Business
-
നോക്കിയിരിക്കേ മാറിമറിഞ്ഞ് റിയല് എസ്റ്റേറ്റ് മേഖല; വീടു വാങ്ങിക്കൂട്ടുന്നത് ചെറുപ്പക്കാര്; 15 കോടി വരെയുള്ള അപ്പാര്ട്ട്മെന്റുകള് ചൂടപ്പം പോലെ വിറ്റുപോകുന്നു; കമ്യൂണിറ്റി ലിംഗിനോടും അടുപ്പം; തിരുവനന്തപുരത്തിന് കുതിപ്പ്; പുതിയ ട്രെന്ഡ് ഇങ്ങനെ
തിരുവന്തപുരം: വയസുകാലത്തു വീടു വാങ്ങി എവിടെയെങ്കിലും സ്വസ്ഥമാകുന്ന പഴയ തലമുറയുടെ സ്ഥിതിയില്നിന്നു കേരളത്തിലെ റിയല് എസ്റ്റേറ്റ് മേഖല അടിമുടി മാറുന്നെന്നു റിപ്പോര്ട്ട്. ഒരു കാലത്ത്, താമസിക്കാന് ഒരു വീട്, അല്ലെങ്കില് മറിച്ചുവില്ക്കാന് ഒരു പ്ലോട്ട് എന്നതായിരുന്നു റിയല് എസ്റ്റേറ്റ് എന്നാല് മലയാളിക്ക്. ചുരുങ്ങിയ കാലം കൊണ്ടുതന്നെ വൈവിധ്യമാര്ന്ന നിക്ഷേപ അവസരങ്ങള് റിയല് എസ്റ്റേറ്റ് രംഗത്ത് ഉണ്ടാവുകയും വീടുകളെ സംബന്ധിച്ച മനോഭാവത്തില് മാറ്റം വരികയും ചെയ്തു. താമസിക്കാന് കേവലമൊരു വീട് മാത്രമല്ല, ആഡംബരവും അനുബന്ധ സൗകര്യങ്ങളുമുള്ള കമ്മ്യൂണിറ്റി ജീവിതമാണ് ഇന്ന് മലയാളി ആഗ്രഹിക്കുന്നത്. പരമ്പരാഗത രീതിയില് പോകുന്ന നിര്മാതാക്കള് മാറുന്ന മലയാളിയുടെ ട്രെന്ഡിനൊപ്പം പിടിച്ചുനില്ക്കാനും പെടാപ്പാടു പെടുന്നെന്നു ചൂണ്ടിക്കാട്ടുന്നു. ഏതെങ്കിലും ജോലിയില്നിന്നുള്ള റിട്ടയര്മെന്റിനു കാത്തുനില്ക്കാതെ ചെറു പ്രായത്തില്തന്നെ വീടു വാങ്ങുന്ന ട്രെന്ഡിലേക്ക് എത്തുകയാണ് മലയാളി. മികച്ച വരുമാനവും ജീവിത സാഹചര്യങ്ങളും പുതുതലമുറയെ വേഗത്തില് വീട് വാങ്ങാന് പ്രാപ്തരാക്കുന്നു. റിയല് എസ്റ്റേറ്റ് കണ്സള്ട്ടന്സി സ്ഥാപനമായ അനറോക്ക് നടത്തിയ സര്വേ പ്രകാരം റിയല് എസ്റ്റേറ്റില് നിക്ഷേപിക്കാന്…
Read More » -
ഇഡി അന്വേഷണത്തിനിടെ എസ്.ബി.ഐക്കു പിന്നാലെ അനില് അംബാനിയുടെ അക്കൗണ്ടുകള് ‘ഫ്രോഡാ’യി പ്രഖ്യാപിച്ച് ബാങ്ക് ഓഫ് ബറോഡയും; പാപ്പരത്ത നടപടികള് പുരോഗമിക്കുന്നതിനിടെ അപ്രതീക്ഷിത നീക്കം
