Local
-
ചെങ്കോട്ട സ്ഫോടനം ; അല്ഫലാ സര്വകലാശാലയുടെ ചെയര്മാനെ ചോദ്യം ചെയ്യും ; ഹാജരാകാന് നോട്ടീസ് നല്കി
ന്യൂഡല്ഹി : ചെങ്കോട്ട സ്ഫോടനക്കേസില് അല്ഫലാ സര്വകലാശാല ചെയര്മാനെ ചോദ്യം ചെയ്യും. അല്ഫലാ സര്വകലാശാലയുടെ ചെയര്മാന് ഡല്ഹി പോലീസ് നോട്ടീസ് അയച്ചു. അല്ഫലാ സര്വകലാശാല ചെയര്മാന് ജാവേദ് അഹമ്മദിനാണ് ചോദ്യം ചെയ്യലിന് ഹാജരാകാന് നോട്ടീസ് ലഭിച്ചിരിക്കുന്നത്. ഭീകരരുമായി ബന്ധപ്പെട്ട കേസിലും വ്യാജരേഖാ കേസിലുമാണ് നടപടി. സ്ഫോടനവുമായി ബന്ധപ്പെട്ട് കശ്മീരി വിദ്യാര്ത്ഥികളും ഇവര്ക്ക് വീട് വാടകയ്ക്ക് നല്കിയവരും ഉള്പ്പെടെ 2000 പേരില് നിന്ന് വിവരങ്ങള് തേടിയെന്ന് ഫരീദാബാദ് പോലീസ് പറഞ്ഞു.
Read More » -
തൃശൂരിന് അഭിമാനം; കല്ക്കത്ത പ്രീമിയര് ലീഗിലെ മികച്ച പരിശീലകനായി ബിനോ ജോര്ജ്; നേട്ടം സ്വന്തമാക്കുന്ന ആദ്യ മലയാളി; പിറന്നാള് സമ്മാനമായി നേട്ടം
തൃശൂര്: കേരളത്തിന് പ്രത്യേകിച്ച് തൃശൂരിന് അഭിമാനമായി ഫുട്ബോള് പരിശീലകന് ബിനോ ജോര്ജ്. കല്ക്കട്ട പ്രീമിയര് ലീഗിലെ മികച്ച പരിശീലകനായി ബിനോ ജോര്ജിനെ തെരഞ്ഞെടുത്തു. ഈസ്റ്റ് ബംഗാള് അണ്ടര് 21 ടീമിന്റെ പരിശീലകനായ അദ്ദേഹം ടീമിനെ തുടര്ച്ചയായി രണ്ടാം തവണയും ചാമ്പ്യന്മാരാക്കിയതിനാണ് ഈ അംഗീകാരം. ജര്മന് ഫുട്ബോള് താരം ലോതര് മതേവൂസ് ബിനോ ജോര്ജിന് പുരസ്കാരം സമ്മാനിച്ചു. ഈ വരുന്ന 22ന് പിറന്നാള് ആഘോഷിക്കാനിരിക്കുന്ന ബിനോ ജോര്ജിന് ഈ അംഗീകാരം ഇത്തവണത്തെ പിറന്നാള് സമ്മാനമായിരിക്കുകയാണ്. 2022ല് കേരളം സന്തോഷ് ട്രോഫി ജേതാക്കളാകുമ്പോള് പരിശീലകനായിരുന്നു തൃശൂര് സ്വദേശിയായ ബിനോ. 2017 മുതല് 2019 വരെ ഐ ലീഗ് ക്ലബ് ഗോകുലം കേരളയേയും അദ്ദേഹം പരിശീലിപ്പിച്ചിട്ടുണ്ട്. 26 ടീമുകള് കളിക്കുന്ന ലീഗില് കഴിഞ്ഞ രണ്ട് വര്ഷത്തെ ടീമിന്റെ പ്രകടനം കണക്കിലെടുത്താണ് അദ്ദേഹത്തിന് അവാര്ഡ് നല്കിയത്. കഴിഞ്ഞ തവണ തോല്വി അറിയാതെയാണ് ബിനോയ്ക്ക് കീഴില് ഈസ്റ്റ് ബംഗാള് കിരീടം നേടിയത്. ഇത്തവണ ഒരു മത്സരത്തില് മാത്രമാണ്…
