Local
-
ഞെട്ടിപ്പിക്കുന്ന വെളിപ്പെടുത്തലുകള്; അവയവ കച്ചവട മാഫിയ കേരളത്തില് പിടിമുറുക്കുന്നു ; ഇറാനിലേക്ക് നടത്തിയ മനുഷ്യക്കടത്ത് അവയവ കച്ചവടത്തിന് വേണ്ടി ; കേരളത്തിലെ സ്വകാര്യ ആശുപത്രികള്ക്ക് നേരെയും സംശയമുനകള് ; ഒരു റിക്രൂട്ട്്മെന്റിന് അക്കൗണ്ടിലെത്തുന്നത് ലക്ഷങ്ങളുടെ കമ്മീഷന് ; പിടിയിലായ തൃശൂര് സ്വദേശിയെ കൂടുതല് ചോദ്യം ചെയ്യും
കൊച്ചി : കേരളം അവയവ കച്ചവടം മാഫിയയുടെ കേന്ദ്രമാകുന്നു. കേരളത്തില്നിന്ന് നിരവധിപേരെ ഇറാന് അടക്കമുള്ള രാജ്യങ്ങളിലേക്ക് കടത്തിയത് അവയവ കച്ചവടത്തിന് വേണ്ടിയാണെന്ന് ദേശീയ അന്വേഷണ ഏജന്സികള് സ്ഥിരീകരിച്ചു. ഇറാനിലേക്കുള്ള മനുഷ്യക്കടത്ത് പ്രധാനമായും അവയവക്കച്ചവടത്തിന് വേണ്ടിയായിരുന്നു. ഇതുമായി ബന്ധപ്പെട്ട് പിടിയിലായ മലയാളികള് നല്കുന്ന വിവരങ്ങള് ഞെട്ടിപ്പിക്കുന്നതാണ്. കേരളത്തിലെ ജില്ലാ സ്വകാര്യ ആശുപത്രികള് വരെ ഈ അവയവ കച്ചവട – മനുഷ്യക്കടത്ത് റാക്കറ്റിലെ കണ്ണികള് ആണെന്നാണ് ഇപ്പോള് പുറത്തുവരുന്ന ഞെട്ടിപ്പിക്കുന്ന വിവരം. വിദേശരാജ്യങ്ങളുമായി ഡീല് ഉറപ്പിച്ച് മനുഷ്യക്കടത്തിലൂടെ അവയവം ലക്ഷ്യസ്ഥാനത്ത് എത്തിക്കുക എന്നതാണ് ഇവരുടെ ഓപ്പറേഷന് രീതി. ജോലിയും മറ്റും ഓഫര് ചെയ്താണ് മനുഷ്യക്കടത്ത് നടത്തുന്നത്. യാതൊരു സംശയവും തോന്നാതിരിക്കാന് ആവശ്യമായ വാഗ്ദാനം ഇവര് കൈക്കൊള്ളുന്നുണ്ട്.. പിടിയായ മലയാളിയില് നിന്ന് ലഭിച്ച സൂചനകളാണ് സ്വകാര്യ ആശുപത്രികളിലേക്ക് സംശയത്തിന്റെ മുന നീളാന് കാരണം. ദേശീയ അന്വേഷണ ഏജന്സിയായ എന്ഐഎ ഇത് അതീവ ഗൗരവത്തില് എടുത്താണ് അന്വേഷണവുമായി മുന്നോട്ടു പോകുന്നത്. പല രോഗികളുടെയും വിവരങ്ങള് ഇത്തരത്തില് അവയവ…
Read More » -
കേരളത്തിനു പിന്നാലെ രാജസ്ഥാനിലും എസ്.ഐ.ആര് ആത്മഹത്യ ; രാജസ്ഥാനില് ബി.എല്.ഒ ട്രെയിനിന് മുന്നില് ചാടി മരിച്ചു ; എസ്.ഐ.ആര് ജോലികള് പൂര്ത്തിയാക്കാന് കടുത്ത സമ്മര്ദ്ദമെന്ന് കുറിപ്പ് ; ജീവനൊടുക്കിയത് പ്രൈമറി സ്കൂള് അധ്യാപകന്
