LIFE
-
ഇറാന് യുദ്ധത്തിന്റെ പേരില് ട്രംപിന്റെ ടീമില്നിന്ന് രാജിവച്ച ഭീകര വിരുദ്ധ ഉദ്യോഗസ്ഥന് വിവരങ്ങള് ചോര്ത്തി? ജോ കെന്റിനെതിരേ മാസങ്ങളായി എഫ്ബിഐ അന്വേഷണം; പ്രസിഡന്റുമായി ബന്ധപ്പെട്ട രേഖകള് കാണുന്നതു വിലക്കി; നിരവധി ഓണ്ലൈന് തെളിവുകളെന്നും സൂചന
ദുബായ്/ദോഹ: ഇറാനെതിരായ നടപടികളുടെ പേരില് ട്രംപിന്റെ ടീമില്നിന്നു രാജിവച്ച മുന് കൗണ്ടര് ടെററിസം ഉദ്യോഗസ്ഥന് ചാരന്? രഹസ്യ വിവരങ്ങള് ചോര്ത്തിയെന്ന പേരില് ജോ കെന്റിനെതിരേ മാസങ്ങളായി എഫ്ബിഐ അന്വേഷണം നടത്തുന്നുണ്ടെന്ന ഞെട്ടിക്കുന്ന റിപ്പോര്ട്ട് പുറത്തുവിട്ട് ആക്സിയോസ്. അമേരിക്കയ്ക്കു ഭീഷണിയൊന്നും ഇല്ലാതിരുന്നിട്ടും ഇസ്രായേല് പ്രസിഡന്റിന്റെ നിര്ബന്ധത്തിനും കബളിപ്പിക്കലിനും വഴങ്ങിയാണ് ഇറാനെ ആക്രമിച്ചതെന്ന ഗുരുതര ആരോപണമാണ് കെന്റ് ഉന്നയിച്ചത്. ഇതിനു പിന്നാലെ രാജിയും വച്ചു. രാജിവെച്ചതിന് തൊട്ടുപിന്നാലെ, ഉദ്യോഗസ്ഥര് അദ്ദേഹം ‘വിവരങ്ങള് ചോര്ത്തുന്ന ആളാണെന്ന് (known leaker) അറിയപ്പെട്ടിരുന്നതായും പ്രസിഡന്റുമായുള്ള ബ്രീഫിംഗുകളില് നിന്ന് അദ്ദേഹത്തെ ഒഴിവാക്കിയിരുന്നതായും പറഞ്ഞു. നാഷണല് കൗണ്ടര് ടെററിസം സെന്ററിനെ നയിച്ചിരുന്ന കെന്റ്, രാജിക്ക് മുമ്പ് തന്നെ അന്വേഷണത്തിന് വിധേയനായിരുന്നുവെന്ന് സെമാഫോര് (Semafor) റിപ്പോര്ട്ട് ചെയ്തിരുന്നു. ഇക്കാര്യം ആക്സിയോസും സ്ഥിരീകരിച്ചിട്ടുണ്ട്. ടക്കര് കാള്സണും മറ്റൊരു യാഥാസ്ഥിതികനായ പോഡ്കാസ്റ്റര്ക്കും കെന്റ് വിവരങ്ങള് ചോര്ത്തി നല്കിയതായി സംശയിക്കുന്നതായി ഒരു സോഴ്സ് പറഞ്ഞു. ഇസ്രായേലിനെയും ഇറാനെയും സംബന്ധിച്ച രഹസ്യവിവരങ്ങള് ചോര്ന്നതിനെക്കുറിച്ചും എഫ്ബിഐ പരിശോധിക്കുന്നുണ്ടെന്ന് അദ്ദേഹം വ്യക്തമാക്കി.…
Read More » -
രാഹുല് ഗാന്ധിയെ ബിജെപി വിടാതെ ആക്രമിക്കുന്നത് ഭയംകൊണ്ടല്ല; അളന്നു കുറിച്ച രാഷ്ട്രീയ തന്ത്രം; പാര്ലമെന്റ് നടയിലെ ‘ബിസ്കറ്റും ചായ’യും മുതല് ‘ബഹുമാനക്കുറവ്’ വരെ; വെറും ആകുലതയോ മാസ്റ്റര് പ്ലാനോ?
