India
-
ഗ്രീന്ലാന്ഡിനെ അടര്ത്തി എടുക്കാന് അമേരിക്കയുടെ ‘കോഴ’ നീക്കവും! ജനങ്ങള്ക്ക് ഒരുലക്ഷം ഡോളര്വരെ നല്കാന് ചര്ച്ച നടത്തിയെന്നു ഞെട്ടിക്കുന്ന റിപ്പോര്ട്ട്; മഡൂറോയെ പിടികൂടിയ ശേഷം നീക്കം ശരവേഗത്തില്; കോംപാക്ട് ഓഫ് ഫ്രീ അസോസിയേഷന് കരാറും പരിഗണനയില്; ധാതുസമ്പത്തില് കണ്ണ്
ന്യൂയോര്ക്ക്: ഡെന്മാര്ക്കില്നിന്ന് ഗ്രീന്ലാന്ഡിനെ അടര്ത്തിയെടുക്കാന് അമേരിക്ക ഗ്രീന്ലാന്ഡ് നിവാസികള്ക്കു വന്തോതില് പണം നല്കാന് തീരുമാനിച്ചിരുന്നെന്നും ഇക്കാര്യം ചര്ച്ച ചെയ്തെന്നുമുള്ള ഞെട്ടിക്കുന്ന റിപ്പോര്ട്ടുമായി റോയിട്ടേഴ്സ്. നാലു സോഴ്സുകളെ ഉദ്ധരിച്ചാണ് റോയിട്ടേഴ്സ് റിപ്പോര്ട്ട് തയാറാക്കിയത്. ഈ പണമിടപാടിന്റെ കൃത്യമായ തുകയെക്കുറിച്ചോ അതിന്റെ മറ്റ് നടപടിക്രമങ്ങളെക്കുറിച്ചോ വ്യക്തതയില്ലെങ്കിലും, ഒരാള്ക്ക് 10,000 ഡോളര് മുതല് 1,00,000 ഡോളര് വരെ നല്കുന്നതിനെക്കുറിച്ച് വൈറ്റ് ഹൗസ് സഹായികള് ഉള്പ്പെടെയുള്ള ഉദ്യോഗസ്ഥര് ചര്ച്ച ചെയ്തിട്ടുണ്ടെന്ന് ആഭ്യന്തര ചര്ച്ചകള് വെളിപ്പെടുത്തിയ രണ്ടുപേര് പറഞ്ഞു. ഡെന്മാര്ക്കിന്റെ വിദേശ പ്രദേശമായ ഗ്രീന്ലാന്ഡ് വില്പ്പനയ്ക്കുള്ളതല്ലെന്ന് കോപ്പന്ഹേഗനിലെയും നൂക്കിലെയും അധികൃതര് ആവര്ത്തിച്ച് വ്യക്തമാക്കുന്നുണ്ടെങ്കിലും, 57,000 ആളുകള് താമസിക്കുന്ന ഈ ദ്വീപിനെ എങ്ങനെ ‘വാങ്ങാം’ എന്നതിനെക്കുറിച്ച് യുഎസ് ഉദ്യോഗസ്ഥര് നടത്തിയ ആലോചനകളിലൊന്നാണ് ഈ പണമിടപാട് പദ്ധതി. യുഎസ് സൈന്യത്തെ ഉപയോഗിക്കാനുള്ള സാധ്യത ഉള്പ്പെടെ ഗ്രീന്ലാന്ഡ് കൈക്കലാക്കാന് വൈറ്റ് ഹൗസ് ചര്ച്ച ചെയ്യുന്ന വിവിധ പദ്ധതികളില് ഒന്നാണിത്. എന്നാല്, സ്വന്തം സ്വാതന്ത്ര്യത്തെക്കുറിച്ചും ഡെന്മാര്ക്കിനോടുള്ള സാമ്പത്തിക ആശ്രിതത്വത്തെക്കുറിച്ചും ദീര്ഘകാലമായി ചര്ച്ച ചെയ്യുന്ന ഒരു…
Read More » -
