Kerala
-
പാര്ട്ടിയില് നിന്നും പുറത്താക്കുന്നത് വരെ ഓഫീസുകളില് കയറുമെന്ന് രാഹുല് മാങ്കൂട്ടത്തില് ; എംഎല്എ യെ ആരും ക്ഷണിച്ചിട്ടില്ല, കണ്ണാടിയില് യോഗവും ചേര്ന്നിട്ടില്ല ; അതിലേ പോയപ്പോള് ഓഫീസില് കയറിയെന്നേയുള്ളെന്ന് ഡിസിസി പ്രസിഡന്റ്
പാലക്കാട് : ലൈംഗിക ആരോപണത്തെ തുടര്ന്ന് സസ്പെന്ഷനില് ഇരിക്കെ കോണ്ഗ്രസ് പരിപാടിയില് പങ്കെടുത്തതില് രാഹുല് മാങ്കൂട്ടത്തില് എംഎല്എ യുടെ പേരില് വിവാദം ഉയരുമ്പോള് എംഎല്എ യെ ക്ഷണിച്ചിട്ടില്ലെന്ന് വ്യക്തമാക്കി ഡിസിസി പ്രസിഡന്റ്. കണ്ണാടിയില് യോഗം ചേര്ന്നിട്ടില്ലെന്നും അതിലെ കടന്നുപോയപ്പോള് രാഹുല് വെറുതേ ഓഫീസില് കയറിയതാണെന്നും ഡിസിസി പ്രസിഡന്റ് എ.തങ്കപ്പന് വ്യക്തമാക്കി. കണ്ണാടിയില് യോഗം ചേര്ന്നതായി അറിയില്ലെന്നും പറഞ്ഞു. പഞ്ചായത്തിന്റെ വികസന കാര്യങ്ങള്ക്കാണ് രാഹുല് പോയത്. രാഹുലിനെ ആരും വിളിച്ചിട്ടില്ല. രാഹുല് തിരഞ്ഞെടുപ്പ് പ്രചാരണത്തിന് ഇറങ്ങുന്ന കാര്യത്തില് കെപിസിസി മറുപടി പറയുമെന്നും എ തങ്കപ്പന് വ്യക്തമാക്കി. പാലക്കാട് കണ്ണാടിയില് നടന്ന കാഴ്ചപറമ്പ് ക്ഷീരോല്പാദക സഹകരണ സംഘത്തിലെ യോഗത്തില് രാഹുല് പങ്കെടുത്തിരുന്നു.് സസ്പെന്ഷനില് ഇരിക്കയാണ് രാഹുല് യോഗത്തില് പങ്കെടുത്തത്. കണ്ണാടി മണ്ഡലം പ്രസിഡന്റ് പ്രസാദ് കണ്ണാടി ഉള്പ്പെടെ നേതാക്കള് പങ്കെടുത്തിരുന്നു. എന്നാല് പാര്ട്ടിയില് നിന്നും പുറത്താക്കും വരെ പാര്ട്ടി ഓഫീസുകളില് കയറുമെന്ന നിലപാടാണ് രാഹുല് എടുത്തിരിക്കുന്നത്. സസ്പെന്ഷനിലാണെങ്കിലും ചുമതലകള് ഇല്ലെങ്കിലും യുഡിഎഫ് സ്ഥാനാര്ഥികള്ക്കായി പ്രവര്ത്തിക്കും.…
Read More » -
ഊബറിനെതിരെയുള്ള പ്രതിഷേധം കേരള സവാരിക്ക് വേണ്ടിയോ ; സാധാരണക്കാരുടെ വോട്ട് ഊബറിന്; ഊബര് തടയുമ്പോള് പെരുവഴിയിലാകുന്നവരേറെ; നിരക്ക് കുറച്ചാല് കേരള സവാരി ഹിറ്റാകും
