India
-
അതിർത്തി കടന്നുള്ള ഭീകരതയോടുള്ള ഇന്ത്യയുടെ ക്ഷമ അവസാനിച്ചു, പാക്കിസ്ഥാനെ പോലുള്ള ഒരു തെമ്മാടി രാഷ്ട്രത്തിന്റെ കൈകളിൽ ആണവായുധങ്ങൾ സുരക്ഷിതമാണോ? ഐഎഇഎ ആണവായുധങ്ങളുടെ നിയന്ത്രണം ഏറ്റെടുക്കണം- രാജ്നാഥ് സിംഗ്
ന്യൂഡൽഹി: പാക്കിസ്ഥാനെ പോലെയുള്ള നിരുത്തരവാദിത്തപരമായ ഒരു തെമ്മാടി രാഷ്ട്രത്തിന്റെ കയ്യിൽ ആണവായുധങ്ങൾ സുരക്ഷിതമാണോയെന്ന് പരിശോധിക്കണമെന്ന് കേന്ദ്ര പ്രതിരോധമന്ത്രി രാജ്നാഥ് സിംഗ്. പാക്കിസ്ഥാൻ എത്ര നിരുത്തരവാദപരമായാണ് ഇന്ത്യയ്ക്ക് ആണവ ഭീഷണികൾ നൽകിയതെന്ന് ലോകം മുഴുവൻ കണ്ടതാണ്. ഇത്രയും ഉത്തരവാദിത്തമില്ലാത്തതും തെമ്മാടിയുമായ ഒരു രാജ്യത്തിന്റെ കൈകളിൽ ആണവായുധങ്ങൾ സുരക്ഷിതമാണോയെന്നും കേന്ദ്ര പ്രതിരോധമന്ത്രി ചോദിച്ചു. കൂടാതെ പാക്കിസ്ഥാന്റെ ആണവായുധങ്ങൾ ഐഎഇഎയുടെ (ഇന്റർനാഷണൽ ആറ്റോമിക് എനർജി ഏജൻസി) മേൽനോട്ടത്തിലും നിയന്ത്രണത്തിലുമാക്കണമെന്നും രാജ്നാഥ് സിംഗ് ആവശ്യപ്പെട്ടു. ഓപ്പറേഷൻ സിന്ദൂറിന് ശേഷം മുതൽ അന്താരാഷ്ട്ര ആണവോർജ്ജ ഏജൻസിയുടെ നിയന്ത്രണത്തിലേക്ക് പാക് ആണവായുധങ്ങൾ മാറ്റണമെന്ന് ഇന്ത്യ ആവശ്യപ്പെടുന്നതാണ്. അതേസമയം അതിർത്തി കടന്നുള്ള ഭീകരതയോടുള്ള ഇന്ത്യയുടെ ക്ഷമ അവസാനിച്ചുവെന്നും അദ്ദേഹം മുന്നറിയിപ്പ് നൽകി. ഓപ്പറേഷൻ സിന്ദൂരിനുശേഷം ജമ്മു കശ്മീരിലേക്കുള്ള തന്റെ ആദ്യ സന്ദർശന വേളയിലാണ് ശ്രീനഗറിൽ സംസാരിക്കവെ രാജ്യം ‘ആണവ ഭീഷണി’ വെച്ചുപൊറുപ്പിക്കില്ലെന്ന് കേന്ദ്ര പ്രതിരോധമന്ത്രി പറഞ്ഞത്. തീവ്രവാദത്തിനെതിരെ നിർണായകമായ ശക്തിയോടെ തന്നെ രാജ്യം പ്രതികരിച്ചുവെന്നും രാജ്നാഥ് സിംഗ് പറഞ്ഞു. അതേസമയം ഭീകരർ…
Read More » -
പഹല്ഗാമിലെ ‘കശാപ്പുകാരനടക്കം’ മൂന്നു ഭീകരരെ വധിച്ചു; കശ്മീരില് ഭീകരവേട്ട തുടരുന്നു
