Crime
-
കൂടുതല് ലാഭം നല്കാമെന്ന് വാഗ്ദാനം, 46 ലക്ഷം തട്ടിയെടുത്ത രണ്ട് സിനിമാ പ്രവര്ത്തകര് അറസ്റ്റില്
കൊച്ചി: ഓണ്ലൈന് തട്ടിപ്പിലൂടെ മട്ടാഞ്ചേരി സ്വദേശിയുടെ 46 ലക്ഷം രൂപ തട്ടിയെടുത്ത കേസില് രണ്ട് സിനിമാ പ്രവര്ത്തകര് പിടിയില്. അസോസിയേറ്റ് ഡയറക്ടര് ശ്രീദേവ് (35), കോസ്റ്റ്യൂമര് മുഹമ്മദ് റാഫി (37) എന്നിവരാണ് മട്ടാഞ്ചേരി പൊലീസിന്റെ പിടിയിലായത്. കൂടുതല് ലാഭം വാഗ്ദാനം ചെയ്തായിരുന്നു തട്ടിപ്പ്. കഴിഞ്ഞ ജനുവരി, ഫെബ്രുവരി മാസങ്ങളിലായാണ് മട്ടാഞ്ചേരി സ്വദേശിയായ യുവാവ് ഓണ്ലൈന് സാമ്പത്തിക തട്ടിപ്പിരയായത്. ആപ്പില് പണം നിക്ഷേപിച്ച് അതിലുള്ള ബില്ഡിങിന് റേറ്റിങ് നല്കിയാല് കൂടുതല് ലാഭം നല്കാം എന്നും വിശ്വസിപ്പിച്ചായിരുന്നു തട്ടിപ്പ്. ഇതിനായി യുവാവിന്റെ ഫോണിലേക്ക് പ്രതികള് വാട്ട്സ്ആപ്പിലുടെ ലിങ്ക് അയച്ച്കൊടുക്കുകയായിരുന്നു. ഇങ്ങനെ പലതവണകളായി 46 ലക്ഷം രൂപയാണ് പ്രതികള് തട്ടിയെടുത്തത്. പ്രതികളുടെ മൊബെല് ഫോണ് ലൊക്കേഷന് കേന്ദ്രീകരിച്ച് നടത്തിയ അന്വേഷണത്തിലാണ് ശ്രീദേവും മുഹമ്മദ് റാഫിയും അറസ്റ്റിലായത്. എറണാകുളം പെരിങ്ങാല സ്വദേശിയും സിനിമകളില് അസ്സോസ്സിയേറ്റ്ഡയറക്ടറുമാണ് ശ്രീദേവ്. കണ്ണൂര് കണ്ണാടിപറമ്പ് സ്വദേശി മുഹമ്മദ്റാഫി സിനിമയില് കോസ്റ്റ്യൂമറുമാണ്.
Read More » -
കരിയര് ഗൈഡന്സ് സ്ഥാപനത്തിന്റെ മറവില് തട്ടിപ്പ്; ഭാര്യയും ഭര്ത്താവും അറസ്റ്റില്
കോട്ടയം: കരിയര് ഗൈഡന്സ് സ്ഥാപനത്തിന്റെ മറവില് ലക്ഷങ്ങള് തട്ടിപ്പ് നടത്തിയ ഭാര്യയും ഭര്ത്താവും അറസ്റ്റില് തിരുവനന്തപുരം ആസ്ഥാനമായി പ്രവര്ത്തിക്കുന്ന Evoca Edutech എന്ന സ്ഥാപനത്തിന്റെ മറവിലായിരുന്നു തട്ടിപ്പ്. സ്ഥാപനത്തില് തൊഴില് വാഗ്ദാനം ചെയ്ത് ലക്ഷങ്ങള് നിക്ഷേപമായി വാങ്ങിയായിരുന്നു തട്ടിപ്പ് നടത്തിയത് കോഴിക്കോട് സ്വദേശി റമിത്ത് ഭാര്യ ചിഞ്ചു എന്നിവരെയാണ് ചിങ്ങവനം പോലീസ് അറസ്റ്റ് ചെയ്തത്. മൂന്ന് ചിങ്ങവനം സ്വദേശികള് നല്കിയ പരാതിയിലാണ് പോലീസ് കേസെടുത്ത് പ്രതികളെ അറസ്റ്റ് ചെയ്തത്. ഈ മൂന്നു പേരില് നിന്ന് മാത്രം 15 ലക്ഷം രൂപയാണ് പ്രതികള് തട്ടിയതെന്നാണ് പരാതി. സംസ്ഥാനത്തിന്റെ വിവിധ ഭാഗങ്ങളില്നിന്ന് പ്രതികള് കൂടുതല് തട്ടിപ്പ് നടത്തിയിട്ടുണ്ടെന്ന് പോലീസ് അറിയിച്ചു.
