politics
-
ദുര്ഗാ പൂജയ്ക്കിടെ ഇസ്ലാമിക ഗാനം ആലപിച്ച് തൃണമൂല് നേതാവ്; കൈയടിച്ച് മമത; വിമര്ശനവുമായി ബിജെപി
കൊല്ക്കത്ത: ബംഗാളില് ദുര്ഗാപൂജയ്ക്കിടെ ഇസ്ലാമിക ഗാനം ആലപിച്ച് തൃണമൂല് കോണ്ഗ്രസ് നേതാവ്. മുഖ്യമന്ത്രി മമതാ ബാനര്ജി പാട്ടിന് കയ്യടിക്കുകയും ചെയ്തു. രൂക്ഷ വിമര്ശനവുമായി ബി.ജെ.പി. രംഗത്തെത്തി. ഹൃദയത്തില് കാഅബ, കണ്കളില് മദീന എന്നാണ് ഈ വരികളുടെ അര്ഥം. മുഖ്യമന്ത്രി മമത ബാനര്ജിയുടെ സാന്നിധ്യത്തില് ഗാനം ആലപിച്ചത് തൃണമൂല് കോണ്ഗ്രസ് നേതാവ് മദന് മിത്ര. കഴിഞ്ഞ ബുധനാഴ്ച ഭൊവാനിപുരില് ദുര്ഗ പൂജ പന്തല് ഉദ്ഘാടനത്തിനിടെയാണ് സംഭവം. പാടിത്തീരുന്നതുവരെ മുഖ്യമന്ത്രി മമത ബാനര്ജി കയ്യടിക്കുന്നതും കാണാം. ബംഗാളില് സനാതന ധര്മത്തെയും വിശ്വാസത്തെയും ഇല്ലാതാക്കുന്നത് ഇങ്ങനെയാണെന്ന് ബി.ജെ.പി. വക്താവ് അമിത് മാള്വ്യ ആരോപിച്ചു. ഹിന്ദുത്വത്തിലെ ശക്തിക്കെതിരെ പോരാടണമെന്ന് മുന്പ് രാഹുല് ഗാന്ധി പറഞ്ഞു. നവരാത്രി സമയത്ത് അതിന് തുടക്കമിട്ടു എന്നുവേണം കരുതാനെന്ന് സുധാംശു ത്രിവേദിയും വിമര്ശിച്ചു. പ്രീണന രാഷ്ട്രീയത്തിന്റെ എല്ലാ പരിധികളും കടന്നുവെന്നും ഇന്ത്യ സഖ്യം മറുപടി പറയണമെന്നും ബി.ജെ.പി. നേതാക്കള് ആവശ്യപ്പെടുന്നു.
Read More » -
ഒരാഴ്ച മുമ്പും കോടതി പറഞ്ഞു: ‘പ്രവര്ത്തകരെ നിയന്ത്രിക്കേണ്ട നേതാവ്’; കേള്ക്കാതെ വിജയ്; ഉത്തരവാദിത്വം ആര് ഏറ്റെടുക്കുമെന്ന കോടതിയുടെ ചോദ്യം ബാക്കി; മുമ്പു നടന്ന യോഗത്തിലുണ്ടായ അനുഭവം കൊണ്ടും പഠിച്ചില്ല
ചെന്നൈ: സമ്മേളനങ്ങള് നടത്തുമ്പോള് പ്രവര്ത്തകരെ നിയന്ത്രിക്കേണ്ടത് നേതാവാണെന്ന് ഒരാഴ്ച മുന്പാണ് മദ്രാസ് കോടതി പറഞ്ഞത്. പിന്നാലെ കരൂരില് വിജയ്യുടെ റാലിയില് തിക്കിലും തിരക്കിലും പെട്ട് 33 പേര് മരണപ്പെടുന്നു. എന്തെങ്കിലും അനിഷ്ട സംഭവങ്ങളുണ്ടായാല് ആര് ഉത്തരവാദിത്തം ഏറ്റെടുക്കും എന്നായിരുന്നു അന്ന് കോടതിയുടെ ചോദ്യം. തിരുച്ചിറപ്പള്ളിയില് നടന്ന യോഗത്തിലുണ്ടായ സംഭവങ്ങളുടെ പശ്ചാത്തലത്തിലായിരുന്നു