രാജസ്ഥാന്: കേരളത്തിനു പിന്നാലെ രാജസ്ഥാനിലും എസ്.ഐ.ആറിന്റെ പേരില് ആത്മഹത്യ. രാജസ്ഥാനിലെ പ്രൈമറി സ്കൂള് അധ്യാപകനാണ് എസ്.ഐ.ആര് ജോലികള് പൂര്ത്തിയാക്കാന് കടുത്ത സമ്മര്ദ്ദമെന്ന കുറിപ്പെഴുതി വെച്ചാണ് ബി.എല്.ഒ ആയ അധ്യാപകന് ട്രെയിനിനു മുന്നില് ചാടി ജീവനൊടുക്കിയത്. എസ്.ഐ.ആറുമായി ബന്ധപ്പെട്ട ജോലികള് പൂര്ത്തിയാക്കാന് കടുത്ത സമ്മര്ദ്ദം നേരിട്ടിരുന്നതായി കുടുംബം ആരോപിച്ചു. ജയ്പൂര് നഹ്രി കാ ബാസിലെ ഗവണ്മെന്റ് പ്രൈമറി സ്കൂളിലെ അധ്യാപകന് കൂടിയായ മുകേഷ് ജംഗിദ് ആണ് ആത്മഹത്യ ചെയ്തത്. മുകേഷിന്റെ ആത്മഹത്യ കുറിപ്പ് പോലീസ് കണ്ടെത്തി. എസ്ഐആര് ജോലികള് കാരണം താന് സമ്മര്ദ്ദത്തിലാണെന്നും സൂപ്പര്വൈസര് സമ്മര്ദ്ദം ചെലുത്തുന്നുണ്ടെന്നും കുറിപ്പില് പറയുന്നു.സസ്പെന്ഷന് ഭീഷണി ഉണ്ടെന്നും ആത്മഹത്യ കുറിപ്പിലുണ്ട്. കേരളത്തില് ഇതേ വിഷയവുമായി ബന്ധപ്പെട്ട് ബിഎല്ഒ ആത്മഹത്യ ചെയ്ത വിവാദങ്ങള് കൊടുമ്പിരി കൊണ്ടുനില്ക്കുന്നതിനിടെയാണ് സമാനമായ വിഷയം മറ്റൊരു മനുഷ്യജീവന് അപഹരിച്ചിരിക്കുന്നത്. ഏറ്റുകുടുക്കയില് ബിഎല്ഒ ആത്മഹത്യ ചെയ്ത സംഭവത്തില് പ്രതിഷേധിച്ച് ഇന്ന് കേരളത്തില് സംസ്ഥാന വ്യാപകമായി ബിഎല്ഒമാര് ജോലി ബഹിഷ്കരിക്കുകയാണ്. മുഖ്യ തെരഞ്ഞെടുപ്പ് ഓഫീസറുടെ ഓഫീസിലേക്കും ജില്ലാ…
Read More » -
തൃശൂര് കോണ്ഗ്രസില് രാജിക്കാലം; നിമ്മി റപ്പായിക്കു പിന്നാലെ രണ്ടുപേര് കൂടി രാജി വെച്ചു; വിമതശല്യം ഇക്കുറിയും കോണ്ഗ്രസിന് തലവേദന; വോട്ടുകള് മറിയുമെന്നുറപ്പ്
