Crime
-
കലയുടെ കൊലപാതകം അവിഹിതബന്ധം ആരോപിച്ച്; പെരുമ്പുഴ പാലത്തില് വച്ച് കൃത്യം നടത്തി, ഭര്ത്താവ് ഒന്നാം പ്രതി
ആലപ്പുഴ: മാന്നാറില് 15 വര്ഷം മുന്പ് കാണാതായ കലയെ ഭര്ത്താവ് കൊലപ്പെടുത്തിയത് അവിഹിത ബന്ധം ആരോപിച്ച്. യുവതിക്ക് മറ്റൊരാളുമായി ബന്ധമുണ്ടെന്ന സംശയത്തെ തുടര്ന്നാണ് ഭര്ത്താവ് കൊലപ്പെടുത്തിയതെന്നാണ് പോലീസ് വ്യക്തമാക്കുന്ന കാര്യം. പോലീസിന്റെ പ്രാഥമിക അന്വേഷണ റിപ്പോര്ട്ടിലും ഇക്കാര്യം വ്യക്തമാക്കുന്നു. കേസില് കലയുടെ ഭര്ത്താവ് അനിലാണ് ഒന്നാം പ്രതി. പെരുമ്പുഴ പാലത്തില് വച്ച് അനിലും രണ്ടും മൂന്നും നാലും പ്രതികളും ചേര്ന്ന് കലയെ കൊലപ്പെടുത്തിയെന്നാണ് കേസ്. ശേഷം മാരുതി കാറില് മൃതദേഹം കൊണ്ടുപോയി മറവ് ചെയ്തു. പിന്നീട് തെളിവെല്ലാം പ്രതികള് നശിപ്പിച്ചു. 2009 ലാണ് സംഭവം നടന്നത്. ജിനു, സോമന്, പ്രമോദ് എന്നിവര് യഥാക്രമം 2, 3, 4 പ്രതികളായ കേസില് എല്ലാവര്ക്കുമെതിരെ കൊലക്കുറ്റം ചുമത്തി. എന്നാല് പ്രതികള് എങ്ങനെയാണ് കലയെ കൊലപ്പെടുത്തിയതെന്നോ എവിടെയാണ് മറവ് ചെയ്തതെന്നോ എഫ്ഐആറില് പറയുന്നില്ല. പതിനഞ്ച് വര്ഷം മുന്പുള്ള തിരോധാന കേസിലാണ് ഇപ്പോള് സത്യം തെളിയുന്നത്. ശ്രീകലയുടെയും അനിലിന്റെയും പ്രണയ വിവാഹമായിരുന്നു. അന്ന് ദക്ഷിണാഫ്രിക്കയിലായിരുന്നു അനിലിന് ജോലി.…
Read More » -
ബസില് വിദ്യാര്ഥിനികളോട് മോശംപെരുമാറ്റം; ‘സ്ഥിരം കുഴപ്പക്കാരനായ’ വനം വകുപ്പ് ഉദ്യോഗസ്ഥന് അറസ്റ്റില്
മലപ്പുറം: ബസില്നിന്ന് വിദ്യാര്ഥിനികളോട് മോശമായരീതിയില് പെരുമാറിയെന്ന പരാതിയില് വനം വകുപ്പ് ഉദ്യോഗസ്ഥനെ പോലീസ് അറസ്റ്റുചെയ്തു. കാളികാവ് വനം റേഞ്ചിന് കീഴിലെ ചക്കിക്കുഴി ഫോറസ്റ്റ് സ്റ്റേഷനിലെ സെക്ഷന് ഫോറസ്റ്റ് ഓഫീസര് കൊല്ലം പുഴമ്പള്ളി സജില മന്സിലില് ഷിഹാനെ(42)യാണ് പൂക്കോട്ടുംപാടം പോലീസ് ഇന്സ്പെക്ടര് എ. അനീഷ് അറസ്റ്റുചെയ്തത്. വിദ്യാര്ഥിനികള് സ്കൂള്വിട്ട് വീട്ടിലേക്ക് പൂക്കോട്ടുംപാടത്തുനിന്ന് തേള്പാറ ബസില് പോകുന്നതിനിടയില് തിങ്കളാഴ്ച വൈകിട്ടാണ് സംഭവം. ഇതേ ബസില് ചക്കിക്കുഴി ഫോറസ്റ്റ് സ്റ്റേഷനിലേക്ക് പോകുകയായിരുന്ന ഷിഹാന് കുട്ടികളുടെ ഇടയില് കയറിനിന്ന് മോശമായ രീതിയില് പെരുമാറിയെന്നാണ് പരാതി. കുട്ടികള് ഉടനെ പ്രതികരിക്കുകയും പരാതിപ്പെടുകയും ചെയ്തതോടെ നാട്ടുകാര് ഇടപെട്ടു. തിങ്കളാഴ്ച അഞ്ചുമണിയോടെ ഉദ്യോഗസ്ഥനെതിരേ നടപടിയാവശ്യപ്പെട്ട് ഇയാള് ജോലിചെയ്യുന്ന ചക്കിക്കുഴി ഫോറസ്റ്റ് സ്റ്റേഷനു മുന്പില് നാട്ടുകാര് തടിച്ചുകൂടി. നിലമ്പൂര് സൗത്ത് ഡി.എഫ്.ഒ. ധനിക് ലാല്, നിലമ്പൂര് ഡിവൈ.എസ്.പി. ടി.എം വര്ഗീസ്, പൂക്കോട്ടുംപാടം പോലീസ് ഇന്സ്പെക്ടര് എ. അനീഷ് എന്നിവര് സ്ഥലത്തെത്തിയാണ് രംഗം ശാന്തമാക്കിയത്. വൈകിട്ടുതന്നെ ഇയാളെ പോലീസ് കസ്റ്റഡിയിലെടുത്തു. മൂന്നു കുട്ടികളുടെ പരാതിയും…
Read More » -
മറ്റൊരാളുടെ കൂടെ ഒളിച്ചോടിയെന്ന് പ്രചരിപ്പിച്ചു, കലയുടെ തിരോധനത്തിന്റെ 15 ാം നാള് ഭര്ത്താവ് പുനര്വിവാഹിതനായി; വീട് പണിതിട്ടും പഴയ ശുചിമുറി പൊളിക്കാത്തതില് നാട്ടുകാര്ക്ക് സംശയം
ആലപ്പുഴ: മാവേലിക്കര മാന്നാറില് 15 വര്ഷം മുന്പ് യുവതിയെ കാണാതായ സംഭവത്തില് അടിമുടി ദുരൂഹത. മാന്നാര് ഇരമത്തൂരിലെ വീട്ടിലെ കല എന്ന യുവതിയെ കൊന്ന് സെപ്റ്റിക് ടാങ്കില് കുഴിച്ചുമൂടിയെന്ന മൊഴിയുടെ അടിസ്ഥാനത്തില് വീട്ടില് പൊലീസ് കുഴിച്ച് പരിശോധന നടത്തുകയാണ്. അന്ന് 27 വയസ് പ്രായമുള്ള കലയെ പുറത്തേയ്ക്ക് കാണാതെ വന്നതോടെ ചോദിച്ചപ്പോള് യുവതി ഗള്ഫിലുള്ള മറ്റൊരാളുടെ കൂടി ഒളിച്ചോടി പോയി എന്നാണ് ഭര്ത്താവ് അനില് കുമാര് പറഞ്ഞിരുന്നതെന്ന് നാട്ടുകാര് പറയുന്നു. മാന്നാറില് അനില് പുതിയ വീട് പണിതിട്ടും പഴയ ശുചിമുറി പൊളിച്ചിരുന്നില്ല. സംശയം തോന്നി നാട്ടുകാര് ചോദിച്ചപ്പോള് വാസ്തു പ്രശ്നമെന്നായിരുന്നു ഭര്ത്താവിന്റെ മറുപടിയെന്നും നാട്ടുകാര് പറയുന്നു. അനില് ഇസ്രയേലിലാണ്. സംഭവവുമായി ബന്ധപ്പെട്ട് ഇയാളുടെ അച്ഛന്റെ സഹോദരന്റെ മക്കളാണ് കസ്റ്റഡിയിലുള്ളത്. കല കൊല്ലപ്പെട്ടതായുള്ള സൂചന നല്കുന്ന ഊമക്കത്ത് പൊലീസിന് ലഭിച്ചതാണ് കേസില് വഴിത്തിരിവായത്. ഇതിന്റെ അടിസ്ഥാനത്തില് നടത്തിയ അന്വേഷണത്തിലാണ് പ്രതികള് പിടിയിലായത്. ഇവരെ ചോദ്യം ചെയ്തതിന്റെ അടിസ്ഥാനത്തിലാണ് കലയെ കൊന്ന് കുഴിച്ചുമൂടിയതായുള്ള മൊഴി…
Read More » -
അമ്പലത്തിലെ തിരുവാഭരണം മോഷ്ടിച്ച് മുക്കുപണ്ടം പകരംവെച്ച പൂജാരി അറസ്റ്റില്
മലപ്പുറം: തിരൂരില് ക്ഷേത്രത്തില് നിന്ന് തിരുവാഭരണം മോഷ്ടിച്ച പൂജാരി അറസ്റ്റില്. പാലക്കാട് നെന്മാറ സ്വദേശി ധനേഷ് (32) ആണ് അറസ്റ്റിലായത്. തിരുനാവായ മങ്കുഴിക്കാവ് ഭഗവതിക്ഷേത്രത്തിലെ അഞ്ചു പവന്റെ തിരുവാഭരണമാണ് ഇയാള് കവര്ന്നത്. തിരുവാഭരണം എടുത്ത ശേഷം മുക്കുപണ്ടം കൊണ്ട് നിര്മ്മിച്ച വ്യാജ തിരുവാഭരണം ക്ഷേത്രത്തില് വെച്ചായിരുന്നു മോഷണം. കഴിഞ്ഞ വര്ഷം ജോലിക്ക് വന്ന ഇയാള് ആഭരണം കൈക്കലാക്കി അതേ മാതൃകയില് മറ്റൊന്ന് തിരികെ വയ്ക്കുകയായിരുന്നു. പിന്നീട് ജോലി മതിയാക്കി പോവുകയായിരുന്നു. ക്ഷേത്രത്തിലെ ഉത്സവത്തിനായി പരിശോധന നടത്തിയപ്പോഴാണ് ക്ഷേത്ര ഭാരവാഹികള് വിവരം അറിയുന്നത്. തുടര്ന്ന് പൊലീസില് പരാതി നല്കി. തിരുവാഭരണം വിറ്റതായി പ്രതി മൊഴി നല്കി. തിരൂര് ഇന്സ്പെക്ടര് എം കെ രമേഷിന്റെ നേതൃത്വത്തില് എസ്ഐ ഷിജോ സി തങ്കച്ചന്, പ്രതീഷ് കുമാര് സിപിഒ മാരായ അരുണ്, സതീഷ് കുമാര് എന്നിവര് അടങ്ങിയ പൊലീസ് സംഘമാണ് അറസ്റ്റ് ചെയ്തത്. പ്രതിയെ ശനിയാഴ്ച കോടതിയില് ഹാജരാക്കും.
Read More » -
സെപ്റ്റിക് ടാങ്കില് നിന്ന് മൃതദേഹാവിശിഷ്ടം കണ്ടെത്തി; കലയുടേതാണോ എന്ന് ഫോറന്സിക് പരിശോധന
ആലപ്പുഴ: കാണാതായ മാന്നാര് സ്വദേശിയായ യുവതിയുടെ മൃതദേഹാവശിഷ്ടം എന്ന് സംശയിക്കുന്ന വസ്തുക്കള് കണ്ടെത്തി. കാണാതായ കലയുടെ ഭര്ത്താവ് അനില്കുമാറിന്റെ വീട്ടിലെ സെപ്റ്റിക് ടാങ്കില് നിന്നാണ് മൃതദേഹാവശിഷ്ടം എന്ന് സംശയിക്കുന്ന വസ്തുക്കള് കണ്ടെത്തിയത്. 