India
-
എവറസ്റ്റില് വന് ഹിമപാതം; ആയിരത്തോളം പേര് കുടുങ്ങി; നേപ്പാളില് കനത്ത മഴയില് 47 മരണം; നൂറുകണക്കിനു പേരെ രക്ഷിച്ചെന്നു ചൈനീസ് സ്റ്റേറ്റ് മീഡിയ
കാഠ്മണ്ഡു: എവറസ്റ്റ് കൊടുമുടിയിൽ ഉണ്ടായ ശക്തമായ ഹിമപാതത്തെ തുടർന്ന് ടിബറ്റിനോട് ചേര്ന്ന കിഴക്കൻ ചരിവിൽ ആയിരത്തോളം പേര് കുടുങ്ങിക്കിടക്കുന്നതായി റിപ്പോര്ട്ട്. നൂറുകണക്കിന് പേരെ രക്ഷപ്പെടുത്തി സുരക്ഷിത സ്ഥാനത്തേക്ക് മാറ്റിയതായും ചൈനീസ് സ്റ്റേറ്റ് മീഡിയ റിപ്പോര്ട്ട് ചെയ്യുന്നുണ്ട്. മറ്റുള്ളവരെ രക്ഷപ്പെടുത്താനുള്ള ശ്രമങ്ങള് തുടരുകയാണ്. കനത്ത മഞ്ഞുവീഴ്ചയെ തുടര്ന്ന് ഒറ്റപ്പെട്ട ക്യാമ്പ്സൈറ്റുകളിലേക്കുള്ള പ്രവേശനം പുനസ്ഥാപിക്കാനുള്ള ശ്രമങ്ങളും പുരോഗമിക്കുന്നതായി റോയിറ്റേഴ്സ് റിപ്പോര്ട്ട് ചെയ്യുന്നുണ്ട്. 4,900 മീറ്റര് (16,000 അടി) ഉയരത്തിൽ സ്ഥിതി ചെയ്യുന്ന പ്രദേശത്തേക്കുള്ള പാതകളിലെ മഞ്ഞ് നീക്കം ചെയ്യാനായി നൂറുകണക്കിന് രക്ഷാപ്രവർത്തകരെയും പ്രദേശവാസികളെയും വിന്യസിച്ചിട്ടുണ്ട്. ഇതുവരെ 350 ട്രെക്കർമാര് കുഡാങ്ങിലെ ടൗൺഷിപ്പിൽ സുരക്ഷിതമായി എത്തിയതായാണ് റിപ്പോര്ട്ട്. ബാക്കിയുള്ള 200ലധികം പേരുമായി ബന്ധം സ്ഥാപിച്ചതായും ചൈന സെൻട്രൽ ടെലിവിഷൻ (സിസിടിവി) റിപ്പോർട്ട് ചെയ്യുന്നുണ്ട്. ചൈനയില് എട്ട് ദിവസം ദേശീയ അവധിയായതിനാല് എവറസ്റ്റിന്റെ താഴ്വരയിലേക്ക് നൂറുകണക്കിന് സന്ദർശകരാണ് എത്തിയിരുന്നത്. പ്രദേശത്ത് വെള്ളിയാഴ്ച വൈകുന്നേരം ആരംഭിച്ച മഞ്ഞുവീഴ്ച ശനിയാഴ്ച മുഴുവൻ തുടർന്നതായാണ് ടിൻഗ്രി കൗണ്ടി ടൂറിസം കമ്പനി പറയുന്നത്.…
Read More » -
പിതാവിനെ കൊലപ്പെടുത്തി യുവാവ് ജയിലില് പോയി ; പതിനാല് വര്ഷങ്ങള് കൗമാരക്കാരനായ മകന് പകയോടെ കാത്തിരുന്നു ; 40 കാരനെ വെടിവെച്ചു കൊന്നു പ്രതികാരം തീര്ത്തു
