India
-
ശ്രീനന്ദയെ കാണാതായിട്ട് മൂന്നു ദിവസം; 100 പേർ അടങ്ങുന്ന സംഘം രൂപീകരിച്ച് കർണ്ണാടക സർക്കാർ; പാറക്കെട്ടുകൾക്കിടയിലും ചെങ്കുത്തായ ഇറക്കത്തിലുമുൾപ്പെടെ പരിശോധന
പാലക്കാട്: കർണാടകത്തിലെ ചിക്കമഗളൂരുവിൽ പാലക്കാട് സ്വദേശിയായ 14 കാരി ശ്രീനന്ദയെ കാണാതായ സംഭവത്തിൽ തിരച്ചിൽ സംഘം വിപുലീകരിച്ചു. ബാബു ബുധൻ ഗിരിയിലെ മാണിക്യധാര വെള്ളച്ചാട്ടത്തിന് സമീപം ചൊവ്വാഴ്ച വൈകിട്ട് അഞ്ചരയോടെയാണ് കുട്ടിയെ കാണാതായത്. മാതാപിതാക്കൾ ഉൾപ്പെട്ട 40 അംഗ സംഘത്തിനൊപ്പം പാലക്കാട് ജില്ലയിലെ കടമ്പഴിപ്പുറത്തുനിന്ന് എത്തിയതായിരുന്നു ശ്രീനന്ദ. 100 പേർ അടങ്ങുന്ന സംഘമാണ് ശ്രീനന്ദക്കായി തിരച്ചിൽ നടത്തുന്നത്. പാറക്കെട്ടുകൾക്കിടയിലും ചെങ്കുത്തായ ഇറക്കത്തിലും പരിശോധന നടത്തുകയാണ്. ശ്രീനന്ദയെ കണ്ടെത്താനായി രൂപീകരിച്ച പ്രത്യേക ടാസ്ക് ഫോഴ്സിന്റെ നേതൃത്വത്തിൽ ആണ് തെരച്ചിൽ പുരോഗമിക്കുന്നത്. പോലീസ് വനം വകുപ്പ് ഉദ്യോഗസ്ഥർക്കൊപ്പം അഗ്നി രക്ഷാസേന ഉദ്യോഗസ്ഥർ കൂടി ഉൾപ്പെടുന്നതാണ് ടാസ്ക് ഫോഴ്സ്. തെർമൽ ട്രോണുകൾ ഉപയോഗിച്ചുള്ള പരിശോധനയും രാവിലെ നടന്നിരുന്നു. വിവിധ വകുപ്പുകളുടെ ഏകോപനത്തോടെ പരിശോധന ഊർജ്ജിതമാക്കാൻ ജില്ലാ ഭരണകൂടത്തിന് കർണാടക വനവകുപ്പ് മന്ത്രി ഈശ്വർ ഖന്ദ്രേ നിർദ്ദേശം നൽകിയിട്ടുണ്ട്. ഇന്നലെ രാവിലെ മുതൽ രാത്രി വൈകി വരെ കൊക്കകളിൽ ഉൾപ്പെടെ പരിശോധന നടത്തിയെങ്കിലും കുട്ടിയെ കുറിച്ചുള്ള വിവരം…
Read More » -
അഞ്ചുവയസുകാരൻ മകന്റെ മുന്നിലിട്ട് യുവാവിനെ ഭാര്യയുടെ കാമുകനും കൂട്ടാളികളും തലയ്ക്കടിച്ച് കൊലപ്പെടുത്തി, കുഞ്ഞ് വനത്തിനുള്ളിൽ പിതാവിന്റെ മൃതദേഹത്തിനു കാവലിരുന്നത് ഒരു രാത്രി!! മൂന്നുപേർ കസ്റ്റഡിയിൽ
തിരുപ്പതി: അഞ്ചുവയസുള്ള മകന്റെ മുന്നിലിട്ട് അച്ഛനെ അമ്മയുടെ കാമുകനും കൂട്ടാളികളും തലയ്ക്കടിച്ച് കൊലപ്പെടുത്തി. വനത്തിനുള്ളിൽ ഒരുരാത്രി മുഴുവൻ അഞ്ചുവയസുകാരൻ അച്ഛന്റെ മൃതദേഹത്തിനൊപ്പം കഴിഞ്ഞു. ആന്ധ്രാപ്രദേശിലെ അന്നമയ്യ ജില്ലയിലാണ് ക്രൂരമായ കൊലപാതകം നടന്നത്. തമിഴ്നാട് സ്വദേശിയായ ഗാന്ധി (45)യാണ് തലയ്ക്കടിയേറ്റ് കൊല്ലപ്പെട്ടത്. ഗാന്ധിയുടെ ഭാര്യ രാസാത്തിയുടെ കാമുകനായ നരസിംഹലുമാണ് ഗാന്ധിയെ അതിക്രൂരമായി കൊലപ്പെടുത്തിയത്. സംഭവത്തിൽ നരസിംഹലുവിനെയും ഇയാളുടെ രണ്ടുകൂട്ടാളികളെയും പോലീസ് കസ്റ്റഡിയിലെടുത്തു. തിങ്കളാഴ്ച രാത്രി ബോയക്കോണ്ട യേനാഡിപാളയത്തെ വനമേഖലയിലാണ് സംഭവം. അടുത്തിടെയാണ് രാസാത്തി ഭർത്താവിനെയും മകനെയും ഉപേക്ഷിച്ച് നരസിംഹലുവിനൊപ്പം താമസം ആരംഭിച്ചത്. നരസിംഹലുവുമായി അടുപ്പത്തിലായ യുവതി പിന്നാലെ ഇയാൾക്കൊപ്പം ജീവിക്കാനായി വീട്ടുവിട്ടിറങ്ങുകയായിരുന്നു. തങ്ങളെ ഉപേക്ഷിച്ച് വീട്ടുവിട്ടിറങ്ങിപ്പോയ ഭാര്യയെ അന്വേഷിച്ചാണ് ഗാന്ധിയും അഞ്ചുവയസുള്ള മകനും കഴിഞ്ഞദിവസം അന്നമയ്യയിലെത്തിയത്. തുടർന്ന് ഗാന്ധി നരസിംഹലുവിനെ നേരിട്ടു കണ്ടു. ഇതിനടെ ഭാര്യയെ കണ്ടെത്താൻ സഹായിക്കാമെന്നും ഇയാൾ വാഗ്ദാനം ചെയ്തു. പിന്നാലെ ഇയാളും രണ്ടുകൂട്ടാളികളും ഗാന്ധിയെ മദ്യപിക്കാനായി ക്ഷണിച്ചു. ഇതിനുശേഷം പ്രതികൾ ഗാന്ധിയെയും മകനെയും സമീപത്തെ വനമേഖലയിലേക്ക് കൂട്ടിക്കൊണ്ടുപോയി. ഇവിടെവെച്ചാണ്…
Read More » -
ചൈനയും റഷ്യയും ഉടക്കി; ഹോര്മൂസ് തുറക്കാനുള്ള ശ്രമങ്ങള്ക്കുള്ള നീക്കം പാളി; യുഎന് സഭയില് ബഹ്റൈന് കൊണ്ടുവന്ന പ്രമേയത്തെ വീറ്റോ ചെയ്തു; കപ്പല് ഗതാഗതത്തിലെ പ്രതിസന്ധി തുടരും
യുഎന്: ഹോര്മുസ് കടലിടുക്കിലെ വാണിജ്യ കപ്പല്ഗതാഗതം സംരക്ഷിക്കുന്നതിനുള്ള ശ്രമങ്ങള് ഏകോപിപ്പിക്കാന് രാജ്യങ്ങളെ പ്രോത്സാഹിപ്പിക്കുന്ന യുഎന് പ്രമേയത്തെ ചൈനയും റഷ്യയും വീറ്റോ ചെയ്തു. സുപ്രധാനമായ ഈ ജലപാത സുരക്ഷിതമാക്കുന്നതില് അമേരിക്കയോടൊപ്പം ചേരാന് ലോകസഭയിലെ യുഎസ് അംബാസഡര് ‘ഉത്തരവാദിത്തമുള്ള രാഷ്ട്രങ്ങളോട്’ ആഹ്വാനം ചെയ്തു. ബഹ്റൈന് അവതരിപ്പിച്ച പ്രമേയത്തെ 15 