Read More » -
നാട്ടുകാര്ക്ക് മുഴുവന് തലവേദന, പൊലീസ് കസ്റ്റഡിയിലെടുത്തു; പിന്നാലെ പ്രതിയുടെ വീട് കത്തിനശിച്ച നിലയില്
കോഴിക്കോട്: പൊലീസ് കസ്റ്റഡിയിലെടുത്തയാളുടെ വീട് കത്തി നശിച്ച നിലയില്. വെള്ളയില് സ്വദേശി ഫൈജാസിന്റെ വീടാണ് കത്തി നശിച്ചത്. അടിപിടി കേസുമായി ബന്ധപ്പെട്ടാണ് ഇയാളെ ഇന്നലെ കസ്റ്റഡിയില് എടുത്തത്. കടുത്ത മദ്യപാനിയായ ഫൈജാസ് മറ്റ് മാരക ലഹരി വസ്തുക്കളും ഉപയോഗിക്കാറുണ്ടെന്ന് സ്ഥലം കൗണ്സിലര് ആരോപിച്ചു. കഴിഞ്ഞ ഞായറാഴ്ച ഫൈജാസും നാട്ടുകാരും തമ്മില് സംഘര്ഷം ഉണ്ടായിരുന്നു. ഈ കേസിലാണ് ഇയാളെ ഇന്നലെ പൊലീസ് കസ്റ്റഡിയിലെടുത്തത്. പിന്നാലെ ഇന്ന് പുലര്ച്ചെയാണ് ഫൈജാസിന്റെ വീട് ഭാഗികമായി കത്തി നശിച്ച നിലയില് കണ്ടെത്തിയത്. ഇയാള് മദ്യപിച്ചാല് സമീപത്തെ വീടുകളുടെ വാതിലില് മുട്ടി ബഹളം വയ്ക്കുന്ന പതിവുണ്ടെന്ന് കൗണ്സിലര് പറയുന്നു. നാട്ടിലേക്ക് പുറത്ത് നിന്ന് ആര് വന്നാലും ഫൈജാസ് ചോദ്യം ചെയ്യുമെന്നാണ് മറ്റൊരു ആരോപണം. ഇത്തരത്തില് ഒരു വിദ്യാര്ത്ഥിയെ കുത്തി പരിക്കേല്പ്പിച്ചിട്ടുണ്ട്. ഭട്ട് റോഡില് വച്ച് നാട്ടുകാരനായ ഒരാളെ ഇയാള് വെട്ടി പരിക്കേല്പ്പിച്ചിട്ടുണ്ടെന്നും കൗണ്സിലര് ആരോപിച്ചു. ഫൈജാസ് ഒറ്റയ്ക്കാണ് വീട്ടില് താമസിച്ചിരുന്നതെന്നും ഇവിടെ സുഹൃത്തുക്കള്ക്കൊപ്പം മദ്യപിക്കുന്നത് പതിവാണെന്നും കൗണ്സിലര് പറഞ്ഞു.