കോടതിയുടെ വിമര്ശനം. പരിപാടിയില് പങ്കെടുക്കാനെത്തിയവരുടെ എണ്ണം നിയന്ത്രണാതീതമായതാണ് ദുരന്തത്തിനു കാരണമായതെന്നാണ് പ്രാഥമിക നിഗമനം. ജനബാഹുല്യം മൂലം ആംബുലന്സുകള്ക്ക് പ്രവേശിക്കാന് സാധിക്കാതെ വന്ന സാഹചര്യവുമുണ്ടായി. അപകടത്തെ തുടര്ന്ന് വിജയ് പ്രസംഗം അവസാനിപ്പിച്ച് ജനങ്ങളോട് സംയമനം പാലിക്കാന് ആവശ്യപ്പെടുകയായിരുന്നു. അതേ സമയം തിക്കിലും തിരക്കിലും 33 പേര് മരിച്ചു. മരിച്ചവരില് ആറു പേര് കുട്ടികളാണ്. 16 സ്ത്രീകളും ഒന്പത് പുരുഷന്മാരുമാണ്. ഒട്ടേറെപ്പേര് കുഴഞ്ഞുവീണു. 45 ലധികം പേര് ആശുപത്രിയില് ചികിത്സയിലാണ്. 29 പേരെ മരിച്ച നിലയിലാണ് ആശുപത്രിയിലെത്തിച്ചത്. കരൂര് എംഎല്എ സെന്തില് ബാലാജി ആശുപത്രിയിലെത്തി. സമീപ ജില്ലകളില് നിന്നുള്ള എല്ലാ മെഡിക്കല് സംവിധാനങ്ങളും…
Read More » -
ഇസ്രയേല്- ഹമാസ് ചോരക്കളി അവസാനിപ്പിക്കാന് ട്രംപിന്റെ 21 ഇന നിര്ദേശങ്ങള് പുറത്ത്; ഹമാസിനെ നിരായുധീകരിക്കും, ഇഷ്ടമുള്ള രാജ്യത്തേക്കു പോകാന് സാഹായിക്കും; പലസ്തീന് രാജ്യം വരുന്നതുവരെ അറബ്- യൂറോപ്യന് യൂണിയന് -യുഎസ് സംയുക്ത ഭരണ- സൈനിക സംവിധാനം; ഇസ്രയേല് പിന്വാങ്ങും
ന്യൂയോര്ക്ക്: രണ്ടുവര്ഷമായി തുടരുന്ന ഇസ്രയേല്- ഹമാസ് യുദ്ധത്തിന് അറുതിവരുത്താന് ട്രംപ് ഭരണകൂടം തയാറാക്കിയ കരാര് പുറത്ത്. 21 ഇന നിര്ദേശങ്ങള് അടങ്ങിയ കരാറാണ് പുറത്തുവന്നത്. കഴിഞ്ഞ ഫെബ്രുവരിയില്തന്നെ ട്രംപ് ഗാസ ഏറ്റെടക്കുന്നതിനെക്കുറിച്ചു നിര്ണായക പ്രഖ്യാപനങ്ങള് നടത്തിയിരുന്നു. തവിടുപൊടിയായ ഗാസയെ പുനര്നിര്മിക്കാനുള്ള പദ്ധതിയുണ്ടാക്കുമെന്നും ആളുകളെ മാറ്റിപ്പാര്പ്പിക്കുമെന്നുമാണ് അറിയിച്ചത്. എന്നാല്, ട്രംപിന്റെ പദ്ധതിയെല്ലാം മാറി. പാലസ്തീന് രാജ്യം നിലവില്വരുന്നതുവരെ ഗാസയില് പലസ്തീനികളെ തുടരാന് അനുവദിക്കുന്നതടക്കം 21 ഇന പദ്ധതിയില് ഉള്പ്പെടുന്നു. ഐക്യരാഷ്ട്ര സഭ ജനറല് അസംബ്ലിയില് പങ്കെടുക്കാനെത്തിയ അറബ് രാജ്യങ്ങള്ക്കു നിര്ദേശങ്ങള് കൈമാറിയിരുന്നു. ബന്ദികളെ വിട്ടയയ്ക്കല്, ഹമാസിനെ അധികാരത്തില്നിന്നു നീക്കല് എന്നിവയും ഇതില് ഉള്പ്പെടും. ഏതാനും മാസങ്ങള്ക്കിടെ വിവിധ മേഖലകളില്നിന്നുള്ള ആളുകളുമായി ചര്ച്ച ചെയ്താണു പദ്ധതി തയാറാക്കിയിരിക്കുന്നതെന്നും ‘ടൈംസ് ഓഫ് ഇസ്രയേല്’ റിപ്പോര്ട്ട് ചെയ്യുന്നു. സമാധാനപരമായ ദ്വിരാഷ്ട്രത്തിലേക്കു വഴിവെട്ടാന് ഉദ്ദേശിച്ചാണു ട്രംപിന്റെ നിര്ദേശങ്ങളെന്നു വൈറ്റ് ഹൗസുമായി ബന്ധപ്പെട്ട വൃത്തങ്ങള് വ്യക്തമാക്കുന്നു. രാഷ്ട്രീയ മണ്ഡലം രൂപീകരിക്കുന്നതിനൊപ്പം സമാധാനപരമാ സഹവര്ത്തിത്വത്തിലേക്കുള്ള ചര്ച്ചയായിട്ടാണ് ഇതിനെ വിലയിരുത്തുന്നത്. യുഎസിന്റെ പ്രത്യേക…
Read More » -
ഇറാനു മുന്നില് ലോകത്തിന്റെ വാതിലുകള് അടയുന്നു; ഐക്യരാഷ്ട്ര സഭയുടെ ഉപരോധം വീണ്ടും; സഹായിച്ചാല് വന് പിഴ; ആകാശം ഇടിഞ്ഞു വീഴില്ലെന്ന് തിരിച്ചടിച്ച് ഇറാന് പ്രധാനമന്ത്രി; വിദേശ പ്രതിനിധികളെ തിരിച്ചു വിളിച്ചു; ആണവ പദ്ധതികളും പുനരാരംഭിച്ചു; എണ്ണ വാങ്ങാനുള്ള ഇന്ത്യന് പദ്ധതിക്കും തിരിച്ചടിയാകും
ന്യൂയോര്ക്ക്: ആണവപദ്ധതികളുടെ പേരില് ഇറാനു വീണ്ടും ഉപരോധം ഏര്പ്പെടുത്തി ഐക്യരാഷ്ട്ര സഭ. ആണവ ബോംബ് വികസിപ്പിക്കുന്നതു തടയുകയെന്ന ലക്ഷ്യത്തില് ലോകശക്തികള് 2015ല് ഏര്പ്പെടുത്തിയ കരാര് ലംഘിച്ചെന്നു ചൂണ്ടിക്കാട്ടിയാണ് വീണ്ടും ഉപരോധം ഏര്പ്പെടുത്തിയത്. ഉപരോധത്തിനു കടുത്ത ഭാഷയില് മറുപടി നല്കുമെന്ന് ഇറാനും വ്യക്തമാക്കി. പശ്ചിമേഷ്യയിലെ സംഘര്ഷത്തിന് ഉപരോധം ആക്കംകൂട്ടുമെന്ന ആശങ്കയും നിലവിലുണ്ട്. ഇറാന്റെ പ്രതിഷേധത്തിന്റെ ആദ്യപടിയെന്നോണം ഫ്രാന്സ്, ജര്മനി, ബ്രിട്ടന് എന്നിവിടങ്ങളിലെ പ്രതിനിധികളെ തിരിച്ചുവിളിച്ചു. എന്തു ഭീഷണിയുണ്ടായാലും സമാധാനപരമായ ആണവ പദ്ധതി തുടരുമെന്നും ആണവോര്ജ പദ്ധതികളുടെ തലവന് മുഹമ്മദ് ഇസ്ലാമി പ്രസ്താവനയിറക്കി. വിദേശ സമ്മര്ദങ്ങള്കൊണ്ട് പദ്ധതി പിന്നോക്കം പോകില്ലെന്നും ഉപരോധമെന്നാല് ‘ആകാശം ഇടിഞ്ഞുവീഴല് അല്ലെന്നും’ പ്രസിഡന്റ് മസൂദ് പെഷസ്കിയാന് പറഞ്ഞു. അന്താരാഷ്ട്ര ആണവോര്ജ്ജ ഏജന്സിയുമായി സഹകരിക്കാത്തതിനാലും അമേരിക്കയുമായി നേരിട്ട് ചര്ച്ചകള് നടത്താത്തതിനാലും എന്ന വിശേഷണത്തോടെ ഇറാനെതിരെ പ്രഖ്യാപിച്ച ഉപരോധങ്ങള് ഞായറാഴ്ച വീണ്ടും നിലവില് വരും. ഉപരോധത്തോടെ വിദേശത്തുള്ള ഇറാനിയന് ആസ്തികള് വീണ്ടും മരവിപ്പിക്കുകയും ടെഹ്റാനുമായുള്ള ആയുധ ഇടപാടുകള് നിര്ത്തുകയും ഇറാന്റെ ബാലിസ്റ്റിക് മിസൈല്…
Read More » -
ടിവികെ റാലിയില് തിക്കിലും തിരക്കിലും പെട്ടുള്ള മരണസംഖ്യ ഉയരുന്നു ; ദുഃഖം രേഖപ്പെടുത്തി പ്രധാനമന്ത്രി അടക്കമുള്ള പ്രമുഖര് ; വിജയ്യെ അറസ്റ്റ ചെയ്യണമെന്ന് ഡിഎംകെയും സിപിഐഎമ്മും
നാമക്കല്: തമിഴ്നാട് രാഷ്ട്രീയത്തിലേക്കുള്ള പ്രവേശനത്തിന്റെ ഭാഗമായി തമിഴ്നടന് വിജയ് യുടെ രാഷ്ട്രീയപാര്ട്ടി ടിവികെ സംഘടിപ്പിച്ച പ്രചരണ റാലിയില് ഉണ്ടായ തിക്കിലും തിരക്കിലും പെട്ട് മരണമടഞ്ഞവരുടെ എണ്ണം ഉയരുന്നു. മരണസംഖ്യ 40 ആയതായി സ്ഥിരീക രിക്കാത്ത റിപ്പോര്ട്ടുകള് പുറത്തുവരുന്നു. അനേകര്ക്ക് പരിക്കേറ്റിട്ടുണ്ട്. സംഭവ ത്തില് വിജയ് യെ അറസ്റ്റ് ചെയ്യണമെന്ന ആവശ്യം ഉയര്ന്നിരിക്കുകയാണ്. പ്രധാനമന്ത്രി നരേന്ദ്ര മോദി അടക്കമുള്ളവരാണ് ദു:ഖം രേഖപ്പെടുത്തിയിരിക്കുന്നത്. കരൂരിലേത് അങ്ങേയറ്റം ദു:ഖകരമായ സംഭവമാണെന്ന് പ്രധാനമന്ത്രി നരേന്ദ്ര മോദി പ്രതിക രിച്ചു. മരിച്ചവരുടെ കുടുംബത്തിന്റെ ദുഃഖത്തില് പങ്കുചേരുന്നു എന്നും പ്രയാസമുള്ള ഈ സമയം മറികടക്കാന് അവര്ക്ക് ശക്തിയുണ്ടാകട്ടെ എന്നും പ്രധാനമന്ത്രി എക്സിലിട്ട കുറി പ്പില് വ്യക്തമാക്കുന്നു. കരൂര് ദുരന്തത്തില് വിജയ്യെ അറസ്റ്റ് ചെയ്യണമെന്ന ആവശ്യവുമായി ഡിഎംകെ രംഗത്ത് വന്നിട്ടുണ്ട്. അനുവദനീയമായ ആളുകളിലും കൂടുതല് സുപ്പര്താരത്തെ കാണാനായി തടിച്ചുകൂടിയതാണ് ദുരന്തത്തിന് കാരണം. രാത്രിയില് രാഷ്ട്രീയ റാലിക്കായി തടിച്ചുകൂടിയ വന് ജനക്കൂട്ടത്തിന്റെ ദൃശ്യങ്ങള് ഓണ്ലൈനില് പ്രചരിക്കുന്നുണ്ട്. റോഡിന്റെ ഇരുവശത്തും ആയിരക്കണക്കിന് ആളുകള് തിങ്ങിനിറഞ്ഞ്…
Read More » -
