Life Style
-
ആദ്യ ചിത്രത്തിലൂടെ ദേശീയ പുരസ്കാരം, സൂപ്പര്ഹിറ്റ് ചിത്രങ്ങളില് നായിക, തിളങ്ങി നില്ക്കുമ്പോള് വ്യഭിചാര കുറ്റത്തിന് അറസ്റ്റിലായി…
ആദ്യസിനിമ തന്നെ വന്വിജയം. കൂടാതെ മികച്ച ബാലതാരത്തിനുള്ള ദേശീയ പുരസ്കാരവും. ആരും കൊതിക്കുന്ന വിസ്മയ തുടക്കമാണ് നടി ശ്വേതാ ബസു പ്രസാദിന് ലഭിച്ചത്. 2005ല് പുറത്തിറങ്ങിയ ഇഖ്ബാലിലും ബാലതാരമായി അഭിനയിച്ച ശ്വേത 2008ല് കോത ബംഗാരു എന്ന ചിത്രത്തിലൂടെയാണ് തെലുങ്ക് സിനിമയില് അരങ്ങേറിയത്. രാ രാ എന്ന ചിത്രത്തിലൂടെ 2010ല് തമിഴിലും ശ്വേത അഭിനയിച്ചു. 17ാം വയസില് തന്നെ താരറാണിയായ മാറിയ ശ്വേതയുടെ കാസ്കോ, റെയ്ഡ്, കലാവര് കിംഗ് തുടങ്ങിയ ചിത്രങ്ങളും പുറത്തു വന്നു. ഇതില് റെയ്ഡ് വന്വിജയം നേടി. സിനിമയില് തിളങ്ങിനില്ക്കുമ്പോഴാണ് 2014ല് ശ്വേത അറസ്റ്റിലാകുന്നത്. വ്യഭിചാര കുറ്റത്തിന് ഹോട്ടലില് നിന്ന് ശ്വേതയെ പൊലീസ് പിടികൂടുകയായിരുന്നു. രണ്ട് മാസം തടവ് ശിക്ഷ അനുഭവിച്ച ശേഷം 2014 ഡിസംബറില് കുറ്റവിമുക്തയായി. എന്നാല് പഴയ താരപ്രഭയിലേക്ക് തിരിച്ചുവരാന് പിന്നീട് ശ്വേതയ്ക്ക് കഴിഞ്ഞില്ല. പല സിനിമകളിലേക്കും പിന്നീട് ഓഫറുകള് വന്നെങ്കിലും ചിത്രങ്ങള് വിജയം നേടിയില്ല. പിന്നീട് 2017ല് ധര്മ്മ പ്രൊഡക്ഷന്സിന്റെ ബദരീനാഥ് കി ദുല്ഹാനിയ…
Read More » -
ന്യൂസ്മാനോ ബിസിനസുകാരനോ; കൊമ്പുകോര്ത്ത് ട്രംപും റൂപര്ട്ട് മര്ഡോക്കും; മാനനഷ്ടക്കേസ് ഫയല് ചെയ്തിട്ടും ട്രംപിനെ വിടാതെ വാള്സ്ട്രീറ്റ് ജേണല്; ഒരു വാര്ത്തയും നല്കാതെ ഫോക്സ് ന്യൂസ്! എപ്സ്റ്റീന് ഫയല്സിലൂടെ മറനീക്കുന്ന അന്തര്ധാരകള്
ന്യൂയോര്ക്ക്: ലൈംഗിക കുറ്റവാളിയായ ജെഫ്രി എപ്സ്റ്റീനുമായുള്ള ബന്ധത്തെക്കുറിച്ചുള്ള വാള്സ്ട്രീറ്റ് വാര്ത്തയില് കൊമ്പകോര്ക്കാന് അമേരിക്കന് പ്രസിഡന്റ് ഡോണള്ഡ് ട്രംപും മാധ്യമ ടൈക്കൂണ് റൂപര്ട്ട് മര്ഡോക്കും. ഇരുവരും തമ്മിലുള്ള ദീര്ഘകാല ബന്ധം പരീക്ഷിക്കുന്ന