Kerala
-
എറണാകുളം നോര്ത്ത് റെയില്വേ പ്ലാറ്റ്ഫോമിലൂടെ ആഡംബര ബൈക്ക് ഓടിച്ചു; യുവാവിനെ കണ്ടെത്താന് അന്വേഷണം
കൊച്ചി: എറണാകുളം നോര്ത്ത് റെയില്വേ സ്റ്റേഷന് പ്ലാറ്റ്ഫോമിലൂടെ ബൈക്ക് ഓടിച്ച യുവാവിനെ കണ്ടെത്താന് അന്വേഷണം. പെരുമ്പാവൂര് മുടിക്കല് സ്വദേശി എംഎസ്.അജ്മലിന്റെ പേരില് വാടകയ്ക്ക് എടുത്ത ആഡംബര ബൈക്കാണ് യുവാവ് രണ്ടാം നമ്പര് പ്ലാറ്റ്ഫോമിലൂടെ ഓടിച്ചത്. ഇയാള്ക്കായി റെയില്വേ പൊലീസ് അന്വേഷണം തുടങ്ങി. ഇന്നലെ പുലര്ച്ചെ നാലരയോടെ യുവാവ് പ്ലാറ്റ്ഫോമിന്റെ രണ്ടാം നമ്പര് പ്രവേശന കവാടത്തിലൂടെ ബൈക്കുമായി പ്ലാറ്റ്ഫോമിലേക്കു പ്രവേശിക്കുകയായിരുന്നു. പ്ലാറ്റ്ഫോമില് നിറഞ്ഞിരിക്കുന്ന ആളുകള്ക്കിടയിലൂടെ ബൈക്ക് ഓടിക്കുന്ന യുവാവിന്റെ സിസിടിവി ദൃശ്യങ്ങള് പുറത്തുവന്നിട്ടുണ്ട്. യുവാവ് ബൈക്കുമായി പ്രവേശിക്കുന്നതു കണ്ടതോടെ ആര്പിഎഫ് പിന്നാലെ പാഞ്ഞെങ്കിലും പ്ലാറ്റ്ഫോമിന്റെ തെക്കേ അറ്റത്തേക്ക് ഓടിച്ചുപോയി. തുടര്ന്ന് ബൈക്ക് നിര്ത്തി താക്കോലുമായി ഓടി രക്ഷപെടുകയായിരുന്നു. തൈക്കുടത്ത് ബൈക്ക് വാടകയ്ക്കു നല്കുന്ന സ്ഥാപനത്തില്നിന്ന് ഓഗസ്റ്റ് 30നാണ് യുവാവ് ആഡംബര ബൈക്ക് വാടകയ്ക്ക് എടുത്തത്. നാലു ലക്ഷത്തോളം രൂപ വിലയുള്ള ബൈക്ക് തിരിച്ചറിയല് കാര്ഡ് നല്കി ഒരു മാസത്തേക്കാണ് എടുത്തത്. ഈ തിരിച്ചറിയല് കാര്ഡിലെ വിവരങ്ങളുടെ അടിസ്ഥാനത്തിലാണ് റെയില്വെ പൊലീസിന്റെ അന്വേഷണം. റെയില്വേ…
Read More » -
‘മലബാര് കലാപത്തില് ഹിന്ദുക്കള് ആക്രമിക്കപ്പെട്ടു, അത് സ്വാതന്ത്ര്യസമരമാക്കാന് ചിലര് ശ്രമിക്കുന്നു; ശാശ്വതമായ സമാധാനമുണ്ടാകാന് ഗുരുദര്ശനം മാത്രമാണ് ഒറ്റമൂലി’