തമിഴ്നടന് വിജയ് യുടെ രാഷ്ട്രീയ റാലിക്കിടെ വന് ദുരന്തം ; തിക്കിലും തിരക്കിലും പെട്ട് 33 പേര് മരണമടഞ്ഞതായി റിപ്പോര്ട്ട് ; 30,000 പേരുടെ സ്ഥാനത്ത് വന്നത് 60,000 പേര്, മരണസംഖ്യ ഉയര്ന്നേക്കും
ചെന്നൈ: തമിഴ് സൂപ്പര്താരവും ടിവികെ നേതാവുമായ വിജയ്യുടെ റാലിയില് വന് ദുരന്തം ഉണ്ടായതായി റിപ്പോര്ട്ട്. തിക്കിലും തിരക്കിലുംപെട്ട് 33 പേര് മരിച്ചതായി ദേശീയ മാധ്യമങ്ങള് റിപ്പോര്ട്ട് ചെയ്തു. മരിച്ചവരില് മൂന്ന് കുട്ടികളുമുണ്ടെന്നാണ് പ്രാഥമികമായി പുറത്തുവരുന്ന വിവരം. നിരവധി പേര്ക്ക് പരിക്കേല്ക്കുകയും ചെയ്തിട്ടുണ്ട്. മരണസംഖ്യ ഇനിയും ഉയരുമെന്നാണ് വിവരം. വിജയ്യുടെ കരൂറിലെ റാലിക്കിടെയായിരുന്നു സംഭവം. പ്രസംഗം പൂര്ത്തിയാക്കാതെ വിജയ് മടങ്ങി. സ്ഥിതിഗതികള് മുഖ്യമന്ത്രി എംകെ സ്റ്റാലിന് വിലയിരുത്തി. പന്ത്രണ്ട് പേര് മരിച്ച തായി ജില്ലാ കളക്ടര് എം തങ്കവേല് സ്ഥിരീകരിച്ചു. പോലീസ് റാലിയുടെ സംഘാടക ര്ക്കെ തിരെ കേസ് രജിസ്റ്റര് ചെയ്തിട്ടുണ്ട്. ടിവികെ നിയമങ്ങള് ലംഘിച്ചതാണ് അപകടത്തിന് കാരണമെന്ന് പൊലീസ്. അന്വേഷണാടിസ്ഥാനത്തില്, രാത്രി 7.45 ഓടെയാണ് സംഭവം നടന്നതെന്ന് ദൃക്സാക്ഷികള് പറയുന്നു. നടനെ കാണാനുള്ള തിടുക്കത്തില്, വലിയൊരു കൂട്ടം ആളുകള് സ്റ്റേജിന്റെ ബാരിക്കേഡുകളിലേക്ക് തിക്കിത്തിരക്കി. ഈ തിരക്കിനിടയില് കുട്ടികളടക്കം നിരവധി പേര്ക്ക് ബോധക്ഷയമുണ്ടായി. സന്നദ്ധപ്രവര്ത്തകരും പോലീസും കൃത്യസമയത്ത് ഇടപെടാ ന് പരാജയപ്പെട്ടതിനാല് പലരും…
Read More » -
‘ശബരിമല കേസുകള് ജനറല് സെക്രട്ടറി മറന്നോ? നൂറുകണക്കിന് ഹിന്ദുക്കളുടെ ജീവിതം ഇന്നും കോടതി വരാന്തയില്’ ; സുകുമാരന് നായരെ വിടാന് ഉദ്ദേശമില്ല, പത്തനംതിട്ടയില് വീണ്ടും പോസ്റ്ററുകള്