ലക്നൗ: പിതാവിനെ കൊലപ്പെടുത്തിയ ആളെ പതിനാല് വര്ഷങ്ങള്ക്കുശേഷം മകന് വെടിവെച്ചു കൊലപ്പെടുത്തി. സിനിമയെ വെല്ലുന്ന പ്രതികാര സംഭവം ഉത്തര്പ്രദേശിലെ മംഗ്ലോറ ഗ്രാമത്തിലാണ് നടന്നത്. നാല്പ്പത്തിയഞ്ചുകാരനായ ജയ്വീര് ആണ് കൊല്ലപ്പെട്ടത്. ശനിയാഴ്ച്ച വൈകുന്നേരം വയലില് നിന്ന് വീട്ടിലേക്ക് മടങ്ങുന്നതിനിടയില് ജയ്വീറിനുനേരെ മുപ്പതുകാരനായ രാഹുലിനെ വെടിവെച്ചു കൊലപ്പെടുത്തുക യായിരുന്നു. നിലവില് രാഹുല് ഒളിവില് പോയിരിക്കുകയാണ്. ഇയാള്ക്ക് വേണ്ടിയുള്ള തെരച്ചിലിലാണ് പോലീസ്. രാഹുലിനെതിരെ കേസെടുത്തതായി എഎസ്പി സന്തോഷ് കുമാര് സിംഗ് പറഞ്ഞു. കൊല്ലപ്പെട്ട ജയ്വീറിന്റെ ശരീരം പോസ്റ്റ്മോര്ട്ടത്തിനായി അയച്ചു. പ്രദേശത്ത് സുര ക്ഷ വര്ധിപ്പിച്ചിട്ടുണ്ടെന്നും കൂടുതല് പൊലീസ് ഉദ്യോഗസ്ഥരെ വിന്യസിച്ചിട്ടു ണ്ടെ ന്നും എഎസ്പി അറിയിച്ചു. വര്ഷങ്ങള് പഴക്കമുളള പകയാണ് ജയ്വീറിന്റെ കൊല പാതകത്തില് കലാശിച്ചത്. 2011 ല് രാഹുലിന്റെ പിതാവ് ബ്രിജ്പാലിനെ ജയ് വീര് കൊലപ്പെടുത്തുകയും കേസില് 11 വര്ഷം ജയില് ശിക്ഷ അനുഭവിക്കുകയും ചെയ്തിരുന്നു. ജയില്മോചിതനായ ഇയാള് മൂന്നുവര്ഷമായി മംഗ്ലോറ ഗ്രാമത്തില് താമസിച്ചു വരികയായിരുന്നു. പിതാവ് കൊല്ലപ്പെടുമ്പോള് കൗമാരക്കാരനായിരുന്ന രാഹുല് വര്ഷങ്ങളോളം പകയോടെ…
Read More » -
‘കരാര് അനുസരിച്ചോ അല്ലാതെയോ ഹമാസിനെ നിരായുധീകരിക്കും’; ബന്ദികളെ വിട്ടയയ്ക്കുന്നതിന് കാത്തിരിക്കുന്നു; ഗാസയില്നിന്ന് ഉടന് സൈന്യത്തെ പിന്വലിക്കുക സാധ്യമല്ലെന്നും നെതന്യാഹു
ടെല്അവീവ്: ഗാസയിലെ ഹമാസിനെ ഏതുവിധേനയും നിരായുധീകരിക്കുമെന്ന് ഇസ്രയേല് പ്രധാനമന്ത്രി ബെഞ്ചമിന് നെതന്യാഹു. എളുപ്പത്തിലോ അല്പം ബുദ്ധിമുട്ടിയിട്ടോ ആണെങ്കിലും ഹമാസിനെതിരേ നടപടിയുണ്ടാകുമെന്നും നെതന്യാഹു പറഞ്ഞു. ട്രംപിന്റെ കരാറിനോട് അനുകൂല നിലപാടു ഹമാസ് സ്വീകരിച്ചതിനു പിന്നാലെയാണ് ട്രംപിന്റെ പദ്ധതി അനുസരിച്ചോ അല്ലാതെയോ നടപടിയുമായി മുന്നോട്ടു പോകുമെന്നു വ്യക്തമാക്കിയത്. ഹമാസ് ആവശ്യപ്പെടുന്നതുപോലെ ഗാസയില്നിന്നു പൂര്ണമായും പിന്മാറില്ല. ഗാസയില് നിയന്ത്രണമുള്ള