അംഗ രക്ഷാസമിതിയില് 11 പേര് അനുകൂലിച്ചു. ചൈനയും റഷ്യയും എതിര്ത്തു. രണ്ട് രാജ്യങ്ങള് വിട്ടുനിന്നു. ഹോര്മുസ് കടലിടുക്ക് തുറക്കണമെന്ന തന്റെ അന്ത്യശാസനം ഇറാന് അംഗീകരിക്കുന്നതിന്റെ ലക്ഷണങ്ങളൊന്നും കാണിക്കാത്ത സാഹചര്യത്തില്, ‘ഒരു പരിഷ്കൃതി മുഴുവന് ഇന്ന് രാത്രി മരിക്കും’ എന്ന് യുഎസ് പ്രസിഡന്റ് ഡൊണാള്ഡ് ട്രംപ് ഭീഷണിപ്പെടുത്തിയിരുന്നു. ഫെബ്രുവരി അവസാനത്തോടെ അമേരിക്കയും ഇസ്രായേലും ഇറാനെ ആക്രമിച്ചതു മുതല് എണ്ണവില കുതിച്ചുയരുകയാണ്. അഞ്ച് ആഴ്ചയിലേറെയായി നീണ്ടുനില്ക്കുന്ന സംഘര്ഷം പൊട്ടിപ്പുറപ്പെട്ടതോടെ, ലോകത്തെ എണ്ണയുടെയും ദ്രവീകൃത പ്രകൃതിവാതകത്തിന്റെയും അഞ്ചിലൊന്ന് കടന്നുപോയിരുന്ന പാതയായ കടലിടുക്ക് ടെഹ്റാന് വലിയ തോതില് അടച്ചുപൂട്ടിയിരിക്കുകയാണ്. സമിതിയിലെ ഒരു സ്ഥിരം അംഗത്തിന്റെ നെഗറ്റീവ് വോട്ട് കാരണം കരട്…
Read More » -
സര്ക്കാര് ഇനി പാവ; അധികാരം പൂര്ണമായി റവല്യൂഷനറി ഗാര്ഡിലേക്ക്; ഇറാന്റെ ഭാഗത്തുനിന്ന് ഇനി ചര്ച്ചകള് ഉണ്ടാകില്ല; അന്തിമ യുദ്ധത്തിന് തയാറെടുത്ത് ഇറാന് സൈന്യം
ന്യൂയോര്ക്ക്: നയതന്ത്രത്തിന്റെ വാതിലുകള് അടഞ്ഞതോടെ ഇറാന് നേതൃത്വം ഏകീകൃതമായ കടുത്ത നിലപാടിലെത്തിയെന്ന് റിപ്പോര്ട്ട്. അന്തിമ അധികാരം സര്ക്കാരില്നിന്ന് റവല്യൂഷനറി (ഐആര്ജിസി) ഗാര്ഡിലേക്ക് കൈമാറുന്നതിനു തുല്യമാണിതെന്നും ചൂണ്ടിക്കാട്ടുന്നു. ‘കൂട്ടായ സന്നദ്ധ ആത്മബലി’യെക്കുറിച്ച് പ്രസിഡന്റ് മസൂദ് പെസെഷ്കിയന് അടുത്തിടെ നടത്തിയ പ്രസ്താവനകള് വെറും രാഷ്ട്രീയ നാടകമല്ലെന്നാണു വിലയിരുത്തല്. പടിഞ്ഞാറന് രാജ്യങ്ങളുമായുള്ള ദീര്ഘകാല പോരാട്ടത്തിനായി ടെഹ്റാന്റെ ഭാഗത്തുനിന്ന് ഇനി ചര്ച്ചകള് ഉണ്ടാകില്ലെന്നും ഇതു വ്യക്തമാക്കുന്നു. അമേരിക്കക്കാര് ഈ യുദ്ധത്തില് നിന്ന് എത്രയും വേഗം പുറത്തുകടക്കാന് ആഗ്രഹിക്കുന്നുവെന്ന് ഇറാനറിയാം. ഇറാന് യുദ്ധത്തില്നിന്ന് പുറത്തു കടക്കാന് ഒട്ടും ധൃതിയുമില്ല. ഇറാനിയന് നയതന്ത്രത്തിന്റെ യുഗം ഔദ്യോഗികമായി അവസാനിച്ചോ? ടെഹ്റാനിലെ ആഭ്യന്തര അധികാര സമവാക്യങ്ങളില് മൗലികമായ മാറ്റം വന്നതായി ഇന്റലിജന്സ് കുറിപ്പ് സൂചിപ്പിക്കുന്നു. 