പത്തനംതിട്ട: ആഗോളഅയ്യപ്പസംഗമത്തിന് പിന്തുണയും സര്ക്കാരിന് അനൂകൂലമായ നിലപാടും പരസ്യമായി പ്രകടിപ്പിച്ചതിന് പിന്നാലെ സുകുമാരന് നായര്ക്കെതിരേ പത്തനംതിട്ടയില് വീണ്ടും പോസ്റ്ററുകള്. ചങ്ങനാശ്ശേരിയില് വരവ് ചെലവ് കണക്കുകള് പാസ്സാക്കാനായി ചേര്ന്ന പൊതുയോഗത്തിനും പ്രതിനിധി സമ്മേളനത്തിനും ശേഷം സുകുമാരന് നായര് നിലപാട് ആവര്ത്തിച്ചിരുന്നു. ഇതിന് പിന്നാലെയാണ് കലഞ്ഞൂരില് വീണ്ടും ഫ്ളക്സുകള് പ്രത്യക്ഷപ്പെട്ടിരിക്കുന്നത്. കലഞ്ഞൂരില് തന്നെ ഇതോടെ രണ്ടു ഫ്്ളക്സുകളായി മാറിയിട്ടുണ്ട്. ‘മന്നത്ത് പടുത്തുയര്ത്തിയ പ്രസ്ഥാനത്തെ വഞ്ചിച്ചു. ശബരിമല കേസുകള് ജനറല് സെക്രട്ടറി മറന്നോ. നൂറുകണക്കിന് ഹിന്ദുക്കളുടെ ജീവിതം ഇന്നും കോടതി വരാന്തയില്.’ എന്ന ഉള്ളടക്കത്തോടെയാണ് ഇരു ഫ്ളക്സുകളും ഉയര്ന്നിരിക്കുന്നത്. പത്തനംതിട്ടയിലേത് കൂടാതെ ഇന്ന് ശാസ്താംകോട്ട വേങ്ങയിലും എന്എസ്എസ് നേതൃത്വത്തിനെതിരെ വീണ്ടും ബാനര് ഉയര്ന്നിരുന്നു. കരുനാഗപ്പള്ളി താലൂക്ക് യൂണിയന്റെ ഭാഗമായ ശാസ്താംകോട്ട വേങ്ങയിലാണ് വീണ്ടും പുതിയ ബാനര് പ്രത്യക്ഷപ്പെട്ടിരിക്കുന്നത്. സമുദായത്തെ ഒറ്റിക്കൊടുക്കാന് ശ്രമിച്ച നേതൃത്വം സമുദായത്തിന് തന്നെ നാണക്കേടെന്നും ബാനറില് വിമര്ശനമുണ്ട്. ‘സ്വാര്ത്ഥ താല്പര്യങ്ങള് വിശ്വാസങ്ങള്ക്കും സാമുദായിക കാഴ്ചപ്പാടുകള്ക്കും അതീതമോ’യെന്നും ഫ്ളക്സില് ചോദ്യമുന്നയിക്കുന്നുണ്ട്. എന് എസ് എസ്…
Read More » -
കെട്ടിപ്പിടിച്ച് ഒരുമ്മ അങ്ങോട്ട് കൊടുത്തപ്പോള് അവര് ഞെട്ടിപ്പോയി…ആദ്യമായിട്ടാണ് ഒരാള് അങ്ങിനെ ചെയ്യുന്നത് ; മാതാ അമൃതാനന്ദമയിയെ ആശ്ളേഷിച്ച സംഭവത്തില് വിശദീകരണവുമായി സജി ചെറിയാന്
പത്തനംതിട്ട: മാതാ അമൃതാനന്ദമയിയെ കെട്ടിപ്പിടിച്ച് ഒരുമ്മ അങ്ങോട്ട് കൊടുത്തുവെന്നും അതില് അവര് ഞെട്ടിപ്പോയെന്നും മന്ത്രി സജി ചെറിയാന് പറഞ്ഞു. ആദ്യമായിട്ടാണ് അമ്മയ്ക്ക് ഒരാള് അങ്ങോട്ട് ഉമ്മ കൊടുക്കുന്നത്. അമ്മയുടെ നിഷ്കളങ്കമായ ചുംബനം തന്റെ ഹൃദയത്തെ സ്പര്ശിച്ചുവെന്നും അതുകൊണ്ടാണ് താന് അഭിനന്ദിക്കാന് പോയതെന്നുമാണ് സജി ചെറിയാന് പറഞ്ഞത്. ചെങ്ങന്നൂരിലെ ഒരു പരിപാടിയിലാണ് മന്ത്രിയുടെ പ്രതികരണം. നേരത്തേ അമൃതാനന്ദമയിയെ ആശ്ലേഷിച്ച സംഭവം എല്ഡിഎഫില് ചര്ച്ച ചെയ്യേണ്ട