India
-
എങ്ങനെയാണു പാക് സൈനിക ജനറലിന്റെ ജമ്മു-കശ്മീര് പദ്ധതി ഇന്ത്യന് സൈനികര് തകര്ത്തത്? മുനീറിന്റെ ഉറക്കം കളഞ്ഞത് കശ്മീരിന്റെ ശാന്തത; ഭീകരര്ക്ക് ആഹ്വാനം നല്കിയത് വഖഫ് ഭേദഗതി സമയത്ത്; തിരിച്ചടിക്കാനുള്ള പട്ടികയില് 35 ഭീകരക്യാമ്പുകള്; പാക് എയര്ബേസുകളില് ഇന്ത്യവരുത്തിയത് ഭീമമായ നഷ്ടം
ന്യൂഡല്ഹി: ഓപ്പറേഷന് സിന്ദൂറിലൂടെ ഇന്ത്യ തകര്ത്തത് കശ്മീരിനെ അശാന്തമാക്കി നിര്ത്താനുള്ള പാക് സൈനിക മേധാവി ജനറല് അസിം മുനീറിന്റെ പദ്ധതി. ഏപ്രില് 16ന് വിദേശികളായ പാകിസ്താന് പൗരന്മാരോടെന്ന പേരില് മുനീര് നടത്തിയ പ്രസംഗം ലഷ്കറെയുടെ റസിസ്റ്റന്റ് ഫ്രണ്ടിനുള്ള കൃത്യമായ നിര്ദേശമായിരുന്നു. മുനീറിനെ സംബന്ധിച്ചു കശ്മീരിന്റെ സമാധാനം ഉറക്കം കെടുത്തുന്നതാണ്. പാക് വിഭജനത്തിനുശേഷം കശ്മീരിന്റെ പ്രത്യേക പദവി എടുത്തുകളഞ്ഞതിനു പിന്നാലെ ശാന്തതയിലേക്കു മെല്ലെ മടങ്ങുന്നതിനിടെയായിരുന്നു തീവ്രവാദികളുടെ ആക്രമണം. കശ്മീര് സാധാരണ നിലയിലേക്കു മടങ്ങിയെന്ന മോദി സര്ക്കാരിന്റെ വാദത്തെ തകര്ക്കുക, വിനോദ സഞ്ചാരികളുടെ ഒഴുക്കു തടയുക, കശ്മീരികളെ സാമ്പത്തികമായി പിന്നാക്കം നില്ക്കുന്നവരും അസംതൃപ്തരും നിരാശരുമാക്കി നിലനിര്ത്തുക എന്നിവയായിരുന്നു ജനറല് മുനീറിന്റെ പദ്ധതി. ഭീകരര്ക്കു പാക് അധീന കാശ്മീരിലേക്കു കടക്കാന് കഴിയുമെന്ന് ഉറപ്പാക്കി. രഹസ്യാന്വേഷണത്തിലൊടുവില് കൂട്ടക്കൊലയും നടപ്പാക്കി. എന്നാല്, പാക് സൈന്യം അറിയാതെ പാക് അധീന കാശ്മീരില് ഭീകരര് എങ്ങനെയെത്തിയെന്നത് റാവല്പിണ്ടിയിലെ അധികാരികള്ക്കു വിശദീകരിക്കാന് കഴിയാതെപോയി. ഇന്ത്യന് പാര്ലമെന്റ് വഖഫ് നിയമം പാസാക്കിയ സമയംനോക്കി വിഭജനം…
Read More » -
പാകിസ്താന് പിടികൂടിയ ബിഎസ്എഫ് ജവാനെ ഇന്ത്യയ്ക്ക് കൈമാറി
ന്യൂഡല്ഹി: അബദ്ധത്തില് അതിര്ത്തി മറികടന്നപ്പോള് പാകിസ്താന് കസ്റ്റഡിയിലെടുത്ത ബിഎസ്എഫ് ജവാനെ ഇന്ത്യയ്ക്ക് കൈമാറി. ഏപ്രില് 23ന് പാകിസ്താന് റേഞ്ചേഴ്സ് കസ്റ്റഡിയിലെടുത്ത ബിഎസ്എഫ് ജവാന് പൂര്ണം കുമാര് ഷായെ ആണ് ഇന്ന് രാവിലെ ഇന്ത്യക്ക് കൈമാറിയത്. രാവിലെ 10:30 ന് അമൃത്സറിലെ അട്ടാരി ജോയിന്റ് ചെക്ക് പോസ്റ്റ് വഴി ഇന്ത്യയ്ക്ക് കൈമാറിയെന്ന് ബിഎസ്എഫ് പ്രസ്താവനയിലൂടെ അറിയിച്ചു. പശ്ചിമ ബംഗാള് സ്വദേശിയാണ് പൂര്ണം കുമാര് ഷാ. പഹല്ഗാം ഭീകരാക്രമണത്തെ തുടര്ന്ന് പാകിസ്താനമായുള്ള പിരിമുറുക്കത്തിനിടെയായിരുന്നു ബിഎസ്എഫ് ജവാന് കസ്റ്റഡിയിലാകുന്നത്.
