കപ്പയും ബീഫും തട്ട് ദോശയും;കൊതിയൂറും രുചികളുമായി കണ്‍സ്യൂമര്‍ഫെഡിന്‍റെ ന്യായവില കോഫി ഹൗസ്

കപ്പയും ബീഫും തട്ടുദോശയും പുഴുങ്ങിയ മുട്ടയും, ചായയും കടികളും എല്ലാം ഉള്ള ഈ കൊച്ചുകടയില്‍ എത്തുന്നവരുടെ എണ്ണം ദിനം പ്രതി വര്‍ധിച്ചുകൊണ്ടിരിക്കുകയാണ്. കുടുംബങ്ങള്‍ അടക്കമുള്ള സ്ഥിരം ‘കസ്റ്റമേഴ്‌സ്’ ദിവസവും ഇവിടെ പാഴ്‌സല്‍ വാങ്ങാനെത്തുന്നുമുണ്ട്.

രാവിലെ ചായയും കടികളും തയ്യാറാക്കുന്നതിനൊപ്പം തന്നെ ഒരു വശത്ത് കപ്പയും ബീഫും തയ്യാറാക്കാനാരംഭിക്കും.ഉച്ചയ്ക്കു മുൻപ് അവ പായ്ക്ക്‌ ചെയ്ത് വിതരണവും തുടങ്ങും.വൈകുന്നേരത്തോടെ ഈ കൗണ്ടര്‍ ദോശയും ഓംലറ്റുമൊക്കെ കിട്ടുന്ന നാടന്‍ തട്ടുകടയായി രൂപം മാറും.രണ്ടു ഷിഫ്റ്റായിട്ടാണ് ഇവിടെ തൊഴിലാളികൾ ജോലിചെയ്യുന്നത്.