Kerala
-
പറഞ്ഞതെല്ലാം പച്ചക്കള്ളം; കരുവാരക്കുണ്ടില് കടുവയുടെ വ്യാജ വീഡിയോ പ്രചരിപ്പിച്ചയാള് അറസ്റ്റില്
മലപ്പുറം: കരുവാരക്കുണ്ടില് കടുവയുടെ വ്യാജ വീഡിയോ പ്രചരിപ്പിച്ച സംഭവത്തില് പ്രതി അറസ്റ്റില്. കരുവാരക്കുണ്ട് മണിക്കനാംപറമ്പില് ജെറിനെയാണ് പൊലീസ് അറസ്റ്റ് ചെയ്തത്. വനംവകുപ്പിന്റെ പരാതിയിലാണ് കരുവാരക്കുണ്ട് പൊലീസിന്റെ നടപടി. കടുവയുടെ പഴയ വീഡിയോ എഡിറ്റ് ചെയ്താണ് യുവാവ് പ്രചരിപ്പിച്ചതെന്ന് നേരത്തെ വനംവകുപ്പ് വ്യക്തമാക്കിയിരുന്നു. ജെറിനാണ് ആര്ത്തല എസ്റ്റേറ്റിന് സമീപം താന് കണ്ട കടുവയുടേത് എന്ന പേരില് ദൃശ്യങ്ങള് പ്രചരിപ്പിച്ചത്. തുടര്ന്ന് നിലമ്പൂര് സൗത്ത് ഡിഎഫ്ഒ ധനിക് ലാലിന്റെ നേതൃതത്തില് ജെറിനെ ചോദ്യം ചെയ്തു. പഴയ ദൃശ്യങ്ങള് എഡിറ്റ് ചെയ്ത ശേഷം തെറ്റിദ്ധരിപ്പിച്ചതാണെന്ന് ജെറിന് സമ്മതിച്ചു. ജനങ്ങളില് ഭീതിയുണ്ടാക്കുക എന്ന ലക്ഷ്യം വച്ച് തെറ്റായ ദൃശ്യം പ്രചരിപ്പിച്ചതിനാണ് ജെറിനെതിരെ കേസെടുത്തത്. കഴിഞ്ഞ ശനിയാഴ്ച രാത്രി 11 മണിയോടെ ആര്ത്തല ചായത്തോട്ടത്തിന് സമീപം കാടുമൂടിക്കിടക്കുന്ന റബര്തോട്ടത്തില് വഴിയോട് ചേര്ന്നാണ് കടുവയെ കണ്ടതെന്നാണ് ജെറിന് അവകാശപ്പെട്ടിരുന്നത്. എന്നാല് ജെറിന് പ്രചരിപ്പിച്ച വീഡിയോ വ്യാജമാണെന്ന് വനംവകുപ്പിന്റെ അന്വേഷണത്തില് തെളിഞ്ഞു. കടുവയുടെ സമീപത്ത് നിന്നുള്ള ദൃശ്യം പ്രചരിച്ചതോടെ സംഭവത്തില് വനംവകുപ്പ്…
Read More » -
കേരളം ചോരപ്പുഴയിൽ മുങ്ങുന്നു: വില്ലൻ എംഡിഎംഎ, ഈ രാസലഹരി എത്രമാത്രം അപകടകാരി എന്നറിയുക
നമ്മുടെ കൊച്ചു കേരളത്തിൽ 2 മാസത്തിനിടെ നടന്ന 66 കൊലപാതകങ്ങളിൽ പകുതിയും ലഹരിമൂലമെന്ന് പൊലീസ് പറയുന്നു. ഇതിൽ പ്രധാന വില്ലൻ എംഡിഎംഎ എന്ന രാസലഹരി തന്നെ. പാർട്ടികളിലെയും നൈറ്റ് ക്ലബ്ബുകളിലെയും ലഹരിയുടെയും ഉന്മാദത്തിന്റെയും പര്യായമായ എംഡിഎംഎ ഇന്ന് കേരളത്തിലെങ്ങും സുലഭമാണ്. ഈ മയക്കുമരുന്നിൻ്റെ ഉപയോഗം മൂലമുള്ള അപകടങ്ങളെക്കുറിച്ചും അതിൻ്റെ ദൂരവ്യാപകമായ പ്രത്യാഘാതങ്ങളെക്കുറിച്ചും