തരത്തിലാണ് ഇപ്പോള് കേസിന്റെ പുരോഗതി. ട്രംപ് ദശലക്ഷക്കണക്കിനു ഡോളറിന്റെ മാനനഷ്ടക്കേസ് ഫയല് ചെയ്തിട്ടും മര്ഡോക്കിന്റെ ഉടമസ്ഥതയിലുള്ള വാള്സ്ട്രീറ്റ് ജേണല് തുടര്വാര്ത്തകളില്നിന്ന് പിന്നാക്കം പോയിട്ടില്ല. 2020ലെ പ്രസിഡന്റ് തെരഞ്ഞെടുപ്പില് തോറ്റതിനുശേഷം ട്രംപിന്റെ അനുയായികള് നടത്തിയ യുഎസ് ക്യാപ്പിറ്റോള് ആക്രമണത്തിനു പിന്നാലെ ‘ഞങ്ങള് ട്രംപിന്റെ വ്യക്തിത്വം ഇല്ലാതാക്കും’ എന്ന പറഞ്ഞു മര്ഡോക്ക് ഒരു എക്സിക്യുട്ടീവിന് അയച്ച ഇ-മെയില് വിവാദമായിരുന്നു. ലോകത്തെ ഏറ്റവും വലിയ മാധ്യമ സാമ്രാജ്യം കെട്ടിപ്പടുക്കുന്നതിനിടെ നിരവധി പ്രസിഡന്റുമാരുടെ ചങ്ങാതിയാകാനും ചിലരെ താഴെയിറക്കാനും മര്ഡോക്കിനു കഴിഞ്ഞു. എന്നാല്, ട്രംപിന്റെ കാര്യത്തില് മാത്രം പിഴച്ചു. പരാജയപ്പെട്ട യുഎസ് പ്രസിഡന്റില്നിന്ന് വൈറ്റ് ഹൗസ് തിരികെപ്പിടിച്ച, 132 വര്ഷത്തിനിടെയിലെ ആദ്യ പ്രസിഡന്റായി ട്രംപ് മാറി. പിന്നീടു ക്ലബ് ലോകകപ്പ് ഫൈനല് മുതല് ഓവല് ഓഫീസില്വരെ ട്രംപിന്റെ…
Read More » -
എനിക്കു വാട്സ് ആപ്പ് ഇല്ല; സ്വകാര്യ ചിത്രങ്ങള് പങ്കുവയ്ക്കാനും താത്പര്യമില്ല; ഫഹദ് ഫാസില്; ഉപയോഗിക്കുന്നത് കീപാഡ് ഫോണ്; വില കേട്ടാല് ഞെട്ടും; ‘രണ്ടു വര്ഷത്തിനുള്ളില് ഇ-മെയിലൂടെ മാത്രം ബന്ധപ്പെടാന് കഴിയുന്ന വ്യക്തിയാകും’
കൊച്ചി: കഴിഞ്ഞ ഒരു വര്ഷമായി താന് സ്മാര്ട്ഫോണ് ഉപയോഗിക്കാറില്ലെന്ന് സൂപ്പര്താരം ഫഹദ് ഫാസില്. ‘ദ് ഹോളിവുഡ് റിപ്പോര്ട്ടറി’ന് നല്കിയ അഭിമുഖത്തിലാണ് സോഷ്യല് മീഡിയ ഉപയോഗത്തെ കുറിച്ച് ഫഹദ് മനസ് തുറന്നത്. സ്മാര്ട്ഫോണ് അപ്രധാനമാണെന്നല്ല താന് പറയുന്നതെന്നും ഫോണില് കിട്ടുന്നതെല്ലാം കംപ്യൂട്ടറിലും ഐപാഡിലും കിട്ടുമെന്നും താരം വിശദീകരിച്ചു. മുന്പ് സ്ഥിരമായി സമൂഹമാധ്യമങ്ങള് ഉപയോഗിച്ചിരുന്നു. പക്ഷേ കമന്റുകള്ക്ക് എങ്ങനെ മറുപടി കൊടുക്കുമെന്നോ പോസ്റ്റ് ചെയ്യുന്നതോ കാര്യമായി അറിയില്ലായിരുന്നു. പക്ഷേ അന്നും ഇന്നും തന്റെ വീട്ടില് നിന്ന് ഒരു ചിത്രം പുറത്ത് പോകാതിരിക്കാന്, വ്യക്തി ജീവിതം സ്വകാര്യമായി സൂക്ഷിക്കാന് ശ്രദ്ധിക്കാറുണ്ടെന്നും താരം വെളിപ്പെടുത്തി. കരിയറില് താന് എന്ത് ചെയ്യുന്നുവെന്ന് അറിയിക്കാന് മാത്രമാണ് സമൂഹമാധ്യമങ്ങള് ഉപയോഗിക്കുന്നതെന്നും ഫഹദ് കൂട്ടിച്ചേര്ത്തു. ‘രണ്ടു വര്ഷത്തിനുള്ളില് ആളുകള്ക്ക് ഇമെയില് വഴി മാത്രം ബന്ധപ്പെടാന് പറ്റുന്ന ആളായി മാറണമെന്നാണ് എന്റെ സ്വപ്നമെന്ന് ഞാന് നസ്രിയയോട് പറയാറുണ്ട്’. കൈവശമുള്ള ചെറിയ ഫോണ് ഇത്ര വലിയ ചര്ച്ചയാകുമെന്ന് കരുതിയില്ലെന്നും താരം അഭിമുഖത്തില് വെളിപ്പെടുത്തി. കണ്ടിരിക്കേണ്ട റീല്സ്…
Read More » -
വിഖ്യാത ഡബ്ല്യുഡബ്ല്യുഇ ഗുസ്തി താരം ഹള്ക്ക് ഹോഗന് അന്തരിച്ചു; കോമയിലാണെന്ന അഭ്യൂഹങ്ങള് തള്ളി ഭാര്യ രംഗത്തെത്തിയതിന് പിന്നാലെ മരണം
ഫ്ളോറിഡ: വിഖ്യാത ഡബ്ല്യുഡബ്ല്യുഇ ഗുസ്തി താരം ഹള്ക്ക് ഹോഗന് അന്തരിച്ചു. 71 വയസ്സായിരുന്നു. വ്യാഴാഴ്ച പുലര്ച്ചെ ഫ്ളോറിഡയിലെ ക്ലിയര്വാട്ടറിലുള്ള ഹോഗന്റെ വീട്ടിലായിരുന്നു അന്ത്യം. ഹൃദയസ്തംഭനമാണ് മരണകാരണം എന്നാണ് വിവരം. താരം കോമയിലാണെന്ന അഭ്യൂഹങ്ങള് ഹോഗന്റെ ഭാര്യ സ്കൈ തള്ളിക്കളഞ്ഞ് ആഴ്ചകള് പിന്നിടുമ്പോഴാണ് മരണം. ആഴ്ചകള്ക്ക് മുന്പാണ് ഹള്ക്കിന്റെ ഹൃദയ ശസ്ത്രക്രിയ കഴിഞ്ഞത്. ശസ്ത്രക്രിയ്ക്ക് ശേഷം സുഖം പ്രാപിച്ചുവരുകയാണെന്നും ഭാര്യ അറിയിച്ചിരുന്നു. അതിനിടെ ഈ വര്ഷം ആദ്യം ഗുസ്തി ഇതിഹാസം മരണക്കിടക്കയിലാണെന്നും ശക്തമായ അഭ്യൂഹങ്ങള് പ്രചരിച്ചിരുന്നു. 1980 കളിലും 1990 കളിലും സൂപ്പര്താര പദവിയിലേക്ക് ഉയര്ന്ന ഗുസ്തി താരമാണ് ഹോഗന്. ടെറി ബോളിയ എന്നാണ് എന്നാണ് യഥാര്ഥ നാമം. തന്റെ അതിമാനുഷിക വ്യക്തിത്വം, സമാനതകളില്ലാത്ത ആരാധകവൃന്ദം എന്നിവകൊണ്ട് ഡബ്ല്യുഡബ്ല്യുഇയെ ലോകമെമ്പാടും ജനകീയമാക്കുന്നതില് അദ്ദേഹം പ്രധാന പങ്കുവഹിച്ചു. ഒട്ടേറെ ചാമ്പ്യന്ഷിപ്പുകളും നേടിയിട്ടുണ്ട്.