മേഖലകളില് ഇസ്രയേല് സൈന്യം ഇനിയും തുടരും. കരാറിന്റെ രണ്ടാംഘട്ടത്തില് ഹമാസിന്റെ നിരായുധീകരണം പൂര്ത്തിയായാല് പിന്മാറുന്നതിനെക്കുറിച്ച് ആലോചിക്കും. പദ്ധതി നടപ്പാക്കുന്നതിലെ കാലതാമസം അംഗീകരിക്കാന് കഴിയില്ലെന്നു ട്രംപ് വ്യക്തമാക്കിയിട്ടുണ്ട്. നിരായുധീകരണം ട്രംപിന്റെ പദ്ധതിയനുസരിച്ചു നടപ്പാക്കാന് ഒരുക്കമാണ്. അല്ലെങ്കില് സൈനികമായി നടത്തിയെടുക്കും. അതിന് അല്പം കഷ്ടപ്പെടാനും ഒരുക്കമാണെന്നും നെതന്യാഹു പറഞ്ഞു. വരും ദിവസങ്ങളില് ബന്ദികളെ വിട്ടയയ്ക്കാനുള്ള നടപടി ആരംഭിക്കുമെന്നാണു കരുതുന്നത്. ഈജിപ്റ്റില് തിങ്കളാഴ്ചയാണ് ഇതിനുള്ള ചര്ച്ച നടക്കുക. ഗാസ യുദ്ധം അവസാനിപ്പിക്കാനുള്ള ട്രംപിന്റെ പദ്ധതിയോട് ഹമാസ് തത്വത്തില് അനുകൂല നിലപാടു സ്വീകരിച്ചതിനു പിന്നാലെ ആദ്യ ഘട്ടം നടപ്പാക്കാന് തയാറെന്നു വ്യക്തമാക്കി…
Read More » -
‘ഫോട്ടോയ്ക്കായി 10 രൂപയുടെ ബിസ്കറ്റ് നല്കി; ഉടന് തിരികെ വാങ്ങി’; രോഗികള്ക്ക് പഴങ്ങളും ബിസ്കറ്റും നല്കുന്ന ബിജെപിയുടെ സന്നദ്ധ സേവന കാമ്പെയ്നില് ബിജെപി നേതാവിന്റെ തട്ടിപ്പ് പുറത്ത്; വീഡിയോ വൈറല്, നേതാവ് എയറില്
ജെയ്പുര്: ബിജെപി സംഘടിപ്പിച്ച സന്നദ്ധസേവന കാംപെയിനിടക്ക് നേതാവിന് പറ്റിയ അബദ്ധം സോഷ്യല് മീഡിയയില് വൈറല്. ഫോട്ടോ പകര്ത്താകാനായി രോഗിക്ക് നല്കുന്നതുപോലെ നിന്ന ബിജെപി നേതാവിന്റെ വിഡിയോ ആണ് വൈറലാവുന്നത്. രാജസ്ഥാനിലെ ജയ്പൂരിലെ ആര്യുഎച്ച്എസ് ആശുപത്രിയിലാണ് സംഭവം. ബിജെപി സംഘടിപ്പിച്ച സന്നദ്ധസേവന കാംപെയിനായ ബിജെപി സേവ പഖ് വാഡയുടെ ഭാഗമായാണ് നേതാക്കള് ആശുപത്രിയിലെത്തിയത്. രോഗികള്ക്ക് പഴങ്ങളും ബിസ്ക്കറ്റുമടക്കം എത്തിച്ചു കൊടുക്കുകയായിരുന്നു കാംപെയ്ന്റെ ലക്ഷ്യം. എന്നാല് സന്നദ്ധ പ്രവര്ത്തനത്തിലുപരി ഫോട്ടോ എടുക്കുന്നതിലാണ് നേതാക്കള് ശ്രദ്ധ കേന്ദ്രീകരിച്ചത്. പക്ഷേ വിഡിയോ ആണ് ചിത്രീകരിച്ചുകൊണ്ടിരുന്നതെന്ന് ആരും അറിഞ്ഞില്ല. फोटोशूट….