Newsthen Special
-
ശബരിമല സ്വര്ണക്കൊള്ള: സഭയ്ക്കുള്ളില് സമരവുമായി പ്രതിപക്ഷം; ബഹളം; സ്പീക്കര് എഴുന്നേറ്റുപോയി
നിയമസഭയില് ശബരിമല സ്വര്ണക്കൊള്ള ഉന്നയിച്ച് പ്രതിപക്ഷ പ്രതിഷേധം. സഭയ്ക്കുള്ളിലും സമരം ചെയ്യുമെന്ന് പ്രതിപക്ഷനേതാവ് വി.ഡി സതീശന്. സഭാനടപടികളുമായി സഹകരിക്കില്ലെന്ന് പറഞ്ഞ പ്രതിപക്ഷം പ്ലക്കാര്ഡുകളുമായി മുദ്രാവാക്യം വിളികളുമായി നടുത്തളത്തിലിറങ്ങി. അതേസമയം, അടിയന്തര പ്രമേയ നോട്ടീസ് നൽകിയില്ല. എസ്ഐടി നോക്കുക്കുത്തിയായി. പ്രതികൾ സ്വാഭാവിക ജാമ്യം നേടി പുറത്തിറങ്ങുന്നു. മൂന്ന് ദിവസം കൂടെ കഴിഞ്ഞാൽ ഉണ്ണികൃഷ്ണൻ പോറ്റിയും സിപിഎം നേതാക്കളും പുറത്തിറങ്ങുമെന്നും പ്രതിപക്ഷം പറഞ്ഞു. സ്പീക്കറുടെ മുഖത്തിനു നേര്ക്ക് സ്വർണം കട്ടത് ആരപ്പ എന്ന് ബാനറും ഉയര്ത്തി. ബാനര് താഴ്ത്തണമെന്നു സ്പീക്കര് ആവശ്യപ്പെട്ടു. പ്രതിപക്ഷത്തിന് ഉത്തരവാദിത്തമില്ലായ്മയെന്ന് മന്ത്രി വീണ ജോർജ് കുറ്റപ്പെടുത്തി. എന്ത് അതിക്രമമാണ് കാണിക്കുന്നതെന്നു എം.ബി രാജേഷ് ചോദിച്ചു. ഇത് ജനാധ്യ പത്യത്തോടുള്ള വെല്ലുവിളിയാണ്. പ്രതിപക്ഷത്തിന് വിഷയദാരിദ്ര്യമാണ്. തൊഴിലുറപ്പ് അട്ടിമറിച്ച ദിവസം മോദിയോടൊപ്പം ചായ കുടിച്ച പ്രിയങ്കയുടെ അനുയായികളാണ് ഇവർ. ഹൈക്കോടതിയിൽ നിന്ന് കരണക്കുറ്റിക്ക് മാറി മാറി അടികിട്ടിയെന്നു മന്ത്രി പരിഹസിച്ചു. പ്രതിപക്ഷം കവല ചട്ടമ്പിമാരെന്നും ഭരണപക്ഷം ആരോപിച്ചു. ഇതെല്ലാം ജനങ്ങൾ കാണുന്നുണ്ട്. ചോദ്യോത്തര ചോദ്യങ്ങൾ…
Read More » -
വീണ്ടും മോദി- ട്രംപ് ഭായി-ഭായി; ഫോണ് വിളിയില് അലിഞ്ഞ് താരിഫ് പോര്; താരിഫ് 18 ശതമാനമാക്കി; റഷ്യന് എണ്ണ വാങ്ങുന്നതു നിര്ത്തും; കൃഷിയിലടക്കം 500 ബില്യണ് ഡോളര് ഇടപാടിന് ഇന്ത്യ സമ്മതിച്ചെന്നും ട്രംപ്