ന്യൂഡല്ഹി: റിലയന്സ് കമ്മ്യൂണിക്കേഷന്സ് ലിമിറ്റഡും, ആര്കോം ഡയറക്ടറുമായ അനില് അംബാനിയുടേയും ലോണ് അക്കൗണ്ടുകള് വഞ്ചനാ അഥവാ ഫ്രോഡ് വിഭാഗത്തില് ഉള്പ്പെടുത്തി ബാങ്ക് ഓഫ് ബറോഡ. രാജ്യത്ത് പ്രമുഖ പൊതുമേഖലാ ബാങ്കുകളിലൊന്നിന്റേതാണ് സുപ്രധാന നീക്കം. റിലയന്സ് കമ്മ്യൂണിക്കേഷന്സ് ലിമിറ്റഡ് പാപ്പരത്ത നടപടികളിലേക്ക് കടക്കുന്നതിന് മുന്പ് എടുത്തിട്ടുള്ള ലോണുകളാണ് ഇത്തരത്തില് വഞ്ചനാ ഗണത്തില് ഉള്പ്പെടുത്തിയിട്ടുള്ളത്. നേരത്തെ രാജ്യത്തെ പ്രമുഖ ടെലികോം കമ്പനിയായിരുന്ന റിലയന്സ് കമ്മ്യൂണിക്കേഷന്സ് ലിമിറ്റഡ്നെയും, അതിന്റെ മുന് ഡയറക്ടറെയും ചുറ്റിപ്പറ്റിയുള്ള സാമ്പത്തിക വിവാദങ്ങളില് നിര്ണായക വഴിത്തിരിവാണ് ബാങ്ക് ഓഫ് ബറോഡയുടെ ഈ നീക്കം. 2016-ലെ ഇന്സോള്വന്സി ആന്ഡ് ബാങ്ക്രപ്റ്റ്സി കോഡ് അനുസരിച്ച് നിലവില് പാപ്പരത്ത നടപടിയില് ഉള്ള റിലയന്സ് കമ്മ്യൂണിക്കേഷന്സ് ലിമിറ്റഡ്, നിലവില് വഞ്ചനാ ഗണത്തില് ഉള്പ്പെടുത്തിയ വായ്പകള് ഇന്സോള്വന്സി നടപടികള്ക്ക് മുമ്പുള്ള കാലയളവുമായി ബന്ധപ്പെട്ടതാണെന്ന് വ്യക്തമാക്കിയിട്ടുണ്ട്. അതിനാല്, ഇവ പരിഹരിക്കപ്പെടേണ്ടത് കടം വീട്ടുന്നതിലൂടെയോ മറ്റ് ധാരണകളോ വഴിയോ ആയിരിക്കുമെന്ന് കമ്പനി ഇതിനോടകം നിലപാട് വിശദമാക്കിയിട്ടുണ്ട്. നിലവില് റിലയന്സ് കമ്മ്യൂണിക്കേഷന്സ് ലിമിറ്റഡ് നിയന്ത്രണം…
Read More » -
500 ദശലക്ഷം ഉപയോക്താക്കളുമായി ജിയോയുടെ 9-ാം വാർഷികം; അൺലിമിറ്റഡ് 5G, ഒടിടി സബ്സ്ക്രിപ്ഷനുകൾ, 349 രൂപയുടെ ‘സെലിബ്രേഷൻ പ്ലാൻ’ പ്രഖ്യാപിച്ച് ജിയോ
കൊച്ചി: ജിയോ 500 ദശലക്ഷം ഉപയോക്താക്കളെ പിന്നിട്ടിട്ടുകൊണ്ട് , 9-ാം വാർഷിക (സെപ്റ്റംബർ 5, 2025) ത്തിന്റെ സെലിബ്രേഷൻ പ്ലാനുകൾ പ്രഖ്യാപിച്ചു. ലോകത്തിലെ ഏറ്റവും വലിയ മൊബൈൽ ഡാറ്റ നെറ്റ്വർക്ക് എന്ന സ്ഥാനവും ജിയോ കരസ്ഥമാക്കി. ജിയോയുടെ ഉപഭോക്താക്കളുടെ എണ്ണം അമേരിക്ക, ബ്രിട്ടൻ, ഫ്രാൻസ് എന്നീ രാജ്യങ്ങളുടെ സംയുക്ത ജനസംഖ്യയെക്കാൾ കൂടുതലാണെന്നത് ശ്രദ്ധേയമാണ്. “ജിയോയുടെ 9-ാം വാർഷികത്തിൽ, 500 ദശലക്ഷത്തിലധികം ഇന്ത്യക്കാർ ഞങ്ങളിൽ വിശ്വാസം വെച്ചതിൽ ഞാൻ വളരെ വിനയത്തോടെ നന്ദി പറയുന്നു. ഇത് ഇന്ത്യയിൽ ജിയോ എത്രത്തോളം ദിനചര്യയുടെ ഭാഗമായിട്ടുണ്ടെന്ന് കാണിക്കുന്നു. ഉപയോക്താക്കളുടെ വിശ്വാസവും പിന്തുണയും ഞങ്ങളെ ഓരോ ദിവസവും പ്രചോദിപ്പിക്കുന്നു. മുന്നോട്ടുള്ള കാലത്ത്, കൂടുതൽ മികച്ച സാങ്കേതികവിദ്യകളെ ഇന്ത്യൻ ജനതയുടെ കൈകളിലെത്തിക്കാനും ഡിജിറ്റൽ ഇന്ത്യയുടെ ദർശനം യാഥാർത്ഥ്യമാക്കാനും ഞങ്ങൾ പ്രതിജ്ഞാബദ്ധരാണ്.”റിലയൻസ് ജിയോ ഇന്ഫോകോം ചെയർമാൻ ആകാശ് അംബാനി പറഞ്ഞു: 9 വർഷത്തിനടയിൽ ജിയോ കൈവരിച്ച 5 പ്രധാന നേട്ടങ്ങൾ • ഇന്ത്യയിൽ എല്ലായിടത്തേക്കും വോയ്സ് കോൾ സൗജന്യമാക്കി. •…
Read More » -
ഇലക്ട്രിക് വാഹനമെന്ന സ്വപ്നത്തിനു തുരങ്കം വയ്ക്കുന്ന ജി.എസ്.ടി. പരിഷ്കാരം; നികുതി കുത്തനെ ഉയര്ത്താന് ലക്ഷ്യമിട്ട് ചര്ച്ചകള്; ആഡംബര കാറുകള്ക്ക് 40 ശതമാനം നികുതി വര്ധന ഉറപ്പ്; വിദേശ കമ്പനികള്ക്ക് തിരിച്ചടിയാകും
ന്യൂഡല്ഹി: ഇന്ധനവില വര്ധിച്ചതിനു പിന്നാലെ ഇലക്ട്രിക് കാറുകളിലേക്കു നീങ്ങിത്തുടങ്ങിയ വിപണിക്ക് ജി.എസ്.ടി. പരിഷ്കാരം തിരിച്ചടിയാകാന് സാധ്യത. നിലവില് ആഡംബര ഇലക്ട്രിക് കാറുകള്ക്കും ഹൈബ്രിഡ് കാറുകള്ക്കും നികുതി വര്ധിപ്പിക്കാനുള്ള നീക്കമാണ് പ്രതിസന്ധിയുണ്ടാക്കുന്നത്. ഇന്ത്യയില് ആഡംബരക്കാറുകളില് ഏറെയും വിദേശ ബ്രാന്ഡുകളുടെയാണ്. ടെസ്്ല, മെഴ്സിഡീസ് ബെന്സ്, ബിഎംഡബ്ല്യു, ബിവൈഡി എന്നിവയാണ് ഇന്ത്യയില് നിലവില ആഡംബര ഇലക്ട്രിക് കാറുകള് പുറത്തിറക്കുന്നത്. നിലവില് 40 ലക്ഷത്തിനു മുകളില് വിലയുള്ള കാറുകളുടെ നികുതി വര്ധനയാണു ലക്ഷ്യമിടുന്നത്. നിലവില് 20 ലക്ഷത്തിനും 40 ലക്ഷത്തിനും ഇടയില് വിലയുള്ള ഇലക്ട്രിക് കാറുകള്ക്ക് അഞ്ചു ശതമാനം നികുതിയാണ് ഈടാക്കുന്നത്. ഇതു 18 ശതമാനത്തിലേക്ക് എത്തിക്കും. 