ശ്രീനഗര്: ജമ്മു കശ്മീരില് സുരക്ഷാസേന മൂന്ന് ഭീകരവാദികളെ ഏറ്റമുട്ടലില് കൂടി വധിച്ചു. പഹല്ഗാം ഭീകരാക്രമണത്തില് ഭീകരവാദികളെ സഹായിച്ച ആസിഫ് ഷെയ്ഖ് ഉള്പ്പെടെയുള്ള മൂന്ന് ഭീകരവാദികളെയാണ് വധിച്ചത്. ആസിഫിന് പുറമെ അമീര് നസീര് വാണി, യവാര് ഭട്ട് എന്നിവരെയാണ് സുരക്ഷാ സേന വധിച്ചത്. ആസിഫിന്റെ വീട് നേരത്തെ അധികൃതര് തകര്ത്തിരുന്നു. ആസിഫ് ഷെയ്ക്ക് ഭീകരവാദികള്ക്ക് സഹായം നല്കുകയും ആക്രമണത്തില് പങ്കെടുക്കുകയും ചെയ്തിട്ടുണ്ട് എന്നാണ് സുരക്ഷാ ഏജന്സികള് പറയുന്നത്. പുല്വാമയിലെ നാദേര്, ത്രാല് വില്ലേജുകളിലായി നടന്ന ഏറ്റമുട്ടലിലാണ് മൂന്നു ഭീകരവാദികളെയും സുരക്ഷാ സേന വധിച്ചത്. രഹസ്യവിവരത്തിന്റെ അടിസ്ഥാനത്തില് സൈന്യവും സിആര്പിഎഫും ജമ്മു കശ്മീര് പോലീസും സംയുക്തമായി നടത്തിയ തിരച്ചിലിനിടെയാണ് ഭീകരവാദികളുമായി ഏറ്റുമുട്ടലുണ്ടായത്. കഴിഞ്ഞ ചൊവ്വാഴ്ച മൂന്ന് ലഷ്കര് ഭീകരരെ സുരക്ഷാ സേന ഷോപിയാനില് വെച്ച് വധിച്ചിരുന്നു. ഇവരില്നിന്ന് ആയുധങ്ങളും പണവും അടക്കം പിടികൂടി. ഇതിന് ശേഷം കൂടുതല് ഭീകരവാദികളുണ്ടാകാമെന്ന വിവരത്തിന്റെ അടിസ്ഥാനത്തില് സുരക്ഷാ ഏജന്സികള് ജാഗ്രതയിലായിരുന്നു. ഈ സമയത്ത് ത്രാലില് ഭീകരവാദികളെത്തിയിട്ടുണ്ട് എന്ന വിവരം…
Read More » -
ഭരണഘടന പറയാത്തതില് എങ്ങനെ ഉത്തരവിടാനാകും? സുപ്രീം കോടതിയോട് ചോദ്യങ്ങളുമായി രാഷ്ട്രപതി
ന്യൂഡല്ഹി: സംസ്ഥാന നിയമസഭകള് പാസാക്കുന്ന ബില്ലുകളില് തീരുമാനമെടുക്കാന് ഗവര്ണര്മാര്ക്കും രാഷ്ട്രപതിക്കും സമയപരിധി നിശ്ചയിച്ച സുപ്രീം കോടതി വിധിയെ ചോദ്യം ചെയ്ത് രാഷ്ട്രപതി ദ്രൗപദി മുര്മു. ഭരണഘടനയില് ഇത്തരമൊരു വ്യവസ്ഥ ഇല്ലാതിരിക്കെ പരമോന്നത കോടതിക്ക് എങ്ങനെയാണ് ഇങ്ങനെയൊരു വിധി പുറപ്പെടുവിക്കാന് കഴിയുക എന്ന് രാഷ്ട്രപതി ചോദിച്ചു. സുപ്രീം കോടതി വിധിയുമായി ബന്ധപ്പെട്ട് 14 വിഷയങ്ങളില് വ്യക്തത തേടി രാഷ്ട്രപതി സുപ്രീം കോടതിയെ സമീപിച്ചു. ഭരണഘടനയുടെ 143(1) വകുപ്പ് പ്രകാരമാണ് സുപ്രീം കോടതിയോട് രാഷ്ട്രപതി ചോദ്യം ഉന്നയിച്ചത്. ഗവര്ണര്ക്കും രാഷ്ട്രപതിക്കും ബാധകമായുള്ള ഭരണഘടനയുടെ 200, 201 വകുപ്പുകളില് ബില്ലുകളില് പരിഗണിക്കുമ്പോള് സമയപരിധി നിശ്ചയ്ക്കാത്ത സാഹചര്യത്തില് സുപ്രീം കോടതിക്ക് എങ്ങനെയാണ് ഇതില് ഇത്തരത്തില് വിധി പുറപ്പെടുവിക്കാനാകുക എന്നാണ് രാഷ്ട്രപതി ചോദിച്ചത്. സംസ്ഥാന നിയമസഭകള് പാസാക്കുന്ന ബില്ലുകളില് തീരുമാനം എടുക്കുന്നതിന് രാഷ്ട്രപതിക്കും ഗവര്ണര്മാര്ക്കും സമയപരിധി നിശ്ചയിച്ച് കൊണ്ടുള്ള ഉത്തരവ് ഏപ്രില് എട്ടിനാണ് സുപ്രീം കോടതി പുറപ്പെടുവിച്ചത്. തമിഴ്നാട് ഗവര്ണര്ക്കെതിരായ കേസിലായിരുന്നു വിധി. ജസ്റ്റിസ്മാരായ ജെ.ബി.പര്ദിവാല, ആര്.മഹാദേവന് എന്നിവര്…
Read More » -
ഓപ്പറേഷന് സിന്ദൂറിലെ ഒറ്റയാള് പോരാളി; പാകിസ്താന്റെ കപട വാര്ത്തകള് അപ്പപ്പോള് തകര്ത്ത് ഡാമിയന് സൈമണ്; ഉപയോഗിച്ചത് ചൈനയുടെയും ഇന്ത്യയുടെയും ഉപഗ്രഹ ചിത്രങ്ങള്; ഇന്റല് ജീവനക്കാരന് സോഷ്യല് മീഡിയയില് കൈയടി
ന്യൂഡല്ഹി: പഹല്ഗാമിലെ മാരകമായ ഭീകരാക്രമണത്തിന് പ്രതികാരമായി ഇന്ത്യ ഓപ്പറേഷന് സിന്ദൂര് ആരംഭിച്ചതിനു ശേഷം കഴിഞ്ഞയാഴ്ച നിയന്ത്രണ രേഖയിലും (എല്ഒസി) അന്താരാഷ്ട്ര അതിര്ത്തിയിലും സായുധ പോരാട്ടം പൊട്ടിപ്പുറപ്പെട്ടപ്പോള്, ഡ്രോണുകള്, ജെറ്റുകള്, പീരങ്കികള് എന്നിവ ഉപയോഗിച്ച് മാത്രമല്ല യുദ്ധം നടന്നത്. മറ്റൊരു മുന്നണി ഉടന് തന്നെ ഉയര്ന്നുവന്നു: ഡിജിറ്റല് യുദ്ധക്കളം. പാകിസ്ഥാന്റെ ചുമതല വഹിച്ചത് സൈനിക മാധ്യമ വിഭാഗമായ ഇന്റര്-സര്വീസസ് പബ്ലിക് റിലേഷന്സ് (ഐഎസ്പിആര്) ആയിരുന്നു, അവര് സോഷ്യല് മീഡിയയില് നാടകീയമായ അവകാശവാദങ്ങളുടെയും ഇന്ത്യന് വ്യോമതാവളങ്ങളില് വരുത്തിയ നാശനഷ്ടങ്ങളുടെ ദൃശ്യ ‘തെളിവും’ കൊണ്ട് നിറഞ്ഞു. എന്നാല് ഡിജിറ്റല് കുഴപ്പങ്ങള്ക്കിടയില്, ഐഎസ്പിആറിന്റെ തെറ്റായ വിവരങ്ങളുടെ പ്രവാഹത്തെ ജാഗ്രതയോടെ എതിര്ത്ത് ഒരു വ്യക്തി വേറിട്ടു നിന്നു: എക്സില് ആയിരക്കണക്കിന് അനുയായികളുള്ള ഡാമിയന് സൈമണ്. എഐ വിശകലന സ്ഥാപനമായ ദി ഇന്റല് ലാബിലെ ജിയോ-ഇന്റലിജന്സ് ഗവേഷകനായ സൈമണ് ഉപഗ്രഹ ഡാറ്റകള് ഉപയോഗിച്ചു യുദ്ധത്തിന്റെ മൂടല്മഞ്ഞ് മുറിച്ചുകടക്കാനും സംഘര്ഷ മേഖലകളെക്കുറിച്ച് ഉന്നയിക്കുന്ന അവകാശവാദങ്ങള് സ്ഥിരീകരിക്കാനോ പൊളിച്ചെഴുതാനോ വര്ഷങ്ങളായി രംഗത്തുണ്ട്. Imagery…
Read More » -
തലശേരിയില് തുടക്കം; പാകിസ്താനില് ഏഴുവര്ഷം ചാരന്; ഇന്ത്യയുടെ പ്രതിരോധ തന്ത്രങ്ങളുടെ ദ്രോണാചാര്യന്; ഭരണസിരാ കേന്ദ്രങ്ങളില് വിളിപ്പേര് ജയിംസ് ബോണ്ട്; ഓപ്പറേഷന് സിന്ദൂറില് വിജയിച്ചത് അജിത് ഡോവലിന്റെ കൂര്മബുദ്ധി; കരിയറിലെ അതിസാഹസികന്
ന്യൂഡല്ഹി: ഇന്ത്യയുടെ ഭരണസിരാകേന്ദ്രത്തില് അജിത് ഡോവലിന് ഒരു വിളിപ്പേരുണ്ട്- ജെയിംസ് ബോണ്ട്! എന്തുകൊണ്ട് അങ്ങനെയൊരു പേരു കിട്ടിയതെന്ന് അറിയണമെങ്കില് ഡോവലിന്റെ പഴയകാലം വെറുതേയൊന്നു നോക്കിയാല് മതി. ചാരനായി തുടങ്ങി എതിരാളികളുടെ മര്മം നോക്കി പ്രഹരിക്കാന് കഴിയുന്ന ബുദ്ധിരാക്ഷസനായി വളരുന്നതില് അജിത്തിന്റെ കഠിനാധ്വാനവും ജാഗ്രതയുമുണ്ട്. പാകിസ്താന് എക്കാലത്തും തലവേദനയാണ് അജിത്ത് ഡോവല്. ഡോവല് കളത്തിലുണ്ടെന്ന് അറിഞ്ഞാല് പിന്നെ പ്രതീക്ഷിക്കാവുന്നത് അപ്രതീക്ഷിത നീക്കങ്ങള്. ഇന്ത്യയില് ഭീകരാക്രമണം കഴിഞ്ഞശേഷം ജനറല് മുനീര് പ്രതീക്ഷിച്ചത് അതിര്ത്തിയില് പീരങ്കികള് നിരത്തിവച്ചു