#sevapakhwadabydrpankajbjp pic.twitter.com/U3Req6g0c3 — Mubarik Khan (@journaMubarik) October 3, 2025 ഇതിനിടയ്ക്കാണ് വനിത നേതാവിന് അബദ്ധം പറ്റിയത്. രോഗിയായ യുവതിക്ക് പത്ത് രൂപ വില വരുന്ന ബിസ്ക്കറ്റ് നല്കുന്ന പോസ് ചെയ്തു. രോഗിയും ബിസ്കറ്റില് പിടിച്ചു. പിന്നാലെ ഫോട്ടോ എടുത്തുവെന്ന് വിചാരിച്ച് ബിസ്കറ്റുമായി നേതാവ് തിരിഞ്ഞു നടക്കുകയായിരുന്നു. വിഡിയോ പ്രചരിച്ചതോടെ നേതാവിനെതിരെ വ്യാപക വിമര്ശനമാണ് ഉയരുന്നത്.…
Read More » -
റാംപ് വാക്ക് സനാതന ധര്മത്തിന് എതിര്; മതവികാരം വ്രണപ്പെടുത്തും; ലയണ്സ് ക്ലബിന്റെ ഫാഷന് ഷോ റിഹേഴ്സലിനിടെ ഹിന്ദുത്വ സംഘടനയുടെ പ്രതിഷേധം; ഇതു പറയാന് നീയാരാണെന്നു തിരിച്ചടിച്ചു പെണ്കുട്ടികള്
ഋഷികേശ്: മോഡലിങ് റിഹേഴ്സലിനിടെ പ്രതിഷേധവുമായി ഹിന്ദുത്വ സംഘടന. ഉത്തരാഖണ്ഡിലെ ഋഷികേശിലാണ് ഫാഷന് ഷോയുടെ പരിശീലനത്തിനിടെ രാഷ്ട്രീയ ഹിന്ദു ശക്തി സംഘടനിലെ പ്രവര്ത്തകര് പ്രതിഷേധവുമായി എത്തിയത്. ദീപാവലി മേളയുടെ ഭാഗമായി ലയണ്സ് ക്ലബ് ഋഷികേശ് റോയലാണ് പരിപാടി സംഘടിപ്പിച്ചത്. Kalesh during Diwali Fair In Rishikesh, The organizations objected to the so-called indecent clothes worn by the young women and accused the organizing club of serving obscenity pic.twitter.com/YkvHgQRimi — Ghar Ke Kalesh (@gharkekalesh) October 4, 2025 ഇതിനിടയ്ക്കാണ് പ്രതിഷേധവുമായി പ്രവര്ത്തകര് എത്തിയത്. രാഷ്ട്രീയ ഹിന്ദു ശക്തി സംഘടന് സംസ്ഥാന പ്രസിഡന്റ് രാഘവേന്ദ്ര ഭട്ടാനഗറിന്റെ നേതൃത്വത്തിലുള്ള ചില അംഗങ്ങളാണ് പരിശീലനം നടക്കുന്ന ഹോട്ടലിലേക്ക് എത്തിയത്. പാശ്ചാത്യ വസ്ത്രം ധരിച്ചുള്ള റാംപ് വാക്ക് ഋഷികേശിന്റെ സ്വത്വത്തിനും സനാതന മൂല്യങ്ങൾക്കും എതിരാണെന്ന് ഭട്ടാനഗർ പറഞ്ഞു. “സനാതന ധർമ്മം സ്ത്രീകളെ മാന്യമായി വസ്ത്രം…
Read More » -