വാഷിംഗ്ടണ്: ഏറെക്കാലത്തെ ചര്ച്ചകള്ക്കുശേഷം ഇന്ത്യയും യുഎസും തമ്മിലുള്ള വ്യാപാരക്കരാര് ധാരണയിലെത്തി. തിങ്കളാഴ്ച യുഎസ് പ്രസിഡന്റ് ഡോണള്ഡ് ട്രംപ് പ്രധാനമന്ത്രി നരേന്ദ്ര മോദിയുമായി ഫോണില് സംസാരിച്ചതോടെയാണ് ഇരു രാജ്യങ്ങളും വ്യാപാരത്തില് കുറഞ്ഞ തീരുവ ചുമത്താന് തീരുമാനമായത്. നിലവില് അമേരിക്ക ചുമത്തിയ 25 ശതമാനം തീരുവ 18 ആക്കും. ഇന്ത്യക്കു ചുമത്തിയ പിഴത്തീരുവ 25 ശതമാനവും എടുത്തുമാറ്റും. പകരം, ഇന്ത്യ റഷ്യന് എണ്ണ വാങ്ങുന്നതു നിര്ത്താന് സമ്മതിച്ചെന്നും വാര്ത്തകളുണ്ട്. അമേരിക്കന് എനര്ജി, ടെക്നോളജി, കാര്ഷിക മേഖലയില് 500 ബില്യണ് ഡോളറിന്റെ ഇടപാടുകള്ക്കും ഇന്ത്യ തയാറായെന്നു ട്രംപ് അവകാശപ്പടുന്നു. ഇന്ത്യയും യൂറോപ്യന് യൂണിയനും അടുത്തിടെ വമ്പന് കരാറുകളില് ഒപ്പുവച്ചിരുന്നു. ഇന്ത്യന് വിപണി യൂറോപ്യന് രാജ്യങ്ങള്ക്കു മുമ്പില് തുറന്നിട്ട കരാര്, മദര് ഓഫ് ഓള് ഡീല്സ് എന്നാണ് മോദി വിശേഷിപ്പിച്ചത്. കഴിഞ്ഞവര്ഷം ഏപ്രില് രണ്ടുമുതല് ആരംഭിച്ച താരിഫ് യുദ്ധത്തിനാണ് ഇതോടെ തിരശീല വീഴുന്നത്. ജൂലൈ 31ന് 25 ശതമാനം താരിഫ് പ്രഖ്യാപിച്ചു. റഷ്യ എണ്ണ വാങ്ങുന്നതു തുടര്ന്നാല്…
Read More » -
റഫാ അതിര്ത്തി തുറന്നു; ട്രംപിന്റെ ഗാസ പദ്ധതിയില് ഇനിയെന്ത്? ഹമാസ് ആയുധം താഴെവച്ചില്ലെങ്കില് വീണ്ടും യുദ്ധമെന്ന് ഇസ്രയേല്; മരുമകന്റെ ‘ന്യൂ ഗാസ’ പദ്ധതിയില് കെട്ടിടങ്ങള് മാത്രം; എങ്ങനെ ജീവിക്കുമെന്ന് പലസ്തീനികള്; പശ്ചിമേഷ്യ വീണ്ടും ചര്ച്ചയില്
ഈജിപ്തുമായുള്ള റഫ അതിര്ത്തി തുറന്നതോടെ ഗാസ യുദ്ധം അവസാനിപ്പിക്കാനുള്ള യുഎസ് പ്രസിഡന്റ് ഡൊണാള്ഡ് ട്രംപിന്റെ പദ്ധതി അടുത്ത ഘട്ടത്തിലേക്ക്. ഹമാസ് നിരായുധീകരിക്കപ്പെടുമോ എന്നത് ഉള്പ്പെടെയുള്ള ചോദ്യങ്ങളാണ് ട്രംപിനു മുന്നില് ഇപ്പോഴും പരിഹരിക്കാതെ കിടക്കുന്നത്. ഹമാസിന്റെ ആക്രമണങ്ങളും ഇസ്രയേലിന്റെ തിരിച്ചടിയും ഗാസയെ ഇപ്പോഴും കൊലക്കളമാക്കുന്നു. ഹമാസ് നിരായുധീകരിക്കാന് വിസമ്മതിച്ചാല് യുദ്ധത്തിലേക്ക് മടങ്ങുമെന്ന് ഇസ്രയേലും വ്യക്തമാക്കിയിട്ടുണ്ട്. ട്രംപിന്റെ പദ്ധതിയുടെ പശ്ചാത്തലവും പരിഹരിക്കപ്പെടാന് ബാക്കിയുള്ള പ്രധാന വിഷയങ്ങളും എന്തൊക്കെയാണ്? എന്താണ് ഗാസയ്ക്കായുള്ള ട്രംപിന്റെ പദ്ധതി? സെപ്റ്റംബറില്, ട്രംപ് ഒരു പ്രാഥമിക വെടിനിര്ത്തലിനായുള്ള 20 ഇന പദ്ധതിയും തുടര്ന്ന് വിപുലമായ പരിഹാരത്തിലേക്കുള്ള നടപടികളും രൂപരേഖയായി അവതരിപ്പിച്ചു. ഹമാസ് നിരായുധീകരിക്കപ്പെടണമെന്നും ഗാസയില് ഭരണപരമായ പങ്കൊന്നും വഹിക്കരുതെന്നും, ഇസ്രായേല് തങ്ങളുടെ സൈന്യത്തെ പിന്വലിക്കണമെന്നും, അന്താരാഷ്ട്ര മേല്നോട്ടത്തില് പ്രദേശത്തിന്റെ വിപുലമായ പുനര്നിര്മ്മാണം നടത്തണമെന്നും കരാര് ആവശ്യപ്പെടുന്നു. പദ്ധതിയുടെ എല്ലാ കാര്യങ്ങളിലും ഇരുപക്ഷവും ഇതുവരെ പൂര്ണമായി യോജിച്ചിട്ടില്ലെങ്കിലും അന്താരാഷ്ട്രതലത്തില് ഇതിന് വ്യാപകമായ അംഗീകാരം ലഭിച്ചു. ഒക്ടോബര് 9-ന് ഇസ്രായേലും ഹമാസും പദ്ധതിയുടെ ആദ്യ…
Read More » -
പിന്മാറ്റം തീക്കളി; ഇന്ത്യ-പാക് മത്സര മൂല്യം 4500 കോടി രൂപയുടേത്; 10 സെക്കന്ഡ് പരസ്യത്തിന് 40 ലക്ഷംവരെ; മറ്റൊരു മത്സരത്തിനും ഈ മൂല്യമില്ല; ജിയോ സ്റ്റാര് അടക്കം പണം തിരികെ ചോദിക്കും; പാകിസ്താന് ടീമിനെ തകര്ക്കുന്ന നീക്കമെന്നും മുന്നറിയിപ്പ്; വരും മണിക്കൂറുകള് നിര്ണായകം
ന്യൂഡല്ഹി: ആധുനിക ക്രിക്കറ്റ് സമ്പദ്വ്യവസ്ഥയില് ചില മത്സരങ്ങള് വെറും ട്രോഫികളേക്കാള് മൂല്യമുള്ളവയാണ്. ടി20 ലോകകപ്പിലെ ഇന്ത്യ-പാകിസ്ഥാന് മത്സരം വെറുമൊരു മത്സരക്രമം മാത്രമല്ല; അത് ടൂര്ണമെന്റിനെ സാമ്പത്തികമായി താങ്ങിനിര്ത്തുന്ന ചാലകശക്തിയാണ്. സംപ്രേക്ഷണ മൂല്യം വര്ദ്ധിപ്പിക്കാനും, സ്വന്തമായി വരുമാനം കണ്ടെത്താന് ശേഷിയില്ലാത്ത മറ്റ് ക്രിക്കറ്റ് ബോര്ഡുകള്ക്ക് സബ്സിഡി നല്കാനും ഈ മത്സരം സഹായിക്കുന്നു. അതുകൊണ്ട് തന്നെ, ലോകകപ്പില് പങ്കെടുക്കാമെങ്കിലും ഇന്ത്യക്കെതിരെ കളിക്കില്ലെന്ന പാകിസ്ഥാന് സര്ക്കാരിന്റെ നിലപാടിന് ഐസിസി (ഐസിസി) നല്കിയ മറുപടി കേവലം ഒരു