സാഹചര്യമില്ലെന്ന് സിപിഐ സംസ്ഥാന സെക്രട്ടറി ബിനോയ് വിശ്വം പറഞ്ഞിരുന്നു. ഇക്കാര്യത്തില് വിശദീകരണം ആവശ്യമുണ്ടെങ്കില് സജി ചെറിയാനോട് തന്നെ പോയി ചോദിക്കണമെന്നും ബിനോയ് വിശ്വം പറഞ്ഞു. എല്ഡിഎഫ് യഥാര്ത്ഥ വിശ്വാസങ്ങളെ സ്വീകരിക്കുമെന്നും മതങ്ങളെ ഉള്ക്കൊള്ളുമെങ്കിലൂം മതഭ്രാന്തിനൊപ്പം നില്ക്കില്ലെന്നും പറഞ്ഞു. അമൃതാനന്ദമയിയെ ആദരിച്ച സംഭവത്തില് സര്ക്കാരിനും മന്ത്രി സജി ചെറിയാനുമെതിരെ വ്യാപക വിമര്ശനം നേരത്തേ ഉയര്ന്നിരുന്നു. ഐക്യരാഷ്ട്രസഭ ജനറല് അസംബ്ലിയില് ലോകത്തെ അഭിസംബോധന ചെയ്ത് മലയാളത്തില് പ്രസംഗിച്ചതിന്റെ രജതജൂബിലി ആഘോഷ വേളയിലാണ് അമൃതാനന്ദമയിയെ സംസ്ഥാന സര്ക്കാര് ആദരിച്ചത്. അമൃത വിശ്വവിദ്യാപീഠം…
Read More » -
അമൃതാനന്ദമയിയെ ആശ്ലേഷിച്ച സംഭവത്തില് സജി ചെറിയാന് മറുപടി പറയട്ടെ ; എല്ഡിഎഫില് ചര്ച്ച ചെയ്യേണ്ട സാഹചര്യമില്ലെന്ന് ബിനോയ് വിശ്വം ; സിപിഐ മതത്തിനൊപ്പമാണ്, പക്ഷേ ഭ്രാന്ത്രിനൊപ്പമില്ല
തിരുവനന്തപുരം: അമൃതാനന്ദമയിയെ സജി ചെറിയാന് ആശ്ലേഷിച്ച സംഭവം എല്ഡിഎഫില് ചര്ച്ച ചെയ്യേണ്ട സാഹചര്യമില്ലെന്ന് സിപിഐ സംസ്ഥാനസെക്രട്ടറി ബിനോയ് വിശ്വം. വിഷയത്തില് സജി ചെറിയാന് തന്നെ മറുപടി പറയണമെന്നും സജി ചെറിയാന് അമൃതാനന്ദമയിയെ ആശ്ലേഷിക്കുന്ന ചിത്രം കണ്ടിട്ടില്ലെന്നും സിപിഐ സംസ്ഥാന സെക്രട്ടറി പറഞ്ഞു. എല്ഡിഎഫ് യഥാര്ത്ഥ വിശ്വാസങ്ങളെ സ്വീകരിക്കും അക്കാര്യത്തില് സിപിഐയ്ക്ക് കൃത്യമായ നിലപാട് ഉണ്ട്. മതങ്ങള്ക്കൊപ്പം നില്ക്കും എന്നാല് മത ഭ്രാന്തിനൊപ്പം നില്ക്കില്ല. മതഭ്രാന്തിനോട് മുട്ടുകുത്തില്ലെന്നും ബിനോയ് വിശ്വം പറഞ്ഞു. അമൃതാനന്ദമയിയെ ആദരിച്ച സംഭവത്തില് സര്ക്കാരിനും മന്ത്രി സജി ചെറിയാനുമെതിരെ വ്യാപക വിമര്ശനമാണ് ഉയരുന്നത്. ഐക്യരാഷ്ട്രസഭ ജനറല് അസംബ്ലിയില് ലോകത്തെ അഭിസംബോധന ചെയ്ത് മലയാളത്തില് പ്രസംഗിച്ചതിന്റെ രജതജൂബിലി ആഘോഷ വേളയിലാണ് അമൃതാനന്ദമയിയെ സംസ്ഥാന സര്ക്കാര് ആദരിച്ചത്. അമൃത വിശ്വവിദ്യാപീഠം അമൃതപുരി