Crime
-
മുഖത്ത് തലയിണ അമര്ത്തി ആക്രമണം; 95 വയസ്സുകാരിയുടെ സ്വര്ണമാല കവര്ന്നു, കൊച്ചുമകന് പിടിയില്
ഇടുക്കി: 95 വയസ്സുള്ള മുത്തശ്ശിയെ കൊലപ്പെടുത്താന് ശ്രമിച്ചശേഷം സ്വര്ണമാല കവര്ന്ന കൊച്ചുമകന് മണിക്കൂറുകള്ക്കകം പോലീസിന്റെ പിടിയിലായി. അടിമാലി മച്ചിപ്ലാവ് പുളിക്കല് മേരിയുടെ ആഭരണമാണ് ഇവരുടെ മൂത്ത മകന്റെ മകന് അഭിലാഷ് (ആന്റണി-44) കവര്ന്നത്. ഞായറാഴ്ച ഉച്ചയോടെയാണ് സംഭവം. മച്ചിപ്ലാവിലെ വീട്ടില് മകന് തമ്പി, ഭാര്യ ട്രീസ എന്നിവര്ക്കൊപ്പമാണ് മേരി താമസിച്ചിരുന്നത്. മറ്റുള്ളവര് പള്ളിയില് പോയ സമയത്താണ് മോഷണം നടന്നത്. കട്ടിലില് കിടക്കുകയായിരുന്ന മുത്തശ്ശിയുടെ മുഖത്ത് തലയിണ അമര്ത്തിയശേഷം രണ്ടര പവനോളം തൂക്കം വരുന്ന സ്വര്ണമാല ബലമായി പൊട്ടിച്ചെടുക്കുകയായിരുന്നുവെന്ന് പോലീസ് പറഞ്ഞു. പള്ളിയില്നിന്ന് മക്കള് തിരിച്ചെത്തിയപ്പോഴാണ് സംഭവം അറിയുന്നത്. ഉടന് പോലീസില് വിവരം അറിയിച്ചു. ആദ്യഘട്ടത്തില് പ്രതി കുറ്റം സമ്മതിച്ചിരുന്നില്ല. പിന്നീട് ടൗണിലെ നിരീക്ഷണകാമറയില്നിന്ന് ലഭിച്ച സൂചനയുടെ അടിസ്ഥാനത്തില് ചോദ്യം ചെയ്തതോടെ കുറ്റം സമ്മതിക്കുകയായിരുന്നു. അഭിലാഷ് മുന്പും സമാന കേസുകളില് പ്രതിയായിരുന്നെന്നും ഏതാനും ദിവസം മുന്പാണ് പീരുമേട് ജയിലില്നിന്ന് മോചിതനായതെന്നും പോലീസ് പറഞ്ഞു. മോഷ്ടിച്ച മാല കണ്ടെത്താന് കഴിഞ്ഞിട്ടില്ല. നെടുങ്കണ്ടത്ത് വിറ്റതായി മൊഴി…
Read More » -
ശുചിമുറിയുടെ ജനല് തകര്ത്തു, കാപ്പ കേസ് പ്രതി പൊലീസ് കസ്റ്റിഡിയില് നിന്ന് രക്ഷപ്പെട്ടു; സംഭവം വൈദ്യപരിശോധനയ്ക്ക് എത്തിച്ചപ്പോള്
കോഴിക്കോട്: കാപ്പ കേസ് പ്രതി പൊലീസ് കസ്റ്റഡിയില് നിന്ന് രക്ഷപ്പെട്ടു. മുഖദാര് സ്വദേശി അജ്മല് ബിലാല് ആണ് പൊലീസിനെ വെട്ടിച്ച് ഓടി രക്ഷപ്പെട്ടത്. ബീച്ച് ജനറല് ആശുപത്രിയില് പരിശോധനയ്ക്ക് എത്തിച്ചപ്പോഴാണ് പ്രതി രക്ഷപ്പെട്ടത്. പ്രതിക്കായി പൊലീസ് വ്യാപകമായി തിരച്ചില് നടത്തിവരികയാണ്. ചൊവ്വാഴ്ച