പ്രസ്താവനയല്ല, മറിച്ച് കടുത്ത മുന്നറിയിപ്പാണ്. ഈ തീരുമാനം ക്രിക്കറ്റ് ലോകത്തെയും പാകിസ്ഥാന് ക്രിക്കറ്റിന്റെ ഭാവിയെയും എങ്ങനെ ബാധിക്കുമെന്ന് ഐസിസി ചൂണ്ടിക്കാട്ടുന്നു. ക്രിക്കറ്റിന്റെ ഭാഷയില് പറഞ്ഞാല്, ഇത് വെറും രാഷ്ട്രീയമല്ലഇത് പണത്തിന്റെ കാര്യമാണ്, അതും വലിയൊരു തുകയുടെ. 500 ദശലക്ഷം ഡോളറിന്റെ മത്സരം (4,500 കോടി) ഇന്ത്യ-പാകിസ്ഥാന് ടി20 മത്സരം കുറഞ്ഞത് 500 ദശലക്ഷം ഡോളര് (ഏകദേശം 4,500 കോടി രൂപ) മൂല്യമുള്ളതാണെന്ന് കണക്കാക്കപ്പെടുന്നു. സംപ്രേക്ഷണ അവകാശം, പരസ്യങ്ങള്, സ്പോണ്സര്ഷിപ്പ്,…
Read More » -
‘പരിശോധന നടത്തിയ സ്ഥലത്തിന്റെ സുരക്ഷ ഉറപ്പാക്കിയില്ല, തോക്ക് കൈക്കലാക്കി വെടിയുതിര്ത്തത് അത്ഭുതപ്പെടുത്തുന്നു, സംരംഭകന്റെ വിലപ്പെട്ട ജീവന് ഇല്ലാതാക്കി’; സി.ജെ. റോയിയുടെ മരണത്തില് ജുഡീഷ്യല് അന്വേഷണം ആവശ്യപ്പെട്ട് മുഖ്യമന്ത്രി പിണറായി വിജയന്; നിര്മലാ സീതാരാമന് കത്തയച്ചു
തിരുവനന്തപുരം: ബംഗളൂരുവിലെ ആദായനികുതി റെയ്ഡിനിടെ കോണ്ഫിഡന്റ് ഗ്രൂപ്പ് ബില്ഡേഴ്സ് മേധാവിയും റിയല്റ്ററുമായ സി.ജെ. റോയിയുടെ അസ്വാഭാവിക മരണത്തില് ജുഡീഷ്യല് അന്വേഷണം ആവശ്യപ്പെട്ട് കേരള മുഖ്യമന്ത്രി പിണറായി വിജയന് കേന്ദ്ര മന്ത്രി നിര്മല സീതാരാമന് കത്തയച്ചു. സംരംഭകന്റെ ആത്മഹത്യയെന്ന് സംശയിക്കുന്ന ഈ മരണം പൊതുസമൂഹത്തെയും ബിസിനസ്സ് സമൂഹത്തെയും ഞെട്ടിച്ചിരിക്കുകയാണെന്ന് മുഖ്യമന്ത്രി പറഞ്ഞു. ഈ രാജ്യത്തെ നികുതി ഭരണ സംവിധാനത്തിന് മേലേറ്റ ‘കളങ്ക’മാണിത്. കേന്ദ്രസര്ക്കാര് പ്രഖ്യാപിച്ചിട്ടുള്ള ‘നോണ്-ഇന്ട്രൂസീവ് യൂസേജ് ഓഫ് ഡാറ്റ ടു ഗൈഡ് ആന്ഡ് ഇനേബിള്’ (NUDGE) എന്ന നയത്തിലൂന്നിയായിരിക്കണം ആദായനികുതി വകുപ്പിന്റെ നടപടികളെന്ന് പിണറായി വിജയന് ചൂണ്ടിക്കാട്ടി. അപൂര്വ്വ സാഹചര്യങ്ങളില് മാത്രം ‘അതിക്രമിച്ചുള്ള നടപടികള്’ (intrusive action) ആവശ്യമായി വന്നേക്കാം, എങ്കിലും അത്തരം സന്ദര്ഭങ്ങളില് ‘അങ്ങേയറ്റത്തെ ജാഗ്രത’ പാലിക്കണമെന്നതാണ് കീഴ്വഴക്കമെന്നും അദ്ദേഹം പറഞ്ഞു. ഐ.