പലരും ബോധവാന്മാരല്ല. ജർമ്മനിയിൽ വികസിപ്പിച്ചെടുത്ത എംഡിഎംഎ, (മെഥൈലെൻഡിയോക്സിമെഥാംഫെറ്റാമിൻ) ഇന്ന് അനധികൃത ലബോറട്ടറികളിലാണ് പ്രധാനമായും നിർമ്മിക്കപ്പെടുന്നത്. ഗുളികയായും പൊടി- ക്രിസ്റ്റൽ രൂപങ്ങളിലും ഇത് ലഭ്യമാണ്. ഉപയോക്താക്കൾക്ക് ഡോസിനെക്കുറിച്ചോ അതിൻ്റെ ശക്തിയെക്കുറിച്ചോ വ്യക്തമായ ധാരണയില്ലാത്തതിനാൽ ഉപയോഗം അതീവ അപകടകരമാണ്. ഉപയോഗിച്ച് 20 മിനിറ്റിനുള്ളിൽ ഇതിൻ്റെ ഫലങ്ങൾ അനുഭവപ്പെടാൻ തുടങ്ങും. എംഡിഎംഎ ഉപയോഗം അക്രമാസക്തമായ പെരുമാറ്റത്തിനു കാരണമാകുന്നു. കൊലപാതത്തിലേയ്ക്കും സംഘട്ടനങ്ങളിലേയ്ക്കും ഇത് വഴിവെക്കും. വ്യക്തികളുടെ സാമൂഹിക ജീവിതത്തെയും വ്യക്തിബന്ധങ്ങളെയും പ്രതികൂലമായി ബാധിക്കുന്നു എന്നു മാത്രമല്ല ഒറ്റപ്പെടൽ, സാമൂഹികമായ അകൽച്ച, കുടുംബബന്ധങ്ങളിലെ തകർച്ച തുടങ്ങിയ പ്രശ്നങ്ങൾക്കും കാരണമാകുന്നു. എംഡിഎംഎ ഉപയോഗം സാമ്പത്തിക…
Read More » -
കെ സുരേന്ദ്രനെതിരെ പത്രപ്രവർത്തകയൂണിയൻ: അപവാദം അവസാനിപ്പിക്കണം, അമേരിക്കൻ ഫണ്ട് കൈപ്പറ്റുന്നവരുടെ പേരുകൾ വെളിപ്പെടുത്തണം
കണ്ണൂർ: രാഷ്ട്രീയ വിഷയങ്ങളെ രാഷ്ട്രീയമായി നേരിടുന്നതിന് പകരം മാധ്യമപ്രവർത്തകർക്ക് നേരെ കുതിര കയറാനും അപകീർത്തിപ്പെടുത്താനും ഉള്ള നീക്കം അങ്ങേയറ്റം അപലപനീയമെന്ന് കേരള യൂണിയൻ ഓഫ് വർക്കിംഗ് ജേർണലിസ്റ്റ്സ് (KUWJ). കേരളത്തിലെ മാധ്യമപ്രവർത്തകരെല്ലാം അമേരിക്കൻ ഫണ്ട് കൈപ്പറ്റുന്നവർ ആണെന്ന ബിജെപി സംസ്ഥാന അധ്യക്ഷൻ കെ. സുരേന്ദ്രൻ്റെ പ്രസ്താവന അപവാദ രാഷ്ട്രീയത്തിൻ്റെ പുതിയ ഉദാഹരണമാണ്. മാധ്യമപ്രവർത്തകരെ താറടിച്ചു കാണിക്കാനുള്ള ഈ നീക്കത്തിൽ യൂണിയൻ സംസ്ഥാന കമ്മിറ്റി കടുത്ത പ്രതിഷേധം രേഖപ്പെടുത്തുന്നു. അമേരിക്കൻ പ്രസിഡൻ്റ് ഡൊണാൾഡ് ട്രംപ് പറഞ്ഞ ഫണ്ട് ആരാണ് കൈപ്പറ്റിയതെന്ന് ട്രംപ് തന്നെ വെളിപ്പെടുത്തിയിട്ടുണ്ട്. അതിന് മാധ്യമങ്ങളെ പഴി ചാരാൻ ശ്രമിക്കേണ്ട. പഠനയാത്രകൾക്കും പരിപാടികൾക്കുമായി ഫണ്ടുകൾ കൈപ്പറ്റുന്നവർ എല്ലാ വിഭാഗങ്ങളിലുമുണ്ട്. അതിനെയെല്ലാം രാജ്യത്തെ അട്ടിമറിക്കാനുള്ള ഫണ്ടായി ചിത്രീകരിച്ചാൽ സ്വന്തം പക്ഷത്തും ക്ഷതമേൽക്കും എന്ന് സുരേന്ദ്രൻ ഓർക്കുന്നത് നന്നായിരിക്കും. ആർജവം ഉണ്ടെങ്കിൽ, കുഴപ്പം പിടിച്ച ഫണ്ട് ആരെങ്കിലും കൈപ്പറ്റുന്നതായി അറിയുമെങ്കിൽ ആ പേരുകൾ സുരേന്ദ്രൻ വെളിപ്പെടുത്തട്ടെ. അല്ലാതെ കഥകൾ കെട്ടിച്ചമച്ചു മാധ്യമപ്രവർത്തകരെ…
Read More » -
ആതുരസ്ഥാപനങ്ങൾക്ക് വീൽചെയർ: മമ്മൂട്ടിയുടെ കെയർ & ഷെയർ വയനാട്ടിലും
നടൻ മമ്മൂട്ടി നേതൃത്വം നൽകുന്ന കെയർ ആൻഡ് ഷെയർ ഇൻ്റർനാഷണൽ ഫൗണ്ടേഷൻ്റെ സംരംഭമായ തിരഞ്ഞെടുക്കപ്പെട്ട ആതുരസ്ഥാപനങ്ങൾക്കുള്ള വീൽചെയർ വിതരണ പദ്ധതിയുടെ ഉദ്ഘാടനം വയനാട് സുൽത്താൻ ബത്തേരിയിലെ തപോവനം കെയർ ഹോംമിൽ നടന്നു. മലങ്കര കത്തോലിക്ക സുൽത്താൻ ബത്തേരി രൂപത ബിഷപ്പ് അഭിവന്ദ്യ ഡോ. ജോസഫ് മാർ തോമസ് ആതുരസ്ഥാപനങ്ങൾക്കുള്ള വീൽചെയറുകളുടെ വിതരണ പദ്ധതിയുടെ ഉദ്ഘാടനം അസിസ്റ്റന്റ് ഫോറസ്റ്റ് കൺസർവേറ്റർ ഷജ്ന കരീം, ശാന്തിഗിരി ആശ്രമ മേധാവി ബ്രഹ്മശ്രീ സ്നേഹത്മ ജ്ഞാനതപസ്സി സ്വാമി എന്നിവരുടെ സാനിദ്ധ്യത്തിൽ നിർവഹിച്ചു. ”പത്മശ്രീ മമ്മൂട്ടിയുടെ നേതൃത്വത്തിൽ കഴിഞ്ഞ 15 വർഷമായി നടത്തിവരുന്ന ‘കെയർ ആൻഡ് ഷെയർ’ ഫൗണ്ടേഷന്റെ ബഹുമുഖപ്രവർത്തനങ്ങൾ അകലെ നിന്ന് മനസിലാക്കുവാൻ മാത്രമേ എനിക്ക് സാധിച്ചിട്ടുള്ളു. എന്നാൽ ആദ്യമായിട്ടാണ് കെയർ ആൻഡ് ഷെയർ ഫൗണ്ടേഷന്റെ ഒരു ചടങ്ങിൽ നേരിട്ട് പങ്കെടുക്കുവാൻ അവസരമുണ്ടായത്. മലയാളത്തിന്റെ മഹാനടനായ മമ്മൂട്ടിയുടെ നേതൃത്വത്തിൽ കേരളത്തിൽ അങ്ങോളമിങ്ങോളം നടത്തിക്കൊണ്ടിരിക്കുന്ന പ്രവർത്തനങ്ങളായ കുട്ടികൾക്കായുള്ള ഹൃദയ ശാസ്ത്രക്രിയ പദ്ധതി, വൃക്കമാറ്റിവെക്കൽ പദ്ധതി,…
Read More » -
എസ്ഡിപിഐക്ക് നിരോധനം വന്നേക്കും; നിയന്ത്രിക്കുന്നതു പോപ്പുലര് ഫ്രണ്ട് തന്നെയെന്ന് കണ്ടെത്തല്