1 ്രവര്ഷം മുന്പ് മാവേലിക്കര മാന്നാറില് നിന്ന് ദുരൂഹ സാഹചര്യത്തില് കാണാതായ കലയെ കൊന്നുകുഴിച്ചുമൂടിയെന്ന സൂചനയെ തുടര്ന്ന് മൃതദേഹം കണ്ടെത്താനുള്ള പൊലീസ് നടപടികള് പുരോഗമിക്കുകയാണ്. ഇതിനിടെയാണ് കലയെ കുഴിച്ചിട്ടെന്ന കരുതുന്ന ഇലമത്തൂരിലെ വീട്ടിലെ സെപ്റ്റിക് ടാങ്കില് നിന്ന് മൃതദേഹാവശിഷ്ടങ്ങള് എന്ന് സംശയിക്കുന്ന വസ്തുക്കള് കണ്ടെത്തിയത്. ശാസ്ത്രീയ പരിശോധനക്ക് ശേഷം മാത്രമേ ഈ അവശിഷ്ടങ്ങള് കലയുടേതാണെന്ന് സ്ഥിരീകരിക്കാന് സാധിക്കൂ. സെപ്റ്റിക് ടാങ്കിന്റെ സ്ലാബ് തുറന്ന് നടത്തിയ പരിശോധനയിലാണ് അവശിഷ്ടങ്ങള് കണ്ടെത്തിയത്. സംഭവത്തില് കലയുടെ ഭര്ത്താവ് അനില് കുമാറിന്റെ സഹോദരീഭര്ത്താവ് അടക്കം അഞ്ചുപേരെ പൊലീസ് കസ്റ്റഡിയിലെടുത്തിട്ടുണ്ട്. സോമന്, സുരേഷ്, പ്രമോദ്, സന്തോഷ്, ജിനു രാജന് എന്നിവരാണ് കസ്റ്റഡിയിലുള്ളത്. ഇസ്രായേലിലുള്ള കലയുടെ ഭര്ത്താവായ അനിലിനെ നാട്ടിലെത്തിക്കാനുള്ള ശ്രമവും ആരംഭിച്ചിട്ടുണ്ട്. ഇരുസമുദായത്തിലുള്ള കലയും അനിലും…
Read More » -
പീഡനക്കേസ് പ്രതിയെ തിരിച്ചെടുത്തതില് പ്രതിഷേധം; പോസ്റ്റര് ഒട്ടിച്ചതില് അന്വേഷണവുമായി സി.പി.എം
പത്തനംതിട്ട: പീഡനക്കേസ് പ്രതി സി.സി സജിമോനെ സി.പി.എം തിരിച്ചെടുത്തതിനെതിരെ പോസ്റ്ററൊട്ടിച്ച് പ്രതിഷേധിച്ചത് അന്വേഷിക്കാന് പാര്ട്ടി തീരുമാനം. തിരുവല്ല ഏരിയാ കമ്മിറ്റിയാണ് അന്വേഷണ കമ്മീഷനെ നിയമിച്ചത്. പോസ്റ്റര് തയ്യാറാക്കിയത് പാര്ട്ടിക്കാര് തന്നെയാണെന്ന് ആരോപണമുന്നയിച്ചിരുന്നു. ഏതാനും ദിവസങ്ങള്ക്ക് മുമ്പാണ് സജിമോന്റെ സസ്പെന്ഷന് റദ്ദാക്കി തിരിച്ചെടുക്കാന് പാര്ട്ടി കണ്ട്രോള് കമ്മീഷന് നിര്ദേശിച്ചത്. സജിമോനെ തിരിച്ചെടുത്തതിന് പിന്നാലെ ഇതിനെതിരെ തിരുവല്ലയില് വ്യാപകമായി പോസ്റ്റര് ഒട്ടിച്ചിരുന്നു. സജിമോനെതിരെ പാര്ട്ടിക്കകത്ത് നടക്കുന്ന നീക്കത്തിന്റെ ഭാഗമായാണ് പോസ്റ്റര് പ്രത്യക്ഷപ്പെട്ടതെന്ന് ആരോപണമുയര്ന്നിരുന്നു. ഇതിന് പിന്നാലെയാണ് അന്വേഷണ കമ്മീഷനെ നിയോഗിച്ചിരിക്കുന്നത്.
Read More » -
കുറവിലങ്ങാട്ട് പരിക്കേറ്റനിലയില് കണ്ടെത്തിയ വിദ്യാര്ഥി മരിച്ചു; ദുരൂഹതയെന്ന് ബന്ധുക്കള്
കോട്ടയം: ദുരൂഹസാഹചര്യത്തില് പരിക്കേറ്റനിലയില് കണ്ടെത്തിയ കോളേജ് വിദ്യാര്ഥി ചികിത്സയിലിരിക്കെ മരിച്ചു. അതിരമ്പുഴ സ്വദേശി മുഹമ്മദ് യാസീന്(19) ആണ് മരിച്ചത്. ആന്തരിക രക്തസ്രാവത്തെത്തുടര്ന്ന് വൈക്കത്തെ സ്വകാര്യ ആശുപത്രിയില് ചികിത്സയിലായിരുന്നു. കോട്ടയം പെരുമ്പിക്കാട് സ്കൂള് ഓഫ് ടെക്നോളജി ആന്ഡ് അപ്ലൈഡ് സയന്സിലെ രണ്ടാംവര്ഷ ബി.സി.എ. വിദ്യാര്ഥിയാണ് യാസീന്. ജൂണ് 28-നാണ് കുറവിലങ്ങാട് കാളികാവിന് സമീപം നിര്മാണം നടക്കുന്ന കെട്ടിടത്തിന് താഴെ പരിക്കേറ്റനിലയില് യാസീനെ കണ്ടെത്തിയത്. ഗുരുതരമായി പരിക്കേറ്റിരുന്ന വിദ്യാര്ഥിയെ പിന്നീട് ആശുപത്രിയില് പ്രവേശിപ്പിക്കുകയായിരുന്നു. സംഭവത്തില് ദുരൂഹതയുണ്ടെന്നും ഇത് അന്വേഷിക്കണമെന്നും ബന്ധുക്കളും ആവശ്യപ്പെട്ടിരുന്നു.
Read More » -
എകെജി സെന്റര് ആക്രമണം; വിദേശത്ത് ഒളിവിലായിരുന്ന യൂത്ത് കോണ്ഗ്രസ് നേതാവ് അറസ്റ്റില്
തിരുവനന്തപുരം: എകെജി സെന്റര് ആക്രമണ കേസില് യൂത്ത് കോണ്ഗ്രസ് നേതാവ് അറസ്റ്റില്. തിരുവനന്തപുരം മുന് ജില്ലാ സെക്രട്ടറി സുഹൈല് ഷാജഹാനാണ് അറസ്റ്റിലായത്. വിദേശത്തായിരുന്ന സുഹൈല് ഡല്ഹി വിമാനത്താവളത്തിലെത്തിയപ്പോഴാണ് പിടിയിലാകുന്നത്. പടക്കം എറിയാന് നിര്ദേശം നല്കിയത് നിര്ദേശം നല്കിയത് സുഹൈല് ആണെന്നാണ് ക്രൈം ബ്രാഞ്ചിന്റെ കണ്ടെത്തല്. രണ്ട് വര്ഷമായി ഒളിവില് കഴിഞ്ഞതിന് ശേഷമാണ് പ്രതി പിടിയിലാകുന്നത്. പിടികൂടാന് സാധിക്കാത്തതിനെത്തുടര്ന്ന് പൊലീസ് ലുക്ക്ഔട്ട് നോട്ടീസ് നല്കിയിരുന്നു. ഇന്ന് പുലര്ച്ചെയാണ് ഇയാള് പിടിയിലാകുന്നത്. ഡല്ഹി വിമാനത്താവളത്തില് നിന്ന് കാഠ്മണ്ഡുവിലേക്ക് പോകാന് എത്തിയതാണെന്നായിരുന്നു ക്രൈംബ്രാഞ്ച് വ്യക്തമാക്കുന്നത്. തിരുവനന്തപുരം ക്രൈംബ്രാഞ്ച് സംഘം ഇന്ന് വൈകുന്നേരത്തോടെ സുഹൈലിനെ തിരുവനന്തപുരത്തെത്തിക്കും. കേസില് നേരത്തെ തന്നെ ഇടക്കാല കുറ്റപത്രം നല്കിയിരുന്നു.