ടി എന്ഫോഴ്സ്മെന്റ് ഉദ്യോഗസ്ഥരുടെ ഭാഗത്തുനിന്നുണ്ടായ ‘ആവശ്യമായ ജാഗ്രതയുടെ കുറവ്’ ഒരു സംരംഭകന്റെ വിലപ്പെട്ട ജീവന് നഷ്ടപ്പെടാന് കാരണമായെന്നാണ് റിപ്പോര്ട്ടുകള് സൂചിപ്പിക്കുന്നതെന്ന് മുഖ്യമന്ത്രി പറഞ്ഞു. ആദായനികുതി വകുപ്പ് നടത്തിയ…
Read More » -
ആശമാരെ തൊട്ടാല് വിവരം അറിയുമെന്നു പറഞ്ഞ സുരേഷ് ഗോപി എവിടെ? ആശമാര്ക്ക് നക്കാപ്പിച്ച കൂട്ടാതെ കേന്ദ്ര ബജറ്റ്; സാംസ്കാരിക നായകര്ക്കും മിണ്ടാട്ടമില്ല; കേരളം കൂട്ടിയത് 2000 രൂപ
ന്യൂഡല്ഹി: രണ്ടു ഘട്ടങ്ങളിലായി രണ്ടായിരം രൂപ വര്ധിപ്പിച്ചിട്ടും ആശമാരുടെ ഓണറേറിയത്തില് നയാ പൈസ വര്ധിപ്പിക്കാതെ കേന്ദ്ര ബജറ്റ്. കേന്ദ്ര മന്ത്രി സുരേഷ് ഗോപിയെ ‘മണിമുറ്റത്താവണിപ്പന്തല്’ പാടി സ്വീകരിച്ച എസ്.യു.സി.ഐ. പ്രവര്ത്തകരോ ഇക്കാര്യത്തില് സമരരംഗത്ത് എത്തിയ നേതാവ് എസ്. മിനിയടക്കമുള്ളവരോ സാംസ്കാരിക പ്രവര്ത്തകരോ പ്രതികരിച്ചിട്ടില്ല. തദ്ദേശ തെരഞ്ഞെടുപ്പിനു മുമ്പ് ആയിരം രൂപയും കഴിഞ്ഞ ബജറ്റില് ആയിരം രൂപയും സംസ്ഥാന സര്ക്കാര് വര്ധിപ്പിച്ചിരുന്നു. ഒറ്റയടിക്ക് 25,000 രൂപയാക്കണമെന്ന ആവശ്യം മാത്രമാണ് സംസ്ഥാന സര്ക്കാര് പരിഗണിക്കാതിരുന്നത്. ഇക്കാലയളവില് പിന്തുണയുമായി ആശയമാരുടെ സമരപ്പന്തലില് എത്തിയ ബിജെപി പ്രവര്ത്തകര് അടക്കം രൂക്ഷ വിമര്ശനമാണ് സംസ്ഥാന സര്ക്കാരിനെതിരേ ഉയര്ത്തിയത്. അടുത്ത കേന്ദ്ര ബജറ്റില് ആശമാര്ക്ക് ഓണറേറിയം വര്ധനയുണ്ടാകുമെന്നും ഇവര് ഉറപ്പു നല്കി. എന്നാല്, ഒന്നുമുണ്ടായില്ല. ഇതിനു പിന്നാലെയാണ് കേരളം മുഴുവന് സമരവുമായി ആശമാര് രംഗത്തുവന്നത്. ഓരോ ജില്ലയിലും പ്രമുഖ വ്യക്തിത്വങ്ങളാണ് ഇവര്ക്കു സ്വീകരണം നല്കിയത്. പുതിയ ബജറ്റിനു പിന്നാലെ ആശമാര്ക്കു പിന്തുണയുമായി വന്ന എഴുത്തുകാരി സാറ ജോസഫ് അടക്കം പ്രതികരിച്ചിട്ടില്ല.…