തൊഴില് കിട്ടാന് പങ്കപ്പാട്; പറ്റിയ ആളെക്കിട്ടന് അതിലും പാട്! അപേക്ഷിക്കുന്നവരുടെ എണ്ണം ഇരട്ടി; കൊള്ളാവുന്നവര് ഇല്ലെന്ന് കമ്പനികളും; ടാലന്റ് വിലയിരുത്തുന്നത് എഐ; ലിങ്ക്ഡ് ഇന് സര്വേയില് ആശങ്കയുമായി യുവാക്കള്
ന്യൂഡല്ഹി: 2026ലെ തൊഴില് വിപണി ലക്ഷ്യമാക്കി വലിയ തോതില് ജോലിമാറ്റത്തിന് താല്പര്യപ്പെട്ട് നില്ക്കുകയാണ് ഇന്ത്യന് പ്രൊഫഷണലുകള്. എന്നാല് ഈ തീരുമാനത്തോടൊപ്പം തന്നെ ഒരു വലിയ ആശങ്കയും അവരെ പിന്തുടരുന്നുണ്ടെന്നാണ് റിപ്പോര്ട്ട്. ലിങ്ക്ഡ്ഇന് നടത്തിയ സര്വേ പ്രകാരം, ഇന്ത്യന് പ്രൊഫഷണലുകളുടെ ഭൂരിഭാഗവും പുതിയ ജോലി തേടാന് സ്വയം തയാറെടുപ്പ് നടത്തിയിട്ടില്ലെന്ന് കരുതുന്നു. സര്വേയില് പങ്കെടുത്തവരില് 84 ശതമാനം പേരും ജോബ് സെര്ച്ചിന് തങ്ങള് പൂര്ണമായി തയ്യാറായിട്ടില്ലെന്ന അഭിപ്രായമാണ് പങ്കുവെച്ചത്. തൊഴില് രംഗത്തെ വേഗത്തിലുള്ള മാറ്റങ്ങള്, ആവശ്യമായ പുതിയ വൈദഗ്ധ്യത്തിന്റെ പോരായ്മ, റിക്രൂട്ട്മെന്റില് എഐയുടെ വ്യാപകമായ ഉപയോഗം എന്നിവയാണ് ഈ ആശങ്കക്ക് പ്രധാന കാരണം. തൊഴില് വിപണിയില് മത്സരം മുന്പെന്നത്തേക്കാള് കഠിനമായിട്ടുണ്ട്. 2022ന്റെ തുടക്കവുമായി താരതമ്യം ചെയ്യുമ്പോള് ഓരോ ജോലിയൊഴിവിലേക്കും അപേക്ഷിക്കുന്നവരുടെ എണ്ണം ഇരട്ടിയിലധികമായി. ഇത് തൊഴില് തേടുന്നവരുടെ സമ്മര്ദം വര്ധിപ്പിക്കുന്നു. തൊഴില് ദാതാക്കളും സമാനമായ പ്രശ്നത്തില്. ഇന്ത്യയിലെ 74 ശതമാനം തൊഴില്ദാതാക്കളും യോഗ്യതയുള്ള ഉദ്യോഗാര്ഥികളെ കണ്ടെത്തുന്നത് കഴിഞ്ഞ വര്ഷത്തേക്കാള് കൂടുതല് ബുദ്ധിമുട്ടായതായി വ്യക്തമാക്കുന്നു.…
Read More » -
സ്വര്ണക്കടത്തു മുതല് ലൈഫ് മിഷനും കരുവന്നൂരുംവരെ; കൈവച്ചിടത്തെല്ലാം നിഗൂഢത; പണി തെറിച്ച ഇഡി ഡെപ്യൂട്ടി ഡയറക്ടര് രാധാകൃഷ്ണന് ഉപജാപങ്ങളുടെ രാജകുമാരന്? ‘എല്ലാം മുഖ്യമന്ത്രിക്ക് അറിയാമായിരുന്നു’ എന്ന മൊഴിക്കായി കിണഞ്ഞു ശ്രമിച്ചു; കാറ്റാടിപ്പാടത്തിന്റെ കഥ നിരത്തിയ മാധ്യമ പ്രവര്ത്തകനും കുടുങ്ങി; പുറത്താകല് കാലത്തിന്റെ കാവ്യനീതി