വൈകുന്നേരത്തോടെയാണ് സംഭവം. കാപ്പ ചുമത്തി നാടുകടത്തപ്പെട്ട പ്രതിയാണ് അജ്മല് ബിലാല്. ഒട്ടേറെ കേസുകളില് പ്രതിയായ അജ്മലിന് ഒരു വര്ഷത്തേക്ക് കോഴിക്കോട് ജില്ലയില് പ്രവേശിക്കാന് അനുവാദമില്ല. ഈ ഉത്തരവ് ലംഘിച്ച് വീട്ടിലെത്തിയപ്പോഴാണ് ചെമ്മങ്ങാട് പൊലീസ് ഇയാളെ കസ്റ്റഡിയിലെടുത്തത്. വൈദ്യ പരിശോധനയ്ക്കായാണ് പൊലീസ് അജ്മലിനെ ബീച്ച് ആശുപത്രിയില് എത്തിച്ചത്. ശുചിമുറിയില് പോകണമെന്നു പറഞ്ഞതിനെ തുടര്ന്ന് പൊലീസ് അനുവദിച്ചു. ശുചിമുറിയില് കയറിയ അജ്മല് അതിനുള്ളിലെ ജനല് ചില്ലുകള് തകര്ത്ത് അതിലൂടെ ഊര്ന്നിറങ്ങി രക്ഷപ്പെടുകയായിരുന്നു. കോഴിക്കോട് നഗര പരിധിയില് തന്നെ ചെമ്മങ്ങാട് ടൗണ്, മെഡിക്കല് കോളജ്, ചേവായൂര്, പന്നിയങ്കര, കസബ, നടക്കാവ് സ്റ്റേഷനുകളിലായി ഒട്ടേറെ കേസുകളില് ഉള്പ്പെട്ടിട്ടുള്ളയാളാണ് അജ്മല്. മോഷണം അടക്കമുള്ള കേസുകളിലാണ് അജ്മല്…
Read More » -
ഒഡിഷയില് കന്യാസ്ത്രീയെ ട്രെയിനില്നിന്നു പിടിച്ചിറക്കി ആക്രമിച്ചു; മര്ദനം മതപരിവര്ത്തനം ആരോപിച്ച്
ഭുവനേശ്വര്: ഒഡിഷയില് കന്യാസ്ത്രീയെ ട്രെയിനില്നിന്ന് പിടിച്ചിറക്കി ആക്രമിച്ചു. മതപരിവര്ത്തനം ആരോപിച്ചാണ് 29-കാരിയായ കന്യാസ്ത്രീയെ ആക്രമിച്ചത്. മേയ് 31-ന് രാത്രിയില് രാജധാനി എക്സ്പ്രസില് സഞ്ചരിക്കുമ്പോഴായിരുന്നു സംഭവം. ട്രെയിനില് കന്യാസ്ത്രീയോടൊപ്പം മറ്റു നാലുപേരും ഉണ്ടായിരുന്നു. കന്യാസ്ത്രീയുടെ പ്രായപൂര്ത്തിയാകാത്ത സഹോദരനും കൂടെ ഉണ്ടായിരുന്നു. ഇവരെ കണ്ട അക്രമികള്, കന്യാസ്ത്രീ കുട്ടിക്കടത്തും മതപരിവര്ത്തനവും നടത്തുകയാണെന്നാരോപിച്ച് ബലം പ്രയോഗിച്ച് കോര്ബ സ്റ്റേഷനില് ഇറക്കുകയായിരുന്നു. രാത്രി പതിനൊന്ന് മണിക്കായിരുന്നു സംഭവം. താന് കന്യാസ്ത്രീയാണെന്നും കാലങ്ങളോളം കത്തോലിക്കാ സഭയുടെ വിശ്വാസിയാണെന്നും പറഞ്ഞ് ഐഡി കാര്ഡുകളടക്കം കാണിച്ചെങ്കിലും വെറുതെവിട്ടില്ലെന്നും ആള്ക്കൂട്ട വിചാരണനടത്തിയെന്നുമാണ് പരാതി. പിന്നീട് പോലീസും മനുഷ്യാവകാശ പ്രവര്ത്തകരും ഇടപെട്ട് ഇവരെ രക്ഷപ്പെടുത്തുകയായിരുന്നു. ഒഡിഷയിലെ സാംബല്പുര് കുച്ചിന്ഡ ചര്വാച്ചിയില് കാര്മല് നികേതന് ആശ്രമത്തിലുണ്ടായ ആക്രമണത്തില് പരിക്കേറ്റ വൈദികര് മഞ്ഞുമ്മല് സെയ്ന്റ് ജോസഫ്സ് ആശുപത്രിയില് ചികിത്സയിലാണ്. മേയ് 23-ന് പുലര്ച്ചെ ഒന്നരയോടെയാണ് അക്രമിസംഘം എത്തിയത്. ഏഴുപേരാണ് മുറികളിലെത്തിയത്. നാലുപേര് പുറത്തു നില്ക്കുകയായിരുന്നു. പണം ചോദിച്ചായിരുന്നു അക്രമം. 30,000 രൂപയും പ്രിന്ററും പിയാനോയും അക്രമികള് കൊണ്ടുപോയതായി…
Read More » -
കൊലക്കേസ് പ്രതി 32 വര്ഷങ്ങള്ക്ക് ശേഷം പിടിയില്; പരിശോധിച്ചത് ആയിരത്തോളം ഫോണ് നമ്പറുകള്
മലപ്പുറം: കൊലക്കേസ് പ്രതിയെ 32 വര്ഷങ്ങള്ക്ക് ശേഷം പോലിസ് പിടികൂടി. പെരുമ്പടപ്പ് വന്നേരിയില് പങ്ങം മായക്കര അപ്പുണ്ണി വധക്കേസിലെ ഒന്പതാം പ്രതിയാണ് അറസ്റ്റിലായത്. ആലത്തൂര് ചൂലനൂര് സ്വദേശി കൃഷ്ണനെയാണ് (കൃഷ്ണകുമാര്-59) പെരുമ്പടപ്പ് പോലീസ് അറസ്റ്റ് ചെയ്തത്. അപ്പുണ്ണി വധക്കേസിലെ ഒന്നാംപ്രതി വന്നേരി പങ്ങം ഗോപിയുടെ വീട്ടില് ജോലിക്കാരനായിരുന്ന കൃഷ്ണകുമാര്്. 1993-ലാണ് കേസിനാസ്പദമായ സംഭവം. തൃശ്ശൂര് ഡിഐജിയുടെ നിര്ദേശപ്രകാരം ലോങ് പെന്ഡിങ് സ്പെഷ്യല് ഡ്രൈവിന്റെ ഭാഗമായി മലപ്പുറം പോലീസ് മേധാവി ആര്. വിശ്വനാഥന് നല്കിയ പ്രത്യേക നിര്ദേശത്തില് തിരൂര് ഡിവൈഎസ്പി പ്രേമാനന്ദകൃഷ്ണന്റെ നേതൃത്വത്തില് സ്പെഷ്യല് സ്ക്വാഡ് രൂപവത്കരിച്ചിരുന്നു. സ്ക്വാഡിലെ പെരുമ്പടപ്പ് ഇന്സ്പെക്ടര് സി.വി. ബിജു, സിവില് പോലീസ് ഓഫീസര്മാരായ പ്രവീണ്, ജെറോം, വിഷ്ണുനാരായണ്, ജോഷില എന്നിവരടങ്ങുന്ന സംഘമാണ് പ്രതിയെ ആലത്തൂര് ചൂലനൂരില്നിന്ന് പിടികൂടിയത്.കൊലപാതകത്തിനുശേഷം ഒന്പതാം പ്രതി കൃഷ്ണകുമാര് ഒളിവില്പ്പോകുകയായിരുന്നു. പ്രതിയെ പിടികൂടുന്നതിനായി സ്പെഷ്യല് സ്ക്വാഡ് ആയിരത്തോളം ഫോണ്നമ്പറുകള് പരിശോധിക്കുകയും തൃശ്ശൂര്, പാലക്കാട്, കോയമ്പത്തൂര്, സേലം എന്നിവിടങ്ങളില് പരിശോധന നടത്തുകയും ചെയ്തിരുന്നു.