Read More » -
ബിഎല്ഒയുടെ ആത്മഹത്യ ; കോണ്ഗ്രസ് അസംബന്ധം പ്രചരിപ്പിക്കുന്നുവെന്ന് ഇ.പി.ജയരാജന് ; അനീഷിന്റെ കുടുംബത്തെ യുഡിഎഫ് അപമാനിക്കുന്നു ;
കണ്ണൂര്: കണ്ണൂരില് ബിഎല്ഒ അനീഷ് ജോര്ജ് ജീവനൊടുക്കിയ സംഭവത്തില് കോണ്ഗ്രസ് അസംബന്ധം പ്രചരിപ്പിക്കുന്നുവെന്ന് സിപിഐഎം നേതാവ് ഇപി ജയരാജന്. ബിഎല്ഒ ജീവനൊടുക്കിയ സംഭവം വളരെ ദുഃഖകരമാണ്. അതില് പങ്കാളിയാകുന്നതിന് പകരം തെറ്റായി വ്യാഖ്യാനിച്ച് ആ ജീവനക്കാരനെയും കുടുംബത്തെയും അപമാനിക്കാന് കോണ്ഗ്രസും യുഡിഎഫും പുറപ്പെടാന് പാടില്ലായിരുന്നുവെന്ന് ഇ.പി ജയരാജന് പറഞ്ഞു. അനീഷിന്റെ കുടുംബം തന്നെ പറഞ്ഞിട്ടുണ്ട് മരണത്തില് ആര്ക്കും പങ്കില്ലെന്ന്. നിലവാരം ഇല്ലാത്ത കോണ്ഗ്രസ് പറയുന്നത് ഈ പ്രശ്നത്തില് വലുതാക്കി കാണിക്കരുത്. തിരുവനന്തപുരത്ത് ഇരിക്കുന്ന വി.ഡി.സതീശന് ഇക്കാര്യം എങ്ങനെ അറിയാമെന്ന് ജയരാജന് ചോദിച്ചു. കളക്ടര്ക്ക് ഉദ്യോഗസ്ഥന് എന്ന നിലയില് പരിമിതി ഉണ്ടാകുമെന്ന് ജയരാജന് പറഞ്ഞു.
Read More » -
സ്ഥാനാര്ത്ഥിയാക്കാത്ത വിഷമത്തില് ആലപ്പുഴയിലും ആത്മഹത്യ ശ്രമം ; ആത്മഹത്യയ്ക്ക് ശ്രമിച്ചത് കോണ്ഗ്രസ് ബൂത്ത് പ്രസിഡന്റ് ; രക്ഷപ്പെടുത്തിയത് വീട്ടുകാര്
ആലപ്പുഴ: തദ്ദേശഭരണ തെരഞ്ഞെടുപ്പില് സീറ്റ് കിട്ടാത്തതിന്റെ വിഷമത്തില് ആലപ്പുഴയിലും ആത്മഹത്യ ശ്രമം. ആലപ്പുഴയില് കോണ്ഗ്രസ് ബൂത്ത് പ്രസിഡന്റ് നിരണത്ത് സി.ജയപ്രദീപ് ആണ് ആത്മഹത്യക്ക് ശ്രമിച്ചത്. പത്തിയൂര് ഗ്രാമപഞ്ചായത്തിലെ 19-ാം വാര്ഡില് സ്ഥാനാര്ത്ഥിയാക്കാത്തതില് മനംനൊന്താണ് ആത്മഹത്യാശ്രമം. ജയപ്രദീപിനെ 19-ാം വാര്ഡില് യുഡിഎഫ് സ്ഥാനാര്ത്ഥി ആകാന് തീരുമാനിച്ചിട്ട് സ്ഥാനാര്ത്ഥിത്വം നല്കിയില്ല. വീട്ടുകാരുടെ സമയോചിത ഇടപെടലിലാണ് ജയപ്രദീപിന്റെ ജീവന് രക്ഷിച്ചത്.
Read More » -
വിയ്യൂരിലെ അതിസുരക്ഷ ജയിലിലെ ഉദ്യോഗസ്ഥര്ക്കെതിരെ ജസ്റ്റിസ് ഫോര് ്പ്രിസണേഴ്സ് ; മാവോയിസ്റ്റ് തടവുകാരനെ അകാരണമായി മര്ദ്ദിച്ചെന്ന് പരാതി ; മനുഷ്യാവകാശ കമ്മീഷന് കത്തു നല്കി
തൃശൂര്: വിയ്യൂരിലെ അതിസുരക്ഷാ ജയിലില് മാവോയിസ്റ്റ് തടവുകാരനെ ജയില് ഉദ്യോഗസ്ഥര് മര്ദ്ദിച്ചെന്നാരോപിച്ച് പ്രതിഷേധവുമായി ജസ്റ്റിസ് ഫോര് പ്രിസണേഴ്സ്. ജയിലിനുള്ളില് നടന്ന ക്രൂര മര്ദ്ദനത്തെക്കുറിച്ച് അന്വേഷിക്കുകയും കാരണക്കാരായ ജയില് ജീവനക്കാരുടെ പേരില് ക്രിമിനല് നടപടിയുള്പ്പെടെ സ്വീകരിക്കണമെന്നുമാണ് സംഘടനയുടെ ആവശ്യം. കേരള സംസ്ഥാന മനുഷ്യാവകാശ കമ്മീഷന് ഇതു സംബന്ധിച്ച് കത്തു നല്കി. തടവുകാരുടെ ജനാധിപത്യ- മനുഷ്യാവകാശ സംരക്ഷണത്തിനായി രൂപീകരിക്കപ്പെട്ട സംഘടനയാണ് ജസ്റ്റിസ് ഫോര് പ്രിസണേഴ്സ്. തങ്ങള് ജയിലില് സന്ദര്ശനം നടത്തി തടവുകാരില് നിന്നും വിവരങ്ങള് ശേഖരിച്ചുവെന്നും ഗുരുതരമായ പ്രശ്നങ്ങളാണ് തടവുകാര് പറഞ്ഞതെന്നും ജസ്റ്റിസ്ഫോര് പ്രിസണേര്സ് ഭാരവാഹികള് പറഞ്ഞു. തടവുകാര്ക്കെതിരെ കള്ളപ്പരാതി നല്കി കള്ളക്കേസെടുത്ത് വ്യാജവാര്ത്ത സൃഷ്ടിക്കുകയാണ് ജയില് അധികൃതര് ചെയ്തതെന്നും ജയിലിനുള്ളില് നടന്ന അത്യന്തം ഗുരുതരമായ ഈ ക്രൂരമായ മര്ദ്ദനത്തെക്കുറിച്ച് അന്വേഷിച്ച് കാരണക്കാരായ ജയില് ജീവനക്കാരുടെ പേരില് ക്രിമിനല് നടപടി സ്വീകരിക്കണമെന്നും ജസ്റ്റിസ്ഫോര് പ്രിസണേര്സ് ചെയര്പേഴ്സണ് ഷൈന, ഇസ്മായില് എന്നിവര് കത്തില് ആവശ്യപ്പെട്ടു.
Read More » -
മുനമ്പത്തുള്ളവര് പോളിംഗ് ബൂത്തിലേക്കില്ല ; തെരഞ്ഞെടുപ്പ് ബഹിഷ്കരിക്കാന് മുനമ്പം സമരസമിതി ; തെരഞ്ഞെടുപ്പില് മത്സരിക്കാനും ആലോചന ; കൂടെ നിര്ത്താന് യുഡിഎഫ് നീക്കം
കൊച്ചി: തദ്ദേശ തെരഞ്ഞെടുപ്പില് വോട്ട് ബഹിഷ്കരിക്കാനോ സ്വന്തം സ്ഥാനാര്ത്ഥിയെ മത്സരിപ്പിക്കാനോ ഉള്ള നീക്കവുമായി മുനമ്പം സമരസമിതി. വേണ്ടിവന്നാല് മത്സരരംഗത്തിറങ്ങുമെന്ന വ്യക്തമായ സൂചന മുനമ്പം സമരസമിതി നല്കിയതോടെ ഇവരെ കൂടെ നിര്ത്താന് യുഡിഎഫ് കളത്തിലിറങ്ങി. തെരഞ്ഞെടുപ്പിന് മുമ്പ് പരിഹാരമായില്ലെങ്കില് മൂന്ന് മുന്നണിക്കും വോട്ടില്ലെന്ന് മുനമ്പം സമരസമിതി പറഞ്ഞു. വേണ്ടി വന്നാല് തെരഞ്ഞെടുപ്പ് ബഹിഷ്കരിക്കുമെന്നും ഇടവക വികാരി ആന്റണി സേവ്യര് കളത്തില് പറയുന്നു. ഒരു വര്ഷത്തിലധികമായി നിരാഹാര സമരം കിടന്നിട്ടും പരിഹരിക്കാന് കഴിയാത്ത വിഷയം ഈ തെരഞ്ഞെടുപ്പിലെങ്കിലും പരിഹരിക്കപ്പെടണമെന്ന ഉറച്ച നിലപാടിലാണ് മുനമ്പം സമരസമിതി. 400 ദിവസമായി നിരാഹാരസമരം ഇരുന്നിട്ടും പരിഹാരമായില്ല. ആര്ക്കുവേണ്ടി, എന്തിന് വേണ്ടി വോട്ട് ചെയ്യണമെന്ന ചോദ്യചിഹ്നം എല്ലാവരുടെയും മനസിലുണ്ട്. കഴിഞ്ഞ വര്ഷം ക്രിസ്മസ് ആഘോഷിച്ചത് നിരാഹാരത്തിലാണ്. ഈ ക്രിസ്മസിന് മുമ്പ് തന്നെ പരിഹാരമുണ്ടാകുമെന്ന് പ്രതീഷിക്കുന്നു. ഹൈക്കോടതി വിധി വന്നിട്ടും പിന്തുണക്കുകയല്ലാതെ മൂന്ന് മുന്നണികളും പ്രശ്ന പരിഹാരത്തിനുള്ള തീരുമാനം എടുത്തില്ല. ഞങ്ങളുടെ കൂടെയാരാണുള്ളത്? തെരഞ്ഞെടുപ്പ് ബഹിഷ്കരിക്കാന് സാധിക്കും. ഞങ്ങളുടെ സ്ഥാനാര്ത്ഥിയെ…
Read More » -
കൊച്ചിയില് തെരുവില് കിടന്നുറങ്ങിയ ആളെ തീകൊളുത്തി കൊല്ലാന് ശ്രമം ; കൊല്ലാന് ശ്രമിച്ചത് പോക്കറ്റടി എതിര്ത്തപ്പോള് ; പൊള്ളലേറ്റയാള് ഗുരുതരാവസ്ഥയില് ; അക്രമി അറസ്റ്റില്
കൊച്ചി: തെരുവോരത്ത് കിടന്നുറങ്ങിയിരുന്നയാളെ പെട്രോളൊഴിച്ച് തീ കൊളുത്തി കൊല്ലാന് ശ്രമം. കിടന്നുറങ്ങിയിരുന്നയാളുടെ പോക്കറ്റടിക്കാന് ശ്രമിച്ചപ്പോള് എതിര്ത്തതാണ് കൊലപാതകശ്രമത്തിന് കാരണം. കടവന്ത്രയില് തെരുവില് കിടന്നുറങ്ങിയ പിറവം സ്വദേശി ജോസഫിനെയാണ് കൊച്ചി സ്വദേശി ആന്റപ്പന് പെട്രോളൊഴിച്ച് കൊല്ലാന് ശ്രമിച്ചത്. ഞായറാഴ്ച രാത്രിയായിരുന്നു സംഭവം. ജോസഫിന്റെ ശരീരത്തില് പെട്രോളൊഴിച്ച് തീ കൊളുത്തുകയായിരുന്നു. 50 ശതമാനത്തിലേറെ പൊള്ളലേറ്റ ജോസഫ് ഗുരുതരാവസ്ഥയില് ആശുപത്രിയിലാണ്. ഇരുവരും തെരുവില് കിടന്നുറങ്ങുകയായിരുന്നു. ഇതിനിടെ ജോസഫിന്റെ പോക്കറ്റില് നിന്ന് പണം കവരാന് ആന്റപ്പന് ശ്രമിച്ചപ്പോള് ജോസഫ് ഇത് ചെറുത്ത് ചോദ്യം ചെയ്ത് തര്ക്കമുണ്ടായതോടെയാണ് സംഭവം. തുടര്ന്ന് പെട്രോളുമായി വന്ന് ആന്റപ്പന് ജോസഫിനെ കൊല്ലാന് ശ്രമിക്കുകയായിരുന്നു. ജോസഫിനെ തീ കൊളുത്തിയ ശേഷം രക്ഷപ്പെട്ട ആന്റപ്പനെ പോലീസ് പിടികൂടി അറസ്റ്റു ചെയ്തു.