Read More » -
പാക്ക് ഷെല്ലാക്രമണത്തില് പരുക്കേറ്റ ബിഎസ്എഫ് ജവാന് വീരമൃത്യു; വിവാഹം കഴിഞ്ഞിട്ട് രണ്ടു മാസം; ‘ഓപ്പറേഷന് കെല്ലെറു’മായി ഇന്ത്യയുടെ തിരിച്ചടി
പട്ന: പാക്ക് ആക്രമണത്തില് ഒരു ബിഎസ്എഫ് ജവാനു കൂടി വീരമൃത്യു. മേയ് 9ന് പാക്കിസ്ഥാന് നടത്തിയ ഷെല്ലാക്രമണത്തില് ഗുരുതരമായി പരുക്കേറ്റ് ചികിത്സയിലായിരുന്ന രാംബാബു പ്രസാദാണ് മരിച്ചത്. സിവാന് ജില്ലയിലെ ഗൗതം ബുദ്ധ നഗര് പൊലീസ് സ്റ്റേഷന് പരിധിയിലുള്ള വാസില്പുര് ഗ്രാമത്തിലെ താമസക്കാരനാണ് രാംബാബു. നാളെ ഔദ്യോഗിക ബഹുമതികളോടെ സംസ്കാരം നടക്കും. രാംബാബുവിനു പരുക്കേറ്റെന്ന വിവരം ലഭിച്ചതിനെ തുടര്ന്ന് ബന്ധുക്കള് ജമ്മു കശ്മീരിലെത്തിയിരുന്നു. ഈ വര്ഷം ഫെബ്രുവരിയിലാണ് രാംബാബു പ്രസാദ് വിവാഹിതനായത്. സൈനിക സേവനം നടത്തണമെന്ന് കുട്ടിക്കാലം മുതല് അദ്ദേഹം ആഗ്രഹിച്ചിരുന്നതായി ബന്ധുക്കള് പറഞ്ഞു. കശ്മീരില് സൈന്യം ഭീകരര്ക്കായുള്ള തിരച്ചില് തുടരുകയാണ്. ജമ്മു കശ്മീരിലെ ഷോപിയാനില് 3 ലഷ്കറെ തയിബ ഭീകരരെ ഇന്നലെ സുരക്ഷാസേന വധിച്ചിരുന്നു. ദക്ഷിണ കശ്മീരിലെ ഷുക്രൂ കെല്ലെര് മേഖലയില് ഇന്നലെ പുലര്ച്ചെ നടന്ന ‘ഓപ്പറേഷന് കെല്ലെര്’ ദൗത്യത്തില് ലഷ്കര് കമാന്ഡറും പല ഭീകരാക്രമണക്കേസുകളില് പ്രതിയുമായ ഷാഹിദ് അഹമ്മദ് കുട്ടേ, അദ്നാന് ഷാഫി ധര് എന്നിവരാണു കൊല്ലപ്പെട്ടത്. മൂന്നാമത്തെയാളെ തിരിച്ചറിഞ്ഞിട്ടില്ല.…
Read More » -
പാകിസ്താന്റെ ഷെല്വര്ഷം കശ്മീരിനു പുല്ലാണ്! അതിര്ത്തിയില് ഇന്ത്യ സ്ഥാപിച്ചത് 2000 കുടുംബ ബങ്കറുകള്; ആധുനിക സംവിധാനങ്ങളുമായി 600 ബങ്കറുകള് ഉടന്; ഓപ്പറേഷന് സിന്ദൂറിനു പിന്നാലെ ഏഴുവര്ഷത്തിനിടയിലെ തന്ത്രപ്രധാന നടപടികളും ചര്ച്ചയാകുന്നു