Read More » -
109 ചാക്ക് നിരോധിത പുകയില ഉല്പ്പന്നങ്ങള്, കൊല്ലത്ത് വന് ലഹരിവേട്ട; വാഹനം ഉപേക്ഷിച്ച് ഡ്രൈവര് ഓടിരക്ഷപ്പെട്ടു
കൊല്ലം: നഗരത്തില് വാഹന പരിശോധനയ്ക്കിടെ ലഹരിവസ്തുക്കള് പിടിച്ചു. ഏകദേശം 50 ലക്ഷം രൂപ വിലവരുന്ന 109 ചാക്ക് നിരോധിത പുകയില ഉല്പ്പന്നങ്ങളാണ് പിടിച്ചെടുത്തത്. കൊല്ലം വെസ്റ്റ് പൊലീസ് നഗരത്തില് നടത്തിയ വാഹന പരിശോധനയ്ക്കിടെയാണ് ലഹരിവസ്തുക്കള് കണ്ടെത്തിയത്. ലഹരി വസ്തുക്കള് വാഹനത്തില് കടത്തുന്നതായി ലഭിച്ച വിവരത്തിന്റെ അടിസ്ഥാനത്തില് ആയിരുന്നു പരിശോധന. പരിശോധനയ്ക്ക് ഇറങ്ങിയ ഉദ്യോഗസ്ഥരെ വെട്ടിച്ച് പിക്കപ്പ് അമിതവേഗത്തില് കടന്നുപോവുകയും ചെയ്തു. വാഹനത്തെ പിന്തുടര്ന്നാണ് പൊലീസ് ലഹരിവസ്തുക്കള് കണ്ടെത്തിയത്. പൊലീസിനെ വെട്ടിച്ച് കടന്നുകളഞ്ഞ വാഹനം ആനന്ദവല്ലീശ്വരം ഭാഗത്ത് ഒരു ഡിവൈഡറില് ഇടിച്ച് നില്ക്കുകയായിരുന്നു. ഒരാളാണ് വാഹനത്തിലുണ്ടായിരുന്നത്. വാഹനത്തില് നിന്നും പ്രതി ഓടി രക്ഷപ്പെട്ടു. പ്രതിയെക്കുറിച്ച് വിവരം ലഭിച്ചിട്ടുള്ളതായും ഉടന് പിടികൂടാന് കഴിയുമെന്നും പൊലീസ് അറിയിച്ചു.
Read More » -
ദേ അടുത്തത്! മകളുടെ അമ്മായിയപ്പനൊപ്പം 43-കാരി ഒളിച്ചോടി
ലഖ്നൗ: മകളുടെ പ്രതിശ്രുത വരനുമായി അമ്മ ഒളിച്ചോടിയ സംഭവം ദിവസങ്ങള്ക്ക് മുമ്പാണ് ഉത്തര്പ്രദേശിലെ അലിഗഢില് റിപ്പോര്ട്ട് ചെയ്തത്. അതിന് സമാനമായ മറ്റൊരു സംഭവമാണ് ഇപ്പോള് ഉത്തര്പ്രദേശില്നിന്ന് തന്നെ പുറത്തുവരുന്നത്. നാലു കുട്ടികളുടെ അമ്മയായ സ്ത്രീ മകളുടെ ഭര്ത്താവിന്റെ അച്ഛനോടൊപ്പം ഒളിച്ചോടി. യുപിയിലെ ബദൗണിലുള്ള മമത എന്ന സ്ത്രീയും അവരുടെ മകളുടെ അമ്മായി അച്ഛനുമായ ശൈലേന്ദ്ര എന്ന ബില്ലുവുമാണ് നാടുവിട്ടതെന്നാണ് പരാതി. മമ്തയുടെ ഭര്ത്താവ് സുനില് കുമാര് മാസത്തില് രണ്ടു തവണ മാത്രമാണ് വീട്ടില് എത്താറുണ്ടായിരുന്നത്. ഈ അവസരത്തിലാണ് ശൈലേന്ദ്രയുമായി മമ്ത അടുപ്പമുണ്ടാക്കിയത്. കുടുംബാംഗങ്ങളുടെ എതിര്പ്പ് വന്നതോടെ ഇരുവരും നാടുവിട്ടതായാണ് വിവരം. 