40 ലക്ഷത്തിനു മുകളില് വിലയുള്ളവയ്ക്ക് 28 ശതമാനവും ജി.എസ്.ടി. ലക്ഷ്യമിടുന്നു. ഇവ സമൂഹത്തില് ഉയര്ന്ന സാമ്പത്തിക വരുമാനമുള്ളവരാണ് ഉപയോഗിക്കുന്നത് എന്നതും ഇറക്കുമതി ചെയ്യുന്നവയാണ് ഇവയിലേറെയെന്നതുമാണ് ജി.എസ്.ടി. കൗണ്സില് ചൂണ്ടിക്കാട്ടുന്നത്. 28 ശതമാനം ജി.എസ്.ടി. മോദി സര്ക്കാര് ഒഴിവാക്കാന് തീരുമാനിച്ച സാഹചര്യത്തില് ഇവികളുടെ നികുതി 18 ശതമാനത്തില് എത്തിക്കുന്നതിനൊപ്പം ഇലക്ട്രിക്…
Read More » -
കുറച്ചു ദിവസം കാത്തിരിക്കൂ, ചെറു കാറുകള്ക്കും 350 സിസിയില് താഴെയുള്ള ബൈക്കുകള്ക്കും തുണിത്തരങ്ങള്ക്കും വില കുറയും; ജി.എസ്.ടി. പരിഷ്കാരം ഗുണമാകുക ഷാംപൂ മുതല് ടൂത്ത് പേസ്റ്റുകള്ക്കു വരെ; തീരുമാനം ഉടന്; ട്രംപിന്റെ താരിഫില് കോളടിക്കാന് പോകുന്നത് ഇന്ത്യയിലെ സാധാരണക്കാര്ക്ക്
ന്യൂഡല്ഹി: ജി.എസ്.ടി. നികുതി പത്തുശതമാനം കുറയ്ക്കാനുള്ള നീക്കത്തിനു പിന്നാലെ ഇന്ത്യയില് വിലകുറയുന്നത് 175 ഇനങ്ങള്ക്ക്. ഷാംപു മുതല് ഹൈബ്രിഡ് കാറുകളും കണ്സ്യൂമര് ഇലക്ട്രോണിക്സ് ഐറ്റങ്ങളുംവരെ ഇക്കൂട്ടത്തില് പെടും. നികുതി പരിഷ്കാരവുമായി ബന്ധപ്പെട്ട് ഏറ്റവും പുതിയ വിവരങ്ങള് പുറത്തുവിട്ടാണ് കേന്ദ്ര സര്ക്കാരിലെ ഉന്നത വൃത്തങ്ങള് ഇക്കാര്യം ചൂണ്ടിക്കാട്ടിയത്. ഇന്ത്യയും അമേരിക്കയും തമ്മിലുള്ള വ്യാപാര യുദ്ധത്തിനു പിന്നാലെയാണ് ഇന്ത്യയിലെ നികുതി സംവിധാനത്തില് അടിമുടി പരിഷ്കാരത്തിന് കേന്ദ്ര സര്ക്കാര് ഇറങ്ങിയത്. ഇന്ത്യന് ഉത്പന്നങ്ങള് ഉപയോഗിക്കാന് തയാറാകണമെന്നു മോദി ആവര്ത്തിച്ച് ആവശ്യപ്പെട്ടിട്ടുമുണ്ട്. ലോകത്തെ ഏറ്റവും വലിയ നാലാമത്തെ സമ്പദ് ശക്തിയെന്ന നിലയിലാണ് കഴിഞ്ഞ ഓഗസ്റ്റ് 15ന് നികുതിയില് അടിമുടി പരിഷ്കാരമുണ്ടാകുമെന്ന് മോദി