വെടിവയ്ക്കുമെന്നാണ്. എന്നാല്, സൈനിക ജനറലിന്റെ കണക്കുകൂട്ടലുകള് പോലും തെറ്റിച്ചാണ് 35 തീവ്രവാദി ക്യാമ്പുകളില്നിന്ന് ഏറ്റവും പ്രധാനപ്പെട്ട ഒമ്പതെണ്ണം തെരഞ്ഞെടുത്ത് തിരിച്ചടിച്ചത്. നൂറുകണക്കിനു പാക് ഭീകരരെ കൊന്നതിനൊപ്പം അടുത്തകാലത്തേക്ക് അതിര്ത്തി കടന്നുള്ള ആക്രമണത്തിനു വിലങ്ങിടാനും ഇന്ത്യക്കായി. അതും ആര്ക്കും ഒരു പിഴവുപോലും ആരോപിക്കാനില്ലാതെ. ഒപ്പം പാകിസ്താന് ഭീകരവാദികളുടെ കേന്ദ്രമെന്ന് ലോകത്തിനു മുന്നില് അടിവരയിടീക്കാനും ഇന്ത്യക്കു കഴിഞ്ഞു. ഇത്രയൊക്കെ മുന്കൂട്ടി കാണണമെങ്കില് അതിന്റെ പേരാണ് അജിത്ത് ഡോവല് എന്നത്. ഇന്ത്യ…
Read More » -
പാക് സൈബര് ആക്രമണങ്ങള് കടുത്തു; മണിക്കൂറുകള്ക്കുള്ളില് 15 ലക്ഷം ആക്രമണം; വിജയിച്ചത് 150 എണ്ണം; പാകിസ്താന് ഗ്രൂപ്പുകളെ തിരിച്ചറിഞ്ഞ് ഇന്ത്യന് സൈബര് സംഘം; വ്യാപക മുന്നറിയിപ്പ്
ഹൈദരാബാദ്: പഹല്ഗാം ഭീകരാക്രമണത്തിന്റെ പശ്ചാത്തലത്തിലുണ്ടായ ഇന്ത്യ-പാക് സംഘര്ഷത്തിനു പിന്നാലെ ഇന്ത്യക്കാരെ ലക്ഷ്യമിട്ട് 15 ലക്ഷം സൈബര് ആക്രമണങ്ങള്. പാകിസ്താന് ആസ്ഥാനമായ ഗ്രൂപ്പുകളില്നിന്നാണു സൈബര് ആക്രമണമുണ്ടായതെന്നും 150 എണ്ണം മാത്രമാണു വിജയിച്ചതെന്നും മഹാരാഷ്ട്ര സൈബര് വിഭാഗം റിപ്പോര്ട്ട് ചെയ്തു. ഇന്ത്യന് വെബ്സൈറ്റുകളില് 15 ലക്ഷത്തിലധികം സൈബര് ആക്രമണങ്ങള് നടത്തിയ ഏഴ് അഡ്വാന്സ്ഡ് പെര്സിസ്റ്റന്റ് ത്രെട്ട് (എപിടി) ഗ്രൂപ്പുകളെ മഹാരാഷ്ട്ര നോഡല് സൈബര് ഏജന്സി ഇതിനകം തിരിച്ചറിഞ്ഞിട്ടുണ്ട്. ഇതില് 150 എണ്ണം മാത്രമേ സൈബര് അറ്റാക്കിന് വിധേയമായിട്ടുള്ളൂ.. ആക്രമണങ്ങള്ക്ക് പിന്നിലാര്? ‘റോഡ് ഓഫ് സിന്ദൂര്’ എന്ന തലക്കെട്ടില് പുറത്തിറക്കിയ റിപ്പോര്ട്ടില് ഇന്ത്യയുടെ ഡിജിറ്റല് ഇന്ഫ്രാസ്ട്രക്ചറിനെതിരെ ആക്രമണം