2026-ലെ സംഘര്ഷത്തിന്റെ ആദ്യ ഘട്ടങ്ങളില് പ്രായോഗികവാദികളും സുരക്ഷാ സംവിധാനങ്ങളും തമ്മില് വടംവലി നടന്നിരുന്നെങ്കില്, ഇപ്പോള് രാജ്യത്തിന്റെ നിയന്ത്രണത്തിനായുള്ള ആഭ്യന്തര പോരാട്ടത്തില് ഐആര്ജിസി വിജയിച്ചെന്നു പറയുന്നു. ഇറാനിലെ ജനങ്ങള് ‘മരിക്കാന് തയ്യാറാണ്’ എന്ന് എടുത്തുപറഞ്ഞുകൊണ്ടുള്ള പെസെഷ്കിയന്റെ സമീപകാല പ്രസ്താവനകളെ,…
Read More » -
‘ഇറാന് പരമോന്നത നേതാവ് അബോധാവസ്ഥയില്; യുദ്ധത്തില് തകര്ന്ന രാജ്യം ഭരിക്കാന് കഴിയില്ല’; ഗള്ഫ് രാജ്യങ്ങള്ക്ക് കൈമാറിയ ഇന്റലിജന്സ് റിപ്പോര്ട്ട് പുറത്തുവിട്ട് ‘ദി ടൈംസ്’; ഇറാനില് എവിടെയെന്ന വിവരവും വെളിയില്; എല്ലാം എഐ ദൃശ്യങ്ങള്
ലണ്ടന്: ഇറാന്റെ പുതിയ പരമോന്നത നേതാവ് അബോധാവസ്ഥയില് ആണെന്നും യുദ്ധത്തില് തകര്ന്ന രാജ്യം ഭരിക്കാന് അദ്ദേഹത്തിന് കഴിയില്ലെന്നും ഇന്റലിജന്സ് റിപ്പോര്ട്ട്. അമേരിക്കന്, ഇസ്രയേലി ഇന്റലിജന്സ് റിപ്പോര്ട്ടുകള് ആസ്പദമാക്കി ‘ദി ടൈംസ്’ ആണ് ഇക്കാര്യം റിപ്പോര്ട്ട് ചെയ്തത്. അദ്ദേഹം ഖ്വാം (Qom) നഗരത്തില് ‘ഗുരുതരമായ’ ആരോഗ്യസ്ഥിതിക്ക് ചികിത്സയിലാണെന്നും റിപ്പോര്ട്ട് പറയുന്നു. നേരത്തേ, അദ്ദേഹത്തെ റഷ്യയിലേക്കു കൊണ്ടുപോയെന്നും ചികിത്സയിലാണെന്നുമായിരുന്നു നേരത്തെ പുറത്തുവന്ന റിപ്പോര്ട്ടുകള്. യുദ്ധത്തിന്റെ ഒന്നാം ദിവസം കൊല്ലപ്പെട്ട തന്റെ പിതാവ് ആയത്തുള്ള അലി ഖമേനിയില് നിന്ന് പരമോന്നത നേതാവായി ചുമതലയേറ്റ ശേഷം 56 കാരനായ ഖമേനിയെ പൊതുവേദികളില് കണ്ടിട്ടില്ല. തന്റെ പിതാവും മാതാവും ഭാര്യയും മക്കളില് ഒരാളും കൊല്ലപ്പെട്ട ആക്രമണത്തില് അദ്ദേഹത്തിന്റെ കാലിനു ‘ചെറിയ’ പരിക്കു പറ്റിയെന്നായിരുന്നു ഭരണകൂടം നേരത്തേ റിപ്പോര്ട്ട്് ചെയ്തിരുന്നത്. എന്നാല്, അദ്ദേഹത്തിന്റെ അസാന്നിധ്യത്തെക്കുറിച്ച് ഇതുവരെ റിപ്പോര്ട്ടുകള് പുറത്തുവന്നിട്ടില്ല. ഗള്ഫ് സഖ്യകക്ഷികളുമായി പങ്കുവെച്ചതും ‘ദി ടൈംസ്’ കണ്ടതുമായ പുതിയ നയതന്ത്ര മെമ്മോ സൂചിപ്പിക്കുന്നത് അദ്ദേഹം മുമ്പ് കരുതിയതിനേക്കാള് വളരെ അപകടകരമായ…
Read More » -
ഉരുൾപൊട്ടൽ സാധ്യതാ മേഖലയിലൂടെയാണ് വയനാട് തുരങ്കപാതയെന്ന് ഹർജിക്കാർ; അക്കാര്യം ശാസ്ത്രജ്ഞരും എൻജിനിയർമാരും നോക്കിക്കൊള്ളുമെന്ന് സുപ്രീംകോടതി
ന്യൂഡൽഹി: നാനൂറുപേർ ഉരുൾപൊട്ടലിൽ മരിച്ച പരിസ്ഥിതിലോല മേഖലയിലാണ് വയനാട് തുരങ്കപാതയെന്ന് ഹർജിക്കാർ സുപ്രീംകോടതിയിൽ. അക്കാര്യങ്ങൾ ശാസ്ത്രജ്ഞരും എൻജിനിയർമാരും നോക്കിക്കൊള്ളുമെന്ന് സുപ്രീംകോടതി. വയനാട് തുരങ്കപാതയുടെ പാരിസ്ഥിതികാനുമതി ചോദ്യംചെയ്ത ഹർജിക്കാരുടെ വാദങ്ങളെല്ലാം ചീഫ് ജസ്റ്റിസ് സൂര്യകാന്ത് ഖണ്ഡിക്കുന്നതാണ് സുപ്രീംകോടതിയിൽ കണ്ടത്. പദ്ധതിയുടെ പാരിസ്ഥിതികാനുമതി ശരിവെച്ച ഹൈക്കോടതിവിധിക്കെതിരേ വയനാട് പ്രകൃതിസംരക്ഷണ സമിതിയാണ് സുപ്രീംകോടതിയെ സമീപിച്ചത്. പാരിസ്ഥിതികാഘാത വിലയിരുത്തൽ വിജ്ഞാപനത്തിലെ ബി വിഭാഗത്തിനുപകരം എ വിഭാഗത്തിൽ ഉൾപ്പെടുത്തേണ്ട പദ്ധതിയാണിതെന്ന് ഹർജിക്കാർക്കുവേണ്ടി മുതിർന്ന അഭിഭാഷകൻ ശ്യാം ദിവാൻ വാദിച്ചു. ഏറെ സസ്യജാലങ്ങളും വന്യജീവികളുമുള്ള മേഖലയാണിത്. പദ്ധതിയുടെ വിലയിരുത്തൽ കേന്ദ്രത്തിനുപകരം സംസ്ഥാനതലത്തിൽ നടത്തിയതുതന്നെ വലിയ നിയമലംഘനമാണെന്നും അദ്ദേഹം ചൂണ്ടിക്കാട്ടി. എന്നാൽ, പദ്ധതിയെ എ വിഭാഗമായാണ് കേന്ദ്ര പരിസ്ഥിതി വിലയിരുത്തൽ സമിതി പരിഗണിച്ചതെന്ന് ഹൈക്കോടതി നിരീക്ഷിച്ചിട്ടുണ്ടെന്ന് സുപ്രീംകോടതി പറഞ്ഞു. വന്യജീവികളെ സംരക്ഷിക്കാൻ തുരങ്കപാതയാണ് നല്ലത് -ചീഫ് ജസ്റ്റിസ് പറഞ്ഞു. ഹൈക്കോടതിയുടെ കണ്ടെത്തൽ വസ്തുതാപരമായി തെറ്റാണെന്ന് ശ്യാം ദിവാൻ വാദിച്ചു. പദ്ധതിയെ എ വിഭാഗമായി പരിഗണിച്ചിട്ടേയില്ല. സാങ്കേതിക നടപടികളെങ്കിലും പാലിക്കണമായിരുന്നെന്നും അതുണ്ടായില്ലെന്നും അദ്ദേഹം…