ന്യൂഡല്ഹി: ഏതാനും ദിവസങ്ങള്ക്കുമുമ്പ്, സായുധ സേനയില്നിന്നു വിരമിച്ച 84 ഉദ്യോഗസ്ഥരും നാലു മുതിര്ന്ന അഭിഭാഷകരും സര്ക്കാര് സര്വീസില്നിന്നു വിരമിച്ച നാലുപേരും നയതന്ത്രജ്ഞരും ചേര്ന്നു കോണ്ഗ്രസ് നേതാവ് രാഹുല് ഗാന്ധിക്കെതിരേ ഒരു ഹര്ജിയില് ഒപ്പിട്ടു. എന്തായിരുന്നു ഹര്ജി? ‘പൊതുസംവാദത്തിന്റെയും മര്യാദയുടെയും എല്ലാ നിലവാരങ്ങളും ഇല്ലാതാക്കാന് രാഹുല് ഗാന്ധി ആവര്ത്തിച്ചു അദ്ദേഹത്തിന്റേതായ സംഭാവനകള് നല്കിയിട്ടുണ്ട്. അദ്ദേഹത്തിന്റെ പെരുമാറ്റം അഹങ്കാരത്തിന്റെയും അധികാര മനോഭാവത്തിന്റെയും പ്രതിഫലനമാണ്’. അഹങ്കാരിയായ രാഹുല് എങ്ങനെയാണ് ചര്ച്ചകളുടെ നിലവാരം താഴ്ത്തിയത്? ഹര്ജിയില് പറയുന്നത് ഇങ്ങനെ: ‘ശ്രീ രാഹുല് ഗാന്ധിയും നിരവധി പാര്ലമെന്റ് അംഗങ്ങളും പാര്ലമെന്റിന്റെ പടികളിലിരുന്ന് ചായയും ബിസ്ക്കറ്റും കഴിക്കുന്നത് കാണാനിടയായി. ഇത് രാജ്യത്തെ പരമോന്നത നിയമനിര്മാണ സഭയിലെ അംഗങ്ങള്ക്ക് ഒട്ടും ചേരാത്ത രീതിയിലുള്ളതായിരുന്നു’. കേരളത്തില് ജീവിക്കുന്ന ഒരാളെന്ന നിലയില് ചിരി വരുന്നുണ്ടോ? അപ്പോഴും ദുഖകരമെന്നു പറയട്ടേ, ചായയും ബിസ്കറ്റും കഴിക്കാന് ‘യോജിച്ച രീതി’ ഏതെന്നു ഹര്ജിയില് പറയാന് മറന്നുപോയി! എങ്കിലും, രാഹുല് എങ്ങനെയാണ് പാര്ലമെന്റിനെ അവഹേളിച്ചതെന്ന് ഏതാനും നൂറു വാക്കുകളില്ക്കൂടി അവര്…
Read More » -
ഇറാന് ആക്രമണത്തില് ഖത്തറിന് കനത്ത ആഘാതം; പ്രകൃതി വാതക കയറ്റുമതി ശേഷിയുടെ 17 ശതമാനം തകര്ത്തു; ഉത്പാദനം അഞ്ചു വര്ഷത്തേക്ക് നിര്ത്തേണ്ടി വരും; മുസ്ലിം രാജ്യത്തില് നിന്ന് റംസാന് മാസത്തില് ആക്രമണം പ്രതീക്ഷിച്ചില്ലെന്ന് ഖത്തര് കമ്പനികള്
ദുബായ്/ദോഹ: ഇറാന് നടത്തിയ ആക്രമണങ്ങള് ഖത്തറിന്റെ ദ്രവീകൃത പ്രകൃതിവാതക (LNG) കയറ്റുമതി ശേഷിയുടെ 17 ശതമാനം തകര്ത്തെന്നു റിപ്പോര്ട്ട്. ഇത് വാര്ഷിക വരുമാനത്തില് ഏകദേശം 20 ബില്യണ് ഡോളറിന്റെ നഷ്ടമുണ്ടാക്കുകയും യൂറോപ്പിലേക്കും ഏഷ്യയിലേക്കുമുള്ള വിതരണത്തിന് ഭീഷണിയാവുകയും ചെയ്തതായി ഖത്തര് എനര്ജി സിഇഒ സാദ് അല്-കാബി