Read More » -
ക്ലാസ് മുറിയില് വിദ്യാര്ത്ഥിയുമായി ലൈംഗിക ബന്ധം, ഹൈസ്കൂള് അദ്ധ്യാപിക അറസ്റ്റില്; ഇടപാട് തുടര്ന്നത് മാസങ്ങള്
മിയാമി (യു.എസ്): ഫ്ലോറിഡയില് ക്ലാസ് മുറിയല് വച്ച് പ്രായപൂര്ത്തിയാകാത്ത വിദ്യാര്ത്ഥിയുമായി ലൈംഗിക ബന്ധത്തില് ഏര്പ്പെട്ട ഹൈസ്കൂള് അദ്ധ്യാപികയെ അറസ്റ്റ് ചെയ്തു. ഫ്ലോറിഡയിലെ റിവര്വ്യൂ ഹൈസ്കൂളിലെ അദ്ധ്യാപിക ബ്രൂക്ക് ആന്ഡേഴ്സണാണ് (27) അറസ്റ്റിലായത്. കുട്ടിയുമായി ഇവര് മാസങ്ങളോളം ലൈംഗിക ബന്ധം പുലര്ത്തിയിരുന്നതായി പൊലീസ് അറിയിച്ചു. രാവിലെ ക്ലാസുകള് ആരംഭിക്കുന്നതിന് മുന്പാണ് അദ്ധ്യാപിക കുട്ടിയെ ദുരുപയോഗം ചെയ്തിരുന്നത്. മേയ് 16ന് രാവിലെ അദ്ധ്യാപിക ക്ലാസ് മുറിയില് വച്ച് വിദ്യാര്ത്ഥിയുമായി ലൈംഗിക ബന്ധത്തില് ഏര്പ്പെട്ടെന്ന ആരോപണത്തിലാണ് ഇപ്പോഴത്തെ അറസ്റ്റ്. കഴിഞ്ഞ സെപ്തംബര് മുതല് അദ്ധ്യാപിക തന്നോട് സെക്സ് ചാറ്റ് നടത്തിയിരുന്നതായി വിദ്യാര്ത്ഥി സമ്മതിച്ചിട്ടുണ്ട്. അറസ്റ്റിന് മുമ്പുള്ള ആഴ്ചകളിലും വിദ്യാര്ത്ഥിയുമായി ഒന്നിധികം തവണ ബന്ധം പുലര്ത്തിയിരുന്നതായും പൊലീസിനെ ഉദ്ധരിച്ച് മാദ്ധ്യമങ്ങള് റിപ്പോര്ട്ട് ചെയ്യുന്നു. നിലവില് അദ്ധ്യാപികയെ ജാമ്യത്തില് വിട്ടിരിക്കുകയാണ്. റിവര്വ്യൂ ഹൈസ്കൂളിലെ സയന്സ് അദ്ധ്യാപികയാണ് അറസ്റ്റിലായ ബ്രൂക്ക് ആന്ഡേഴ്സണ്. അറസ്റ്റിന് തൊട്ടുപിന്നാലെ ഇവരുടെ പേര് സ്കൂള് ഡയറക്ടറിയില് നിന്ന് നീക്കം ചെയ്തതായും അധികൃതര് അറിയിച്ചു. അദ്ധ്യാപികയെ സര്വീസില്നിന്ന്…
Read More » -
കാപ്പ കേസ് പ്രതി മദ്യപിച്ച് വീട്ടിലെത്തി ബഹളംവച്ചു, വെട്ടിക്കൊലപ്പെടുത്തിയ പിതാവ് പിടിയില്