Read More » -
‘അയ്യപ്പൻ നൈഷ്ഠിക ബ്രഹ്മചാരി; യുവതികൾക്ക് പ്രവേശനം നൽകാൻ പാടില്ല; നൂറ്റാണ്ടുകളായി പിന്തുടർന്നു പോരുന്ന ആചാരത്തിൽ കോടതി ഇടപെടരുത്‘- കേന്ദ്രസർക്കാർ സുപ്രീം കോടതിയിൽ
ന്യൂഡൽഹി: ശബരിമലയിൽ യുവതി പ്രവേശനം അനുവദിച്ച കോടതി വിധിയെ ശക്തമായി എതിർത്ത് കേന്ദ്ര സർക്കാർ സുപ്രീം കോടതിയിൽ . കേന്ദ്രത്തിനുവേണ്ടി സോളിസിറ്റർ ജനറൽ തുഷാർ മേത്ത എഴുതി നൽകിയ വാദം പുറത്തുവന്നു. അയ്യപ്പൻ നൈഷ്ഠിക ബ്രഹ്മചാരിയാണെന്നും, അതിന്റെ അടിസ്ഥാനത്തിലാണ് ശബരിമലയിൽ പ്രായപരിധിയുള്ള സ്ത്രീകൾക്ക് പ്രവേശന വിലക്ക് നിലനിൽക്കുന്നതെന്നും കേന്ദ്രം ചൂണ്ടിക്കാട്ടി. നൂറ്റാണ്ടുകളായി തുടരുന്ന ആചാരമാണിതെന്നും, ലക്ഷക്കണക്കിന് ഭക്തർ ഇത് അനുസരിച്ചുവരുന്നതുമാണെന്ന് വാദത്തിൽ പറയുന്നു. കുറച്ച് പേരുടെ ആവശ്യത്തിനായി ഈ പാരമ്പര്യത്തിൽ കോടതി ഇടപെടേണ്ടതില്ലെന്നും കേന്ദ്രം കോടതിയെ അറിയിച്ചു. യുവതി പ്രവേശനം അനുവദിച്ചാൽ ശബരിമലയുടെ ആരാധനാ സ്വഭാവത്തിൽ മാറ്റം സംഭവിക്കാമെന്നും കേന്ദ്രം ആശങ്ക പ്രകടിപ്പിച്ചു. ആരാധനാമൂർത്തിയുടെ സ്വത്വവും വിശ്വാസപരമായ പ്രത്യേകതകളും പരിശോധിക്കാൻ കോടതികൾക്ക് അധികാരമില്ലെന്നും വാദത്തിൽ വ്യക്തമാക്കുന്നു. കൂടാതെ, വിദേശ രാജ്യങ്ങളിലെ നിയമപരമായ സമീപനങ്ങൾ അതേപടി ഇന്ത്യയിൽ പ്രയോഗിക്കുന്നത് ശരിയായ രീതിയല്ലെന്നും കേന്ദ്രം അഭിപ്രായപ്പെട്ടു. ശബരിമലയിൽ യുവതി പ്രവേശനം ആവശ്യപ്പെട്ട് കോടതിയെ സമീപിച്ച സംഘടന പഞ്ചാബിൽ രജിസ്റ്റർ ചെയ്തതാണെന്നും, അവർക്കു ശബരിമലയുടെ ആചാരങ്ങളെക്കുറിച്ച്…
Read More » -
ട്രംപിന്റെ നിര്ദേശം അതുപോലെ! വെനസ്വേലന് എണ്ണ വാങ്ങി റിലയന്സ്; ‘ഹീലിയോസ്’ സൂപ്പര് ടാങ്കര് കപ്പലില് ക്രൂഡ് ഓയില് കയറ്റിത്തുടങ്ങി; ഷിപ്പിംഗ് വിവരങ്ങള് പുറത്ത്; പണമിടപാടുകള് അമേരിക്കയുടെ നിയന്ത്രണത്തില് മാത്രം!