പറഞ്ഞതായി റോയിട്ടേഴ്സ് റിപ്പോര്ട്ട് ചെയ്തു. ഖത്തറിന്റെ 14 എല്എന്ജി ട്രെയിനുകളില് രണ്ടെണ്ണത്തിനും രണ്ട് ഗ്യാസ്-ടു-ലിക്വിഡ്സ് (GTL) സൗകര്യങ്ങളില് ഒന്നിനും ആക്രമണങ്ങളില് കേടുപാടുകള് സംഭവിച്ചതായി സാദ് അല്-കാബി പറഞ്ഞു. അറ്റകുറ്റപ്പണികള്ക്കായി പ്രതിവര്ഷം 12.8 ദശലക്ഷം ടണ് എല്എന്ജി ഉല്പ്പാദനം മൂന്നുമുതല് അഞ്ച് വര്ഷത്തേക്ക് നിര്ത്തിവെക്കേണ്ടി വരുമെന്ന് അദ്ദേഹം പറഞ്ഞു. ‘ഖത്തറും ഈ മേഖലയും ഇത്തരമൊരു ആക്രമണത്തിന് ഇരയാകുമെന്ന് എന്റെ സ്വപ്നത്തില് പോലും ഞാന് കരുതിയിരുന്നില്ല – പ്രത്യേകിച്ച് ഒരു സഹോദര മുസ്ലീം രാജ്യത്തില് നിന്ന് റംസാന് മാസത്തില് ഇത്തരമൊരു ആക്രമണം,’ കാബി പറഞ്ഞു. ഇസ്രായേല് സ്വന്തം ഗ്യാസ് ഇന്ഫ്രാസ്ട്രക്ചറിന് നേരെ നടത്തിയ ആക്രമണങ്ങള്ക്ക് പിന്നാലെ ഗള്ഫ് എണ്ണ-വാതക…
Read More » -
‘പാര്ട്ടി എത്രയോ വലുത്, വെല്ലുവിളിക്കാന് ഇല്ല, പാര്ട്ടി പറഞ്ഞാല് മാത്രം മത്സരിക്കും’; സുധാകരന് വഴങ്ങി? ഡല്ഹിയില് നിന്ന് കണ്ണൂരിലേക്ക് മടങ്ങി; അണിയറയില് നടന്നത് എന്തെല്ലാം?
ന്യൂഡല്ഹി: പാര്ട്ടി എത്രയോ വലുത്, വെല്ലുവിളിക്കാനില്ലെന്നും കെ. സുധാകരന്. സസ്പെന്സുകള്ക്കൊടുവില് ഏറ്റവും പക്വമായ നിലപാട് സ്വീകരിച്ചാണ് അദ്ദേഹം കണ്ണൂരിലേക്കു മടങ്ങുന്നത്. നേരത്തേ, സിഡബ്ല്യുസി അംഗത്വം രാജിവയ്ക്കുമെന്നും സ്വതന്ത്രനായി മത്സരിക്കുമെന്നുമൊക്കെ വാര്ത്തകളുണ്ടായിരുന്നു. എന്നാല്, അതെല്ലാം പാടെ നിഷേധിച്ച് അദ്ദേഹം കേരളത്തിലേക്കു മടങ്ങി. എന്നാല്, ഏറെ ദിവസം പാര്ട്ടിയെ പ്രതിസന്ധിയിലാക്കിയത് എന്തിനെന്ന ചോദ്യം ബാക്കിയാകുകയാണ്. ഇതായിരുന്നു തീരുമാനമെങ്കില് നേരത്തേ ആകാമായിരുന്നല്ലോ എന്നും ഒരുവിഭാഗം ചോദിക്കുന്നു. സുധാകരനില് തട്ടിയാണ് പ്രധാനമായും സീറ്റ് വിഭജനം നീണ്ടുപോയത്. നിയമസഭാ തെരഞ്ഞെടുപ്പില് കണ്ണൂര് സീറ്റിനുവേണ്ടി പിടിവാശി പിടിക്കുന്ന കെ സുധാകരന് എംപിക്കെതിരെ കോണ്ഗ്രസ് മണ്ഡലം കമ്മിറ്റികള് അടക്കം രംഗത്തുവന്ന സാഹചര്യത്തിലാണ് മനംമാറ്റമെന്നാണു