ജമ്മു: കശ്മീരിലെ അതിര്ത്തി പ്രദേശങ്ങളിലെ താമസക്കാര്ക്കായി കഴിഞ്ഞ ഏഴുവര്ഷത്തിനിടെ നിര്മിച്ചത് 2000ല് അധികം കുടുംബ ബങ്കറുകള്. ഇതിന്റെ പ്രയോജനം മനസിലായത് ഓപ്പറേഷന് സിന്ദൂറിനു പിന്നാലെയാണ്. കേന്ദ്രമന്ത്രി ജിതേന്ദ്ര സിംഗ് അതിര്ത്തി ഗ്രാമങ്ങള് സന്ദര്ശിച്ചതോടെയാണു ബങ്കറുകളുടെ കഥ പുറംലോകത്തേക്കു വ്യാപകമായി പ്രചരിച്ചത്. അതിര്ത്തി പ്രദേശങ്ങളില് 600 ബങ്കറുകള് കൂടി നിര്മ്മിക്കുമെന്നും ഒരു ഓട്ടോമേറ്റഡ്, കേന്ദ്രീകൃത സൈറണ് സംവിധാനം സ്ഥാപിക്കുമെന്നും അദ്ദേഹം പ്രഖ്യാപിച്ചു. ബങ്കറുകളുടെ സ്ഥാനം രഹസ്യാത്മകമായി നിലനിര്ത്തുകയാണു പതിവ്. നരേന്ദ്ര മോദി പ്രധാനമന്ത്രിയായി അധികാരമേറ്റയുടനെ എംപിയെന്ന നിലയില് അതിര്ത്തി പ്രദേശങ്ങളില് കുടുംബ ബങ്കറുകള് പരീക്ഷിച്ച രാജ്യത്തെ ആദ്യത്തെ ജില്ലയാണ് കത്വ എന്ന് ഡോ. സിംഗ് പറഞ്ഞു. അതിനുശേഷം, അതിര്ത്തി പ്രദേശങ്ങളില് 2,000-ത്തിലധികം അത്തരം ബങ്കറുകള് നിര്മിച്ചു. കൂടുതല് ബങ്കറുകള് വേണമെന്ന പൊതുജനങ്ങളുടെ ആവശ്യത്തെത്തുടര്ന്ന്, ഭരണകൂടവുമായി കൂടിയാലോചിക്കുകയും 600 അധിക കുടുംബ ബങ്കറുകള് നിര്മ്മിക്കുന്നതിനുള്ള നിര്ദ്ദേശങ്ങള് ഉടന് നല്കുകയും ആവശ്യമെങ്കില് പിന്നീട് കൂടുതല് നല്കുകയും ചെയ്യുമെന്ന് ഡോ. സിംഗ് പറഞ്ഞു. സൈറണ് വേണ്ടത്ര കേള്ക്കുന്നില്ലെന്ന…
Read More » -
പാകിസ്താനുവേണ്ടി ഹൈടെക് ചാരവൃത്തി; ഹൈക്കമ്മീഷന് ഓഫീലെ ഉദ്യോഗസ്ഥനെ ഇന്ത്യ പുറത്താക്കി; തന്ത്രപ്രധാനമായ വിവരങ്ങള് പാക് സര്ക്കാരിനു കൈമാറിയതിന് രണ്ടുപേര് അറസ്റ്റില്; ഞെട്ടിക്കുന്ന വിവരങ്ങള് പുറത്തുവന്നത് ഓപ്പറേഷന് സിന്ദൂറിനു പിന്നാലെ
ന്യൂഡല്ഹി: പഞ്ചാബിലെ ചാരവൃത്തി കേസില് ന്യൂഡല്ഹിയിലെ പാകിസ്ഥാന് ഹൈക്കമ്മീഷനിലെ ജീവനക്കാരനെ ഇന്ത്യ പുറത്താക്കി. ഇതു സംബന്ധിച്ചു വിദേശകാര്യ മന്ത്രാലയം ഉത്തരവ് പുറത്തിറക്കി. ഇന്ത്യയിലെ ഔദ്യോഗിക പദവിക്ക് അനുസൃതമല്ലാത്ത പ്രവര്ത്തനങ്ങളില് ഏര്പ്പെട്ടതിന് ന്യൂഡല്ഹിയിലെ പാകിസ്ഥാന് ഹൈക്കമ്മീഷനില് ജോലി ചെയ്യുന്ന ഉദ്യോഗസ്ഥനെ ഇന്ത്യാ ഗവണ്മെന്റ് അയോഗ്യനാക്കിയെന്നും നോട്ടീസ് നല്കിയന്നും വിദേശകാര്യ മന്ത്രാലയം അറിയിച്ചു. പാക് ഹൈക്കമ്മീഷന് ഓഫീസിലെ ഡാനിഷ് എന്ന ഉദ്യോഗസ്ഥനാണു മറ്റൊരു വ്യക്തിയുടെ സഹായത്താല് ഇന്ത്യയില്നിന്നു തന്ത്രപരമായ വിവരങ്ങള് ചോര്ത്തിയതെന്നാണു കണ്ടെത്തല്. വിവരങ്ങള് പാക് സര്ക്കാരിനു കൈമാറി. ഈ കേസുമായി ബന്ധപ്പെട്ട് പഞ്ചാബ് പോലീസ് ഗുസാല, യമീന് മുഹമ്മദ് എന്നീ രണ്ട് മലേര്കോട്ല നിവാസികളെ കഴിഞ്ഞ ആഴ്ച അറസ്റ്റ് ചെയ്തിരുന്നു. ഫെബ്രുവരിയില് പാകിസ്ഥാന് ഹൈക്കമ്മീഷനില് വിസയ്ക്ക് അപേക്ഷിക്കാന് പോയപ്പോഴാണ് ഗുസാല ഡാനിഷിനെ കണ്ടുമുട്ടിയതെന്ന് പറയപ്പെടുന്നു. മെസഞ്ചര് വഴിയാണു ആശയവിനിമയം തുടര്ന്നത്. തുടര്ന്ന്, ഇന്ത്യന് സൈന്യത്തെക്കുറിച്ചുള്ള തന്ത്രപ്രധാനമായ വിവരങ്ങള് പങ്കുവെക്കാന് ഗുസാലയ്ക്ക് 30,000 രൂപ പ്രതിഫലവും നല്കി. ഇയാളെ പിടികൂടി ചോദ്യം ചെയ്തതോടെയാണു ചാരസംഘത്തിനു…
Read More » -
വിശദീകരിക്കാന് വിയര്ത്ത് പാകിസ്താന്; ഇന്ത്യയുടെ തിരിച്ചടിയില് ചൈനയ്ക്കും പൊള്ളി; ആയുധനങ്ങള് നല്കിയ കമ്പനികളുടെ ഓഹരിവില കുത്തനെ ഇടിയുന്നു; ജെ 10 യുദ്ധ വിമാന കമ്പനിക്കും തിരിച്ചടി; നേട്ടമുണ്ടാക്കി റഫാല്
ന്യൂഡല്ഹി: ഇന്ത്യയുടെ തിരിച്ചടിയില് പോറല്പോലുമേറ്റില്ലെന്നു ലോകസമൂഹത്തെ ബോധ്യപ്പെടുത്താനുള്ള ശ്രമത്തിലാണു പാകിസ്താന്. വ്യോമപ്രതിരോധ സംവിധാനവും വ്യോമത്താവളങ്ങളും ഇന്ത്യന് മിസൈലിന്റെ ചൂടറിഞ്ഞിട്ടും പ്രതിരോധിച്ചെന്നും ആക്രമിച്ചെന്നും മേനി പറഞ്ഞ് പിടിച്ചു നില്ക്കാനായിരുന്നു പാക് സര്ക്കാരിന്റെയും മാധ്യമങ്ങളുടെയും