നടത്തിയ ഏഴ് ഹാക്കിംഗ് ഗ്രൂപ്പുകള് ഏതൊക്കെയെന്ന് ലിസ്റ്റ് ചെയ്തിട്ടുണ്ട്. എപിടി 36, പാകിസ്ഥാന് സൈബര് ഫോഴ്സ്, ടീം ഇന്സെയ്ന് പികെ, മിസ്റ്റീരിയസ് ബംഗ്ലാദേശ്, ഇന്ഡോ ഹാക്സ് സെക്, സൈബര് ഗ്രൂപ്പ് എച്ച്ഒഎക്സ് 1337, നാഷണല് സൈബര് ക്രൂ എന്നീ ഏഴ് ഗ്രൂപ്പുകളെയാണ് നിലവില് തിരിച്ചറിഞ്ഞത്. ആക്രമണം നടന്ന്…
Read More » -
കേണൽ സോഫിയ ഖുറേഷിക്കെതിരേ അധിക്ഷേപം നടത്തിയ മന്ത്രിക്കെതിരെ കേസെടുക്കണം- പോലീസ് മേധാവിക്ക് നിർദ്ദേശം നൽകി കോടതി
ഭോപാൽ: കേണൽ സോഫിയ ഖുറേഷിക്കെതിരേ സമൂഹമധ്യത്തിൽ അധിക്ഷേപകരമായ പരാമർശം നടത്തിയ ബിജെപി മന്ത്രി വിജയ് ഷാക്കെതിരേ കേസെടുക്കാൻ ഉത്തരവിട്ട് മധ്യപ്രദേശ് ഹൈക്കോടതി. മന്ത്രി വിജയ് ഷാക്കെതിരേ കേസെടുക്കാൻ സംസ്ഥാന പോലീസ് മേധാവിയോടാണ് ഹൈക്കോടതി നിർദേശിച്ചത്. കഴിഞ്ഞദിവസമാണ് മധ്യപ്രദേശിലെ മന്ത്രി വിജയ് ഷാ കേണൽ ഖുറേഷിക്കെതിരേ അധിക്ഷേപകരമായ പരാമർശം നടത്തിയത്. സോഫിയ ഖുറേഷിയെ ഭീകരരുടെ സഹോദരിയെന്ന വിധത്തിൽ പരാമർശിച്ച് അധിക്ഷേപിച്ചത്. നമ്മുടെ പെണ്മക്കളെ വിധവകളാക്കിയവരെ പാഠം പഠിപ്പിക്കാനായി അവരുടെ തന്നെ സഹോദരിയെ നമ്മൾ അയച്ചു എന്നായിരുന്നു മന്ത്രിയുടെ വാക്കുകൾ. ഈ പരാമർശം വിവാദമായതോടെ മന്ത്രി വിജയ് ഷാ മാപ്പ് പറയുകയും ചെയ്തിരുന്നു. ഓപ്പറേഷൻ സിന്ദൂറിന്റെ ഭാഗമായി പ്രതിരോധ-വിദേശകാര്യ മന്ത്രാലയം വിളിച്ചുചേർത്ത വാർത്താസമ്മേളനത്തിലൂടെയാണ് കേണൽ ഖുറേഷി ഏറെ ശ്രദ്ധിക്കപ്പെടുന്നത്. ഓപ്പറേഷൻ സിന്ദൂറിനെക്കുറിച്ച് വിശദീകരിക്കാനായി വനിതാ ഉദ്യോഗസ്ഥരായ കേണൽ ഖുറേഷിയെയും വിങ് കമാൻഡർ വ്യോമികാസിങ്ങിനെയുമാണ് ചുമതലപ്പെടുത്തിയിരുന്നത്. ഓപ്പറേഷൻ സിന്ദൂറിന് പിന്നാലെ പലതവണകളായി ഇരുവരും വാർത്താസമ്മേളനത്തിൽ പങ്കെടുത്തിരുന്നു.