വിവരം. സീറ്റ് ലഭിക്കില്ലെന്ന സൂചന വന്നയുടന് ബിജെപിയുമായി ചര്ച്ച നടത്തിയ സുധാകരനെ വിശ്വസിക്കാനാകില്ലെന്ന് മണ്ഡലം കമ്മിറ്റി ഭാരവാഹികള് കോണ്ഗ്രസ് നേതൃത്വത്തെ അറിയിച്ചു. മണ്ഡലം കമ്മിറ്റികളുടെയും ബ്ലോക്ക് കമ്മിറ്റികളുടെയും ഡിസിസി ഭാരവാഹികളുടെയും യോഗത്തിലാണ് സുധാകരനെതിരെ രൂക്ഷവിമര്ശനം ഉയര്ന്നത്. 10 മണ്ഡലം കമ്മിറ്റികളും സുധാകരനെതിരെ നിലപാടെടുത്തു. സുധാകരന്റെ പിടിവാശി തെരഞ്ഞെടുപ്പിനെ…
Read More » -
ഇനിയെന്ത്? വര്ക്കിംഗ് കമ്മിറ്റി അംഗം രാജിവയ്ക്കും? ഡല്ഹിയില് സുധാകരന്റെ നീക്കമെന്ത്? കേരളത്തിലേക്ക് വിമാനം 9.45ന്; ഫ്ളാറ്റിന് പുറത്തിറങ്ങാതെ സസ്പെന്സ്; കണ്ണൂര് റെയില്വേ സ്റ്റേഷനില് വന് സ്വീകരണത്തിന് നീക്കം; പട്ടിക ഉടനെന്ന് കെപിസിസി പ്രസിഡന്റ്
ന്യൂഡല്ഹി: സീറ്റു നിഷേധിക്കപ്പെട്ടതിനു പിന്നാലെ കെ. സുധാകരന്റെ നീക്കങ്ങളെന്തെന്നു കാത്ത് രാഷ്ട്രീയ കേരളം. കണ്ണൂരില് മത്സരിക്കണമെന്ന സുധാകരന്റെ പിടിവാശിക്കു വഴങ്ങാതെ ഹൈക്കമാന്ഡ് നിലപാട് എടുത്തതോടെയാണ് കേരള രാഷ്ട്രീയത്തെ തന്നെ മുള്മുനയിലാക്കുന്ന നീക്കങ്ങളുണ്ടാകുമോയെന്നു കാത്തിരിക്കുന്നത്. എം.പിമാര് മല്സരിക്കേണ്ടെന്ന കര്ശന നിലപാടെടുത്തതോടെ കെ. സുധാകരന് സീറ്റ് നല്കേണ്ടെന്ന് ഒടുവില് തീരുമാനിച്ചു. ഇതോെട സ്വതന്ത്രനായി മത്സരിച്ചേക്കുമെന്ന് സൂചനകള്. ഉടന് പ്രഖ്യാപനം നടത്തിയേക്കും. ഒന്പതേ മുക്കാലിന്റെ വിമാനത്തില് ഇന്നുതന്നെ സുധാകരന് നാട്ടിലേക്ക് മടങ്ങും. കണ്ണൂര് റെയില്വേ സ്റ്റേഷനില് സുധാകരന് വന് സ്വീകരണം നല്കാന് നീക്കം നടക്കുന്നു. കണ്ണൂരില് ടി.ഒ. മോഹനന് സ്ഥാനാര്ഥിയായേക്കും. എം.പിമാര്ക്ക് ഇളവ് നല്കിയാല് കീഴ്വഴക്കമാകുമെന്ന് ഹൈക്കമാന്ഡ് നിലപാടെടുത്തു. കൂടുതല് എം.പിമാര് മല്സരിക്കണമെന്ന് ആവശ്യപ്പെടാമെന്നും ഹൈക്കമാന്ഡിന് ആശങ്ക. പട്ടികയ്ക്ക് ഹൈക്കമാന്ഡ് അംഗീകാരം ലഭിച്ചെന്നും പ്രഖ്യാപനം ഉടനെന്നും കെപിസിസി അധ്യക്ഷന് സണ്ണി ജോസഫ് പറഞ്ഞു അതേസമയം, കോണ്ഗ്രസ് പട്ടികയില് ഉണ്ടെങ്കിലും ഇല്ലെങ്കിലും സ്വതന്ത്രനായി മല്സരിക്കാനാണ് സുധാകരന്റെ തീരുമാനമെന്ന് റിപ്പോര്ട്ടുകള്. ഡല്ഹിയിലെ വസതിയില് വാര്ത്താ സമ്മേളനത്തിന് ഒരുക്കം നടക്കുന്നു.…