പാലക്കാട്: കൊടുന്തരപ്പുള്ളിയില് കാപ്പാക്കേസ് പ്രതിയായ മകനെ വെട്ടിക്കൊലപ്പെടുത്തിയ കേസില് അച്ഛന് പിടിയില്. മദ്യപിച്ച് ബഹളമുണ്ടാക്കിയ മകന് സിജിലിനെ (33) അച്ഛന് ശിവന്കുട്ടി കൊലപ്പെടുത്തുകയായിരുന്നു. കൃത്യത്തിന് ശേഷം ഒളിവില് പോയ അച്ഛന് ശിവന്കുട്ടിയെ രാത്രി പത്തോടെ പോലീസ് പിടികൂടി. തിങ്കളാഴ്ച വൈകുന്നേരം അഞ്ചുമണിയോടെയാണ് അച്ഛനും മകനും തമ്മില് പ്രശ്നം തുടങ്ങിയത്. ഏഴരയോടെയാണ് ശിവന്കുട്ടി മകനെ കൊലപ്പെടുത്തിയത്. കത്തി ഉപയോഗിച്ചാണ് വെട്ടിയത്. സിജിലിനെ ഉടന്തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. സിജിലിന്റെ പേരില് ജില്ലയിലെ വിവിധ സ്റ്റേഷനുകളിലായി 21-ലധികം കേസുകളുണ്ടെന്നും ഇയാള് പതിവായി മദ്യപിച്ച് വഴക്കുണ്ടാക്കാറുണ്ടെന്നും പോലീസ് പറഞ്ഞു. തിങ്കളാഴ്ച വൈകീട്ടും വീട്ടില് വഴക്കുണ്ടാക്കി. പിന്നീട് ശിവനുമായി തര്ക്കവും ഉന്തും തള്ളും നടന്നു. ഇതിനിടെയാണ് സിജിലിന്റെ കഴുത്തില് മുറിവേറ്റത്. പിടിവലിക്കിടെ സിജിലിന്റെ തൊണ്ടയുടെ ഭാഗത്തും പുറത്തും മുറിവേറ്റിട്ടുണ്ട്. വീട്ടാവശ്യത്തിന് ഉപയോഗിക്കുന്ന കൊടുവാള് കൊണ്ടാണ് പരിക്കേറ്റതെന്നാണ് വിവരം. മുറിവേറ്റ് ഇറങ്ങിയോടിയ സിജിലിനെ ഇതുവഴി ബൈക്കിലെത്തിയ പരിചയക്കാര് പാലക്കാട് ജില്ലാ ആശുപത്രിയില് എത്തിച്ചെങ്കിലും രാത്രി എട്ടരയോടെ മരിച്ചു.…
Read More » -
വിവാഹാഭ്യര്ഥന നിരസിച്ചു; പൊള്ളാച്ചിയില് മലയാളി യുവതിയെ വീട്ടില്ക്കയറി കുത്തിക്കൊന്നു
തൃശൂര്: പൊള്ളാച്ചി വടുകപാളയത്ത് വിവാഹത്തിന് വിസമ്മതിച്ച മലയാളി യുവതിയെ യുവാവ് കുത്തിക്കൊന്നു. പൊന്മുത്തു നഗറില് താമസിക്കുന്ന കണ്ണന്റെ മകള് അശ്വിത(19)യാണ് കൊല്ലപ്പെട്ടത്. സംഭവത്തില് ഉദുമല്പേട്ട റോഡ് അണ്ണാമലയാര് നഗറില് താമസിക്കുന്ന പ്രവീണ്കുമാര് പോലീസ് സ്റ്റേഷനില് കീഴടങ്ങി. തൃശൂര് സ്വദേശിയായ കണ്ണനും കുടുംബവും വര്ഷങ്ങളായി പൊള്ളാച്ചിയിലാണ് താമസം. കോയമ്പത്തൂരിലെ സ്വകാര്യ കോളേജിലെ വിദ്യാര്ഥിയാണ് അശ്വിത. സ്വകാര്യ കമ്പനി ജീവനക്കാരനാണ് പ്രവീണ്കുമാര്. ഇവര് അടുപ്പത്തിലായിരുന്നുവെന്നും വിവാഹം കഴിക്കാന് താത്പര്യം