Read More » -
ജസ്റ്റിസ് ബി.ആര്. ഗവായ് സത്യപ്രതിജ്ഞ ചെയ്തു; ദലിത് വിഭാഗത്തില് നിന്നുള്ള രണ്ടാമത്തെ ചീഫ് ജസ്റ്റിസ്
ന്യൂഡല്ഹി: ഇന്ത്യയുടെ 52-ാം ചീഫ് ജസ്റ്റിസായി ജസ്റ്റിസ് ഭൂഷണ് രാമകൃഷ്ണ ഗവായ് സത്യപ്രതിജ്ഞ ചെയ്തു. രാഷ്ട്രപതി ഭവനില് നടന്ന ചടങ്ങില് രാഷ്ട്രപതി ദ്രൗപദി മുര്മു സത്യവാചകം ചൊല്ലിക്കൊടുത്തു. ജസ്റ്റിസ് സഞ്ജീവ് ഖന്നയുടെ പിന്ഗാമിയായാണ് ബി.ആര്.ഗവായ് സ്ഥാനമേറ്റത്. ജസ്റ്റിസ് ഗവായ്ക്ക് ആറു മാസം ചീഫ് ജസ്റ്റിസ് പദവിയില് ഇരിക്കാം. നവംബറിലാണ് വിരമിക്കുക. മലയാളിയായ ജസ്റ്റിസ് കെ.ജി. ബാലകൃഷ്ണനുശേഷം ചീഫ് ജസ്റ്റിസ് പദവിയില് എത്തുന്ന ദലിത് വിഭാഗത്തില് നിന്നുള്ള രണ്ടാമത്തെയാളാണ് ഗവായ്. മഹാരാഷ്ട്രയിലെ അമ്രാവതി സ്വദേശിയായ ഗവായ് 1985ലാണ് അഭിഭാഷകവൃത്തിയിലേക്കു വരുന്നത്. മഹാരാഷ്ട്ര ഹൈക്കോടതി ജഡ്ജിയും മുന് അഡ്വക്കേറ്റ് ജനറലുമായ രാജാ ഭോണ്സലെയ്ക്ക് ഒപ്പം പ്രവര്ത്തിച്ചു. ബോംബെ ഹൈക്കോടതിയില് 1987 മുതല് 1990 വരെ സ്വതന്ത്ര പ്രാക്ടീസ് നടത്തി. പിന്നീട് ബോംബെ ഹൈക്കോടതിയുടെ നാഗ്പുര് ബെഞ്ചിലേക്കു മാറി. 1992 ഓഗസ്റ്റില് അസിസ്റ്റന്റ് ഗവണ്മെന്റ് പ്ലീഡറും തുടര്ന്ന് അഡീഷനല് പബ്ലിക് പ്രോസിക്യൂട്ടറുമായി നിയമിതനായി. 2000ത്തില് ഗവണ്മെന്റ് പ്ലീഡറും പബ്ലിക് പ്രോസിക്യൂട്ടറുമായി. 2019ലാണ് സുപ്രീം കോടതി ജഡ്ജിയായി…
Read More » -
എങ്ങനെയാണു പാക് സൈനിക ജനറലിന്റെ ജമ്മു-കശ്മീര് പദ്ധതി ഇന്ത്യന് സൈനികര് തകര്ത്തത്? മുനീറിന്റെ ഉറക്കം കളഞ്ഞത് കശ്മീരിന്റെ ശാന്തത; ഭീകരര്ക്ക് ആഹ്വാനം നല്കിയത് വഖഫ് ഭേദഗതി സമയത്ത്; തിരിച്ചടിക്കാനുള്ള പട്ടികയില് 35 ഭീകരക്യാമ്പുകള്; പാക് എയര്ബേസുകളില് ഇന്ത്യവരുത്തിയത് ഭീമമായ നഷ്ടം