പ്രഖ്യാപിച്ചത്. ഇന്ത്യക്കാര്ക്കു കുറഞ്ഞ ചെലവില് ഉത്പന്നങ്ങള് ലഭ്യമാക്കുകയെന്ന നീക്കവും ഇതിനു പിന്നിലുണ്ട്. ടാല്ക്കം പൗഡര്, ഷാംപൂ, ടൂത്ത് പേസ്റ്റ് എന്നിവയുടെ നികുതി 18 ശതമാനത്തില്നിന്ന് 5 ശതമാനമാകും. ഹിന്ദുസ്ഥാന് യൂണിലിവര്, ഗോദ്റെജ് പോലുള്ള കമ്പനികള്ക്ക് ഇത് മികച്ച നേട്ടമാകും. എസികളുടെ നികുതി 28 ശതമാനത്തില്നിന്ന്…
Read More » -
ഇൻഡോ കോണ്ടിനെന്റൽ ട്രേഡ് & എന്റർപ്രണർഷിപ് പ്രൊമോഷൻ കൗൺസിലും ബ്രിട്ടീഷ് കൊളംബിയ – ഇന്ത്യ ബിസിനസ് നെറ്റ്വർക്കും ധാരണാപത്രം ഒപ്പിട്ടു
കൊച്ചി: ഇൻഡോ കോണ്ടിനെന്റൽ ട്രേഡ് & എന്റർപ്രണർഷിപ് പ്രൊമോഷൻ കൗൺസിൽ BC IBN India (ബ്രിട്ടീഷ് കൊളംബിയ – ഇന്ത്യ ബിസിനസ് നെറ്റ്വർക്ക്) യുമായി ധാരണാപത്രം ഒപ്പിട്ടു. ഇന്ത്യയിലെ സ്റ്റാർട്ട് അപ്പ് സംരംഭങ്ങളെയും സംരംഭകരേയും പ്രോത്സാഹിപ്പിക്കാനും, ട്രെയിനിങ്ങും, മറ്റ് സഹായങ്ങളും നൽകി കൈ പിടിച്ചുയർത്താനും ലക്ഷ്യമിട്ടാണ് കാനഡയിലെ ബ്രിട്ടീഷ് കൊളമ്പിയ കേന്ദ്രമായുള്ള BC IBN ഉം ICTEP Council ഉം ധാരണയിൽ എത്തിയത്.ഇന്ത്യയുടെ വിവിധ ഭാഗങ്ങളിൽ വർക്ഷോപ്പുകളും ക്ലാസ്സുകളും സെമിനാറുകളും ഇതിന്റെ അടിസ്ഥാനത്തിൽ നടത്തുവാൻ ലക്ഷ്യമിടുന്നുണ്ട് എന്ന് BC IBN പ്രസിഡന്റ് ശോഭന ജയ – മാധവൻ അറിയിച്ചു. ദീർഘകാലം ബ്രിട്ടീഷ് കൊളമ്പിയയിൽ ഈ രംഗത്ത് പ്രവർത്തിച്ചു പരിചയമുള്ള ശോഭ പാലക്കാട് സ്വദേശിനിയാണ്. ഇൻഡോ കോണ്ടിനെന്റൽ ട്രേഡ് & എന്റർപ്രണർഷിപ് പ്രൊമോഷൻ കൗൺസിലിന്റെ സെക്രട്ടറി ജനറൽ യൂ എസ് കുട്ടിയും ശോഭനയുമാണ് ധാരണാപത്രത്തിൽ ഒപ്പിട്ടത്. ICTEP കൗൺസിൽ ചെയർമാൻ Dr ടി വിനയകുമാർ, ഡയറക്ടർമാരായ K രവീന്ദ്രൻ, N M നാസിഫ്…
Read More » -
ഹൈദരാബാദില് കൃത്രിമ ബീച്ച് നിര്മ്മിക്കാന് തെലുങ്കാന സര്ക്കാര് ; 225 കോടി രൂപയുടെ പദ്ധതിക്ക് അംഗീകാരം നല്കി സര്ക്കാര്; 35 ഏക്കര് സ്ഥലത്ത് മണല്പ്പരപ്പും വലിയ തടാകവും ഫ്ളോട്ടിംഗ് വില്ലകളും വരും