അറിയിച്ചപ്പോള് അശ്വിത ഒഴിഞ്ഞുമാറുകയായിരുന്നെന്നും പറയുന്നു. ഫോണില് വിളിച്ചിട്ടും പ്രതികരിക്കാതായതിനെത്തുടര്ന്ന് പ്രകോപിതനായ പ്രവീണ്കുമാര് തിങ്കളാഴ്ച രാവിലെ അശ്വിതയുടെ വീട്ടിലെത്തി. ഈ സമയം വേറെ ആരും വീട്ടില് ഉണ്ടായിരുന്നില്ല. തുടര്ന്ന്, ഇരുവരും തമ്മില് വാക്കുതര്ക്കം ഉണ്ടാവുകയും ഇതിനിടെ പ്രവീണ്കുമാര് കത്തികൊണ്ട് കുത്തുകയുമായിരുന്നു. സംഭവശേഷം പ്രതി രക്ഷപ്പെട്ടു. പെണ്കുട്ടിയുടെ നിലവിളി കേട്ട് അയല്ക്കാര് ഓടിയെത്തിയപ്പോള് അശ്വിത ചോരയില്കുളിച്ചു കിടക്കുകയായിരുന്നു. ഉടന്തന്നെ രക്ഷിതാക്കളെ അറിയിച്ചു. അച്ഛന് കണ്ണന് വീട്ടിലെത്തി മകളെ സര്ക്കാര് ആശുപത്രിയില് എത്തിച്ചെങ്കിലും രക്ഷിക്കാനായില്ല. പൊള്ളാച്ചി എഎസ്പി സൃഷ്ടി…
Read More » -
മേഘാലയയില് ഹണിമൂണിനിടെ ദമ്പതികളെ കാണാതായി; ഭര്ത്താവിന്റെ മൃതദേഹം കണ്ടെത്തി, ഭാര്യയ്ക്കായി തിരച്ചില്
ഭോപാല്: മേഘാലയയില് ഹണിമൂണിനിടെ കാണാതായ മധ്യപ്രദേശ് സ്വദേശികളായ ദമ്പതികളില് ഭര്ത്താവിന്റെ മൃതദേഹം കണ്ടെത്തി. ഭാര്യയ്ക്കായുള്ള തിരച്ചില് തുടരുകയാണെന്ന് പൊലീസ് അറിയിച്ചു. മധ്യപ്രദേശിലെ ഇന്ഡോര് സ്വദേശികളായ രാജാ രഘുവംശിയെയും ഭാര്യ സോനത്തെയുമാണ് ദുരൂഹസാഹചര്യത്തില് കാണാതായത്. ഷില്ലോങ്ങിലെത്തിയ ദമ്പതിമാരെ മേയ് 23-ന് ചിറാപുഞ്ചിയിലേക്കുള്ള യാത്രയ്ക്കിടെയാണ് കാണാതായതെന്നാണ് വിവരം. ഇരുവരും സഞ്ചരിച്ചിരുന്ന വാടകയ്ക്കെടുത്ത സ്കൂട്ടര് ഈ റൂട്ടിലെ ഒരു ഗ്രാമത്തില്നിന്ന് ഉപേക്ഷിച്ചനിലയില് കണ്ടെത്തിയിരുന്നു. ഇന്ഡോറില് ട്രാന്സ്പോര്ട്ട് കമ്പനി നടത്തുന്ന രഘുവംശിയും സോനവും മേയ് 11-നാണ് വിവാഹിതരായത്. മേയ് 20-നാണ് ഇരുവരും ഹണിമൂണ് യാത്ര ആരംഭിച്ചത്. ഗുവാഹാട്ടിയിലെ ക്ഷേത്രസന്ദര്ശനം കഴിഞ്ഞാണ് ഇരുവരും മേഘാലയയിലെ ഷില്ലോങ്ങിലെത്തിയത്. തുടര്ന്നുള്ള യാത്രയ്ക്കിടെ ഇരുവരെയും കാണാതാവുകയായിരുന്നു. മേയ് 