ന്യൂഡല്ഹി: ഓപ്പറേഷന് സിന്ദൂറിലൂടെ ഇന്ത്യ തകര്ത്തത് കശ്മീരിനെ അശാന്തമാക്കി നിര്ത്താനുള്ള പാക് സൈനിക മേധാവി ജനറല് അസിം മുനീറിന്റെ പദ്ധതി. ഏപ്രില് 16ന് വിദേശികളായ പാകിസ്താന് പൗരന്മാരോടെന്ന പേരില് മുനീര് നടത്തിയ പ്രസംഗം ലഷ്കറെയുടെ റസിസ്റ്റന്റ് ഫ്രണ്ടിനുള്ള കൃത്യമായ നിര്ദേശമായിരുന്നു. മുനീറിനെ സംബന്ധിച്ചു കശ്മീരിന്റെ സമാധാനം ഉറക്കം കെടുത്തുന്നതാണ്. പാക് വിഭജനത്തിനുശേഷം കശ്മീരിന്റെ പ്രത്യേക പദവി എടുത്തുകളഞ്ഞതിനു പിന്നാലെ ശാന്തതയിലേക്കു മെല്ലെ മടങ്ങുന്നതിനിടെയായിരുന്നു തീവ്രവാദികളുടെ ആക്രമണം. കശ്മീര് സാധാരണ നിലയിലേക്കു മടങ്ങിയെന്ന മോദി സര്ക്കാരിന്റെ വാദത്തെ തകര്ക്കുക, വിനോദ സഞ്ചാരികളുടെ ഒഴുക്കു തടയുക, കശ്മീരികളെ സാമ്പത്തികമായി പിന്നാക്കം നില്ക്കുന്നവരും അസംതൃപ്തരും നിരാശരുമാക്കി നിലനിര്ത്തുക എന്നിവയായിരുന്നു ജനറല് മുനീറിന്റെ പദ്ധതി. ഭീകരര്ക്കു പാക് അധീന കാശ്മീരിലേക്കു കടക്കാന് കഴിയുമെന്ന് ഉറപ്പാക്കി. രഹസ്യാന്വേഷണത്തിലൊടുവില് കൂട്ടക്കൊലയും നടപ്പാക്കി. എന്നാല്, പാക് സൈന്യം അറിയാതെ പാക് അധീന കാശ്മീരില് ഭീകരര് എങ്ങനെയെത്തിയെന്നത് റാവല്പിണ്ടിയിലെ അധികാരികള്ക്കു വിശദീകരിക്കാന് കഴിയാതെപോയി. ഇന്ത്യന് പാര്ലമെന്റ് വഖഫ് നിയമം പാസാക്കിയ സമയംനോക്കി വിഭജനം…
Read More » -
പാകിസ്താന് പിടികൂടിയ ബിഎസ്എഫ് ജവാനെ ഇന്ത്യയ്ക്ക് കൈമാറി
ന്യൂഡല്ഹി: അബദ്ധത്തില് അതിര്ത്തി മറികടന്നപ്പോള് പാകിസ്താന് കസ്റ്റഡിയിലെടുത്ത ബിഎസ്എഫ് ജവാനെ ഇന്ത്യയ്ക്ക് കൈമാറി. ഏപ്രില് 23ന് പാകിസ്താന് റേഞ്ചേഴ്സ് കസ്റ്റഡിയിലെടുത്ത ബിഎസ്എഫ് ജവാന് പൂര്ണം കുമാര് ഷായെ ആണ് ഇന്ന് രാവിലെ ഇന്ത്യക്ക് കൈമാറിയത്. രാവിലെ 10:30 ന് അമൃത്സറിലെ അട്ടാരി ജോയിന്റ് ചെക്ക് പോസ്റ്റ് വഴി ഇന്ത്യയ്ക്ക് കൈമാറിയെന്ന് ബിഎസ്എഫ് പ്രസ്താവനയിലൂടെ അറിയിച്ചു. പശ്ചിമ ബംഗാള് സ്വദേശിയാണ് പൂര്ണം കുമാര് ഷാ. പഹല്ഗാം ഭീകരാക്രമണത്തെ തുടര്ന്ന് പാകിസ്താനമായുള്ള പിരിമുറുക്കത്തിനിടെയായിരുന്നു ബിഎസ്എഫ് ജവാന് കസ്റ്റഡിയിലാകുന്നത്.
Read More »