സത്യമാണ്. ഓൺലൈൻ അഗ്രികൾച്ചർ ഗ്രൂപ്പുകൾ ഇന്ന് കേരളത്തിന്റെ കൃഷിയിൽ വലിയതോതിൽ മാറ്റമുണ്ടാക്കുന്നുണ്ട്.അടുക്
കളത്തോട്ടത്തിലോ ടെറസിലോ നട്ടുവളർത്തിയ ചീരയുടെയോ പാവലിന്റെയോ കോവലിന്റെയോ വെണ്ടയുടെയോ,വേണ്ട പറമ്പിലെ കപ്പയുടെയോ വാഴക്കുലയുടെയോ ഫോട്ടോ ഒന്ന് ഫെയ്സ്ബുക്കിൽ പോസ്റ്റ് ചെയ്തു നോക്കൂ.
സംസ്ഥാനത്തിന്റെ പലഭാഗങ്ങളിൽ നിന്നും അതിന് ആവശ്യക്കാരുണ്ടാകും.വിളകൾക്കു മാത്രമല്ല, അതിന്റെ വിത്തുകളും കമ്പുകളുമൊക്കെ ആവശ്യപ്പെട്ടുകൊ
ണ്ടു വരെ.വീട്ടിലേക്ക് ആവശ്യമുള്ളത് എടുത്തശേഷം ബാക്കിയുള്ളത് നിഷ്പ്രയാസം വിൽക്കുവാനും ഇതുവഴി സാധിക്കുന്നു.ഇടനിലക്കാ രുടെ ശല്യവുമില്ല.
ടെറസ്സിലെ പച്ചചക്കറിതോട്ടത്തിൽ നിന്ന് ആഴ്ചയിൽ മാത്രം ഇങ്ങനെ 1000 രൂപയ്ക്കും മുകളിൽ വരുമാനം ഉണ്ടാക്കുന്ന വീട്ടമ്മമാർ ഇന്ന് കേരളത്തിലുണ്ട്.കടകളിൽ നിന്ന് കിട്ടുന്നതിനേക്കാൾ ഗുണനിലവാരമുള്ളവയാകയാൽ(വിഷമടിക്
കാത്ത) ഇത്തരം ഉത്പന്നങ്ങൾക്ക് ആവശ്യക്കാരും ഏറെയാണ്.
സോഷ്യൽ മീഡിയയിലൂടെ ജൈവകർഷകർ പരസ്പരം തിരിച്ചറിഞ്ഞു തുടങ്ങിയതും ശുഭസൂചനയാണ്.അതിന്റെ ഗുണങ്ങൾ കണ്ടുതുടങ്ങിയിട്ടുമുണ്ട്, കഴിഞ്ഞ വർഷം കേരളത്തിലെ മൊത്തം പച്ചക്കറി ഉത്പാദനം പതിനഞ്ചു (14.93) ലക്ഷം ടണ്ണിന് അടുത്തായിരുന്നു. അതിനു മുമ്പുള്ള വർഷങ്ങളിൽ അത് വെറും ആറുലക്ഷം ടണ്ണിനു താഴെ മാത്രവും! .മലയാളി മടി കളഞ്ഞ് സട കുടഞ്ഞ് എഴുന്നേറ്റതിനു പിന്നിൽ സോഷ്യൽ മീഡിയയിലെ കാർഷിക ഗ്രൂപ്പുകളുടെ പങ്ക് ഒട്ടും ചെറുതല്ല എന്ന് സാരം
സോഷ്യല്‍ മീഡിയയിലെ ബഹുഭൂരിപക്ഷം കാർഷിക ഗ്രൂപ്പുകളും ജൈവ കൃഷിയാണ് പിന്തുടരുന്നതും പ്രോത്സാഹിപ്പിക്കുന്നതും.ഇതും മറ്റൊരു വിജയമാണ്.
ഇതൊന്നും കോവിഡുകാലത്ത് പെട്ടെന്നൊരാവേശത്തിന്റെ പേരിൽ പൊട്ടിമുളച്ചതാണെന്ന് ആരും ഓർക്കരുത്.കോവിഡിനും ലോക്ഡൗണിനുമൊക്കെ വളരെ മുമ്പുതന്നെ കാർഷികവൃത്തിയോട് ആഭിമുഖ്യമുള്ള ഇത്തരം കൂട്ടായ്മകള്‍ ഫെയ്‌സ്ബുക്ക് വഴിയും വാട്സാപ്പ് വഴിയും തങ്ങളുടെ കൃഷിയേപ്പറ്റിയും ഉത്പ്പന്നങ്ങളെപ്പറ്റിയുമുള്ള വിവരങ്ങൾ അങ്ങോട്ടുമിങ്ങോട്ടുമൊക്കെ പങ്കുവയ്ക്കുകയും ഉത്പ്പന്നങ്ങളുടെയും വിത്തുകളുടെയും കൊടുക്കൽ വാങ്ങലുകൾ നടത്തുകയും ചെയ്യുന്നുണ്ടായിരുന്നു. എന്നാല്‍ ഇത് വ്യാപകമായി പടരാൻ ലോക്ഡൗണ്‍ ഒരു കാരണമായെന്നത് ശരി തന്നെയാണ്.
കര്‍ഷകര്‍ മാത്രമല്ല,സൂക്ഷ്്മ -ചെറുകിട വ്യാപാരികളും വാട്സാപ്പ്,ഫേസ്ബുക്ക് തുടങ്ങിയവയെ വിപണന മാധ്യമമായി ഇന്ന് ഉപയോഗിച്ചു വരുന്നുണ്ട്.പക്ഷെ പച്ചക്കറികളുടെയും പഴവര്‍ഗ്ഗങ്ങളുടെയും വിപണനത്തിലാണ് ഇത് ഏറ്റവും വിജയകരമായതെന്ന് മാത്രം.
കര്‍ഷകരുടെ സംശയങ്ങള്‍ക്ക് മറുപടി നല്‍കുന്ന സംവിധാനവും നല്ല വിത്തുകളുടെ കൈമാറ്റവും എല്ലാം സോഷ്യൽ മീഡിയ എന്ന സ്വതന്ത്ര മാധ്യമം ഒരുക്കുന്നു.അല്ലെങ്കിൽ ഒരു വലിയ ചന്ത തന്നെയാണ് ഇത്.ഫീസൊന്നും ഈടാക്കാത്ത ആർക്കും എപ്പോഴും കയറിച്ചെല്ലാമെന്ന രീതിയിൽ തുറന്നിട്ടിരിക്കുന്ന ഒരു വലിയ ചന്ത!