കാമ്പസിലായിരുന്നു ചടങ്ങ് നടന്നത്. അമൃതാനന്ദമയിയുടെ 72-ാം പിറന്നാള് ആഘോഷത്തോടനുബന്ധിച്ച് നടന്ന പരിപാടിയില് ആയിരുന്നു ആദരം. സര്ക്കാരിന്റെയും മന്ത്രിയുടെയും നടപടിയില് സോഷ്യല് മീഡിയയില് വ്യാപക വിമര്ശനം ഉയര്ന്നുകഴിഞ്ഞു. ഇടതുപക്ഷത്തെ പിന്തുണച്ചുകൊണ്ടുള്ള എന്എസ്എസ്…
Read More » -
ഗാസ യുദ്ധം: യുഎന് പൊതുസഭയില് ഒറ്റപ്പെട്ട് നെതന്യാഹു; പ്രസംഗത്തിനിടെ കൂക്കി വിളികളും ബഹിഷ്കരണവും; ഇസ്രയേലിനെ എതിര്ത്തവര്ക്ക് പരസ്യ ചുംബനം; ഗാസയെക്കുറിച്ച് ധാരണയുണ്ടെന്നും വെടിനിര്ത്തല് ഉടനെന്നും ട്രംപ്
ന്യൂയോര്ക്ക്: ഗാസയിലെ യുദ്ധത്തില് യുഎന് പൊതുസഭയില് ഒറ്റപ്പെട്ട് ഇസ്രായേല്. പലസ്തീനികളെ ഇസ്രായേല് വംശഹത്യ നടത്തുന്നതായി ലോകരാജ്യങ്ങളുടെ കുറ്റപ്പെടുത്തല്. പശ്ചിമേഷ്യന് ചര്ച്ചകളില് പുരോഗതിയെന്നും വെടിനിര്ത്തല് ഉടന് യാഥാര്ത്ഥ്യമാകുമെന്നും ഡൊണാള്ഡ് ട്രംപ് അഭിപ്രായപ്പെട്ടു. ന്യൂയോര്ക്കിലെ പലസ്തീന് അനുകൂല റാലിയില് പങ്കെടുത്ത കൊളംബിയന് പ്രസിഡന്റിന്റെ വിസ അമേരിക്ക റദ്ദാക്കി. ഐക്യരാഷ്ട്രസഭയില് പ്രസംഗിക്കാനെത്തിയ ഇസ്രായേല് പ്രധാനമന്ത്രി ബെഞ്ചമിന് നെതന്യാഹുവിന് നേരിടേണ്ടി വന്നത് ബഹിഷ്കരണവും കൂകി വിളിയുമായിരുന്നു. പ്രസംഗിച്ച ഭൂരിഭാഗം നേതാക്കളും ഗാസയിലെ ആക്രമണത്തെ രൂക്ഷമായി വിമര്ശിച്ചു. പലസ്തീനികളെ ഇസ്രായേല് വംശഹത്യ നടത്തുകയാണെന്ന് കൊളംബിയന് പ്രസിഡന്റ് ഗുസ്താവോ പെട്രോ ആഞ്ഞടിച്ചു. പലസ്തീനെ മോചിപ്പിക്കാന് ഏഷ്യന് രാജ്യങ്ങള് കൂട്ടായ്മ ഉണ്ടാക്കണമെന്നും ഇസ്രായേലിനുള്ള സഹായങ്ങള് നിര്ത്തലാക്കണമെന്നും ഗുസ്താവോ ആവശ്യപ്പെട്ടു. പ്രസംഗത്തിന് പിന്നാലെ ഗുസ്താവോയുടെ നെറുകയില് ബ്രസീലിയന് പ്രസിഡന്റ് ചുംബിച്ചത് വലിയ ചര്ച്ചയായി. പലസ്തീന് അനുകൂലികളായ നേതാക്കള് ചുംബന ചിത്രം പ്രചരിപ്പിച്ച് ഇസ്രായേല് വിരുദ്ധത പ്രകടമാക്കി. ALSO READ ഇസ്രയേല്- ഹമാസ് ചോരക്കളി അവസാനിപ്പിക്കാന് ട്രംപിന്റെ 21 ഇന നിര്ദേശങ്ങള് പുറത്ത്; ഹമാസിനെ…
Read More »