കോഴിക്കോട്: രാജ്യത്ത് എസ്ഡിപിഐക്ക് നിരോധനം വന്നേക്കും. നിരോധിത സംഘടനയായ പോപ്പുലര് ഫ്രണ്ട് തന്നെയാണ് എസ്ഡിപിഐയെ നിയന്ത്രിക്കുന്നതെന്ന അന്വേഷണ ഏജന്സികളുടെ കണ്ടെത്തലിന്റെ അടിസ്ഥാനത്തിലാണ് കേന്ദ്ര ആഭ്യന്തര മന്ത്രാലയത്തിന്റെ നീക്കം. എസ്ഡിപിഐയ്ക്ക് ഫണ്ടു നല്കുന്നതും നയങ്ങള് രൂപീകരിക്കുന്നതും പോപ്പുലര് ഫ്രണ്ട് തന്നെയാണെന്ന് എന്ഫോഴ്സമെന്റ് ഡയറക്ടറേറ്റ് (ഇഡി) കണ്ടെത്തിയിട്ടുണ്ട്. രണ്ടു സംഘടനയുടെയും പ്രവര്ത്തകരും ഒന്നു തന്നെയാണെന്നും ഇഡി വ്യക്തമാക്കുന്നു. കള്ളപ്പണം വെളുപ്പിക്കല് കേസുമായി ബന്ധപ്പെട്ട് എസ്ഡിപിഐ ദേശീയ അധ്യക്ഷന് എംകെ ഫൈസിയെ കഴിഞ്ഞ ദിവസം ഡല്ഹി വിമാനത്താവളത്തില് വച്ച് ഇഡി അറസ്റ്റ് ചെയ്തിരുന്നു. ഇതിന് പിന്നാലെ ഇഡി നടത്തിയ വാര്ത്താ സമ്മേളനത്തിലാണ് രണ്ട് സംഘടനകളും ഒന്നാണെന്ന് വ്യക്തമാക്കിയത്. 2018 മുതല് എംകെ ഫൈസി എസ്ഡിപിഐയുടെ ദേശീയ അധ്യക്ഷനായി പ്രവര്ത്തിച്ചുവരികയാണെന്നും ഇഡി വാര്ത്താക്കുറിപ്പില് പറയുന്നു ജിഹാദ് എല്ലാ രൂപത്തിലും നടപ്പാക്കുന്നതിന്റെ ഭാഗമായാണ് പോപ്പുലര് ഫ്രണ്ട് എസ്ഡിപിഐ രൂപീകരിച്ചതെന്നും ഇഡി പറയുന്നു. എസ്ഡിപിഐയുടെ സാമ്പത്തിക അക്കൗണ്ടുകള് കൈകാര്യം ചെയ്തത് പോപ്പുലര് ഫ്രണ്ടാണെന്നും എസ്ഡിപിഐക്ക് വേണ്ടി വിദേശരാജ്യങ്ങളില് നിന്നടക്കം പോപ്പുലര്…
Read More » -
കുട്ടിപ്പടയുടെ ഹാലിളക്കം തലവേദന? മാര്ക്കോ ടിവിയില് പ്രദര്ശിപ്പിക്കില്ല
തിരുവനന്തപുരം: ഉണ്ണിമുകുന്ദന് നായകനായ ‘മാര്ക്കോ’ സിനിമ ടിവി ചാനലുകളില് പ്രദര്ശിപ്പിക്കാനുള്ള അനുമതി നിഷേധിച്ചു. ‘എ’ സര്ട്ടിഫിക്കറ്റുമായി പ്രദര്ശനാനുമതി നല്കിയതിനാലാണ് തീരുമാനമെന്ന് സെന്ട്രല് ബോര്ഡ് ഓഫ് ഫിലിം സര്ട്ടിഫിക്കേഷന്റെ (സിബിഎഫ്സി) പ്രാദേശിക ഓഫിസറായ ടി നദീം തുഫൈല് പ്രതികരിച്ചു. ചിത്രത്തിന് തീയറ്റര് പ്രദര്ശനത്തിന് സര്ട്ടിഫിക്കറ്റ് നല്കരുതെന്നായിരുന്നു കേരളത്തിലെ കമ്മിറ്റിയുടെ തീരുമാനമെന്നും അദ്ദേഹം പറഞ്ഞു. സിനിമയിലെ രംഗങ്ങള് പൂര്ണമായി മുറിച്ചുമാറ്റിയുള്ള സെന്സറിങ് ഇപ്പോള് നിലവിലില്ല. ഉള്ളടക്കത്തിന്റെ അടിസ്ഥാനത്തില് വിവിധ കാറ്റഗറിയായി