Read More » -
ടി.പി.കേസ് ഒരു കൊലപാതകക്കേസാണ്; എങ്ങനെ പെട്ടന്ന് ജാമ്യം നല്കുമെന്ന് സുപ്രീംകോടതി ; വിചാരണക്കോടതിയുടെ രേഖകള് കാണാതെ ജാമ്യം നല്കില്ലെന്നും കോടതി; ഇടക്കാല ജാമ്യാപേക്ഷയും തള്ളി
ന്യൂഡല്ഹി: ടി.പി.ചന്ദ്രശേഖരന് കേസ് ഒരു കൊലപാതകക്കേസാണെന്നും അതുകൊണ്ടുതന്നെ അങ്ങനെ പെട്ടന്ന് എങ്ങനെ ജാമ്യം നല്കുമെന്നും സുപ്രീംകോടതി. വിചാരണക്കോടതിയുടെ രേഖകള് കാണാതെ ജാമ്യം നല്കാനാവില്ലെന്നും കോടതി വ്യക്തമാക്കി. പ്രതികളിലൊരാള് സമര്പിച്ച ഇടക്കാല ജാമ്യാപേക്ഷയും കോടതി തള്ളി. രേഖകള് വരുന്നത് വരെ ഇടക്കാല ജാമ്യം നല്കണമെന്ന ആവശ്യം കോടതി അംഗീകരിച്ചില്ല. സാക്ഷി മൊഴികള് അടക്കം കാണാതെ തീരുമാനം എടുക്കാന് കഴിയില്ലെന്നും സുപ്രീംകോടതി വ്യക്തമാക്കി. ടി.പി.ചന്ദ്രശേഖരന് കൊലക്കേസിലെ പ്രതിയായ ജ്യോതിബാബുവാണ് ജാമ്യത്തിനായി സുപ്രീംകോടതിയെ സമീപിച്ചത്. ഈ അപേക്ഷ പരിഗണിക്കുമ്പോഴാണ് സുപ്രീം കോടതി ടി.പി.കേസ് കൊലക്കേസാണെന്നും പെട്ടന്ന് ജാമ്യം കൊടുക്കാനാവില്ലെന്നും ചൂണ്ടിക്കാട്ടിയത്. സംസ്ഥാനം മറുപടി സമര്പ്പിക്കാതെ ഒളിച്ചു കളിക്കുകയാണെന്ന് കെകെ രമയുടെ അഭിഭാഷകന് സുപ്രീംകോടതിയില് വാദിച്ചു. പ്രതികള്ക്ക് അനുപാതരഹിതമായ ഇളവുകളാണ് ലഭിച്ചതെന്നും സംവിധാനങ്ങളുടെ വിശ്വാസ്യത നഷ്ടമാകുന്ന തരത്തിലുള്ള നടപടികളാണ് ഉണ്ടായതെന്നും സത്യവാങ്മൂലത്തില് കെകെ രമ പറഞ്ഞു. പ്രതികള്ക്ക് ജാമ്യം നല്കുന്നത് അപകടകരവും മനോവീര്യം കെടുത്തുന്നതുമായ സന്ദേശം നല്കും. ജ്യോതി ബാബുവിന് ജാമ്യം അനുവദിക്കുന്നതിനെ എതിര്ത്തതാണ് രമ സുപ്രീം…
Read More » -
അതി ദാരുണം ; കരള്പിളരും കാഴ്ചകള് ; സൗദി അപകടത്തില് മരിച്ച 42 പേരെയും തിരിച്ചറിയാനാവാത്ത അവസ്ഥ ; ജിദ്ദ ഇന്ത്യന് കോണ്സുലേറ്റ് കണ്ട്രോള് റൂം തുറന്നു
സൗദി: ഇന്ത്യന് തീര്ത്ഥാടകര് സഞ്ചരിച്ചിരുന്ന ബസ് അപകടത്തില് പെട്ട് മരിച്ച 42 പേരെയും തിരിച്ചറിയാനാവാത്ത അവസ്ഥ. എല്ലാ മൃതദേഹങ്ങളും കത്തിക്കരിഞ്ഞ് തിരിച്ചറിയാന് കഴിയാത്ത സ്ഥിതിയിലാണ്. ബസിലുണ്ടായിരുന്ന 43 പേരില് ഒരാളൊഴികെ ബാക്കിയെല്ലാവരും തല്ക്ഷണം മരിച്ചു. ജിദ്ദയില് ഇന്ത്യന് കോണ്സുലേറ്റ് കണ്ട്രോള് തുറന്നിട്ടുണ്ട്. 24 മണിക്കൂറും കണ്ട്രോള് റൂം പ്രവര്ത്തിക്കുമെന്ന് ജിദ്ദ ഇന്ത്യന് കോണ്സുലേറ്റ് അറിയിച്ചു. അപകടവിവരമറിഞ്ഞ് മലയാളികളടക്കം നിരവധി ഇന്ത്യക്കാര് സ്ഥലത്തെത്തി. 25 കാരനായ അബ്ദുല് ഷുഹൈബ് മുഹമ്മദ് മാത്രമാണ് രക്ഷപ്പെട്ടത്. ഇദ്ദേഹം മദീനയിലെ കിംഗ് ഫഹദ് ആശുപത്രിയില് ചികിത്സയിലാണ്. മക്കയില് നിന്നും ഉംറ നിര്വഹിച്ച ശേഷം പുറപ്പെട്ട ബസാണ് അപകടത്തില് പെട്ടത്. മരിച്ചവരില് 20 സ്ത്രീകളും 11 പേര് പത്ത് വയസിന് താഴെയുള്ള കുട്ടികളുമാണ്. ബസ് ഡീസല് ടാങ്കറുമായി കൂട്ടിയിടിച്ചതോടെ തല്ക്ഷണം തീപിടിക്കുകയായിരുന്നു. മൃതദേഹങ്ങളെല്ലാം മദീന കിംഗ് ഫഹദ് ആശുപത്രി മോര്ച്ചറിയിലാണുള്ളത്. സംഭവം നടന്ന ഉടന് സ്ഥലത്ത് കുതിച്ചെത്തിയ സുരക്ഷാവിഭാഗം ഉദ്യോഗസ്ഥര് ഏറെ പണിപ്പെട്ടാണ് മൃതദേഹങ്ങള് പുറത്തെടുത്തത്. ഒരാളെ…
Read More » -
സൗദിയില് ഇന്ത്യക്കാര് സഞ്ചരിച്ച ബസ് കത്തി വന് ദുരന്തം; സൗദിയില് ഇന്ത്യന് ഉംറ സംഘത്തിന്റെ ബസ് അപകടത്തില്പ്പെട്ട് 42 മരണം; മരിച്ചത് ഹൈദരാബാദ് സ്വദേശികള്ച അപകടം മക്കയില് നിന്ന് മദീനയിലേക്ക് പോകുമ്പോള്
സൗദി: സൗദിയില് ഇന്ത്യക്കാര് സഞ്ചരിച്ചിരുന്ന ബസ് അപകടത്തില് പെട്ട് വന് ദുരന്തംം. 42 പേര് മരിച്ചു. ഇന്ത്യന് ഉംറ സംഘം സഞ്ചരിച്ച ബസ് അപകടത്തില് പെട്ടാണ് 42 പേര് ദാരുണമായി കൊല്ലപ്പെട്ടത്. അപകടത്തില്പ്പെട്ട് പരിക്കേറ്റ ഒരാള് ഗുരുതര നിലയില് തുടരുകയാണ്. ഹൈദരാബാദ് സ്വദേശികളാണ് അപകടത്തില് പെട്ടത്. മക്കയില് നിന്ന് മദീനയിലേക്ക് പുറപ്പെട്ട ഇവരുടെ ബസ് ഇന്ന് പുലര്ച്ചെ ഇന്ത്യന് സമയം 1.30 ന് (സൗദി സമയം ഇന്നലെ രാത്രി 11) ഒരു പെട്രോള് ടാങ്കറുമായി കൂട്ടിയിടിച്ചു തീപിടിച്ചാണ് അപകടം. ബസില് ഉണ്ടായിരുന്നത് 43 പേരായിരുന്നു. എല്ലാവരും ഹൈദരാബാദ് സ്വദേശികളാണ്. അതില് 42 പേരും മരിച്ചു. മരിച്ചവരില് 20 സ്ത്രീകളും 11 കുട്ടികളും ആണ്. മക്കയിലെ തീര്ഥാടനം പൂര്ത്തിയാക്കി മദീനയിലേക്ക് പോകുന്ന വഴിയാണ് അപകടം നടന്നത്. ബദ്റിനും മദീനക്കും ഇടയില് മുഫറഹാത്ത് എന്ന സ്ഥലത്ത് വെച്ചാണ് അപകടം നടന്നത്. ബസിലുണ്ടായിരുന്നവര് തീര്ഥാടകര് മുഴുവന് ഹൈദരാബാദ് സ്വദേശികളാണെന്ന് ഉംറ കമ്പനി സ്ഥിരീകരിച്ചിട്ടുണ്ട്. അപകടത്തില് നിന്ന്…
Read More »