ഹൈദരാബാദ്: ഹൈദരാബാദ്ന നഗരത്തില് കൃത്രിമദ്വീപ് ഒരുക്കാന് തെലുങ്കാന സര്ക്കാര്. 35 ഏക്കര് സ്ഥലത്തായി മണല്പ്പരപ്പും കൃത്രിമതടകവും ഫ്ളോട്ടിംഗ് വില്ലകളും എല്ലാം ഉള്പ്പെടെ ഒരു കുടുംബത്തിന് ഒരു വാരാന്ത്യം പൂര്ണ്ണമായും ചെലവഴിക്കാന് കഴിയുന്ന രീതിയില് ടൂറിസം പാക്കേജ് വരുന്ന രീതിയിലാണ് പദ്ധതി രൂപകല്പ്പന ചെയ്തിരിക്കുന്നത്. തെലുങ്കാന സര്ക്കാര് പദ്ധതിക്ക് അംഗീകാരം നല്കി. ഹൈദരാബാദിന്റെ പ്രാന്തപ്രദേശത്തുള്ള കോട്വാല് ഗുഡയിലാണ് ഈ ബീച്ച് നിര്മ്മിക്കുന്നത്. ബീച്ചിന് തത്തുല്യമായ ചുറ്റുപാടുകള് കിട്ടുന്ന കൃത്രിമ തടാകം, ഫ്ലോട്ടിങ് വില്ലകള്, ആഡംബര ഹോട്ടലുകള്, സാഹസിക വിനോദങ്ങള്ക്കുള്ള സൗകര്യങ്ങള് എന്നിവയാണ് പ്രധാന ആകര്ഷണങ്ങള്. കുടുംബങ്ങള്ക്ക് വേണ്ടി വേവ് പൂളുകള്, സൈക്കിളിങ് ട്രാക്കുകള്, ഫുഡ് കോര്ട്ടുകള്, തിയേറ്ററുകള്, കുട്ടികളുടെ കളിസ്ഥലങ്ങള്, പാര്ക്കുകള് എന്നിവയുമുണ്ടാകും. ബംഗീ ജമ്പിംഗ്, കപ്പലോടിക്കല് പോലുള്ള സാഹസിക വിനോദങ്ങളും ഉണ്ടാകും. ഇത് വെറും മണല്പരപ്പ് മാത്രമല്ലാത്ത, ആളുകള്ക്ക് വിശ്രമിക്കാനും ആസ്വദിക്കാനുമുള്ള ഒരു കേന്ദ്രമായിട്ടാണ് രൂപകല്പ്പന ചെയ്യുന്നത്. ഹൈദരാബാദി നെ ഒരു ലോകോത്തര ടൂറിസം കേന്ദ്രമാക്കി മാറ്റുക എന്ന ലക്ഷ്യത്തോടെയാണ് ഈ…
Read More » -
ഓണസദ്യയൊരുക്കാൻ ഇനി രണ്ട് തരം സാമ്പാർ; ‘തനി നാടൻ സാമ്പാറു’മായി ഈസ്റ്റേൺ
കൊച്ചി: ഓണസദ്യയ്ക്ക് രുചിയുടെ പുതിയ വൈവിധ്യമൊരുക്കാൻ ഈസ്റ്റേൺ പുതിയ ഉത്പന്നമായ ‘തനി നാടൻ സാമ്പാർ’ വിപണിയിലെത്തിച്ചു. കേരളത്തിന്റെ രുചി പാരമ്പര്യത്തിൽ നാല് പതിറ്റാണ്ടിലേറെയായി വിശ്വസ്ത പേരായ ഈസ്റ്റേൺ, നാടിന്റെ പല കോണുകളിലെയും രുചി വൈവിധ്യം പരിഗണിച്ചാണ് പുതിയ ഉത്പന്നം അവതരിപ്പിക്കുന്നത്. ഇതോടെ ഈസ്റ്റേൺ സാമ്പാർ പൗഡറിനൊപ്പം