തിരുവനന്തപുരം: സ്വപ്ന സുരേഷ് ഉള്പ്പെട്ട ഡിപ്ലോമാറ്റിക് ചാനലിലൂടെയുള്ള സ്വര്ണക്കടത്തടക്കം അന്വേഷിച്ച എന്ഫോഴ്സ്മെന്റ് ഡെപ്യൂട്ടി ഡയറക്ടര് പി. രാധാകൃഷ്ണനെ കേന്ദ്രസര്ക്കാര് പുറത്താക്കിയതിലൂടെ വെളിവായത് മാധ്യമങ്ങളെ കൂട്ടുപിടിച്ച് നടത്തിയ കെട്ടുകഥകളുടെ നിജസ്ഥിതി. കേരളത്തെ ഇളക്കിമറിച്ച സ്വര്ണക്കടത്തു കേസിന്റെ തിരക്കഥ മുഴുവന് രചിച്ചതു ഇയാളുടെ നേതൃത്വത്തിലായിരുന്നെന്നു വ്യക്തമായി. പിന്നീട് അന്വേഷണ റിപ്പോര്ട്ട് സമര്പ്പിച്ചപ്പോഴും കോടതിയില്നിന്നു രൂക്ഷ വിമര്ശനം നേരിട്ടതും ഇഡിയും കസ്റ്റംസും സമര്പ്പിച്ച റിപ്പോര്ട്ടുകളില് പുലബന്ധം പോലുമില്ലായിരുന്നു. അതിലൊന്നായിരുന്നു വടക്കാഞ്ചേരി ലൈഫ് മിഷന് കേസ്. ഇതില്നിന്നു ലഭിച്ച പണമാണ് ശിവശങ്കറിന്റെ ലോക്കറിലുണ്ടായിരുന്നതെന്ന് ഇഡി ഒരിടത്തു പറഞ്ഞപ്പോള് മറ്റൊരിടത്ത് സ്വര്ണക്കടത്തിലൂടെ ലഭിച്ചതായിരുന്നു എന്നായിരുന്നു. ഏറ്റവുമൊടുവില് കൈക്കൂലി കേസിലാണ് രാധാകൃഷ്ണനു പുറത്തേക്കു വഴിയൊരുങ്ങിയത്. നിര്ബന്ധിത വിരമിക്കല് എന്ന നിര്ദേശമാണ് കേന്ദ്രം മുന്നോട്ടുവച്ചത്. കേന്ദ്ര ധനകാര്യ മന്ത്രാലയമാണ് ഇതുസംബന്ധിച്ച ഉത്തരവ് പുറത്തിറക്കിയത്. അതിന്റെ അടിസ്ഥാനത്തിലാണ് സെക്ഷന് 56 ജെ പ്രകാരമുള്ള നടപടി എടുത്തിരിക്കുന്നത്. എം. ശിവശങ്കരന്റെ അറസ്റ്റിനടക്കം നേതൃത്വം കൊടുത്തതും പി. രാധാകൃഷ്ണനാണ്. കേസിന്റെ പിന്നീടുള്ള ഘട്ടങ്ങളില് ഒത്തുതീര്പ്പിനുള്ള ശ്രമങ്ങള്…
Read More » -
കോലിയെക്കാളും മെലിഞ്ഞു; ഇതെന്തു ഭാവിച്ചാ? നെറ്റ്സില് പ്രാക്ടീസ് ചെയ്യുന്ന രോഹിത്തിന്റെ വീഡിയോ വൈറല്; ഫിറ്റായി ഹിറ്റ്മാന് എന്ന് ആരാധകര്