തൃശൂര്: തൃശൂരിലെ കോണ്ഗ്രസിലിത് രാജിക്കാലം. കുരിയച്ചി കോര്പറേഷന് കൗണ്സിലറായിരുന്ന നിമ്മി റപ്പായിക്കു പിന്നാലെ രണ്ടു കോണ്ഗ്രസ് നേതാക്കള് കൂടി രാജിവെച്ചു. ഈസ്റ്റ് മണ്ഡലം പ്രസിഡന്റ് ജോര്ജ് ചാണ്ടിയും കോണ്ഗ്രസ് ഒല്ലൂര് ബ്ലോക്ക് സെക്രട്ടറിയും മുന് കൗണ്സിലറുമായ ഷോമി ഫ്രാന്സിസുമാണ് രാജിവെച്ചത്. കോണ്ഗ്രസിന്റെ മുന് കൗണ്സിലറാണ് രാജി വെച്ച ജോര്ജ് ചാണ്ടി. കോണ്ഗ്രസ് വിട്ട ജോര്ജ് മിഷന് ക്വാര്ട്ടേഴില് സ്വതന്ത്രനായി മല്സരിക്കും. കോണ്ഗ്രസ് മിഷന് കോട്ടേഴ്സിലേക്ക് പ്രഖ്യാപിച്ച സ്ഥാനാര്ത്ഥി ബൈജു വര്ഗീസ് പാര്ട്ടി വിരുദ്ധനായി പ്രവര്ത്തിച്ച ആളാണെന്ന് ജോര്ജ് ചാണ്ടി പറഞ്ഞു. തൃശൂരിലെ പഴയകാല കോണ്ഗ്രസ് നേതാവും മുന് കൗണ്സിലറുമായ ജോസി ചാണ്ടിയുടെ മകനാണ് ജോര്ജ് ചാണ്ടി. കോണ്ഗ്രസിന്റെ കുത്തക ഡിവിഷനാണ് മിഷന് ക്വാര്ട്ടേഴ്സ്. അതേ സമയം കോണ്ഗ്രസില് നിന്നും രാജിവെച്ച ഷോമി ഫ്രാന്സിസ് കുരിയച്ചിറ ഡിവിഷനില് സ്വതന്ത്രനായി മല്സരിക്കും. മുതിര്ന്ന കോണ്ഗ്രസ് നേതാവ് കെ. മുരളീധരന്റെ വിശ്വസ്തന് സജീവന് കുരിയച്ചിറയ്ക്ക് സീറ്റ് നല്കിയതില് പ്രതിഷേധിച്ചാണ് ഷോമി രാജി വെച്ചത്. 15…
Read More » -
തട്ടത്തിന് മറയത്തു നിന്നും ഉയരുന്ന വിമത സ്വരങ്ങള് ; കാലൊടി സുലൈഖ തിരൂരങ്ങാടിയില് പ്രചരണം തുടങ്ങി ; നോട്ടമിട്ട് എല്ഡിഎഫ് ; വിമതയ്ക്കെതിരെ നടപടിയെടുക്കാന് ലീഗ്
മലപ്പുറം : തട്ടത്തിന് മറയത്തു നിന്ന് വിമത സ്വരങ്ങളുയരുമ്പോള് തിരൂരങ്ങാടി വീണ്ടും മുസ്ലിം ലീഗിന് തലവേദനയാവുകയാണ്. മലപ്പുറം തിരൂരങ്ങാടി നഗരസഭയില് മുസ്ലിം ലീഗ് സംസ്ഥാന ജനറല് സെക്രട്ടറി പി.എം.എ സലാമിന്റെ വീട് ഉള്പ്പെടുന്ന 25-ാം ഡിവിഷനിലെ ലീഗ് വിമത സ്ഥാനാര്ത്ഥി കാലൊടി സുലൈഖ പ്രചരണവുമായി മുന്നോട്ടുപോകുമ്പോള് എങ്ങിനെ ഈ പെണ്പുലിയെ കടിഞ്ഞാണിട്ടു പിടിച്ചുകെട്ടണമെന്നറിയാതെ വിഷമിക്കുകയാണ് ലീഗ്് നേതൃത്വം. വിമതയായി സുലൈഖ കളത്തിലിറങ്ങിയതോടെ പാര്ട്ടി ഭാരവാഹിത്വത്തില് നിന്ന് സുലൈഖയെ നീക്കിയിരുന്നു. തിരൂരങ്ങാടി മുന്സിപ്പല് വനിതാ ലീഗ് ജനറല് സെക്രട്ടറി, എസ്ടിയു ജില്ലാ ജോയിന്റ് സെക്രട്ടറി, സംസ്ഥാന വര്ക്കിങ് കമ്മിറ്റി അംഗം എന്നീ ഭാരവാഹിത്വത്തില് നിന്നാണ് സുലൈഖയെ മാറ്റിയത്. ലീഗിന്റെ വിമത സ്ഥാനാര്ത്ഥിയായി മത്സരിക്കുന്ന കാലൊടി സുലൈഖയെ പാര്ട്ടി അംഗത്വത്തില് നിന്ന് പുറത്താക്കണമെന്ന് ഒരു വിഭാഗം ശക്തമായി ആവശ്യപ്പെടുന്നുണ്ട്. മുസ്ലിം ലീഗിന്റെ ഔദ്യോഗിക സ്ഥാനാര്ത്ഥി സി.പി.ഹബീബക്ക് എതിരെയാണ് സുലൈഖ മത്സരിക്കുന്നത്. എന്തു സംഭവിച്ചാലും താന് മത്സരത്തില് നിന്ന് പിന്മാറില്ലെന്ന് സുലൈഖ വ്യക്തമാക്കിയിട്ടുണ്ട്. സംസ്ഥാന ജനറല്…
Read More » -
മന്ത്രവാദം കൊണ്ട് മാര്ക്ക് കൂടില്ല കുട്ടികളുടെ അച്ഛനമ്മമാരേ; കൊല്ലത്തെ മന്ത്രവാദക്കഥയറിഞ്ഞോ? പരീക്ഷക്ക് ഉയര്ന്ന വിജയം വാഗ്ദാനം ചെയ്ത് 11 കാരിയെ പീഡിപ്പിക്കാന് ശ്രമം; വ്യാജ സ്വാമി അറസ്റ്റില്
കൊല്ലം: അരക്കൊല്ല പരീക്ഷയും പത്താം ക്ലാസ് പരീക്ഷയുമൊക്കെ അടുത്തുവരുമ്പോള് പൊന്നുമക്കളുടെ അച്ഛനമ്മമാരോടും രക്ഷിതാക്കളോടും ഒരു കാര്യം പറഞ്ഞോട്ടെ. നന്നായി പഠിച്ചാല് കുട്ടികള്ക്ക് മാര്ക്ക് കൂടുതല് കിട്ടും, നന്നായി പരീക്ഷയെഴുതാനും ജയിക്കാനും പറ്റും. അല്ലാതെ മന്ത്രവാദം കൊണ്ടോ ആഭിചാര ക്രിയകള് ചെയ്തതുകൊണ്ടോ നിങ്ങളുടെ മക്കള്ക്ക് നന്നായി പരീക്ഷയെഴുതാനോ പരീക്ഷ പാസാകാനോ നല്ല മാര്ക്ക് കിട്ടാനോ പോകുന്നില്ല. ഇത്രയും പറഞ്ഞത് കൊല്ലത്തെ ഒരു ആഭിചാരക്രിയയുടെ ഞെട്ടിപ്പിക്കുന്ന സംഭവത്തെക്കുറിച്ച് പറയാനാണ്. പരീക്ഷയില് ഉയര്ന്ന വിജയം കരസ്ഥമാക്കിക്കൊടുക്കാമെന്ന് പറഞ്ഞ് 11വയസുകാരിയെ പീഡിപ്പിക്കാന് ശ്രമിച്ച വ്യാജസ്വാമി അറസ്റ്റിലായി. ആഭിചാരവും മന്ത്രവാദവും നടത്തിയാല് കുട്ടിക്ക് പരീക്ഷയില് നല്ല മാര്ക്കും ഉന്നതവിജയവും നേടാനാകുമെന്ന് കുട്ടിയുടെ രക്ഷിതാക്കളെ പറഞ്ഞു ബോധ്യപ്പെടുത്തിയാണ് ഇയാള് കുട്ടിക്കു നേരെ ലൈംഗീകാതിക്രമത്തിന് മുതിര്ന്നത്. മുണ്ടയ്ക്കല് സ്വദേശി