ക്രിക്കറ്റ് മൈതാനത്തിന് പിന്നാലെ പത്താം ക്ലാസ് പരീക്ഷയ്ക്കും തയാറെടുത്ത് വൈഭവ് സൂര്യവംശി; പോഡാര് ഇന്റര്നാഷണല് സ്കൂള് ഫീസ് എത്രയെന്നറിയാമോ? ഹാള്ടിക്കറ്റ് കൈപ്പറ്റിയെന്നു പ്രിന്സിപ്പല്
ന്യൂഡല്ഹി: ക്രിക്കറ്റ് മൈതാനത്ത് വിസ്മയങ്ങള് തീര്ക്കുന്ന വൈഭവ് സൂര്യവംശി, ഇപ്പോള് 2026-ലെ സിബിഎസ്ഇ പത്താം ക്ലാസ് ബോര്ഡ് പരീക്ഷയിലും മികച്ച പ്രകടനം കാഴ്ചവെക്കാനുള്ള തയാറെടുപ്പിലാണ്. രാജസ്ഥാന് റോയല്സിന്റെ 14 വയസുകാരനായ ഈ ഓപ്പണര് പത്താം ക്ലാസ് പരീക്ഷ എഴുതുന്നുണ്ടെന്ന് പോഡാര് ഇന്റര്നാഷണല് സ്കൂള് പ്രിന്സിപ്പല് നീല് കിഷോര് പറഞ്ഞു. ബീഹാറിലെ സമസ്തിപൂരിലുള്ള പോഡാര് ഇന്റര്നാഷണല് സ്കൂളിലെ വിദ്യാര്ത്ഥിയാണ് വൈഭവ്.
സമസ്തിപൂരിലെ പോഡാര് ഇന്റര്നാഷണല് സ്കൂളിലെ ഫീസ് ഘടന അഡ്മിഷന് ഫീസ്, ട്യൂഷന് ഫീസ് എന്നിങ്ങനെ തിരിച്ച് മൂന്ന് തവണകളായാണ് (Instalments) അടയ്ക്കേണ്ടത്. പത്താം ക്ലാസ് സെക്കന്ഡറി വിഭാഗത്തിലാണ് വരുന്നത്. പത്താം ക്ലാസ്സില് പുതുതായി ചേരുന്ന വിദ്യാര്ത്ഥികള്ക്ക് അഡ്മിഷന് ഫീസ് 4,470 രൂപയാണ്. ഇത് അഡ്മിഷന് സമയത്ത് ആദ്യ തവണയ്ക്കൊപ്പം നല്കണം.
അതേസമയം, വൈഭവിനെപ്പോലെയുള്ള പത്താം ക്ലാസ് വിദ്യാര്ത്ഥികള്ക്ക് ഒരു തവണ ട്യൂഷന് ഫീസായി നല്കേണ്ടത് 17,880 രൂപയാണ്. മൂന്ന് തവണകളായി ഈ തുക അടയ്ക്കേണ്ടതിനാല്, പോഡാര് ഇന്റര്നാഷണല് സ്കൂളിലെ ഒരു പത്താം ക്ലാസ് വിദ്യാര്ത്ഥിയുടെ ആകെ ട്യൂഷന് ഫീസ് 53,640 രൂപയാണ്. ഈ ഫീസ് നിരക്ക് നിലവിലുള്ള വിദ്യാര്ത്ഥികള്ക്ക് മാത്രമാണ്. പുതിയ വിദ്യാര്ത്ഥികള്ക്ക് ആദ്യ തവണ 22,350 രൂപയും രണ്ടും മൂന്നും തവണകളില് 17,880 രൂപ വീതവുമാണ് നല്കേണ്ടത്. അതായത് പുതിയ വിദ്യാര്ത്ഥികളുടെ ആകെ ട്യൂഷന് ഫീസ് 58,110 രൂപയാണ്.
വൈഭവ് സ്കൂളില് നിന്ന് അഡ്മിറ്റ് കാര്ഡ് കൈപ്പറ്റിയെന്നും പരീക്ഷയുമായി ബന്ധപ്പെട്ട മറ്റെല്ലാ നടപടിക്രമങ്ങളും പൂര്ത്തിയാക്കിയെന്നും പ്രിന്സിപ്പല് അറിയിച്ചു. ‘വൈഭവ് സൂര്യവംശി ഞങ്ങളുടെ സ്കൂളില് നിന്ന് പത്താം ക്ലാസ് പരീക്ഷ എഴുതും. പരീക്ഷ എഴുതുമ്പോള് അവനു യാതൊരു ബുദ്ധിമുട്ടും ഉണ്ടാകാതിരിക്കാന് ഞങ്ങള് ശ്രദ്ധിക്കു’മെന്നും പ്രിന്സിപ്പല് പറഞ്ഞു.
സിബിഎസ്ഇ 2026 ഡേറ്റ് ഷീറ്റ് പ്രകാരം, വൈഭവിന്റെ പരീക്ഷകള് ഫെബ്രുവരി 17-ന് ആരംഭിച്ച് മാര്ച്ച് 11-ന് അവസാനിക്കും. പ്രധാന പരീക്ഷകള് ഇവയാണ്: ഫെബ്രുവരി 17-ന് മാത്തമാറ്റിക്സ്, ഫെബ്രുവരി 21-ന് ഇംഗ്ലീഷ്, ഫെബ്രുവരി 25-ന് സയന്സ്, മാര്ച്ച് 2-ന് ഹിന്ദി, മാര്ച്ച് 7-ന് സോഷ്യല് സയന്സ്. രാവിലെ 10:30 മുതല് ഉച്ചയ്ക്ക് 1:30 വരെയാണ് പരീക്ഷ നടക്കുന്നത്. 1927-ല് സേത്ത് ആനന്ദിലാല് പോഡാര് സ്ഥാപിച്ച പോഡാര് ഇന്റര്നാഷണല് സ്കൂളുകള്ക്ക് ഇന്ന് ആന്ധ്രാപ്രദേശ്, ബീഹാര്, ഛത്തീസ്ഗഡ്, ഗോവ, ഗുജറാത്ത്, കര്ണാടക, മധ്യപ്രദേശ്, മഹാരാഷ്ട്ര, പഞ്ചാബ്, തെലങ്കാന, പശ്ചിമ ബംഗാള് എന്നീ സംസ്ഥാനങ്ങളില് ശാഖകളുണ്ട്.
‘ന്യൂസ്ദെൻ’ വാട്സ്ആപ് ഗ്രൂപ്പിൽ അംഗമാകു.
#vaibhavsooryavanshi, #rajasthanroyals, #cricketnews, #malayalamnews, #keralanews, #iplnews, #trendingnow, #latestupdates, #cricketlover, #malayalamvartha, #breakingnews #cbseboard, #cbse2026, #class10exams, #boardexams, #educationnews, #podarinternationalschool, #studentlife, #exampreparation, #cbsedatesheet, #schoollife #youngtalent, #inspiration, #cricketandstudies, #biharnews, #samastipur, #risingstar, #youngcricketer, #successstory