തരംതിരിച്ച് സര്ട്ടിഫിക്കറ്റ് നല്കുകയാണ് നിലവിലെ രീതി. വയലന്സ് കൂടുതലുള്ള സിനിമകള് കുട്ടികള് കാണാതിരിക്കാന് ജാഗ്രത പുലര്ത്തേണ്ടത് മാതാപിതാക്കളാണ്. അവര്ക്കാണ് പൂര്ണ ഉത്തരവാദിത്തം. സിനിമയുടെ സര്ട്ടിഫിക്കറ്റിനെ സംബന്ധിച്ച് മാതാപിതാക്കള് അറിഞ്ഞിരിക്കണമെന്നും നദീം പറഞ്ഞു. ‘എ’ സര്ട്ടിഫിക്കറ്റുള്ള സിനിമ 18 വയസില് താഴെയുള്ളവരെ കാണാന് അനുവദിക്കുന്നത് നിയമവിരുദ്ധമാണ്. പരാതി ലഭിച്ചാല് തീയറ്ററില് നിന്ന് 10,000 രൂപ വരെ പിഴ ഈടാക്കാമെന്നും നദീം പറഞ്ഞു.
Read More » -
‘കള്ള് ഗ്ലൂക്കോസിനെക്കാള് പവര്ഫുള്, ഇളനീരിനെക്കാള് ഔഷധവീര്യം; ഗോവിന്ദന് മാഷ് പറഞ്ഞത് മദ്യത്തെ കുറിച്ച്’
കണ്ണൂര്: ഗ്ലൂക്കോസിനേക്കാള് പവര്ഫുള്ളായ പാനീയമായിരുന്നു തെങ്ങില്നിന്നു ശേഖരിക്കുന്ന ഇളംകള്ളെന്ന് സിപിഎം കേന്ദ്ര കമ്മിറ്റി അംഗം ഇ.പി. ജയരാജന്. തെങ്ങില്നിന്നുള്ള നീര് ഏറ്റവും ഗുണകരമായ പോഷകാഹാരം തന്നെയായിരുന്നു. ഇളനീരിനേക്കാളും ഔഷധവീര്യമുള്ളതാണ് ഇതെന്നും ജയരാജന് പറഞ്ഞു. മദ്യപാനികളെ പാര്ട്ടിയില് നിന്നും പുറത്താക്കുമെന്ന സിപിഎം സംസ്ഥാന സെക്രട്ടറി എം.വി. ഗോവിന്ദന്റെ പ്രസ്താവനയെ കുറിച്ചുള്ള ചോദ്യങ്ങളോടായിരുന്നു ജയരാജന്റെ പ്രതികരണം. ”ഗോവിന്ദന് മാഷ് പറഞ്ഞതു മദ്യത്തെ കുറിച്ചാണ്. തെങ്ങില് നിന്നുണ്ടാവുന്ന നീര്, അതു ശേഖരിക്കാന് അടുത്തകാലത്തു പദ്ധതി തയാറാക്കിയിരുന്നു. തെങ്ങില്നിന്നു ശേഖരിക്കുന്ന നീര് സമയപരിധി വച്ച് കെമിക്കല് ഉപയോഗിച്ചുകൊണ്ട് മദ്യമാക്കി മാറ്റാന് പറ്റും. എന്നാല്, തെങ്ങില്നിന്നു എടുക്കുന്ന ഇളംകള്ള്, ഇളനീരിനേക്കാള് ഔഷധവീര്യമുള്ളതാണ്. പണ്ടുകാലത്തു നാട്ടില് പ്രസവിച്ചുകഴിഞ്ഞാല്, വീടിന്റെ മുറ്റത്തുള്ള തെങ്ങ് ചെത്തി അതില്നിന്നു എടുക്കുന്ന നീര് ചെറിയ പ്രായത്തില് തന്നെ കുട്ടികള്ക്ക് കൊടുക്കും. ഇന്നത്തെ ഗ്ലൂക്കോസിനേക്കാള് കൂടുതല് പവര്ഫുള്ളായ പ്രകൃതി തരുന്ന ലിക്വിഡ് ആയിരുന്നു അത്. ആ കള്ള് അതുപോലെ എടുത്ത് കുടിച്ചാല് മദ്യമല്ല. എന്നാല്, അതു മറ്റുവസ്തുക്കള്…