23-നാണ് രഘുവംശി അവസാനമായി ഫോണില് വിളിച്ചതെന്ന് അമ്മ മാധ്യമങ്ങളോട് പറഞ്ഞു. ഭക്ഷണം കഴിച്ചെന്നും യാത്ര തുടരുകയാണെന്നുമാണ് മകന് പറഞ്ഞത്. എന്നാല്, പിന്നീട് രണ്ടുപേരുടെയും ഫോണിലേക്ക് വിളിച്ചപ്പോള് റിങ് ചെയ്തെങ്കിലും പ്രതികരണമുണ്ടായില്ല. മേയ് 24 മുതല് രണ്ടുപേരുടെയും ഫോണുകള് സ്വിച്ച് ഓഫായെന്നും അമ്മ പറഞ്ഞു. മൊബൈല്…
Read More » -
സ്കൂട്ടര് യാത്രയ്ക്കിടെ മുനമ്പത്ത് നടുറോഡില് യുവതിയെ കുത്തിക്കൊന്നു; പെയിന്ററായ പങ്കാളി കീഴടങ്ങി
കൊച്ചി: മുനമ്പം പള്ളിപ്പുറത്ത് യുവാവ് പങ്കാളിയെ കുത്തിക്കൊലപ്പെടുത്തി. പനമ്പള്ളിനഗര് സ്വദേശി പ്രീത (43) ആണ് കൊല്ലപ്പെട്ടത്. പള്ളിപ്പുറം സ്വദേശി തൈപ്പറമ്പില് സുരേഷ് ആണ് ഒപ്പം താമസിച്ചിരുന്ന പ്രീതയെ കൊലപ്പെടുത്തിയത്. കൊലപാതകത്തിന് പിന്നാലെ സുരേഷ് പോലീസ് സ്റ്റേഷനിലെത്തി കീഴടങ്ങി. തിങ്കളാഴ്ച വൈകുന്നേരം ഏഴരയോടെയായിരുന്നു സംഭവം. വീടിനടുത്തുള്ള നടുറോഡില്വെച്ചാണ് സുരേഷ് പ്രീതയെ കത്തി ഉപയോഗിച്ച് കുത്തിയത്. കുത്തേറ്റ പ്രീത തൊട്ടടുത്ത വീട്ടിലേക്ക് ഓടിക്കയറി. ഇവര് ഉടന്തന്നെ പ്രീതയെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. കൊലപാതകത്തിന് പിന്നാലെ സുരേഷ് മുനമ്പം പോലീസ് സ്റ്റേഷനില് എത്തി കീഴടങ്ങുകയായിരുന്നു. പ്രീതയുടെ മൃതദേഹം കുഴിപ്പള്ളി മെഡിക്കല് ട്രസ്റ്റ് ആശുപത്രിയില് സൂക്ഷിച്ചിരിക്കുകയാണ്. പെയിന്റിങ് തൊഴിലാളിയായിരുന്നു സുരേഷ്. കഴിഞ്ഞ കുറച്ചുനാളുകളായി സുരേഷും പ്രീതയും ഒരുമിച്ചായിരുന്നു താമസം. ആദ്യ ഭാര്യ മരിച്ച ശേഷമാണ് സുരേഷ് പ്രീതയുമായി ഒരുമിച്ച് താമസിക്കാന് തുടങ്ങിയത്. പ്രീതയുടെമേലുള്ള സംശയമാണ് കൊലപാതകത്തിലേക്ക് നയിച്ചത് എന്നാണ് പ്രാഥമിക വിവരം. പ്രദേശവാസികളുമായി സുരേഷിനും പ്രീതയ്ക്കും വലിയ അടുപ്പം ഉണ്ടായിരുന്നില്ല എന്ന് നാട്ടുകാര് പറയുന്നു.