തിരുവനന്തപുരം: മലബാര് കലാപത്തില് ഹിന്ദുക്കള് ആക്രമിക്കപ്പെടുകയാണുണ്ടായതെന്നും അത് സ്വാതന്ത്ര്യസമരമാക്കാനാണ് ചിലര് ശ്രമിക്കുന്നതെന്നും എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന്. ലോകത്ത് ശാശ്വതമായ സമാധാനമുണ്ടാകാന് ഗുരുദര്ശനം മാത്രമാണ് ഒറ്റമൂലിയെന്നും വെള്ളാപ്പള്ളി പറഞ്ഞു. എസ്എന്ഡിപി യോഗം പെരിങ്ങമല ശാഖ നിര്മിച്ച ശ്രീനാരായണീയം കണ്വന്ഷന് സെന്ററിന്റെ ഉദ്ഘാടന സമ്മേളനത്തില് പ്രസംഗിക്കുകയായിരുന്നു അദ്ദേഹം. ഉദ്ഘാടനപ്രസംഗത്തിനു ശേഷം മുഖ്യമന്ത്രി പിണറായി വിജയന് വേദി വിട്ടതിനു ശേഷമായിരുന്നു വെള്ളാപ്പള്ളിയുടെ പരാമര്ശം. വര്ഗീയവിഷം ചീറ്റാന് ഗുരുദര്ശനങ്ങളെ തന്നെ ദുരുപയോഗിക്കുകയാണെന്നു മുഖ്യമന്ത്രി പറഞ്ഞിരുന്നു. വെള്ളാപ്പള്ളിയുടെ വാക്കുകള്: ”തന്നെപ്പോലെ അയല്ക്കാരനെയും സ്നേഹിക്കണമെന്ന് പറഞ്ഞവരുടെ അനുയായികള് ഇപ്പോള് അങ്ങനെ ചെയ്യുന്നുണ്ടോ. പ്രവാചകന് പറഞ്ഞത് അദ്ദേഹത്തിന്റെ അനുയായികള് അനുസരിക്കാറുണ്ടോ. കിട്ടിയത് അവര് മാത്രമെടുക്കുന്നതാണ് രീതി. ദര്ശനങ്ങളെല്ലാം നല്ലതാണെങ്കിലും അത് പ്രായോഗികതലത്തില് വരുമ്പോള് ഒരു പ്രൈവറ്റ് ലിമിറ്റഡ് കമ്പനിയായി മാറുന്നു. എല്ലാ ദര്ശനങ്ങളും ഒന്നാണെന്നാണ് ശ്രീനാരായണഗുരു പറഞ്ഞു. ആലുവയില് സര്വമതസൗഹാര്ദ സമ്മേളനം ഗുരു നടത്തി. എല്ലാ മതസാരവും ഒന്നാണെന്ന സന്ദേശം നല്കാനായിരുന്നു അത്. എല്ലാവരും സംസാരിച്ച ശേഷം…
Read More » -
‘നല്ല ഇടി’ കൊടുത്തു, സ്റ്റേഷനു പുറത്തും മര്ദനം; കുന്നംകുളത്ത് മൂന്നാംമുറ ശരിവച്ച അന്വേഷണ റിപ്പോര്ട്ട് പൂഴ്ത്തി; ദൃശ്യങ്ങള് ലഭിച്ചിട്ടും ചുമത്തിയത് ദുര്ബല വകുപ്പ്
തൃശൂര്: കുന്നംകുളം പൊലീസ് സ്റ്റേഷനില് യൂത്ത് കോണ്ഗ്രസ് നേതാവിന് ക്രൂര മര്ദനമേറ്റ സംഭവത്തില് നിര്ണായക അന്വേഷണ റിപ്പോര്ട്ട് പുറത്ത്. ക്രൈം റെക്കോര്ഡ് ബ്യൂറോ അസിസ്റ്റന്റ് കമ്മീഷണര് സേതു കെ സി നടത്തിയ അന്വേഷണത്തിന്റെ റിപ്പോര്ട്ട് ആണ് പുറത്തുവന്നത്. പൊലീസുകാര് സുജിത്ത് വി എസിനെ സ്റ്റേഷനില് എത്തിച്ചു മര്ദിച്ചുവെന്ന് റിപ്പോര്ട്ടില് പറയുന്നു.