അടിവസ്ത്രം മാത്രം ധരിച്ച് കോടതിയുടെ വെര്ച്വല് കോണ്ഫറന്സില്; ഒപ്പം മദ്യപാനവും പുകവലിയും; മുഹമ്മദ് ഇമ്രാന് അറസ്റ്റില്; നുഴഞ്ഞു കയറിയത് അകിബ് അഖ്ലാഖ് എന്ന പേരില്
ന്യൂഡല്ഹി: അടിവസ്ത്രം മാത്രം ധരിച്ചുകൊണ്ട് വെര്ച്വല് കോടതി നടപടികളിലേക്ക് അതിക്രമിച്ചു കയറിയ യുവാവ് ഡല്ഹിയില് അറസ്റ്റില്. 32 കാരനായ മുഹമ്മദ് ഇമ്രാനാണ് മദ്യപിച്ചും പുക വലിച്ചുകൊണ്ട് വെര്ച്വല് കോണ്ഫറന്സ് സെഷനിലേക്ക് കടന്നുകയറിയത്. മോഷണവും പിടിച്ചുപറിയുമുള്പ്പെടെ 50 ലധികം കേസുകളില് മുന്പ് പ്രതിയായ വ്യക്തിയാണ് ഇയാള്. സെപ്റ്റംബര് 16നും 17നുമാണ് ഈ സംഭവം നടന്നത്. വിഡിയോ കോണ്ഫറന്സ് സെഷനിലേക്ക് അകിബ് അഖ്ലാഖ് എന്ന പേരിലാണ് ഇയാള് കയറിയത്. പല തവണ പുറത്തുപോകാന് പറഞ്ഞിട്ടും അനുസരിച്ചില്ല. സെപ്റ്റംബര് 22ന് പരാതി ലഭിച്ചതിന് പിന്നാലെ പൊലീസ് അന്വേഷം ആരംഭിച്ചു. ഐപി വിലാസങ്ങളും കോള് ഡാറ്റ് റെക്കോര്ഡുകളും പരിശോധിച്ചപ്പോള് പ്രതി ഒന്നിലധികം വ്യാജ ഇമെയില് ഐഡികള് ഉപയോഗിച്ചിട്ടുണ്ടെന്ന് മനസിലാക്കി. ഇടയ്ക്ക് സ്ഥലങ്ങള് മാറിയതും ട്രാക്ക് ചെയ്യാനുള്ള ശ്രമങ്ങളെ പ്രതിസന്ധിയിലാക്കി. പ്രാദേശിക രഹസ്യാന്വേഷണ വിഭാഗത്തിന്റെ സഹായത്തോടെ നടത്തിയ തിരച്ചിലില് പ്രതിയെ മുസ്തഫാബാദിലെ ചാമന് പാര്ക്കിലെ വസതിയില് നിന്നും അറസ്റ്റ് െചയ്യുകയായിരുന്നു. ചോദ്യം ചെയ്യലിൽ വിഡിയോ കോൺഫറൻസിങ് പ്ലാറ്റ്ഫോമിനെക്കുറിച്ച് ഒരു…
Read More » -
ചുമമരുന്ന് കഴിച്ച് മരിച്ച കുട്ടികളുടെ എണ്ണം 17 ആയി; 14 പേരും മരിച്ചത് മധ്യപ്രദേശില്; ഡോക്ടര് അറസ്റ്റില്; കേരളമടക്കം 5 സംസ്ഥാനങ്ങള് കോള് ഡ്രിഫ് നിരോധിച്ചു; ഉദ്യോഗസ്ഥ യോഗം വിളിച്ച് കേന്ദ്ര സര്ക്കാര്
