അമീബിക് മസ്തിഷ്കജ്വരത്തില് നിന്നും എങ്ങനെ രക്ഷ നേടാം?
സ്വിമ്മിംഗ് പൂളുകളിലെ വെള്ളം നിബന്ധനകള്ക്കനുസരിച്ച് മാറ്റുക, പൂളുകളിലെ വെള്ളം ഇടയ്ക്കിടെ ക്ലോറിനേറ്റ് ചെയ്യുക, നന്നായി പരിപാലിക്കപ്പെടാത്ത സ്വിമ്മിംഗ് പൂളുകള് ഉപയോഗിക്കാതിരിക്കുക, നീന്തുന്നതിനിടെ ശക്തമായി മൂക്കിലേക്ക് വെള്ളം കയറാതിരിക്കാനുള്ള കരുതലോടെ മാത്രം നീന്തല്, ഡൈവിംഗ് എന്നിവയ്ക്ക് മുതിരുക, തല വെള്ളത്തില് മുക്കി വെച്ചു കൊണ്ടുള്ള മുഖം കഴുകല്, അതുപോലെയുള്ള മതപരമായ ചടങ്ങുകള് എന്നിവ ഒഴിവാക്കുക. നസ്യം പോലുള്ള ചികില്സാ രീതികള് ആവശ്യമുണ്ടെങ്കില് അതിന് തിളപ്പിച്ചാറിയ വെള്ളം മാത്രം ഉപയോഗിക്കുക.
മലിനമായ വെള്ളത്തില് മുങ്ങി കുളിക്കുന്നതും, മുഖവും വായും ശുദ്ധമല്ലാത്ത വെള്ളത്തില് കഴുകുന്നതും രോഗം വരുവാൻ കാരണമാകുന്നതിനാല് അത് പൂര്ണ്ണമായും ഒഴിവാക്കുക. മഴ തുടങ്ങുമ്ബോള് ഉറവ എടുക്കുന്ന നീര്ചാലുകളില് കുളിക്കുന്നതും ഒഴിവാക്കുക. മലിനജലം കെട്ടിക്കിടക്കുന്ന സാഹചര്യം ഒഴിവാക്കുക.
ആംഫോട്ടെറിസിൻ ബി, അസിത്രോമൈസിൻ, ഫ്ലൂക്കോണസോള്, റിഫാംപിൻ, മില്റ്റെഫോസിൻ, ഡെക്സമെതസോണ് എന്നിവയുള്പ്പെടെയുള്ള മരുന്നുകളിലൂടെ ഈ രോഗം ചികിത്സിക്കാനാകും. ഈ മരുന്നുകള് ഉപയോഗിക്കുന്നത് നൈഗ്ലേരിയ ഫൗളറിക്കെതിരെ ഫലപ്രദമാണെന്നാണ് ആരോഗ്യവിദഗധരുടെ നിരീക്ഷണം.
ആലപ്പുഴ പാണപ്പള്ളി കിഴക്കേ മായിത്തറ അനില് കുമാറിന്റെയും ശാലിനിയുടെയും മകൻ ഗുരുദത്താണ്(15)ഈ രോഗം ബാധിച്ച് ഇന്ന് മരണപ്പെട്ടത്.