ശ്രമം. പാക് ക്രിക്കറ്റ് താരമായിരുന്ന ഷാഹിദ് അഫ്രീദിവരെ ഇന്ത്യാ വിരുദ്ധ പ്രചാരണത്തിന്റെ മുന്നണിയിലെത്തി. സത്യം എത്രമറച്ചു വച്ചാലും ഒരുനാള് അത് മറ നീക്കി പുറത്തുവരും. ഇന്ത്യ പാക് യുദ്ധ വിജയം ആര്ക്കെന്നറിയാന് പെട്ടെന്നൊന്ന് ചൈനീസ് വിപണയില് നോക്കിയാല് മതി. പാക്കിസ്ഥാന് ആയുധവും മറ്റ് യുദ്ധസാമഗ്രകളും നല്കിയ ചൈനീസ് സ്ഥാപനങ്ങളുടെ ഓഹരിമൂല്യം കുത്തനെ ഇടിയുകയാണ്. ഹാങ് സെങ് ചൈന എ എയ്റോസ്പേസ് ആന്ഡ് ഡിഫൻസ് സൂചിക ചൊവ്വാഴ്ച ഇടിഞ്ഞത് മൂന്ന് ശതമാനമാണ്. പ്രധാന പ്രതിരോധ ഓഹരികളായ എവിഐസി ചെങ്ഡുവു 8.60 ശതമാനവും സുഷൗ ഹോങ്ഡയും 6.3 ശതമാനവും താഴ്ന്നു. ചൈനീസ് ജെ-10സി യുദ്ധ വിമാനങ്ങള് നിര്മിക്കുന്ന കമ്പനിയാണ് എവിഐസി ചെങ്ഡു. ഇന്ത്യയ്ക്കെതിരായ സംഘര്ഷത്തില് ചൈനീസ് നിര്മിത ജെ-10സി വിമാനങ്ങള് ഉപയോഗിച്ചിരുന്നതായി…
Read More » -
ബാഗി ബ്ലൂവിലെ 14 വര്ഷങ്ങള്; നന്ദി പ്രിയപ്പെട്ട കോലി; മാസ്മരികമായൊരു ക്രിക്കറ്റ് കാലത്തിന്; ചെറു പുഞ്ചിരിയില്ലാതെ ടെസ്റ്റ് ക്രിക്കറ്റ് കാലം ഓര്ക്കാനാകില്ലെന്ന് വികാര നിര്ഭരമായ കുറിപ്പ്; അച്ഛന്റെ മരണക്കിടക്കയില് തുടങ്ങിയ കഠനാധ്വാനം; മടങ്ങുന്നത് സുവര്ണ നേട്ടത്തിനരികെ
ന്യൂഡല്ഹി: ‘ഇന്ത്യന് ക്രിക്കറ്റിന്റെ അഭിമാനമായ ‘ബാഗി ബ്ലൂ’ ധരിച്ച് കളിച്ച 14 വര്ഷങ്ങള്. ഒരിക്കല്പോലും പ്രതീക്ഷിക്കാത്ത തലത്തിലേക്കു കൈപിടിച്ചുയര്ത്തിയ അഞ്ചു ദിവസത്തെ ഫോര്മാറ്റ് ഇടയ്ക്കിടെ പരീക്ഷിച്ചു. അതിലേറെ മികവിലേക്ക് ഉയറത്തി. ജീവതത്തില് ഉടനീളം ഉപകരിച്ച പാഠങ്ങളായിരുന്നു ടെസ്റ്റ് എന്നെ പഠിപ്പിച്ചത്. ദിവസങ്ങള് നീണ്ടുനില്ക്കുന്ന അധ്വാനം, സമര്പ്പണം, മറ്റാര്ക്കും കാണാന് സാധിക്കാത്തതും എന്നാല് എന്നില് എന്നന്നേക്കുമായി നിറഞ്ഞു നില്ക്കുന്നതുമായ ചെറിയ നിമിഷങ്ങള്’. ‘എനിക്ക് സാധ്യമായതൊക്കെയും ക്രിക്കറ്റിന് നല്കുകയും ഞാന് പ്രതീക്ഷിച്ചതിലേറെ തിരിച്ചു നല്കുകയും ചെയ്ത ടെസ്റ്റ് ക്രിക്കറ്റില് നിന്നും വിടചൊല്ലുകയെന്നത് എളുപ്പമുള്ള തീരുമാനമായിരുന്നില്ല, ഇതാണ് ഉചിതമായ സമയമെന്ന് ഞാന് കരുതുന്നു. ക്രിക്കറ്റ് ഫീല്ഡ് പങ്കിട്ട സഹതാരങ്ങളേയും എന്റെ വഴി അനായാസമാക്കിയ ഓരോരുത്തരെയും നന്മ കാംഷിച്ച സകലരെയും നന്ദിയോടെ സ്മരിക്കുന്നു. ഞാന് വിട വാങ്ങുന്നു; ഒരു ചെറുപുഞ്ചിരിയോടെയല്ലാതെ എന്റെ ടെസ്റ്റ് ക്രിക്കറ്റ് കരിയറിനെ സ്മരിക്കാന് എനിക്കാവില്ല..നന്ദി..!” ടെസ്റ്റ് ക്രിക്കറ്റിനു വിടചൊല്ലി വിരാട് കോലിയെന്ന വണ്ടര്മാന് ബാക്കിയാക്കുന്നതു ചിരകാല അഭിലാംകൂടിയാണ്. എന്നാല്, അതും വിട്ടുകളായന് കോലിക്കു…
Read More » -
ഇന്ത്യയുടെ തിരിച്ചടി; പാക് വ്യോമ താവളങ്ങളില് ഉണ്ടായത് കനത്ത നാശനഷ്ടം; ഉപഗ്രഹ ചിത്രങ്ങള് പുറത്ത്
ന്യൂഡല്ഹി: പഹല്ഗാം ഭീകരാക്രമണത്തെ തുടര്ന്ന് ശക്തമായ തിരിച്ചടിയാണ് പാകിസ്ഥാന് ഇന്ത്യ നല്കിക്കൊണ്ടിരുന്നത്. ഉപ്പു തിന്നവന് വെള്ളം കുടിക്കും എന്ന് പറയുന്നത് പോലെയാണ് പാകിസ്ഥാന്റെ അവസ്ഥ. ഇന്ത്യയുടെ താങ്ങാനാകാത്ത ആക്രമണങ്ങള്ക്കു ശേഷം പാകിസ്ഥാന്റെ വിവിധ വ്യോമത്താവളങ്ങളില് ഇന്ത്യ നടത്തിയ വ്യോമാക്രമണങ്ങളും വ്യാപകമായ നാഷനഷ്ടങ്ങളാണ് വരുത്തിയത്. പാകിസ്ഥാന്റെ തത്രപ്രധാനമായ വ്യോമ കേന്ദ്രങ്ങളാണ് ഇന്ത്യ ലക്ഷ്യമിട്ടത്. ആക്രമണത്തിന് ശേഷമുള്ള അവയുടെ ഉപഗ്രഹ ചിത്രങ്ങളാണ് ഇപ്പോള് പ്രചരിക്കുന്നത്.