Read More » -
നഗരസഭയുടെ പൊതുകിണറില് യുവാവിന്റെ മൃതദേഹം, സംഭവം കട്ടപ്പനയിൽ
ഇടുക്കി: കട്ടപ്പന നഗരസഭയുടെ പൊതു കിണറില് യുവാവിന്റെ മൃതദേഹം കണ്ടെത്തി. കുന്തളംപാറ വട്ടുകുന്നേല്പടി കുന്നുപറമ്പില് ജോമോന് (38) ആണ് മരിച്ചത്. കട്ടപ്പന ഫയര്ഫോഴ്സ് ഉദ്യോഗസ്ഥരെത്തി കിണറ്റില് നിന്നും മൃതദേഹം പുറത്തെടുത്തു. കിണറും പരിസരവും വൃത്തിയാക്കാനെത്തിയ തൊഴിലാളികളാണ് കഴിഞ്ഞ ദിവസം രാവിലെ മൃതദേഹം കണ്ടത്. ഇവര് പൊലീസിലും ഫയര്ഫോഴ്സിലും വിവരം അറിയിക്കുകയായിരുന്നു. സ്ഥലത്തെത്തിയ കട്ടപ്പന പൊലീസ് ഇന്ക്വസ്റ്റ് നടപടികള് പൂര്ത്തിയാക്കി മൃതദേഹം ഇടുക്കി മെഡിക്കല് കോളജ് ആശുപത്രിയിലെ മോര്ച്ചറിയിലേക്ക് മാറ്റി. അതേസമയം, ജോമോന് ജീവനൊടുക്കുകയായിരുന്നുവെന്നാണ് പൊലീസിന്റെ പ്രാഥമിക നിഗമനം. കഴിഞ്ഞ ഞായറാഴ്ച ജോമോന് ജീവനൊടുക്കാന് ശ്രമിച്ചിരുന്നു എന്നു ബന്ധുക്കള് പറയുന്നു. കഴിഞ്ഞ 20 വര്ഷത്തോളമായി കെട്ടിട നിര്മ്മാണ തൊഴിലാളിയായി ജോലി ചെയ്ത് വരികയായിരുന്നു ഇയാള്. മൃതദേഹം പോസ്റ്റുമോര്ട്ടത്തിനുശേഷം ബന്ധുക്കള്ക്ക് വിട്ടു നല്കും.
Read More » -
പാഴ്സല് ആയി പച്ചക്കറികളും മത്സ്യവും വേണ്ട; ഡെലിവറി ഓര്ഡര് നിര്ത്തിവെച്ച് കെഎസ്ആര്ടിസി
കൊച്ചി: ’16 മണിക്കൂറിനുള്ളില് കേരളത്തില് എവിടെയും എത്തിക്കും’ കെഎസ്ആര്ടിസിയുടെ കൊറിയര് ആന്റ് പാഴ്സല് സംരംഭത്തിന്റെ ടാഗ്ലൈന് ഇതാണ്. പാഴ്സല് സര്വീസ് ക്ലിക്ക് ആകാന് ഈ ടാഗ് ലൈന് സഹായിച്ചതോടെ, പച്ചക്കറികള്, മത്സ്യം തുടങ്ങി പെട്ടെന്ന് കേടാകുന്ന വസ്തുക്കളുമായി പാഴ്സല് കൗണ്ടറിന് മുന്നില് ഉപഭോക്താക്കള് ക്യൂ നില്ക്കുന്നതിന് ഇത് കാരണമായി. പെട്ടെന്ന് കേടാകുന്ന വസ്തുക്കള് വേഗത്തില് ഡെലിവറി ചെയ്യുമെന്ന പ്രതീക്ഷയാണ് ഉപഭോക്താക്കളെ കെഎസ്ആര്ടിസിയുടെ പാഴ്സല് സര്വീസിലേക്ക് ആകര്ഷിച്ചത്. എന്നാല് ഇത്തരം പാഴ്സല് സംബന്ധിച്ച് പരാതികള് ഉയര്ന്നതോടെ പെട്ടെന്ന് കേടാകുന്ന വസ്തുക്കളുടെ ഡെലിവറി