തൃശൂര്: സാധാരണക്കാര്ക്ക് ആശ്വാസകരമായ യാത്രാസൗകര്യം നല്കുന്ന ഊബര് ഓണ്ലൈന് ടാക്സി സര്വീസിനെ കൊല്ലാന് സര്ക്കാര് രംഗത്തിറങ്ങുന്നത് സംസ്ഥാനസര്ക്കാരിന്റെ ഓണ്ലൈന് ഓട്ടോ ടാക്സി പ്ലാറ്റ്ഫോമായ കേരള സവാരിയുടെ നിലനില്പ്പിന് വേണ്ടിയെന്ന് ആരോപണം. ഊബറിനേക്കാള് കുറഞ്ഞ ചിലവില് കേരളത്തില് മറ്റൊരു ഓണ്ലൈന് ടാക്സി സര്വീസുമില്ലാത്ത സാഹചര്യത്തില് കേരരള സവാരിക്ക് ഡിമാന്റ് കുറവാണ്. ഇന്സ്റ്റാള് ചെയ്തവര് വരെ കേരള സവാരി അണ് ഇന്സ്റ്റാള് ചെയ്തു. കേരള സവാരി യാത്രക്കാര്ക്ക് കുറഞ്ഞ നിരക്കില് യാത്ര ചെയ്യാന് അവസരമൊരുക്കുമെന്നാണ് കരുതിയിരുന്നതെങ്കിലും കാര്യമായ മെച്ചം യാത്രക്കാര്ക്കുണ്ടായില്ല. ഊബറുമായി താരതമ്യം ചെയ്യുമ്പോള് കേരള സവാരിയിലെ സവാരിക്ക് ചിലവു കൂടുതല് തന്നെയായിരുന്നു. പല ഓട്ടോ ഡ്രൈവര്മാരും ഊബര് ആപ്പും കേരള സവാരി ആപ്പും ഇന്സ്റ്റാള് ചെയ്ത് സര്വീസ് നടത്തിയെങ്കിലും യാത്രക്കാര് കൂടുതലും ഉപയോഗിച്ചത് ഊബറായിരുന്നു. ഏറെ കൊട്ടിഘോഷിച്ചിറക്കിയ കേരള സവാരി ഓണ്ലൈന് പ്ലാറ്റ്്ഫോം കട്ടപ്പുറത്തു കയറുമോ എന്ന ആശങ്കയാണ് ഇപ്പോള് ഊബറിനെതിരെ കടുത്ത നടപടികളിലേക്ക് സംസ്ഥാന സര്ക്കാരിനെ നയിക്കുന്നതെന്നാണ് ആരോപണം. ലോണെടുത്തും…
Read More » -
പിഎം ശ്രീയിലെ എതിര്പ്പില് സിപിഎം കലിപ്പില്; തെരഞ്ഞെടുപ്പില് വോട്ടുമറിച്ചു കാലുവാരുമെന്ന് സിപിഐയ്ക്ക് ഭയം; തദ്ദേശത്തില് നിര്ണായകമാകുക സിപിഎം വോട്ടുകള്; സിപിഐ ജില്ലാ കമ്മിറ്റികളില് സജീവ ചര്ച്ച
തിരുവനന്തപുരം: പിഎംശ്രീ വിഷയത്തില് എടുത്ത നിലപാടില് നിന്നും പിന്തിരിയേണ്ടി വന്നതിന്റെ ചൊരുക്ക് സിപിഎം തെരഞ്ഞെടുപ്പില് തങ്ങളുടെ സ്ഥാനാര്ഥികളോടു തീര്ക്കുമോ എന്ന ആശങ്കയില് സിപിഐ സ്ഥാനാര്ഥികള്. സിപിഐ യുടെ ഒറ്റ കടുംപിടുത്തത്തില് പിഎംശ്രീ പദ്ധതിയില് നിന്ന് പിറകോട്ടു പോകേണ്ടി വരികയും ഒപ്പിട്ട കരാര് മരവിപ്പിക്കാന് ആവശ്യപ്പെട്ട് കേന്ദ്രത്തിന് കത്തയക്കേണ്ടി വന്നതുമെല്ലാം സിപിഎമ്മിന് കനത്ത നാണക്കേടുണ്ടാക്കിയിരുന്നു. മന്ത്രിമാരുടെ രാജി ഭീഷണിയടക്കമുയര്ത്തി സിപിഐ പിഎംശ്രീ കരാറില് സിപിഎം ഒപ്പിട്ടതിനെ പ്രതിരോധിച്ചപ്പോള് സിപിഎമ്മിന് സിപിഐ ഉന്നയിച്ച ആവശ്യത്തിനു മുന്നില് മുട്ടുമടക്കേണ്ടി വന്നു. ഇത് സിപിഎമ്മിനുള്ളില് സിപിഐക്കെതിരെ ശക്തമായ എതിര്പ്പും പ്രതിഷേധവുമുയര്ത്തിയിരുന്നു. എന്നാല് എതിര്ക്കാന് നിന്നാല് പണി കിട്ടുമെന്നതിനാല് തല്ക്കാലം പിന്മാറുകയെന്ന നിലപാട് മാത്രമേ സിപിഎമ്മിന് കൈക്കൊള്ളാന് സാധിക്കുമായിരുന്നുള്ളു. തദ്ദേശഭരണ തെരഞ്ഞെടുപ്പില് സീറ്റ് വീതംവെപ്പില് സിപിഎം ഉടക്കുമെന്ന് സംശയമുണ്ടായിരുന്നെങ്കിലും ഘടകകക്ഷികള്ക്കെല്ലാം തര്ക്കങ്ങളില്ലാതെ സീറ്റുകള് നല്കി സിപിഎം സീറ്റ് വിഭജനം ഭംഗിയായി പങ്കിട്ടിരുന്നു. എന്നാല് തെരഞ്ഞെടുപ്പ് അടുത്തെത്തിയിട്ടും പിഎംശ്രീ പദ്ധതിയുടെ പേരിലുള്ള തര്ക്കങ്ങളും പഴിചാരലും ആരോപണമുന്നയിക്കലുമെല്ലാം തുടരുന്ന…
Read More » -
മുണ്ടു കണ്ടാലറിയാം ഏതാണ് പാര്ട്ടിയെന്ന്; തെരഞ്ഞെടുപ്പായില്ലേ… പാര്ട്ടികള്ക്ക് ചിഹ്നമുണ്ട്; ഉടുത്തു നടക്കാന് ചിഹ്ന’മുണ്ടും’
പാലക്കാട്: മുണ്ടു കണ്ടാലറിയാം ഏതാണ് പാര്ട്ടിയെന്ന്. അതാണ് പാലക്കാടു നിന്നും ഈ തെരഞ്ഞെടുപ്പില് കേരളമൊട്ടാകെ ട്രെന്റായി മാറിക്കൊണ്ടിരിക്കുന്ന പാര്ട്ടി മുണ്ടുകള്. പാമ്പുകള്ക്ക് മാളമുണ്ട്, പറവകള്ക്കാകാശമുണ്ട് എന്ന് പറയും പോലെ പാര്ട്ടികള്ക്ക് ചിഹ്നമുണ്ട്, ഉടുത്തുനടക്കാന് ചിഹ്നമുണ്ടുണ്ട്. തെരഞ്ഞെടുപ്പ് തീയതി പ്രഖ്യാപിച്ചതോടെ പാര്ട്ടികളെല്ലാം പ്രചരണത്തിന്റെ കളത്തില് സജീവമാകുമ്പോള് പ്രചരണത്തിന് ഉടുത്തു നടക്കാന് ചിഹ്നമുണ്ട് വിപണിയില്. എല്ലാ രാഷ്ട്രീയ പാര്ട്ടികളുടെയും ചിഹ്നങ്ങള് ആലേഖനം ചെയ്ത മുണ്ടുകളാണ് വിപണിയില് പുതിയ തരംഗമാകുന്നത്. മുണ്ടിന്റെ കരയുടെ സ്ഥാനത്താണ് ചിഹ്നങ്ങള് പ്രിന്റ് ചെയ്തിട്ടുള്ളത്. കൈപ്പത്തി, അരിവാള് ചുറ്റിക നക്ഷത്രം, താമര, അരിവാള് നെല്തിര്, കോണി തുടങ്ങിയ ചിഹ്നങ്ങള് എല്ലാം ചിഹ്ന മുണ്ടിലുണ്ട്. പാര്ട്ടി ചിഹ്നമുള്ള ഈ കോട്ടണ് ഒറ്റമുണ്ടുകള്ക്ക് 200 രൂപയാണ് വില. പാലക്കാട് ചെര്പ്പുളശ്ശേരി മാവുണ്ടിരികടവ് മാരായമംഗലം കൈത്തറിക്കടയിലാണ് ചിഹ്ന മുണ്ടുകള് വില്പനയ്ക്ക് എത്തിയിട്ടുള്ളത്. തെരഞ്ഞെടുപ്പ് പ്രമാണിച്ച് കേരളത്തിന്റെ എല്ലാ ജില്ലകളിലേക്കും ചിഹ്ന മുണ്ടുകള്ക്ക് ഓര്ഡര് ലഭിക്കുന്നുണ്ടെന്ന് കടയുടമ ഗിരീഷ് പറഞ്ഞു. ഹോള്സെയില് നിരക്കിന് വ്യത്യാസമുണ്ട്. കോയമ്പത്തൂരില്…