Read More » -
ഇനി പല്ലില്ലാത്ത മോണകാട്ടി ചിരിയെന്ന വിശേഷണമൊക്കെ പഴമൊഴിയാകും; ഒന്നുപോയാല് അടുത്തത് മുളച്ചുവരും; അതുപോയാല് അടുത്തതും! നിര്ണായക കണ്ടുപിടിത്തത്തിലേക്ക് ചുവടുവച്ച് ജപ്പാന്
ന്യൂയോര്ക്ക്: പല്ല് വേദനയെക്കാള് ഭയാനകമായ ഒന്നുണ്ടോ എന്ന് സംശയമാണ്. പിന്നെ പല്ല് പറിക്കല്, ആ കസേരയിലേക്കുള്ള ഇരുപ്പും, മരവിപ്പിക്കാനുള്ള സൂചിയും, പിന്നെ ‘കടക്ക്’ എന്ന ശബ്ദത്തോടെ നമ്മുടെ ശരീരത്തിന്റെ ഭാഗമായ ഒന്നിനെ അടര്ത്തി മാറ്റുന്നതും… അതൊരു വല്ലാത്ത അനുഭവം തന്നെയാണ്. പല്ല് പോയാലുണ്ടാവുന്ന വിടവ് നമ്മുടെ ചിരിയുടെ ഭംഗി കെടുത്തും, ആത്മവിശ്വാസം കുറയ്ക്കും. പിന്നെ മുന്നിലുള്ള വഴികള് കൃത്രിമപ്പല്ല് വെക്കുക, ബ്രിഡ്ജ് ഇടുക, അല്ലെങ്കില് ഇംപ്ലാന്റ് ചെയ്യുക എന്നിവയാണ്. ഇവയൊന്നും നമ്മുടെ സ്വന്തം പല്ലിന് പകരമാവുകയുമില്ല. എന്നാല്, ഈ അവസ്ഥയ്ക്ക് ഒരു ശാശ്വത പരിഹാരം വന്നാലോ? കൊഴിഞ്ഞുപോയ സ്ഥാനത്ത് പ്രകൃതിദത്തമായ പുതിയൊരു പല്ല് മുളച്ചുവന്നാലോ? സയന്സ് ഫിക്ഷന് സിനിമകളിലെ രംഗം പോലെയുണ്ടല്ലേ? എന്നാല്, സംഗതി സത്യമാണ്! ജപ്പാനിലെ ഒരു സംഘം ശാസ്ത്രജ്ഞര് ചരിത്രത്തിലാദ്യമായി മനുഷ്യരില് നഷ്ടപ്പെട്ട പല്ലുകള് പുനരുജ്ജീവിപ്പിക്കാനുള്ള ഒരു മരുന്ന് വികസിപ്പിച്ചിരിക്കുന്നു. വലിയ വൈദ്യശാസ്ത്ര മുന്നേറ്റങ്ങളിലൊന്നായി ഇത് മാറാന് പോവുകയാണ്. ജപ്പാനിലെ ക്യോട്ടോ യൂണിവേഴ്സിറ്റിയിലെ ഗവേഷകരാണ് ഈ അത്ഭുതത്തിന് പിന്നില്.…
Read More » -
യുപിഐ പേമെന്റുകള്ക്കു ജി.എസ്.ടി. വരുമോ? നിലപാടു വ്യക്തമാക്കി കേന്ദ്രം; 2000 രൂപയ്ക്കു മുകളിലുള്ള ഗൂഗിള് പേ ഇടപാടിന് നികുതി നല്കണമോ എന്ന ചോദ്യം രാജ്യസഭയിലും ചൂടന് ചര്ച്ച