മെയ് എട്ടിന്ശേഷമുള്ള രണ്ടു ദിവസങ്ങളിലാണ് പാകിസ്ഥാനിലുള്ള 11 സൈനിക വ്യോമതാവളങ്ങള് ഇന്ത്യ ആക്രമിച്ചത്. ഓപ്പറേഷന് സിന്ദൂറില് ഇന്ത്യ ലക്ഷ്യമിട്ട പാകിസ്ഥാനിലെ വ്യോമതാവളങ്ങളുടെ ഉപഗ്രഹ ചിത്രങ്ങള് വ്യാപകമായ നാശനഷ്ടങ്ങളാണ് വെളിപ്പെടുത്തുന്നത്. ഇന്ത്യയുടെ ആക്രമണം എത്രത്തോളം കൃത്യതയാര്ന്നതാണെന്ന് ഇതില് നിന്നും മനസിലാക്കാം. സുക്കൂര് (സിന്ധ്), നൂര് ഖാന് (റാവല്പിണ്ടി), റഹിം യാര് ഖാന് (തെക്കന് പഞ്ചാബ്), സര്ഗോധയിലെ മുഷഫ്, ജേക്കബാബാദ് (വടക്കന് സിന്ധ്), ബൊളാരി (വടക്കന് തട്ട ജില്ല) എന്നിവിടങ്ങളിലെ വ്യോമതാവളങ്ങളില് ഉണ്ടായ നാശനഷ്ടങ്ങളാണ് ഉപഗ്രഹ ചിത്രങ്ങളിലൂടെ വിശദമായി കാണിക്കുന്നത്. പാസ്രൂര്, സിയാല്കോട്ട്…
Read More » -
ട്രംപിന്റെ അവകാശവാദത്തില് മൗനം എന്തുകൊണ്ട്? മോദി ഉത്തരം പറയണമെന്ന് കോണ്ഗ്രസ്
ന്യൂഡല്ഹി: ഇന്ത്യ-പാക് സംഘര്ഷം അവസാനിപ്പിക്കാന് മധ്യസ്ഥത വഹിച്ചെന്ന അമേരിക്കന് പ്രസിഡന്റ് ട്രംപിന്റെ അവകാശവാദത്തെക്കുറിച്ച് പ്രധാനമന്ത്രി നരേന്ദ്ര മോദി മൗനം പാലിക്കുകയാണെന്ന് കോണ്ഗ്രസ്. ഇന്ത്യ-പാക് സംഘര്ഷത്തില് അമേരിക്ക മധ്യസ്ഥത വഹിക്കുന്നതിന് ഇന്ത്യ സമ്മതിച്ചോയെന്ന് വ്യക്തമാക്കണമെന്ന് കോണ്ഗ്രസ് ജനറല് സെക്രട്ടറി ജയറാം രമേഷ് ആവശ്യപ്പെട്ടു. വളരെ വൈകി പ്രധാനമന്ത്രി രാജ്യത്തോടു നടത്തിയ അഭിസംബോധനയുടെ തൊട്ടുമുമ്പ് പ്രസിഡന്റ് ട്രംപിന്റെ വെളിപ്പെടുത്തലുകള് പുറത്തുവന്നത് മോദിയുടെ പ്രസംഗത്തിന്റെ സാംഗത്യം ഇല്ലാതാക്കി. പാകിസ്താനുമായി ചര്ച്ച നടത്താന് ഒരു നിഷ്പക്ഷവേദി ഇന്ത്യ ആവശ്യപ്പെട്ടിരുന്നോയെന്ന് വ്യക്തമാക്കണം. ഇന്ത്യന് കമ്പോളം അമേരിക്കയ്ക്ക് തുറന്നുകൊടുക്കാമെന്ന് സമ്മതിച്ചോയെന്നും വ്യക്തമാക്കണം. വിവിധ പാര്ട്ടി നേതാക്കളുടെ യോഗം പ്രധാനമന്ത്രി വിളിച്ചുചേര്ക്കണമെന്നും ഇന്ത്യന് സേനയെ കോണ്ഗ്രസ് സല്യൂട്ട് ചെയ്യുന്നെന്നും ജയറാം രമേഷ് പറഞ്ഞു. ഇരു രാജ്യങ്ങളും തമ്മിലുള്ള ‘ആണവ സംഘര്ഷം’ തന്റെ ഭരണകൂടം അവസാനിപ്പിച്ചതായി ഡൊണാള്ഡ് ട്രംപ് അവകാശപ്പെട്ടിരുന്നു. സംഘര്ഷം അവസാനിപ്പിച്ചാല് ഇരുരാജ്യങ്ങളുമായും അമേരിക്ക ‘കൂടുതല് വ്യാപാരം’ നടത്തുമെന്നും അദ്ദേഹം പറഞ്ഞിരുന്നു. പ്രധാനമന്ത്രി മോദിയുടെ പ്രസംഗത്തിന് മിനിറ്റുകള്ക്ക് മുമ്പാണ് ട്രംപിന്റെ പരാമര്ശം.…