43-കാരിയായ മമ്തയ്ക്കും സുനില് കുമാറിനും നാലു മക്കളുണ്ട്. 2022-ല് ഇവരുടെ ഒരു മകള് വിവാഹിതയായി. പിന്നീടാണ് ശൈലേന്ദ്രയുമായി മമ്ത ബന്ധം സ്ഥാപിച്ചത്. ട്രക്ക് ഡ്രൈവറായ സുനില് കുമാര് മാസത്തില് രണ്ട് തവണയാണ് വീട്ടില് എത്തിയിരുന്നത്. സുനില് കുമാര് ഇല്ലാത്ത സമയം മമ്ത ശൈലേന്ദ്രയെ വീട്ടിലേക്ക് ക്ഷണിച്ച് വരുത്തുമെന്നും ബന്ധുക്കള് ആരോപിച്ചു.…
Read More » -
ഷൈന് ടോം ചാക്കോ പൊലീസിന് മുന്നില് ഹാജരായി; ചോദ്യംചെയ്യല് ഉടന്
കൊച്ചി: നടന് ഷൈന് ടോം ചാക്കോ കൊച്ചി നോര്ത്ത് പൊലീസ് സ്റ്റേഷനില് ഹാജരായി. രാവിലെ 10:30 ഓടെ ഹാജരാകുമെന്നാണ് നേരത്തെ അറിയിച്ചിരുന്നെങ്കിലും 10 മണിയോടെ തന്നെ സ്റ്റേഷനിലെത്തി. വിശദമായി ചോദ്യം ചെയ്യുമെന്ന് സെന്ട്രല് എസിപി കെ.ജയകുമാര് പറഞ്ഞു. നാര്ക്കോട്ടിക്സ് സംഘത്തിന്റെ പരിശോധനക്കിടെ ഹോട്ടലില് നിന്ന് ഇറങ്ങിയോടിയത് എന്തിനെന്നതില് വ്യക്തത വരുത്താന് വേണ്ടിയാണ് ചോദ്യം ചെയ്യല്. ഷൈന് ടോം ചാക്കോ ഹോട്ടലില് നിന്ന് ഓടിരക്ഷപ്പെടുന്ന സിസിടിവി ദൃശ്യങ്ങള് പുറത്തുവന്നിരുന്നു. കൃത്യമായ തെളിവുകള് ലഭിച്ചതിന് ശേഷം മാത്രമേ ഷൈനിനെതിരെ കേസടുക്കുകയുളളൂ എന്നാണ് പൊലീസിന്റെ തീരുമാനം. നടിയുടെ പരാതിയില് ഷൈന് ഇന്റേണല് കമ്മിറ്റിക്ക് മുമ്പില് ഹാജരാകണമെന്നാവശ്യപ്പെട്ട് താര സംഘടനയായ ‘അമ്മ’ മെയില് അയച്ചതായി ഷൈനിന്റെ കുടുബം അറിയിച്ചിരുന്നു. വിന്സി അലോഷ്യസില് നിന്ന് എക്സൈസ് വിവരങ്ങള് തേടാന് ശ്രമിച്ചെങ്കിലും നിയമനടപടികള്ക്ക് താല്പര്യമില്ലെന്ന് കുടുംബം അറിയിച്ചു. എന്നാല് വിവരങ്ങളുടെ അടിസ്ഥാനത്തില് പ്രാഥമിക അന്വേഷണം നടത്താനാണ് എക്സൈസ് തീരുമാനം.