ഷിനുവാണ് അറസ്റ്റിലായത്. പെണ്കുട്ടിയുടെ പരാതിയില് ഈസ്റ്റ് പോലീസാണ് ഇയാളെ അറസ്റ്റ് ചെയ്തത്. പരീക്ഷയ്ക്ക് ഉയര്ന്ന വിജയം വാഗ്ദാനം ചെയ്തായിരുന്നു കുട്ടിയെ ആഭിചാരക്രിയയ്ക്ക് വിധേയയാക്കിയത്. ഉയര്ന്ന വിജയം കരസ്ഥമാക്കാമെന്ന് പറഞ്ഞ് കുട്ടിയെ ഒറ്റയ്ക്ക്…
Read More » -
കോണ്ഗ്രസ് ചതിച്ചാശാനേ: സീറ്റു കൊടുക്കാമെന്ന് പറഞ്ഞ് കോണ്ഗ്രസ് പറ്റിച്ചെന്ന് തൃശൂര് കോര്പറേഷന് കൗണ്സിലര് നിമ്മി റപ്പായി; രാജിവെച്ച് എല്ഡിഎഫിലേക്ക് ; എന്സിപിയുടെ സ്ഥാനാര്ത്ഥിയാകും
തൃശൂര്: തെരഞ്ഞെടുപ്പില് സീറ്റ് നല്കാമെന്ന് പറഞ്ഞ് കോണ്ഗ്രസ് പറ്റിച്ചതായി ആരോപിച്ച് കോണ്ഗ്രസ് കൗണ്സിലര് രാജിവെച്ച് എല്ഡിഎഫിലേക്ക് പോയി. കോര്പ്പറേഷനിലെ കോണ്ഗ്രസ് കൗണ്സിലര് നിമ്മി റപ്പായിയാണ് രാജിവെച്ചത്. കോര്പ്പറേഷനിലേക്ക് മല്സരിക്കാന് കോണ്ഗ്രസ് സീറ്റ് നല്കാത്തതില് പ്രതിഷേധിച്ചാണ് രാജി. എന്സിപിയില് ചേരുമെന്നും ഒല്ലൂര് ഡിവിഷനില് എന്സിപി ടിക്കറ്റില് മല്സരിക്കുമെന്നും നിമ്മി റപ്പായി പറഞ്ഞു. കുരിയച്ചിറ ഡിവിഷന് കൗണ്സിലറായിരുന്നു നിമ്മി റപ്പായി. കുരിയച്ചിറ സീറ്റ് ഇത്തവണ കെ.മുരളീധരന്റെ അടുത്ത ആളായ സജീവന് കുരിയച്ചിറയ്ക്കാണ് നല്കിയിരിക്കുന്നത്.
Read More » -
ബീഹാറില് കോണ്ഗ്രസ് തകരുമ്പോള് പാവം പാവം രാജകുമാരന്; കോണ്ഗ്രസ് ഇനിയെന്തു ചെയ്യണം ; സോഷ്യല് മീഡിയയില് ചര്ച്ചയും പൊങ്കാലയും ; ട്രോളിത്തീരാതെ മലയാളികളും ; കോണ്ഗ്രസ് രക്ഷപ്പെടാന് ജംബോ നിര്ദ്ദേശങ്ങള്
ബീഹാറില് എന്ഡിഎ വന്വിജയം നേടിയതിനേക്കാള് വലിയ ചര്ച്ച അവിടെ കോണ്ഗ്രസിനേറ്റ നിലംതൊടാതെയുള്ള തോല്വിയാാണ്. വോട്ട് ചോരി പത്രസമ്മേളനം ആഘോഷമാക്കി തെരഞ്ഞെടുപ്പ് കമ്മീഷനെ വരെ പ്രതിക്കൂട്ടിലാക്കിയ കോണ്ഗ്രസും രാഹുല്ഗാന്ധിയും ബീഹാറിലെ വോട്ടുപെട്ടികള് ഒന്നൊന്നായി തുറക്കുമ്പോള് അന്തം വിടുകയായിരുന്നു. സന്ദേശം എന്ന