ബംഗളുരു: 2027 ഏകദിന ലോകകപ്പ് ലക്ഷ്യമിട്ട് വമ്പന് ട്രാന്സ്ഫര്മേഷനാണ് രോഹിത് ശര്മ വരുത്തിയിരിക്കുന്നത്. ഫോമിലും ഫിറ്റ്നസിലും അത് പ്രകടവുമാണ്. ന്യൂസീലന്ഡിനെതിരായ ഏകദിന പരമ്പരയ്ക്ക് മുന്നോടിയായി പരിശീലനം നടത്തുന്ന രോഹിത് ശര്മയുടെ ചിത്രങ്ങള് കണ്ട് അമ്പരന്നിരിക്കുകയാണ് സമൂഹമാധ്യമങ്ങളും ആരാധകരും. നെറ്റ്സില് പരിശീലനം നടത്തുന്നതിന്റെ ചിത്രങ്ങള് രോഹിത് തന്നെയാണ് സമൂഹമാധ്യമങ്ങളില് പങ്കുവച്ചതും. ഞായറാഴ്ചയാണ് ന്യൂസീലന്ഡിനെതിരായ ഏകദിന പരമ്പരയ്ക്ക് തുടക്കമാകുക. ദക്ഷിണാഫ്രിക്കയ്ക്കെതിരായ ഏകദിന പരമ്പരയ്ക്ക് മുന്നോടിയായി രോഹിത് ശര്മ ശരീരഭാരം കുറച്ചിരുന്നു. ഇപ്പോഴിതാ അതാവര്ത്തിച്ചിരിക്കുകയാണെന്ന് വിഡിയോ ദൃശ്യങ്ങള് പറയുന്നു. കോലിയെക്കാളും മെലിഞ്ഞ് ഫിറ്റായി ഹിറ്റ്മാന് എന്നാണ് ആരാധകര് കമന്റ് ചെയ്തിരിക്കുന്നത്. കഴിഞ്ഞ വര്ഷം ഏകദിനത്തില് നിരവധി നേട്ടങ്ങളും രോഹിത് സ്വന്തമാക്കിയിരുന്നു. ഐസിസി ചാംപ്യന്സ് ട്രോഫിയില് ഫൈനലില് നേടിയ 76 റണ്സ് പ്രകടനവും നിര്ണായകമായി. Rohit Sharma in the nets. pic.twitter.com/OsFnlwkg40 — Mufaddal Vohra (@mufaddal_vohra) January 6, 2026 കരിയറില് ആദ്യമായി ഐസിസിയുടെ ഏകദിന റാങ്കിങിലും താരം ഒന്നാമതെത്തി. ഇന്ത്യയ്ക്കായി…
Read More » -
‘ഇന്ത അടി പോതുമാ’; വൈഭവിന്റെ വെടിക്കെട്ടിനെ പുകഴ്ത്തി മുന്താരം
അണ്ടര് 19 ഏകദിന പരമ്പരയിലെ അവസാന മത്സരത്തില് ദക്ഷിണാഫ്രിക്കയ്ക്കെതിരെ വെടിക്കെട്ട് സെഞ്ചറി നേടിയ വൈഭവ് സൂര്യവംശിയെ പുകഴ്ത്തി മുന് ഇന്ത്യന് താരം ആര് അശ്വിന്. ‘ എന്ന തമ്പീ, ഇന്ത അടി പോതുമാ…ഇനി കൊഞ്ച വേണമാ’. അശ്വിന് എക്സില് കുറിച്ചു. പരമ്പരയിലെ അവസാന മത്സരത്തില് വൈഭവ് 74 പന്തില് 127 റൺസടിച്ചിരുന്നു. വൈഭവിന്റെ ബാറ്റിങ് കരുത്തിലാണ് മൂന്ന് മത്സര പരമ്പര ഇന്ത്യ 3-0ന് തൂത്തുവാരിയത്. അവസാന മത്സരത്തില് 233 റണ്സിനായിരുന്നു ഇന്ത്യയുടെ ജയം.68.67 ശരാശരിയിലും 187.27 സ്ട്രൈക്ക് റേറ്റിലും 206 റണ്സടിച്ച വൈഭവ് തന്നെയായിരുന്നു പരമ്പരയിലെ ടോപ് സ്കോറര്. പതിനാലുകാരനായ വൈഭവ് പുലര്ത്തുന്ന അസാമാന്യമായ സ്ഥിരതയെയാണ് അശ്വിന് എക്സ് പോസ്റ്റില് പ്രകീര്ത്തിച്ചത്. ‘171(95), 50(26), 190(84), 68(24), 108*(61), 46(25) & 127(74), കഴിഞ്ഞ 30 ദിവസത്തിനിടെ ആഭ്യന്തര ക്രിക്കറ്റിലും അണ്ടര് 19 ക്രിക്കറ്റിലുമായി വൈഭവ് സൂര്യവംശി ന ടത്തിയ പ്രകടനങ്ങളാണിത്. പതിനാലുകാരനായ അവന് ഈ പ്രായത്തില് പുറത്തെടുക്കുന്ന പ്രകടനത്തെക്കുറിച്ച് പറയാന് എനിക്ക്…
Read More » -
അതിരപ്പിള്ളിയുടെ സംരക്ഷകനായ ഗാഡ്ഗിൽ : ആ കാവൽ തുടരും മരണാനന്തരവും: പശ്ചിമഘട്ടത്തിന്റെ ജാതകം കുറിച്ച പരിസ്ഥിതി സ്നേഹി
മാധവ് ഗാഡ്ഗിൽ ഓർമ്മയാകുമ്പോൾ അതിരപ്പിള്ളിയുടെ പ്രിയ തോഴനാണ് വിട പറയുന്നത്.അതിരപ്പിള്ളിയുടെ സംരക്ഷണം തന്നെയായിരുന്നു ജീവിച്ചിരുന്ന കാലത്ത് ഗാഡ്ഗിൽ. മരണം അദ്ദേഹത്തെ കവർന്നെടുത്തു കൊണ്ടുപോയാലും ആ കാവൽ തുടരും. അതിരപ്പിള്ളിയുമായി ബന്ധപ്പെട്ട ഏതു കാര്യത്തിലും ഒരു ശിലാ ലിഖിതം പോലെ . ഗാഡ്ഗിൽ കമ്മിറ്റി റിപ്പോർട്ട് എന്നും ഒരു സംരക്ഷിത കവചമായി ഉണ്ടാകും എന്നതുകൊണ്ട് തന്നെ ആ കാവൽ തുടരും എന്ന് പറയാം. കേരളം ഏറെ ചർച്ച ചെയ്തതും ചെയ്തുകൊണ്ടിരിക്കുന്നതുമായ അതിരപ്പിള്ളി ജലവൈദ്യുത പദ്ധതി ഒരിക്കലും നടപ്പാക്കരുത് എന്ന് നിർദ്ദേശിച്ച ഗാഡ്ഗിൽ കമ്മിറ്റി റിപ്പോർട്ട് കേരളത്തിന്റെ പരിസ്ഥിതി സംരക്ഷണ മേഖലയുമായി ബന്ധപ്പെട്ട നിർണായക രേഖയാണ്. അക്കമിട്ടു നിരത്തിയ കാരണങ്ങൾ ചൂണ്ടിക്കാട്ടി മാധവ് ഗാഡ്ഗിൽ അതിരപ്പിള്ളി ജലവൈദ്യുത പദ്ധതിയെ എതിർത്തു.ഗാഡ്ഗിൽ കമ്മിറ്റി റിപ്പോർട്ട് പശ്ചിമഘട്ടത്തിന്റെ സംരക്ഷണത്തിനായി രൂപീകരിച്ചതാണ്, ഇത് അതിരപ്പിള്ളി ഉൾപ്പെടെയുള്ള പ്രദേശങ്ങളെ പാരിസ്ഥിതിക ലോല മേഖലകളായി പ്രഖ്യാപിക്കാനും കനത്ത നിയന്ത്രണങ്ങൾ ഏർപ്പെടുത്താനും നിർദ്ദേശിച്ചു; ഇതിൽ ജലസേചനം, ഖനനം, മണൽവാരൽ, വ്യവസായങ്ങൾ…
Read More » -
പ്രമുഖ പരിസ്ഥിതി ശാസ്ത്രജ്ഞന് മാധവ് ഗാഡ്ഗില് അന്തരിച്ചു; പശ്ചിമഘട്ടത്തെ സജീവ ചര്ച്ചയിലേക്ക് കൊണ്ടുവന്നയാള്