Read More » -
വരാന് പോകുന്നത് ഡിസംബര് 6; രാജ്യമെങ്ങും കനത്ത ജാഗ്രത; ഭീകരര് ആസൂത്രണം ചെയ്ത സ്ഫോടനപദ്ധതികള് കണ്ടെത്താന് അന്വേഷണം ഊര്ജിതം;a കൂടുതല് വാഹനങ്ങള് വാങ്ങിയിട്ടുണ്ടോ എന്നും പരിശോധിക്കുന്നു
ന്യൂഡല്ഹി : ബാബ്റി മസ്ജിദ് ദിനമായ ഡിസംബര് ആറിന് ഇന്ത്യയുടെ പല ഭാഗങ്ങളിലും സ്ഫോടനം നടത്താന് ഭീകരര് പദ്ധതിയിട്ടിരുന്നതായ വിവരങ്ങള് ഡല്ഹി സ്ഫോടനക്കേസ് അന്വേഷണത്തില് ലഭിച്ചതിന്റെ പശ്ചാത്തലത്തില് രാജ്യമെങ്ങും സുരക്ഷ ക്രമീകരണങ്ങള് വര്ധിപ്പിച്ചു. ഇന്ത്യയൊട്ടാകെ കനത്ത ജാഗ്രത. ഡല്ഹി സ്ഫോടനവുമായി ബന്ധപ്പെട്ടും അല്ലാതെയും കസ്റ്റഡിയിലെടുത്തിട്ടുള്ള ഭീകരസംഘടനകളുമായി ബന്ധമുള്ളവര് ഡിസംബര് ആറിന് സ്ഫോടനപരമ്പരര നടത്താന് പദ്ധതികള് ആസൂത്രണം ചെയ്യപ്പെട്ട വിവരം പുറത്തുവരുന്നുണ്ട്. അതുകൊണ്ടുതന്നെ രാജ്യത്തെ എയര്പോര്ട്ടുകള്, മെട്രോ അടക്കമുള്ള റെയില്വേ സ്റ്റേഷനുകള്, പ്രധാനപ്പെട്ട ആരാധനാലയങ്ങള് എന്നിവയെല്ലാം കനത്ത സുരക്ഷാവലയത്തിലാക്കും. പതിവ് പട്രോളിംഗ് കൂടുതല് വ്യാപിപ്പിക്കും. ഇന്ത്യയുടെ വിവിധ ഭാഗങ്ങളില് നിന്ന് അന്വേഷണ ഏജന്സികളും പോലീസും പിടികൂടിയിട്ടുള്ള ഭീകരവാദികള്ക്ക് പുറമെ വേറെയു ഭീകരര് ഇന്ത്യയിലെത്തിയിട്ടുണ്ടെന്ന് സംശയിക്കുന്നുണ്ട്. സ്ഫോടകവസ്തുക്കള് ഡല്ഹിക്കു പുറമെ മറ്റിടങ്ങളിലേക്ക് കടത്തിയിട്ടുണ്ടോ എന്ന കാര്യവും പരിശോധിക്കുന്നുണ്ട്. ഉത്തരേന്ത്യയ്ക്ക് പുറമെ ദക്ഷിണേന്ത്യന് സംസ്ഥാനങ്ങളിലും സുരക്ഷ ശക്തമാക്കിയിട്ടുണ്ട്. ചെങ്കോട്ട സ്ഫോടനത്തില് കസ്റ്റഡിയിലെടുത്തവര് സ്ഫോടന പരമ്പരയ്ക്ക് പദ്ധതിയിട്ടിരുന്നതായും ഒരേസമയം 4 നഗരങ്ങളില് സ്ഫോടനത്തിനു പദ്ധതിയിട്ടിരുന്നുവെന്നും രണ്ടു…
Read More » -