ന്യൂഡല്ഹി: ചുമയ്ക്കുള്ള മരുന്ന് കഴിച്ച് കുട്ടികള് മരിച്ചകേസില് ഡോക്ടര് അറസ്റ്റില്. മധ്യപ്രദേശിലെ ചിന്ദ്വാഡയില് മരിച്ച ഭൂരിഭാഗം കുട്ടികള്ക്കും ഡൈഎത്തിലീന് ഗ്ലൈക്കോള് സാന്നിധ്യമുള്ള കോള്ഡ്രിഫ് ചുമ മരുന്ന് നിര്ദേശിച്ച ഡോ. പ്രവീണ് സോണിയാണ് അറസ്റ്റിലായത്. മരുന്ന് കഴിച്ച മൂന്ന് കുട്ടികള്ക്കുകൂടി മധ്യപ്രദേശില് ദാരുണാന്ത്യം. രാജസ്ഥാനില് ഒരു കുട്ടിക്കുകൂടി ജീവന് നഷ്ടപ്പെട്ടു. ഇതോടെ ചുമ മരുന്ന് കഴിച്ച് മരിച്ച കുട്ടികളുടെ എണ്ണം 17 ആയി. ഇതില് 14 പേരും മരിച്ചത് മധ്യപ്രദേശിലാണ്. കോള്ഡ്രിഫ് നിര്മ്മാതാക്കളായ ശ്രീസാന് ഫാര്മസ്യൂട്ടിക്കല്സിനെതിരെ നടപടി സ്വീകരിക്കാന് സെന്ട്രല് ഡ്രഗ്സ് സ്റ്റാന്ഡേര്ഡ് കണ്ട്രോള് ഓര്ഗനൈസേഷന് നിര്ദേശം നല്കി. തമിഴ്നാട് ഫുഡ് ആന്ഡ് ഡ്രഗ് അഡ്മിനിസ്ട്രേഷനാണ് നിര്ദേശം നല്കിയത്. കമ്പനിക്കെതിരെ മധ്യപ്രദേശ് സര്ക്കാര് കേസെടുത്തിട്ടുണ്ട്. കേരളമടക്കം 5 സംസ്ഥാനങ്ങള് കോള് ഡ്രിഫ് നിരോധിച്ചു. രാജ്യത്തെ സ്ഥിതി വിലയിരുത്താന് കേന്ദ്ര ആരോഗ്യ സെക്രട്ടറി സംസ്ഥാനങ്ങളിലെയും കേന്ദ്ര ഭരണ പ്രദേശങ്ങളിലെയും ഉദ്യോഗസ്ഥരുടെ യോഗം വിളിച്ചു. വിഡിയോ കോണ്ഫറന്സ് വഴിയാണ് യോഗം. രാജസ്ഥാനിലും മധ്യപ്രദേശിലും ചുമ മരുന്നു…
Read More » -
ലോകകപ്പ് വരെ ക്യാപ്റ്റന് ആകണമെന്ന ആഗ്രഹമുണ്ടായിട്ടും എന്തുകൊണ്ട് രോഹിത്തിനെ മാറ്റി? ഫിറ്റ്നസും ഫോമും ഇല്ലെങ്കില് ടീമിനു പുറത്താകാനും സാധ്യത; വിശദീകരിച്ച് അഗാര്ക്കര്; ‘വണ്ഡേ മത്സരങ്ങള് വളരെക്കുറവ്, ഇംഗ്ലണ്ടിന് എതിരായ ടെസ്റ്റില് ഗില് കഴിവു തെളിയിച്ചു’
ന്യൂഡല്ഹി: ടെസ്റ്റ് ടീമിന്റെ ക്യാപ്റ്റന്സിക്കു പിന്നാലെ ശുഭ്മാന് ഗില് ഏകദിന ടീമിന്റെയും ക്യാപ്റ്റന്സി ഏറ്റെടുത്തതിനു പിന്നാലെ ഇന്ത്യന് ക്രിക്കറ്റില് മറ്റൊരു കാലഘട്ടത്തിനു തുടക്കമാകുകയാണ്. 2027 ലെ ലോകകപ്പ് മനസില് കണ്ടാണ് ക്യാപ്റ്റന്റെ തൊപ്പി ഗില്ലിന് സെലക്ടര്മാര് കൈമാറിയത്. അജിത്ത് അഗാര്ക്കര് ചെയര്മാനായ ടീമാണ് രോഹിത്തുമായി ചര്ച്ച നടത്തിയശേഷം ഗില്ലിനെ തെരഞ്ഞെടുത്തത്. പക്ഷേ, വീണ്ടുമൊരു ഐസിസി ലോകകപ്പില് ഇന്ത്യയെ നയിക്കണമെന്ന സ്വപ്നം രോഹിത്തിനുണ്ടായിരുന്നു. ഈമാസം നടക്കാനിരിക്കുന്ന ഓസ്ട്രേലിയന് ടീം