പ്രമുഖ പരിസ്ഥിതി ശാസ്ത്രജ്ഞൻ മാധവ് ഗാഡ്ഗിൽ അന്തരിച്ചു. 83 വയസായിരുന്നു. പുനൈയിലെ ആശുപത്രിയില് ചികില്സയിലിരിക്കെയായിരുന്നു അന്ത്യം. സംസ്കാരം ഇന്ന് വൈകിട്ട് നാലിന്. രാജ്യം പത്മശ്രീ നല്കി ആദരിച്ചിരുന്നു. പശ്ചിമഘട്ട സംരക്ഷണത്തിനായുള്ള പോരാട്ടത്തിലൂടെ ശ്രദ്ധിക്കപ്പെട്ട വ്യക്തിത്വമായിരുന്നു മാധവ് ഗാഡ്ഗില്. ജൈവവൈവിധ്യ പഠനങ്ങള്ക്ക് നേതൃത്വം നല്കി. പശ്ചിമഘട്ടത്തിലെ 129,037 ചതുരശ്ര കി.മീ വിസ്തൃതിയുടെ മുക്കാൽ ഭാഗവും പരിസ്ഥിതി ലോലമായി പ്രഖ്യാപിക്കണമെന്ന ഗാഡ്ഗിൽ കമ്മിറ്റി റിപ്പോർട്ട് കേരളമടക്കമുള്ള സംസ്ഥാനങ്ങളിൽ ഏറെ വിവാദമായിരുന്നു. പശ്ചിമഘട്ടത്തിലെ പരിസ്ഥിതി ലോല പ്രദേശങ്ങളിൽ പാറഖനനം, അണക്കെട്ട് നിർമാണം തുടങ്ങിയവ നിയന്ത്രിക്കണമെന്ന് ഗാഡ്ഗിൽ കമ്മിറ്റി ശുപാർശ ചെയ്തിരുന്നു. പത്മശ്രീ (1981), പത്മഭൂഷൺ (2006) ബഹുമതികൾ ലഭിച്ചിട്ടുണ്ട്. ഗാഡ്ഗിൽ കമ്മിറ്റി റിപ്പോർട്ടിനു തുടക്കത്തിൽ കേരളത്തിൽ ഏറെ എതിർപ്പുകൾ നേരിട്ടെങ്കിലും 2018ലെ പ്രളയത്തിനും വയനാടിൽ അടക്കമുള്ള പ്രകൃതിദുരന്തങ്ങൾക്കും ശേഷം സ്വീകാര്യത ലഭിച്ചു. ബയോഡൈവേഴ്സിറ്റി ആക്ട് സമിതിയിൽ അംഗമായിരുന്നു
Read More » -
മറ്റത്തൂരും മഹാരാഷ്ട്രയും ഒക്കെ ഒരുപോലെ : ഭരണം കിട്ടാൻ അങ്ങോട്ടുമിങ്ങോട്ടും ചായും : നഗരസഭാ ഭരണം കിട്ടാൻ മഹാരാഷ്ട്രയിൽ അപൂർവ രാഷ്ട്രീയ കൂട്ടുകെട്ട്
മുംബൈ: ഭൂമിയിൽ ഏറ്റവും മത്തുപിടിപ്പിക്കുന്ന ലഹരി ഏതെങ്കിലും ഒരു മയക്കുമരുന്നിനല്ല അധികാരത്തിനാണ്. പവർ – അധികാരം, അതിനോളം ലഹരി പിടിപ്പിക്കുന്നത് ഒന്നും മനുഷ്യൻ കണ്ടെത്തിയിട്ടില്ല എന്നാണ് പറയാനുള്ളത്. ഇങ്ങ് മറ്റത്തൂരിലെയും അങ്ങ് മഹാരാഷ്ട്രയിലെയും രാഷ്ട്രീയ നാടകങ്ങൾ കാണുമ്പോൾ ആ പറഞ്ഞത് നൂറല്ല അല്ല 200 ശതമാനം ശരിയാണ് എന്ന് പറയേണ്ടിവരും. തദ്ദേശഭരണ തെരഞ്ഞെടുപ്പ് കഴിഞ്ഞപ്പോൾ കേരളം ഞെട്ടിയത് തൃശ്ശൂർ മറ്റത്തൂരിലെ പുതിയ രാഷ്ട്രീയ സമവാക്യങ്ങൾ കണ്ടാണ്. അധികാരത്തിനു വേണ്ടി ഏതു രാഷ്ട്രീയ പ്രതിയോഗിയുമായി കൂട്ടുകൂടാം എന്ന തത്വം മറ്റത്തൂരിൽ കണ്ടപ്പോൾ രാഷ്ട്രീയത്തിൽ സ്ഥിരം ശത്രുക്കൾ ഇല്ല എന്ന് പറഞ്ഞു പഴകിയ വാചകമാണ് ഓർമ്മവന്നത്. ഇപ്പോഴിതാ അങ്ങ് മഹാരാഷ്ട്രയിലും സഖ്യങ്ങൾക്ക് പുതിയ ഭാവവും രൂപവും വരുന്നു. ഭരിക്കാനുള്ള ഭൂരിപക്ഷം കിട്ടിയില്ലെങ്കിൽ ഉടൻ പുതിയ സഖ്യങ്ങൾ രൂപപ്പെടുന്ന കാഴ്ചയാണ് ഇന്ത്യയിൽ എങ്ങും ഇപ്പോൾ കാണുന്നത്. മറ്റത്തൂരിലെ പോലെ മഹാരാഷ്ട്രയിലും കാണുന്നത് ഇതേ കാഴ്ച. മഹാരാഷ്ട്രയില് അകോല ജില്ലയിലെ അകോട്ട് നഗരസഭയില് ബിജെപിയും…
Read More » -
ട്രംപ് പറഞ്ഞ അപ്പാച്ചെ അല്ല, അണിയറയില് ഒരുങ്ങുന്നത് പ്രചണ്ഡ്; മലനിരകളിലെ യുദ്ധത്തിന് മിടുമിടുക്കന്; സിയാച്ചിനില് പോലും ലാന്ഡിംഗ്; ധ്രുവാസ്ത്രും ഘടിപ്പിക്കും; കാര്ഗില് യുദ്ധം പാഠമായി
ന്യൂഡല്ഹി: അപ്പാച്ചെ ഹെലികോപ്റ്ററുകള്ക്ക് ഇന്ത്യ വമ്പന് ഓര്ഡര് നല്കിയെന്ന യുഎസ് പ്രസിഡന്റ് ഡോണള്ഡ് ട്രംപിന്റെ അവകാശവാദം പൊളിച്ചടുക്കി ഇന്ത്യ. ഇന്ത്യ 68 ഹെലിക്കോപ്റ്ററുകള്ക്ക് ഓര്ഡര് നല്കിയെന്നും ഒന്നുപോലും കിട്ടിയില്ലെന്നുമായിരുന്നു ട്രംപിന്റെ പരിഹാസം. എന്നാല്, ആറെണ്ണം മാത്രമാണ് ഓര്ഡര് ചെയ്തതെന്നും അപ്പാച്ചെയെക്കാള് ‘പ്രചണ്ഡ്’ ഹെലികോപ്റ്ററാണ് തദ്ദേശിയമായി നിര്മിക്കുന്നതെന്നും ഇന്ത്യ വ്യക്തമാക്കി. 2020-ല് ഇന്ത്യന് ആര്മിക്കായി 6 അപ്പാച്ചെ (എഎച്ച്64ഇ) ഹെലികോപ്റ്ററുകള് വാങ്ങാനാണ് ഇന്ത്യ കരാര് ഒപ്പിട്ടത്. ഏകദേശം 930 മില്യണ് ഡോളറിന്റെ (അനുബന്ധ ഉപകരണങ്ങള് ഉള്പ്പെടെ) ഈ കരാര് പ്രകാരം 2025 ഡിസംബറോടെ 6 ഹെലികോപ്റ്ററുകളും ഇന്ത്യയില് എത്തിക്കഴിഞ്ഞു. ഇവ ജോധ്പൂര് ബേസില് വിന്യസിച്ചിട്ടുമുണ്ട്. അതേസമയം ഇന്ത്യ തദ്ദേശീയമായി നിര്മ്മിക്കുന്ന 156 ‘പ്രചണ്ഡ്’ ലൈറ്റ് കോംബാറ്റ് ഹെലികോപ്റ്ററുകള് (എല്സിഎച്ച്) വാങ്ങാന് തീരുമാനിച്ചിരുന്നു. ഇതില് 