Read More » -
ഗ്രാമിയില് തിളങ്ങി ദലൈലാമയും സ്പില്ബര്ഗും; ട്രംപിന്റെ കുടിയേറ്റ നയങ്ങള്ക്കെതിരേ വേദിയില് പ്രതികരിച്ച് കലാകാരന്മാര്
ഗ്രാമി പുരസ്കാരങ്ങളില് ചരിത്രം. ടിബറ്റന് ആത്മീയ ഗുരു ദലൈലാമയ്ക്കും അമേരിക്കന് ഫിലിം മേക്കര് സ്റ്റീവന് സ്പീല്ബര്ഗിനും പുരസ്കാരം. കെ പോപ്പിനും പുരസ്കാരകത്തിളക്കം. മികച്ച ഓഡിയോ ബുക്ക് , നറേഷന്, സ്റ്റോറി ടെല്ലിങ് ആന്ഡ് റെക്കോര്ഡിങ് വിഭാഗത്തിലാണ് ദലൈലാമയുടെ പുരസ്കാരനേട്ടം. ‘മ്യൂസിക് ഫോര് ജോണ് വില്യംസ്’ മികച്ച സംഗീത സിനിമയ്ക്കുള്ള പുരസ്കാരം നേടിയതോടെയാണ് സംവിധായകന് സ്റ്റീവന് സ്പീല്ബര്ഗ് ആദ്യ ഗ്രാമി സ്വന്തമാക്കിയത്. മികച്ച ഗാനത്തിനുള്ള പുരസ്കാരമാണ് ‘കെ-പോപ്പ് ഡീമണ് ഹണ്ടേഴ്സ്’ ലെ ‘ഗോള്ഡന്’ എന്ന ഗാനം നേടിയത്. കരിയറിലെ ആദ്യ ഗ്രാമി പുരസ്കാരം നേടി ലേഡി ഗാഗ. ആബ്ര കാ ഡാബ്രയിലൂടെ ഡാന്സ് പോപ്പ് റെക്കോര്ഡിങ് വിഭാഗത്തിലാണ് നേട്ടം. റാപ്പ് കാറ്റഗറിയില് മൂന്ന് പുരസ്കാരങ്ങള് സ്വന്തമാക്കി കെന്ഡ്രിക് ലാമര്. മികച്ച ഗ്ലോബല് മ്യൂസിക് പെര്ഫോമന്സിനാണ് ബാഡ് ബണ്ണിക്ക് പുരസ്കാരം. ആല്ബം ഓഫ് ദി ഇയര് പുസ്കാരം സ്വന്തമാക്കാന് കടുത്ത മല്സരമാണ് മൂവരും നടത്തുന്നത്. പുലിറ്റ്സ്റ്റര് പ്രൈസ് വിജയ് കൂടിയായ ലാമര്ക്ക് ഗ്രാമിയില് 9…
Read More » -
‘സംസാരിച്ചതെല്ലാം മരണത്തെക്കുറിച്ചു മാത്രം’; സി.ജെ. റോയി എല്ലാം നേരത്തേ തീരുമാനിച്ച് ഉറപ്പിച്ചു? ആത്മഹത്യാ കുറിപ്പില് ബിസിനസ് പിന്ഗാമി ആരെന്ന വ്യക്തമായ നിര്ദേശം; അഭിമുഖങ്ങളിലും സംസാരിച്ചത് താന് ഇല്ലാതാകുന്ന കാലത്തെക്കുറിച്ച്
ബംഗളുരു: കോണ്ഫിഡന്റ് ഗ്രൂപ്പ് ചെയര്മാന് സി.