 വാഹനങ്ങളാണ് വിപണിയില് നിന്നും തിരിച്ച് വിളിച്ചിരിക്കുന്നത്. നിലവിലുള്ള വാഹനങ്ങളില് കൂടുതല് സുരക്ഷ ഉറപ്പാക്കാന് സര്ക്കാര് ആവശ്യപ്പെട്ടിട്ടുണ്ട്. നിലവില് ഇവി സ്ക്കൂട്ടറുകള്ക്ക് ഇറക്കുമതി ബാറ്ററികളാണ് ഉപയോഗിക്കുന്നതെന്നാണ് സര്ക്കാര് വ്യക്തമാക്കുന്നത്. ഇവി വാഹനങ്ങളുടെ അപകടങ്ങളില് കേന്ദ്ര ഗതാഗത മന്ത്രാലയം റിപ്പോര്ട്ട് തേടിയിട്ടുണ്ട്. ബെംഗളൂരുവില് ഇന്ത്യന് ഇന്സ്റ്റിറ്റ്യൂട്ട് ഓഫ് സയന്സിനോടും സെന്റര് ഓഫ് ഫയര് എക്സ്പ്ലോസീവ് ആന്ഡ് എണ്വിയോണ്മെന്റ്…
Read More » -
ഇടിവിന് ശേഷം സ്വര്ണ വിലയില് ഇന്ന് നേരിയ വര്ധന
കൊച്ചി: സംസ്ഥാനത്ത സ്വര്ണ വിലയില് നേരിയ വര്ധന. 120 രൂപ വര്ധിച്ച് ഒരു പവന് സ്വര്ണത്തിന്റെ വില 39,440 രൂപയായി. 15 രൂപ വര്ധിച്ച് ഒരു ഗ്രാം സ്വര്ണത്തിന്റെ വില 4930 രൂപയായി. തിങ്കളാഴ്ച 39,880 രൂപയിലെത്തി സ്വര്ണവില ഈ മാസത്തെ ഏറ്റവും ഉയര്ന്ന നിലവാരത്തില് എത്തിയിരുന്നു. ചൊവ്വാഴ്ച മാറ്റമില്ലാതെ തുടര്ന്ന സ്വര്ണവില ബുധനാഴ്ച 560 രൂപ ഇടിഞ്ഞു. തുടര്ന്ന് ഇന്ന് വീണ്ടും വില ഉയരുകയായിരുന്നു. ഏപ്രില് 4നായിരുന്നു ഈ മാസത്തെ ഏറ്റവും കുറഞ്ഞ വില രേഖപ്പെടുത്തിയത്. പവന് 38,240 രൂപയായിരുന്നു അന്ന് വില.
Read More » -
ടാറ്റ എല്എക്സ്സിയുടെ അറ്റലാഭം നാലാംപാദത്തില് 38.9% ഉയര്ന്നു
ന്യൂഡല്ഹി: ടെക്നോളജി സേവന കമ്പനിയായ ടാറ്റ എല്എക്സ്സിയുടെ അറ്റലാഭം നാലാംപാദത്തില് 38.9 ശതമാനം ഉയര്ന്ന് 160 കോടി രൂപയായി. കഴിഞ്ഞ വര്ഷം ഇതേ കാലയളവില് 115.16 കോടി രൂപയായിരുന്നു കമ്പനിയുടെ അറ്റലാഭം. വരുമാനം 31.5 ശതമാനം ഉയര്ന്ന് 681.73 കോടി രൂപയിലുമെത്തി. 2021 മാര്ച്ചില് വരുമാനം 518.39 കോടി രൂപയായിരുന്നു. 