Read More » -
തോക്കുമായി ഇന്സ്റ്റഗ്രാമില് റീല്; സിക്രയ്ക്കു പിന്നാലെ പോലീസ്; കുനാലിന്റെ കൊലപാതകത്തില് കസ്റ്റഡിയില് എന്നും സൂചന; ‘ലേഡി ഡോണ്’ സോഷ്യല് മീഡിയയിലെ വൈറല് തലൈവി
ന്യൂഡല്ഹി: പതിനേഴുകാരന് കുനാലിനെ മാതാപിതാക്കളുടെ മുന്നിലിട്ടു കുത്തിക്കൊന്നു കേസില് ലേഡി ഡോണ് സിക്രയെ പൂട്ടാനുറച്ച് പോലീസ്. തോക്കെടുത്ത് ഇന്സ്റ്റഗ്രാമില് റീല് പോസ്റ്റ് ചെയ്തു മുങ്ങിയ സിക്രയെ ഇതുവരെ കണ്ടെത്താന് കഴിഞ്ഞിട്ടില്ലെന്നാണു പോലീസ് പറയുന്നതെങ്കിലും ഇവര് കസ്റ്റഡിയിലുണ്ടെന്നും സൂചനയുണ്ട്. തോക്കുമായി ഫോട്ടോകളെടുത്ത് ഇന്സ്റ്റഗ്രാമില് പോസ്റ്റ് ചെയ്യുക. റീലുകള് എടുക്കുക, പൊലീസ് കസ്റ്റഡിയില് എടുക്കുന്ന ഫോട്ടോകള് പോലും സ്വന്തം സമൂഹമാധ്യമത്തിലിടുക എന്നിവ സിക്രയുടെ ഹരമാണ്. പതിനേഴുകാരന് കുനാലിനെ പിതാവിന്റെ മുന്പിലിട്ട് കുത്തിക്കൊലപ്പെടുത്തിയ കേസിലാണ് പൊലീസ് സിക്രയെയും സഹോദരന് സാഹിലിനെയും തിരയുന്നത്. സിക്രയും കൂട്ടാളികളും സീലംപൂരില് തോക്കുമായി റോന്ത് ചുറ്റുന്നത് പതിവാണെന്നും പൊലീസ് ഇതുവരെ നടപടിയെടുത്തിട്ടില്ലെന്നുമാണ് നാട്ടുകാരുടെ ആരോപണം. കുപ്രസിദ്ധ ഗുണ്ടാനേതാവ് ഹഷിം ബാബയുടെ വനിതാ സുഹൃത്തുകൂടിയാണ് സിക്ര. ലൈസന്സില്ലാതെ തോക്ക് കൈവശം വച്ചതടക്കം കേസുകളില് പ്രതിയുമാണ്. സമൂഹമാധ്യമങ്ങളില് നിരവധിപ്പേരാണ് സിക്രയെ പിന്തുടരുന്നത്. നേരത്തേ, ബാബയുടെ ഭാര്യ സോയയുടെ ബൗണ്സറായിട്ടാണ് സിക്ര കളത്തിലിറങ്ങിയത്. ഡല്ഹി ‘ലോക്കല് അണ്ടര്വേള്ഡിലെ’ താരമാണ് സിക്ര. നാടന് പിസ്റ്റളും വിദേശനിര്മിതമായ തോക്കുകളടക്കം…
Read More » -
അപ്പോള് നാളെ രാവിലെ 10 മണി! ഷൈന് വീട്ടിലില്ല, നോട്ടീസുമായി നേരിട്ടെത്തി പൊലീസ്; ഓലപ്പാമ്പെന്ന് ‘ചാച്ചന്’