Read More » -
ജലന്ധറിലും സാംബയിലും പാക്ക് ഡ്രോണുകള്; സര്വീസുകള് റദ്ദാക്കി എയര് ഇന്ത്യയും ഇന്ഡിഗോയും
ന്യൂഡല്ഹി: പഞ്ചാബിലെ ജലന്ധറിലും ജമ്മുവിലെ സാംബ മേഖലയിലും ഇന്നലെ രാത്രിയില് വീണ്ടും പാക്ക് ഡ്രോണ് സാന്നിധ്യം കണ്ടെത്തിയതിനെ തുടര്ന്ന് ഇന്ഡിഗോ വിമാനക്കമ്പനി ആറ് സര്വീസുകള് റദ്ദാക്കി. ജമ്മു, അമൃത്സര്, ചണ്ഡീഗഡ്, ലേ, ശ്രീനഗര്, രാജ്കോട്ട് എന്നിവിടങ്ങളിലേക്കുള്ള സര്വീസാണ് റദ്ദാക്കിയത്. പുതിയ സാഹചര്യത്തില്, യാത്രക്കാരുടെ സുരക്ഷ കണക്കിലെടുത്ത് സര്വീസുകള് റദ്ദാക്കുകയാണെന്ന് ഇന്ഡിഗോ സമൂഹമാധ്യമത്തിലെ പോസ്റ്റില് വ്യക്തമാക്കി. യാത്രക്കാര്ക്കുണ്ടായ ബുദ്ധിമുട്ടില് കമ്പനി ഖേദം പ്രകടിപ്പിച്ചു. സാഹചര്യങ്ങള് വിലയിരുത്തുകയാണെന്നും പുതിയ നിര്ദേശങ്ങള് എന്തെങ്കിലും ഉണ്ടെങ്കില് അറിയിക്കുമെന്നും വ്യക്തമാക്കിയ കമ്പനി, വിമാനത്താവളത്തിലേക്ക് പുറപ്പെടുന്നതിനു മുന്പ് യാത്രക്കാര് ആപ്പ് വഴി വിമാന സര്വീസിന്റെ സ്ഥിതി മനസ്സിലാക്കണമെന്നും നിര്ദേശിച്ചു. ജമ്മു, ലേ, ജോഥ്പുര്, അമൃത്സര്, ഭുജ്, ജാംനഗര്, ചണ്ഡീഗഡ്, രാജ്കോട്ട് എന്നിവിടങ്ങളിലേക്കുള്ള സര്വീസ് എയര് ഇന്ത്യയും റദ്ദാക്കി. പാക്കിസ്ഥാനുമായുള്ള നിലവിലെ പ്രശ്നങ്ങളെക്കുറിച്ച് വിദേശകാര്യ വക്താവ് വിക്രം മിസ്രി, പാര്ലമെന്റിന്റെ സ്റ്റാന്ഡിങ് കമ്മിറ്റിക്കു മുന്പാകെ മേയ് 19ന് വിശദീകരിക്കും. കോണ്ഗ്രസ് എംപി ശശി തരൂരാണ് വിദേശകാര്യ വിഷയങ്ങളുടെ സ്റ്റാന്ഡിങ് കമ്മിറ്റി അധ്യക്ഷന്.…
Read More »