കായത്തിന്റെ രുചി മുന്നിട്ടുനിൽക്കുന്ന ‘തനി നാടൻ സാമ്പാറും’ ഇനി ലഭ്യമാകും. ഓണസദ്യയിലെ കേവലം ഒരു വിഭവമല്ല സാമ്പാർ, മറിച്ച് പാരമ്പര്യത്തിന്റെയും വികാരങ്ങളുടെയും പ്രതീകമാണത്. ഓരോ വീട്ടിലും സാമ്പാർ ഒരുങ്ങുന്നത് ഓരോ തരം രുചിയിലാണ്. ഈ വൈവിധ്യങ്ങളെയും ഇഷ്ടങ്ങളെയും അംഗീകരിച്ചുകൊണ്ടാണ് ഈസ്റ്റേൺ പുതിയ ഉത്പന്നം പുറത്തിറക്കിയത്. പുതിയ ഉത്പന്നങ്ങൾ വിപണിയിൽ അവതരിപ്പിക്കുന്നതിന്റെ ഭാഗമായി ഈസ്റ്റേൺ ഒരു ക്യാമ്പയിനും തുടക്കമിട്ടു. ഈ രുചി വൈവിധ്യങ്ങളെ ആഘോഷിക്കുന്നതാണ്. ഇതിന്റെ ഭാഗമായി ‘സാമ്പാർ പോര്’ എന്ന പേരിൽ ഒരു പരസ്യചിത്രവും പുറത്തിറക്കിയിട്ടുണ്ട്. ഒരു കേരളീയ കുടുംബത്തിൽ നടക്കുന്ന രസകരമായ ഒരു പാചക മത്സരമാണ് പരസ്യത്തിന്റെ ഇതിവൃത്തം. അമ്മയും മകളും തമ്മിൽ…
Read More » -
പൈസ വാങ്ങി, പ്രോഡക്ട്സ് അയക്കുന്നില്ല; പഴയ ജീവനക്കാരെപ്പോലെ ‘ഓസി’യുടെ പുതിയ സ്റ്റാഫുകളും ഉടായിപ്പ്?
മൂന്ന് മാസം മുമ്പാണ് ഓ ബൈ ഓസി എന്ന തന്റെ സ്ഥാപനത്തില് വലിയൊരു സാമ്പത്തിക തട്ടിപ്പ് നടന്ന വിവരം കൃഷ്ണകുമാറിന്റെ മകളും സോഷ്യല്മീഡിയ ഇന്ഫ്ലൂവന്സറുമായ ദിയ കൃഷ്ണ വെളിപ്പെടുത്തിയത്. എഴുപത് ലക്ഷത്തിന് അടുത്ത് പണവും നിരവധി സ്റ്റോക്കുകളുമാണ് ദിയയ്ക്ക് നഷ്ടമായത്. സ്ഥാപനത്തിലെ മുന് ജീവനക്കാരികളായ വിനീത, രാധാകുമാരി, ദിവ്യ തുടങ്ങിയവരാണ് ക്യുആര് കോഡ് ഉപയോഗിച്ച് തട്ടിപ്പ് നടത്തി ലക്ഷങ്ങള് തട്ടിയത്. അടുത്തിടെയാണ് ഇവര് പോലീസില് കീഴടങ്ങിയതും കുറ്റം സമ്മതിച്ചതും. ഗര്ഭിണിയായശേഷം ശാരീരികമായ വന്ന അവശതകള് മൂലം ഓ ബൈ ഓസി എന്ന തന്റെ സ്ഥാപനത്തിലെ സ്റ്റോക്കും സാമ്പത്തിക ഇടപാടുകളും കൃത്യമായി പരിശോധിക്കാന് ദിയയ്ക്ക് കഴിഞ്ഞിരുന്നില്ല. മാത്രമല്ല പ്രതികളായ മൂന്നുപേരെയും ദിയ അമിതമായി വിശ്വസിക്കുകയും ചെയ്തിരുന്നു. സ്റ്റോക്കില് കുറവ് വന്നപ്പോള് സംശയം