പര്യടനത്തില് ഇങ്ങനെയൊരു ട്വിസ്റ്റ് ആരും പ്രതീക്ഷിച്ചിരുന്നില്ല. ടി20, ടെസ്റ്റ് എന്നിവയില്നിന്നു രോഹിത്ത് നേരത്തേ വിരമിച്ചതിനാല് ക്യാപ്റ്റന്സിയില് അദ്ദേഹത്തിന്റെ യുഗം അവസാനിച്ചു. ഒസീസുമായുള്ള മത്സരത്തില് ഗില്ലിനു കീഴില് കളിക്കേണ്ടിവരും. കഴിഞ്ഞ രണ്ടു വര്ഷത്തിനിടെ രണ്ട് ഐസിസി ട്രോഫികള് ഇന്ത്യക്കു നേടിത്തരാന് രോഹിത്തിനു കഴിഞ്ഞു. കഴിഞ്ഞ വര്ഷം ടി20 ലോകകപ്പില് ടീമിനെ ചാംപ്യന്മാരാക്കിയ രോഹിത് ഈ വര്ഷം ചാംപ്യന്സ് ട്രോഫിയും ടീമിനു നേടിത്തന്നു. 2027ലെ ഐസിസി ഏകദിന ലോകകപ്പിലും ഇന്ത്യയെ വിജയികളാക്കിയ ശേഷം കളി നിര്ത്താനായിരുന്ന…
Read More » -
‘കരാര് നടപ്പാക്കുന്നതിലെ കാലതാമസം സഹിക്കില്ല’; ബോംബിടല് നിര്ത്തിയതില് ഇസ്രയേലിനെ അഭിനന്ദിച്ചും ഹമാസിനു മുന്നറിയിപ്പു നല്കിയും ട്രംപ്; ‘വേഗത്തില് നടപടിയിലേക്കു കടക്കണം, അല്ലെങ്കില് പരിണിത ഫലങ്ങള് അനുഭവിക്കണം; എല്ലാ കാര്ഡുകളും മേശപ്പുറത്തുണ്ട്’
ന്യൂയോര്ക്ക്: ഗാസയിലെ ബോംബിംഗ് നിര്ത്തിയതിന്റെ പേരില് ഇസ്രായേലിനെ അഭിനന്ദിച്ച് യുഎസ് പ്രസിഡന്റ് ഡോണള്ഡ് ട്രംപ്. ചര്ച്ചകള് വേഗത്തിലാക്കണമെന്നു ഹമാസിനു മുന്നറിയിപ്പും നല്കി. ഇസ്രയേല് താത്കാലികമായി ബോംബിംഗ് നിര്ത്തിയതിനെ അദ്ദേഹത്തിന്റെ സോഷ്യല് മീഡിയ പ്ലാറ്റ്ഫോമില് അഭിനന്ദിച്ച ട്രംപ്, താനൊരിക്കലും കാലതാമസം സഹിക്കുന്ന ആളല്ലെന്നും എല്ലാം വേഗത്തില് പൂര്ത്തിയാക്കിയാല് എല്ലാവരെയും നല്ലരീതിയില് കൈകാര്യം ചെയ്യു’മെന്നും പറഞ്ഞു. ഗാസയിലെ യുദ്ധം അവസാനിപ്പിക്കാനായി എല്ലാ ഇസ്രയേലി ബന്ദികളെയും മോചിപ്പിക്കാന് തയാറാണെന്ന് ഹമാസ് വ്യക്തമാക്കിയിട്ടുണ്ട്. ട്രംപിന്റെ ഗാസ പദ്ധതി അംഗീകരിക്കുന്നുവെന്നും ഹമാസ് പ്രസ്താവനയില് അറിയിച്ചു. ഭരണം കൈമാറുന്നതടക്കമുള്ള 20 ഇന പദ്ധതി ഞായറാഴ്ചയ്ക്കകം അംഗീകരിക്കുകയോ നിരസിക്കുകയോ വേണമെന്നും ട്രംപ് അന്ത്യശാസനം നല്കിയിരുന്നു. ‘ജീവിച്ചിരിക്കുന്ന എല്ലാ ബന്ദികളെയും