ന്യൂഡല്ഹി: ബില് പേമെന്റുകള്ക്കു കണ്വീനിയന്സ് ഫീസ് ഏര്പ്പെടുത്താനുള്ള നീക്കത്തിനു പിന്നാലെ കൂടുതല് തീരുവകള് വന്നേക്കുമെന്ന സൂചനകള് തള്ളി കേന്ദ്ര സര്ക്കാര്. ഇന്ത്യയില് പണമിടപാടുകള്പോലെ യുപിഐ പേമെന്റുകളും കുതിച്ചുയര്ന്നതോടെയാണു 2000 രൂപയ്ക്കു മുകളിലുള്ള ട്രാന്സാക്്ഷനുകള്ക്ക് നികുതി നല്കേണ്ടിവരുമെന്ന വാര്ത്ത പരന്നത്. എന്നാല്, ഇത്തരമൊരു നീക്കം സര്ക്കാരിന്റെ ഭാഗത്തുനിന്ന് ഉണ്ടാകില്ലെന്നു പാര്ലമെന്റില് വ്യക്തമാക്കി. രാജ്യസഭാ എംപി അനില്കുമാര് യാദവിന്റെ ചോദ്യത്തിനാണ് കൃത്യമായ മറുപടി നല്കിരിക്കുന്നത്. 2000 രൂപയ്ക്കു മുകളിലുള്ള ഇടപാടുകള്ക്കു ജിഎസ് ടി ഏര്പ്പെടുത്താന് നീക്കമുണ്ടോ എന്നായിരുന്നു ചോദ്യം. എന്നാല്, രണ്ടായിരം രൂപയ്ക്കു മുകളിലുള്ള ഇടപാടുകള്ക്കു നികുതി ഏര്പ്പെടുത്താന് നീക്കമില്ലെന്ന് ധനവകുപ്പ് വ്യക്തമാക്കി. നികുതി സംബന്ധിച്ച കാര്യങ്ങളില് തീരുമാനമെടുക്കേണ്ടത് ജിഎസ് ടി കൗണ്സിലാണ്. അവര് ഇത്തരമൊരു നിര്ദേശം നല്കിയിട്ടില്ല. കൗണ്സിലിന്റെ നിര്ദേശം യുപിഐ ഇടപാടുകളുടെ കാര്യത്തില് വന്നിട്ടില്ലെന്നു റവന്യൂ വകുപ്പും പാര്ലമെന്റില് വ്യക്തമാക്കി. നിലവില് വ്യക്തികള് തമ്മില് കൈമാറുന്ന പണത്തിനും വ്യക്തികളും വ്യാപാരികളും തമ്മിലുള്ള യുപിഐ ഇടപാടുകള്ക്കും നികുതി ഏര്പ്പെടുത്തുന്നില്ലെന്നും ധനവകുപ്പ് സഹമന്ത്രി പങ്കജ്…
Read More » -
സിനിമയ്ക്ക് മുന്പ് അധ്യാപകന്; സ്വന്തം ശിഷ്യയെ പ്രണയിച്ചു വിവാഹംചെയ്ത നടന്, ആ പ്രണയനദി ഇപ്പോഴും ഒഴുകിക്കൊണ്ടിരിക്കുന്നു
അലൈപ്പായുതേ സിനിമയിലെ ചുള്ളന് നായകനെ കണ്ട അന്നത്തെ സ്കൂള് വിദ്യാര്ത്ഥിനികള് പോലും ക്രഷ് അടിച്ചു എന്ന് പറയുന്നതില് തെല്ലും അതിശയോക്തിയില്ല. യഥാര്ത്ഥ പ്രായത്തേക്കാളും വളരെ കുറച്ചു മാത്രമേ തോന്നുമായിരുന്നുള്ളൂ എന്നതും അദ്ദേഹത്തിന്റെ മുഖപ്രസന്നതയുടെ പ്രത്യേകതയായിരുന്നു. സിനിമയില് വരും മുന്പ്, വിദ്യാര്ത്ഥികള്ക്ക് ആത്മവിശ്വാസത്തോടു