Read More » -
മുട്ടകളിൽ എക്സ്പിയറി ഡേറ്റ് നിർബന്ധമാക്കി ഉത്തർപ്രദേശ്; മുട്ട ഇട്ട തിയതിയും പിന്നീട് 28 ദിവസം കഴിഞ്ഞുള്ള തിയ്യതിയുമാണ് രേഖപ്പെടുത്തേണ്ടത്
ലക്നൗ: ഏപ്രിൽ 1 മുതൽ സംസ്ഥാനത്ത് വിൽക്കുന്ന എല്ലാ മുട്ടകളിലും എക്സ്പിയറി ഡേറ്റ് അടയാളപ്പെടുത്തൽ നിർബന്ധമാക്കുന്ന പുതിയ ഭക്ഷ്യ സുരക്ഷാ നിയമം ഉത്തർപ്രദേശ് സർക്കാർ പ്രഖ്യാപിച്ചു. ഉപഭോക്തൃ അവബോധം മെച്ചപ്പെടുത്തുന്നതിനും വിതരണ ശൃംഖലയിലുടനീളം മുട്ടയുടെ ഗുണമേന്മ നിരീക്ഷിക്കുന്നതിനും ലക്ഷ്യമിട്ടുള്ളതാണ് സർക്കാറിന്റെ ഈ പുതിയ നിർദ്ദേശം. സംസ്ഥാനത്തിനുള്ളിൽ ഉൽപ്പാദിപ്പിക്കുകയും വിൽപ്പന നടത്തുകയും ചെയ്യുന്ന എല്ലാ മുട്ടകൾക്കും ഈ ഉത്തരവ് ബാധകമാണ്. അതോടൊപ്പം ഫാമുകളിലും മൊത്തക്കച്ചവട വിപണികളിലും റീട്ടെയിൽ യൂണിറ്റുകളിലും മുട്ടകൾ കൈകാര്യം ചെയ്യുന്ന രീതി മാറ്റുമെന്നും പ്രതീക്ഷിക്കുന്നു. യുപി ഫുഡ് സേഫ്റ്റി ആൻഡ് ഡ്രഗ് അഡ്മിനിസ്ട്രേഷനിലെ ഉദ്യോഗസ്ഥരെ ഉദ്ധരിച്ച് ടൈംസ് ഓഫ് ഇന്ത്യയാണ് വാർത്ത റിപ്പോർട്ട് ചെയ്തത്. രണ്ട് സംസ്ഥാനങ്ങളിലായി നടന്ന പ്രധാന ഭക്ഷ്യ റെയ്ഡുകളിൽ 150 ടൺ കാലാവധി കഴിഞ്ഞ ഭക്ഷണവും മായം ചേർത്ത പനീറും പിടിച്ചെടുത്തിരുന്നു. ഇതിന് പിന്നാലെയാണ് യുപിയിൽ പുതിയ ഉത്തരവിറങ്ങിയത്. പുതിയ നിയമം അനുസരിച്ച്, മുട്ട ഉൽപ്പാദകരും വിതരണക്കാരും ഓരോ മുട്ടയിലും കോഴി മുട്ട ഇട്ട തിയതിയും…
Read More » -
സുധാകരനു സീറ്റില്ല; സ്വതന്ത്രനാകുമോ എന്ന് ഇന്നറിയാം; കണ്ണൂരില് ടി.ഒ. മോഹനന് കോണ്ഗ്രസ് സ്ഥാനാര്ഥി; എറണാകുളത്ത് ദീപ്തിയില്ല, ഷിയാസിനായി സതീശന്റെ ഉഗ്ര സമ്മര്ദം; കോന്നിയില് അടൂര് പ്രകാശുമില്ല