66 എണ്ണം വ്യോമസേനയ്ക്കുള്ളതാണ്. മാറ്റുരയ്ക്കുമ്പോള് ലോകത്തിലെ ഏറ്റവും മികച്ച അറ്റാക്ക് ഹെലികോപ്റ്ററാണ് അപ്പാച്ചെയെങ്കില്, ലോകത്തിലെ ഏറ്റവും ഉയരത്തില് പറന്ന് യുദ്ധം ചെയ്യാന് കെല്പ്പുള്ള പോരാളിയാണ് ഇന്ത്യയുടെ പ്രചണ്ഡ്. ഇവ…
Read More » -
ഏതു ജോലിക്കും അപ്പുറം രാജ്യം ഒന്നാമത്; ബംഗ്ലാദേശ് പ്രീമിയര് ലീഗില്നിന്ന് ഇന്ത്യന് അവതാരക പുറത്തേക്ക്; കായിക രംഗത്തും കലാപത്തീ; സത്യസന്ധതയുള്ള കളിയുടെ ആത്മാവിനുവേണ്ടി നിലകൊള്ളുമെന്ന് റിധിമ
ധാക്ക: ബംഗ്ലാദേശ് പ്രീമിയർ ലീഗിൽ (ബിപിഎൽ) നിന്ന് പിന്മാറി ഇന്ത്യൻ കായിക അവതാരക റിധിമ പഥക്. പിന്മാറിയത് വ്യക്തിപരമായ തീരുമാനമാണെന്നും സംഘാടകർ തന്നെ പുറത്താക്കിയതല്ലെന്നും അവര് വ്യക്തമാക്കി. ബിപിഎല്ലില് നിന്നും റിധിമയെ പുറത്താക്കിയതായി ചില ബംഗ്ലാദേശി മാധ്യമങ്ങള് റിപ്പോര്ട്ട് ചെയ്തിരുന്നു. ഇതിനോടായിരുന്നു പ്രതികരണം. വ്യക്തിപരമായ മൂല്യങ്ങളും ദേശീയ വികാരങ്ങളുമാണ് തന്റെ തീരുമാനത്തിന് പിന്നിലെന്ന് അവർ പറഞ്ഞു. ‘എനിക്ക് രാജ്യമാണ് എന്നും ഒന്നാമത്. ഏതൊരു ജോലിക്കുമപ്പുറം, ക്രിക്കറ്റിനെ വിലമതിക്കുന്നു. സത്യസന്ധതയോടും ബഹുമാനത്തോടും അതിയേറെ ആവേശത്തോടെയും വർഷങ്ങളായി സ്പോർട്സിന്റെ ഭാഗമാകാൻ കഴിഞ്ഞിട്ടുണ്ട്. അത് മാറില്ല. സത്യസന്ധതയ്ക്കും കളിയുടെ ആത്മാവിനും വേണ്ടി ഞാൻ നിലകൊള്ളുന്നത് തുടരും,’ റിധിമ സാമൂഹിക മാധ്യമങ്ങളില് കുറിച്ചു. ബിസിസിഐയും ബംഗ്ലാദേശ് ക്രിക്കറ്റ് ബോർഡും തമ്മിലുള്ള തർക്കം രൂക്ഷമാകുന്നതിനിടയിലാണ് റിധിമയുടെ പിന്മാറ്റം. ബംഗ്ലാദേശിൽ ഇന്ത്യൻ വംശജരെ ആക്രമിക്കുകയും, ഇന്ത്യാ വിരുദ്ധ മുദ്രാവാക്യങ്ങളുമായി പ്രതിഷേധം നടത്തുകയും ചെയ്തതിന്റെ തുടർച്ചയായാണ് ഇരു രാജ്യങ്ങളും തമ്മിലെ സൗഹൃദങ്ങളിൽ വിള്ളൽ വീണത്. കൊൽക്കത്ത നൈറ്റ് റൈഡേഴ്സിന്റെ ഐപിഎൽ സ്ക്വാഡിൽ…
Read More »