കൂടി സംസാരിക്കാന് പരിശീലനം നല്കുന്ന അധ്യാപകനായിരുന്നു മൃദുഭാഷിയായ അദ്ദേഹം. എന്നാല്, സരിത ബിര്ജെ എന്ന പെണ്കൊടി അദ്ദേഹത്തിന്റെ ജീവിതത്തിന്റെ ഗതിമാറ്റിവിട്ടു. ആ പ്രണയത്തിന് വളരെ രസകരമായ ഒരു തുടക്കത്തിന്റെ കഥയുണ്ട് പറയാന്. ആദ്യത്തെ ജോലി ലഭിച്ചതും നന്ദി പറയാനായി സരിത ഒരു വിരുന്നു സല്ക്കാരം ഒരുക്കിയിരുന്നു. എന്നാല്, ഒരു മെന്ററും വിദ്യാര്ത്ഥിയും എന്നതിനേക്കാള് മറ്റെന്തോ അവര്ക്കിടയില് ഉള്ളതായി ആര്. മാധവനും സരിതയും മനസിലാക്കിയ നിമിഷമായിരുന്നു അത്. എട്ടുവര്ഷങ്ങള്ക്ക് ശേഷം, അവര് പരമ്പരാഗത തമിഴ് ആചാരപ്രകാരം വിവാഹം ചെയ്തു. സരിത അദ്ദേഹത്തിന്റെ ഒപ്പം അഭിനയിക്കുകയോ, സിനിമയുമായി ബന്ധമുള്ള വ്യക്തിയോ അല്ലായിരുന്നു വിവാഹം കഴിഞ്ഞതും മാധവന് സിനിമയിലേക്കുള്ള വഴി തുറന്നതും ഒന്നിച്ചായിരുന്നു.…
Read More » -
ആഡംബരങ്ങളില്ലാത്ത വിഎസ്-വസുമതി വിവാഹം, വ്യത്യസ്തമായ ക്ഷണക്കത്തും; അച്ഛനെ ജയിലില് കണ്ട മക്കള്…
ആലപ്പുഴ കോടംതുരുത്തില് നടന്ന ഒരു യോഗത്തില് ഒരിക്കല് വി.എസ് അച്യുതാനന്ദന് പ്രസംഗിക്കാന് വന്നിരുന്നു. വലിയ ആള്ക്കൂട്ടമുണ്ട് അന്ന് വിഎസിനെ കേള്ക്കാന്. അന്ന് പ്രസംഗം കേള്ക്കാന് നിന്നവരുടെ കൂട്ടത്തില് ആള്ക്കൂട്ടത്തിന് പിന്നില് ഒരു പെണ്കുട്ടി നിന്നിരുന്നു. പാര്ട്ടിയില് മഹിളാ പ്രവര്ത്തകയായി പ്രവര്ത്തിച്ചിരുന്ന വസുമതി. ചേര്ത്തല കുത്തിയതോടിനടുത്ത് കോടംതുരുത്തിലാണ് വസുമതിയുടെ വീട്. പ്രസംഗം കേട്ടുകൊണ്ടിരുന്ന പെണ്കുട്ടിയുടെ അടുത്തേക്ക് പാര്ട്ടിയുടെ പ്രാദേശിക നേതാവായ സഖാവ് ടി.