സ്റ്റേഷനില് എത്തുന്നതിനുമുമ്പ് വഴിയില് നിര്ത്തി മര്ദിച്ചു എന്ന ആരോപണവും റിപ്പോര്ട്ട് ശരിവെക്കുന്നുണ്ട്. എന്നാല്, പൊലീസുകാരെ സസ്പെന്ഡ് ചെയ്യാതെ നടത്തിയ അന്വേഷണത്തില് രക്ഷപ്പെടാന് വീഴ്ചകളേറെ. ദൃശ്യങ്ങള് ലഭിച്ചിട്ടും ദുര്ബല വകുപ്പുകള് മാത്രമാണ് ഉദ്യോഗസ്ഥര്ക്കു നേരെ ചുമത്തിയത്. കൈ കൊണ്ട് അടിച്ചു എന്ന വകുപ്പു മാത്രമാണ് ചുമത്തിയത്. അന്വേഷണ റിപ്പോര്ട്ടില് മൂന്നാംമുറ ശരിവച്ചിരുന്നു. കൊടുത്തത് ‘നല്ല ഇടി’ എന്നായിരുന്നു എസിപിയുടെ റിപ്പോര്ട്ട്. 2023ല് ആയിരുന്നു ഈ റിപ്പോര്ട്ട് സമര്പ്പിച്ചത്. കീഴുദ്യോഗസ്ഥര്ക്ക് ഉന്നതരുടെ പരിരക്ഷ ആവോളം ലഭിച്ചു എന്നാണ് ഇതില് നിന്നും മനസിലാകുന്നത്. ‘ഒത്തുതീര്പ്പ് വാഗ്ദാനം 20 ലക്ഷം; ലാത്തികൊണ്ട് തല്ലിച്ചതച്ചതിനുശേഷം നിവര്ന്നുനിന്ന് ചാടാന് പറഞ്ഞു,…
Read More » -
മറിയക്കുട്ടിക്കൊപ്പം സമരരംഗത്ത്; പെന്ഷന് കുടിശിക വാങ്ങാന് നില്ക്കാതെ അന്നമ്മ യാത്രയായി
തൊടുപുഴ: ക്ഷേമപെന്ഷന് കുടിശികയ്ക്കുവേണ്ടി സമരംചെയ്ത് വാര്ത്തകളില് ഇടംനേടിയ മറിയക്കുട്ടിക്കൊപ്പം സമരം ചെയ്ത അന്നം ഔസേപ്പ് (അന്നമ്മ-87) അന്തരിച്ചു. ബുധനാഴ്ച വൈകീട്ട് നാലോടെ അടിമാലിയിലെ സ്വകാര്യ ആശുപത്രിയിലായിരുന്നു അന്ത്യം. വിധവ പെന്ഷന് കുടിശ്ശിക തന്നുതീര്ക്കുക, പാവങ്ങളോട് നീതി കാണിക്കുക തുടങ്ങിയ ആവശ്യങ്ങളുന്നയിച്ച് 2023 നവംബര് എട്ടിനാണ് അന്നമ്മയും സുഹൃത്ത് മറിയക്കുട്ടിയും അടിമാലി ഇരുന്നൂറേക്കര് പൊന്നിരുത്തുംപാറയില് അടിമാലി ടൗണില് പ്ലക്കാടുമായി ഭിക്ഷാടന പ്രതിഷേധം നടത്തിയത്. കറണ്ട് ബില്ല് അടയ്ക്കാന് നിവൃത്തിയില്ലെന്ന് രേഖപ്പെടുത്തിയ പ്ലക്കാര്ഡുമായാണ് ഇവര് അടിമാലി ടൗണില് പ്രതിഷേധിച്ചത്. ഇത് കേരളത്തില് വലിയ സമരാഹ്വാനങ്ങള്ക്ക് വഴിവെച്ചിരുന്നു. സമരത്തെത്തുടര്ന്ന് ഇവര്ക്ക് ഒരു മാസത്തെ പെന്ഷന് അടിയന്തരമായി നല്കി. നാനാമേഖലകളില്നിന്ന് പൊതുപ്രവര്ത്തകരും രാഷ്ട്രീയക്കാരും സാമൂഹ്യ സാംസ്കാരിക മേഖലയിലെ പ്രമുഖരും ഈ വയോധികരെ കാണാനെത്തുകയും പിന്തുണ അറിയിക്കുകയും ചെയ്തു. സര്ക്കാരിന്റെ പെന്ഷന് ലഭിക്കുന്നതുവരെ ഇരുവര്ക്കും പ്രതിമാസം 1600 രൂപ വീതം പെന്ഷന് നല്കുമെന്ന് രമേശ് ചെന്നിത്തലയും സുരേഷ് ഗോപിയും അന്ന് പ്രഖ്യാപിച്ചിരുന്നു. ഇവര്ക്ക് ഇപ്പോഴും പെന്ഷന് കുടിശ്ശിക ലഭിക്കാനുണ്ടെന്ന്…
Read More » -
കണ്ണീരില് മുങ്ങി ഉത്രാടപ്പാച്ചില്: കൊല്ലത്ത് വാഹനാപകടം; ബസും ജീപ്പും കൂട്ടിയിടിച്ച് അച്ഛനും രണ്ടുമക്കളും മരിച്ചു, അമ്മയ്ക്കും മകള്ക്കും പരുക്ക്
കൊല്ലം: ഓച്ചിറ വലിയകുളങ്ങരയില് വാഹനാപകടത്തില് 3 മരണം. രണ്ടുപേര്ക്ക് ഗുരുതര പരുക്ക്. തേവലക്കര പടിഞ്ഞാറ്റിന്കര പൈപ്പ്മുക്ക് സ്വദേശി പ്രിന്സ് തോമസ് (44), മക്കളായ അല്ക്ക (5), അതുല് (14) എന്നിവരാണ് മരിച്ചത്. ഭാര്യ വിന്ദ്യ, മകള് ഐശ്വര്യ എന്നിവര്ക്ക് പരുക്കേറ്റു. വിന്ദ്യയുടെ സാഹോദരന്റെ മകനെ യുകെയിലേക്ക് യാത്രയാക്കാനായി നെടുമ്പാശേരി വിമാനത്താവളത്തില് പോയി തിരിച്ചുവരുമ്പോഴായിരുന്നു അപകടം. കെഎസ്ആര്ടിസി ഫാസ്റ്റ് പാസഞ്ചറും എസ്യുവിയും നേര്ക്കുനേര് കൂട്ടിയിടിക്കുകയായിരുന്നു. എസ്യുവിയുടെ മുന്ഭാഗം പൂര്ണമായി തകര്ന്നു. ഏറെ പണിപ്പെട്ടാണ് പരുക്കേറ്റവരെ എസ്യുവിയില്നിന്ന് പുറത്തെടുത്തത്. ചേര്ത്തലയിലേക്ക് പോകുകയായിരുന്നു ബസ്. കെഎസ്ആര്ടിസി ബസിന്റെ മുന്ഭാഗവും തകര്ന്നു. രാവിലെ 6.30നാണ് അപകടമുണ്ടായത്. വലിയ ശബ്ദം കേട്ട് ഓടിക്കൂടിയ നാട്ടുകാരാണ് ആദ്യം രക്ഷാപ്രവര്ത്തനം നടത്തിയത്. എസ്യുവിയില് പ്രിന്സും ഭാര്യയും മൂന്നു മക്കളുമാണ് ഉണ്ടായിരുന്നത്. പ്രിന്സിനോടൊപ്പം മുന് സീറ്റിലിരുന്ന ഭാര്യ വിന്ദ്യയ്ക്ക് നിസാര പരുക്കെയുള്ളു. പ്രിന്സ് കല്ലേലിഭാഗം കൈരളി ഫൈന്നാന്സ് ഉടമയാണ്. വിന്ദ്യയുടെ സാഹോദരന്റെ മകനെ യുകെയിലേക്ക് യാത്രയാക്കാന് പ്രിന്സും കുടുംബവും നെടുമ്പാശേരി വിമാനത്താവളത്തില് പോയിട്ട്…
Read More » -
ശ്രീനാരായണഗുരുവിന്റെ ആശയങ്ങള് പകര്ത്തിയ ആള് ; വെള്ളാപ്പള്ളി നടേശന്റേത് മാതൃകാപരമായ പ്രവര്ത്തി ; സംഘടനയെ സാമ്പത്തീകമായി മെച്ചത്തിലേക്ക് നയിച്ച നേതാവ് ; എസ്എന്ഡിപി നേതാവിനെ പുകഴ്ത്തി പിണറായി