ന്യൂഡല്ഹി: ഇന്ത്യയിലെ പ്രമുഖ റിഫൈനറായ റിലയന്സ് ഇന്ഡസ്ട്രീസ് വെനിസ്വേലന് ഉടമസ്ഥതയിലുള്ള ഊര്ജ കമ്പനിയായ പി.ഡി.വി.എസ്.എയില് (PDVSA) നിന്ന് നേരിട്ട് വാങ്ങിയ 20 ലക്ഷം ബാരല് അസംസ്കൃത എണ്ണ കപ്പലില് കയറ്റാന് തുടങ്ങിയതായി കമ്പനി രേഖകള്. ഇതു സംബന്ധിച്ച ഷിപ്പിംഗ് വിവരങ്ങളും റോയിട്ടേഴ്സ് പുറത്തുവിട്ടു. ജനുവരിയില് പ്രസിഡന്റ് നിക്കോളാസ് മഡുറോയെ യുഎസ് പിടികൂടിയതിനെത്തുടര്ന്ന് വാഷിംഗ്ടണുമായി വെനസ്വേല ഒപ്പിട്ട സുപ്രധാന എണ്ണ വിതരണ കരാറിന് ശേഷം, ചുരുക്കം ചില കമ്പനികള്ക്ക് മാത്രമേ പി.ഡി.വി.എസ്.എയില് നിന്ന് നേരിട്ട് എണ്ണ വാങ്ങാന് കഴിഞ്ഞിട്ടുള്ളൂ. വ്യാപാരത്തിനായി ഇതുവരെ അനുവദിച്ച യുഎസ് ലൈസന്സുകള് പ്രകാരം, എണ്ണ വില്പനയിലൂടെ ലഭിക്കുന്ന തുക ട്രഷറി വകുപ്പിന്റെ മേല്നോട്ടത്തിലുള്ള ബാങ്ക് അക്കൗണ്ടുകള് വഴി അമേരിക്കയുടെ നിയന്ത്രണത്തിലായിരിക്കും, കൂടാതെ വാണിജ്യ നിബന്ധനകള് യുഎസ് മാര്ഗനിര്ദ്ദേശങ്ങള് പാലിക്കണമെന്നും വ്യവസ്ഥയുണ്ട്. തിങ്കളാഴ്ച, റിലയന്സിന്റെ യൂണിറ്റായ ആര്.ഐ.എല് യുഎസ്എ (RIL USA) ചാര്ട്ടര് ചെയ്ത ബഹാമാസ് പതാകയുള്ള ‘ഹീലിയോസ്’ എന്ന സൂപ്പര് ടാങ്കര് വെനിസ്വേലയുടെ കിഴക്കന് തീരത്തുള്ള പി.ഡി.വി.എസ്.എയുടെ ജോസ്…
Read More » -
ആണവ പദ്ധതികള് നശിപ്പിക്കാതെയുള്ള പിന്മാറ്റം ഇസ്രയേലിന് ജീവന്മരണ പ്രശ്നം; ഇറാനിലെ ഭരണകൂട അട്ടിമറിയേക്കാള് പ്രധാനം; യുറേനിയം പിടിച്ചെടുക്കാന് വേണ്ടത് ആഴ്ചകള് നീളുന്ന കമാന്ഡോ റെയ്ഡ്; അഗ്നിപരീക്ഷയായി അഞ്ചു ഘട്ടങ്ങള്; അമേരിക്ക വെടിനിര്ത്തല് കരാര് നടപ്പാക്കിയാല് ഒറ്റയ്ക്ക് ഇറങ്ങുമോ?
ടെല്-അവീവ്: സമാധാന കരാറിന് അംഗീകാരം നല്കുകയെന്ന ലക്ഷ്യത്തില് യുഎസ് പ്രസിഡന്റ് ഡോണള്ഡ് ട്രംപ് സമയപരിധികള് നല്കാന് തുടങ്ങിയതോടെ ലക്ഷ്യത്തിലേക്കുള്ള ഇസ്രയേല് നീക്കങ്ങള്ക്കും സമയം കുറയുന്നു. ഇറാന്റെ ആണവ പദ്ധതികള് നശിപ്പിക്കുകയെന്നതാണ് ഇസ്രയേലിന്റെ ആത്യന്തിക ലക്ഷ്യം. ശത്രുനിരയ്ക്ക് പിന്നില് ഭൂമിക്കടിയില് നൂറുകണക്കിന് അടി ആഴത്തിലുള്ള ഇറാന്റെ ആണവ കേന്ദ്രങ്ങളില് കമാന്ഡോ റെയ്ഡ് നടത്തി, ആയുധ നിര്മാണത്തിന് അടുത്ത നിലവാരമുള്ള യൂറേനിയം പുറത്തെടുത്ത് നശിപ്പിക്കുക എന്ന ദൗത്യത്തിലാണ് ഇതിന്റെ വിജയം നിലകൊള്ളുന്നത്. അമേരിക്കന് സമയം ചൊവ്വാഴ്ച രാത്രി എട്ടിനുള്ളില് ട്രംപിന്റെ സമാധാന നിര്ദേശം ഇറാന് അംഗീകരിച്ചില്ലെങ്കില്, രാജ്യത്ത് ‘നരകാഗ്നി’ വര്ഷിക്കുമെന്നും എല്ലാ പാലങ്ങളും പവര് പ്ലാന്റുകളും തകര്ക്കുമെന്നും ഞായറാഴ്ച അദ്ദേഹം മുന്നറിയിപ്പ് നല്കി. ഇത്തരം നാശനഷ്ടങ്ങള് അമേരിക്കയ്ക്കോ ഇസ്രായേലിനോ യുദ്ധലക്ഷ്യങ്ങള് കൈവരിക്കാന് സഹായിക്കില്ലെങ്കിലും, വിജയം അവകാശപ്പെട്ട് യുദ്ധത്തില് നിന്ന് പിന്മാറാന് വഴിയൊരുക്കിയേക്കാം. ഇസ്രായേലില് ഒരു വലിയ യുദ്ധസാഹചര്യം നിലനില്ക്കുന്നുണ്ടെങ്കിലും, ഊര്ജ നിലയങ്ങള് പോലുള്ള നിര്ണായക അടിസ്ഥാന സൗകര്യങ്ങള്ക്ക് നേരെ മാരകമായ ആക്രമണങ്ങള് വേണോ അതോ…
Read More » -
‘ഇന്ത്യക്കു വിലകൂടിയ എണ്ണയും ദുര്ബലമായ രൂപയും ഉയരുന്ന പലിശ നിരക്കുമായി പൊരുതേണ്ടിവരും’; ഇറാനുമായി കരാറുണ്ടാക്കി ഹോര്മൂസിന്റെ നിയന്ത്രണം ചൈന ഏറ്റെടുത്തേക്കുമെന്ന മുന്നറിയിപ്പുമായി നിക്ഷേപക സ്ഥാപനങ്ങള്; ഗള്ഫ് മേഖലയില് ഉടനീളം സാന്നിധ്യം
ന്യൂഡല്ഹി: ലോകത്തെ ഏറ്റവും പ്രധാനപ്പെട്ട എണ്ണ വിതരണ മേഖലയ്ക്കു മേല് ചൈന അധികാരം പിടിച്ചേക്കുമെന്ന മുന്നറിയിപ്പ്. അമേരിക്ക-ഇറാന് സംഘര്ഷങ്ങള് ഹോര്മുസ് കടലിടുക്കിനെ നീണ്ടുനില്ക്കുന്ന ഒരു ഭൗമരാഷ്ട്രീയ പോരാട്ടത്തിലേക്ക് തള്ളിവിടുന്നത് ചൈനയുടെ ആധിപത്യത്തിലേക്കാകും നയിക്കുകയെന്ന് ധനകാര്യ വിദഗ്ധര് ചൂണ്ടിക്കാട്ടുന്നു. ടെഹ്റാനെതിരായ നേരിട്ടുള്ള ഭീഷണിയിലൂടെ ഡൊണാള്ഡ് ട്രംപാണ് പ്രതിസന്ധി രൂക്ഷമാക്കിയത്. ‘ഇറാനില് ചൊവ്വാഴ്ച പവര് പ്ലാന്റ് ദിനവും (വൈദ്യുത നിലയ ദിനം), ബ്രിഡ്ജ് ദിനവും (പാലങ്ങളുടെ ദിനം) ഒന്നിച്ചുണ്ടാകും. അതുപോലെ മറ്റൊന്നും സംഭവിക്കാനുണ്ടാകില്ല! ഭ്രാന്തന്മാരേ, ആ ഹോര്മുസ് കടലിടുക്ക് തുറക്കൂ, അല്ലെങ്കില് നിങ്ങള് നരകത്തില് ജീവിക്കേണ്ടി വരും – കണ്ടുതന്നെ അറിയൂ! അല്ലാഹുവിന് സ്തുതി’- എന്നായിരുന്നു ട്രൂത്ത് സോഷ്യലില് കുറിച്ചത്. ഇറാന് ഇതിനോട് രൂക്ഷമായ ഭാഷയിലാണ് പ്രതികരിച്ചത്. ‘നിങ്ങളുടെ വിവേകശൂന്യമായ നീക്കങ്ങള് ഓരോ അമേരിക്കന് കുടുംബത്തെയും ജീവിക്കുന്ന നരകത്തിലേക്ക് വലിച്ചിഴയ്ക്കുകയാണ്’ എന്നു പാര്ലമെന്റ് സ്പീക്കര് മുഹമ്മദ് ബാഗര് ഗാലിബാഫ് പറഞ്ഞു. ട്രംപ് ഇസ്രായേലിന്റെ സ്വാധീനത്തിലാണ് പ്രവര്ത്തിക്കുന്നതെന്നും അദ്ദേഹം കുറ്റപ്പെടുത്തി. എന്നാല് ഈ താല്ക്കാലിക പോരാട്ടങ്ങള്ക്കപ്പുറം,…
Read More »