കെ രാമന് വന്ന് ചോദിച്ചു. ‘ എങ്ങനെയുണ്ടായിരുന്നു സഖാവിന്റെ പ്രസംഗം’. നന്നായിരുന്നുവെന്ന് വസുമതി മറുപടിയും നല്കി. അക്കാലത്ത് സെക്കന്തരാബാദ് ഗാന്ധി ഹോസ്പിറ്റലില് നഴ്സിംഗ് പഠനം നടത്തുകയായിരുന്നു വസുമതി. പഠനം കഴിഞ്ഞ് ജോലി തുടങ്ങിയ ഇടയ്ക്ക് ആശുപത്രിയിലേക്ക് സുമതിയുടെ പേരില് വീട്ടില്നിന്ന് ഒരു കമ്പി സന്ദേശം എത്തി. ‘ ഉടന് വീട്ടിലേക്ക് എത്തണം’ എന്നായിരുന്നു സന്ദേശത്തിലുണ്ടായിരുന്നത്. വീട്ടില് എത്തിയപ്പോള് തന്റെ കല്യാണം നിശ്ചയിച്ചുവെന്നും വരന് വിഎസ് അച്യുതാനന്ദനാണെന്നും സുമതി അറിഞ്ഞു. സംഭവമറിഞ്ഞ സുമതിക്ക് ഇഷ്ടക്കേടൊന്നും തോന്നിയില്ല. കാരണം മഹിളാ പ്രവര്ത്തകയായി പാര്ട്ടിയില്…
Read More » -
‘ഉരുളക്കിഴങ്ങു പോലെയല്ല, കിടിലന് വള്ളിച്ചൂരല് പോലെ’; രണ്ടുമാസം കൊണ്ട് കുറച്ചത് 17 കിലോ; അമ്പരപ്പിക്കുന്ന മേക്ക് ഓവറുമായി സര്ഫറാസ് ഖാന്; ഇനി ഫിറ്റ്നെസ് ഇല്ലെന്നു പറഞ്ഞത് തഴയരുതെന്ന് ആരാധകര്
ആഭ്യന്തര ടെസ്റ്റ് ക്രിക്കറ്റിലെ മിന്നുംതാരമാണ് സര്ഫറാസ് ഖാന്. ‘ഉരുളക്കിഴങ്ങ് പോലെ ഉരുണ്ടിരിക്കുന്നു’വെന്ന പരിഹാസങ്ങള്ക്ക് അമ്പരപ്പിക്കുന്ന മെയ്ക്ക് ഓവറിലൂടെ മറുപടി നല്കിയിരിക്കുകയാണ് താരം. വെറും രണ്ടുമാസം കൊണ്ട് 17 കിലോ ഭാരമാണ് സര്ഫറാസ് കുറച്ചത്. ടീ ഷര്ട്ടും ഷോര്ട്സുമണിഞ്ഞ് ജിമ്മില് നിന്നുള്ള ചിത്രം സര്ഫറാസ് പങ്കുവച്ചത് കണ്ടവരെല്ലാം ഞെട്ടി. കഠിനാധ്വാനത്തിന്റെയും നിശ്ചയദാര്ഢ്യത്തിന്റെയും ഫലമാണ് കാണുന്നെതന്നും ഇന്ത്യന് ടീമിലേക്ക് വൈകാതെ സര്ഫറാസിന് മടങ്ങിവരാനാകുമെന്നും ചിത്രം കണ്ട ആരാധകരും കുറിക്കുന്നു. ആഭ്യന്തര ക്രിക്കറ്റില് തകര്പ്പന് പ്രകടനം പുറത്തെടുത്തുവെങ്കിലും സര്ഫറാസിന് ഇംഗ്ലണ്ട് പര്യടനത്തിനുള്ള ഇന്ത്യന്ടീമില് ഇടം കണ്ടെത്താന് കഴിഞ്ഞിരുന്നില്ല. കഴിഞ്ഞ ഫെബ്രുവരിയില് ഇംഗ്ലണ്ടിനെതിരെ തന്നെയായിരന്നു ടെസ്റ്റില് സര്ഫറാസിന്റെ അരങ്ങേറ്റവും. ഫിറ്റ്നസില്ലാത്തതിനാലാണ് സര്ഫറാസ് തഴയപ്പെട്ടതെന്ന് വിമര്ശനവും ഉയര്ന്നിരുന്നു. എന്നാല് ഹര്ഭജന് ഉള്പ്പടെയുള്ള മുതിര്ന്ന താരങ്ങള് സര്ഫറാസിന് ഉറച്ച