ന്യൂഡല്ഹി: നിയമസഭാ തിരഞ്ഞെടുപ്പില് കണ്ണൂരില് കെ.സുധാകരന് സീറ്റില്ല. ടി.ഒ.മോഹനന് കോണ്ഗ്രസ് സ്ഥാനാര്ഥിയായി മല്സരിക്കും. എംപിമാര് മല്സരിക്കേണ്ടെന്ന് നേതൃത്വം ഉറച്ച തീരുമാനമെടുക്കുകയായിരുന്നു. എംപിമാര് നിയമസഭാതിരഞ്ഞെടുപ്പില് മല്സരിക്കില്ലെന്ന് പാര്ട്ടി നേരത്തേ തീരുമാനം വ്യക്തമാക്കിയിരുന്നുവെങ്കിലും സുധാകരന് അത് മറികടന്ന് കലാപക്കൊടി ഉയര്ത്തുകയായിരുന്നു. നിര്ണായക ഘട്ടങ്ങളില് പാര്ട്ടിയെ ഇത്തരത്തില് പ്രതിരോധത്തിലാക്കുന്നത് പ്രവര്ത്തകരുടെ ആവേശം കെടുത്തുന്നതാണെന്നും സമീപനം മാറ്റാത്തത് ശരിയല്ലെന്നും ഹൈക്കമാന്ഡ് വിലയിരുത്തി. അതേസമയം, സ്ഥാനാര്ഥിയാക്കില്ലെന്ന് ഉറപ്പായതോടെ സ്വതന്ത്രനായി മല്സരിക്കുമോ എന്നതില് സുധാകരന് ഇന്ന് നിലപാട് അറിയിക്കും. പ്രവര്ത്തക സമിതി അംഗത്വം സുധാകരന് രാജിവച്ചേക്കുമെന്നും സൂചനകളുണ്ട്. പെരുമ്പാവൂര് സീറ്റിന്റെ കാര്യത്തില് കോണ്ഗ്രസ് അധ്യക്ഷന് മല്ലികാര്ജുന് ഖര്ഗെ അന്തിമ തീരുമാനം കൈക്കൊള്ളും. ഉദുമ, പട്ടാമ്പി, ചടയമംഗലവും ഖര്ഗെ തീരുമാനിക്കും. കൊച്ചിയില് മുഹമ്മദ് ഷിയാസ് തന്നെ മല്സരിച്ചേക്കും. കടുത്ത സമ്മര്ദമാണ് ഷിയാസിനായി വി.ഡി. സതീശന് ചെലുത്തിയത്. ദീപ്തി മേരി വര്ഗീസിനെ സ്ഥാനാര്ഥിയാക്കണമെന്നായിരുന്നു കെ.സി. വേണുഗോപാലിന്റെ നിലപാട്. കോന്നിയില് അടൂര് പ്രകാശിന് പകരം സതീഷ് കൊച്ചുപറമ്പില് കോണ്ഗ്രസ് സ്ഥാനാര്ഥിയാകും. വാമനപുരത്ത് സുധീര്ഷാ പാലോട്,…
Read More » -
വാങ്ങാന് ആളില്ല! ഐഡിബിഐ ബാങ്കിന്റെ ഓഹരിയടക്കം വിറ്റു കാശാക്കാനുള്ള മോദിയുടെ നീക്കം പാളുന്നു; സ്വകാര്യവത്കരണത്തിലൂടെ ലക്ഷ്യമിട്ടത് 800 ബില്യണ് രൂപ സമാഹരിക്കാന്; പദ്ധതികളെ ബാധിച്ചേക്കും; നിക്ഷേപകരുടെ താത്പര്യം കുറയുന്നത് അപകടം
ന്യൂഡല്ഹി: നിക്ഷേപകരെ കിട്ടാതെ മോദി സര്ക്കാരിന്റെ സ്വകാര്യവത്കരണ നീക്കങ്ങള് പാളുന്നെന്നു റിപ്പോര്ട്ട്. വിവിധ സ്ഥാപനങ്ങളുടെ സ്വകാര്യവത്കരണത്തിലൂടെ സമാഹരിക്കാമെന്നു കരുതിയ വന് തുക ലഭിക്കാതിരിക്കുന്നത് കേന്ദ്രസര്ക്കാരിനു വന് തിരിച്ചടിയെന്നും റോയിട്ടേഴസ് പുറത്തുവിട്ട റിപ്പോര്ട്ടില് പറയുന്നു. ഐഡിബിഐ (IDBI) ബാങ്കിന്റെ ഓഹരി വില്ക്കാനുള്ള ശ്രമത്തിനുണ്ടായ ഇടിവ് സര്ക്കാരിന്റെ പ്രധാന നിക്ഷേപ സമാഹരണ പദ്ധതിക്ക് (divestment programme) ഏറ്റ കനത്ത പ്രഹരമാണെന്ന് രണ്ട് സര്ക്കാര് വൃത്തങ്ങള് വ്യക്തമാക്കിയെന്നും റിപ്പോര്ട്ടില് പറയുന്നു. വര്ഷങ്ങളായി വൈകുന്ന സ്വകാര്യവല്ക്കരണ പദ്ധതി ഇപ്പോള് പുതിയ തിരിച്ചടികളാണു നേരിടുന്നത്. ഷിപ്പിംഗ് കോര്പ്പറേഷന് ഓഫ് ഇന്ത്യ (SCI), എച്ച്എല്എല് ലൈഫ്കെയര് (HLL Lifecare) തുടങ്ങിയ സര്ക്കാര് ഉടമസ്ഥതയിലുള്ള സ്ഥാപനങ്ങളോടുള്ള താല്പ്പര്യം കുറയുന്നതും, സര്ക്കാരിന്റെ ഏറ്റവും കുറഞ്ഞ വിലയേക്കാള് താഴെ ബിഡുകള് വന്നതിനെത്തുടര്ന്ന് കഴിഞ്ഞ ആഴ്ച ഐഡിബിഐ ബാങ്ക് ഓഹരി വില്പ്പന പരാജയപ്പെട്ടതും ഇതില് ഉള്പ്പെടുന്നു. ടെലികോം, ബാങ്കിംഗ് തുടങ്ങിയ തന്ത്രപ്രധാനമായ മേഖലകളില് മാത്രം സാന്നിധ്യം നിലനിര്ത്തിക്കൊണ്ട് മറ്റ് മിക്ക മേഖലകളില് നിന്നും സര്ക്കാര് പിന്മാറുക…
Read More » -
ഖമേനി മുതല് ലാരിജാനിവരെ; യുദ്ധത്തില് ഇറാനു നഷ്ടമായത് നേതൃത്വത്തിന്റെ കാതല്; ഇതുവരെ കൊല്ലപ്പെട്ട പ്രമുഖര് ഇവര്; രാഷ്ട്രീയ നേതൃത്വത്തെയും ഉന്നമിട്ട് ആക്രമണങ്ങള് ഉടന്?
ദുബായ്: ഫെബ്രുവരി 28 മുതല് ഇറാനുനേരെ യുഎസ്-ഇസ്രായേല് നടത്തിയ ആക്രമണങ്ങളില് നിരവധി മുതിര്ന്ന രാഷ്ട്രീയ-സൈനിക പ്രമുഖര് കൊല്ലപ്പെട്ടു. മിഡില് ഈസ്റ്റിലുടനീളം പടര്ന്ന ഈ യുദ്ധം ഇസ്ലാമിക് റിപ്പബ്ലിക്കിന്റെ നേതൃത്വത്തിന്റെ കാതലിനെയാണ് ബാധിച്ചത്. പ്രത്യാക്രമണമാകട്ടെ, ഊര്ജ വിപണികളെയും കപ്പല് ഗതാഗത പാതകളെയും ബാധിച്ചിട്ടുണ്ട്. അമേരിക്കയും ഇറാനും തമ്മില് തമ്മില് ഒമാന്റെ മധ്യസ്ഥതയില് ആണവ ചര്ച്ചകള് നടക്കുന്നതിനിടയിലാണ് ആക്രമണങ്ങള് ആരംഭിച്ചത്. ദശാബ്ദങ്ങളായി നിലനിന്നിരുന്ന നിഴല് യുദ്ധത്തിനും 2025 ജൂണിലെ 12 ദിവസത്തെ യുദ്ധത്തിനും ശേഷം ഇറാനെതിരെ നടക്കുന്ന ഏറ്റവും ശക്തമായ ആക്രമണമാണിത്. കൊല്ലപ്പെട്ട പ്രമുഖ വ്യക്തികള് താഴെ പറയുന്നവരാണ്: പരമോന്നത നേതാവ് അയത്തുള്ള അലി ഖമേനി: 1989 മുതല് ഇറാന്റെ പരമോന്നത നേതാവായിരുന്ന അദ്ദേഹം, അമേരിക്കയോടും ഇസ്രായേലിനോടും കടുത്ത