Read More » -
പെരുമ്പാവൂരില് അതിഥി തൊഴിലാളിയെ കുത്തിക്കൊന്നു; മുങ്ങിയ പ്രതിക്കായി തിരച്ചില്
എറണാകുളം: പെരുമ്പാവൂരില് അതിഥി തൊഴിലാളിയെ കുത്തിക്കൊലപ്പെടുത്തി. വട്ടയ്ക്കാട്ടുപടി എസ്എന്ഡിപിക്ക് സമീപം കുടുംബവുമൊന്നിച്ച് വാടകയ്ക്ക് താമസിച്ചിരുന്ന ഒഡിഷ സ്വദേശി ആകാശ് ഡിഗല് (34) ആണ് മരിച്ചത്. ഒഡിഷ സ്വദേശി അഞ്ജന നായിക്കാണ് പ്രതി. സംഭവശേഷം ഇയാള് ഓടി രക്ഷപ്പെട്ടു. പ്രതിക്കായുള്ള തിരച്ചില് ഊര്ജ്ജിതമാക്കിയതായി പൊലീസ് പറഞ്ഞു. രാവിലെ 7.30ന് ആയിരുന്നു സംഭവം. വട്ടക്കാട്ടുപടി നെടുംപുറത്ത് ബിജുവിന്റെ വാടക കെട്ടിടത്തിലാണ് ആകാശ് ഡിഗലും കുടുംബവും താമസിക്കുന്നത്. ഇതേ കെട്ടിടത്തിലാണ് അഞ്ജന നായിക്കും താമസിച്ചിരുന്നത്. ഇരുവരും തമ്മിലുള്ള വാക്കുതര്ക്കമാണ് കത്തിക്കുത്തില് കലാശിച്ചത് എന്ന് പൊലീസ് പറയുന്നു. പരിക്കേറ്റ ആകാശിനെ ഉടന് താലൂക്ക് ആശുപത്രിയില് എത്തിച്ചുവെങ്കിലും ജീവന് രക്ഷിക്കാന് സാധിച്ചില്ല. പെരുമ്പാവൂര് പൊലീസ് സ്ഥലത്തെത്തി അന്വേഷണം ആരംഭിച്ചു.
Read More » -
വധു ഡോക്ടറാണ്, വരന് ആബ്സന്റാണ്! വിവാഹദിവസം മുങ്ങിയ കാമുകന്റെ ജനനേന്ദ്രിയം മുറിച്ചുമാറ്റി ലേഡി ഡോക്ടര്
പട്ന: വിവാഹം കഴിക്കാന് വിസമ്മതിച്ചതിന് വനിതാ ഡോക്ടര് കാമുകന്റെ ജനനേന്ദ്രിയം മുറിച്ചുമാറ്റി. ബിഹാറിലെ സരണ് ജില്ലയിലാണ് സംഭവം. 25-കാരിയായ വനിതാ ഡോക്ടറാണ് കാമുകനെ ക്രൂരമായി ആക്രമിച്ചത്. പരിക്കേറ്റ യുവാവിനെ പട്ന മെഡിക്കല് കോളേജ് ആശുപത്രിയില് പ്രവേശിപ്പിച്ചു. പ്രതിയായ ഡോക്ടറെ പോലീസ് അറസ്റ്റ് ചെയ്തു. ബിഹാറിലെ മഥൗര ബ്ലോക്കിലെ വാര്ഡ് കൗണ്സിലറായ യുവാവാണ് കാമുകിയുടെ ആക്രമണത്തിനിരയായത്. കഴിഞ്ഞ അഞ്ചുവര്ഷമായി യുവാവുമായി അടുപ്പത്തിലാണെന്നായിരുന്നു വനിതാ ഡോക്ടറുടെ മൊഴി. എന്നാല്, വിവാഹത്തിന് നിര്ബന്ധിച്ചപ്പോള് യുവാവ് ഇതിന് വിസമ്മതിച്ചു. ഒടുവില് കോടതിയില് രജിസ്റ്റര് വിവാഹം നടത്താമെന്ന് സമ്മതിപ്പിച്ചു. പക്ഷേ, വിവാഹം രജിസ്റ്റര് ചെയ്യാനായി താന് കോടതിയില് എത്തിയെങ്കിലും കാമുകന് മുങ്ങിയെന്നും ഇതാണ് തന്നെ പ്രകോപിപ്പിച്ചതെന്നും യുവതി മൊഴി നല്കിയിട്ടുണ്ട്. വിവാഹം മുടങ്ങിയതിന് പിന്നാലെ വനിതാ ഡോക്ടര് യുവാവിനെ വീട്ടിലേക്ക് വിളിച്ചുവരുത്തുകയായിരുന്നു. തുടര്ന്ന് വീട്ടിലെത്തിയ യുവാവിനെ ഡോക്ടര് ആക്രമിക്കുകയും ജനനേന്ദ്രിയം മുറിച്ചുമാറ്റുകയും ചെയ്തു. വീട്ടില്നിന്ന് യുവാവിന്റെ കരച്ചില് കേട്ട അയല്ക്കാരാണ് വിവരം പോലീസില് അറിയിച്ചത്. പോലീസെത്തിയപ്പോള് ചോരയില്കുളിച്ച് കിടക്കുന്നനിലയിലാണ്…
Read More »