പിന്തുണയാണ് പ്രഖ്യാപിച്ചത്. കഠിനാധ്വാനം തുടര്ന്നാല് ടീമിലേക്ക് കരുണിനെ പോലെ തിരികെ എത്താമെന്നും ഹര്ഭജന് കൂട്ടിച്ചേര്ത്തിരുന്നു. അതേസമയം, ഫിറ്റ്നസായിരുന്നില്ല സര്ഫറാസിനെ തഴഞ്ഞതിന് കാരണമെന്നും റിപ്പോര്ട്ടുകള് പുറത്തുവന്നിരുന്നു. ബോര്ഡര്–ഗവാസ്കര് പരമ്പരയിലെ ഇന്ത്യയുടെ ദയനീയ…
Read More » -
പുലര്ച്ചെ നാലിന് ഉണരും, ഒരു ഗ്ലാസ് കരിക്കിന് വെള്ളം, നടത്തം, പത്രവായന, കുളി, യോഗ… നിലപാടുകള് പോലെ ജീവിതചിട്ടയിലും കാര്ക്കശ്യം
നിലപാടുകള് പോലെ തന്നെയായിരുന്നു വി.എസിന് ജീവിതചിട്ടയും. ഭക്ഷണത്തിലും വ്യായാമത്തിലുമെല്ലാം കാര്ക്കശ്യക്കാരനായിരുന്നു. ആരോഗ്യമുള്ള അവസാന കാലം വരെയും എത്ര വലിയ തിരക്കുണ്ടെങ്കിലും വ്യായാമത്തിനും യോഗയ്ക്കും മുടക്കം വരുത്താതിരിക്കാന് അദ്ദേഹം ശ്രദ്ധിച്ചു. നടത്തമാണ് വി.എസിന്റെ കരുത്ത്. തൊണ്ണൂറ് കഴിഞ്ഞിട്ടും മുപ്പത്തിന്റെ ചെറുപ്പം കാത്ത് സൂക്ഷിക്കുന്നതില് ഈ നടത്തത്തിന് വലിയ പങ്കുണ്ടെന്ന് വി.എസിന്റെ ജീവിതം സാക്ഷ്യപ്പെടുത്തുന്നു. രാവിലെ നാല് മണിക്ക് ഉണരും. ഒരു ഗ്ലാസ് കരിക്കിന് വെള്ളം. ഒരു മണിക്കൂര് നടത്തം. പത്രവായന, കുളി, യോഗ. ശേഷം പ്രാതല്. വ്യായാമത്തിന്റെ കാര്യത്തില് മാത്രമല്ല ഭക്ഷണത്തിലും കൃത്യമായ രാഷ്ട്രീയം പുലര്ത്തുന്നയാളാണ് വി.എസ്. ദുര്മേദസ്സുണ്ടാക്കുന്ന എല്ലാത്തരം ഭക്ഷണങ്ങളും വേലിക്ക് പുറത്ത് നിര്ത്താന് നിതാന്തശ്രദ്ധ പുലര്ത്തിയിരുന്നു. എത്ര ഇഷ്ടപ്പെട്ട ഭക്ഷണമാണെങ്കിലും കൃത്യമായ അളവില് മാത്രമേ വി.എസ് കഴിക്കാറുള്ളൂ. ഇഡ്ഡലിയായാലും ദോശയായാലും രണ്ടെണ്ണത്തില് കൂടുതല് കഴിക്കാറില്ല. ഉച്ചഭക്ഷണം കൃത്യം ഒരുമണിക്ക്. പച്ചക്കറിയാണ് ഏറെ ഇഷ്ടവിഭവം. രാവിലെ 11നും വൈകുന്നേരം അഞ്ചിനും ഓരോ ഗ്ലാസ് കരിക്കിന്വെള്ളം. വൈകിട്ട് രണ്ട് കഷണം പപ്പായ. ശേഷം…
Read More »