തിരുവനന്തപുരം: ആഗോള അയ്യപ്പസംഗമത്തിന് വലിയ പിന്തുണ പ്രഖ്യാപിച്ചതിന് പിന്നാലെ എസ്എന്ഡിപിയോഗം ജനറല് സെക്രട്ടറി വെള്ളാപ്പള്ളി നടേശനെ പുകഴ്ത്തി മുഖ്യമന്ത്രി. ശ്രീനാരായണ ഗുരുവിന്റെ ആശയങ്ങള് പകര്ത്തിയ ആളാണ് വെളളാപ്പളളി നടേശനെന്നും എസ്എന്ഡിപിയെ സാമ്പത്തീക ഉന്നതിയിലേക്ക് നയിച്ച നേതാവാണെന്നും പിണറായി വിജയന്. വെള്ളാപ്പള്ളിയുടേത് മാതൃകാപരമായ പ്രവര്ത്തനമാണെന്നും പറഞ്ഞു. ശ്രീനാരായണ ഗുരുവിന്റെ ദര്ശനങ്ങള് പ്രായോഗികമായി നടപ്പാക്കുന്നതിന് എസ്എന്ഡിപി യോഗം വഹിച്ച പങ്ക് നിര്ണായകമാണെന്നും മുഖ്യമന്ത്രി കൂട്ടിച്ചേര്ത്തു. അന്ധവിശ്വാസങ്ങളുടെയും അനാചാരങ്ങളുടെയും കാലത്ത് അറിവാണ് യഥാര്ത്ഥ ശക്തിയെന്നും അതിനുള്ള ഏക മാര്ഗം വിദ്യാഭ്യാസമാണെന്ന് പഠിപ്പിച്ചതും ഗുരുവാണ്. കേരളത്തിന്റെ നവോത്ഥാന ചരിത്രത്തില് നിര്ണായക സ്ഥാനം എസ്എന്ഡിപിക്ക് ഉണ്ടെന്നും അത് സമൂഹത്തിലുണ്ടാക്കിയ മാറ്റം ചെറുതായിരുന്നില്ലെന്നും പറഞ്ഞു. തദ്ദേശ തെരഞ്ഞെടപ്പും നിയമസഭാ തെരഞ്ഞെടുപ്പും തൊട്ടടുത്ത് നില്ക്കുമ്പോള് പിണറായിയുടെ പ്രസ്തവനയ്ക്ക് ഗൗരവം ഏറെയാണ്. നേരത്തേ തിരുവിതാംകൂര് ദേവസ്വം ബോര്ഡ് നടത്താനിരിക്കുന്ന അയ്യപ്പസംഗമത്തിന് പിന്തുണയുമായി എന്എസ്എസും എസ്എന്ഡിപിയും രംഗത്ത് വന്നിരുന്നു. ബിജെപിയും സംഘപരിവാര് സംഘടനകളും ശക്തമായി എതിര്പ്പ് പ്രകടിപ്പിക്കുന്ന സാഹചര്യത്തിലാണ് കേരളത്തിലെ പ്രബല സമുദായങ്ങള് പിന്തുണച്ച്…
Read More » -
സാമൂഹ്യമാധ്യമങ്ങളില് നന്മമരങ്ങള് സ്റ്റേഷനില് നീചര് ; കുന്നംകുളത്ത് സുജിത്തിനെ മര്ദ്ദിച്ച കേരളാപോലീസ് കാണിച്ചത് തന്തയില്ലായ്മയെന്ന് യൂത്ത് കോണ്ഗ്രസ് നേതാവ് അബിന്വര്ക്കി ; നാലു പോലീസുകാരെയും പുറത്താക്കണം
