ഈ മത്സരത്തിൽ റെഡ്കാർഡുകൾ കിട്ടിയ മുംബൈ സിറ്റിയുടെ നാല് താരങ്ങൾക്ക് അടുത്ത മത്സരത്തിൽ കളിക്കാനാവില്ല. ഡിസംബർ 24ന് കൊച്ചിയിൽ വച്ച് കേരള ബ്ലാസ്റ്റേഴ്സ് എഫ് സിക്കെതിരെയാണ് മുംബൈ സിറ്റിയുടെ അടുത്ത ഐഎസ്എൽ മത്സരം അരങ്ങേറുന്നത്.
റെഡ് കാർഡുകൾ ലഭിച്ച ഗ്രേഗ് സ്റ്റുവർട്, വിക്രം പ്രതാപ് സിങ്, ആകാശ് മിശ്ര, രാഹുൽ കെകെ എന്നീ നാല് താരങ്ങൾക്കാണ് കേരള ബ്ലാസ്റ്റേഴ്സിനെതിരെയുള്ള അടുത്ത മത്സരത്തിൽ വിട്ട് നിൽക്കേണ്ടി വരുന്നത്.
റെഡ് കാർഡുകൾ ലഭിച്ച നാല് താരങ്ങളെ കൂടാതെ മത്സരത്തിൽ യെല്ലോ കാർഡ് ലഭിച്ച ഗോൾകീപ്പർ ലച്ചംബക്കും കേരള ബ്ലാസ്റ്റേഴ്സിനെതിരായ അടുത്ത മത്സരം നഷ്ടമാവും. ഡിസംബർ 24ന് തങ്ങളുടെ ഹോം ഫാൻസിനൊപ്പം വലിയൊരു അഡ്വാന്റ്റേജ് കൂടി കേരള ബ്ലാസ്റ്റേഴ്സിന് ഇതോടെ ലഭിക്കും.
ഈ സീസണിൽ മുബൈയ്ക്കെതിരായി ഇതിനുമുൻപ് അവരുടെ ഹോം ഗ്രൗണ്ടിൽ കളിച്ച ബ്ലാസ്റ്റേഴ്സ് തോൽക്കുക മാത്രമല്ല, മൂന്നു താരങ്ങൾക്ക് മൂന്നു മത്സരങ്ങളിൽ നിന്ന് സസ്പെൻഷൻ ലഭിക്കുകയും ചെയ്തിരുന്നു.