തോന്നിയിരുന്നുവെങ്കിലും ദിയ അത് ആദ്യമൊന്നും കാര്യമാക്കിയില്ല. പിന്നീടാണ് സ്ഥാപനത്തില് നടക്കുന്ന തട്ടിപ്പ് മനസിലാക്കിയത്. മോഷ്ടിച്ച കാശ് തന്നെ തിരികെ ഏല്പ്പിച്ചാല് കേസില്ലാതെ പ്രശ്നം പരിഹരിക്കാമെന്ന നിലപാടിലായിരുന്നു ദിയ. പക്ഷെ എട്ട്…
Read More » -
ട്രംപിന്റെ താരിഫില് ഉഴറി ഓഹരി വിപണിയും; ഒരു വര്ഷം പണമിറക്കിയവര്ക്ക് തിരിച്ചു കിട്ടിയത് ബാങ്ക് നിക്ഷേപങ്ങളുടെ പലിശയേക്കാള് കുറഞ്ഞ തുക; വിറ്റഴിക്കല് തുടര്ന്ന് വിദേശ നിക്ഷേപകര്; ജി.എസ്.ടി. പരിഷ്കാരത്തില് പ്രതീക്ഷ; കുതിപ്പിന് ഇനിയും കാത്തിരിക്കണം
ന്യൂഡല്ഹി: ബാങ്ക് നിക്ഷേപങ്ങളില്നിന്നും ഓഹരി വിപണികളിലേക്ക് സമ്പത്ത് ഒഴുകിയിട്ടും പണമിറക്കിയവര്ക്കു തിരികെക്കിട്ടിയത് നക്കാപ്പിച്ചയെന്നു റിപ്പോര്ട്ട്. പല ബാങ്കുകളും നല്കുന്ന സ്ഥിര നിക്ഷേപത്തിന്റെ ഗുണത്തേക്കാള് കുറഞ്ഞ തുകയാണു പലര്ക്കും കിട്ടിയതെന്ന് കണക്കുകള്. രണ്ട് വര്ഷങ്ങള്ക്ക് മുമ്പ് വരെ മികച്ച വരുമാനം നല്കിയിരുന്ന ഇന്ത്യന് ഓഹരി വിപണി സൂചികകളുടെ പ്രകടനം അടുത്ത കാലത്ത് ആശ നല്കുന്നതല്ല. സെന്സെക്സിലും നിഫ്റ്റിയും നിക്ഷേപിച്ചവര്ക്ക് വലിയ വരുമാനമൊന്നും തിരികെ ലഭിച്ചിട്ടില്ലെന്നാണ് ദി ഇക്കണോമിക്സ് ടൈംസ് റിപ്പോര്ട്ട് ചെയ്യുന്നത്. മ്യൂച്വല് ഫണ്ട്, എസ്.ഐ.പി എന്നിവയിലൂടെ പ്രാദേശിക നിക്ഷേപകരാണ് വിപണിയെ വലിയ നഷ്ടത്തില് നിന്ന് പിടിച്ചുനിറുത്തുന്നത്. എന്നാല് വിദേശനിക്ഷേപകരുടെ ഓഹരി വിറ്റൊഴിക്കല് നിര്ബാധം തുടരുകയാണ്. ഫലമോ ഒരു പരിധിവിട്ട് മുകളിലേക്ക് ഉയരാനോ താഴാനോ കഴിയാതെ ഇരു സൂചികകളും കുടുങ്ങി. മുഖ്യസൂചികയായ സെന്സെക്സ് കഴിഞ്ഞ ഒരു വര്ഷത്തിനിടെ (2024 ഓഗസ്റ്റ് 26 മുതല് 2025 ഓഗസ്റ്റ് 26 വരെ) 912 പോയിന്റുകള് (1.12%) നഷ്ടത്തിലായെന്നാണ് കണക്ക്. ഐ.ടി, ഓട്ടോ കമ്പനികളുടെ ചുവടുപിടിച്ച് കഴിഞ്ഞ…
Read More »