തൃശൂര്: കേരളാ പൊലീസ് തന്തയില്ലായ്മയാണ് കാണിക്കുന്നതെന്നും യൂത്ത് കോണ്ഗ്രസ് നേതാവ് വി.എസ്. സുജിത്തിനെ മര്ദിച്ച നാലു പൊലീസുകാരെയും സേനയില് നിന്ന് പുറത്താക്കണമെന്നും യൂത്ത് കോണ്ഗ്രസ് സംസ്ഥാന വൈസ് പ്രസിഡന്റ് അബിന് വര്ക്കി. റീല്സ് എടുത്ത് സമൂഹമാധ്യമങ്ങളില് നന്മമരങ്ങളായി പെരുമാറുന്ന പൊലീസ് ഉദ്യോഗസ്ഥര് സ്റ്റേഷനുളളില് നീചന്മാരായി പെരുമാറുകയാണെന്നും തോന്ന്യാസത്തിന്റെ അങ്ങേയറ്റമാണ് കാണിച്ചതെന്നും പറഞ്ഞു. കുന്നംകുളത്തെ പൊലീസ് സിസിടിവി ദൃശ്യങ്ങള് ഭയാനകമാണെന്നും കേരളം ഇതുവരെ കാണാത്ത ദൃശ്യങ്ങളാണെന്നും അബിന് വര്ക്കി പറഞ്ഞു. സുജിത്തിന് ഭാഗികമായ നീതി മാത്രമാണ് കിട്ടിയിട്ടുളളതെന്നും മണ്ഡലം തലം മുതല് പ്രതിഷേധം സംഘടിപ്പിക്കുമെന്നും അബിന് വര്ക്കി കൂട്ടിച്ചേര്ത്തു. കുന്നംകുളം പൊലീസ് സ്റ്റേഷനിലായിരുന്നു യൂത്ത് കോണ്ഗ്രസ് നേതാവ് വി എസ് സുജിത് ക്രൂരമര്ദനത്തിന് ഇരയായത്. സംഭവത്തിന്റെ സിസിടിവി ദൃശ്യങ്ങള് ഇന്ന് മാധ്യമങ്ങള് പുറത്തുവിട്ടിരുന്നു. ഈ സംഭവത്തിലായിരുന്നു അബിന്വര്ക്കിയുടെ പ്രതികരണം വന്നത്. നേരത്തേ കോണ്ഗ്രസ് നേതാക്കളും നടപടി ആവശ്യപ്പെട്ടിരുന്നു. . ചൊവ്വന്നൂര് മണ്ഡലം പ്രസിഡന്റ് വി എസ് സുജിത്തിനെയാണ് കുന്നംകുളം പൊലീസ് സ്റ്റേഷനില്വെച്ച് പൊലീസുകാര്…
Read More » -
വയനാട്ടില് മെഡിക്കല് കോളേജ് വരുന്നു, രാഹുല്ഗാന്ധിയുടെ നിരന്തര പരിശ്രമത്തിന്റെ ഫലമെന്ന് കുറിപ്പിട്ട് പ്രിയങ്കാഗാന്ധി ; ലക്ഷക്കണക്കിന് ജനങ്ങളുടെ അഭ്യര്ത്ഥന കേട്ടതില് സന്തോഷമെന്നും കുറിപ്പില്
കല്പ്പറ്റ: വയനാട്ടില് ഒരു മെഡിക്കല് കോളേജ് വരുന്നതിലൂടെ രാഹുല്ഗാന്ധിയുടെ പ്രയത്നങ്ങള് ഫലം കണ്ടതായി വയനാട് എം.പി. പ്രിയങ്കാഗാന്ധി. വയനാട്ടിലെ ലക്ഷക്കണക്കിന് ജനങ്ങളുടെ അഭ്യര്ത്ഥനയും രാഹുലിന്റെ നിരന്തര പ്രയത്നവും ഫലം കണ്ടതായി പ്രിയങ്ക ഫേസ്ബുക്ക് കുറിപ്പിലൂടെ വ്യക്തമാക്കി. വയനാട് മെഡിക്കല് കോളേജിന് നാഷണല് മെഡിക്കല് കമ്മീഷന്റെ അനുമതി ലഭിച്ചതിനു പിന്നാലെയായിരുന്നു പോസ്റ്റ്. ” വയനാട്ടിലെ പൗരന്മാരുടെ ആരോഗ്യസംരക്ഷണം ഉറപ്പാക്കുന്നതിനു വേണ്ടി ഞങ്ങളെ കേട്ടതിനും നടപടി സ്വീകരിച്ചതിനും എല്ലാവര്ക്കും നന്ദി അറിയിക്കുന്നു. നിര്മ്മാണം വേഗത്തിലാക്കാനും എത്രയും വേഗം പ്രവര്ത്തനക്ഷമമാക്കാനും വേണ്ട എല്ലാ നടപടികളും സംസ്ഥാന സര്ക്കാരും സ്വീകരിക്കുമെന്ന് പ്രതീക്ഷിക്കുന്നു. ഏറ്റവും ആവശ്യമുളളവരുടെ വികസനവും പുരോഗതിയുമെന്ന പൊതുലക്ഷ്യത്തിനായി നമുക്കെല്ലാവര്ക്കും ഒരുമിച്ച് പ്രവര്ത്തിക്കാം. ഈ ഒരു നിമിഷത്തിനായി വളരെക്കാലമായി കാത്തിരിക്കുകയായിരുന്ന എന്റെ എല്ലാ സഹോദരങ്ങള്ക്കും അഭിനന്ദനങ്ങള്”: പ്രിയങ്കാ ഗാന്ധി ഫേസ്ബുക്കില് കുറിച്ചു. വയനാട്ടില് ഒരു മെഡിക്കല് കോളേജ് എന്ന സ്വപ്നം ഒടുവില് യാഥാര്ത്ഥ്യമാകാന് പോകുന്നു എന്നറിഞ്ഞതില് അതിയായ സന്തോഷമുണ്ടെന്നും കൂട്ടിച്ചേര്ത്തു. വയനാട്, കാസര്കോട് ജില്ലകളിലെ സര്ക്കാര് മെഡിക്കല്…
Read More » -
3 സിറ്റിങ് എംഎല്എമാര് സഹകരിക്കാന് തയാറായി, ബിജെപി നേതൃത്വം അനുമതി നല്കിയില്ല: മേജര് രവി
കൊച്ചി: കേരളത്തിലെ മൂന്ന് സിറ്റിങ് എംഎല്എമാര് ബിജെപിക്കൊപ്പം സഹകരിക്കാന് തയാറായി തന്നെ സമീപിച്ചിരുന്നുവെന്നു സംവിധായകന് മേജര് രവി. എന്നാല് ബിജെപി നേതൃത്വത്തില്നിന്ന് അനുമതി ലഭിക്കാത്തതിനാലാണ് ഇക്കാര്യം നടക്കാതെ പോയെന്നും അദ്ദേഹം പറഞ്ഞു. ”അവര് ഇപ്പോഴും തയാറാണ്. ഒരുപാധിയും ഇല്ലാതെ വരാന് തയാറാണെന്നാണ് അവര് പറഞ്ഞത്. അവരുടെ പാര്ട്ടിയില് അവര് തൃപ്തരല്ല” അദ്ദേഹം പറഞ്ഞു. ബിജെപി വൈസ് പ്രസിഡന്റ് പദവിയില് ഉണ്ടായിരുന്നുവെന്നും പാര്ട്ടി പദവികള് വേണ്ടെന്നു താന് തന്നെയാണു നേതൃത്വത്തോടു പറഞ്ഞതെന്നും അദ്ദേഹം വ്യക്തമാക്കി. ശശി തരൂരിനെ ഒപ്പം നിര്ത്താന് ബിജെപി തയാറാവണമെന്നും മേജര് രവി പറഞ്ഞു. ”ശശി തരൂര് ബുദ്ധിജീവിയാണ്, ആഗോള ധാരണയുണ്ട്. ഐക്യരാഷ്ട്രസഭയുടെ ഉന്നത പദവിയില് ഇരുന്ന ആളാണ്. ഒരു രാജ്യത്തെ എങ്ങനെ മുന്നോട്ടു കൊണ്ടുപോകാന് കഴിയുമെന്ന