ജെ. റോയിയുടെ ഡയറിക്കുറിപ്പുകള് നല്കുന്നത് ജീവനൊടുക്കാനുള്ള തീരുമാനം നേരത്തെ തീരുമാനിച്ച് ഉറപ്പിച്ചിരുന്നു എന്ന സൂചനകള്. കുടുംബത്തോട് ക്ഷമചോദിച്ചതാണ് കുറിപ്പ് ആരംഭിക്കുന്നത്. കടുത്ത തീരുമാനം എടുക്കുകയാണെന്നും അതിന് മാപ്പ് ചോദിക്കുകയാണെന്നും കുറപ്പിലുണ്ട്. ഡയറിയില് എഴുതി തയ്യാറാക്കിയ കുറിപ്പ് കഴിഞ്ഞ ദിവസമാണ് കുടുംബത്തിന് ലഭിച്ചതെന്നാണു വിവരം. മരണശേഷം എങ്ങനെ ബിസിനസ് കൊണ്ടുപോകണമെന്നും ആരാണ് പിന്ഗാമികളെന്നും ഉത്തരവാദിത്തങ്ങള് എങ്ങനെ കൈകാര്യം ചെയ്യണമെന്നും അദ്ദേഹം വിശദീകരിക്കുന്നുണ്ട്. നിക്ഷേപകരുടെ താല്പ്പര്യങ്ങള് സംരക്ഷിക്കണമെന്നും തുടക്കം മുതലുള്ള ആളുകളെ വഞ്ചിക്കരുതെന്നും കുറിപ്പിലുണ്ട്. ആത്മഹത്യാ കുറിപ്പിന് സമാനമായിട്ടുള്ള വിവരങ്ങളാണ് ഡയറിയിലുള്ളത്. അതിനാല് മരിക്കാനുള്ള തീരുമാനം റോയ് നേരത്തെ തന്നെ ആലോചിച്ചുറപ്പിച്ചിരുന്നു എന്നാണ് സംശയം. മരണം സംഭവിച്ച വെള്ളിയാഴ്ച രാവിലെ റോയ് തന്റെ സഹോദരന് സി.ജെ ബാബുവിനെ മൂന്ന് തവണ തുടര്ച്ചയായി ഫോണില് വിളിച്ചിരുന്നു. ഈ സമയത്ത് ബാബു തായ്ലന്ഡിലായിരുന്നു. മരിക്കാന് ഉറപ്പിച്ചതിന് ശേഷമുള്ള വിളിയായിരുന്നു ഇതെന്ന സംശയമാണ് പൊലീസിനുള്ളത്. സാമ്പത്തിക വിവരങ്ങള് റോയ് പലതവണ ഭാര്യയുമായി പങ്കുവെച്ചിട്ടുണ്ടെന്നാണ്…
Read More » -
അതു ഫേക്ക് അക്കൗണ്ട് ആണോ എന്നുപോലും അറിയില്ല; ഫെന്നി നൈനാന്റെ ആരോപണങ്ങളെ സ്ക്രീന് ഷോട്ട് പുറത്തുവിട്ട് പൊളിച്ച് റിനി; ‘ഒരാളെയും താന് അങ്ങോട്ടു ബന്ധപ്പെട്ടിട്ടില്ല, നിയമ നടപടി പിന്നാലെ’
കൊച്ചി: താന് ഒരു അതിജീവിതെയും അങ്ങോട്ട് ബന്ധപ്പെടുകയോ ബന്ധപ്പെടാന് ശ്രമിക്കുകയോ ചെയ്തിട്ടില്ലെന്ന് ആവര്ത്തിച്ച്, ഫെന്നി നൈനാനെതിരെ ഫെയ്സ്ബുക്ക് പോസ്റ്റുമായി റിനി ആന്. ഫേക്ക് അക്കൗണ്ടില് നിന്നാണ് തനിക്ക് മെസേജ് വന്നതെന്നും അത് പുരുഷന് ആണോ സ്ത്രീ ആണോ എന്ന് പോലും അറിയില്ലെന്നും സ്ക്രീന് ഷോട്ടുള്പ്പടെ പങ്കുവെച്ച് അവര് വിശദീകരിക്കുന്നു. അതിജീവിതയെ ബന്ധപ്പെടേണ്ടതിന്റെ ഒരു ആവശ്യവും എനിക്കില്ല. അതുകൊണ്ട് തന്നെയാണ് താങ്കള് പറഞ്ഞ കാര്യത്തെ ഞാന് പരിപൂര്ണമായി നിഷേധിച്ചത്. ആരോ ഒരാള് ഏതോ ഒരു ഫേക്ക് അക്കൗണ്ടില് നിന്ന് എന്നെ ബന്ധപ്പെട്ടിരുന്നു. അത് പുരുഷന് ആണോ സ്ത്രീ ആണോ എന്ന് പോലും എനിക്കറിയില്ല. കൂടുതല് ഡീറ്റെയില്സ് പറയാമോ എന്നെല്ലാം ചോദിച്ചു. ഞാന് പറഞ്ഞു ഊരും പേരും അറിയാത്ത ഒരാളുമായി എനിക്ക് ബന്ധപ്പെടാന് പറ്റില്ല നിങ്ങള് ആരാണെന്ന് വ്യക്തമാക്കിയിട്ടു നിങ്ങള് വിളിക്കു എന്ന്. അ തിന് ഒരു മറുപടിയും എനിക്ക് തന്നിട്ടില്ല. ഇപ്പോള് ഈ വിഷയം വന്നപ്പോള് ഞാന് ഇത് എന്റെ ഇന്സ്റ്റയില് നോക്കിയപ്പോള്…
Read More » -
‘തോക്ക് എങ്ങനെ കിട്ടി? ആദായ നികുതി ഉദ്യോഗസ്ഥര് റോയിയെ പരിശോധിക്കാതെ ആണോ അകത്തേക്കു കയറ്റിയത്? നികുതി വെട്ടിപ്പിന് ആരും ആത്മഹത്യ ചെയ്തെന്നു കേട്ടിട്ടില്ല; യഥാര്ഥ കാരണം പുറത്തുവിടണം’
തിരുവനന്തപുരം: ആദായ നികുതി വകുപ്പ് നികുതി വെട്ടിപ്പ് അന്വേഷിക്കുന്നു എന്നതിന്റെ പേരില് ഒരാളും ആത്മഹത്യ ചെയ്തതായി കേട്ടിട്ടില്ലെന്നും, പക്ഷെ, ആദായനികുതി വകുപ്പ് പരിശോധനയ്ക്കിടെ സിജെ റോയ് ജീവനൊടുക്കിത് എന്തിനാണെന്ന് അറിയേണ്ടതുണ്ടെന്നും ബിജെപി സംസ്ഥാന ഉപാധ്യക്ഷന് ഡോ. കെഎസ് രാധാകൃഷ്ണന്. സിജെ റോയ് മരിച്ചു. കോണ്ഫിഡന്റ് ബിസനസ് സാമ്രാജ്യത്തിന്റെ തലസ്ഥാനത്ത് തന്റെ സിംഹാസനത്തില് ഇരുന്നു കൊണ്ട് സ്വയം വെടിവെച്ച് മരിച്ചു. ഇതാണ് വസ്തുത. സിജെ റോയ് എന്തിന്, അവിടെ വെച്ച്, ആ സമയത്തു മരിച്ചു, എന്നിങ്ങനെയുള്ള ചോദ്യങ്ങള് അന്തരീക്ഷത്തില് നില്ക്കുന്നു. ഏതാണ്ട് മൂന്ന് മണിക്കാണ് മരണദിനത്തില് റോയ് ഓഫീസില് എത്തിയത്. ആദായനികുതി വകുപ്പ് ഉദ്യോഗസ്ഥര്ക്ക് മൊഴി നല്കാനാണ് എത്തിയത് എന്നാണ് മാനേജിംഗ് ഡയറക്ടര് ടിഎ ജോസഫ് പറയുന്നത്. അതിനിടയില് അമ്മയോട്ട് സംസാരിക്കണം എന്ന് പറഞ്ഞുകൊണ്ട് റോയ് തന്റെ ചേംബറിലേക്ക് പോയി. പത്ത് മിനിറ്റ് കഴിഞ്ഞ് മാനേജിംഗ് ഡയറക്ടര് ടിഎ ജോസഫ് കാബിന് മുന്നിലെത്തിയപ്പോള് സുരക്ഷാ ഉദ്യോഗസ്ഥര് അദ്ദേഹത്തെ കയറ്റി വിട്ടില്ല. ആരേയും കയറ്റിവിടരുത്…
Read More »