2021-22 വര്ഷത്തെ ടാറ്റ എല്എക്സ്സിയുടെ അറ്റ ലാഭം കഴിഞ്ഞ സാമ്പത്തിക വര്ഷത്തെ 368.12 കോടി രൂപയില് നിന്നും 49.3 ശതമാനം ഉയര്ന്ന് 549.67 കോടി രൂപയിലെത്തി. കമ്പനിയുടെ വരുമാനം 2020-21 വര്ഷത്തെ 1,826.15 കോടി രൂപയില് നിന്നും 35 ശതമാനം ഉയര്ന്ന് 2,470.79 രൂപയിലുമെത്തി. ബിസിനസ് യൂണിറ്റുകള്, വ്യവസായങ്ങള്, വിവധ പ്രദേശങ്ങളിലേക്കുള്ള വ്യാപാനം എന്നിങ്ങനെ കമ്പനിയുടെ ചരിത്രത്തിലെ വളര്ച്ചയുടെ ഏറ്റവും ശക്തമായ വര്ഷമാണിത്. 2020-21-നെ അപേക്ഷിച്ച് കമ്പനിയുടെ ഹെല്ത്ത് കെയര് ബിസിനസ്സ് 72.4 ശതമാനമാണ് വളര്ച്ച നേടി. പത്ത് രൂപയുടെ മൂല്യമുള്ള ഓരോ ഓഹരിയ്ക്കും 42.50 രൂപ ലാഭവിഹിതമാണ് കമ്പനി…
Read More » -
എച്ച്ഡിഎഫ്സി ക്യാപിറ്റലിന്റെ 10 ശതമാനം ഓഹരികള് അബുദാബി ഇന്വെസ്റ്റ്മെന്റ് അതോറിറ്റിക്ക് കൈമാറുന്നു
ഇന്ത്യയിലെ ഏറ്റവും വലിയ സ്വകാര്യ വായ്പാദാതാക്കളായ ഹൗസിംഗ് ഡെവലപ്മെന്റ് ഫിനാന്സ് കോര്പ്പറേഷന് (എച്ച്ഡിഎഫ്സി) അതിന്റെ പൂര്ണ ഉടമസ്ഥതയിലുള്ള എച്ച്ഡിഎഫ്സി ക്യാപിറ്റല് അഡൈ്വസേഴ്സിന്റെ ഓഹരി വില്ക്കുന്നു. മൂലധനത്തിന്റെ 10 ശതമാനം അബുദാബി ഇന്വെസ്റ്റ്മെന്റ് അതോറിറ്റിയുടെ (എഡിഐഎ) അഫിലിയേറ്റിന് വില്ക്കാനുള്ള കരാറില് ഏര്പ്പെട്ടു. ഏകദേശം 184 കോടി രൂപയുടെ ഇടപാടാണിത്. സ്വകാര്യ ഇക്വിറ്റി റിയല് എസ്റ്റേറ്റ് സ്ഥാപനത്തിന്റെ 1,840 കോടി രൂപ മൂല്യമുള്ള ഓഹരി വില്പ്പനയ്ക്ക് ശേഷം ബാക്കിയുള്ള 90 ശതമാനം ഓഹരിയും എച്ച്ഡിഎഫ്സി കൈവശം വയ്ക്കുന്നത് തുടരും. എമിറേറ്റ് ഓഫ് അബുദാബിയുടെ ഉടമസ്ഥതയിലുള്ള സോവറിന് വെല്ത്ത് ഫണ്ട്, എച്ച്ഡിഎഫ്സി ക്യാപിറ്റല് നിയന്ത്രിക്കുന്ന ഇതര നിക്ഷേപ ഫണ്ടുകളിലെ പ്രാഥമിക നിക്ഷേപകന് കൂടിയാണ്. 2016-ല് സ്ഥാപിതമായ എച്ച്ഡിഎഫ്സി ക്യാപിറ്റല്, എച്ച്ഡിഎഫ്സി കാപ്പിറ്റല് റിയല് എസ്റ്റേറ്റ് ഫണ്ടുകള് 1, 2, 3 എന്നിവയുടെ ഇന്വെസ്റ്റ്മെന്റ് മാനേജരാണ്. കൂടാതെ ഭവന വിതരണം വര്ധിപ്പിക്കുന്നതിനും പ്രധാനമന്ത്രി ആവാസ് യോജന – ‘എല്ലാവര്ക്കും ഭവനം’ എന്ന സംരംഭത്തെ പിന്തുണയ്ക്കാനുമുള്ള ഇന്ത്യന് ഗവണ്മെന്റിന്റെ…
Read More »