ശത്രുത പുലര്ത്തുന്നതോടൊപ്പം ഇസ്ലാമിക് റിപ്പബ്ലിക്കിന്മേല് ശക്തമായ നിയന്ത്രണം സ്ഥാപിച്ചിരുന്നു. ഫെബ്രുവരി 28-ന് ടെഹ്റാനിലെ അദ്ദേഹത്തിന്റെ വസതിക്ക് നേരെ യുഎസ്-ഇസ്രായേല് നടത്തിയ വ്യോമാക്രമണത്തില് 86-ാം വയസ്സില് അദ്ദേഹം കൊല്ലപ്പെട്ടു. മുപ്പതിലധികം വര്ഷം നീണ്ടുനിന്ന അദ്ദേഹത്തിന്റെ ഭരണം…
Read More » -
മുസ്ലിം ലീഗിന് ചേലക്കരയില് മത്സരിക്കാന് ആളില്ല! സ്ഥാനാര്ഥികളെ തപ്പി നെട്ടോട്ടം; മുന് കൊണ്ടാഴി പഞ്ചായത്ത് അംഗം ശിവന് വീട്ടിക്കുന്നുമായി ചര്ച്ച നടത്തി; കൊണ്ടാഴി ഏറ്റെടുത്ത് ചേലക്കര വിട്ടു നല്കിയത് ശ്രീകണ്ഠന്റെ ഭാര്യയെ മത്സരിപ്പിക്കാന്
തൃശൂര്: മുസ്ലിം ലീഗിനു കൈമാറിയ ചേലക്കര നിയോജക മണ്ഡലത്തില് പൊതുസ്വതന്ത്രനായി കൊണ്ടാഴി മുന് പഞ്ചായത്തംഗം ശിവന് വീട്ടിക്കുന്ന് മത്സരിച്ചേക്കും. യുഡിഎഫും മുസ്ലിം ലീഗും ഇക്കാര്യത്തില് ധാരണയിലെത്തിയെന്നാണു വിവരം. ഇതേ സീറ്റിലേക്കു കോണ്ഗ്രസ് നേതാവ് കെ.വി. ദാസനെയടക്കം പരിഗണിച്ചെന്നാണു വിവരം. വര്ഷങ്ങളായി കോണ്ഗ്രസ് മത്സരിക്കുന്ന മണ്ഡലമാണ് ചേലക്കര. വി.കെ. ശ്രീകണ്ഠന് എംപിയുടെ ഭാര്യയായ കെ.എ. തുളസിക്കു മത്സരിക്കാന് കോങ്ങാട് ഏറ്റെടുത്തതോടെയാണ് ചേലക്കര വിട്ടു നല്കേണ്ടി വന്നത്. സംവരണ മണ്ഡലമായ ചേലക്കരയില് ലീഗിനു മത്സരിക്കാന് ആളെക്കിട്ടാത്തത് വന് പ്രതിസന്ധിക്ക് ഇടയാക്കി. ഇതിനു പിന്നാലെയാണ് പൊതുസ്വതന്ത്രനെ മത്സരിപ്പിക്കാനുള്ള നീക്കം തുടങ്ങിയത്. തൃശൂര് ഡിസിസിയുമായി ബന്ധപ്പെട്ടു നിരവധിപ്പേരെ പരിഗണിച്ചെങ്കിലും അവര് കോണി ചിഹ്നത്തില് മത്സരിക്കാന് തയാറായില്ല. ഇതേത്തുടര്ന്നാണു പൊതുസ്വതന്ത്രനെ ഇറക്കാന് തീരുമാനിച്ചത്. ഒരുകാലത്ത് യുഡിഎഫിന്റെ ഉറച്ച കോട്ടയായിരുന്ന ചേലക്കര, കെ. രാധാകൃഷ്ണന്റെ രാഷ്ട്രീയ പ്രവേശത്തോടെയാണ് ഇടതുകോട്ടയായി മാറിയത്. പിന്നീട് യു.ആര്. പ്രദീപ് എത്തിയപ്പോഴും മണ്ഡലം എല്ഡിഎഫിനെ കൈവിട്ടില്ല. ലോക്സഭാ തെരഞ്ഞെടുപ്പില് ജനപ്രീതിയുണ്ടായിരുന്നിട്ടും മുന് എംപി രമ്യ ഹരിദാസിനു…
Read More »