ലക്ഷം ശമ്പളം വാങ്ങുന്നത് പോര! താത്കാലിക വൈദ്യുതി കണക്ഷന് സ്ഥിരപ്പെടുത്താന് ചോദിച്ചത് 5 ലക്ഷം; വിലപേശി ഒന്നരലക്ഷത്തില് എത്തിച്ചു; 90,000 രൂപ കൈമാറുമ്പോള് കൈയോടെ പൊക്കി; കെഎസ്ഇബി എന്ജിനീയര് അറസ്റ്റില്
കൊച്ചി: താത്കാലിക വൈദ്യുതി കണക്ഷൻ സ്ഥിരപ്പെടുത്തി നൽകുന്നതിന് കൈക്കൂലി വാങ്ങുന്നതിനിടെ കെ.എസ്.ഇ.ബി. അസിസ്റ്റന്റ് എൻജിനീയർ വിജിലൻസിന്റെ പിടിയിലായി. തേവരയിലെ കെ.എസ്.ഇ.ബി. അസിസ്റ്റന്റ് എൻജിനീയർ പ്രദീപാണ് 90,000 രൂപ കൈക്കൂലി വാങ്ങുന്നതിനിടെ അറസ്റ്റിലായത്. ഒന്നര ലക്ഷം രൂപയ്ക്ക് ഇടപാട് ഉറപ്പിച്ചതിന്റെ ആദ്യ ഗഡുവായ 90,000 രൂപ കൈപ്പറ്റുന്നതിനിടെയാണ് ഇയാൾ വിജിലൻസ് വലയിലായത്. കൊച്ചിയിലെ അപ്പാർട്ട്മെൻ്റിൻ്റെ താൽക്കാലിക വൈദ്യുതി കണക്ഷൻ സ്ഥിരപ്പെടുത്തി നൽകുന്നതുമായി ബന്ധപ്പെട്ടാണ് ഉദ്യോഗസ്ഥൻ കോഴ ആവശ്യപ്പെട്ടത്. കണക്ഷൻ സ്ഥിരപ്പെടുത്തുന്നതിന് ഏകദേശം 10 ലക്ഷം രൂപയോളം വിലവരുന്ന ഒരു എക്യുപ്മെൻ്റ് സ്ഥാപിക്കേണ്ടതുണ്ട്. ഇത് ഒഴിവാക്കി അനുമതി നൽകാം എന്ന് വാഗ്ദാനം നൽകിക്കൊണ്ട് അഞ്ചു ലക്ഷം രൂപയാണ് പ്രദീപ് ആദ്യം കൈക്കൂലിയായി ആവശ്യപ്പെട്ടത്. തുടർന്ന് നടന്ന വിലപേശലിനൊടുവിൽ ഇത് ഒന്നര ലക്ഷം രൂപയായി കുറച്ചു. ഇതിന്റെ ആദ്യ ഗഡുവായ 90,000 രൂപ കൈപ്പറ്റാനായി തേവര ബസ് സ്റ്റാൻഡിൽ എത്തിയപ്പോഴാണ് വിജിലൻസ് ഇയാളെ കുടുക്കിയത്. തേവര പൊലീസ് സ്റ്റേഷന് എതിർവശത്തുള്ള ബസ് സ്റ്റാൻഡിൽ വെച്ച് പരാതിക്കാരനിൽ…
Read More » -
ഓണ്ലൈന് ടാക്സികള്: ഗണേഷ് കുമാര് പറഞ്ഞ കാര്യം ഒരുവര്ഷം പഴയത്! കേന്ദ്രസര്ക്കാര് നിര്ദേശിച്ച പരിഷ്കാരങ്ങള് വരുത്താത്തത് തിരിച്ചടി; ആര്ക്കും ഓണ്ലൈന് ടാക്സി സര്വീസ് തുടങ്ങാം; കസ്റ്റമര് റേറ്റിംഗ് നിര്ബന്ധം; എല്ലാ വര്ഷവും ട്രെയിനിംഗ്
കൊച്ചി: ഓണ്ലൈന് ടാക്സികള് നിയമവിരുദ്ധമാണെന്നു ഗതാഗത മന്ത്രി പറഞ്ഞിട്ടും ഊബര്, ഒല ടാക്സികള്ക്കെതിരേ നടപടിയെടുക്കാന് മോട്ടോര് വെഹിക്കിള് വകുപ്പിനു കഴിയാത്തത് എന്തുകൊണ്ട്? മന്ത്രി ഗണേഷ് കുമാറിന്റെ പ്രസ്താവന ഓണ്ലൈന് ഓട്ടോ- ടാക്സി തൊഴിലാളികളും പരമ്പരാഗത തൊഴിലാളികളും തമ്മില് വന് തര്ക്കത്തിനും നിരത്തിലെ അടിപിടിക്കുമാണു വഴിതുറന്നത്. പരമ്പരാഗത ടാക്സി തൊഴിലാളികള് അവസരം കാത്തിരിക്കുന്നതു പോലെയാണ് അവസരം മുതലെടുത്തത്. ഭീഷണിയും കൈയേറ്റവും നിരവധി. ഇക്കാര്യത്തില് പോളിസികള് മാത്രമാണ് നിലവിലുള്ളത്, ചട്ടങ്ങളില്ല എന്നതാണ് പ്രശ്നം. കേന്ദ്ര സര്ക്കാരിനു കീഴിലുള്ള, മിനിസ്ട്രി ഓഫ് റോഡ് ട്രാന്സ്പോര്ട് ആന്ഡ് ഹൈവേയ്സ് (മോര്ത്ത്) 2020ല് ആണ് ഓണ്ലൈന് ടാക്സികളുടെ രജിസ്ട്രേഷനും സുതാര്യതയും ഉറപ്പാക്കാന് ‘മോട്ടോര് വാഹന അഗ്രിഗേറ്റര് മാര്ഗനിര്ദേശങ്ങള്’ രൂപീകരിച്ചത്. 2020 നവംബര് 27ന് വിവിധ സംസ്ഥാനങ്ങളുടെ ചീഫ് സെക്രട്ടറിമാര്ക്ക് ഇതിനായുള്ള നിര്ദേശങ്ങളും നല്കി. അതെ സമയം ചുരുക്കം സംസ്ഥാനങ്ങള് ഒഴിച്ച്, മിക്ക സംസ്ഥാനങ്ങളും ഇതിനായി വേണ്ട നിയമ നടപടികള് പിന്നീട് കൈ കൊണ്ടില്ല. കേരളം നാലുവര്ഷങ്ങള്ക്കുശേഷം അഗ്രിഗേറ്റര് നിയമം…
Read More » -
പുനസംഘടനയിലും തഴഞ്ഞു; നേതൃയോഗവും സമരവും ബഹിഷ്കരിച്ച് വി.ഡി. സതീശന്; രണ്ടു ദിവസത്തെ പരിപാടികളും റദ്ദാക്കി; മുണ്ടക്കൈ വീട് എന്തായെന്ന ചോദ്യത്തോടെ വാര്ത്താ സമ്മേളനം അവസാനിപ്പിച്ച് സണ്ണി ജോസഫ്; വയനാട് ഫണ്ടിനെപ്പറ്റി സണ്ണി പറയുമെന്ന് മുരളീധരന്
തിരുവനന്തപുരം: തെരഞ്ഞെടുപ്പ് അടുത്തതോടെ കോണ്ഗ്രസിലെ ഉള്പ്പോരും കനക്കുന്നെന്നു സൂചന. ഡോക്ടര്മാര് നിര്ദേശിച്ചതിനാല് രണ്ടുദിവസത്തെ പരിപാടികള് റദ്ദാക്കിയെന്ന് അറിയിപ്പു നല്കിയശേഷം പ്രതിപക്ഷ നേതാവ് വി.ഡി. സതീശന് കോണ്ഗ്രസ് സംഘടിപ്പിച്ച സമരവും ഭാരവാഹി യോഗവും ബഹിഷ്കരിച്ചെന്നു റിപ്പോര്ട്ട്. പുനസംഘടനാ പരാതികള് പരിഹരിക്കാന് നടത്തിയ പുതിയ നിയമനങ്ങളിലും തഴഞ്ഞതോടെയാണു കെപിസിസി ഭാരവാഹി യോഗം സതീശന് ബഹിഷ്കരിച്ചത്. കന്റോണ്മെന്റ് ഹൗസിലുണ്ടായിരുന്ന അദ്ദേഹം രക്തസമ്മര്ദം കൂടിയതിനാല് വിശ്രമിക്കുകയാണെന്ന് അറിയിക്കുകയായിരുന്നു. കെ സി വേണുഗോപാലിന്റെമാത്രം തീരുമാനം നടപ്പാക്കുന്നതിലാണ് സതീശന്റെ പ്രതിഷേധം. ഏറ്റവും ഒടുവില് സതീശന് നിര്ദേശം തള്ളി മൂന്ന് ജനറല് സെക്രട്ടറിമാരെക്കൂടി എഐസിസി അംഗീകരിച്ചു. 