ഓര്ഡര് സ്വീകരിക്കുന്നത് നിര്ത്തിവെച്ചിരിക്കുകയാണ് കെഎസ്ആര്ടിസി. കഴിഞ്ഞ 11 മാസത്തിനുള്ളില് പാഴ്സല് സര്വീസിലൂടെ എട്ടു കോടി രൂപയുടെ വരുമാനമാണ് കെഎസ്ആര്ടിസി നേടിയത്. അതിനിടെ എളുപ്പം കേടാകുന്ന വസ്തുക്കളുടെ ഡെലിവറിയുമായി ബന്ധപ്പെട്ട് പരാതികള് ഉയര്ന്നതോടെയാണ് ഇവയുടെ ഓര്ഡര് സ്വീകരിക്കുന്നത് കെഎസ്ആര്ടിസി നിര്ത്തിവെച്ചത്. ‘2023 മധ്യത്തിലാണ് കൊറിയര് സേവനം ആരംഭിച്ചത്. കുറച്ചുനാളുകള്ക്ക് ശേഷമാണ് കൂണ്, മത്സ്യം, പച്ചക്കറികള് തുടങ്ങി പെട്ടെന്ന് കേടാകുന്ന ഭക്ഷ്യവസ്തുക്കളുടെ ഡെലിവറി…
Read More » -
നാല് വയസുകാരന് കഴിച്ച ചോക്ലേറ്റില് ലഹരിയെന്ന ആരോപണം തള്ളി പോലീസ്
കോട്ടയം: നാല് വയസുകാരന് കഴിച്ച ചോക്ലേറ്റില് ലഹരിയെന്ന ആരോപണം തള്ളി പോലീസ്. ആശുപത്രിയില് നിന്ന് നല്കിയ മരുന്നിന്റെ ഫലമായാണ് കുട്ടിയുടെ ശരീരത്തില് ബെന്സോഡയാസിപെന് രൂപപ്പെട്ടതെന്നും അതല്ല കുട്ടി അബോധാവസ്ഥയിലാവാന് കാരണമായതെന്നുമാണ് പോലീസിന്റെ കണ്ടെത്തല്. കഴിഞ്ഞമാസം 17-ാം തീയ്യതിയാണ് സ്കൂളില് നിന്ന് വീട്ടിലെത്തിയ കുട്ടി അബോധാവസ്ഥിലാവുന്നത്. ആദ്യം മെഡിക്കല് കോളേജിലെ ഐസിഎച്ചില് കാണിച്ചു. വീണ്ടും ആരോഗ്യനില മോശമായതിനെ തുടര്ന്ന് കൊച്ചിയിലെ സ്വകാര്യ ആശുപത്രിയില് ചികിത്സയ്ക്കെത്തിച്ചിരുന്നു. പിന്നീട് നടത്തിയ വിദഗ്ധ പരിശോധനയിലാണ് ശരീരത്തില് രാസവസ്തുവിന്റെ അംശം കണ്ടെത്തിയത്. തുടര്ന്ന് അന്വേഷണം ആവശ്യപ്പെട്ട് രക്ഷിതാക്കള് ജില്ലാ പോലീസ് മേധാവിക്കും കലക്ടര്ക്കും പരാതി നല്കി. എന്നാല് സ്വകാര്യ ആശുപത്രിയില് വെച്ച് കുട്ടിയ്ക്ക് എംആര്ഐ സ്കാന് നടത്തിയിരുന്നു. അതിന് മുമ്പ് സാധാരണയായി ബെന്സോഡയാസിപെന് എന്ന മരുന്ന് നല്കാറുണ്ട്. ഇതാണ് ലഹരിപദാര്ഥമെന്ന് പറഞ്ഞ് മാതാപിതാക്കള് ആരോപണമുന്നയിച്ചതെന്ന് പോലീസ് പറയുന്നു. അതേസമയം സ്കൂളില് നിന്ന് വന്നപ്പോള് കുട്ടി അബോധാവസ്ഥയില് ആയത് എങ്ങനെയാണ് എന്നത് സംബന്ധിച്ച് പോലീസ് അന്വേഷണം നടത്തിവരികയാണ്. മറ്റ് കുട്ടികളും…
Read More »