മരിച്ചവരുടെ അവശിഷ്ടങ്ങളും ട്രംപ് മുന്നോട്ട് വച്ച പദ്ധതി പ്രകാരം കൈമാറാന് തയാറാണ്. അറബ് ഇസ്ലാമിക് പിന്തുണയോടെയുള്ള പലസ്തീന് ദേശീയ താല്പര്യത്തില് പ്രവര്ത്തിക്കുന്ന സ്വതന്ത്ര പലസ്തീന് സമിതിക്ക് ഗാസ മുനമ്പിന്റെ ഭരണം കൈമാറാന് സന്നദ്ധ’മാണെന്നും ഹമാസിന്റെ പ്രസ്താവനയില് വ്യക്തമാക്കുന്നു. അടിയന്തര വെടിനിര്ത്തല് വേണമെന്നും,…
Read More » -
‘നിങ്ങളുടെ എല്ലാ ശ്രമങ്ങള്ക്കും ഞങ്ങള് ഒപ്പമുണ്ട്’; മദ്ധ്യേഷ്യയിലെ സമാധാന ശ്രമങ്ങളില് ട്രംപിനെ അഭിനന്ദിച്ച് പ്രധാനമന്ത്രി; ഗാസയിലെ സമാധാനശ്രമങ്ങള്ക്ക് ഇന്ത്യയുടെ പിന്തുണ
ന്യുഡല്ഹി: യുഎസ് പ്രസിഡന്റ് ഡൊണാള്ഡ് ട്രംപിന്റെ ഗാസയിലെ സമാധാന ശ്രമങ്ങള്ക്ക് അഭിനന്ദനങ്ങളുമായി പ്രധാനമന്ത്രി നരേന്ദ്രമോദി. ട്രംപിന്റെ 20 ഇന സമാധാന പദ്ധതിയുടെ ഭാഗങ്ങള് ഹമാസ് അംഗീകരിച്ചതിന് മണിക്കൂറുകള്ക്ക് ശേഷം എക്സിലിട്ട പോസ്റ്റിലാണ് ഇന്ത്യയുടെ പിന്തുണ പ്രധാനമന്ത്രി അറിയിച്ചത്. ‘ഗാസയിലെ സമാധാന ശ്രമങ്ങള് നിര്ണായക പുരോഗതി കൈവരിക്കുന്ന സാഹചര്യത്തില് പ്രസിഡന്റ് ട്രംപിന്റെ നേതൃത്വത്തെ ഞങ്ങള് സ്വാഗതം ചെയ്യുന്നു. ബന്ദികളെ മോചിപ്പിക്കുന്നതിന്റെ സൂചനകള് ഒരു സുപ്രധാന ചുവടുവയ്പ്പിനെ സൂചിപ്പിക്കുന്നു. സുസ്ഥിരവും നീതിയുക്തവുമായ സമാധാനത്തിനായുള്ള എല്ലാ ശ്രമങ്ങളെയും ഇന്ത്യ ശക്തമായി പിന്തുണയ്ക്കുന്നത് തുടരും.” മോദിയുടെ പോസ്റ്റില് പറഞ്ഞു. ട്രംപിന്റെ ഗാസ സമാധാന പദ്ധതിയെ പ്രധാനമന്ത്രി മോദി ഈ ആഴ്ച ആദ്യം പിന്തുണച്ചിരുന്നു, ഫലസ്തീന്, ഇസ്രായേല് ജനതയ്ക്ക് ദീര്ഘകാലവും സുസ്ഥിരവുമായ സമാധാനത്തിലേക്കുള്ള ഒരു പ്രായോഗിക പാത ഇത് നല്കുന്നുവെന്ന് പറഞ്ഞു. ‘ഗാസ സംഘര്ഷം അവസാനിപ്പിക്കുന്നതിനുള്ള സമഗ്ര പദ്ധതി സംബന്ധിച്ച പ്രസിഡന്റ് ഡൊണാള്ഡ് ജെ. ട്രംപിന്റെ പ്രഖ്യാപനത്തെ ഞങ്ങള് സ്വാഗതം ചെയ്യുന്നു. പലസ്തീന്, ഇസ്രായേല് ജനതയ്ക്കും വിശാലമായ പശ്ചിമേഷ്യന്…
Read More »