സത്യന് അന്തിക്കാട് സിനിമയില് ജയറാം ചോദിക്കുന്നതു പോലെ എന്നാലും ഇങ്ങനെയുണ്ടോ ഒരു തോല്വി…എന്ന് കോണ്ഗ്രസുകാര് അമ്പരക്കുന്നു. പാവം പാവം രാജകുമാരന് എന്ന ടൈറ്റിലിട്ട് രാഹുല്ഗാന്ധിയെ സോഷ്യല്മീഡിയയില് വാരാന് മലയാളികളുമുണ്ട്. ശക്തമായ ഭാഷയില് കോണ്ഗ്രസിന്റെ തോല്വിയെ വിമര്ശിക്കുന്നവര്ക്കൊപ്പം കോണ്ഗ്രസിനെ അടിമുടി പൊളിച്ചടുക്കുന്ന ട്രോളുകളുമായി മലയാളക്കരയും സജീവമാണ്. ഇനി ബീഹാര് ബോംബ് എന്ന ടൈറ്റിലോടെ രാഹുലിനെ അവതരിപ്പിച്ചിട്ടുണ്ട് ചിലര്. ബീഹാറിലെ വോട്ടുകൊള്ളയുടെ കഥകളുമായി അടുത്ത എപ്പിസോഡെന്നും കമന്റുണ്ട്. ജരാനരകള് ബാധിച്ച ഒരു യുവാവ് പട്ടായയിലേക്ക് ഇനി എപ്പോഴാണ് ഫ്ളൈറ്റ് എന്നു ചോദിച്ച് നിരന്തരം വിളിച്ച് ശല്യം ചെയ്യുന്നതായി എയര് ഇന്ത്യ പരാതിപ്പെട്ടെന്ന് മലയാളി ട്രോളന്മാരുടെ ഡയലോഗ്. കൂടെ സിഐഡി മൂസയില് ദിലീപ് വിമാനത്തില്…
Read More » -
സ്കൂളില് നിന്ന് ടൂര് പോകണമെങ്കില് ആദ്യം മോട്ടോര് വാഹനവകുപ്പിനെ അറിയിക്കണം ; വിദ്യാഭ്യാസ സ്ഥാപനങ്ങള്ക്ക് നിര്ദ്ദേശമെത്തി ; ഒരാഴ്ച മുന്പ് ടൂര് തിയതി ആര്ടിഒയെ അറിയിക്കണം ; എംവിഡി പരിശോധിക്കാത്ത ബസിന് അപകടം സംഭവിച്ചാല് ഉത്തരവാദി പ്രിന്സിപ്പാള്
തിരുവനന്തപുരം : സംസ്ഥാനത്തെ സ്കൂളുകളില് നിന്നും ടൂര് പോകാനൊരുങ്ങുന്നവരുടെ ശ്രദ്ധയ്ക്ക്. നിങ്ങള് ടൂര് പോകുന്നുണ്ടെങ്കില് ആ വിവരം ആദ്യം മോട്ടോര് വാഹന വകുപ്പിനെ അറിയിക്കണം. ഇതുസംബന്ധിച്ച് വിദ്യാഭ്യാസ സ്ഥാപനങ്ങള്ക്ക് നിര്ദ്ദേശമെത്തി. സ്കൂളുകളിലെ പഠനയാത്രയുമായി ബന്ധപ്പെട്ട് വിദ്യാഭ്യാസ സ്ഥാപനങ്ങള് ടൂര് പുറപ്പെടുന്നതിന് മുന്പ് മാനേജ്മെന്റുകള് ആര്ടിഒയെ അറിയിക്കണമെന്നും ടൂര് തീയതി ഒരാഴ്ച മുന്പെങ്കിലും അറിയിക്കണമെന്നുമാണ് നിര്ദേശം. എംവിഡി ബസുകള് പരിശോധിച്ച് വിദ്യാര്ത്ഥികള്ക്കും ഡ്രൈവര്ക്കും സുരക്ഷ മുന്കരുതല് നിര്ദേശങ്ങള് നല്കും. എംവിഡി