Read More » -
കള്ളനെത്തന്നെ താക്കോലേൽപ്പിച്ചു!! തൊണ്ടി മുതൽ സൂക്ഷിച്ച ലോക്കറിൽ നിന്ന് 51 ലക്ഷവും രണ്ടുപെട്ടി ആഭരണങ്ങളും കവർന്നു, പോലീസ് ഹെഡ് കോൺസ്റ്റബിൾ അറസ്റ്റിൽ
ന്യൂഡൽഹി: ഡൽഹി പോലീസ് സ്പെഷ്യൽ സെൽ ഓഫീസിലെ ലോക്കറിൽനിന്ന് 51 ലക്ഷവും രണ്ടുപെട്ടി ആഭരണങ്ങളും മോഷ്ടിച്ച കേസിൽ ഹെഡ് കോൺസ്റ്റബിൾ അറസ്റ്റിൽ. സംഭവത്തിൽ ഒഴ്ചമുമ്പുവരെ ഈ ഓഫീസിൽ ജോലി ചെയ്തിരുന്ന ഹെഡ് കോൺസ്റ്റബിൾ ഖുർഷിദ് എന്നയാളാണ് അറസ്റ്റിലായത്. ഇക്കഴിഞ്ഞ ശനിയാഴ്ച വൈകുന്നേരം നാലുമണിയോടെയാണ് 51 ലക്ഷം രൂപയും രണ്ടുപെട്ടി സ്വർണവും മോഷണം പോയത്. വിവിധ കേസുകളിൽനിന്നായി പിടിച്ചെടുത്ത് സൂക്ഷിച്ചിരുന്ന തൊണ്ടിമുതലാണ് മോഷണം പോയത്. ഡൽഹിയിൽ ഏറ്റവും കൂടുതൽ സുരക്ഷയുള്ള ഓഫീസുകളിൽ ഒന്നാണ് ഡൽഹി പോലീസിന്റെ സ്പെഷ്യൽ സെൽ ഓഫീസ്. പല കേസുകളിൽനിന്നായി പിടിച്ചെടുത്ത കോടിക്കണക്കിന് രൂപ വിലമതിക്കുന്ന വസ്തുക്കളും പണവുമാണ് ലോധി റോഡിൽ സ്ഥിതിചെയ്യുന്ന ഈ ഓഫീസിന്റെ സ്റ്റോറേജിൽ സൂക്ഷിച്ചിരുന്നത്. എന്നാൽ ഇവിടെയുള്ള വൻ സുരക്ഷാ വിന്യാസങ്ങൾ ഭേദിച്ചാണ് പ്രതി മോഷണം നടത്തിയത് എന്ന് ഡൽഹി പോലീസ് പറഞ്ഞു. അതേസമയം തൊണ്ടിമുതൽ സൂക്ഷിക്കുന്ന സ്റ്റോറേജിന്റെ സുരക്ഷാജീവനക്കാരനായി ജോലി നോക്കുകയായിരുന്നു ഖുർഷിദ്. ഒരാഴ്ച മുമ്പാണ് ഖുർഷിദിനെ ഇവിടെനിന്നും ഈസ്റ്റ് ഡൽഹി പോലീസ് സ്റ്റേഷനിലേക്ക്…
Read More »