കൊച്ചി: ലഹരി പരിശോധനയ്ക്കിടെ ഓടി രക്ഷപെട്ട നടന് ഷൈന് ടോം ചാക്കോയ്ക്ക് പൊലീസിന്റെ നോട്ടീസ്. ഷൈന്റെ തൃശൂര് തൈപ്പറമ്പിലെ വീട്ടിലെത്തിയാണ് നോട്ടീസ് കൈമാറിയത്. ഷൈന് വീട്ടിലില്ലാതിരുന്നതിനാല് വീട്ടുകാര്ക്ക് പൊലീസ് നോട്ടീസ് കൈമാറി. ഷൈന് നാളെ ചോദ്യം ചെയ്യലിന് ഹാജരാകുമെന്ന് കുടുംബം അറിയിച്ചെന്നും പൊലീസ് പറഞ്ഞു. ഷൈനിന്റെ മൊബൈല് ഫോണ് ഇപ്പോഴും ഓണ് ആണ്. സമൂഹമാധ്യമങ്ങളിലും നടന് സജീവമാണ്. നാളെ രാവിലെ പത്തിന് എറണാകുളം നോര്ത്ത് സ്റ്റേഷനില് ഹാജരാകണമെന്നാണ് കൊച്ചി സിറ്റി പൊലീസിന്റെ നിര്ദേശം. കൊച്ചിയിലെ സ്വകാര്യ ഹോട്ടലില് ലഹരി പരിശോധനയ്ക്ക് ഡാന്സാഫ് സംഘമെത്തിയപ്പോള് അവിടെയുണ്ടായിരുന്ന ഷൈന് പ്രകോപനമേതുമില്ലാതെ ഇറങ്ങി ഓടിയതിലാണ് പൊലീസ് വിശദീകരണം തേടുക. അതേസമയം, ഷൈന് ശനിയാഴ്ച ഉച്ചകഴിഞ്ഞ് മൂന്നിന് എറണാകുളം നോര്ത്ത് പൊലീസ് സ്റ്റേഷനില് ഹാജരാകുമെന്ന് പിതാവ് ചാക്കോ മാധ്യമങ്ങളോടു പറഞ്ഞു. ഇങ്ങനെ പല ഓലപ്പാമ്പുകള് വരുെമന്നും കേസാകുമ്പോള് നോക്കാമെന്നും പിതാവ് പ്രതികരിച്ചു. രാവിലെ 10ന് ഹാജരാകണമെന്നാണ് പൊലീസ് ആവശ്യപ്പെട്ടത്. ഹോട്ടലില്നിന്ന് രക്ഷപ്പെട്ട ഷൈന് ടോം ചാക്കോ തൃശൂര്…
Read More » -
നിറത്തിന്റെ പേരില് പീഡനം, ജിസ്മോളുടെ ഫോണ് ജിമ്മി വാങ്ങിവച്ചു; ഭര്തൃവീട്ടിലെ ക്രൂരത വെളിപ്പെടുത്തി കുടുംബം
കോട്ടയം: ഏറ്റുമാനൂരില് മക്കള്ക്കൊപ്പം പുഴയില് ചാടി ജീവനൊടുക്കിയ ജിസ്മോള് നിറത്തിന്റെയും പണത്തിന്റെയും പേരില് ഭര്തൃവീട്ടില് മാനസിക പീഡനം നേരിട്ടിരുന്നുവെന്ന് സഹോദരന് ജിറ്റു തോമസ്. പീഡനങ്ങളുടെ വിവരങ്ങള് ജിസ്മോളുടെ പിതാവും സഹോദരനും ഏറ്റുമാനൂര് പൊലീസില് മൊഴി നല്കി. മരിക്കുന്നതിന് രണ്ട് ദിവസം മുമ്പ് മുതല് ഫോണില് ബന്ധപ്പെടാന് കഴിഞ്ഞിരുന്നില്ലെന്നും ഇവര് പൊലീസിനോട് പറഞ്ഞു. ജിസ്മോളുടെ ഫോണ് ഭര്ത്താവ് ജിമ്മി വാങ്ങിവച്ചിരുന്നതായി സംശയമുണ്ട്. ജിസ്മോളെ പലതവണ ജിമ്മിയുടെ വീട്ടില് നിന്നും കൂട്ടിക്കൊണ്ടുവരാന് ശ്രമിച്ചിരുന്നുവെന്നും സഹോദരന് പറഞ്ഞു. ജിസ്മോളുടെയും മക്കളുടെയും മൃതദേഹം ഇപ്പോള് പാലായിലെ സ്വകാര്യ ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. സംസ്കാരം എപ്പോഴാണെന്ന കാര്യത്തില് ഇതുവരെ തീരുമാനമായിട്ടില്ല. ജിമ്മിയുടെ ഇടവക പള്ളിയില് സംസ്കാരം നടത്തേണ്ട എന്ന നിലപാടിലാണ് ജിസ്മോളുടെ കുടുംബം. എന്നാല്, ക്നാനായ സഭ നിയമപ്രകാരം ഭര്ത്താവിന്റെ ഇടവകയില് തന്നെ സംസ്കാരം നടത്തണമെന്നാണ്. ഇതുസംബന്ധിച്ച് സഭാതലത്തിലും ചര്ച്ചകള് തുടരുകയാണ്. പോസ്റ്റ്മോര്ട്ടത്തിലെ പ്രാഥമിക വിവരമനുസരിച്ച് മൂന്നുപേരുടേയും ശ്വാസകോശത്തില് വെള്ളം നിറഞ്ഞതാണ് മരണകാരണം. ജിസ്മോളുടെ കൈയ്യിലെ ഞരമ്പ് മുറിഞ്ഞ…
Read More » -
കളികാര്യമാകുമോ അളിയാ? ഷൈന് ടോം ചാക്കോ നാളെ ഹാജരാകണം; കൊച്ചി പൊലീസിന്റെ നോട്ടീസ്
കൊച്ചി: നടന് ഷൈന് ടോം ചാക്കോ നാളെ ഹാജരാകണമെന്ന് കൊച്ചി പൊലീസിന്റെ നോട്ടീസ്. ശനിയാഴ്ച രാവിലെ 10 മണിയ്ക്ക് എറണാകുളം നോര്ത്ത് പൊലീസ് സ്റ്റേഷനില് ഹാജരാകാനാണ് നോട്ടീസില് ആവശ്യപ്പെട്ടിട്ടുള്ളത്. ഷൈന് ടോം ചാക്കോയെ കണ്ടെത്താനാകാത്തതിനാല് നടന്റെ വീട്ടുകാര്ക്ക് ഇതുസംബന്ധിച്ച നോട്ടീസ് പൊലീസ് കൈമാറും. ഹാജരായാല് സെന്ട്രല് എസിപിയുടെ നേതൃത്വത്തില് ഷൈന് ടോം ചാക്കോയെ ചോദ്യം ചെയ്യും. ലഹരിപരിശോധനയ്ക്കായി ഡാന്സാഫ് സംഘം ഹോട്ടലിലെത്തിയപ്പോള് എന്തിനാണ് ഓടിരക്ഷപ്പെട്ടതെന്നാണ് അന്വേഷണ സംഘം പ്രധാനമായും ആരായുക. ഷൈനിന്റെ ഹോട്ടല് മുറിയില് നടത്തിയ പരിശോധനയില് നിന്നും ലഹരി വസ്തുക്കള് ഒന്നും കണ്ടെത്തിയിരുന്നില്ല. പൊലീസിന്റെ ലഹരി പരിശോധനയ്ക്കിടെ ഹോട്ടലില് നിന്നും ഇറങ്ങിയോടിയ ഷൈന് ടോം ചാക്കോ നിലവില് തമിഴ്നാട്ടിലാണ് ഉള്ളതെന്നാണ് സൂചന. പൊള്ളാച്ചിയിലാണ് അവസാനമായി മൊബൈല് ടവര് ലൊക്കേഷന് കാണിച്ചതെന്ന് പൊലീസ് സൂചിപ്പിക്കുന്നു. പൊലീസിന്റെ അന്വേഷണത്തോട് സഹകരിക്കുമെന്ന് ഷൈന് ടോം ചാക്കോയുടെ പിതാവ് മാധ്യമങ്ങളോട് പറഞ്ഞിരുന്നു. ഓപ്പറേഷന് ഡി ഹണ്ടിന്റെ ഭാഗമായി കഴിഞ്ഞ ദിവസം രാത്രി പരിശോധന നടത്തുന്നതിനിടെയാണ് എറണാകുളം…
Read More »