പരിശോധിക്കാത്ത ബസിന് എന്തെങ്കിലും അപകടം സംഭവിച്ചാല് ഉത്തരവാദിത്തം പ്രിന്സിപ്പലിനായിരിക്കുമെന്ന് എംവിഡി മുന്നറിയിപ്പ് നല്കി. പഠനയാത്രകളും ടൂറുകളും കര്ശനമായി പരിശോധിക്കാനാണ് സംസ്ഥാന മോട്ടോര് വാഹനവകുപ്പ് നിശ്ചയിച്ചിരിക്കുന്നത്. പല ടൂറിസ്റ്റ് ബസുകളിലും എമര്ജന്സി എക്സിറ്റ് ഉള്പ്പെടെയുള്ള സുരക്ഷ സംവിധാനങ്ങളില്ലെന്നും ഡ്രൈവര്മാരുടെ അശ്രദ്ധമായ പെരുമാറ്റം അപകടങ്ങള് വര്ദ്ധിപ്പിക്കുന്നതായും എംവിഡിമാര് പറയുന്നു. പഠനയാത്രകള്ക്ക് രൂപമാറ്റം വരുത്തിയതും ആഡംബര ലൈറ്റുകളും ആരോചക ശബ്ദം പുറപ്പെടുവിക്കുന്നതുമായ വാഹനം പഠനയാത്രകള്ക്ക് ഉപയോഗിയ്ക്കാന് പാടില്ലെന്ന് വിദ്യാഭ്യാസ വകുപ്പ് നിര്ദേശം നല്കിയിരുന്നു. കേരള ടൂറിസം…
Read More » -
ഇന്ത്യന് ക്രിക്കറ്റിലുമുണ്ട് ഇടതുപക്ഷം; കളിക്കിറങ്ങും മുന്പേ അപൂര്വ റെക്കോര്ഡ് സ്ഥാപിച്ച് ഇന്ത്യന് ക്രിക്കറ്റ് ടീം; പ്ലെയിംഗ് ഇലവനില് ആറ് ഇടം കയ്യന്മാര്; 93 വര്ഷത്തെ ഇന്ത്യന് ടെസ്റ്റ് ചരിത്രത്തില് ഇതാദ്യം
കൊല്ക്കത്ത: രാഷ്ട്രീയത്തില് മാത്രമല്ല ഇന്ത്യന് ക്രിക്കറ്റിലുമുണ്ട് ഇടതുപക്ഷം. നല്ല ഒന്നാന്തരം ഇടതുപക്ഷം. കളിക്കളത്തിലിറങ്ങും മുന്പേ തന്നെ അപൂര്വ റെക്കോര്ഡ് സ്ഥാപിച്ചാണ് ഇന്ത്യന് ക്രിക്കറ്റിലെ ഇടതുപക്ഷക്കാരടങ്ങുന്ന സംഘം ദക്ഷിണാഫ്രിക്കക്കെതിെ ഒന്നാം ടെസ്റ്റില് പോരിനിറങ്ങുന്നത്. ദക്ഷിണാഫ്രിക്കക്കെതിരായ ഒന്നാം ക്രിക്കറ്റ് ടെസ്റ്റില് പ്ലേയിംഗ് ഇലവനില് ആറ് ഇടം കൈയന്മാരെ ഉള്പ്പെടുത്തിയാണ് അപൂര്വ റെക്കോര്ഡിന് ഇന്ത്യ അര്ഹമായത്. ഇന്ത്യന് ക്രിക്കറ്റിന്റെ 93 വര്ഷത്തെ ടെസ്റ്റ് ചരിത്രത്തിലാദ്യമായാണ് ഒരു ടെസ്റ്റില് ആറ് ഇടം കയ്യന്മാര് പ്ലേയിംഗ് ഇലവനില് ഇടം നേടുന്നത്. ഓപ്പണര് യശസ്വി ജയ്സ്വാള്, വിക്കറ്റ് കീപ്പര് റിഷഭ് പന്ത്, രവീന്ദ്ര