ധാരണയുള്ളയാളാണ്. ജനങ്ങള്ക്കിടിയില് പ്രശസ്തനാണ്. എന്നാല് ഒരേ മുഖങ്ങള് തന്നെയാണ് ബിജെപി തിരഞ്ഞെടുപ്പില് മത്സരിപ്പിക്കുന്നത്. നിയമസഭ, ലോക്സഭ തിരഞ്ഞെടുപ്പുകള് കേരളത്തില് വ്യത്യസ്ത സ്വഭാവമാണ്. അതു മാറ്റിയെടുക്കണമെങ്കില് ജനങ്ങള്ക്കിടയില് പ്രശസ്തരായ ആളുകള് വേണം. അതുകൊണ്ടാണ്…
Read More » -
അധ്യാപികയുടെ അപകട മരണത്തില് ദുരൂഹതയില്ല; നിയന്ത്രണം തെറ്റിയതെന്ന് സൂചനകള്; കുഞ്ഞു മക്കളെയും ഭര്ത്താവിനെയും തനിച്ചാക്കി മടക്കം; ആന്സി മിസ് ഇനി കണ്ണീരോര്മ…
പാലക്കാട്: ഓണാഘോഷത്തിനായി കോളേജിലേക്ക് പോകുന്നതിനിടെ സ്കൂട്ടര് അപകടത്തില് കോളേജ് അദ്ധ്യാപിക മരിച്ചത് അജ്ഞാത വാഹനമിടിച്ചല്ലെന്ന നിഗമനത്തില് പൊലീസ്. സാഹചര്യ തെളിവുകളുടെ അടിസ്ഥാനത്തിലാണ് പോലീസ് ഈ നിഗമനത്തിലേക്ക് എത്തുന്നത്. കോയമ്പത്തൂര് എ.ജെ.കെ കോളേജിലെ അധ്യാപിക ഡോ.എന്.എ.ആന്സി (36) ആണ് മരിച്ചത്. സിസിടിവി പരിശോധനയില് സ്കൂട്ടറിനുപിന്നില് മറ്റ് വാഹനങ്ങളൊന്നും കണ്ടെത്താനായിട്ടില്ല. നിയന്ത്രണം തെറ്റിയ സ്കൂട്ടര് ഡിവൈഡറിലും സുരക്ഷാ കവചമായി സ്ഥാപിച്ചിട്ടുള്ള ഇരുമ്പുകമ്പിയിലും ഇടിച്ചുകയറി സര്വീസ് റോഡിലേക്ക് തെറിച്ചുവീണായിരുന്നു അപകടം എന്ന് പ്രാഥമിക പരിശോധയില് കണ്ടെത്തിയെന്നാണ് പൊലീസ് പറയുന്നത്. ഇക്കാര്യത്തില് കൂടുതല് വ്യക്തതവരുത്താന് ബന്ധുക്കളുടെ നിര്ദ്ദേശപ്രകാരം മറ്റിടങ്ങളിലെ സിസിടിവി ദൃശ്യങ്ങളും പരിശോധിക്കുന്നുണ്ട്. ഇത് പൂര്ത്തിയാകുമ്പോഴേക്കും അപകട കാരണത്തെക്കുറിച്ച് വ്യക്തത വരുമെന്നാണ് വാളയാര് ഇന്സ്പെകടര് എന്എസ് രാജീവ് അറിയിച്ചു. കഞ്ചിക്കോട് പുതുശ്ശേരി പഞ്ചായത്ത് ഓഫീസിന് സമീപം തിങ്കളാഴ്ച രാവിലെ 11 ഓടെയായിരുന്നു അപകടം. ആന്സിയുടെ സ്കൂട്ടര് നിയന്ത്രണം തെറ്റി ഡിവൈഡറിലും സുരക്ഷാകവചമായി സ്ഥാപിച്ചിട്ടുള്ള ഇരുമ്പു കമ്പികളിലും ഇടിച്ചുകയറി സര്വീസ് റോഡിലേക്ക് തെറിച്ചുവീണെന്നാണ് പ്രാഥമിക നിഗമനം. അപകടത്തില് ആന്സിയുടെ…
Read More »