20 പേരുടെ പട്ടിക പ്രതിപക്ഷ നേതാവ് നല്കിയതിനാല് കെപിസിസി സെക്രട്ടറി നിയമനം തല്ക്കാലം വേണ്ടെന്നും തീരുമാനിച്ചു. ജനറല് സെക്രട്ടറിമാരുടെ ആദ്യപട്ടിക പരിഗണിക്കുന്പോള് കൂടുതല്പേരെ വേണമെന്ന നിലപാടിലായിരുന്നു സതീശന്. അതും നടക്കാതായതോടെ സംഘടനാതലത്തില് കനത്ത തിരിച്ചടിയായി. പ്രതിപക്ഷ നേതാവ് സ്ഥാനത്തിരുന്ന ഒരാളും ഇതുപോലെ അവഗണിക്കപ്പെട്ടിട്ടില്ല. മര്യാപുരം ശ്രീകുമാര്, അബ്ദുറഹ്മാന്കുട്ടി, സൂരജ് രവി എന്നിവരാണ് പുതിയ ജനറല്…
Read More » -
ഇന്ത്യയിലെത്തിയാല് കൊച്ചി കാണണം; ആംസ്റ്റര്ഡാമിലെ ബുക്കിംഗ് ഡോട്ട് കോമില് തരംഗമായി അറബിക്കടലിന്റെ റാണി; യാത്രാ സൗകര്യങ്ങളും സാംസ്കാരിക പൈതൃകവും കാണാതെ പോകരുതെന്നും നിര്ദേശം
കൊച്ചി: ഇന്ത്യയിലെത്തിയാല് കൊച്ചി കാണണമെന്ന് ബുക്കിങ് ഡോട്ട് കോം. ലോകമെങ്ങുമുള്ള സഞ്ചാരികള്ക്ക് പ്രിയപ്പെട്ട ഓണ്ലൈന് പ്ലാറ്റ്ഫോമാണ് ആംസ്റ്റര്ഡാം ആസ്ഥാനമായി പ്രവര്ത്തിക്കുന്ന ബുക്കിങ് ഡോട്ട് കോം. 2026ല് നിര്ബന്ധമായും കണ്ടിരിക്കേണ്ട ലോകത്തെ മികച്ച സ്ഥലങ്ങളുടെ പട്ടികയിലാണ് ഇന്ത്യയില്നിന്നുള്ള ഏക ഇടമായി ബുക്കിങ് ഡോട്ട് കോം കൊച്ചിയെ ഉള്പ്പെടുത്തിയിട്ടുള്ളത്. സവിശേഷമായ കാഴ്ചകള്കൊണ്ട് സഞ്ചാരികളുടെ മനം നിറയ്ക്കുന്ന തുറമുഖ നഗരത്തെ കൂടുതല് ലോകശ്രദ്ധയിലേക്ക് കൊണ്ടുവരുന്നതാണ് ബുക്കിങ് ഡോട്ട് കോമിന്റെ ലിസ്റ്റിങ്. ‘അറബിക്കടലിന്റെ റാണി’യായ കൊച്ചിയുടെ സമ്പന്ന സാംസ്കാരിക പൈതൃകവും കായല്കടല്ക്കാഴ്ചകളും ചീനവലകളും ലോകമെമ്പാടുനിന്നും എത്തിച്ചേരാന് കഴിയുന്ന മികച്ച യാത്രാസൗകര്യങ്ങളും കൊച്ചിയെ വ്യത്യസ്തമാക്കുന്നുവെന്ന് ബുക്കിങ് ഡോട്ട് കോം പറയുന്നു. വിനോദസഞ്ചാരപ്രധാനമായ ലോകരാജ്യങ്ങളുടെ പട്ടികയില് കൊച്ചിക്കും ഇടം ലഭിച്ചതിനെ അഭിനന്ദിച്ച് സംസ്ഥാന ടൂറിസംമന്ത്രി പി എ മുഹമ്മദ് റിയാസ് സമൂഹമാധ്യമത്തില് കുറിപ്പിട്ടു. കടലും കായലും ചേരുന്ന അഴിമുഖവും ചീനവലകളും ചെറുദ്വീപുകളും വൈവിധ്യങ്ങള് സമ്മേളിക്കുന്ന തെരുവുകളുമൊക്കെയാണ് കൊച്ചിയിലെ പ്രധാന ആകര്ഷണങ്ങള്. പൈതൃകമുറങ്ങുന്ന ഫോര്ട്ട് കൊച്ചിയും മട്ടാഞ്ചേരിയുമാണ് സഞ്ചാരികളെ ആകര്ഷിക്കുന്നത്. ജൂത…
Read More » -
ജയതിലകിനെ സമൂഹമാധ്യമങ്ങളില് അധിക്ഷേപിച്ചു; എന്. പ്രശാന്തിന്റെ സസ്പെന്ഷന് ആറുമാസത്തേക്ക് നീട്ടി; വകുപ്പുതല അന്വേഷണം നടക്കുന്നെന്ന റിപ്പോര്ട്ടില് കേന്ദ്ര സര്ക്കാരിന്റെ നടപടി
തിരുവനന്തപുരം: ധന അഡിഷനല് ചീഫ് സെക്രട്ടറിയായിരുന്ന ഡോ.എ.ജയതിലകിനെ സമൂഹമാധ്യമത്തില് അധിക്ഷേപിച്ചതിനു കൃഷി വകുപ്പ് സ്പെഷല് സെക്രട്ടറിയായിരുന്ന എന്.പ്രശാന്തിന്റെ സസ്പെന്ഷന് ആറു മാസത്തേക്ക് നീട്ടി. വകുപ്പുതല അന്വേഷണം നടക്കുന്നതായി സംസ്ഥാനം അറിയിച്ചതിനെ തുടര്ന്ന് കേന്ദ്രസര്ക്കാരാണ് സസ്പെന്ഷന് നീട്ടിയത്. 2024 നവംബര് പത്തിനാണ് പ്രശാന്തിനെ സസ്പെന്ഡ് ചെയ്തത്. പിന്നീട് സസ്പെന്ഷന് പലതവണ നീട്ടി. നിലവില് ചീഫ് സെക്രട്ടറിയാണ് ജയതിലക്. മതാടിസ്ഥാനത്തില് ഐഎഎസുകാരുടെ വാട്സാപ് ഗ്രൂപ്പുകള് രൂപീകരിച്ചതിനു വ്യവസായ ഡയറക്ടര് കെ.ഗോപാലകൃഷ്ണനെയും സസ്പെന്ഡ് ചെയ്തിരുന്നെങ്കിലും പിന്നീട് തിരിച്ചെടുത്തു. മുതിര്ന്ന ഐഎഎസ് ഉദ്യോഗസ്ഥനെ അപമാനിക്കുക വഴി പ്രശാന്ത് ഭരണയന്ത്രത്തിന്റെ പ്രതിഛായ തകര്ക്കാന് ശ്രമിച്ചെന്നാണ് ചീഫ് സെക്രട്ടറി പുറത്തിറക്കിയ സസ്പെന്ഷന് ഉത്തരവില് വ്യക്തമാക്കിയിരുന്നത്. ‘ഉന്നതി’ സിഇഒ ആയിരിക്കെ താന് ഫയല് മുക്കിയെന്ന ആരോപണത്തിനു പിന്നില് എ.ജയതിലകാണെന്നാരോപിച്ച് പ്രശാന്ത് സമൂഹമാധ്യമത്തില് നടത്തിയ രൂക്ഷ വിമര്ശനമാണ് സസ്പെന്ഷന് വിളിച്ചുവരുത്തിയത്. അഴിമതി പുറത്തുകൊണ്ടുവരുന്ന ‘വിസില് ബ്ലോവറു’ടെ റോളാണു താന് ഏറ്റെടുത്തിരിക്കുന്നതെന്നും സഹപ്രവര്ത്തകനെ വിമര്ശിക്കുന്നത് സര്വീസ് ചട്ടലംഘനമല്ലെന്നും പ്രശാന്ത് ഫെയ്സ്ബുക്കില് തന്നെ അവകാശപ്പെട്ടെങ്കിലും ചട്ടലംഘനം…
Read More »