ജഡേജ, അക്സര് പട്ടേല്, കുല്ദീപ് യാദവ്, വാഷിംഗ്ടണ് സുന്ദര് എന്നിവരാണ് ഇന്ത്യയുടെ പ്ലേയിംഗ് ഇലവനില് ഇടം കയ്യന്മാര്. നിരവധി തവണ ഇന്ത്യ നാലു ഇടം കയ്യന്മാരുമായി കളിക്കാനിറങ്ങിയിട്ടുണ്ടെങ്കിലും ഇന്ത്യ ഇതുവരെ കളിച്ച 596 ടെസ്റ്റുകളില് ആദ്യമാണ് ആറ് ഇടം കയ്യന്മാര് ഇന്ത്യയുടെ പ്ലേയിംഗ് ഇലവനില് ഇടം പിടിക്കുന്നത്. ഈ ഇടം കയ്യന് ബാറ്റ്സ്മാന്മാരുടെ കരുത്തില്…
Read More » -
ഊബറിനെതിരെയുള്ള പ്രതിഷേധം കേരള സവാരിക്ക് വേണ്ടിയോ ; സാധാരണക്കാരുടെ വോട്ട് ഊബറിന്; ഊബര് തടയുമ്പോള് പെരുവഴിയിലാകുന്നവരേറെ; നിരക്ക് കുറച്ചാല് കേരള സവാരി ഹിറ്റാകും
തൃശൂര്: സാധാരണക്കാര്ക്ക് ആശ്വാസകരമായ യാത്രാസൗകര്യം നല്കുന്ന ഊബര് ഓണ്ലൈന് ടാക്സി സര്വീസിനെ കൊല്ലാന് സര്ക്കാര് രംഗത്തിറങ്ങുന്നത് സംസ്ഥാനസര്ക്കാരിന്റെ ഓണ്ലൈന് ഓട്ടോ ടാക്സി പ്ലാറ്റ്ഫോമായ കേരള സവാരിയുടെ നിലനില്പ്പിന് വേണ്ടിയെന്ന് ആരോപണം. ഊബറിനേക്കാള് കുറഞ്ഞ ചിലവില് കേരളത്തില് മറ്റൊരു ഓണ്ലൈന് ടാക്സി സര്വീസുമില്ലാത്ത സാഹചര്യത്തില് കേരരള സവാരിക്ക് ഡിമാന്റ് കുറവാണ്. ഇന്സ്റ്റാള് ചെയ്തവര് വരെ കേരള സവാരി അണ് ഇന്സ്റ്റാള് ചെയ്തു. കേരള സവാരി യാത്രക്കാര്ക്ക് കുറഞ്ഞ നിരക്കില് യാത്ര ചെയ്യാന് അവസരമൊരുക്കുമെന്നാണ് കരുതിയിരുന്നതെങ്കിലും കാര്യമായ മെച്ചം യാത്രക്കാര്ക്കുണ്ടായില്ല. ഊബറുമായി താരതമ്യം ചെയ്യുമ്പോള് കേരള സവാരിയിലെ സവാരിക്ക് ചിലവു കൂടുതല് തന്നെയായിരുന്നു. പല ഓട്ടോ ഡ്രൈവര്മാരും ഊബര് ആപ്പും കേരള സവാരി ആപ്പും ഇന്സ്റ്റാള് ചെയ്ത് സര്വീസ് നടത്തിയെങ്കിലും യാത്രക്കാര് കൂടുതലും ഉപയോഗിച്ചത് ഊബറായിരുന്നു. ഏറെ കൊട്ടിഘോഷിച്ചിറക്കിയ കേരള സവാരി ഓണ്ലൈന് പ്ലാറ്റ്്ഫോം കട്ടപ്പുറത്തു കയറുമോ എന്ന ആശങ്കയാണ് ഇപ്പോള് ഊബറിനെതിരെ കടുത്ത നടപടികളിലേക്ക് സംസ്ഥാന സര്ക്കാരിനെ നയിക്കുന്നതെന്നാണ് ആരോപണം. ലോണെടുത്തും…
Read More »